عنوان الموضوع : دموع ساره
مقدم من طرف منتديات الشامل
قصيدة المعلمه سارة في احدى المدارس
يوم شافت حبيبها جاي يسجل بنته :
تقول سارة :
بأول دوام المدرسه يوم 'الأثنين
معلـمه في وجـه بـااب - الأداره
وقفت باللجنه على سادس اثنين
مـثل المجـند ينـتظر لـ: الأشـاره
هذي تنادي وهاذي ابله انا وين!
زحمه وتو اليوم بـأول نهاره
اصوَّت لـثنـتين ،وبـيدي ثنـتين
نـوره مـضاوي عايـشه مـي يـاره
وسمعت صوتن رجع القلب لسنين
صوت الذي اسمه بنقش السواره
اختي بعد اذنك ناقل البنت هالحين
تـفضلـي الأورااق والأسـتماره
عجزت لا اجـاوب ولاارمـش العيـن
طول سكـوتي وهو طـال انـتظاره
حســيت ان الـدم مـثل البـرااكين
شريـان قلـبي وصـل حـد انفـجاره
ورفعت راسي وصارت العين بالعين
ولمحت في عينـه سواة الشراره !
هو هو والا واهـمَّه .. يامسلـمين
زوله ورفـعة حاجـبه مـع سـمااره
لا ما تغـير فـيه ياكـود شـئيـن
خف الشنب والشيب زاد بوقاره
اتلـى علاقتــنا 'ثـلاثـه وتسـعيـن"
باول حـلاة العـمر قـبل انكـساره
الشاهد الله ماحـصل بيننا شـين
ولا يخدش احساس بنت وعذاره
نعم الحبيـب الليّـن الطيّـب الـزيّن
ونعم الرفيق اللي حفظ حق جاره
ياوجه ابوي هالوجه مرحب وسهلين
لا يا بـعـد رووح ومـعالـيق سـاره
ودي اللـمه وودي اصـيح بس ويـن
مثل الكسير اللي نشب وسط غاره
مايستطيع المـشي من دون رجـلين
وحـولـه جنـودن تشـتـهر بالشـطاره
يا للأسـف هالـحيـن صـرنا غـريبـين
حكـم القــدر واصـدر علـينـا قرااره
الهـمم والغـربـاال والفـقـد والـبـين
وانا ' اسيــره ' تنـتظــرر للزيـااره
ويلي على لاماك ويلاه يا 'حـسـين'
يامن يجمعــنا واسـووق البــشــاره
ساره !! وسكت له لحظه كنها سنيـن
واقفا واشوفه يوم شب الزقــاره
رد عليها حسين:
فز الخفوق وقلت ياربي تعين
هي هي ولاهي شبيهه لساره
جيتك وقلت ابنقل البنت هالحين
تفضلي الأوراق والأستماره
طول سكاتك والبلا العين بالعين
ضقت واحس بضغط مدري حراره
وخانتني الدمعه وطاحت من العين
كني طفل يبكي مضيع دياره
بحط بنتي عندك بسادس اثنين
عشان اكثر جيتي .. بالزياره
واليا دخلَت الصف لازم تخشين
(اسمي) لانه مسجلن بالسواره
وامانتك انك عليها تخافين
لحدن يضايقها بأيت عباره
بصارحك في شي يمكن تحسين
ان الزمن اقفى علينا قطاره
انا سمعت ان اكبر عيالك حسين
وانتي اكيد انك سمعتي بساره
<center> >>>>> ردود الأعضـــــــــــــــــــاء على الموضوع <<<<<
================================== </center>
الله ع العشق الجميل ..روعه القصيدة لك ارفع القبعة ع انتقائك المميز ودي الك
__________________________________________________ __________
شكري وامتناني لمشاركتك الانيقة
تحية وتقدير
__________________________________________________ __________
رشا رشا
.
.
أهلاً وسهلاً بك
مساء الرقة والجمال
سلمت للاختيار الجميل
والطرح العذب
دمت بود
أرق الامنيات
__________________________________________________ __________
اهلا بالمشرفة الانيقة لونا
شكرا لروعة حضورك وترحيبك
مودتي وجل احترامي
__________________________________________________ __________
رشاااا
من اروع ما قرأت اليوم
اشكرك على روعة ذائقتك
اختيار جميل من صاحبة مشاعر أجمل
تحياتي
كل الشكر لمروركم الانيق
سعدت بمتابعتكم وآراءكم
تحيتي
