هاذي الصياغة ولا بلاش يمديكم عليها ..

عنوان الموضوع : هاذي الصياغة ولا بلاش يمديكم عليها ..
مقدم من طرف منتديات الشامل

السلاااااااااااام عليكم


كيفكم حالكم؟ أخباركم؟ علومكم؟؟؟ زماااان عنكم!! أقووووول بس لايكثر

بادخل في المفيد<< ماعندها وقت أبداً أبداً

وبينما أقلب في بحور النت و أبحث عن موضوع لمادة الأدب وجدت هالرسالة


الراااائعه في مدى تعبيرها أترككم معها لتبهركم كما بهرتني.....




بسم الله الرحمن الرحيم

سعـادة مدير عام الاتصالات بمدينة ‏******* حفظه الله
‏ السلام عليكم ورحمة الله وبركاته وبعد

أبعث إليكم بخطابي ‏هذا وفيه أرفع شكواي لكم لعلها تجد آذانا صاغية

سعادة المدير العام :

‏العام ‏فالشتا في شهر حدعش قدّمت عليكم طلب فتح كبينة إتصالات أريد اترزّق

الله فيها ودارت ‏الاوراق ودارت ودارت وقلتوا لي كمّل الشروط وكمّلتها وارتفعت

الاوراق للرياض ورجعت ‏بالموافقة ، ويوم راجعت أحد موظفينكم قال ! لي واحد اسمه

على الصعيبي قال لي: أوراقك ‏مصلّب عليها بالقلم الأحمر!!

قلت : من اللي مصلبٍ عليها ؟ قال المدير العام

‏وهالحين أنت وش تطلبني ؟ أنا مخطي عليك في شي ؟ أو ما استحق اللي يستحقونه
‏
المواطنين ؟ واللي مثلك الله يطول عمرك يساعد على الخير ويقف في صف المواطنين

. ‏وانت تقف في نحورهم مثل شخب ابليس ؟ سعادة المدير العام تعوذ من ابليس

وفكنا من شرك ‏ولا تحط النشب وانت من الله في سعة . وهالحين اغد رجال ومشّ

أوراقي ولاّ ترا الوجه ‏من الوجه أبيض وترا ابن سعود فاتحن أبوابه وتراني

ابكبر الموضوع . اللــــــــــــــــه يخا! رجنا ‏وشكرن

مقدمه/ المواطن فلان الفلاني

.......






هاه وش رايكم فيها؟؟؟ تتوقعون لو أوريها أستاذة الأدب وأقولها أحد

من أقاربي كتبها وش تسوي فيني<< عاد هي تقدس اللغة العربيه


أنا بحكم معرفتي بأخلااقها اللطيفه والمتفهمه:Uhh.: أقل شي راح تسويه


أنها تحاول بشتى الوسائل تنقلني من المدرسه عشان ماتشوف وجهي

الصبوح كل صباح....

<center> >>>>> ردود الأعضـــــــــــــــــــاء على الموضوع <<<<<
================================== </center>
هذا واحد مسوي فيها اخلاق وهو من جنبها ههههههههههههههههههه

يعطيك الف عافيه اختي على الموضوع الرهيب

تحـــــــــــــــياتي لــكـــــ

__________________________________________________ __________
ما ادري لغه والا اسلوب والا طلب والا ايش



يسلموووووووو

__________________________________________________ __________
((جارح الصقور))



ههههههههههههه من جد ولا النهاية شي خخخخخ عصب



الله يعافيك أخوي وشاكرة لك مرورك الأكثر من رائع.....



دمت بخير....









((المايسترو))




كيف ماتدري !! واااااضحه هو يطلب من مدير عام الأتصالات يمشي أوراقه بأسلوب

يفطس ضحك

يمكن اللي ما فهمته الكلمات.....



الله يسلمك يعطيك العافيه على المرور....

__________________________________________________ __________

المشاركة الأصلية كتبت بواسطة الكرز https://chamil.xplainer.net/new_te3p...s/viewpost.gif ( ((المايسترو)) كيف ماتدري !! واااااضحه هو يطلب من مدير عام الأتصالات يمشي أوراقه بأسلوب يفطس ضحك يمكن اللي ما فهمته الكلمات..... الله يسلمك يعطيك العافيه على المرور....

لا تفهمني غلط

انا اعقب<<<<<احس انها مو مكانها

انا اعقب على الموضوع

يعني اسلوبه ما يوحي انه يبغى يمشي المعامله

__________________________________________________ __________

المشاركة الأصلية كتبت بواسطة @الميسترو@ https://chamil.xplainer.net/new_te3p...s/viewpost.gif لا تفهمني غلط انا اعقب<<<<<احس انها مو مكانها انا اعقب على الموضوع يعني اسلوبه ما يوحي انه يبغى يمشي المعامله

هههههه وهذا اللي يضحك أسلوبه في كتابة طلب تمشية المعاملة يعني

الناس إذا بغت تكتب رسالة للجهات الحكومية تكتبها بالفصحى و

باسلوب مهذب هذا معصب وحالته حاله لو أنا المدير لعانه فيه ما راح

أمشي أوراقه خل أسلوبه ينفعه:Uhh.: خخخخخ





يعطيك العافيه خيو على ردك الثاني .....



دمت بخير...