رهينة الانتقام ( رواية سعودي) بقلمي

عنوان الموضوع : رهينة الانتقام ( رواية سعودي) بقلمي
مقدم من طرف منتديات الشامل

السلام عليكم ورحمة الله وبركاتة
رهينة الانتقام رواية سعودية انا كاتبتها

راح انزل لكم كل يوم جمعة جزء اذا لقيت منكم تشجيع

اتمنى تنال اعجابكم
ولا تحرموني تفاعلكم معايا


اتبعوني مع الجزء الاول

ملاحظة

انا لا ابيح نشر القصة ابدا

<center> >>>>> ردود الأعضـــــــــــــــــــاء على الموضوع <<<<<
================================== </center>
في بيت من اكبر بيوت السعودية صاحبة يملك ثالث اكبر شركة في البلد
وهذي الشركة في الرياض
خالد في شغله صارم وشديد وحازم ولكن في عايلتة هو الاب الحنون والزوج الرقيق والمتفهم
خالد متزوج بنت عمة منى ومخلف منها 8 اولاد وبنت وحده
خالد ينادوه ابو محمد لان كبير اولادة اسمة محمد
محمد شاب عمرة 28 سنة متخرج من جامعة البترول وعلشان رغبه ابوة هو اشتغل في شركتهم ومحمد سند ابوة في كل شي ودراعة اليمين اللي مايستغني عنها خالد في الشغل والبيت وهو لد طيوب وهادي واهم شي عندة رضا ابوة وامة
والثاني فيصل وعمرة 27 سنة وهذا بعد متخرج من كلية الملك عبد العزيز وبعد يشتغل في الشركة ويعتمد علية ابوة بس مو مثل محمد لان فيصل عصبي بقوة بس طيوب وكريم بقوة
والثالث احمد وعمرة 26 سنة واحمد صار له سنة من تخرج من كلية الطب ويشتغل في مستشفى طبيب جراح وهذا همة بس متابعة الاخبار الطبية ومايقرا الا مجلات طبية ولا عنده هوايات وميول الشباب بالمرة
والرابع سعود 25 سنة وهو مدرس كيمياء في مدرسة حكومية في الرياض وهذا متزن بحكم انة مدرس وملتزم اكثر واحد باخوانه هو اكثر واحد يحب اختة ويلبي طلباتها على الحاضر
والخامس تركي وعمرة 24 سنة وهذا كمان متخرج من معهد الادارة ويشتغل كمان مع ابوة وهذا ابوة مخلية حق تعاملاتهم الخارجية اللي في الشغل بس تركي مجنون كوره ويشجع النادي الهلالي بقوة ويحضر كل مبارياته اذا ماكان عندة شغل
والسادس امجد 23 سنة بس هذا لسة يدرس في جامعة الملك سعود ومتعلق بقوة في اخوة مهند ومهند متعلق فية اخوتهم مضرب مثل كل واحد روحة في الثاني
السابع مهند 22 سنة وهذا بعد لسة يدرس في معهد الادراة ويبغى يتخرج ويشتغل في شركة ابوه وطول وقتة مع اخوة امجد كانهم توم
والثامن نواف اخر عنقود الاولاد وعمرة 21 سنة بس هذا اللي طلع خايب بين اخوانة لانة للحين ماتخرج من ثانوي وهذا مايبغى يدرس بس يبغى يطلع مع الشباب للتفحيط والهجولة ومشكلة هالولد انة يحب المظاهر يعني اخر ساعة سيارة اخر موديل اشياء مثل كذا ولانة اخر اولاد ماينرفض له طلب اذا ماكان يضر فية
والبنت الوحيدة عند بو محمد ريمان 19 سنة وتدرس في الجامعة سنة اولى انجليزي
طبعا هذي البنت مدلعة لانها وحيدة ومدلعة من ابوها وامها واخوانها ماعدا نواف لانها يغار منها
وهي بنت هادية وناعمة وجميلة ومرحة بيضاء وشعرها اسود ولاخر ظهرها وملامحها جميلة بقوة و معتدلة الطول ونحيفة وتحب تطلع السوق والقعده على النت
طبعا ابو محمد على كثر ماكان يحب البزارين كان هو وحرمتة كل سنة تخلف واحد
وبعد الولد الرابع كانو يبغو بنت ماجات ابو محمد قرر انة يضل يخلف لحد ماتجية بنت وكل مرة يجية ولد كان يحمد لله بس كان يتمنى اللي بعده بنت لحد ماجات ريمان وقرت عين ابوها فيها
طبعا هالعائلة مرة حلوة متكاتفة وخالد متفرغ لاودلاة لانة كان وحيد امة ابوة وتيتم من ضغر علشان كذا هو بنى نفسة بنفسة صعوبة الحياه خلت منة رجال مايهزة شي واسس له شركة من ورث ابوة اللي حفضة لة عمة وابو حرمتة
وخالد ماتزوج منى الا بعد قصة حب طاهرة وبمعرفة ابوها وامها
منى اللي تزوجت ولد عمها وكان عمرها 23 سنة وبعد قصة حب كانت هي وحده من بيت ست اخوات واخوين بس
وكانت عايلة مرة زينة بس ابوها كان عصبي لكن يعرف يتعامل ويحترم الغير وبعد هو توفى بعد زواج بنتة بتسع سنوات وبعد مازوج كل بناتة واولادة
خالد كانت علاقتة بعيال عمة قوية لانة عاش معاهم بعد وفاه ابوة
وخالد وعايلتة يعيشون في بيت كبير وفخم وراقي يعني خدم وحشم وع هذا كان خالد ماياكل الا طبخ منى
ومنى ماكانت تخلي الشغالات يطبخون لانها ماتثق فيهم وكمان رفم انها جابت 8 اولاد كل سنة واحد الا انها هي وخالد ربوهم ولا خلو الشغالات يساعدونهم حتى في التربية من حبهم لهم وخوفهم عليهم
طبعا كان ريمان لحالها في غرفة وغرفتها كانت كبيرة بس مو مرة واثاثها كان مرة ناعم وبنوتي بقوة
اما باقي الاولاد فهم كل اثنين في غرفة
ماعدا محمد ونواف فكل واحد في غرفة
فكان فيصل واحمد في غرفة وتبعها حمامها الخاص
وتركي وسعود في غرفة وكمان تبعها حمامها الخاص
ووامجد ومهند في غرفة وكمان معاها حمامها
ومحمد لانة الكبير كانت له غرفتة الخاصة
ونواف لانه يغار من اختة مارضى الا بغرفة لحاله وهذا تعريف العائلة كلها
كل يوم بعد اذان الفجر يصحى خالد ويصيحي حرمتة وعياله وبنتة للصلاة
وكلهم يصحون ويصلون ويرجعون ينامون الا خالد ومنى يبقو صاحيين وياخدون النهار من اولة ياكلون لهم كم تمرة اوفنجال قهوة ولا يفطرون الا اذا صحوا العيال لان خالد كان مهتم انة يلم عياله على كل وجبة
على الساعة ستة ونص الصباح يصحون العيال محمد وفيصل وتركي علشان يروحون مع ابوهم الشركة
ونواف علشان يروح المدرسة وامجد ومهند علشان دراستهم واحمد علشان دوامة في المستشفى وسعود اللي كان ياخد اخوة معاه نواف لانة يشتغل في المدرسة اللي يدرس فيها اخوة وكمان ريمان علشان تروح جامعتها ومحاضراتها وطبعا اللي يوصل ريمان الجامعة اخوها سعود لانة على قد مايحبها ماكان يرضى انها تروح مع السايق وهو موجود
ويلتمون كلهم على الطاولة ويفطرون فطور محترم وماكانت منى ترضى ان احد من عيالها يطلع من غير فطور تقلب الدنيا ودائما على لسانها افطر فطور ملك وتغدى غدا وزير وتعشى عشى فقير
بعد مايروحون كلا على دوامة ودراستة تجلس منى تنظف الغرف مع الخدامات علشان تراقبهم زين
ومنها تعرف ايش يصير مع عيالها يعني علشان لو صار شي تقدر تساعدهم وتدخل غرفهم كلهم عادي وتطلع عادي الا غرفة نواف اذا دخلت كانها داخلة فيلم رعب على كل جدار صور رعب بقوة وكمان تفحيط ودائما عنده سي دي تفحيط اشرطة اغاني حق مغنين سعوديين وهي خايفة على هالولد اكثر شي لانة يحب هالاشياء
بعد غرفة نواف تدخل غرفة ريمان اللي داااااائما تكون مرتبة ومنظفة وكل شي بمكانة <<< بنوتة مو ولد اللي غرفهم معفوسة
وبعدها تروح المطبخ علشان تعرف اش تسوي غدا وهذا روتين منى اليومي في الفترة الصباحية
ابو محمد ومحمد وفيصل وتركي مع ابوهم في الشركة وكل واحد في شغلة ويلتقون بين فترة والثانية لحد مايخلص الدوام الساعة 2 الظهر
سعود ونواف يرجعون بعد مايخلصون الدوام المدرسي يعني على الساعة 1 هم في البيت
وامجد ومهند اللي يخلصون الساعة 2 ويرجعون على طول البيت
اما ريمان تخلص على الساعة ثلاث بعدها يروح سعود يجيبها من الجامعة بعد مايكون نام ساعتين من رجعتة من الدوام
والساعة 3 وشوي تكون العائلة كلها مجتمعة على سفرة الغدا والكل ياكل لان الاكل لذيذ مدام من طبخ الشيف منى ولان بعد الكل يكون جيعان واكلتهم من الفطور وخالد كل ماشاف عيالة ياكلون يقول ياحلاة لمة العايلة على السفرة
وياحلاة لقمة الحلال اللي الواحد ياكلة بتعبة ويحمد ربة
بعد الغدا خالد ومنى لازم يشربون شاي واياهم محمد وتركي
على الساعة اربعة ينامون العيال كلهم ويصحون قبل صلاة المغرب
ويرجعوا يجتمعوا على العشا وبعدها كل واحد يتصرف باللي يبغاه
بس الساعة 11 كل العيال تكون في الليل واللي يتاخر ياكل تهزيبة محترمة
طبعا والي تبقى في البيت مع امها هي البنت الوحيدة ريمان واذا طلعت منى كانت ريمان تقعد على النت ولا تكلم وحده من صاحبتها او اذا سعود موجود ياخدها ويروح يتمشى معاها ويغيروا جو ويرجعوا
ويوم الجمعة هو اليوم الوحيد اللي تكون العايلة كلها عندها اجازة
هذا اليوم يقضية خالد مع عايلتة يعاينهم ويعرف مشاكلهم ويساعدهم في حلها لكن مايفرض عليهم راية بس يعرضة ويخلي ولده يتصرف علشان لايكسر شخصيتهم او يتحكم ويتسلط عليهم
يوم الجمعة الليل خالد كان قاعد مع عيالة كلهم في المجلس وياه منى وريمان
ريمان اللي كانت تصب الشاي والقهوة وتقدمة صبت الشاي وودتة لبوها وقال له : سم بابا
قال لها : سم الله عداك يانظر عيني
وقدمت لامها وقالت لها : سمي ماما
قال لها امها : سم الله عداك يا قلبي
وكمان قدمتة لهم كلهم وكلهم يقولون لها سم الله عداك الا نواف
كان يقول لها سمك الله بس بالمزح طبعا
وتمر الايام على هالعايلة وهم يتماسكون اكثر
وقربت الاختبارات والكل خايف
والكل يذاكر
امجد ومهند ونواف وريمان كلهم يذاكرون
يمر عليهم ابوهم اول مايجي من الدوام يدخل غرفة امجد ومهند بعد مايدق الباب ويفتح الباب
بو محمد: السلام عليكم
امجد ومهند: وعليكم السلام ويقمون لابوهم ويحبون راسة
بو محمد: الله يرضى عليكم ها وش سويتو في الاختبار؟
امجد: انا اختباري حلو اليوم
مهند: انا بعد زين اليوم
بو محمد: الله يوفقكم يارب و ينجحكم وتتخرجوا وترفعون راسي
مهند وامجد: يارب الله كريم يبة
بو محمد: اجل انا بخليكم وانتو ذاكرو واذا ناقصكم أي شي قولو لي وانا حاضر
مهند: تسلم يبة
امجد: الله يطول في عمرك يالغالي
بو محمد: الله يحفظكم انا استأذن اللحين وانتو ذاكروا يالله اشوفكم على الغدا بعد شوية
امجد ومهند: ان شاء الله يبة
ويطلع من غرفتهم ويروح غرفة ريمان ويدق الباب
ترد ريمان : تفضل
بو محمد: يابعد حيي هالحس الله لايحرمني منك ياعمري
ريمان : هلا بابا وتحب راسة ويدة
بو محمد: الله يرضى عليك ها يبة وش سويتي اليوم ؟
ريمان: الحمد لله كويس مرة
بو محمد : وبكرا وش اختبارك؟
ريمان :آآآآآه يابا بكرا اختباري صعب بس انت ادعي لي
بو محمد :من عيوني الله يوفقك يارب وتنجحي وتجيبي لي شهاده تخرجك بعد
ريمان: آمين وقامت حضنت ابوها
بو محمد : يابعد روحي ناقصك شي يبة؟
ريمان : لا بابا سلامتك وطول عمرك
بو محمد : الله يحفظك يالله يابنتي انا بخليكي بروح لنواف وبعد شوي انزلي تغدي
ريمان: ان شاء الله بابا من عيوني
بو محمد: تسلم عيونك
ويطلع بو محمد ويرح غرفة نواف بي مايدق الباب يدخل كذا فجاءه
نواف : يبة هلا
بو محمد: هلا فيك اخبارك؟
نواف: انا؟
بو محمد : لا ولد الجيران اكيد انت
نواف: انا بخير يبة
بو محمد وهو رافع حاجب من حواجبة: وش سويت في الاختبار؟
نواف ووجهة متغيرة الوانة: مرة زين
بو محمد وباين انة مو مصدق: يعني انت السنة بتتخرج وتجيب 100%؟
نواف: لايبة انزل شوي اكيد
بو محمد : شوي؟ اخوفي تعيد السنة بعد
نواف : لايبة ا ن شاء الله انجح
بو محمد : لان النجاح مايبغا له تعب ياوليدي انتبة لدراستك وخل عنك هالهجولة ترى مابتنفعك في شي انت انجح وجايتك اجازة طويلة وهجول على راحتك
نواف : ان شاء الله
بو محمد : شوف يانواف اختك اضغر منك دخلت الجامعة انت بعدك يعني لمتى؟
نواف: لين الله يكتب لي
بو محمد : نواف السنة اذا رسبت باخد السيارة و الابتوب وممنوع تطلع من البيت وانت تعرفني لين قلت كلمة اسويها
نواف بعد ماتغير وجهه: ها انزين يبة
بو محمد: شد حيلك وخل الباقي على ربك بس مو تخلي كل شي على ربك وانت ماتذاكر ابد
نواف : ا ن شاء الله يبة
بو محمد: طيب يالله اطفي هالاجهزة وقوم ذاكر
نواف: انا باذكر بعد الغدا لان مااعرف اذاكر وانا جوعان
بو محمد: لانك تذاكر كثير تحتاج لطاقة ماشا ءالله عليك كتبك مقلعة من كثر المذاكرة
نواف: وش اسوي يبة احب العلم
بو محمد: اجل ماادري من اللي كتبة جديدة حتى الاسم مايكتب عليها
نواف : هذي ريمان يبة
بو محمد: ريمي ليتك تصير مثلها لو نصها على الاقل بس وين
نواف : هي بنت وانا ولد
بو محمد: وش تفرق اللي يبغى يدرس وينجح يعرف الطريق
نواف سكت
بو محمد: قوم قوم خلنا نتغدى علشان تذاكر
نواف: ان شاء الله يبة
بو محمد ونواف وهم طالعين من الغرفة امجد ومهند طالعين

__________________________________________________ __________
نواف: طلعة التوأم
بو محمد طلع في نواف : وانت اش حارك اخوان وش عليك
نواف : ولا شي بس مايميلون من بعض كل مع بعض
مهند : وانت وش عليك
امجد : خلك في الهجولة ولاعليك منا
نواف: بل خلاص بسكت بنطم ماعد بقول شي
: بو محمد : احسن
وينزل الدرج ووراه امجد ومهند
نواف يروح لريمان ومن غير مايدق الباب يفتحة بطريقة همجية<< عربجي الولد بقوة
ريمان تفزع : بسم الله الرحمن الرحيم
نواف: ليش شايفة جني؟
ريمان : يااخي دق الباب قبل ماتدخل
نواف : ليش ؟
ريمان: علشان مو كل مرة تفزعني
نواف : طيب يارقيقة اقول قومي تغدي
ريمان :نواف في عندك شي اسمة اصابع؟
نواف: أي ليش معوق فيني
ريمان : حلو ماتعرف تضمهم وتدق الباب؟
نواف : امبلة اعرف بس اخاف على اصابعي
ريمان تتنهد: كل هالقد بيعوروك اصابعك لين طقيت الباب؟
نواف: أي تعرفي انا رقيق
ريمان وقفت: أي مرة والدليل الطريقة اللي تدخل فيها الباب
نواف:طيب كيف تبغيني ادخل؟
ريمان : مايحتاج اعلم كانت تعرف
وطلعت من الغرفة
وقف نواف وهو يلوح بيدة : خوش خوش فيهم شدة يزعلون بعد
وطلع من الغرفة وخلى الباب مفتوح
نزلت ريمان الدرج وهي معصبة بس ريمان اذا تعصب ماتصرخ لانها ماتعرف
شافتها امها
ام محمد: ريمي فيك شي؟
ريمان: لا ماما مافي شي
ام محمد: علي ياريمي انا امك
ريمان : نواف ماما مايطق الباب ذا يدخل ويدخل فجاءه يفزعني يفتح الباب بقوة
نزل نواف : يوة اكيد تشتكين علي عند امي
ام محمد: انت ماتقول لي وش اخرتها معاك؟
نواف: ليش بعد يمة؟
ام محمد: انا ابغى افهم وش بيضرك لين طقيت الباب؟
نواف: يمة اصابيعي تعورني بعدين
ام محمد: ياسلام على النعومة
نواف: وش اسوي متأثر من بعض الناس
ويطلع في ريمان وريمان تطلع فية وخلاص معصصصصصصبة
ونواف مستانس طبعا لانة يحب يعصبها ويستفزها
ام محمد: اقول اهجد واعقل ترى انا ماعندي الا بنت وحده وتاخد ريمان وتحضنها
نواف: يعن وشو وانا ماتحضنني؟
ام محمد: انا ابغى اعرف على ايش هالغيرة؟
نواف: أي اغار
ريمان : غار وموت من القهر والغيرة وتحضن امها بقوة
نواف: اقول شب وقومي يالله
ومسك ريمان ويحاول يسحبها من حضن امها
ام محمد:/ ووجع يوجع العدو في حضن وتبغى تأذيها بعد
وجا ابو محمد وشاف نواف وكملت
بو محمد: نواف ووجع يعني لمتى بتضل تغار؟.
نواف تغير وجهه: لايبة مافي شي بس كنت ابغى اتكلم مع ريمان وهي ماتبغى
بو محمد: لاني ماسمعت شي انا ابدا اهجد عن بنتي ولا تشوف شي مايسرك وياخد بنتة ويحضنها ويعصب نواف
ريمان تمد لسنانها لاخوها
وهو معصب
بو محمد: يالله غدا غدا علشان بعدين تذاكروا
وراحو على السفرة وخلصو غدا وراح كل واحد في غرفتة
ومرت ايام الاختبارت هذا اخر يوم ورجعو من اختبارتهم
ودخل امجد ومهند وراحو المطبخ
امجد: قوة يمة
مهند :قوة يمة
ام محمد : الله يقويكم ها يمة بشرو؟
امجد: الحمد لله كويس
مهند: ختامها مسك يمة
ام محمد: الله يوفقكم ومتى النتايج
مهند: من النت يمة
ام محمد أي طيب الله يجعله خير يارب
امجد: دعواتك يالغالية
ام محمد: انا على طول ادعي لكم
مهند: الله يطول عمرك
امجد: يمة وش الغدا ترى انا ميت جوع
مهند : أي يايمة صراحة الاختبارات تستهلك طاقتنا
ام محمد : ابوكم قال يبغى برياني لحم
امجد : يم يم وماخلص للحين
ام محمد: حتى لو خلص مافي تاكل الا على السفرة
مهند : بس يمة ريحة الاكل تزيد جوعنا
ام محمد: احسن علشان تاكلون زين وبعدين ابوكم واخوانكم ماوصلوا ومابناكل عنهم
امجد : طيب اجل انا ومهند بنركب فوق نريح شوي
ام محمد : طيب
ودخلت ريمان
ريمان: اهلين ماما
ام محمد :هلا يمة هلا بنظر عيني وش سويتي؟
ريمان : يعني ماما ان شاء الله خير
ام محمد: ان شاء الله متى النتايج؟
ريمان : من النت اطلعهم ماما بعد يومين امجد مهند كيفكم ياحلوين
امجد: زين عطيتونا وجه كان تاخرتو شوي
مهند: يعني انت ماتعرف اذا جات ريمانو مالنا قيمة
ام محمد: كلكم غاليين والله
ريمان تطالعه بنص عين: يلعن ام الغيرة اللي مقطعتكم
مهند : على ايش نغار ياحسرة
امجد: أي والله مصدقة نفسك نغار منك
ريمان: اجل مدري مين اللي تحلطمو توهم
مهند وامجد : مو حنا
ام محمد : تضحك وتقول عليكم سوالف يالله خلوني اخلص شغلي لايخترب او يجي اببوكم وانا ماخلصت يالله برا
ريمان تتميلح: حتى انا ماما؟
امجد ومهند يطلعون فيها
مهند يقلد على صوتها : حتى انا ماما
وامجد يضحك
ام محمد: لايمة اني قعدي ولا تروحي وجودك يحلي الطبخة
امجد: وانتي الصادقة يخربها اذا هي برياني بوجودها يصير هريسة
مهند: ههههههههههههههههه أي والله واذا الله رحمنا يصير جريش
امجد ؛هههههههههههههههههه حلوة
ريمان : والله حاله بس وش اقول اللي مايعرف للصقر يشوية
ام محمد: وش عليك انا ابغاك ولاتهتمين لهم
امجد: افا
مهند :قلت لك هذي ماتصف معانا على بنتها
ام محمد: بعد وحده ماعندي غيرها
امجد: اقول مهند انا بنجلط خلينا نركب فوق
مهند: أي والله بيجيني الدق والنقرس انا من هالدلع
ام محمد: بسم الله عليكم بسم الله عليكم
ريمان حز بنفسها : ابقو انا بطلع
اخدت شنطتها وطلعت من غير ماتكلم
ام محمد: زين كذا زعلتو بنتي
امجد: حنا ماقلنا شي غلط
مهند: من الدلع الزايد منك ابوي وسعود حتى تركي بعد
ام محمد: لانهم يعرفو قيمتها وهم كانو يبغو بنت من وانا حامل فيكم
مهند: الحمد لله اني ولد
امجد : أي والله اقول مهند خلنا نروح نراضيها لايجي ابوي ويهزئنا
ام محمد: ابوكم مابيهزئكم لكن انتم من نفسكم ماتقدرو تزعلوها لانكم تحبوها ولانها البنت الوحيدة اللي في البيت
امجد: لايمة في غيرها
مهند: انت صادق اخوي
ام محمد: انا ماخلفت غيرها كيف خليتوها بنتبن
مهند: نسيتي نفسك يمة؟
ام محمد: أي هين تتنظز انت وياه ها
امجد: لا يمة من جدنا كانك بنت
ام محمد: استح على وجهك تلعب علي
امجد: لايمة انا ماتلعب عليك
مهند: اقول يمة تراك صغيرة
ام محمد: زين زين روحو لختكم وخلوني في الغدا لايخرب
امجد: ان شاء الله يمة
وطلعو اثنينهم وصعدو فوق وقفو عند غرفة ريمان ودقو الباب
ريمان وصوتها فية بكي: مين
امجد: انا ومهند
ريمان : دخلو
دخلو وهي قاعده على السرير وحاضنة رجليها و تجفف دموعها
مهند: ليش الحلو يبكي؟
ريمان : مافي شي
امجد: اجل ليش عيونك حمرا ووجهك متغير لونة
ريمان : قلت مافيني شي

__________________________________________________ __________
مهند : من جد اش فيكي؟
ريمان: يعني اش فيني ليش انتو تعاملوني كذا؟ انا اش سويت لكم ماتحبوني ولاتطيقوني وهمكم تعاندوني وتضيقون صدري
امجد ومهند قعدو يمها على السرير
امجد: افا عليك في احد يكون عنده اخت وردة ولا يحبها
مهند: هذا اوانتي البنت الوحيدة يعني الكل يحبك
ريمان: قصدك الكل يغار ويعاند
مهند: لا والله حنا نسوي كذا علشان بس نجاكرك والله احنا نحبك
امجد : يعني ماعندنا الا انتي بنت ولا عندنا غيرك ونحب نستفزك شوي اش بيصير بدال ماتقبلينها بروح مرحة تبكين
ريمان : أي ابكي لانكم اولاد ماتفهمون شعور البنت
مهند: طيب حبيبتي حنا اسفين وماعاد نمزح معاكي
ريمان : انا ماقلت لاتمزحوا معاي بس مو بهذا الاسلوب انا كفاية علي نواف
امجد:طيب ولا يهمك ياحلوة بس انتي لاتبكين ترى دموعك غالية ومانحب نشوفها
مهند: امسحي دموعك حبيبتي ولاعاد تبكي
ريمان : طيب
ومسكت منديل ومسحت دموعها
امجد: الحمد لله اني مو بنت على كل شي ابكي
مهند: أي والله
ريمان تنهدت
امجد حضنها من جهة اليمين ومهند من جهة اليسار
مهند: نمزح معك ياهبلة
امجد: اسكت لاتقول ياهبله بتزعل اللحين
مهند: يوه صح
ريمان : وهي تبتسم يعني مافي فايدة
مهند: ماتدري يمكن فية
ريمان: ماظنتي
وضحكو كلهم
وطلعو عن اختهم وهم رايحين لغرفتهم
مهند: تصور تتزوج وحده مثل ريمان في دلعها
امجد: وي وي كان نتطلق من اول شهر أي شهر اسبوع
مهند : ليش؟
امجد: بس اذا بتقد على كل شي تبكي وتدلع
مهند: بالعكس ياحليلها على الاقل تحسها انثى صح
امجد: ايش؟
مهند: اجل تبغى تاخد بنت تلعب كوره وتحمل كراتين
امجد: ول ول مرة وحده كذا؟
مهند: هذي اللي لازم تتزوجها علشان تعرف قيمة اختك
امجد : وي تبغى تزوجني عربجية بقوة
مهند: اجل تكبر على النواعم اش تبغى تاخد
ودخلو الغرفة وسكر والباب
في الصاله انفتح الباب الخارجي ودخل نواف وهو حاط ثوبة في فمة ونعالة في يدة والكتاب تحت اباطه ودخل ويمشي شوي شوي لحد يحس علية لكن وين على ام محمد ماتمشي هالحركات
قفشتة ومسكتة من ثوبة من ورى
ام محمد: على وين رايح كذا لاسلام ولاكلام
نواف: هلالالالالالالا يمة اشلونك؟
ام محمد: والله انا بخير لكن انت ليش داخل كذا وش مسوي؟
نواف: لايمة مافيني شي بس بروح ارتاح بغرفتي لاني مرة نعسان تعرفي اخر اختبار ورحت المدرسة مواصل
ام محمد وهي مغيرة نبرة صوتها: لا مااصدق ولدي يسهر على مذاكرة
نواف: ليش يمة؟
ام محمد: لاني امك واعرف على ايش كنت سهران اصعد فوق وبدل ملابسك ويالله ابوك بيجي علشان نتغدى
نواف: ا ن شاء الله يمة
وركب فوق بسرعة
ام محمد تنهدت : ماادري وش اخرتها معاك ياولدي الله يحميك بس

__________________________________________________ __________
اذا لقيت منكم تفاعل

انزل لكم الجزء الثاني

ان شاء الله تعجبكم

__________________________________________________ __________
تسلم يمينك يا سندرلا :In-love:

سعود: ابشري ياقلبي باللي يرضيكي ليش كم ريمان عندي انا
ريمان تاشر بصببعها على روحها وتسوي مثل اليهال : وحده
ام محمد: فديت هالوحده
سعود: أي والله
وريمان تشققت وانبسطتت وتبسمت
ام محمد: ها يمه خلصت من النتايج والدوام
سعود: اية يمة خلصت وجاتني الإجازة أخيرا
ام محمد: يالله شف لك شي تتسلى فية هذي الاجازة
سعود : يصير خير يمة
وفي الشركة دخل امجد عند السكرتير
امجد: السلام عليكم
السكرتير: وعليكم السلام هلا امجد
امجد : بخير الله يسلمك الوالد موجود؟
السكرتير: أي موجود
امجد: عنده احد ولا ادخل له عادي
السكرتير: لا ما عنده احد تفضل عنده
امجد: شكرا
السكرتير : عفوا
دق امجد باب الغرفة وسمع صوت ابوة من داخل تفضل
امجد: قوة يبة
بو محمد مستغرب : هلا مجود اهلين ياوليدي
امجد: بالمهلي يبة بالمهلي
بو محمد : اقعد يابوك
جلس امجد على الكرسي اللي مقابل المكتب
امجد:يبة تخرجت
بو محمد وقف على رجلية وكانة مو مستوعب
بو محمد: هايبة
امجد والدمعة في عينة:تخرجت يبة
بو محمد حضن ولده: مبروك ياولدي مبروك
امجد: الله يبارك فيك يبة
بو محمد: الحمد لله ياوليدي ها اش تبغى هدية تخرجك؟
امجد: الله يسلمك يبة انت كريم وانا استاهل
بو محمد: اللي تامر فية ياولدي
امجد: مايامر عليك ظالم يبة اللي تجيبة بقبلة
بو محمد: فديتك يامجود قلت لامك؟
امجد: أي قلتلها
بو محمد: زين وباقي اخوانك
امجد : انا شفت نواف وقال انة نجح
بو محمد انبسط : نوافوه نجح؟
امجد: أي يبة نجح
بو محمد: وكم نسبتة؟
امجد: مو شي يقول بالستين
بو محمد:الله يعين يالله ادرسة على حسابي
امجد وهو مستحي: يبة
بو محمد: ها يبة
امجد: يبة الاقي عندك شغل في الشركة؟
بو محمد: الشركة كلها على حسابكم
ووظيفتك موجودة يابوك واذا تبغى تداوم من بكرا
امجد يبوس راس ابوة ويدة: تسلم يبة ماتقصر بس مو من بكرا خلني اريح شوي
بو محمد: بدينا اهمال؟ ماعلية يايبة ولا يهمك
امجد: زين يبة انا اساذن عطلتك كثير
بو محمد: لا يايبة لاتقول كذا زين انك جيتني وفرحتني بهالخبر
امجد : تسلم يبة مع السلامة
بو محمد:الله يسلمك ياولدي
وعلى الباب من برة امجد اخد نفس وهو فرحان ومشى
فيصل اللي قابل اخوة على الباب ومستغرب من وجودة
فيصل: امجد؟ هلا اخوي وش تسوي
امجد: هلا فصول انا بخير بس جيبت اقول لابوي اني تخرجت
فيصل: مبروك ياخوي مبروك
امجد وهو يحضن اخوة: الله يبارك فيك اخوي
فيصل: اقول وراكب تعطلني عن شغلي روح
امجد: زين بروح بل عليك ماتبغاني
فيصل: كلها ساعتين وجاي البيت وبشبع من خلقتك
امجد: زين زين بروح يالله مع السلامة
فيصل: في حفظ الله
وفيصل دق الباب على ابوة بعد مامشى امجد
بو محمد من داخل: تفضل
دخل فيصل
فيصل: يعطيك العافية يبة
بو محمد: الله يعافيك ياوليدي
فيصل : يبة في شركة طالعة بالسوق للنقل ومسوية عروض تخفيض الى 50% اذا كانت الحمولة كبيرة
اش اريك يبة نجرب عندها صفقة اذا نجحت نسوي معاه عقد
بو محمد: عرض زين شوف يابوك خلني اشوف محمد وتركي علشان نعرف اش نسوي
فيصل : طيب
شوي وجو محمد وتركي
دخلو سوا
محمد: قوة يبة
تركي قوة يبة
بو محمد: هلا يابوك حياكم
دخلو وجلسو مقابل ابوهم
بو محمد: قول لهم يافيصل
فيصل: تامر يبة في شركة نقل جديدة طالعة بالسوق ومسوية تخفيض 50% اذا كانت الحمولة كبيرة قلت لابوي نجرب عندها صفقة اذا ناسبنا وماشفنا فيها شي نسوي عقد معاها
محمد: طيب الشركة جديدة يعني لازم نسال عنها ولا اش رايك يبة
بو محمد: صح ياوليدي
تركي: علي يبة انا بسأل عليها من والى واعرف منهم رعاتها
بو محمد: زين ياوليدي بس بسرعة علشان اذا تناسبنا مايفوتنا العرض
تركي: يومين بس يبة والخبر عندك
محمد: زين اجل
فيصل اجل بعد يومين نشوف على ايش نرسي
بو محمد: أي الله كريم يابوك
في البيت الساعة 2 ونص انفتح باب الصاله
ويدخل بومحمد ومحمد وفيصل وتركي
وطبعا في الاستقبال ام محمد
ام محمد: عساك على القوة ياولد عمي
بو محمد: الله يقويك يالغالية
محمد:قوة يمة
ام محمد: هلا يمة الله يقويك ويعافيك
فيصل: قواك الله يمة
ام محمد: الله يقولك ويبقيك
تركي: ام محمد ليش دائما انا اخر شي وتاهلي وتسهلي ببو محمد بس
بو محمد طلع في ولده نظرة: والله اظن انا زوجها صح لو لا
تركي استحي: صدق يبة انا اسف
ام محمد: ماعلية يمة الله يعطيك العافية
بو محمد علشان يجاكر تركي : ام محمد امشي معاي فوق علشان ابدل
ام محمد: يالله طال عمرك
فيصل ومحمد: ناقعين من الضحك
تركي مقهور
يوم وصل بو محمد عند الدرج: اذا تبغى يصير لك كذا اعرس
تركي: الله كريم يبة
وهذولاك فطسو ضحك
راح لهم تركي : اضحكو تضحكون من غير سنون
محمد: يعني انت وش دخلك بين رجال وحرمتة تستاهل
فيصل مو قادر يوقف ضحك
تركي: هين هين عندي يافصيل اوريك وركب وهو حمقان
بو محمد اللي جوة عياله يقولوة عن نجاحهم وبارك لهم
وباسهم وقال لهم على هداياهم بس يطلبو
الا ريمان يوم قالت له حضنها و بيهديها بدال الهدية ثنتين
وطبعا البنت تشققت بقوة من قدها
طبعا ريمان هي الوحيدة اللي تاخد هدايا منهم كلهم حتى اخوانها الشباب
من محمد الى مهند
طبعا نواف لا لان لو بيهديها بيهديها بريعصي ميت مثل اول مرة ريمان وفزعت الدنيا
بعد شوي تغدو كلهم وكان شي لم يكن بين تركي ابوة لان تركي اعتذر من ابوة وطيب خاطرة