الحب في زمن الكمبيوتر - اخترت لكم ابيات طريفة
عنوان الموضوع : الحب في زمن الكمبيوتر - اخترت لكم ابيات طريفة
مقدم من طرف منتديات الشامل
وانا اتصفح النت وجدت ابيات اضحكتني فاحببت ان اشارككم اياها عتاب الاحبة في عصر التكنولوجيا بات مختلفا اتررككم مع الابيات يجول:الشاعر المتعصرن:
فيروس هجرك عطل القلب تعطيـل ...... ودمر ملفات الفـرح فـي حياتـي
ياللي سكنت القلب من دون تحميـل ...... متـى لموقعنـا تشـرف وتـاتـي
عنوانكم ماهـوب ياهـو وهوتميـل ...... عنوانكـم روحـي و قلبـي و ذاتـي
كم مرةٍ أرسلـت لـك عبر الإيميـل ...... وأدورك فـي منتـداي و شـاتـي
وأرسلت لك يازين فايـلٍ ورى فايـل ...... فيها الغلا والحـب يا أغـلى أمنياتـي
وأرسلت لك قصة عذابي مع الريـل ...... ياللي غيابك هـو سبايـب شقاتـي
دايم عليك أبحـث بياهـو و جوجيـل ...... وأنـت ولا تسـأل علينـا بتـاتـي
خابرك بنتم فـور أصلـي و إنتيـل ...... لكن خسـارة غيـروك الوشاتـي
وكان الهكر غروك بالقـال والقيـل ...... بأدعي عليهم في سجودي وصلاتي
ياجعلهـم بقعـاء وطيـرٍ أبابـيـل ...... ترمي عليهم بأمـر ربـي حصاتـي
يرضيك من حبك غدى منهك الحيـل ...... ريقي غدى ناشف ويبسـت شفاتـي
أقضي الليالي دمع عينـي هماليـل ...... لا مـن طريتيلـي تـبـدد مبـاتـي
صحـراي جفـت مالفانـا مخاييـل ...... وأنت المزون اللـي تـروّي نباتـي
وياشين حالي لا قريـت المراسيـل ...... في الأوتلوك أذكر قصص ماضياتي
منك حزين الحرف شـاف البهاذيـل ...... وقلبك مثل قرصٍ صلب في القساتي
موقعك في وجهـي مقفـل بتقفيـل ...... حتىالبروكسي مانفـع وش سواتـي
بمفضلـة قلبـي عطينـاك تفضيـل ...... أنـت المفضـل عندنـا يا غنـاتـي
ويا زين هجرك عطل القلب تعطيـل ...... ومن غير شوفك وش تساوي حياتي
كني بدونك قرص فـارغ ولا فيـل ...... فاسـد ومرمـي بسلـة المهملاتـي
ماعدت أفرق بين اكسس و أكسيـل ...... وماعدت أفرق بيـن بلتـك وشاتـي
وباشكي على الكيبورد كثر الغرابيل ...... وأكتب على الوورد المطور وصاتي
وهذي النهاية حطها وسـط تظليـل ...... لا مـت ف غيابـك سبايـب مماتـي
<center> >>>>> ردود الأعضـــــــــــــــــــاء على الموضوع <<<<<
================================== </center>
| حتىالبروكسي مانفـع وش سواتـي |
هههههههههههههه
بصراحة شي خرافي
ربي يعطيك العافية
بس الظاهر ان القصيدة قديمة
قبل وندوز 6
هههههههههههههه
__________________________________________________ __________
منجد قصيده ممتعه ورائعه
اعجبني استخدام الشاعر الكلمات وتوضيفها بشكل رائع ومتناسب مع مصطلحات الكمبيوتر
حتى الابيات كانت متماسكه وذات سجع وبلاغه وتشبيه فوق الوصف
عزيزي
تميزت ف الطرح وجمال الانتقاء
شكرا ع روعة القصيده الفكاهيه المميزه
__________________________________________________ __________
هههههههههههه
ابيات كثيرة حلوة
الله يعطيك الصحة
__________________________________________________ __________
أديب السماء
اختيار أكثر من رائع
مميز وراقي
أسعدك الرحمن يانقي
احترامي وتقديري
__________________________________________________ __________
ابياات رووعه وصح لساان شاعرها وتسلم يمينك يااذووق
