(قصة) جوليت في شوارع الرياض /بقلمي - قصة رائعة
عنوان الموضوع : (قصة) جوليت في شوارع الرياض /بقلمي - قصة رائعة
مقدم من طرف منتديات الشامل
قصة جوليت في شوارع الرياض بقلمي
هذي قصتي الثالثه وهي عن جوليت في شوارع الرياض
والقصه راح تكون باللغة العربيه الفصحى والعاميه وهذي ثاني مره اكتب فيها قصه اتمنى تعجبكم
بداية القصة كان هناك ثلاث اصدقاء يحبون بعضهم بعض ويخافون ع بعض
وكل واحد منهم يقدم الخير لصديقه ع نفسه واسمائهم محمد = منتف عيال الحاره ونايف الفلبيني وصالح = الميت او الدايخ
وصالح هو بطل القصه
في يوم من الايام اتفق الاصدقاء ع الذهاب الى البر لكي يصطادوو الحباري والجرابيع والضبان وجهز الاصدقاء العده والعتاد وشغلوو الددسن موديل 94 وانطلقوو الى صحراء الربع الخالي وفي الطريق كل شخص منهم يذب صارووخ ارض جوو<<<يعني كل شخص منهم يكذب على ثاني
الى ان وصلو الي مبتغاهم ونزلوو الاغرض من الددسن ونصبوو الخيم
محمد : والله ان الجوو لجميل جدآ والهواء منعشن جدآ جدآ
نايف : صدقت يامحمد مارايكم ان نذهب لاصطياد الضبان وكلأ منا يصطاد ع طريقته واقل شخص منا يصطاد هو من يطبخ لنا
الجميع :نحن موافقوون
وذهب كل منهم في اتجاه لكي يصطادوون الضبان
صالح راى من بعيد ضب يريد ان يدخل الى جحره فذهب اليه مسرعآ ونقض عليه مثلما ينقض الاسد ع فريسته وامسك به وهو مبتسم الخشه
وقبل ان يصرقع الضب نطق للضب وقال
ضب : مرحبتين ياصويلح الدايخ
صالح : متفاجأ من هول الصدمه
صالح : بينه وبين نفسه لا لا اتووقع اني اتخيل ان الضب يتكلم ليس هناك ضب يتكلم
ضب : يالبى بس خايف ياعيني عليك مسكين شكلك مابعد شفت ضب يحكي
صالح : وشلوون تتكلم يالضب والضبان مايتكلموون
ضب : انا ضب سبيشل غير عن كل الضبان عمرك سمعت بضب ويحب سجانه > ياحليله مستطرب ضبنا
اوووه اقصد عمرك سمعت بمصباح علاء الدين اللي لما تفركه يطلع لك المارد ويقول شبيك لبيك انا مثله ..
صالح : لا لا قووول قسم !! والله يعني اقدر اتمنى اي شي وتحققه لي
ضب : اكيد بحققه بس بقولك ان مالك غير امنيه وحده وبس
صالح : طاير من الفرح ويفكر وش بيطلب من الضب وبعدتفكير قال ابي جوال ايفوون
ضب : قول قسم والله انك ولد فقر جالس لي ساعه تفكر واخرها تطلب ايفوون فكر زين يالفقير ياالمنتف ترى مالك غير طلب واحد
صالح : طيب ابي طلب ان مايبقى في السعوديه شخص واحد عاطل
ضب : هذي بعيده عن شواربك يابعدي وبعيده عني اختار شي ثاني
صالح : اممممممممممم اجل ابي فلوووس كثيره وابي بيت او قصر
ضب : حبيبي لو عندي فلووس كان ماسكنت في ضب ولو اقدر اعطيك قصر كان ماسكنت في جحر يادايخ
صالح : لاحول انت شكلك ماعند ابووك سالفه جالس تهايط علي من الصباح وكل مااطلب منك طلب ماتقدر عليه وش تقدر عليه انت وجهك
ضب : يااخي لاتنافخ واطلب طلبات معقوله
صالح : وهو يفكر بينه وبين نفسه طلبات معقوله اجل اممممممممممم ..
صالح : اييييييه اللي ابيه منك تنزل جولييت من القصص الخرافيه واكون انا اميرها
ضب : سمعآ وطاعه ياسيدي وجاري التنفيذ
صالح : من جدك انت تقوله صاج
ضب : اجل امزح معك انت وخشتك بس لازم اقولك شي ان الامنيه ما راح تكتمل
صالح كيف يعني
ضب : يادايخ جولييت راح تنزل من القصص وراح تبحث عنك فيشوارع الرياض ولازم انت بعد تبحث عنها ولك مدة اسبووع كامل وانت تبحث عنها وان مالقيتها راح ترجع جولييت القصص اما ان لقيتها ر اح تكون انت اميرها وراح يتغير اسم اميرها في القصص الخرافيه ويكون اسمك وتعيشوون في سعاده دائمه
صصالح : والله اقسم انك نذل طيب يلا انقلع عن وجهي وخلني ارووح ادوور علىجوليت
ضب: صالح هذا رقمبي بلاك بيري حقي ان احتجت مني اي شي و لاتنسى ياابو صلوح لك اسبووع ولا ماراح تتحقق الامنيه تذكر لك اسبووع كامل
بعد ان ترك صالح الضب ذهب مسرع الى اصدقاءه وبعد ان وصل لهم
صويلح: ياشباب ابي اروح البيت
محمد سلامات وش عندك ترى تونا واصلين البر وشعندك تبي ترجع
نايف : ياالدايخ وش ذا الكلام اللي تقوله بعد مانزلنا العده ونصبنا الخيمه تقول تبي ترجع
صالح : في الحقيقه خدامتنا مارلين في حاله خطره وتدروون انا اكبر اخواني من راح يوديها المستشفى <<<<قوويه ياكذاب هع
محمد : وين ابووك فيه ليه مايوديها
صالح ابوي سافر عند عمي وصعبه انه يرجع ع شان خدامه
نايف يعني ابووك صعبه وحنا موب صعبه علينا
محمد : خلاص يانايف صالح ترى معذوور واهله اهم من البر وطلعات البر ولو يصير اللي صار حق صالح معك اكيد بنرجع ع شانك
صالح : كفووو يامحمد والله انك ذيب
محمد : طيب صالح نايف خلنا نشيل الاغراض ونتوكل ع الله
وفي السياره صالح يفكر بينه وبين نفسه مادري اقول لهم عن سالفة الضب اخاف اقوول لهم يقولون اني موب صاحي خلني اسكت احسن مع اني ماودي اخبي عن ربعي
وفي مكان ما في شوارع الرياض نزلت جولييت من القصص وتبحث عن اميرها صويلح
هي تتمشى وتسال عن صالح اذ بعض النسووه يمرون من عندها
النسوان : ويه ويه وخزياه يارب انك لاتخسف فينا يارب ليلى شووفي البنت اللي ماتستحي ع وجههاا طالعه الشارع بدوون غطى وعبايه
مها: الله يهديها وين اهلها تاركين بنتهم تسرح بالشووارعالرياضبدوون غطى او عباه والله من التربيه السيئه
مرزووقه : بس بس ياحريم ترى عندنا بنات الله يستر عليها بس
ليلى : وش يستر عليها انتي تشوفينها وش هي لابسه والله لاادق ع هيئة الامر بالمعروف يجوون يشلوونها منشوارع الرياض
مرزوووقه : الله يهديك ياليلى لا تدقين ع الهيئه خلي البنت في حالها والله يستر عليها ترى عندك بنات ياخبله بكره يجي لبناتك نفس اللي بتسوينه في البنت والهيئه مايقصرون راح يشوفونه من غير ماتدقين عليهم لانهم متوجدين في كل مكان جزاهم الله خير
ليلى: خلاص لاحوول وين كومار خلونا نرووح بيووتنا
جوليت :
جولييت اقتربت من الحريم
مها : ياحريم شووفو البنت جات لنا وش السوات
ليلى : خليها علي انا بتفاهم معها
بعد ماوصلت جولييت عند الحريم
جولييت : هاي
اريد ان اسألكم عن الامير صالح انا ابحث عنه واريد الزواج به هل تعرفوونه
ليلي : وشهوو اميرك واسمه صالح ماتوقع ان بوه امير في السعوديه واسمه صويلح
مها وهي تهمس في اذن ليلى اقول ليلى صرفي البنت قبل ماتجي الهيئه وتمسكنا معها
ليلى :طيب ماعليك الحين بصرفها
ليلى: اجل تبين اميرك صويلح اي بس عرفته هو رجال وعنده رجلين ويمشي عليهم ويلبس غتره وعقال بس بس عرفته تشوفين ذاك المجمع اللي هناك هناك راح تشوفين اميرك صالح
جوليت : لا اعرف كيف اشكركِ ايتها السيده الكريمه ولكن سوف اخبر حبيبي الامير صويلح كي يكافئك على ماصنعتي معي والى اللقاء
مها: ههههههههه ياحليلها سمعتي وش تقول مبرووك ليلو راح تجيك مكافئه من اميرها
ليلى : مالت انا مكافئي لما تدخل المجمع وتمسكها الهيئه هناك وهذي بتكون احلى مكافئه لي
مرزوووقه : اقول ياحريم كومار جاء تركو عنكن الحتسي والحش وتعالو
خلن نروح بيوتنا موب احسن
هنا اتجهة جوليت الى مجمع لكي تبحث عن اميره وعندما دخلت المجمع رآها السكورتي الموجود ع البوابه
السكورتي ويتكلم في جهاز المناداه الوو يا س 1 س 1
س1 يقصد رئيس السكورتين
س1 : حول ومن معي ؟
سوكرتي : معك ميم
س1 : حول ياميم وش عندك
مميم : والله ياس 1 اشووف بنوته مزيونه داخله المجمع
س1 : طيب رقمها او عطها رقم البلاك بيري حقك ولاتنسى رقمي ياميم ومااتوقع انك تحتاج دعم مني ع شان تسوي الشي هذذا >>طبعآ موب كل سكورتين كذا فيه الكثير منهم ارجال ونعم فيهم طوطوط هذا توضيحhttps://www.lqitk.com/vb/images/smilies/161.gif
ميم : ههههههههه لا مايحتاج دعم منك بس الله يسلمك السالفه ان فيه بنت مزيونه داخله المجمع بدون عبايه او غطووه
س1 : طيب وخير ان شاء الله يمكن تكون امريكيه موب سعوديه مع ان السعوديات او البعض منهم تحس وهي لابسه العبايه المخصره كانها جالسه في بيتهم وماتدري ليه متعبه نفسه ولابس عبايه يرحم ابوها ع العبايه اللي تفصل كل قطعه من جسمها
ميم : يعني ياس 1 اخليها تدخل
س 1 : خلها تدخل ومالن شغل فيها حنا بس سكورتيين نحافظ ع الامن ونمنع العزاب من دخول المجمع اما البنت هذي هي من اختصاص الهيئه
ميم : فهمتك ياس1 وجاري التنفيذ وانتهى
نرجع الى صالح ومحمد ونايف
محمد الحمدالله ع السلامه ياشباب
الشباب الله يسلمك
محمد المهم ياصالح هذا بيتكم روح ود شغله المستشفى وطمني عليها بعد ماترجع
صالح : وشهووووو وش دخلك في شغالتنا لايكون بينك وبينها شي هاااااا
محمد : لاحول غلطه مطبعيه اقصد طمني عليك ان رجعت
صالح : اهاااا افكر بعد ترى ماارضى ع مارلين
وبعد مادخل صالح البيت انطلق بكل سرعه الى الدوانيه وشغل التلفزيون
بعد ثلاث ايام مر نايف ومحمد ع صالح
محمد دق ع صالح
محمد الووو صالح
صالح : هلا
محمد : افتح الباب حنا عند الباب
صالح : طيب
محمد بعد مادخل هو ونايف انفجعوو من شكل صالح
نايف : وش فيك يادايخ شكلك مانمت لك ايام سلامات وش فيك
محمد : صالح غريبه قاعد تشوف ع قناة الاخبار مااخبرك تحب تشوف الاخبار وش السالفه
صالح : وش اخباركم وشلوونكما دقايق وجيب القهوه
ممحمد : لا لا اكيددد فيك شي
صالح فيني ........ اها امممهااا <<< كان يتثوب
صالح: اطلبك يا محمد
سم : اطلب واتمنى
صالح :انا بنام 5 ساعات وابيك تراقب الاخبار ان شفت خبر غريب صار في السعوديه ياليت تصحيني من النووم لاني بجد تعباااااان ومخي مقفل وعيووني مااقدر افتحها وراح اقولك السالفه بعد ماصحى
محمد : طيب ولا يهمك ماطلبت شي
نرجع لجوليت وهي في المجمع تبحث عن اميرها صويلح احم احم اقصد صالح
وهي تبحث وتسأل اي انسان تشووفه واللي يقول لها الحمدالله والشكر واللي يقولها انقلعي واللي يقول ضفي وجهك لا تجيبين لنا شبه الى ان مرت عند شابين واحد اسمه حسام والثاني ريان
حسام : ريان شووف البنت هذيك اللي هناك ياويل قلبي البنت مزيوونه
رايان : وينها اي وحده
حسام هذيك اللي موب لابسه عبايه ولا غطووه سبحان الله يااخي شفت جمال بس مثل جمالها ماشفت سبحان الله ولا تقولي حليمه العجوز ولا نانسي هذي البنت تفحط عليهم
ريان : اهااااا ايووه اشووفها طيب وش رايك نرقمها
حسام : والله فكره رووعه يا ابو الافكار بس ياولد خوفك تكون اجنبيه موب عربيه
ريان : طيب عادي ع اقل تتعلم عاداتنا وتقاليدنا وتعرف طريقة ترقيم بسلوب السعودي /هع
حسام : هههههههههه يا اخي انت حمار وش عاداتنا وتقاليدنا بالترقيم
ريان : اقول اسكت و كل هواء وخلني ارووح ارمي عليها الرقم
قرب ريان من جولييت ويبي يعطيها رقم
ريان: اهلين يا المزيوونه خذي هذا رقمي ياحووبي وهذا رقم خوويي و طبعآ رقمي لك ياقلبي ورقم خوويي لشغالتكم ان كان عندكم شغاله
جوليت : ماذا تريد ايها الصعلوك ولما ترمي هذهي الورقه علي
هل انت تعرف من انا ايها المعتوه وهل تعرف من هو حبيبي
ريان : وش هاللغة لغتك فرنسيه ولا تركيه ومنهو حبيبك هذا لايكون داي شجاع بس
ع العموم اقول انجلعي وانتي الخسرانه وراح تخسرين احلى شاب فيكي ياسعوديه
وبعد ان ترك ر يان جولييت ذهب الى حسام
حسام بشر ياصديقي وش سوويت
ريان : مارضت تاخذ مني الرقم وهددتني
حسام : انت منحوس بكل شي ياصديقي ولا تحط السالفه في خاطرك ياصديقي ماهي اول مره ولا هي اخر مره وفلها وخلنا نشووف غيرها
ريان : صادق
جوليت وهي تبحث عن اميرها او حبيبها في المجمع وقفت عند بنت ومعها صديقتها
جولييت : هاي
اريد ان اسألكم عن الامير صالح حبيبي وسوف يكون زوجي قريبآ
البنتين : فاقعين ضحك هههههههههههههههههههههههههههههههههههههههههههههههه
جوليت : لماذا تضحكون علي هل في كلامي شي يضحك
وحده من البنتين : ياقلبي عليك والله تجننين انتي من وين
جوليت : انا اسمي جولييت وانا من القصص وابحث عن اميري صالح
بنتين : انتي جولييت ياسبحان الله اسمك يشبه اسم ذيك اللي تحب
روميوو بس هذيك تحب روميوو انتي تحبين صويلح فرق ياسبحان الله
على العموم معك اختك الدلووعه المزيوونه حلووه المطلقه وناويه اتزوج قريب لولو = الاء
ووخيتي اللي معي اسمها شووق
جولييت لم افهم منكِم اي شي
شووق : لولو وشرايك ياقلبي ناخذ البنت معنا الشقه دام ماعندنا لازوج ولا اهل
لولو :والله فكرتن بالمره حلوو وش رايتس تروحين معنا ياجولييت للشقه
جوليت : هل سأجد في شقتكم التي تتحدثون عنها اميري صالح
شووق وهي تضحك اي ياقلبي حبيبتس هناك
جوليت : اجل هلموو بنا الى شقتكم
بعد ماوصلوو جولييت وشووقه ولولو الشقه
شوق: وش رايتس في الشقه ياجولييت
جولييت لم افهم معنى كلامك ماذا تقصدين ؟
شووق: لحول نسيت انك ماتعرفين الحكي عامي
طيب بحكي معك بالفصحى مارايك ياجولييت في المكان الذي نسكن فيه
جوليت : الان فهمتكِ انه مكان جميل جدآ ويختلف عن مكان الذي اسكن فيه
شووق : ياحبنيلك ياشيخه والله من ذووقك والجمال من عيونتس طيب ياجولييت انا ولولو راح نعلمك الحكي السعودي من الـ أ الى الـ ي وراح نعلمك بعاداتنا وتقاليدنا وقبل كل شي لازم تفصخين ملابس اللي عليك وتسبحين
جولييت ماذا ماذا ماذا تريدين مني ان اعمل
شوق اريد ان تخلعي ماعليكي من ثياب لكي تسبحي
جوليت ولماذا اسبح واغير ملابسي بهذه الملابس سوف اقبل اميري
شووق :لحوول انا خلاص بستخف منها تفاهمي معها يالولو
لولو : طيب ولا يهمك يا شووق
جولييت يابعد جبدي انتي
انتي الحين في الواقع في القصص الخرافيه ماتغير الاميره ملابسها وماتسبح وماتستشور شعره وماتحط مكياج بس في الواقع لازم تسبحين ولازم تتكشخين ولازم تزيلين الشعر الزايد للي في جسمك وكل هل الاشياء ع شان نفسك وعلى شان اميرك صويلح يشووفك في احلى صوره
جوليت : اهااا لقد فهمت عليك وماذا سوف يحصل معي لو رفضت ان اسبح
لولو : راح تفووح ريحة الصنان منك وكل من يمر من جنبك راح تلوع كبده ويدعي عليك
جوليت : اهااا انا موافقه لا أريد ان يضجر اميري من راحتي هي بنا الى مكان السبووح
شووق : مكان السبووح يسمونه حمام ياجوجو
جوليت : اهاااا هي بنا الى الحمام
لولو : شاطره ياجوليت
ودخلت جولييت مع شووق الحمام ومعهم عدة السبووح
طبعآ ممنوع وعيب انكم تشووفون جوليت وهي تسبح في الحمام
وصدق شاعر يوم قال من برا اوبا او با ومن داخل يعا يعا
على شان كذا انتقل
الى صالح ومحمد ونايف
محمد يصحي صالح
محمد: قووم يادايخ صالح قوووم انتهت الخمس ساعات
صالح : هاااااخمممم هااااااااااا >>>يتثواب هههه
نايف : ماشاء الله عليك ياابو صلووح قايم وانت مبسوط شكلك شايف حلم فلاووي
صالح : والله انك صادق يافلبيني شفت حلم احلى حلم شفته في حياتي
نايف : والله وش كان نوع الحلم رمنسي اكشن كوميدي
محمد : اقول نايف اترك الحلم عنك ابي اعرف وش اللي خلاك ياصالح تسهر ثلاث ايام وماتنام وانا اخبرك تحب نووم يادايخ
صالح : والله والله شووف محمد وانت يا نايف بقولكم بالسالفه بس ابي وعد منكم ماتزعلوون وانكم تصدقووني
محمد: تكلم لا يكون مسوي شي مسود وجهي
صالح : وش مسود وجهك محسسني اني بنت وجيتك قلت لك بابا ترى انا حامل
نايف : لا وتنكت ياابو صلوح اقول احك يامال الحكه قول السالفتك ادخل دوقري فيها يازقرت
صالح : تذكروون يووم حنا في البر وقلت لكم ان خدامتنا تعبانه
شباب: اي وبعدين
صالح : شفت ااا ضب يتكلم وكان الضب من جماعة الجني الي كان مع علاء الدين
وقالي اطلب واتمنى وتمنيت انو يطلع جولييت من القصص الخرافيه وتكون حبيبتي يعني اكون انا مكان روميوو وعطاني الضب مهله اسبوع وان مالقيتها ترجع جولييت للقصص الخرافيه
الشباب :ههههههههههههههههههههههههههههههههههه<<ضحك بهستيريه
صالح : ياشباب والله ماجاكم غير الحق وانا عند ربي صادق
محمد : اجل هههه ضب وقالك هههههههه وجوليت هههههههههههههههههههههه
قووووووووووووووووويه لا لا ههههههههههههههههههههههههه
صالح ان كان منتم مصدقيني عندي رقم بلاك بيري حق الضب
نايف ماشاء الله الضب عنده بلاك بيري ههههههههههههههههههاااااااااااااااااي
محمد هذا بلاك بيري حقي ابيك تسولف مع الضب
صالح: هات البلاك
وقام صالح يسولف مع الضب والشباب موب مصدقين
محمد: خل الضب يرسل صورته وهو يشرب زقاره وبايسن ان كانك صادق
https://t3.gstatic.com/images?q=tbn:...YJk2gye_63lu7S
شووي وجات الصووره والشبااب مصدوومين
نايف :والله انه ضب زقرت ماربور احمر والله ضب قووي
محمد : ياولد والله طلعت صادق طيب ليه ماطلعت تدور ع جولييت ياالميت وجالس في البيت
صالح : قلت اختصر الموضوع واجلس عند الاخبار ولو فيه خبر عن جولييت راح يطلع في الاخبار
نايف : يا اخي والله انك رايق وصدق من قال عنك دايخ
محمد : ياولد قوم تحرك انفض الرياض لعيوون جولييت
هذي لو تلقاها راح تحبك طول العمر موب مثل بعض البنات هاليومين تقولك انت حبيبها وعندها غيرك مليون تقول قلبها شقق مفرووشه
صالح : يعني رايكم انا اطلع وادور عليها
محمد: ياالميت قوووووووووووووووووم
وراح نتوزع وكل واحد منا يدور في جهه وانا راح ادور في المجمعات الفيصليه والمملكه وانت يانايف دور في ثمامه وصالح انت ابيك دور في شارع التحليه
صالح : اوكي واللي يلقى شي يدق علينا جوال اتفقنا
شباب : اوكي
وانطلق للجميع للبحث عن جولييت حبيبة صلوح المستقبليه وفي اثناء بحث الشباب نرجع الى جولييت بعد مانتهت من الحمام ...
وانطلق للجميع للبحث عن جولييت حبيبة صلوح المستقبليه وفي اثناء بحث الشباب نرجع الى جولييت بعد ماانتهت من الحمام ...
شووق : ياقلبي عليك يا جوجو شكلك بعد ماسبحتي صايره جنان ياحلووك بث و الحين ياجوجو ابيك تروحين الغرفه وتفصخين الفوطه اللي عليك وتتنشفين نفسك زين وخذي بجامهم ولبسيها
وبعد ماتلبسينها في الغرفه تعالي هنا ع شان نستشوور شعرك راح اعلمك كيف تحكين سعوي من أ الى ي وراح اعلمك بتقاليد الشعب السعودي وعاداتهم
وبعد مانتهت جوليت من لبس البادي والبرموده جات عند شووقه واستشورت شعرها لين ماصار شعرها ناعم مثل الحرير
شووق : هااا جووجو جاهزه عشان تتعلمين اللهجة السعوديه
جوليت : نعم كلي اذان صاغيه وسوف اكون انا وفؤادي وجوارحي كلها معك
شووق بينها وبين نفسها ياكثر حكيك ليتك تكتمين موب احسن لك
وبعد ان تعلمت جوليت الحكي السعودي وعادات وتقاليد السعوديه من شووق ذهبت الى الاء وهي فرحانه مسروره
جوليت لولو لقد تعلمت اللهجه السعوديه
لولو : ماشاء الله تعلمتي الحكي السعودي في يوم طيب ياجوجو راح اسالك سؤال لكي اعرف ان كنتي تعلمتي اللغة اما لا
جوليت :اسالي ماشئتي
لولو : جوليت السلام عليكم ورحمة الله وبركاته كيف حالتس وشلونتس حووبي
جوليت :وعليكم السلام ورحمة الله وبركاته انا بخير وبصحه وتمام التمام وشلوونك انتي ياعمري
لولو :ماشاء الله تبارك الله عليك والله تعلمتي بسرعه عيني عليك بارده ياجوجو
جوجو : موبس كذا انا تعلمت حكي كل مناطق السعوديه حتى من غير اي مساعد ه من احد
لولو :طيب قولي جوجو بعض الكلمات اللي انتي تعلمتيهم وانا راح اسمعك
جوجو: ايش هدا اشبوو هدا يا ام ايمن هاتي الشيشه بلى فشكلك هيا هاتي الشيشه اناانسان شرير ايوه اناشرير
ايش هدا كمان
لولو : ام ايمن لايكون بس انتي شايفه تلفزيون
جوجو : ايووه انا شفت هدا ايش اسموو هدا مسلسل طاش ماطاش
لولو :ياسلام عليك اجل شفتي طاش ماطاش ان شاء الله بس عجبك المسلسل
جولويت :انا حبيتو كتير ايوه حبيتو بس شوقه ماتحبه مادري ليه
لولو مسكت يد شوق وراحو الغرفه ثانيه
لولو : شوق وش فيها جوليت قلبت من لغة العربيه الى لهجه اهل الغربيه
شووق : ماعليك وانا اختس البنت تتعلم بسرعه وماشاء الله عليها صارت تحكي بحكي اهل الشرقيه واهل الغربيه واهل الجنوب واهل الشمال واهل الوسطى
لولو : ماشاء الله وكيف عرفت هالحكي كله لا يكون منك
شووق : اكيد موب مني من التلفزيوون ياقلبوو التلفزويون هو المدرسه والمعلم
لولو : ماشاء كله اللي تعلمته من التلفزيون طيب وانتي وش كان دورك في تعليمها
شووق: دوري انا دوور كبير في تعليمها يكفي اني عانيت وانا اتفرج معها ووتعبت وانا اقلب لها المحطات من مسلسل الى برنامج ومن قناه الى قناة
لولو: ياعيني من جد تعبتي طيب اسكتي هذا هي جات عندنا
جوليت : وش عندكم فيذا وتتساسرون وتاركيني منطقه بالصاله لايكون بس تحشون فيني
شوق لولو : ابد كانت عندنا سالفه وانتهينا منها
جوليت : احسب بعد
لولو : اسمعي ياجوجو يابعد جبدي انتي تعلمتي كل شي عن السعوديه وعرفتي بتقاليدنا وعادتنا الحين راح اعلمك بنوعيات بعض البنات اللي عندنا
جوليت انا اللي اعرفه نوع واحد بس اللي هو يكون عندهم حبيب مثل حبيبي صويلح تحبه وهويحبها ويعيشوون حياه سعيده
لولو تناظر شووق وفيهم ضحكه
لولو : ياجووليت ياحووبي هذا الكلام بس في القصص الخرافيه القصص اللي مافيها تعقيد ومافيها زواج ومافيها مغازل ولا فيها بنت تحب شاب بجنون و يفضح البنت ويفضح صوورها ويشهر فيها بين ربعه واللي يسوى واللي مايسووى ومافيها ان البنت صارت سلعه بخمسين احصل ع مادري ايش وبـ 100 ريال اكسب مادري ايش الحياه في الواقع ماهي بالسهوله اللي انتي تتوقعينها مثل القصص الخرافيه وسهولتها الحياه في الواقع معقده وفيها متطلبات تكسر الظهر شباب وتشيب طفل صغير
جوليت : بينها وبين نفسها هذي بدايتها الله اعلم بتاليها وش اللي رماني هالرميه
لولو والمسجل شغال اقصد ههههه<<< خارج النص نرجع القصه
نوع البنات في الواقع غير عن القصص الخرافيه
في الواقع فيه انواع كثيره وراح اختصرهم لك ياجوجو بخمس انواع اللي هم العاقله والدلووعه والرجه والبويه و المتعلمه
اما العاقله هذي حياتها تكون كلهابين المدرسه والمذاكره والصلاه وخدمة اهلها وماتعرف وش معنى الحب ويمكن تحب بس تحب وطنها وامها وابوها واخوانها و يمكن تسمع في الحب من الافلام و بعض الروايات الغراميه ساقطه ومن صديقات السوء وان احد من صديقاتها تكلم عن حب فزت وقالت استغفر الله و حبيبها راح يكون زوجها وراح تستحي منه حتى لو تعيش معه مليوون سنه وما تحب احد يخدم زوجها غيرها
وهي اكيد متعلمه ومتدينه وهي متدينه بحدود العقل والفطره وليس الى درجة الغلو والتعصب
والدلوعه هذي اللي عندها بابا وماما وطلباتها في البيت دايم اوامر كلمة لو سمحت او انا اسفه هذي ملغيه من قاموسها متعلمه وتاخذ دايم الاول ليه تاخذ الاول علشان برستيجها
الحب عندها مثل اي لعبه تجيها تلعب فيها لين ماتطفش منها بعد ين ترميها
وان حبيتها لازم تدللها وتدلعها وتخسر عليها وانت تضحك وانسى انها تجيك في يوم ولو بالغلط وتقولك احبك ودايم راح تسمعين منها كلمة بيبي وان حبت الدلووعه من قلبها تغار وغيرتها راح تكون جنوونيه همها في الحياه تكون احلى بنت بالدنيا وعندها ملابس واغراض ماعند احد من صديقاتها مثلها تبي تكون متميزه بكل شي فيها وتوصل اعلى مراتب علشان الكل يمدحها
والزواج الدلوعه ماتاخذ اي واحد لازم تشرط وتتطلب على اي واحد يبي يطلب يدها واللي راح ياخذها امه داعيه عليه لان بعد سنه زواج راح ينسجن من الديون اللي عليه
والرجه او الهبله هذي تحب انها تكون دوم هي الفلاوويه المضحكه وماتعرف شي في الحياه
غير الضحك والهستره بس على خبال تستانس لما تسوي مقالب في صديقاتها طبعآ هذي ماتعرف الحب حتى لو حبت ماراح تطوول مع اللي تحبه ولو تزوجت ماراح يطوول زواجهاا والسبب عقلها الطفولي والمميز فيها حتى لو دمها ثقيل تمزح وتسووي عليك انها ام دم خفيف وفلاوويه
البوويه هذي هي اللي تتشبه في الرجال تشووفينها في المدرسه في زواية او في دورات المياه تتصيد في بنات خلق الله اساميهم حابسه بنات الحاره في كيس او عبطه اوزهيبه او عتره طبعآ اساميهم الحقيقه فيها دلع وانوثه بس هذي الاسامي عشان تكون راكبه عليهم كا مسترجلات
سوالفهم سولف مبزره والله البنت هذي حبتني ولا البنت هذي عطتني هديه وشكلها معجبه فيني وبضبطها ولا البنت هذي عطتني ورده ومعاها رساله احبك اقووى شي ويروح يوم المسترجله في السوالف عن هذي وذيك و ومشروب البويه تشرب جميع انوع زقاير و المخدرات من دخان وحشيش وخمر وشي عاد ي جدآ لان الاشياء هذي تحسسها برجولتها >>>>هههههههههههههه خارج النص اما رجووولتها هههههههاااي استغفر الله بس نرجع للقصه
المسترجله راح تعيش وتموت مثل ماهي تكره شي اسمه رجال وهدفها في الحياه انها ينطبق عليها كلام رسول محمد صلى الله عليه وسلم " لعن رسول الله صلى الله عليه وسلم المتشبهين من الرجال بالنساء ، والمتشبهات من النساء بالرجال " أخرجه البخاري- الفتح (10 / 332 ).
ظاهرة تشبه البنات بالشباب (البوية)!!
لولو وهذا سؤال للشيخ النجدي حفظه الله عن البوية
السؤال : ما حكم ما يفعله بعض البنات في المدارس من تشبه بالرجال والشباب ، وتسمي نفسها بـ( البوية) وتتصرف وتتكلم كالشباب ، وربما اتخذت لها خليلة من البنات تسميها بـ(الليدي ) !!؟
الجواب :
الحمد لله رب العالمين ، والعاقبة للمتقين ، ولا عدوان إلا على الظالمين ، وأشهد أن لا اله إلا الله وحده لا شريك ، واشهد إن محمدا عبده ورسوله ، وآله وصحبه أجمعين .
أما بعد :
فمن الفطرة التي فطر الله عز وجل الناس عليها ، أن يحافظ الرجل على رجولته التي خلقه الله عليها ، وأن تحافظ المرأة على أنوثتها التي خلقها الله عليها ، وهذا من الأمور التي لا تستقيم حياة الناس إلا بها .
وتشبه الرجال بالنساء والنساء بالرجال ، هو مخالفة للفطرة الإنسانية ، وفتح لأبواب الفساد ، وإشاعة للانحلال في المجتمع ،،،
وحكم هذا العمل شرعا هو: التحريم لما روى ابن عباس رضي الله عنهما قال : " لعن رسول الله صلى الله عليه وسلم المخنثين من الرجال ، والمترجلات من النساء " .
وفي رواية : " لعن رسول الله صلى الله عليه وسلم المتشبهين من الرجال بالنساء ، والمتشبهات من النساء بالرجال " أخرجه البخاري- الفتح (10 / 332 ).
والمترجلات : جمع مترجلة ، وهي المرأة المتشبهة بالرجال في حركاتهم ولباسهم .
وإذا ورد في نص شرعي بلعن من يقوم بعمل ، فإن ذلك يدل على تحريمه .
والحديث يدل أيضا : على جواز لعن المتشبهين من الرجال بالنساء والعكس .
والمخنث أو المترجلة يعترض على الصفة التي خلقه الله عليها ، ويحاول الخروج عنها ، وهذا اعتراض على حكم الله تعالى وحكمته ، وقضائه وقدره .
وعن أبي هريرة رضي الله عنه قال : " لعن رسول الله صلى الله عليه وسلم الرجل يلبس لبسة المرأة ، والمرأة تلبس لبسة الرجل " . رواه أبو داود بإسناد صحيح ( 4098) .
وهذا الحديث يدل أيضا : على أنه لا يجوز تشبه كل من الجنسين بالآخر في اللباس ، ولا فيما هو من خصائصه فيه ، فلا يجوز للرجل أن يلبس القلائد ولا الأساور ، ولا الخلاخل ولا الأقراط ونحوها ، كما هو منتشر عند أصناف الهبيين والخنافس ونحوهم ممن يسمى بالجنس الثالث !! عافانا من كل شر وبلاء .
وكذلك لا يجوز للمرأة أن تلبس ما اختص الرجل بلبسه ، من ثوب أو قميص أو عمامة أو نعل ونحوها ، بل يجب أن تخالفه في الهيئة والتفصيل واللون .
فالحديث دليل على وجوب مخالفة كل من الجنسين للآخر في اللباس .
وكثيرا ما يقترن تشبه الرجال بالنساء باللواط ، وتشبه النساء بالرجال بالسحاق ، وهما كبيرتان من كبائر الذنوب تضافان لما سبق من معصية التشبه بالجنس الآخر .
والواجب السعي من الجميع لعلاج هذه الظاهرة .
فأولا : أن تكون المعلمة قدوة صالحة لتلميذاتها ، في خلقها ولباسها ودينها وتقواها ، قولا وعملا ، لأن التلميذ ينظر الى تصرفات أستاذه ومعلمه ويلاحظها ، ويتأثر بها ويقلدها .
جوليت ممكن اسألك سؤال يا لولو من هو محمد صلى الله عليه وسلم ممكن تعرفيني عليه اكثر
لولو : وانا اختس محمداًصلى الله عليه وسلم
هو نبيُّ الله ورسوله وخاتم الأنبياء والمرسلين، هو الصادق الامين هو اخر المرسلين
جوليت : ما سمعت فيه من قبل في القصص الخرافيه ولكن الحديث الذي حدثتي به دخلت كلماته الى قلبي وفي الحقيقه تقطع قلبي على المخنث أو المترجلة لانهم ملعونين ومعروف انمعنى اللعن : اللَّعْنُ : الطرد والإبعاد من الخير
لولو : انتي ماتعرفين رسول لانك من الخيال من قصه وانا اختس هذا لان رسول عليه صلى وسلم {وَمَا يَنطِقُ عَنِ الْهَوَى} (3) {إِنْ هُوَ إِلَّا وَحْيٌ يُوحَى (4) سورة النجم
يعني كلامه من الله سبحانه وتعالى ووحينما لعن المتشبهين من الرجال بالنساء ، والمتشبهات من النساء بالرجال فالعنته تامه عليهم يوم القيامه لامفر منها وهي طرد والابعاد
جوليت :اتمنى ماتكوني انتي ولا شوق من النوعيه هذي
لولو مصدومه انا انااااا وش فيك الحمدالله والشكر انا كل مااشوف بويه احمد ربي واشكره وشوق بعيده عن النوعيه هذي وماتحبهم الحمدالله حنا بنات
لولو خليني بس اكمل لك باقي النوعيات الحين نجي عند المتعلمه هذي تموت في شي اسمه تعليم سوالفها في الكيمياء والفيزياء وتحليل الشخصية لاشخاص و فيها القليل من الغروور اما عن الحب مستحيل تحب او تنحب لان اهتماماه في الكتب والدراسه والمدرسه وهذا نوع من البنات تتزوج وهي في عمر 50 او 40 سنه او يمكن ماتتزوج لانها ما راح تفكر في الزواج الا بعد ما تخلص الما جستير والدكتوراه
جوليت : صح لولو نسيت اسالك انتي وشوق من اي نوع
لولو : انا من كل نوع ماخذه شوي انا دلوعه ورجه في بعض الاحيان والحمدالله متعلمه بس عندك نوعية البويات ماقربت منها الحمدالله ما نسوي الغلط يمكن الغلط الوحيد اللي حنا نسويه
ان نروح المجمع وناخذ ارقام من بعض الخرفان ونسحب منهم فلوس مع ان حنا موب محتاجين فلووس بس وش نسووي ذبحوونا بعض شباب الا غصب لازم تاخذين الرقم اقوله يا اخي انا بنت ناس ابتعد لا يكون مكتوب على ظهري خربانه وانت بعدين ماتستحي على وجهك ماعندك اهل تخاف عليهم ما عندك خوات
جووليت: طيب وش يردون عليك بعد الكلام هذا كله
يقول ما عندي خوات انا الوحيد وبعض الشباب كذا ماعندهم ام او زوجه او خوات تقول طالع مع الفقع
جوليت : تضحك من قلبها طيب ودي ارووح معكم المجمع واشوف وش راح يسوون الشباب معكم وهل كلامكم هذا حقيقه
لولو ولا يهمك امشي معنا نروح السوق بس قبل مانطلع لبسي العبايه والغطا
جوليت وليه الدنيا حر
لولو : لازم تسترين نفسك ع شان الله يسترك في الاخره
جوليت : الله
لولو بعدين راح فهمك بأمور كثيره ماتعرفينه وراح اعلمك كيف تتعاملين مع صويلح لاتقابلتي معه وكيف تخلينه خاتم في اصبعك
جووليت اخ منك ياشرريره وي وي عليكي
جوليت وشوقه ولولو دقوو ع كومار ينتظرونه يوديهم السووق انتقل في هذهي اللحظه لصويلح وربعه
جوليت وشوقه ولولو دقوو ع كومار ينتظرونه يوديهم السووق انتقل في هذهي اللحظه لصويلح وربعه
صويلح دق ع محمد : الوو بشر يامحمد لقيت شي
محمد : السكوورتي اللي في المجمع يقول شاف بنت بالمواصفات اللي قلت عليها اللي هي او صاف جوليتويقول انها طلعت مع بنتين
صالح :طيب طيب يامحمد تتوقع ان جوليت راح ترجع للممجمع مع البنتين
محمد :والله مادري انا بنتظر ونشووف وان شاء الله ترجع
صالح : الله لا يهينك يامحمد فديتك المهم عطني اخر الاخبار اول بول
محمد: ان شا ءالله ولا يهمك ويا الله مع سلامه
صالح : مع السلامه لبى قلبك
ودق صالح ع نايف
صالح : الوو نايف اخبارك ياذيب شلوونك وشلوون الاخبار عندك لقيت شي يدل ع وجود جولييت في الثمامه
نايف : والله يازقرت لين الحين لا ما لقيت او سمعت شي يدل ع انوو جولييت مرت من هنا
صالح : طيب فديتك اذ جاتك اي اخبار خلك معي ع اتصال اوك
نايف : اوك ولايهمك انا معك ان شاء الله اول بأول ويلااا مع السلامه
صالح : مع السلامه
ونرجع للبنات بعد ماوصلوا المجمع وهم في الكوفي شووب في المجمع
الاء : اسمعي يا جولييت يابعد جبدي انتي ان التقيتي مع صالح لاتسووين انك ميته عليه وانك تعشقينه وانك تحبينه وتموتين فيه
جوليت : ليه موب هوو حبيبي لازم يحس بحبي له ويحس اني اعشقه لاني اعشقه
الاء : اي احساس انتي وجهك ان درى صويلح انك ميته فيه راح يسحب فيك ويمشيك ع كيفه لازم تكوني قوويه وكلمة احبك ماتطلع منك غير مره في الاسبووع وخليه يحس انك تكرمتي عليه بالكلمه هذي وطبعآ في القصص الخياليه البنت تحب الولد الين نهاية القصه ومافيه زواج بينهم بس في السعوديه بداية ونهاية اي علاقه بين البنت والرجال لازم يتزوجون ولا مالهم غير الهيئه و السجن وهذا غير عقاب الله سبحانه في لاخره ولازم تكون لك شرووط قبل الزواج بعد انتي موب اي بنت حي الله بنت انتي جوولييت لازم يكون عندك بيت
لحالك ويكون مهرك 80 الف هذا غير الذهب ولازم تكون عندك خدامه تخدمك
جوليت : طيب الحين صالح راح يوافق على الشي هذا
الاء : غصب ع ابووه انه يووافق هو ين راح يلقى وحده في جمالك وحلاتك ويحمد ربه انك راح توافقين عليه اصلاآ
واهم شي ان تلاقيتي معه لاتحسسينه بأهمية اللقاء فيه حسسيه انه شي عادي وانتي موب مهتمه انك تلاقيتي فيه موب لا لقيتيه تجلسين تتغزلين فيه وتقولين فيها اشعار وكلام حلوو خلك ثقيله عليه لان بعدين راح تمشينه على كيفك وتقولين له يمين يقوولك سمي وتقولين له يسار يقوولك سمي وراح يكون لك مثل الخرووف بضربه من صبعك راح يقوول مباااع
جووليت : انا حبيت الكلمه يووم تقولين انه راح يصير خرووفي لاني من زمان اتمنى يكون عندي خرووف هههههه ان شاء الله راح اسووي اللي قلتي عليه على شان يكون خرووفي https://www.lqitk.com/vb/images/kj009/12697682184.gif
ونرجع للشباب
محمد دق ع صالح
محمد : الوووو صالح تعال للمجمع بسرعه لقيت جولييت ومعها بنتين تعرف عليهم سكورتي
صالح : من جد ك تقووله صاج دقايق يا شنب واكون عندك وبدق على نايف وبقووله
يجي عندك ويالله مع السلامه
وتوجه صالح وهو في قمة الفرح والسعاده انه راح يتلاقى مع جولييت حبيبت روميو وبعد ماوصل صلووح الى المجمع وتلاقى مع محمد قاله محمد شوف هذيك جوليت
شوي ويحس صالح انوو محد حوله ويسمع ايقاع هندي وهوو ينادي بأسم جولييت ويشووف جوليت لابسه بنجابي وشوي يتخيل ان جوليت تترقوص معه في المجمع والبنات يرقصون معها والشباب يرقصون مع صلووح وكلمات احبك ياحبيبتي ياجوليت وجوليت انا كثر ياحبيبي والايقاع الهندي شغال وهز في هز و شوي
ويصحى صالح من الحلم الحلوو اللي كان فيه بعد ماجاه كف من احد الحريم اللي في المجمع لانه اللي مايستحي ضم الحرمه وبعد مافاق صالح من الحلم الحلوو وبعد الكف راح يركض لجولييت وهو يصرخ جووولييت انا صالح جووولييت انا صالح حياتي انا حبيبيك وكل من يمر على صالح من الناس يتحمد عليه واللي يقول عليه موب صاحي خبل واللي يقول وين امه
وبعد ماوصل صالح عند جولييت جا بيضمها
جوليت صرخت : خير ان شاء الله منهو انت ياالصايع الضايع ع شان تضم عمتك جولييت اقول انزح وراك
صالح : انا انا ماعرفتيني
جوليت : منوو انت يامعصقل صحيح لون وجهك حلوو وخطوط وجهك احلى بس هذا مش معناته انك تجي وتضمني ليه تفكر بنات الناس لعبه عندك وتضم يابنت ودك انك تضمه وين الهيئه وين الهيئه
صالح : انا ... انا
جوليت / منهوو انت
انا صلووحي اميرك
جوليت تخسي انت وجهك مااحد اميري ....اهاا بس عرفتك انت المسكين اللي اسمك صالح اممم طيب عرفتك تعال معي في الكوفي شوب نتفاهم ع بعض الامور قبل مايكون بيني وبينك زواج
صالح مصدوم ويهز راسه ويروح الكوفي شوب
ويوم جات جوليت تروح الكوفي شوب قالت لها الاء : اي كذا انتي تعجبيني
جوليت مع صالح في الكوفي شوب
جوليت : في الحقيقه يابعدي انا قبل مااوافق عليك ابي شقه تكون لي لحالي
وابي مهري يكون 80 الف لان اكيد ماراح تتزوجني بلاش وابي خدامه اندونسيه بس تكون حلووه وصغيره وابي تعطيني مصرووف كل شهر الف ريال
وبس ان كنت مستعد للطلبات هذي ياابن الناس انا راح اكون موافقه عليك
صالح :اقول طسي انتي ووجهك مابقى الا هي ولا تتطلبين وتدلعين وش رايك اشتري لك شاليه على البحر وجيب لك سياره مع سواق بعد ويكون فلبيني
جوليت : ياااي تسلملي ياصويلح
صويلح : لا والله ترى انتي بكبرك ماتنصرفين عندي بريال واحد وتبين 80 الف مهر من كذب عليك وقالك ان ابوي تاجر ع العموم التفاهم موب معك انتي وشكلك تفاهم مع ضب المنحووس
وجلس يتراسل صالح با البي بي مع الضب ويقوله عن اللي صار وقاله انه مفلس وجوليت طلبت منه طلبات خياليه وتبي منه جولييت فلوس وتبي تتزوج منه واتفاقي معك ياالضب حب بدون زواج
انصدم الضب من اللي صار من جولييت وقال حق صالح ياحبيبي انت في السعوديه ياشنب مافيه حب بدون زواج ع العموم مالك لا انك تنفذ له اللي تبيه
صالح : انت صاحي من جد ابووك انت طيب خلاص اسحب منيتي اللي انا تمنيته ما عاد ابيه
الضب: الأمنية اللي الحققه مااقدر اترجع عنه او سحبها بس فيه حل ثاني ع شان تتخلص من جولييت انك تنزل روميوو من القصص الخياليه وجولييت ان شافت روميو راح تخق عنده وتحبه وراح ترجع معه القصص الرومنسيه
صالح طيب وش تنتظر ياالضب طلع روميو من القصص
الضب انتظر تطلب مني ياسيدي
صالح يومي الاسود اللي صرت فيه انا سيد لك انت وجهك طيب خلص علي
طلع روميوو من القصص الخياليه
ضب :سمعا وطاعه سيدي وجاري التنفيذ
وطلع روميوو من القصص وشافت جوليت روميو وخقت معه وراحت تركض له وضمته حييل لصدرها ودعت جوليت الاء وشووق انتقلوو هي ورميو الى للقصص الخرافيه
وكان صالح فرحان وحزين في نفس الوقت فرحان انه تخلص من ام لسان المعفنه جولييت وحزين انه كان يشوف فيجوليتالحب الحقيقي واكتشف ان حبه لجووليت موب هو الحب الحقيقي كان مجرد حب اوهم نفسه فيه
ويوم جاء يطلع صالح من المجمع وع وجهه علامات الحزن والاسى من اللي صار معه ومحمد ونايف كانوو يضحكوون عليه وع اللي صار معه ولفت نظره عيوون بنت مثل عيون المها
عيون بنت ان شافتها تحس ان ع عيونها كحل بس هي مكحوله من الله ويقوم صالح ويتهور ويقول للبنت سلام ممكن اعرف بيتكم ياغاليه
ردت البنت وهي فيها خجل ومستحيه ليه تبي تعرف عنوان بيتنا
صالح اذا ممكن يا غاليه
وطلعت البنت خبله مثل صالح وعطته عنوان البيت وراح صالح وطلب البنت من اهلها وكانت طلبات اهل البنت طلبات عاديه وميسره لانهم كانو يبوون يسترون ع بنتهم وتزوجها صالح واكتشف معها معنى كلمة الحب الحقيقي وصرت البنت مجنونة صلووح وصلووح ذاب فيها وعشقه
وعاشووو حيا ه سعيده
و قال صالح ماينبني من خيال يبقى خيال هع
نهايه
ملاحظه انا ترى داج في كتابة القصص بس اكتب ع شان اتسلى واسلي غيري
بقلمي
سراب عاشق
صالح بن خالد
<center> >>>>> ردود الأعضـــــــــــــــــــاء على الموضوع <<<<<
================================== </center>
هههههههههه
ياخي حرام عليك في هالقصه
ههههههههه هذا الانتحـــــــــار بعينه
الله يسعدك بس
ويعطيك العافيه
ع القصه
__________________________________________________ __________
ههههههههههههه منووره ياالغاليه
__________________________________________________ __________
قصة جميلة
أبدعت بسردها الجنوني
هنا كان التشويق في الاحداث ملحوظ
أبدعت وأكثر
يعطيك العافية
__________________________________________________ __________
اسعدني مرورك يامشرفتنا
__________________________________________________ __________
قصة رائعة وطريفة
شكرا لك على القصة
تقديري
