مغامرات بنت تسري تالي اليل - وسام تقدير رائعة
عنوان الموضوع : مغامرات بنت تسري تالي اليل - وسام تقدير رائعة
مقدم من طرف منتديات الشامل
https://upload.te3p.com/uploader/455775/01291210123.gif
دخلت هند على امها وهي جالسه تتابع اخبار سوريا ولسانها يلهث بالدعاء لهم وعلى بشار الكلب
هند تقاطع مناجاة الام لربها يمه يمه يمااااه https://imagecache.te3p.com/imgcache...3675776ba7.gif
والام مع كل كلمه تصدر من هند تأشر براسها يعني فارقي بدعي ماني فاضيه لك قاطعتها هند مره مرتين الثالثه الريموت يرتطم بوجه هند
اح يماااه عورتيني
تستاهلين ماتشوفيني لاهيه وش تبين تقاطعيني وانا ادعي على كلب البعث بشار انتي ماتشوفيه حشر المسلمين
الله ياجعل حشرته في المجاري اللي كان فيها القذافي عاجله غير آجله قولي امين
امين امين بس خليني من بشار يمه تكفين انا طفشانه ابي اطلع شوفي واحد من العيال يطلعنا اي مكان قسم ضايقه فيني الوسيعه
جييعلها تضيق الوسيعه على بشار ومايلقى له حتى جحر ينخش فيه قولي امين
ياليلي ليلاه يا يمه تكفين انا اكلمك ابي اطلع وتكلميني عن بشار الزفت حسي فيني يماااه https://imagecache.te3p.com/imgcache...848f4fb026.gif
وين تطلعين جعلها تطلع روح بشار عسره اخوانك كلاب كنهم بشار الواحد من اكلمه يقعد يتصدد كنه شايف له منكر ويقول مواعد رياجيل عندنا شغل مهم
وهذاني لي اسبوع ابي السوق بروح اجيب لي شوية غريضات ناقصه البيت وماحد وداني استرحمي ربك وروحي صلي ركعتين لله وادعي على بشار ان الله ياخذه ويفك المسلمين من شره
ياسبحان الله يايمه لك ساعتين مقابله التلفزيون وبس تدعين ما شفتك قمتي تصلين ركعتين وانا على طول قلتي لي روحي صلي ركعتين تصرفيني يعني ؟
اقول ورا ماتفارقيني قبل يجيك التلفزيون
خرجت هند من امها وهي تنافخ وتتمتم بكلمات تشابه كلمات الشغالات في حالة التحلطم
دخلت هند لغرفتها وهي متضايقه جدا ومسكت حظها في زاويه وماخلت كلمه خايسه الا قالتها لهذا الحظ الضعيف
امحق حظ علي وامحق اهل مايقدرون النفسيات ياربي انا ليه عايشه بينهم ليه ماطلعت بنت ناس ثانين متحررين وماعندهم عقد
طلعه بس بطلع والله ماطلبت شي محرم بشم هوا بشوف ناس غير اهلي انا عايشه بسجن ولا وشو ياربي وش هالحظ المعفن الي علي
وبينما هند مستمره في وصلة الردح على حظها دخلت عليها الشغاله تقول ماما تحت تقولك قولي امين لانها جالسه تسوي دعاء على بشار
وبسرعة البرق تمسك هند الابجوره وتحذفها على الشغاله وهي تصرخ لكن الشغاله تفادت الضربه وصكت الباب قبل يجيها شي
وبعد ثانيتين تفتح الشغاله الباب وهي تضحك وماما تقولك بعد لاتنسين الركعتين https://imagecache.te3p.com/imgcache...10b48a5e87.gif
صفقت الباب بسرعه وانحاشت تحت قبل تقتلها هند
الطفش والحلطمه والضيقه والنعاس https://www.vb.eqla3.com/images/smilies/019.gif غلب هند وخذت لها نومه طويله وماصحت الا على صوت طنطنت الـ بي بي
شافت الساعه ولا هي 2 بعد منتصف الليل كانت برود كاستات سخيفه وسماجة بعض البنات
خذت ال بي بي معها وهي نازله كانت تسولف للبنات انها توها صاحيه وميته جوع ومتضايقه . نزلت ومالقت احد واعي من اهلها كلهم نايمين راحت للمطبخ تشوف لها شي تاكله
والمطبخ كان منفصل عن البيت الداخلي وهي رايحه صوبه سمعت صوت ضحك وقهقهه عاليه وكأنها لمة شباب والصوت قريب من البيت
اتبعت هند مصدر هذا الصوت لين وصلت عند نهاية حديقتهم وهي تقترب سمعت مجموعة شباب يتآمرون على واحد سكران !! وهم يضحكون عليه وعلى حالته الي شافوه فيها
وفهمت هند من كلامهم ان هذا السكران موجود حاليا وجالس بروحه بزاويه صاده بالحاره وماحوله احد وانه صيده سهله لهم وهم يبون يستهبلون عليه ويجننونه وجالسين يسوون مخططهم
وكان واحد يقول لهم انتو بتستهبلون بكيفكم بس انا ان لقيت معه فلوس ولا شراب باخذهم لي
ويقاطعه واحد من الشباب .
شف اذا تبي الشراب اخذه لكن الفلوس بنتناصفها كلنا
هند وهي تسمعهم طنطن عندها ال بي بي https://imagecache.te3p.com/imgcache...2035cb1e09.gif العيال يقولون لبعض من عنده ذالصوت ؟
كل واحد يقول مو عندي
يله بس اشوف تفاعل انزل الباقي https://chamil.xplainer.net/images/s.../2017/t064.gifhttps://chamil.xplainer.net/images/s.../2017/t064.gif
<center> >>>>> ردود الأعضـــــــــــــــــــاء على الموضوع <<<<<
================================== </center>
واااااااااااااااااااااو حلوة مرة كمليييييييييييييييييييييييييييييها عفية انا اندمجت معاها .............. لاتتأخرين https://chamil.xplainer.net/images/s.../2009/t029.gifhttps://chamil.xplainer.net/images/s.../2009/t029.gif
__________________________________________________ __________
https://chamil.xplainer.net/images/s.../2009/t029.gifوييييييييييييييييييييييييييييييييينج متى تكملينهاhttps://chamil.xplainer.net/images/s.../2009/t029.gif
https://chamil.xplainer.net/images/s.../2009/t052.gifhttps://chamil.xplainer.net/images/s.../2009/t052.gifhttps://chamil.xplainer.net/images/s.../2009/t052.gifhttps://chamil.xplainer.net/images/s.../2009/t052.gifhttps://chamil.xplainer.net/images/s.../2009/t052.gifhttps://chamil.xplainer.net/images/s.../2009/t052.gifhttps://chamil.xplainer.net/images/s.../2009/t052.gifhttps://chamil.xplainer.net/images/s.../2009/t052.gif
__________________________________________________ __________
فديييييييييييتك انتي تستنيني لحد الحين بس ولا يهمك انزلها لعيونك
سواني بس
__________________________________________________ __________
اكتمت جوالها بسرعه https://imagecache.te3p.com/imgcache...3675776ba7.gif وحطته صامت وارسلت لهن وهي تضحك تخيلو يابنات انا الحين جالسه اتصنت على سوالف شباب قريبين من سور حديقتنا وطنطن ال بي بي والشباب اسمعو الصوت وكل واحد يقول مهوب عندي
تحمست وحده من اللسته وقالت انا لو عندك الحين ياهند كان استهبل عليهم وارميهم بحجر ولا اقلد صوت مرعب واشوف وش يسوون
والثانيه تقول حاولي تويقين عليهم وتشوفينهم فيهم احد مزيون ولا كلهم شيون https://imagecache.te3p.com/imgcache...e791fb6da9.gif
ووحده تقول صوريهم مدي يدك من فوق السور وصوريهم لنا
هند . بس بس شكلهم عندهم ميول اجراميه خلوني انقل لكم كل شي يقولونه
كانو البنات يتابعون مع هند التطورات وهي تقول لهم كل الحوار الداير بين العيال
واحد من العيال قالهم شوفو انا بروح من ورا السكران وبجلس احذف عليه زبايل وتراب وحصى وكل شي هو اكيد بيجي يدور الي جالس يحذفه انتو بهذا الوقت دوركم تجون وتفتشون مكانه وتاخذون أي شي بينفعنا فلوس شراب دخان ساعه قلم أي شي أي شي فاهمين
خلاص اجل انت يامتعب تروح من وراه وانا ونايف وناصر الي بنفتش اما انت يا محمد خذ الجوال وصور
خلنا نطقطق عليه بعدين محمد وهو يضحك يقولهم تخيلو ياعيال لو معنا العاب ناريه بعد مانخذ الغنائم نشبها عليه والله ياهو بيطلع مقطع مضحك جدا وننزله باليوتيوب ويصير لنا معجبين ونسويلنا قناة وبعدين نقعد ننزل مقاطع نسوي اننا خايفين عالمجتمع وننصح وننتقد اللله ياعيال والله فكره https://imagecache.te3p.com/imgcache...10b48a5e87.gif
قام متعب وهو ينظر لمحمد نظرات ازدراء اقول يامحمد ماكنك تحمست زياده وشطحت المهم انا بروح اجمع لي كم شي علشان احذف فيه السكران لاتروحون انتظروني هنا دقيقه وجايكم
يالله عجل علينا منتظرينك .
هند بهالوقت ترسل ياحسافه يابنات بيروحون بعد شوي وانا ودي اشوف وش بيسون بالسكران https://imagecache.te3p.com/imgcache...848f4fb026.gif
قهر بعرف وش يسوون
كل البنات يتحسرون معها ودهم يعرفون نهاية سالفة الشباب مع السكران
وحده منهم قالت لها صحي الشغاله وعطيها الجوال تروح تتبعهم وتصورهم واغريها انك بتعطينها فلوس واجد
تحمسن البنات للفكره و يحايلون هند تنفذ طلبهم https://imagecache.te3p.com/imgcache...dd11e9f452.gif
بس يبدو ان هند عندها رأي ثاني وولعت براسها فكره مجنونه قالت لهم انا برب سريع
شغلت تسجيل الصوت بالجوال وتركته في مكانها علشان يسجل حديث العيال في غيابها وراحت تركض متجهه لغرفة الغسيل وبحثت بين الملابس وخذت ثوب وشماغ من ثياب اخوانها
ورجعت للزاويه وهي تلبس الثوب والشماغ وتتلطم فيه لكن صوت الشباب اختفى ومعادهم موجودين بمكانهم خذت جوالها وشغلت التسجيل
تبي تسمع وش قالو او وين بيروحون وكان الصوت مو واضح كثير بس الي عرفته انهم مايمديهم يروحون بعيد
ارسلت يابنات ترقبوا بعد شوي فديو كامل لكل الاحداث برب ولا ترسلون شي عشان ماتقلقوني وبعدين بعلمكم بكل شي
شغلت الكام حق الجوال
وطلعت من بابهم الخلفي بشويش بعد ما تأكدت ان الشارع فاضي ومحد يشوفها وهي طالعه كان المكان مظلم وصمت مخيف راحت للزاويه الي كانو فيها الشباب وهي تصور وتعلق عالفديو وكأنها تصور فلم وثائقي
شوفو اعزائي المشاهدين https://imagecache.te3p.com/imgcache...0d8483ff4e.gif هذا هو مكان التخطيط للإستيلاء على املاك السكران وشوفو هنا زقاره للحين ماطفت يعني لو هالزقاره تجيها هبة هواء وجنبها شي قابل للاشتعال كان احترق بيتنا بسبب استهتار هؤلاء الشباب لكن لن يفلتوا من العقاب تضحك هند وهي تقول هذا التعليق
وانفاسها وصوت خطواتها وضحكتها المكتومه مع منظر الحاره بهذا الوقت المتأخر من الليل كان مرعب شويتين هند تقول انا متحمسه وخايفه بس الاكيد اني ماراح اندم على هالتجربه انا طول اليوم متضايقه ومحد معبرني خلوني اعبر نفسي
انا مادري هم وين راحو ولاني سامعه صوتهم وماعرف من وين ابتدي
بس بستمر بالبحث عنهم وماعتقد انهم ابتعدو كثير واثناء ماهند تكلم الكاميرا و تتجول بين الأزقه والممرات الضيقه تبحث عن الشباب والسكران
والا تسمع صوت واحد يلعن ويسب ويقول من الي جالس يحذفني بالطوب واللهي لا اذبحه دحين مييين الكلب هادا اي اح ازا انتا رجال اطلعلي لاتستخبا زي الحورمه
هند : هذا اكيد صوتهم تسرع بخطواتها والكاميرا تهتز وتقول لا لا هذا اكيد صوت السكران يمكنهم بدو الهجوم عليه انا لازم اركض الحين علشان ألحق عليهم واشوف وش يسون فيه صوت ضحكتها ورجليها وهي تركض والكاميرا تهتز والممر ضيق والمكان مظلم يادوبك فيه اضائة لمبه هنا ولمبه هناك وكل ماله والصوت اقرب اقرب اقرب وفجأه تصدم
في برميل للزباله وتتكرفس عالارض صوت طيحتها أليم ومشهد ارتطام الكاميرا بالارض واضح ومتسجل وصوتها وهي تصرخ وتقول آه كان عالي ويبدو متألمه حيل
وهي تحاول تتغلب على ألمها وتبي تقوم بسرعه قبل احد ينتبه لها وكان الجوال طايح بعيد عنها
وتوها قايمه وتمد يدها تاخذ الجوال من الارض ولا السكران واقف قدامها ويقول هذا انتا ياكلب واللهي لا اوريك ويكسر البطل الي معاه ويلحقها الجوال شغال والكاميرا شغاله صوت صراخ هند وهي تركض منحاشه منه وهو يلحقها ويقول والله لا اقطعك بهذا البطل صوته قريب منها وهي تحاول تكتم صرخاتها لاحد يحس فيها
من صوتها باين انها تبكي وتصرخ وفيه اصوات ثانيه غير صوتها هي والسكران
تسمع هند بعض الكلمات
امسكوه ياعيال امسكوه لايذبحه ويورطنا معه اصوات الشباب وهم ينادون السكران ويلفتون انتباهه لهم وهند ماتدري كم شخص يلحقها لأن الاصوات اكثر من واحد
تركض بأقصى سرعتها لمحت برميل زباله على جنب الممر عدت منه وسحبته بيدها وطيحته بعرض الممر
وثواني وتسمع صوت طيحه عنيفه التفت وراها وهي لازالت تركض شافت السكران طايح بالارض واثنين معاه وواحد يلحقها بأسرع ماعنده وياقربه منها ومابينه وبينها الا كم خطوه
هي شافته قريب منها صرخت يمااااااااه ومع الصرخه الا وهو طامر فوقها وطاح هو وياها عالارض
قام منها وتوه ماسكها بحلقها وبيعطيها بوكس على وجها وهو يقول انت وش تبي لاحقنا هاه ومن انت ؟ بهالوقت الشماغ طاح منها وهي تقول وخر عني ياحيوان وهي تبعد يديه عنها قبل يطقها البكس مسك يديها الثنتين وثبتها وموقادره تتحرك هو يكلمها وهو مصدوم انتي وش تبين لاحقتنا ؟
انا ماني مستوعب وش ذا يابنت تقاطعه الله يخليك الوضع مايسمح تستوعب ولا ماتسوتعب عطني شماغي اتلطم قبل يشوفوني ربعك ووخر عني بقوم بروح قبل يجون
عطني شماغي بسرعه تكفى
قام منها وهو مصدوم وعطاها الشماغ ووقفت وراه وهي تلبس الشماغ وتعدله عليها وتقول له تكفى انا بوجهك امانتك لاتخلي احد منهم يدري فيني وانا وراك تكفى ودني لأهلي او خلني اروح لبيتنا قبل يشوفوني ويلحقوني تكفى طلبتك
وين جوالي عطني جوالي شوفه جنبك طايح بسرعه جيبه
رد عليها وهو يحاول يخفيها وراه ومايخليها تبين للشباب وجوالها بيده الله يلعنك وش مطلعك من بيتكم في ذالحزه انتي ماوراك اهل ؟
وانتبه للجوال وهو بيده ولقى ان الكاميرا شغاله
الله يقلعك وبعد تصورين ! انتي من دازك علينا وش تبين لاحقتنا وليه تصورين انا بفهم وش قصتك انتي
يابن الناس انا ماصورتكم والله ماصورتكم كل شي صار بسرعه وعكس توقعاتي هات جوالي وبروح بيتنا تكفى
ماراح تشوفين جوالك لو تحبين السما انتي مصورتنا
والسكران لايصير فيه شي اتهمونا ان حنا السبب وانتي السبب في الي صاير له
بهاللحظه الشباب متجمعين على السكران وهو طايح وواحد منهم يقول ياعيال مشينا الرجال شكله مصاب واصابته بليغه شوفو دمه وشكثره
لابارك الله فيه من سكران مافي جيبه حتى ريال امشو خلصونا وبين انين وسب من السكران وهو عالارض بحاله يرثى لها باقي الشباب توجهو صوب الولد الي هند متخبيه وراه
هي بصوت كله رعب ورجفه ياويلي جايينا ان شافوني وش بيسوون فيني انا بنحاش منهم وانت امنتك تمنعهم مايلحقوني تكفى
.. الشباب من بعيد صوتهم يقاطع كلام هند مع الولد
هااه يامتعب وش يبي ذا وش عنده كان يلحقنا ؟
متعب يكلم هند بصوت خافت هششششش اسكتي وخليك متخبيه وراي لايحسون فيك قربو منهم وسألو متعب وين راح الرجال ووش يبي كان يلاحقنا ؟ لايكون من خويا السكران
متعب يجاوبهم وهو مرتبك وبيده جوال هند لا لا كان يلاحقنا ويصورنا الكلب بس خذيت الجوال منه قبل يهج
وماقدرت هند تتغلب على خوفها منهم
وتتغافل متعب وتسحب الجوال من يده بحركه خاطفه وتدفعه بقوه بعيد عنها وتهرب بسرعه البرق منهم
متعب يقول للعيال الحقوها مصورتنا هاتو الجوال منها والعيال طارو بين السما والارض والكل يركض وراها ومتعب يقول لهم تراها بنت ياعيال
الكل يركض وراها وهي بأقصى سرعتها تركض وتشوف باب بيتهم قريب
كاميرا الجوال بالكاد تلقط شيء من الحدث شماغ ثوب نعال اسفلت سياره صور متقاطعه واكثر الوقت صوت كاميرا الجوال وهي ترتطم بجسم هند وهي تركض
خطوات تفصلها عن بيتهم وخطوات تفصلها عن الي يلاحقونها
يارب يارب يارب يارب < تمتمة هند وهي واصله يقطع هالتمتمه صوت هند وهي تصدم في باب حديقتهم وتدخل ومايمديها تبي تصك الباب الا واحد منهم مدخل يده ويمنعها ماتقفله
خلت الباب مفتوح ونحاشت لداخل البيت كانت تصعد لغرفتها وهي تنزع عنها الثوب والشماغ قبل يشوفها أي احد بالصدفه دخلت غرفتها وقفلتها عليها وراحت عند الدريشه تستطلع الأمر شافتهم وهم واقفين عند باب الحديقه وهو مفتوح وكأن واحد منهم يتفلت وهم يمسكونه ويهدئونه
فتحت دريشتها شوي تبي تسمع وش يقولون https://imagecache.te3p.com/imgcache...0d8483ff4e.gif
. ياولد اركد خلاص البنت دخلت بيتهم وش نسوي
انتو ماتفهمون البنت مصورتنا بكرا تلقونها منزله الفديو بالانترنت وننفضح
ولو صار شي للسكران بيجرونا كلنا
.لا لا هي كانت تقول لي انها ماصورتنا
وانت مصدقها انا مالي شغل والله ما اخليها ان لو اضطريت اسنتر عند بيتهم لين تجيب الجوال
. ياناصر خلاص مشينا الحين ونفكر بعدين وشلون نجيب منها التصوير امش خلصنا لايطلع علينا احد من اهلها وتكبر السالفه
وقفت هند تراقبهم وهي مرعوبه لايسببون لها مشكله https://imagecache.te3p.com/imgcache...3675776ba7.gif
وبعد فتره قصيره انسحبوا من المكان وانهارت على سريرها وتردد الحمد لله الحمد لله الحمد لله جلست تتفقد اصاباتها
وبعد ما استجمعت انفاسها وهي مستلقيه على سريرها دخلت في نوبة ضحك
ومسكت الجوال وشغلت الفديو وتابعت كل تفاصيله وبعد ماخلص
أرسلت لللسته كلها ضحكه طويله
ههههههههههههههههههههههههههههههههههههههههههههه
وفيس يغمز https://www.vb.eqla3.com/images/smilies/10111.gif
وتسحب لحافها وتندعس بفراشها وتروح عليها نومه https://www.vb.eqla3.com/images/smilies/019.gif
__________________________________________________ __________
من الصباح فيه سياره صغيره واقفه قريب من بيت هند و فيها اثنين وهم متعب وناصر
متعب : وهذا حنا عند بيتهم ماتقول لي وش بنسوي وكيف بنعرف البنت الي مصورتنا لنفرض البيت فيه اكثر من بنت وشلون بنعرفها علمني ياذكي
ناصر : شوف انا من وقت الموقف للحين مانمت وبس افكر مرات اقول بعرفها من زولها ومرات اقول بسأل شغالتهم كم بنت في البيت ومرات تطري علي افكار اقتحم بيتهم والعن والدينها واخذ منها الجوال
بس بالأخير مالقيت الا فكره وحده وهي انه نكتب في ورقه جيبي الجوال بس كلمة جيبي نكتبها كذا جيب / ي علشان لو طاحت الورقه بيدها تعرف ان حنا وراها وراها لين تجيبه وكتابت الكلمه بهالطريقه بتوصلها هي بشكل مباشر بس اهلها بشكل مو مفهوم ونستمر نرسلها يوميا لين تجيبه وعلشان تدري ان حنا مابنخليها بحالها لين تسلمنا الجوال
هاه وش رايك ؟ والله انا رايي انك تشيلها من راسك اذا صار للسكران شي او احد بلغ علينا وكذا نجي نتهمها انها هي السبب
ياغبي وش عقبه تجي تتهمها بعد ماتمسح المقطع او بعد ماتنشره بالنت
ياناصر انا مافهمتك انت ماتبيها تمسحه صح عشانه هو الدليل على انها هي سبب اصابة السكران وماتبيها تنشره كيف تجي طيب ؟ اذا هي نشرته حنا مستفيدين وبيكون الدليل موجود بالنت ومو بس موجود عندها
ياخي انت حمار مع احترامي لك https://imagecache.te3p.com/imgcache...10b48a5e87.gif
طيب يامتعب واذا منتجت الفديو على مزاجها وانشرته بالنت وبتسوي نفسها من المصلحين وان ذالشباب مستهترين بأرواح الناس واخفت الصوت
ومسحت النسخه الاصليه من التصوير ساعتها وش بيكون موقفنا ياحلو؟
يارجال البنت شكلها والله على نياتها وكانت بس تبي تجرب شي جديد بس حظها السيء جاب لها هالموقف وماعتقد انها بتسوي أي شي من الي انت قلته
والله انا ماحط نفسي تحت احتمالات بتسوي ولا ماهي مسويه انا يا ابيض يا اسود
خلنا بس ننتظر اصحاب السيارات الي واقفه عند بيتها يروحون وبطق عليهم الباب واعطيهم الورقه
طال الوقت عليهم وهم ينتظرون بالسياره ومتعب يقول ياناصر تكفى ذبحني النوم وذولا بيطولون اخلص علينا
والله حتى انا ذبحني النوم اصبر شوي وبيطلعون تعرف وقت دوامات
طيب وان ماطلعو ؟
تدري بعد شوي ان ماطلعو بروح اطق عليهم الباب وبعطي الشغاله الورقه وبس ،
طيب وان طلع عليك احد من اهلها مو الشغاله ؟
عادي بسوي نفسي غلطان في البيت وامشي
واجي بوقت ثاني انا والله لأتربص لها واراقبها والله ماخليها تتهنى لين ينتهي هالموضوع
بهالوقت هند لازالت نايمه https://www.vb.eqla3.com/images/smilies/019.gif وشوي و تعزف سنفونية الـ
طررن طررن طررن طررن طررن طررن استلج البلاك بيري https://www.vb.eqla3.com/images/smilies/grins.gif عند راس هند تتقلب بفراشها يمين يسار على امل يسكت من صوته المزعج بس مافيه امل بنات وعندهم علوم وش يسكتهم صحت ومدت يدها على الجوال وشافت ملايين المسجات https://www.vb.eqla3.com/images/smilies/n/sm5.gif
قومي ماصارت نوم – قومي ياحوماره – يابنت قومي عطينا علومك
وش صار- انتي لايكون متي ؟ – لالا يارب ماتموت لين تعلمنا وش صار بالسكران – هند هند هند قوميييييييييييييييييييييييييييي – هند انتي حيه ؟
شافت هند الحماس عند البنات مو طبيعي ارسلت لهم صباح الخير يامزعجات ياقليلات الادب كذا تزعجوني وانا نايمه من بعد ليله أكشنيه https://imagecache.te3p.com/imgcache...e791fb6da9.gif
يووووووه يابنات ياعندي لكن علوم ومقاطع تشيب الراس
بس الحين مالي مزاج بس اصحصح ارد عليكم يالله باااااااي : ) هي قالت باي والجوال صار فيه حفلة شتايم وسب وتسفيل يبونها ترد عليهم
لكن هي طنشتهم
قامت هند من فراشها بتروح تتروش وقبل تدخل للمسبح كانت الشغاله تطق باب الغرفه وهي تقول : ياهند ماما تقولك تعالي للفطور
اوكي قولي بس بتروش عالسريع وبنزل افطر
بعد ماخلصت من حمامها نزلت ولقت امها واخوها نادر يفطرون ويسولفون وكالعاده الام تتكلم بالاخبار والسياسه وتدعي على الاول والتالي ماخلت سفير ولا رئيس ولا جامعه عربيه حتى روسيا وفلاديمير بوتين لحقته وصوبت ناحيته سهام الدعاوي https://www.vb.eqla3.com/images/smilies/icon120.gif
هند : يالله صباح خير يايمه انتي من امس وانتي مستلمه بشار انا ظني هو ماسوى خير بحياته كلها ولا عنده حسنات بس بسبتك انتي جاته حسنات على كل دعاويك ذي عليه نادر يضحك ويقولها يابنت اسكتي بس لجتني من الصبح وهي توصف لي ناس متقطعه ومفرومه وانا اقول لها يايمه بفطر تكفين نشبتي لقمتي بحلقي معاد لي نفس وتقول لي ياوليدي لو انك شفت القصبه الهوائيه الي طايحتن في الشارع مالها والي كان دريت ان راعيها تقطع معاد منه الا قصبته الهوائيه وانا اقول يايمه بس بعرف شي واحد انتي وش دراك انها قصبه هوائيه قالت الا اعرفها كنها اللي الي نغسل به ؟
ضحكوا العيال على امهم وهي اكتفت بنظرات الناقده عليهم وتتحمد الله على نعمة العقل وتوصيهم بالتضرع لله ان يكشف عن سوريا الغمه https://imagecache.te3p.com/imgcache...848f4fb026.gif
وهم جالسين على السفره يفطرون ويسولفون
رن جرس البيت وطلعت الشغاله تشوف من عند الباب وشوي دخلت عليهم وبيدها ورقه بهالوقت هند خلصت من فطورها وصعدت لغرفتها
نادر يسأل الشغاله من عند الباب قالت رجال عطاني هذه الورقه وراح
اخذ الورقه وبدت عليه علامات الاستغراب امه تسأله وش فيك وشفيها ذالورقه
قال والله مادري يايمه فيها بس كلمتين وهي : جيب وشرطه ياء الجوال
( جيب / ي الجوال )
الام : وش ذالحكي ؟ وتلتفت عالشغاله الي معطيك الورقه بنقالي ؟
لا لامو بنقالي سعودي لابس شماغ ملطم ونظارات شمسيه وبسرعه ركب سياره صغيره وراح
قوم يانادر ياولدي شوفه لايكون مسيكين يستعطي ولا خبل مضيع الجاده
يايمه الله اعلم انه غلطان ولا وش ذالكلام الي ماله سنع !
قام نادر وشق الورقه ورماها على السفره وحب راس امه وطلع بيروح للدوام الام تمسك الريموت وتستأنف مشوار الألف ميل بالدعوه https://imagecache.te3p.com/imgcache...0d8483ff4e.gif
هند تراسل صديقاتها وتعلمهم عن مغامرتها الي ماراح تنساها طول عمرها
وهي تحكي لهم الكل متحمس معاها ومع كل تفاصيلها ومومصدقين كيف تجرأت وتنكرت بلبس رجال وطلعت تلحقهم كل البنات متشوقين يشوفون الفديو ويقاطعونها يبون يشوفونها بس هي تتفنن بتشويقهم قبل ترسله لهم
واثناء السوالف سألتها وحده من البنات
طيب ياهند ناويه تكررين المغامره ولا توبه من بعد الي صار لك
هند تجاوبها والله شوفي انا للحين على الرغم من الي صار لي وكنت ممكن انكشف واتورط وتصير لي مشكله كبيره بس والله يابنات اني للحين حاسه بنشوه وسعاده مو طبيعيه وللحين عايشه اللحظه واحس اني بعالم ثاني كل ماتذكرت الموقف تغمرني سعاده غريبه مع ان الموقف مافيه شي يسعد كله رعب بس ماعرف سر شعوري هذا
اعتقد اني يمكن اكررها بس لازم اكون احرص اكثر وما اتهور على قولت المثل مو كل مره تسلم الجره
اقترحت عليها وحده من صديقاتها وقالت لها
وش رايك ياهند تنزلين مغامرتك بصفحتك بتويتر صدقيني انا اضمن لك ان عدد متابعين بيرتفع بشكل كبير
هند : امممممم والله جازت لي الفكره بس المشكله ان بيتنا باين في بعض اللقطات وانا مابي احد يعرف هويتي مهما كان يقولك العالم اصبح قريه صغيره واخواني وجماعتي كلهم عندهم بلوقات وتويتر وفيس بوك مابي اجيب لنفسي المشاكل
ياهند اذا على كذا عادي فيه برامج تقصص لك الفديو وتشيل أي شي ماتبينه منه يعني اللقطات الي بيتكم باين فيها امسحيها
هاه وش قلتي ترا انا متحمسه اكثر منك بس شوفي ان جاتك متابعات وشكثر رشحيني لهم يتابعوني معك هههههههههههه
هند : والله عجبتني الفكره خلاص ببحث عن هالبرامج الي تقولين عنهم وبقطع لقطات بيتنا وبنزل الفديو بصفحتي
وبعد فتره طويله قضوها بالسوالف والضحك استأذنت منهم هند تبي تشتغل على المقطع وتقصصه وكذا
طررن طررن يالله يابنات ادخلو صفحتي شوفوني توي نزلت المقطع بعد ماقصصته وضبطته
شوفوه وسوو له ريتويت علشان ينتشر : )
مع الوقت ومع انتشار المقطع زاد عدد المتابعين لها فيهم الي مشكك انها تكون هي صاحبة التسجيل وفيهم الي هاجمها بـألفاظ قاسيه وجارحه والاغلبيه كانت من المعجبين بجرأتها وغرقوها بكلمات الاعجاب والاطراءات الجميله
الا واحد من شاف المقطع وهو يقول يالبى صوتك يالبى صراخك يالبى ركضك https://imagecache.te3p.com/imgcache...10b48a5e87.gif
اعادت هند نشر كلام هذا الشخص بصفحتها وعلقت عليه بعد ضحكه طويله يابن الناس لبى صوتي وصراخي ماعليه عرفناها بس لبى ركضي هاذي ماقد مرت علي انت شايفني اركض واتهصع واتمايل مثلا ؟
استقعدت له هي وصديقاتها واستهبلو عليه لين كره حياته وقفل صفحته بوجيهم
يوم عن يوم يزيد عدد المتابعين والمطالبين بمغامره ثانيه هند فرحانه بالأصداء على الفديو ووعدت متابعينها بتجربه ثانيه بس لين تشوف الوقت المناسب
بعد ايام بدو المتابعين يشككون في مصداقيتها وان المقطع اصلا مهوب لها وانها مو هي الي كانت تصور
ومع الضغط والتشكيك قالت لهم هند خلاص اليوم بالليل بسجل لكم مقطع وبنزل للحاره وبتشوفون وتصدقون ان انا الي سجلت فديو المغامره
جاتها ردود تشجيع وحماس وانهم ماراح ينامون وبيسهرون ينتظرونها تنزله لهم بنفس الوقت
صديقاتها عالجوال صح كانو متحمسين بس بدت عليهم بعض المخاوف والتوتر
. ياهند ماعليك منهم يشككون ولا لا انتي عارفه وحنا عارفين انك انتي الي مسجلته مافيه داعي تطلعين مره ثانيه احمدي ربك المره الاولى عدت على خير انا خايفه عليك والله مدري ماني مرتاحه
لا ماعليك انا بكون حذره اكثر وبعدين انا اعترف اني كنت متهوره اجل الحق شباب وسكران والله اني موصاحيه : )
بس هالمره لاني لاحقه احد ولا شي بس بصور الحاره ودواعيسها وبسولف بالتصوير بس اثبت لهم انها انا لاتخافين ماراح اتهور ولا بطول هي عشر دقايق بالكثير ومحد بيحس وماراح اطلع الا بعد ما اتأكد ان الكل نايم والحاره هاجده
لاتخافووووووون انا المرأه الحديديه هههههههههههههه
قاطعتها وحده من البنات تسألها إلا ياهند العيال الي كانو يلحقونك معاد شفتيهم ولا جاك منهم خبر ؟
لا وين بشوفهم ولا يجيني منهم خبر خلاص الي صار صار وانتهى وش يبون بعد
والله مدري ياهند انا مستغربه هم كانو لاحقينك للبيت يبون التصوير حتى انتي قلتي لنا كان فيه واحد يتفلت يبي يدخل للبيت بس مسكوه
يعني كان يبي التصوير بقوه لدرجة انه بيدخل بيتكم معقوله رضى وسكت بهالسهوله
صح كلامك انه كان يبي التصوير بأي ثمن بس هو كان خايف لو صار للسكران شي انهم يجرونهم بس هذا حنا لنا كم يوم ولاسمعنا عن جريمة قتل ولا شي يعني الرجال مامات خلاص وش يبي بالتصوير الحين لاهو دليل عليهم ولا اثبات
المهم تحذري وبس وياليت تاخذين معك سكين صغيره سبحان الله ماتدرين تتعرضين لشي يكون وسيله دفاع لك
ضحكت عليها هند وقالت انتي شفيك عايشه جو شيكاغو يابنت الحلال عادي الوضع سهالات https://www.vb.eqla3.com/images/smilies/niark.gif
بهالوقت نادر راجع للبيت ويجلس يسولف مع امه ويسألها عن الاحوال ؟
ابد وانا امك كلنا بخير بس انا اشغلني ذالرجال الي يطق الباب كل يوم ويعطينا الورقه
ولا ادري وش قصده منها !
الله يهديك يايمه انتي اللي تبين تشغلين نفسك الرجال الي قبل كم يوم عطانا ورقه للحين تفكرين فيه ؟
لا ياولدي هو كل يوم يجينا ويعطينا ورقه اجل انت تحسبه بس ذيك المره وخلاص ؟
وشهووووووووووووووو انتي من جدك يمه ؟
أي والله من جدي كل يوم وهو معطينا ورقه !
وينها الاوراق ؟
والله يمك كل ماجابت لي الشغاله ورقه شقيتها ورميتها
ليييييييه يايمه طيب هي نفس الكلام الي انا قريته او مختلف ؟
الا نفس الكلام وانا الي محيرني ليه يكتب جيب / ي وش قصده ؟
بأي وقت تجيكم الورقه ؟
ابد لاطلعت انت من البيت واخوك بعدها بشوي ينطق الباب وتلقى الشغاله الورقه عنده
اسمعي يمه اذا جاء سعود قولي له يجيني بغرفتي ضروري ضروري
ليه وش تبي فيه ؟
لا بس بقوله السالفه وبسأله كم سؤال يمكن صاير بينه وبين اصدقاه شي
انا الحين بصعد غرفتي ومنيب نايم لين يجي حتى لو جا متأخر خليه يجيني
ابشر وانا امك بس ان كنت واعيه وهو جاي قلت له بس ان نمت الشكوى لله ماقدر على السهر تعرفني
خلاص يمه اجل انتي نامي ولاتحاتين انا برسل له الحين يمرني بغرفتي اول مايوصل للبيت
تضايق نادر من السالفه وصعد لغرفته وجلس يفكر بموضوع الورقه
وكعادة هند تقضي اغلب وقتها على النت او البلاك بيري
الساعه الحين 12 ونص منتصف الليل هند بصفحتها تسولف مع المتابعين ويسألونها الساعه كم بتطلع ووش ناويه تسوي وكذا
هند :
شوفو يامتابعيني ياحبايبي الساعه 1 بعد منتصف الليل بستكشف المكان اتأكد ان اخواني كلهم في البيت وكلهم نايمين وامي العزيزه وشغالتنا اللئيمه بعد نايمين هنا استعد للخروج
يعني على الساعه 2 اكون برا اسوار البيت واااااااو وناااااسه
وبعد مرور بعض الوقت من السوالف
هند :
انا برب الحين استعدادات واحماءات تسخييييييين https://www.vb.eqla3.com/images/smilies/S_45.gif
نزلت هند للمطبخ بتسوي لها كابتشينو والقصد انها تستكشف وتشوف من نام ومن للحين واعي وهي في المطبخ تحضر المكونات على الطاوله الي مقابله دريشة المطبخ الي تطل على حديقة البيت وهي مظلمه لمحت راس انسان كأنه يويق عليها من ورا الدريشه وكل ماصدت عن الدريشه طلع الراس وان التفتت عليه يتخبى بسرعه
هند تبحلق عيونها وتسمي بالرحمن https://imagecache.te3p.com/imgcache...3675776ba7.gif وتقرب من مكان السكاكين وتاخذ لها اكبر سكين وتوقف مكانها وعيونها على الدريشه شوي ويجي هالانسان ويوقف بشكل كامل مقابل الدريشه وهي ماتشوف ملامح بس تشوف سواد على هيئة انسان
تجمدت بمكانها وهي تسمي وتكبر وجسمها كله يرجف من الرعب في ثواني يختفي هالانسان وبشكل مفاجئ يدخل عليها المطبخ وبنفس اللحظه تصرخ هند بأعلى صوتها يماااااااااااااااااااااااااااااه ولا هو اخوها سعود فاطس من الضحك عليها وهي علق لسانها الله ياخذك الله ياخذك ياحيوان تقولها وهي تصرخ وتحذفه بأي شي قريب من يدها اسفنجه صحن بياله ياحيوان كان بيوقف قلبي احسبك جني
سعود وهو يضحك يقول لها يعني مسويه قويه وماسكه سكين ويوم دخلت عليك المطبخ قطيتيه على الارض و تصارخين اجل ليه ماخذته من الاول
حرام عليك ياسعود والله جسمي كله يرجف لو انه موقف قلبي وش تسوى عليك انت تعرفني مايخوفني بالدنيا هاذي كلها الا الجن وسوالف الجن ماتشوفني بس اسمي واكبر يوم شفت زولك من ورا الدريشه وكل شوي اقول بيختفي مع التكبير https://imagecache.te3p.com/imgcache...10b48a5e87.gif
طيب انتي وش تسوين بهالوقت المتأخر في المطبخ
ابد اشتهيت لي كابتشينو ونزلت اسوي تبي اسويلك معي ؟
لا لا مابي بس غريبه انتي ماعندك بغرفتك الغلايه والمكونات كلها وش ينزلك بهالليل البهيم https://imagecache.te3p.com/imgcache...0d8483ff4e.gif
ايه عندي بس نص المكونات خالصه من عندي قلت انزل اسوي بالمطبخ
اهااااا طيب تصبحين على خير
وانت من اهله
صعد سعود وراح لغرفة اخوه نادر وهو واقف عالباب قال اذا موضوعك الي تبيني فيه بيطول خلني اروح اتروش واجيك ولا انت فيك نوم وماتقدر تنتظر شوي ؟
قال له نادر لا خلاص روح تروش وانا انتظرك اساسا انا جالس اتابع حلقه محملها على اللاب توب
خلاص اجل شويات وبجيك
راح سعود لغرفته وهند صاعده لغرفتها بعد ماتطمنت ان الشغاله وامها نايمين واخوانها كلهم في البيت
دخلت غرفتها وكانت الساعه تقريبا صارت 1 ونص تشرب الكابتشينو
وتتصفح اليوتيوب وتنتظر الى ان تصير الساعه 2 علشان تكون تطمنت ان الكل نايم وتطلع
صارت الساعه 2 خذت جوالها وطلعت من غرفتها وهي تمشي على اطراف اصابعها راحت صوب غرفة نادر تتسمع اذا فيه صوت او انه لازال واعي بس ماسمعت شي وراحت لغرفة سعود تتسمع من ورا الباب اذا فيه صوت وبعد ماسمعت شي نزلت بشويش وراحت لغرفة الغسيل تبدل فيها ملابسها
بهالوقت سعود طلع من غرفته بعد ما اخذ الشاور وراح لغرفة نادر وصك عليهم الباب
سعود : خير يانادر وش الموضوع الي تبيني فيه ضروري
والله ياسعود انا محتار ومدري وش اقولك بس الوضع غريب صارت سالفه وبشوف وش تحليلك لها ووش رايك فيها بس قبل لا اقولها لك بسألك
انت صاير بينك وبين أي احد تعرفه زعل ولا مشكله ؟
لا الحمد لله لاني زعلان على احد ولا احد زعلان مني والحمد لله ليش ؟
طيب انت احد يطلبك فلوس ؟ او انت ماخذ جوال احد بدون وجه حق ؟
هههههههههههههه اما بدون وجه حق لا ياخي لا احد يطلبني فلوس ولاشي وبعدين وش اللي اخذ جوال بدون وجه حق الحمد لله انا بخير ونعمه وانت شايف عندي بدل الجوال ثلاثه بس ليه وش صاير قول
انا بقولك وش صاير وابي رايك
يالله هات السالفه .
تحت اضائة البيت الخافته والظلام الدامس https://imagecache.te3p.com/imgcache...0d8483ff4e.gif طلعت هند من غرفة الغسيل وهي لابسه الثوب ومتلطمه بالشماغ وجوالها بيدها وبشويش تمشي على جوانب البيت علشان محد يشوفها وصلت للباب الخلفي شغلت الكاميرا ولفتها على وجها وقالت فيكم طرب ؟ فيكم وناسه غمزت للكام وهي تضحك وتقول يلاااااااااااا https://www.vb.eqla3.com/images/smilies/10111.gif
الحين فتحت الباب وبطلع من نفس المكان الي شفتوه بالمقطع الاول وبروح لزاوية تجمع الشباب بس علشان اثبت لكم انه انا الي مسجله المقطع كله
وهي تمشي بخطوات حذره وتتكلم بصوت واطي اعزائي متابعيني بكل مكان https://imagecache.te3p.com/imgcache...10b48a5e87.gif
تشوفون الهدوء والسكينه والصمت المخيف ؟ صح انا بطله قولو صح انا قلبي ميت وقويه وحديديه هههههههههههههههههه صح https://imagecache.te3p.com/imgcache...e791fb6da9.gif انا ما اخاف وانا طالعه بهذا الوقت
تدرون ليش ما اخاف لأني لابسه ثوب وشماغ يعني رجل يمشي بهذا الوقت المتأخر عادي ماعليه خطر بس تخيلوبنت تطلع بهذا الوقت وش بيصير طبعا بتصير حفله صح https://www.vb.eqla3.com/images/smilies/grins.gif
اسفه ياحلوين ماتبون فلسفه وحكي زايد صح تبوني انطم ؟ لحظه لحظه خلوني اقرب الزوم شوي شوفو هالقطوه هناك وش تسوي قطوه تعيث بالبرميل فسادا وشوفوني وانا انكد عليها عيشتها https://imagecache.te3p.com/imgcache...10b48a5e87.gif بجيب لي حصاه علشان احذفها فيها طرااااخ تصفق الحصاه في البرميل القطوه ارتاعت وهربت وهند تركض وراها وهي تضحك وتقول سبحان الله يا اعزائي المشاهدين بالأمس ألاحق بشر واليوم حيوانات بالأمس أطارد سكران واليوم اطارد قطوه معتوهه تنحاش بدون ماتدري وش اللي صاير حتى مالتفتت علي الي حذفها وحرمها من وجبتها وهي تركض تمر لها شايب توه طالع من بيتهم ويبدو انه تروع منها
الله يقلعك يالمهبول احد يطارد له قطوه آخر الليل من انت ولده يالعاهه خلني اعلم ابوك عليك هند فطست من الضحك عليه ووقفت على بعد خطوات منه وتحاول تضخم صوتها كأنها ولد
خير وش تبي يبو ؟
من شاف وجهك ماشاف الخير انت صاحي وش تبي من القطوه ذلحين ؟
مابي شي بس اتسلى مافيني نوم وقلت اطلع اتمشى شوي بس انت ليه معصب ياخي خلك كول
كول ؟ الا كول تبن انا معصب لأنك روعتني توني طالع بأمان الله والا القطوه زارقه قدامي وانت وراها لو انها جات بين رجليني وطرحتني على الارض وتكسرت وش بتستفيد يالداشر
الله يهديك رجال وشكبرك رجل في الدنيا ورجل في الاخره وتتهمني اني داشر وش دليلك اني داشر لاترمي الناس جزافا يا اخي https://www.vb.eqla3.com/images/smilies/038.gif هند بهاللحظه تحاول تكتم ضحكتها وهي تستهبل على الشايب
الشايب يتفحص هند بنظراته ويقول يالله ياربي لاتبلانا لاحول ولا قوه الا بالله الله لايكثركم ويقطع نسلكم يالجنوس يالشواذ
هند انصدمت https://imagecache.te3p.com/imgcache...2035cb1e09.gif وفقعت ضحك عليه وش اللي جنوس عيب عليك وش الحكي ذا
إلا عيب عليك انت يخلقك ربك رجال وانت الا تبي تصير مره انت ماتشوف وقفتك وصوتك وضحكتك وكلامك كيف جايين
الله يقطعكم من الارض يالفاسدين
هند تضحك بشكل متواصل ومو قادره ترد عليه ولا قادره توقف عدل من كثرة الضحك
الشايب : ياويليييييه شوي شوي لاتتقطع من الضحك ياروح اميمتك https://www.vb.eqla3.com/images/smilies/038.gif
تحاول تصلب طولها من الضحك بس علشان مايخرب التصوير
الشايب : ألحين انت تصورني ؟ https://imagecache.te3p.com/imgcache...ef2bbe6089.gif
لا وش ابي فيك اصورك انا بس كنت بقرأ رساله جايتني يالله يالله آسف اذا روعتك وتصبح على خير
وانت من هل الخير يالمهبول
راحت هند وهي فاطسه ضحك وتعلق والله هالشايب تحفه ذبحني ذبحني من الضحك
اجل جنوس وشواذ هههههههههههههههههههههههههه
لا خلاص انا لازم كل يوم اطلع علشان هالشايب https://imagecache.te3p.com/imgcache...e791fb6da9.gif
يالله اعتقد الحين خلص وقتي لازم ارجع للبيت
تمشي هند والبيوت من يمينها ويسارها و وعند احد البيوت واقف هندي يكلم بالجوال وماعليه الا وزره وفنيله قاصره من عند الكرشه تقرب الزوم منه وهي تضحك على جسمه ومنظره المقرف وهو يناظرها ومبحلق عيونه الحمر فيها وتقول له باي ساب بياااا انتا ليش عيونك حمرا سوي يشرب دم مثلا < برود كاست هندي https://www.vb.eqla3.com/images/smilies/grins.gif
سرعت خطواتها قبل يلحقها الهندي ويقتلها من مصالتها وهي بطريقها للبيت شافت اثنين واقفين جنب شجره عند احد البيوت الي مقابله بيتهم وكأنهم متخبين من شي او يراقبون احد لأنه كل شوي واحد يطلع من ورا الشجره ويناظر ويرجع
الي صدم هند ان انظارهم على بيت اهلها خذت لها دقايق ماتدري وش تفكر فيه او وش تسوي ! وش يبون يراقبون بيت اهلها ومنهم ذولا ؟
ماتدري تكمل طريقه ولا توقف بمكانها الي هي فيه لين تتطمن انهم راحو الوقت يمشي ولها الحين تقريبا ثلث ساعه برا البيت واذا بتجلس تنتظر ماتدري لوين الوقت بيوصل
استجمعت نفسها وخذت لها من الأرض حصاة كبيره شوي ومسكتها بيدها في حال صار شي
بسم الله وتوكلت على الله قالتها هند وهي تمشي بنص الشارع وعيونها بجوالها والي مسكته بطريقه وكأنها تقرأ شي منه وانها مو منتبهه للشارع وهي عينها من تحت لتحت على الاثنين الي واقفين هي تمشي وهم بمكانهم وكل ماقربت كانو كأنهم يتجادلون في شي طرت عليها فكره انها تروح صوب بيت جيرانهم وكأنها بتدخله واول ماتقرب منه تنطلق بأقصى سرعتها لبيتهم انحرفت بمشيتها عاليمين وكأنها رايحه لبيت جيرانهم وبهالوقت العيال طلعو من ورا الشجره ويمشون بشويش ويتلفتون يمين ويسار ويقربون منها
لالالالا حرام عليك انا متحمسة وعايشة جو مع القصة اماااانة كملييهااااااا
