سيارة للبيع قصة حقيقية

عنوان الموضوع : سيارة للبيع قصة حقيقية
مقدم من طرف منتديات الشامل

السيارة للبيع
جوال : (............................)
كرايسلر موديل 2016
العداد : 79000 كلم
حالة السيارة : على الفحص

كتبت هذه المعلومات وألصقتها على زجاج السيارة الخلفي
فقد نويت بيع سيارتي لغرض تسديد بعض الديون
بين فترة وأخرى يردني اتصال حول التفاوض لشراء السيارة والسعر المطلوب
وحتى الآن لم تصل المفاوضات الى السعر المرغوب
عرضتها في المعارض وصل السعر 70000 ريال
لم يقنعني السعر وكنت أتأمل في 80000 ريال وأكثر
سيارتي نظيفة ولا يوجد بها صدمات ولا عيوب في القير والمكينة
بعد ( 10 ) أيام من عرض السيارة
وردني اتصال ...
- مرحبا
- مرحبا فيك .. كيف حالك .. انت اللي عارض سيارتك للبيع
- نعم
- طيب .. هذي عمتي تبغى تكلمك... [ لكنة المتصل وكأنه من دول أفريقيا ]
( عمته ... وش السالفة ... ) عبارة دارت في ذهني

- الووووه
- مرحبا ..
- مرحبا .. كيف الحال .. انا الحقيقة شفت إعلانك على سيارتك .. وأعجبتني السيارة .. كم عليها ..؟
- والله سيارتي يا طويلة العمر .. سيمت 70000 ريال في المعارض وما بعت ..
- طيب .. انت كم تبي فيها ..؟
- والله انا اطمع انها تصل الى 80000 ريا ل
- طيب ما يخالف انت جبها عندي في القصر .. وان شاء الله ما نختلف ...
- كيييف .. في القصر ..!!!
- ايه .. في القصر .. خذ السواق يوصف لك المكان ....
( وش السالفة يا عالم .. واحد يصحيني من النوم .. )

- ايوه يا عمي ...
- ايوه حبيبي .. وين المكان ..
بعد ما وصف لي المكان .. وعرفت الحي اللي ساكنه فيه هذي الحرمة .. حسيت ان الدعوى كبيرة حبتين ...
- طيب قل لعمتك .. متى اجيكم ...؟؟
بعد فترة مشاورات ..
- تقول لك عمتي .. بكره الساعة 9 بعد صلاة العشاء ...
- اوك .. خلاص .. ان شاء الله .. بكره الساعة 9 أكون عندكم
انتهت المكالمة وبدء عندي مسلسل التخمينات والاحتمالات والأسئلة والتحليلات ..

في اليوم التالي ... ومنذ الصباح وانا أفكر في موعد هذه المرأة .. فقد أشغلتني أيما إشغال ..
فكيف بامرأة تتصل عليّ وتقول انها تبغى تشترى السيارة و تعال في القصر

وش السالفة ..؟؟؟
هل هي معجبة .....
او فعلا هي تبي تشتري السيارة ...
وحدة ساكنة بقصر وش تبغى بسيارة مثل سيارتي .. يمكن تبيها لولدها ... صح يمكن ...
وبعدين ليش ما تشتري سيارة جديدة ...
والله اثاريني خبل .. كيف أوافق على موعد مع حرمة في بيتها ..
وبعدين شراء وبيع السيارات في المعارض ..
احترت من كثر التفكير
المهم .. قبل الموعد بساعتين ..
جلست أتجهز .. رحت للحلاق .. أخذت دش .. تهندمت وتكشخت وتعطرت .. الساعة الان 8 مساءا
موعد الانطلاق ..
ركبت سيارتي واتجهت الى العنوان
وانا في الطريق .. وردني اتصال من نفس الرقم الخاص بالمرأة ..
- الوه ..
- هلا .. حياك الله
- انا عثمان سواق المدام اللي كلمتك أمس
- هلا عثمان ..
- هلا فيك .. عمتي تقول انت جاي اليوم
- ايه نعم .. انا في الطريق
- طيب ..خلاص .. مع السلامة
- مع السلامة ...
هذا الاتصال .. زاد من حيرتي وخفت بعض الشيء
ثم رجعت لنفسي .. وقلت : المسألة فيها [ انّ ]
وش السالفة ...
ودعيت ربي [ اللهم أهدني وسددني ويسر لي أمري ] وكانت كل الاحتمالات مفتوحة عندي ..
وكان أقوها ان هذه المرأة تبي تشتري السيارة فعلا ..
وأضعفها انها معجبة ...
وكانا الاحتمالين لدي محببة
فبيع السيارة مطلب وبسعر معقول
وإعجاب فتاة تسكن في قصر شيء مرغوب ..
وانا في وسط هذه التوجسات والتحليلات ..
وصلت الى القصر ....




يتبع .......

<center> >>>>> ردود الأعضـــــــــــــــــــاء على الموضوع <<<<<
================================== </center>

الحلقة الثانية ..


واااااااااااااو
هذا ليس قصر .. بل تحفة معمارية ....
أول ما وصلت .. وانا قريب من عند الباب
استقبلني رجل أفريقي ..
- نعم يا سيدي
- انا فيصل .. اتصلت ...................
- ايوه .. انت صاحب السيارة
- ايوووه ... انا صاحب السيارة
- طيب دخّل السيارة انا راح افتح لك الكراج ...
- اوك
فتح الكراج وأدخلت السيارة ..
ما هذا ..؟؟؟
يوجد داخل الكراج 4 سيارات كل وحدة أفخم من الثانية ....
مرسيدس – بورش – كاديلاك – وسيارة جمس شكلها للمقناص
المهم .. انا كنت منبهر من كل شيء أراه ..
كبر القصر .. شكله الرائع .. موقعه ..
- مرحبا
- مرحبا فيك
- انا عثمان اللي كلمتك من قبل شوي
- الله يحييك يا عثمان
- تفضل يا طويل العمر
مشيت خلف عثمان .. وانا أرى ما حولي بانبهار ..
نافورة كبيرة تتوسط الممرات
يخيل لي بأنني امشي في إحدى الأماكن السياحية خارج المملكة
تحفة معمارية هندسية - بما تعنيه الكلمة
- عثمان – هذا بيت مين ..؟؟؟
- هذا بيت الشيخ المرحوم / نايف بن سعد
- امممم .. طيب .. اللي اتصلت عليّ مين ..؟؟
- هذي الشيخة / حصة طويلة العمر .. زوجة المرحوم
- امممممممممم ...
على طول راح في ذهني – احتمالات أخرى ... أهمها اني داخل على غنيمة ولازم استغلها ...
- تفضل من هنا يا عمي
- اوك .. عثمان
- تفضل [ هنا ] في الصالة
دخلت .. وانا امشي داخل القصر ..
كأنني أشاهد هذه المسلسلات التي تُظهر بعض القصور بفخامتها وأناقتها .. جلست على الكنب .. وكأنني لأول مرة اجلس على كنب .. اثاري الكنب اللي نجلس عليه مو كنب .. التحف .. الإنارة .. الرخام كل شيء ملفت للانتباه ...
قطعت تأملاتي الخادمة الفلبينية
- وبلكنة مكسرة وبكل أدب قالت ( ايش تشرب ... ؟ )
- شاي ..
- اوك..

بدأت اشعر بالعرق يتصبب مني والقلق والإحراج وانا جالس انتظر .. لا ادري كيف ومن سأقابل ..
هل سأقابل الشيخة / حصة أو سوف أقابل احد أبنائها ...!!؟
بعد دقائق عادت الخادمة ومعها كاس الشاي وبجانبه كاس ماء في أكواب وصحن كريستال والسكر كان له علبة مستقلة
- تفضل
- شكرا .. الله يعطيك العافية
- خدمة ثانية
- لا شكرا ..
جلست انتظر أكثر من 7 دقائق .. وكان نظري يتأمل كل تفاصيل الصالة ..
صالة ..!!!
هذي صالة .. هذي كبر بيتنا ...
ولو أبيع هذي الإكسسوارات واخذ قيمتها كانت تركت الوظيفة ...
قعدت اسولف على نفسي .. وانا أقول : شكلك تحلم يا فيصل ....
وش هذا ..؟؟؟
هذا حلم والاّ علم ....
انقطع تفكيري حينما سمعت صوت ناعم قادم من الدرج ....
- السلام عليكم
التفت الى مصدر الصوت ...
واااااااااااااااااو
ما هذا ....؟؟؟
وش أشوف ..؟؟؟؟
نسيت ان أرد السلام .. وقفت بلا شعور .. وانا أطالع قدوم تلك الإنسانة ...
المشيه كانت بتأني ..
- قلنا السلام عليكم ..
- وعليكم السلام .. اسف
- هههههههههه .. أستريح .. الله يحييك ..
- هلا فيك ( لم ارفع نظري الى وجهها ..)
- وش فيك مستحي ....؟؟؟
-هههاه .. لا .. انا ما نيب مستحي .. انا ملبوخ هههههههههه
- ههههههههههه ... طيب .. انا حصة .. اتصلت عليك أمس علشان موضوع السيارة
- ايه .. السيارة .. !!؟ أي سيارة ....؟؟؟؟!!
- ههههههههههههه لا لا لا .. انت مش ملبوخ وبس ..!! انت شكلك فقدت الذاكرة ..
- الذاكرة .. أي ذاكرة ..؟
- ههههههههههههه .. لا لا لا .. شكلك تحفة ...
- تحفة ... !!! والله مدري مين التحفة ...!!
- اقوووووول ... انا حصة ....!
- الله يحييك يا طويلة العمر ..............
- اقووول انا حصة .. ابيك تعرفني باسمك ..ههههههههههه
- عفوا .. انا مشكلتي غبي .. ومع الغبى منحرج .. اجتمعت ....هههههههه انا اسمي فيصل
- حياك الله يا فيصل ..
- الله يحييك يا طويلة العمر
- وش قصة طويلة العمر ...!!؟
- هههاه ... والله مدري – بس انا متعود اني اقول طويل العمر لاي شخص .. وانتِ أنثى لازم أقول لك طويلة العمر ...
- اوك .. بكيفك ... طيب .. خليني نتكلم في موضوع السيارة ...
- أي سيارة ..!!؟
- اقوووول فيصل .. شكلك اليوم ما نمت زين ...ههههههههههههه
- ايه السيارة .. تفضلي
- كم تبي في السيارة ..؟؟
- والله مثل ما قلت لك في البداية انا أتمنى انها تجيب 80000 ريال
- امممممممممم .. طيب – والله انا ما اعرف أسعار السيارات .. بس لو كانت جديدة كم تسوى
- والله انا شاريها 128000 ريال قبل سنتين
- وما فيها عيوب ..؟؟
- على الفحص .. من الصدام الى الصدام .

- اممم .. وش قلتِ في موضوع السيارة ...
- السيارة يا فيصل غالية .. بكم آخر شيء ...
- والله مثل ما قلتِ لك 80000 ريال .. اعتقد بانه سعر مناسب لي ولك ..
- خلاص راح ادفع فيها 100000 [ مائة الف ] ينفع ..؟؟
- كييييف .. وش تقولين .. [ مائة الف ] اقول لك ابي فيها 80000 وانت تقولين 100 الف
- بكيفي .. انا ابي ادفع في السيارة 100 الف .. انت موافق
- أكيد موافق ..
- يعني تبي تغشني ... هههههههههههه
- كيف اغشك .. اقول لك انا ابي فيها 80 الف .. بس انتِ تقولين 100 .. خير وبركة
- طيب خلاص .... ( وضغطت زر عندها جنب الكرسي ) وبعد ثواني الخادمة عند الكرسي واقفة
- نعم ماما ..
- اتصلي على زكي خليه يجي
( قعدت أفكر في زكي .. مين زكي .. ابنها .. والاّ مين ..)




يتبع .............

__________________________________________________ __________
بعد مراجعة تفاصيل القصة ..
اتضح لي ان هناك تعديل من المشرفين على المنتدى وشطب بعض العبارات بسبب مخالفتها لضوابط المنتدى
وكنت اتمنى ان يكون لي علم بذلك
وان يكون التعديل بأسلوبي حتى لا تفقد التفاصيل تسلسلها ..
ومع احترامي لضوابط وشروط المنتدى
ارى الحاجة الى فتح المجال لطرح الافكار والرؤى
ثم الحكم على المخرج النهائي

تحياتي للجميع

__________________________________________________ __________
السلام عليكم و رحمة الله
بداية موفقة تسجيل متابعة ..

__________________________________________________ __________
*-*




لازم تشويق


شكلي ه ختفي حتي تكتمل الفصوووووول ماا احب الانتظار

اوووو ~فكر فيها*-*

نزلها دفعه وحده

هههههههه~



جميل جدااا بداياااات

صررراحتن بدٲ العقل يشششششتغل*-*

لا تكون ابنها او عمتك في الحلقة الاخيره


هههههههههههه

__________________________________________________ __________
يالله باسم الله الرحمن الرحيم
نبدأ التشويق
دائماً كنت معجبة بأسلوبك ومازلت

متتاااااابعة دووووم

مجموعة انسان
بداية جميلة
واسلوب متناسق وشيق
يثير كثير من التشويق
يالله اخي شد حيلك وكمل لنا قصة
لا تتركنا ننتظر كثيرااااااااااا

ام رزق سلمان