روايه ياهيه التفت لي واسمع دعاي لك ياهيه

عنوان الموضوع : روايه ياهيه التفت لي واسمع دعاي لك ياهيه
مقدم من طرف منتديات الشامل

السلام عليكم
اخباركم حبايبي اعضاء منتدى الشامل
انا من اشد المعجبين بهذا المنتدى العظيم ومن اكثر الاعضاء حفاظا على دخوله يوميا لكن من دون اي مداخلات تذكر
واليوم ببتدي وياكم روايه
ياهيه التفت لي واسمع دعاي لك ياهيه ** ترى عادك بتشبع من البعد وتواجه

بدون مقدمات بدخل بالقصه على طوول




بدايه عطله الصيف تاريخ 1_7
ضاري قاعد بالبيت زهقان ماله خلق احد
ويرن تلفونه
ضاري : نعم خير وش تبي
فيصل : يالله صباح خير شهالنفسيه الزفت
ضاري : على ما اظن الساعه 8 بالليل بعدين توك تسأل عن ولد اخوك
فيصل : هههههههههه ومعصب وحالتك حاله عشان مادقيت عليك طيب انا برووح للعيال قاعدين بدوانيه عمي تخاويني
ضاري : لا مالي خلق
فيصل:لاتصير بايخ اطلع عشان ماتزهق ووسع خاطرك
ضاري : طيب من اللي هناك ؟
فيصل : العيال كلهم والعيال اللي بقطر داخلين الكويت
ضاري ينقز مو مصدق : قول والله
فيصل : والله يالله اطلع انا براا

(( ضاري عمره 17 سنه خبل اهم شي عنده يضحك واثق من نفسه مملووح والسنه الجايه اخر سنه له بالمدرسه (علمي) ))
(( فيصل عمره 21 سنه خال ضاري وصديق عمره حبوب واهم شي بالدنيا عنده ضاري ))


في السياره
ضاري : السلام عليكم ضرووي المزيوون وصل
فيصل : وعليكم السلام اذا انت مزيون انا شقووول
ضاري : والله انا ما احكم على نفسي مثلك انا الكل يحكم علي
فيصل : لا والله صدق صدق والله ضحكني بعد
ضاري : شفيك مو عاجبك
فيصل : لاعاجبني بس منو الخبل اللي يقول انك مزيون
ضاري : احم احم الصراحه والواقع ....
فيصل يقاطعه : جب جب اكرمنا بسكوتك يا المغرور
ضاري : لاحوول الحين اللي واثق من نفسه مغرور

ويكملووون المووال المعتااد

في مكان ثاني وفي ديره ثانيه


مها : حراام علييج حسي فييه الولد يمووت فييج وانتي مو معبرته
ملاك : مها رجاءا مالج شغل شي يخصني لاتدخليين فييه
مها : ملاك انتي اختي واحبج بس والله بتصرفج هذا راح تخسريين انسان ماكو مثله
ملاك : والله ما اشوووف اللي انا اسويه غلط
مها : كيفج بس ترى بكره بنرووح الكويت
ملاك : ادري وبشوف حبيب القلب
مها : حبيب القلب اللي معذبته وشكله بيشووف غيرج
ملاك : مستحييل
مها : الايام بيننا

(( ملاك عمرها 16 سنه بنت حلووه مؤدبه خبله رومانسيه بس ماتعرف تعبر ))
(( مها اختها الكبيره عمره 20 سنه مخطوبه لولد خالها ))

في الدوانيه بالكويت

ضاري يلعب ورقه ( جنجفه ) مع عبوود وفهد و محمد عيال عمه
ضاري : فهد شسالفتك بتلعب عدل ولا لا
فهد : والله انت الغشيم اللي مو كفو احد يلعب وياااك
يرن تلفون ضاري
شواقه يتصل بك

ضاري : انا غلطان اللي مقابلك ولا انت كفوو ضاري بشحمه ولحمه يلعب وياااك (( ويقوم زعلان
عبوود ميت ضحك : هالولد هذا عجيب احبه ولد عمي هذا لما يعصب
فهد : خل يولي العقيدي


برا قدام البيت

ضاري : هلا حياتي
شوق : هلا فييك ليش ماترد علي من يوووم
ضاري : قاعد عن عيال عمي
شوق : اها عيل يالله اخلييك
ضاري : لا خلاص طلعت
شوق : ضروي حبيبي شفيك متغير علي
ضاري : متغير من اي ناحيه
شوق : تسرح وايد
ضاري : ياتكلمين عدل ياسديه
شوق : اسف صاير تسرح واجد
ضاري : اسرح من كثر الهموم
شوق : وليش ماتفتح قلبك حبي
ضاري عصب : ومن متى انا افتح قلبي واظن هالموضوع منتهين منه
شوق : ضروي حبيبي اذا مافتحت لي قلبك تفتح حق منو
ضاري : شواقه فيصل يناديني اكلمج بعدين
شوق : اوكي حياتي باي
ضاري : باي


بعد يومين

ضاري : مريم
مريم : لبيك
ضاري : فيه احد ولا ادخل
مريم : لاحياااك متغطين
ضاري : السلام عليكم
البنات : وعليكم السلام مرحبا
ضاري : شلونكم
البنات : طيبين انت اخبارك
ضاري : عال العال الحمدلله على السلامه مها (( ويتعمد يتجاهل ملاك ))
مها : الله يسلمك واختي مالها رب
ضاري بأسلوب جاف : هلا ملاك ماشفتك
ملاك بصووت خانقته العبره : لاعادي
ضاري : يالله شكلي مضايق ناس هنا تبون شي
مريم : اقعد ماعليك منهم اللي مو عاجبه يطلع
تقووم ملاك وهي تبكي وتطلع فوق الغرفه
مها : شفييك عليها ياضاري وش اللي غيركم
ضاري وماهو طايق نفسه : مافيني شي ومابيني وبينها شي عشان نتغير
مريم : ضروي حبيبي واضح للكل حبكم لبعض
ضاري : قصدك كان واضح للكل حبي لها وتجاهلها لي
مريم : لا والله انها تحبك بس هي هبله ماتعرف تعبر عن مشاعرها
ضاري : طيب انا طالع اشم هواا

(( مريم عمة ضاري وتحبه حب مو طبيعي واهي اللي مربيته عمرها 27 سنه متزوجه ولد عمها وعندها ولد اسمه عبدالرحمن عمره سنتين ))

يالله ابي اشوووف تفاعلكم عشان اكمل القصه وهذي مقدمه

<center> >>>>> ردود الأعضـــــــــــــــــــاء على الموضوع <<<<<
================================== </center>
ررررررررررررررررررررررروعة

اكمللللللللللللللللللللللللللللل

__________________________________________________ __________
يسلمووو على مرورك اللي بيكووون دفعه معنويه لي

وانتظري التكمله

__________________________________________________ __________
ملاك دشت على خالتها دانه تبكي
دانه : شفيج ملاك من جيتي وانتي متغيره
ملاك : ماتشوفين ولد اخووج اللي متغير علي
دانه : انتي اكثر وحده تعرف شخصيه ضاري
ملاك : حتى لو اهو يدري اني احبه
دانه : ملاك ضاري طيب وحاولي تراضينه
ملاك وهي تبتسم : وهذا اللي محببني فيه


في مكاااان ثاني وبالتحديد على البحر
ضاري قاعد ومتضايق محتاج احد يفهمه بس صعب لان اهو نفسه مو قادر يفهم نفسه بس اللي يعرفه انه محتاج يقعد مع نفسه يراجع حساباته

في الشاليه

محمد : الا اقوول فيصل ضاري وين مابين صار له يومين
عبدالله : انا ملاحظه متغير من ايام الامتحانات
فيصل يحاول يبرر موقف ضاري : لا بس يتدلع شافنا مانسأل عنه
عبدالله : انا اكثر واحد يعرف ضاري ومايتدلع
فيصل : بدق عليه بشووف وينه
عبدالله : طيب
ويدق وماكو رد
فيصل : مايرد
عبدالله : دق عليه مره ثانيه
فيصل : طيب ويحط معاوده الاتصال اليا ويقط التلفووون
بعد 20 دقيقه
محمد : هاه فيصل كلمت ضاري
فيصل : دقيت عليه فوق ال 20 مره مايرد
عبدالله : اكييد فيه شي ولا مو من عادته
فيصل : تعوذوا من ابليس مافيه الا العافيه
عبدالله : انا بطلع اشوووف وينه

ويطلعووون الشباب يدورون له

في البيت
ام ضاري : اقوول ام عبدالرحمن ضاري ماجاء
مريم : بلى جاء بس طلع بسرعه
ام ضاري : دقي عليه شوفي وينه انا ادق مايرد
مريم : ان شاء الله
وتدق ماكوو رد
مريم : مايرد يمكن مع عمه فيصل
ام ضاري : بدق على فيصل
ام ضاري : الو السلام عليكم
فيصل : وعليكم السلام هلا والله ام ضاري
ام ضاري : فيصل ضاري عندك
فيصل : لا والله انا ادوور له وادق عليه مايرد
ام ضاري وبدت تخاف : تكفى فيصل شووف وينه قلبي قارصني على هالولد
فيصل يحاول يهدي مرت اخوووه وهو بنفسه خايف : لاتحاتين مافيه الا العافيه وضاري رجال ماينخاف عليه

في السياره
ضاري قاط تلفونه بالسيت اللي جنبه وحاطه سايلنت لان ماله نفس يكلم احد
وهو مسرع رايح الشاليه لمح تلفونه يشب ويطفي
والتفت يشووف منو اللي يدق
والا قدامه شاحنه متعطله ودش فيها
ووقفوا الناس وخذوه لاقرب مستشفى

وفيصل يدووور في الشوارع يدور ولد اخووه اليتيم وحبيبه ويدق عليه رقم غريب

فيصل : مرحبا
...: السلام عليكم
فيصل وخاف من نبره الصوت : وعليكم السلام منو وياي ؟
...: وياك مستشفى (..) اخوووي تعرف ضاري فارس ال...
فيصل : اي نعم انا عمه خير فيه شي
...: والله ضاري مسووي حادث وياليت تمرنا بأسرع وقت
فيصل : دقايق وجايكم

فيصل يدق على الشباب ويبلغهم ويطيرون على المستشفى

في المستشفى الشباب ينطروون اي خبر عن ضاري

الدكتوور يطلع من الغرفه
الدكتور : وين ولي امر المريض ضاري
فيصل : انا عمه خير شفيه ضاري
الدكتور : الحقيقه مثل ما انت عارف الحادث قوووي وضاري محتاااج كلى بأسرع وقت واي تاخر مو بصالحكم
فيصل دارت فيه الدنيا : طيب دكتووور انا اقدر اتبرع له
الدكتووور : رووح افحص ونشووف
ويفحص فيصل والحمدلله فصيله الدم متطابقه

فيصل : متى نسوي العمليه
الدكتور : باجر الصبح ان شاء الله
فيصل : خير ان شاء الله زين دكتووور فيه شي غير الكلى
الدكتور: فيه رضوض وكسر بأيده اليمنى وجرح عميق فوق عينه
فيصل : لاحوول ولا قوه الا بالله مايستاهل
الدكتور : الحمدلله انه نجا من الحادث
فيصل : الحمدلله على كل حال

فيصل يطلع ويطمن العيال

وهم رادين
ام ضاري تتصل على فيصل
فيصل : هلا ام ضاري
ام ضاري : هلا فيصل طمني
فيصل : والله ما ادري شقولج بس ضاري مسوي حادث والحمدلله مافيه الا العافيه
ام ضاري وهي تبكي : فيصل تكفى ابي اشوف ولدي تكفى ابي ولدي قبل لايلحق ابوووه
فيصل وهو يتذكر المرحوم ابوضاري : ام ضاري هدي والله مافيه الا العافيه
ام ضاري : طيب متى اشوفه
فيصل : بكره العصر انا بوديج له
ام ضاري : طيب
فيصل : يالله باي
ام ضاري : باي

مريم تسأل ام ضاري : شفيه ضرووي ؟
ام ضاري وهي للحين منصدمه : مسوي حادث
مريم : يافديته فيه شي ؟
ام ضاري وتوها تستوعب : فيصل يقول مافيه شي بس لو مافيه شي ليش نايم بالمستشفى
مريم تبي تهدي ام ضاري : ان شاء الله مافيه الا العافيه لاتحاتين


في غرفه البنات
مريم تدش عليهم
مريم : بنات ترى ضاري مسوي حادث واهو بالمستشفى بكره لازم نزوره
دانه وفجر : يمه اسم على الله عليه ولد اخووي
ملاك مدنقه وتبكي بصمت

يوم الاثنين الساعه 8 الصبح موعد العمليه

الساعه 5 العصر فيصل يصحى من المنوم وينادي السستر يبي ماي
وفي نفس الوقت الاهل كلهم عندي ضاري ومايدرون عن فيصل

ام ضاري : يمه اسم الله عليه ولدي شووف وجهه شلون تشووه
ملاك رايح صوتها من البكي : خالتي لاتحاتين مافيه الا العافيه
ضاري يصحى على اصواتهم وينادي : يمه ابي ماي
ام ضاري : ان شاء الله حبيبي بس انت ارتاااح
وتقوم ملاك تصب له ماي
وتعطيه ام ضاري اللي عطته ضاري : اشرب حبيبي
ضاري : لا خلاص ما ابي وهو يطالع ملاك بقهر
قامت دانه وصبت له ماي ثاني وعطته وقام يشرب
وحزت هالحركه بخاطر ملاك

الدكتوور يصووت انه بيدش
ام ضاري : تفضل دكتور
الدكتور : السلام عليكم
ام ضاري وضاري : وعليكم السلام
الدكتوور : اخبارك ضاري
ضاري : الحمدلله تمام
الدكتور : ماتبي تعرف شصار
ضاري : اكييد ابي اعرف
الدكتوور قام يقوله السالفه من جابووه ليما دش العمليات هو وعمه
ام ضاري : يوووه نسيت فيصل
ضاري : فديت عمي الله لايحرمني منه >> وتدمع عينه لاول مره قدام الكل


يالله تفاعلكم مع القصه

__________________________________________________ __________
وآآآو شكــلهـآ خطــيرهـ ..
يـــآليت تنزل الأجــزاء البـآقيه بسووووورعه :)
ويسلممممممممو ع الروايه
تحيـآتي ..،

__________________________________________________ __________