الله يـسـعــد اوقـاتـك بـالـخـيـر يـا اعـز انـسـان
تحـيـة صـادرة مـني لـشـخـصكم واسـتـلمها
بـدايـتـها ونـهـايـتـهـا عـلى بـسـم الله الـرحـمن
ومضمون ثـمـرتـها واضـح والكل يـفـهـمها
واذا شعري ما خدمني في ذالموقف انا خسران
والله لاكـب الشـعـر كـلـه وابـيـاته احـطـمها
اكـيـد الناس بـالناس والـكـل بالله وحـنا اخـوان
وناس تهـضم حـقـوق البـشـر الـكـل لايـمها
مـواقـيت الصلاة تعـرف ولا نصـلي بـدون اذان
ولا فــكـرنـا فـي عـقـارب الـسـاعة نـقـدمها
تـرى حـنا لنا مـبـدء واضح يـنـشـاف بالاعـيان
ونـاس تـعـرف الـواجـب نـقـدرها ونكـرمها
ولـو هـاج الـبحـر كله وبان اللـولـو والمـرجان
مـا تـتـغـيـر مـواقـفـنا ولا نـمـحي مراسـمها
صحيح مـن قال البيوت اسـرار والا انا غـلطان
وبـه اشـيـاء نعـلمها وبه اشـياء الله يعلمها
زلــة قــدم تـخــطــي نعـديـهـا ولا زلــة الـسـان
وكـل يـوزن الـكـلـمـة قـبل غيره يـتـرجـمها
ترى بعض الشجر ما يثمر الا في حـدا الاوطان
وبـعـضهـا مـا يـثـمر الا اغـصـانـه تـقـلـمها
تـرى مـن مـات الكـل مـنا يـدعي لـه بالـغـفـران
والحي ابـقى من المـيـت وناسِِ الله يعـدمها
رقم " 313 " في 02/03/1436هـ
