من عادة الغيم راحل والأراضي تقيم
عنوان الموضوع : من عادة الغيم راحل والأراضي تقيم
مقدم من طرف منتديات الشامل
مدخل
من عادة الغيم راحل والأراضي تقيم
أنا أرضك البور وأنت الغيمه الراحله
بكره يعود الشتاء وتعود الأيام ديم
والطير يرجع لـ غصنٍ كان يرتاح له
“وهُنا الحديث
أخآيل في الأفق سرب الأمانـي وانتظـر بشـراك
والملم هالمساء وأشعل من أعواد السهـر صبحـك
أنا اللي من تذكرتك عرفت أني عجـزت أنسـاك
وانا اللي لو تناسيتـك تذكـر خافقـي رمحـك
على شرفة غيابك جيت أبفتـح نافـذة ذكـراك
لقيت الصبر متلحّف خَطاك ومفتـرش جرحـك
أنا اللي ما عرفت من الكلام إلا أعشقك وأهـواك
وانا اللي ماعرفت الحزن إلا مـن قسـى فرحـك
وانا اللي يوم قررت أنتهيك أحترت كيف أبـداك
تخيرت البكى لجلك ، لأني ماعرفـت أضحـك !
أنقّب عن مآثر دمعتـي فـي حسرتـي و اللقـاك
تحرّض للزّعل جرحي و أحاول أختلـق صُلحـك
تعلمت أكتبك وامسح ملامـح غيبتـك و أقـراك
أحاول أفهم اوصالك ولكن طـال بـي شرحـك
سقيت أزهار حلمي في غيابك وأثمـرت أشـواك
زرعتك سنّبلة فرحي وأكل طير الحـزن قمحـك
أنا مالي وطـن إلا أعيـش العمـر فـي منفـاك
وأنا مالي بـزاد العمـر لا منـه نقـص ملحـك
أضيع فبحر أوهامك وأصـارع والقـدر مرسـاك
واناجي وحدتي واشكي حبيبي : مسّنـي قرحـك
وأطيح أبكي على كتف الزمن و آقول: كيف نساك
وتبقى نافذة ياسي تواعـد بالأمـل صبحـك !!
مخرج
ديارك على ماهي و فيها نبَت لك زرع
ثمـاره غـلا و أشواق و الحب من زرعه
إذا مـات فرع الشوق يطلـع بداله فرع
يحتّ الغلا و تعيش الأشواق في فرعه
.
لـ شاعرها ❤
<center> >>>>> ردود الأعضـــــــــــــــــــاء على الموضوع <<<<<
================================== </center>
شموخ النوايف
.
.
أهلاً وسهلاً بك
مساء الياسمين والفل
حرف غارق بالإحساس
رقيق عذب
كل الشكر للاختيار الجميل
مودتي وعطر الورد
__________________________________________________ __________
تخيرت البكى لجلك ، لأني ماعرفـت أضحـك !
أنقّب عن مآثر دمعتـي فـي حسرتـي و اللقـاك
تحرّض للزّعل جرحي و أحاول أختلـق صُلحـك
تعلمت أكتبك وامسح ملامـح غيبتـك و أقـراك
شموخ النوايف
انتقاء مميز رائع راقي
هنا نثرتِ الطيب
اسعدك الرحمن
احترامي وتقديري
__________________________________________________ __________
__________________________________________________ __________
__________________________________________________ __________
