رواية يا نايف حبكـ بالخفوق إحتويته::بقلم/سنآبرق لمع - رواية جميلة

عنوان الموضوع : رواية يا نايف حبكـ بالخفوق إحتويته::بقلم/سنآبرق لمع - رواية جميلة
مقدم من طرف منتديات الشامل

لسلام عليكم ورحمه الله وبركاته


رويتي الاولى هاهي بين ايديكم ....

لاول مرة بعد مرور سنتين من كتابتها وجدت نفسي قادرة على نشرها ...

اعترف انها لن تحوز على رضاكم ولكن اتمنى ذلكـ ...

يمكن لانها اول كتاباتي ..مادري .. انتم اقرو واحكمو ..

بس تأكدو بتشجيعكم لي ...

قوفكم بجانبي ..

تخطى المستحيل .. وانزل روايتي الثانيه لكم ...



انتم ثالث منتدى انزلها فيه ...

كثير نصحوني انزلها هنــأ

يانايف حبك بالخفوق احتويته



للكاتبه:

اختكـــــــــ ** ... سنا برقً لمع ... ** ـــــــــــم


دامك تعيش بداخلي كيف بنساك
هذا السؤال وحط نفسك مكاني
شعور احسه صدق ضايع بلياك
الوقت وقتي ولازماني زماني
جيتك من الحرمان لعيون لقياك
ودي اعرف لوين حبك خذاني
جيتك ابيك واعشقك واترجاك
مرة خسرتك ما ابي اخسرك ثاني
::::::::::::::::::::::::::

::::::::::::::::::::::::

.........................................



.. روايه ابطالها ..
من خيال نسجتها من خيوط الحياة ..
لتبقى على مر الزمان في دفتر الذكريات .. زرعنا الحب بقلوبنا سقيناه من بحر أحلامنا .. قطفنا منه الشوق .. ومرة قطفنا منه اليأس .. ومرة نجني منه ثمار لا نرغب في أكلها .. ومرة نقطف منه شي جميلا زادة رونقا وجمالا ولكن من اول ما يتسلل إلى اعناقنا نتصارع مع مرارته ..
شي جميل ان تعيش بين احضان الحبيب .. لتغمض عينيك بعد ان صارعت الحياة .. وتحملت مشاق الصعود لكي تتنفس انفاساً لاطالما انتظرت ان تستنشقها سنيناً ...... لتتذكر بعدها تلك الاحداث والمصارعات لكي تظفر بمن حبها قلبك ..بمن نظرت فيها روحك الحسنه ..بمن تستحق تلك المغامرات .. اشق طريقي ولاول مرة بعد .. محاولات عديده ... وجهود بذلتها لكي تكون روايتي عند حسن ضنكم ....

<<< .................. الفصل الأول ............... >>>
تعريف بسيط عن العوايل
عايله ابو نايف
شخصيه متسلطة .. عنيفه .. قاسيه .. لدرجه لو جاء احد وقال له رقبه واحد من اولادك بمقابل المال .. مافكر .. يسلط الضؤء فقط على مصادر الفلوس .. ولا مرة في حياته فرح لواحد من عياله .. دايم عبوس ومتضجر حتى من نفسه
ام نايف ..
حاربه الكل عشان مسمى حب ولكن أي حب حب هبال حب لكن مو حب حب فلوس اغراها بالمال اللي ورثه من ابوه .. ماكانت تعرف عنه أي شي سوى انه عنده فلوس وبس مع هذا كله مو معطيــها هي وعيااالها أي اهتمام أو حتى يحسس نفسة بالمسؤولية

نايف كبيرهم .. شخصيه منسوخه من امه .. تطيحه عواطفه .. حنووون لابعد الحدود .. ومشاعرة تتغلب عليه
.. يسامح ماهمه الناس واللي يقوله قلبه يمشي ورااه .. بس لا وصل الشي حدة واللي قدامه ضغط عليه ببراهينه يستسلم لكلامه وينجر معاه
رهام.. شخصيه طغى على قلبها الاستسلام تحب الوحدة .. والانعزال .. متهورة ومندفعه بعض الشي 20سنة طموحاتها جدا عالية عانت وشافت قسوة ابوها كيف ومعاملته وقررت
انها ترفع نفسها هي وامها واخووانها من عيشة الفقر .. وحياة البؤس
اما عبدالعزيز .. شخصيه مرحه مضحكة .. الناس والدنيا بكبرها ورى ظهرة ..
عايله ابو فراس
ابو فراس ..
صاحب محلات وعقارات .. صاحب سفرات من مدينه إلى مدينه .. اهتمامته بس بالمكان اللي هو فيه يعني بمجرد
طلوعه من البيت والباب تسكر خلفه مادرى وش قاعد يصير فيه من داخل .. يفكر ان سعادة عياله فلوس وان الفلوس راح تغنيهم عن العواطف والاحاسيس وهذا عكس ماهم يحسون فيه ..
ام فراس .. شغلها الشاغل المطبخ وابو فراس .. تفكيرها ان الواحد إذا تخرج من الثانوي هو المسؤول الوحيد عن نفسه .. مريحه بالها على الاخر ... تحب بو فراس حب الجنون حتى لو كان على خطأ تتبعه وتمشي وراه .. حتى لو كان الاشي اللي بتسويه يضر عيالها ومستقبلهم ما يهمها اهم شي ابو فراس لا يزعل عليها
فراس: انسان بسيط هادئ قليل يتدخل بأهله .. دايم مع اخوياهـ .. في الجامعه مستوى ثالث .. سريع الغضب مندفع .. ما يعرف يتفاهم ابد
رفا: شخصيه عاطفيه .. رومانسيه حيييل .. قلبها يوسعه بلد .. تأخذ سبعين عذر للشخص اللي يغلط عليها .. خويه رهام بكل شي يتشاركون فيه إلا باللي داخل القلوب
ريوف : انسانه مغرورة .. متكبرة .. على بالها الدنيا بتملكها بالكم قرش اللي ابوها معطيها .. تكرة التواضع واصحابها
طبعا عندهم جدتهم ريميه .. وجدهم جراح .. الجد توفى الله يرحمه .. اما الجدة فساكنه مع ولدها اخر العنقود اللي هو ماجد .. بسيط طموح .. خياله واسع .. ضحكته يشتريها بالفلوس .. بالكليه اخر سنه
طبعا للجدة جيران
فيصل مع نايف بنفس المستوى .. غامض لابعد الحدود ولا احد داري عن اللي بقلبه
غلا مع البنات باخر سنه بالثانويه .. انسانه حقوده .. وتكرة الخير للناس تحب كل شي لنفسها وبس ..
عايشين مع امهم .. بجوار بيت الجدة ريميه
طبعا علاقه غلا بالبنات سطحيه جداً ما تتعدى مشاكل المدرس او دردشه البنات او بالاصح ما تتعدى سور المدرسه وبس
خلصت بس لو في شخصيااات ثانية راح اذكرها لكم
بين الاحداث
الدنيا ظهريه. والناس متضجرة من حرارة الشمس وارتفاعها ..
اتصلت ام نايف على ام فراس ,, تحت الضغط والتهديد من ابو نايف
ريوف: الو
مريم: السلام عليكم
ريوف: وعليكم السلام هلا خالتي
أم نايف: شلونك ياعسل
ريوف: تمااام الله يسلمك انتي وش لونك ووش لون عيالك
أم نايف: الحمد لله بخير يسلمون عليكم
كثير السلام ريوف حبيبتي امك موجودة
ريوف:إيه خالتي موجودة بس لحظة
ريوف: يمة يمااااااااااااااااااااااااااااااااااااااااااااة يا أمتي
الام في المطبخ تحظر الغدا
ام فراس :جعلك العمى يا ريوف ليش تصااارخين ..
ريوف تضم امها من خلفها: يمة علامك اليوم معصبة
أم فراس: انتي الله يهداك خوفتيني عليك
ريوف بإبتسامه: ويــه ما عااش من يخوفك يالغالية
أم فراس: يالله عاد عن الدلع وش صاير
ريوف تضم يديها: خالتي مريم تبغاك
أم فراس بخوف واضح على وجهها : هنا عند الباب ؟
ريوف: الله يهداك يمة كيف تجي وخالي ناصر حابسها هي وعياالها على التلفون يمه
مريم : وهي تمشي من عند بنتها :
: الله يستر لايكون مسوي فيها شي هالخبل حقها(ناصر)
سارة: الو
مريم :هلا بالغالية
سارة: هلا فيك وش لونك انتي وعيالك
مريم تتنهد:تمااام الحمد لله
استمرت بالسرحان
سارة: مريم مريم مريم
مريم سرحت ياترى ليش سرحت ؟
او بالاصح ليش هي متصلة ؟
ماهي من عوايدها!!
تتوقعون رااح تقول لاختهــا ليه متصلة ؟؟؟؟؟؟؟
مريم بإنتباه: هااااااه هااااه معااااك
سارة : لا والله حشى بالك مومعي وش فيك أحد زعلك ؟ زوجك الخبل سوى فيك شي ؟ تكلمي ليه سااكتة .. أولادك فيهم شي
مريم : الله يهداك ما خليتيني اتكلم ! اولا ما فيه شي ! ثانيا انا متصلة علشاان علشاااان (بتردد) ايه ابي ازوركم انا وعياالي
سارة في نفسها:&quot;&quot; والله انتي اليوم مو طبيعية مو دايم تجين عندنا وش معنى اليوم ؟&quot;&quot;
مريم : ســــــــــــــارة وش بلاك ؟ ليه ساكتة
سارة : لا حبيبتي يس قاعدة أفكر وش اسوي لكم عشا.. تعرفين عاد من زمان ما شفناك .. لازم نسوي لكم شي
مريم :أها مدام كذا خذي راااحتك بالتفكير
سارة :هههه أجل لاتتأخرون
مريم : لا إنشاء الله بعد صلاة المغرب وحنا عندكم
ـــــــــــــــــــــــــــــ
مريم تسكر التلفون وهي مرتاحه بس بقلبها حيل قلقانه وانتبهت لنايف اللي حاط شماغه على كتفه وطالع من الباب وتوقف لصوت امه
: نايف وين رايح
نايف ماسك مقبض الباب: والله طفشان ضايق خلقي
اليوم ابي اروح اتنفس واشم لي شوية هوا ويمكن امر على جدتي شوي
مريم: طيب لا تتأخر عشان نبي نروح بيت خالتك ساارة
نايف تلخبط ونقلب وجهه بس مايحاول يبين
نايف : ليه ؟؟ غريبه ؟؟
مريم : من زمان ما شفناها بعدين قبل
الاختبارات وبالمرة رهاام تذاكر عن رفا
ناايف واللي من سمع اسم رفا وكن حيااتة
تغيرت وقعد يردد اسمها في قلبة
: رفا رفا رفا والله احبك يارفا ليتك تدرين والله مشتاق لك حيل يالله هانت كلها
ساعتين وانا عندكم

وركب السيارة وهو في طريقة لجدته ريمية وسارح قلبه مع رفا وكان مشغل اغنية احلام

أكثر من اول احبك
بس ما ابغى اقول
اخاف لو قلت تتغلى
علي مرة
انا بصراحة احبك
حب مو معقول اكبر دليل بغلاتي
هي غيرتي مرة..
شف دمعتي ضحكتي
حتى العيون تقول
أحلى كلام احفظة
ويضيع من نظرة..

في المقابل لما سمعت رفا بان خالتها مريم راح تزورهم .. حمرت وصفرت وكل الوان الطيف في
وجهها ماهي مصدقة انها راح تشوف نايف الحبيب المنتظر .. لو على الاقل من الطاقه لو ما سمحت لها الفرصه تسرق النظر عن قرب
أم فراس: علامك رفا
رفا بكل عطف : لا يمة بس مستغربة ليش خالتي تزورنا
أم فراس: والله ما أدري علمي علمك هي
رااح تجي ونعرف السالفة كلها مع اني حاسه ان فيها شي لان صوتها موب طبيعي
رفا وهي طالعة من المطبخ
أم فرااس: هو رفا حبيبتي وين رايحة
قعدي ساعديني في شغل المطبخ
رفا : لا يمة ابي اروح اضبط نفسي
أم فرااس: حبيبتي حق من التكشخ هذي
خالتك اللي جايه مو احد غريب
رفا باحراج: أمممممممممم لا بس ابي اغير شكلي شوي
دخلت عليهم ريوف اللي تتلذذ لمن تفشل الواحد
ريوف تنغز اختها : تغيرين شكلك هااااه والله وكبرنا وصرنا نستحي
رفا توخر يد اختها: وجع في شكلك يالحمارة متى جيتي خرعتيني
ريوف اخذت قطعه البسكويت
: قبل شوي
رفا: زين انك جيتي عشان تساعدين
الوالدة في المطبخ وانا باخذ شور على السريع
ام فراس: رفا حبيبتي اتصلي على جدتك قبل لا تصعدين دارك خليها تجي عندنا فرصه نجتمع
رفا: خلاص يمه .. حاظرين
ام فراس: الله يسعدك يارفا قولي امييين
ريوف : هااه ما بتخلصين مدح في ست الحسن
ام فراس: بسك عااد من هالغيرة الزايدة وشوفي وش ناقص عشان نتصل على اخوك يجيبهم من برى
ــــــــــــ
راحت رفا تتصل على جدتها وهي طايرة من الفرحة
رفا بحمااس: ألوووووووووو
: هلا
رفا : هلا فيك
: شخبارك
رفا بتوتر: الحمد لله
: مرة وحدة جدتي ما اسولف معالك شوي
رفا : جدتي عندك ابغاها ضروري
: يامرون الحلوين
الجده : الووو
( وتستمر رفا بالسرحان )
الجده : الووووو
رفـــا : هلا جدتي
الجده : هلا فيك يمه
رفــا : اقول جدتي سكتي اللي حولك ما اسمعك
الجده : هذا نايف يتهاوش مع خالك ماجد ما عليك فيهم
رفــا :مممممم بس حبيت اقولك ان خالتي
مريم بتجي بيتنا المغرب ا وامي تبيك تجين عندنا ها وش قلتي ولان صراحه ماناقصنا إلا انتي وخالي ؟
اليده : والله يا بنتي ما ادري اشوف ماجد
رفـــا بترجي : جدتي تكفين تعالي ولهنا عليك يالله لا ترديني
(ماجد ياخذ السماعه )
ماجد : هلا رفوووي
رفــا بحماس: هلا فيك
ماجد : شعندك ؟
رفــا بدلع: والله حابه اعزم جدتي
امممممممم ومن بعد؟؟؟؟؟ اييييييه وانت
ماجد : لا والله تنسيني يا سخيفه ؟ انا خالك كيف تنسيني ؟
رفــا : ههههههههههههههههههههههه
صدق انسى عمري ولا انساك
ماجد : مدام كذا بعد المغرب واحنا عندكم
رفــا : اوكيه خال
ماجد : يالله مع السلامه حبيبتي
ــــــــــــــــــــــــــــــــــــــــــــــــــ ـــــــــــــ
نايف اللي من سمع رفــا وهو
متغير كثير ولما سمع كلام ماجد
انرفع ضغطه منه لانه قال كلمه هي
بحد ذاتها عاديه بس عند نايف
غير ما يحب يسمع احد يقول كلام
حلو لرفــا يغاار مثل خاله لما قال ( حبيبتي)
نايف نغز ماجد
ماجد رجع التلفون مكانه: ههههههههاااااي وش فيك يالخبل ؟
نايف : محد خبل غير وجهك . صدق سخيف
ماجد : اوه اوه اوه اوه ليش هذا كله
نايف تلخبط وش يقول ؟ عشان كلمه ؟ صعبه
ماجد يفهمها وهي طايره
ماجد : اهااا عشان إني كلمت رفووي . عادي يابو الشباب
نايف : لا موعادي بالنسبه لي
ماجد : شوي شوي على مهلك يالحبيب
أولا هذي بنت اختي وثانيا اعزها
مرة ياخي احسها تفهمني ليش ما ادري
نايف: ترى هالمرة وبس مره ثانية والله ما تشوف خير
ماجد: يمه لحقي علي نايفوه يعرف يهددني
.. تصدق اني خايف حيل ,, انتفض وش بتسوي ياولد امك
نايف يتظاهر بالزعل: عودها وراح
تعرف وش اسوي فيك يالمرة
وقام فتح جواله على الملاحظات
(( 7المساء وانا عندك رفااا أحبك ))
مادرى مسكين إلا ويجبة بالمخدة على
وجهه وهو مفزوع .. وبدو يتحاذفون
حتى دخلت ريميه وهاااوشتهم واعطت كل
واحد نصيبه على الماشي
الجدة: يالله قومو تأخرنا على سارة
رااح نايف يغسل وجهه ..
ودق صوت المنبة عند نايف وسمعها
ماجد انتبه وقام يدور على الجواال وفتح
الملحوظة وقعد يضحك من
الحركاات اللي أعجبته وقاام يتذكر
منال خويت رهاام ورفا بالمدرسة
ويتذكر اول مرة شافها فيها يوم اتصلت علية مريم وقالت
مريم : الله يعاافيك رح خذ رهاام
من المدرسة لحد الحين ما جاات
ماجد : حااضر ما طلبتي شي !! بس بكم
مريم: قسم بالله يا ماجد ان البيت عندي .......
قاطعها ماجد : خلاااااااااااااص خلاااااااااااااااااص انا رايح
وسكر الخط
وحرك السيارة متجة لرهااام وشاف
منال واقفة مع رهاام واعجب بمنال
حيل هذي ليش دخلت قلبي بدون
استأذاان مع ان في بناات
احلى منها ليش هي بالذاات
نايف يمسك كتف ماجد:
ماجد: وش فيك يالمجنون خرعتني
نايف : من سمحلك تمسك الجوال
ماجد يغير السالفة: اهااااااااة تقابل
الحبايب هاااة أية انبسط من قدك ياعم
نايف سحب جواله وكنه تذكر شي ازعجه: يالله يالله نروح ناخذ امي وبعدها نروح عند خالتي
ــــــــ


<center> >>>>> ردود الأعضـــــــــــــــــــاء على الموضوع <<<<<
================================== </center>
وصلو لبيت ام نايف
ونايف
استأذن جدتة وماجد علشان يدخل بسرعة
نايف: خلاص روحو وانا بلحقكم عند خالتي مع اهلي
ما دخل من شي إلا لانة شاف سيارة ابوه بعيدة عن بيتهم شوي
طق الباااب ودخل
ابو نايف : نايفوووووووووووووووة وين كنت يالحمار
نايف : ........ ما يبي يرد علية لانة
لو بيرد علية بيصير شيء ما حد يحبة من نايف
ام نايف: خلاص يابو نايف ما صار
إلا الخير وين بيكون عند جدتة
ابونايف بعصبية : مالك دخل ولدي وانا حر فيه اكلمة زي ما ابغى ولا تفتحين فمك ولا بحرف ياللي ما تستحين
فـــــــــــاصــــل ((( ابو نايف كان يسكر بشكل موب
طبيعي وكان يتذكر عياله وبيته إذا طفر وصار محتاج لريال .. كذا يرجع ويهاوش ويخانق حتى ياخذ اللي يبغاه .. هذا هو سلاح ابو نواف الصوت والتظاهر بالقوة والشجاعه)))
حتى ولدك ما ربيتية زين .. لو فيه خير كان ما خلاك بالبيت لوحدك وراح يتسكع بالشوارع .. ولا يوم اني طيب بدأ الولد يتسحب من مسؤليه البيت
نايف تكلم بادب واحترام وبصوت واطي بس كانت نظراته لأبوة جداً حادة
نايف: لو سمحت المفروض الكلام كله اللي قلته تطبقه انت عشان انا اقتدي بك .. انت المفروض اللي بالبيت .. وانت الوحيد اللي لازم تحوطنا بأمانك .. مو انا .. بعدين وين الطيبه يوم انك تبكي حريم .. ولا المرجله ما تجي إلا على حريم
ما أنتبه نايف إلا وكف على وجه .. بس ما تأثر من ظاهرة بس من داخله نار اشعلها ولا يقدر يطفيها قام ورفع نفسه
نايف: مشكور يابو نايف كفوو .. هذي الابوه ولا بلاش
ابو نايف بصوت ظج البيت من قوته: انطـــــــــــم ولا كلمه على اخر عمري تجي تكلمني عن الاخلاق ياولد المرة .. انقلع من قدامي يا خسيس .. ياللي ما تستحي
نايف ما تحرك وظل واقف ولا كأن احد كلمه ..
ابو نايف: هذي اخر تربيتك يا ام نايف هاااه .. والله لا أربيك من جديد يالنذل
وانت ( طالع بعبدالعزيز) لا واصيك تعلم منه كل الاخلاق تراه قدوة
صرف نظرة عبدالعزيز ولا تكلم ولا بكلمه
أم نايف: انا ربيتة احس تربية لو ماربيته زين كان شفته ماشي بالطريق اللي انت ماشي فيه
ابونايف ما يحب احد يراددة
وقف يبي يمد يدة على ام نايف لكن
هيهااااات ان نايف يخلية يمد يدة على
امه اللي ربت وشقت وعانت
وكاافحة وتحملة الذل والاهانة علشان
عيالها في الأخير طلعت ما ربتهم زين ؟؟ زين ليش
ام نايف راحت قعدت على الكرسي وما حست بنفسها إلاوالدمووع
على خدودها واللي يشوفها يقول ذي اول مرة تبكي كان بداخلها بركان من الدموع وتوها الحين تنزل
...... صعب موقف زي كذا على عيال
ام نايف صحيح انها مو اول مرة تصير
بالحاله ذي ولا هي اول مرة تبكي او تنهار
بس خلاص ما تقدر تصبر
علية طفح الكيل عندها
ابو نايف اول ماشاف ام نايف
لا اهتز ولا شي وقام ناداها
ابو نايف : اسمعي اللي اتفقنا علية
اليوم يصير ولا لاتلومين نفسك .. وحرام بالله لو ما ترجعين من عند اختك باللي طلبته منك والله لاسوي شي ما ترضينه
آم نايف بخووف :إن شاء
الله ما يصير الا الخير
طلع ابو نايف من البيت وام نايف
جلست تصيح ودموعها كانت عبارة
عن الم وحسرة حسرة على وشو
حسرة على شبابها وعمرها اللي قضتة معاه
رهام : يمة خلاص حبيبتي لا تصيحين
نايف : يمة خلاص .. ما ابي اشوف لك دموع لا تعذبيني بدموعك ترى اللي فيني يمه مكفيني ..
رهام: يمه هذي ماهي اول مرة يسوي ذي الحركات
يمه خلاص .. الحين هو راح ولا راح يرجع إلا بكرة او بعدة .. يمه ريحي على نفسك شوي .. وهدي اعصابك
نايف: يمه انا ما زعلت من كلامه لي بالعكس والله ما دخل من اذني الشمال عشان يطلع من اليمين وطنشته .. ولا كأنه موجود .. ولا حرك فيني الكف اللي عطاني إياه والله يمه ما حسيت فيه ولا بشي .. وإذا قصدك على مشاعري فأنا استاهل انا غلطت وهذي جزاي يمه لا عاد تزعلين نفسك على شي ما يستاهل
ام نايف عصبت: نايف إلا هالالفاظ لا عاد تقولها على لسانك
مهما كان هذا ابوك
نايف: يمه اي ابو ذا اللي على الطالع والنازل طالب فلوس .. يمه انا اللي اطلب منه ولا هو المفروض يعطيني
يمه ترى والله ما صارت عيشه .. ترى لو ماهو انتي واخواني والله مالي قعدة معاه بالبيت ولا دقيقه ..

والحين يالله خالتي الحين تنتظرنا
عبد العزيز وهو يقرب من امه
: وش فية نايف على خالتي هاليومين
ام نايف تمسح دموعها بطرف شيلتها
بتجاهل: ما أدري
نايف: يالله يمه لبسي عباتك ترى تأخرنا عليهم
رهاام تطالع نايف بخبث وهي تلف طرحتها
: أكيد تأخرنا
نايف شافها بس ما حب انها تعرف
انة يشوفها وطنشها ومشى
ــــــــ
بيت ام فراس
رن الجرس .. ورفا مع كل رنه يدق قلبها معها .. اكيد هم
رفا بتحطم : هلا والله تفضلو
الجدة وماجد : هلا والله فيك
ام فراس : يا حي الله من جانا ما كان ودكم
بعد السلام والتسليمات قلطتهم ام فراس بالمجلس
ــــــ

__________________________________________________ __________

وصلو ام نايف لبيت سارة نزلت
رهاام وراها عزوز من العجلة
يتسابقون نايف مرتبك ومتوتر عاشان رفا
ريوف : هلا والله
رهام : هلا والله بريوفة
ريوف: هلا خالتي حيااك تفضلي
ام نايف: الله يسلمك ويعاافيك
ريوف: هلا نايف
نايف : هلا فيك
عزوز: شخبارك
ريوف : تماااام انت شخبارك
عزوز: زين الحمد لله
بعد السلام والتسليماات
الكل مستغرب وين رفا
ام فراس : ريوف روحي شوفي
اختك وينها فية ليش تاخرت
رفا طالعه مثل القمر والنعومه ذابحتها لبسها ومكياجها وطريقه كلامها ومشيته اللي تجذب وطرحتها اللي لافتها على وجهها بكل نعومه
رفا : انا هنا يمه
اقربت رفا من خالتها اللي كانت اقرب وحده من رفا
رفا تبوس خالتها: وش لونك خالتي
ام نايف : ما شاء الله وش ذا
القمر وين كان مستخبي
رفا استحت من خالتها وطالعة بالارض
: عيونك الاحلـى
وراحت بعد غند جدتها وبعدها ماجد
ماجد يطالع بنايف: هلا هلا هلا والله بالحلا
رفا: هلا بك
وراحت جلست مع خويتها رهاام
رفا : هلا والله وغلا
رهاام : هلا فيك
رهام : تصدقين نايف بس يصاارخ
علينا يالله يالله تاخرنا على خالتي سارة
وانا عارفة ما تاخر على
خالتي تاخر على شوفتك
رفا تتنحنح: احم احم صدق والله
في مقابل البنات ماجد ونايف
ماجد ينغز نايف : الحين شفتها ارتحت خلاص برد قلبك والله ياشينك .. انا لو بدالك ادور وحدة مستواها الجمالي على قدي ما اروح اطب على ملكه جمال وانا الله يستر عليه ما ابغى احد يشوفني .. اتلطم بشماغي لا اتفشل من خشتي
يا انك انت غلطان او انها هي ما شافتك زين
نايف : اقول وش رايك..
ماجد بتركيز: بوشو رأيي
نايف: ياخوي بس لو تنطم شوي .. ياخي ما صارت اركد شوي .. بس تتطحن لو بجنبك حب كان امداه انطحن .. فيك شي .. ضارب اليوم ولا وشو
ماجد: لعنه الله عليك يالتيس ..
ريوف بصوت عاالي: شفيكم
انا هنا ماحد معبرني جالسه بروحي
رهام مع رفا ماجد مع نايف والكبار
مع بعض ما صاارت والله
الجدة : انتي يالسوسة تملين ؟؟
ريوف : كذا يا جدتي يعني ما قد سويت فيك شيء ؟
الجدة : إلا يوم كنتي صغيرة في
حضني وعملتيها علي
ريوف يلعن ام الاحرااج بس
وجهها صار الحين بين رجولها
الجدة : وكل ذا ماسويتي فيني شيء
عزوز يطالعها: عااادي جدتي
كانت صغيرونة ما تحس بعمرها
ريوف تطالع فية بسخاافة وتتكلم
مع نفسها :&quot; وانت وش حشرك بالسالفه يالسخيف&quot;
ماجد : ايه حتى انا اتذكر
هالموقف صعب انساها بالذات يوم انه من ريوووف
ريوف: واللي حمرت من زود
الاحرااج قامت وراحت المطبخ
والكل مات عليها ضحك
الجدة : لا يكون زعلت هالبزر
..روحي شوفيها يارفا
رفا واللي ماتسمع شيء من اللي قالته
جدتها .. تمت تطالع نايف اللي
كانت تحبة حب الجنون
رهاام تقطع الصمت
والكلام اللي دار بينهم
رهاام تغمز: يالله رفا نقوم نذاكر
ورانا امتحانات وتطالع نايف
نايف بلا شعور : ....... شدو حيلكم
والله يوفقكم
رها ورفا : ان شاء الله
رفا: يمه إذا بغيتي شي نادي علي
ام فراس: لا حبيبتي رككزي بس على مذاكرتك
ــــــــــــــــــــــــــــــــ

في دار رفا
رفا ترمي طرحتها ونفسها على السرير
بكل رااحة مع ابتسامة عريضة
رهام : هاااااه وش علوم
الابتسامات اللي تحت بالصالة
رفا : الله يهديك أي ابتسامات ؟
رهاام : علينا ترى الانظار متوجة لكم
رفا :عادية نظراتي له
رهاام : تصدقين نظراتكم لبعض
خلتني اتأكد من قوة حبكم لبعض
وبدات ابتسامتها تختفي
رفا تعدل جلستها : علامك رهاام
قالت لها السالفة كلها ماتخبي شي عن رفا
رهاام : اااه ودي اعرف وش هي
الحاجة اللي قال لامي فيها لو ما جبتيها
ما تشوفين الليلة خير
رفا حست انه فلوس مو شي غيرة: يمكن شي خااص بينهم ..
يالله لا تشغلين نفسك بامور عادية
رهاام : رفا حسي فيني ابوي مفشلنا
قداام خلق الله كلهم معد اقدر اتحمله والله زهقت
رفا : وش بتسوين يعني لو كل
واحد يختاار امه وابوه كان اخترنا
افضل ابو وافضل ام على
وجة الارض .. اصبري واحتسبي والله معااك
رهاام : ااااااااه اللهم امين
ـــــــ
بعد العشا وماجد والجدة راحو البيت
مريم : سارة بغيتك بموضوع
سارة : خير يا مريم
مريم : والله اني منحرجة منك مرة
سارة : عاادي ياوخيتي حنا ما بيننا
رسمياات ادخلي بالموضوع
مريم : بدون لف ولا دوران
ابي منك فلوس
نايف كان طالع حوش خالته وقابل فراس اللي كان مع اخوياه
نايف: وينك يالنذل فيه ما عاد نشوفك
فراس: مشاغل انت شخبارك ..
نايف: على حطة يديك
فراس: ابوك مثل ماهو .. ولا فيه تحسن
نايف: إي تحسن خلها على ربك بس
فراس: الله يعينك اهم شي انه تارك لكم حريتكم
نايف: الله المستعان
فراس: اهلك جو معاك
نايف: إيه كلنا متعشين هنا تو راح ماجد مع جدتي
فراس: اها والله توي ادري لو داري من وقت كان جيت معاكم .. إلا علامك لوحدك بالحوش
نايف: ما ادري حسيت ان امي تبي خالتي بموضوع .. وقمت عشان ما احرج نفسي
فراس: اها اجل تعال نقعد على الفرشه اللي هناك ونكمل سواليف
بصاله ام فراس بدأت الاصوات تعلى
سارة انفعلت : لية علشان زوجك السكران
اللي ما عند لاذمة ولا ضمير
مريم : قصري صوتك مهما كان هذا زوجي
سارة : امحق من زوج بالله هذا زوج تفتخرين فيه يامال اللي مانيب قايله شوفي حبيبتي لك ولعيالك
انا مستعدة اعطيك حتى ما اعطيك اروح معاك واخذ لك اللي تبين وانا ادفع المبلغ اللي تبين اما لزوجك ذا
فلا اسفة
مريم تطالع الارض: يعني لازم يذلني ويهينني قدام عيالي
سارة واللي ما هانت عليها اختها
بس وش تسوي لازم تشد على اختها
علشان ما تصير سبيل عند زوجها
مريم لبست عباتها واعتذرت لاختها من الموقف وراحت تنادي على اولادها
: نايف رهاام عزوز يالله بنمشي
سارة تمت تطالع اختها بحزن
: قعدو شوي باقي ما شبعت من شوفتكم
مريم : لا طولنا حتى ابوهم الحين ينتظرنا الله يعين عليه
رهام: يلا رفا ابدئ باي مادة عشان بوقت الاختبارات بس نراجع
رفا: طيب وانتي لا عاد تشيلين هم ابوك .. خلاص الحين اسبوعين شدي حيلك فيها وانسي كل شي
رهام تلف طرحتها : ما ظنيت يا رفا لكن خليها على ربك
عبدالعزيز: رهام وجع بعد ننتظرك تكملين سواليف
رهام طبعت بوسه على خد رفا وخالتها وطلعت
رهام: سلمي لي على ريوف اوكيه
رفا واقفه وحاطه يدها على الباب
: مع السلامه
طلعت ام نايف وعبدالعزيز ورهام .. للحوش الخارجي وشافو الشباب مبسطين وجالسين
نايف قام : هاه يمه خلاص نمشي
فراس: شخبارك خالتي (وكان يطالع برهام) وقام وسلم عليها
ام نايف: بخير جعلك تسلم يالله يانايف عجل ابوك امداه وصل
فراس: يلا سلم واسلم على من حولكم
عبدالعزيز فهمها: وصلت ياعم
فراس: قسم انت ما يبغالك إلا بالجزمه على وجهك ..
عبدالعزيز: شفت كييييييييييييييييييف؟؟ ههههههه

ــــــــ
بيت ام نايف
ابو نايف سكران: هلا بزوجتي الغالية هاااه وين الفلوس
ام نايف بخوف : ما عندها
ابو نايف فك الكاسه من يده ومسكها
من شعرها
: وش يعني لا
ام نايف : ما رضت تعطيني
ابو نايف : ليش ما رضت تعطيك
قاعدة هي وزوجها على كنز
ام نايف: الله يديم عليهم هالعز وبعدين انا متفشله منها كل مرة والثانيه وانا طالبه منها .. والله راحت مويه وجهي
ابو نايف ما اعجبه كلامها وفلسفتها وشريطها اللي دوم تكررة تم يضربها حتى طااحت
واغمى عليها .. حراام وش ذنبها
هالمسكينه تبقى معه وتعيش
معاااه ليش الزمن هذا زمن مصالح
وبس كلن همة نفسه ليش ؟؟؟؟؟؟؟؟؟؟؟؟
طلع ابو نايف .. وعيالة كلهم واقفين
عند الباب .. بس ما في اليد حيلة
نايف يمسك امه ويرفعها من على
الارض ويصاارخ على رهاام اللي
تيبست عند الباب:تحركي هات مويه بارد بسرعة
راحت وجابت المويه له وهي غرقانه بدموعها
وتم يمسح
على وجة امه حتى فاقت ويشربها شوي
وفاقت على صوت رهاام اللي تبكي على رجولها
ام نايف تمسك بنتها وتضمها
على صدرها وتسكتها رهاام حبيبتي ما صار شي
رهاام : وش لون ماصار شي وحنا
قلنا لك لا عااد تطلبين من خالتي
سارة فلوس ليش يايمه فشلتينا
قدام الله وخلفة والسبة ابوي .. يمه حنا إلى متى وحنا راضخين له .. معطينه اكثر من حجمه .. يمه هذا ماهو ابو هذا عدو ... ليييييييييييه يايمه
نايف : رهام حبيبتي
رهاام قاطعته : ابي احس
اني عندي ابو مثل كل البنات يمه
قلبي يتحرق لما اسمع وحدة تقول
ابوي شرى لي عقد والثانية خرجو مع
ابوهم وانبسطو واستانسو ..
انا اظل ساكتة واتمنى الارض تنشق
وتبلعني لمن اسمع السؤال متوجة
لي وانت يارهاام وش اعطااك ابووك ..اااه يايمة ما ادري وش اقول لهم .. اعطااني فلوس ولا اقول
اعطاني كف على وجهي صعب
يمه اجااوب ياربي ليش انا عندي ابو كذا ليـــــــــــــــــــــــــــــــــه
نايف والعبرة تخنقة : خلاص رهام ماصار شي يعني انا وين رحت .. هذا انا ادرس ومكافأتي تروح لكم
يعني انا قد قصرت معكم بشي .. طلبتي شي وقلت لك ما اقدر ..
رهاام: لا والله بس الشي غير يوم انه من عند الاب وغير يوم انه من عند الاخ .. فرق كبير .. انا يا نايف ما ابغاك من الحين وانت شايل همومنا .. وش ذنبك ..

نايف: وش عليه كذا الدنيا يا نسايرها ولا هي تسايرنا
كذا ولا كذا .. انا خلاص متعود على كذا ..
علميني الحين انا عشان من ادرس .. واشتغل في العصريه ما هو على شانكم ولا انتي تفكرين اني انا اسوي كذا على شاني .. لا .. يحرم علي ريال لو حطيته بجيبي وانا ما اسعدتكم
ولا لبيت مطالبكم .. يمه عشان كذا انا في بالي هالفكرة من اول .. والحين جا وقتها .. كنت افكر اطلعكم نتمشى شوي ولا نروووووح ملاهي من هالاماكن .. وجمعت لها من بدايته السنه والحين ماهي خسارة لو نصرفها من اجل سعادتنا
ام نايف: وكم .. يانايف إذا بتقعد ترمي فلوسك على شي مو مهم فلا .. حنا عندنا طلبات واحتياجات نصرف عليها احسن من شي ما يستاهل

نايف : لا والله انا قد وعدت الشباب إني اوديهم ولا راح اخلف وعدي .. ما عليك يمه ربك يسهلها

(( صدق عزوز وينة ماله طااري))
حاط السماعات بأذنه من يوم سمع صوت ابوه ارتفع ما يبي يسمع شي من اسطوانه الفلوس اللي عذبتهم .. وقاعد يسمع اغنيه تركي
تعال نجنن العالم بقصه عشق مجنونه
ما مرت ولا بالحلم على قلبين عشقانه
تعال ندرس العشاق معنى الحب وفنونه
ودنيا عشق ما فيها ولا إي لحظة خيانه
ويتذكر ريوف اللي حبها من يوم هم بالابتدائي وهي ما تعطيه وجه تذكر اول مرة يعطيها من الزود حبه فيها حلاوو يوم كانو ثاني ابتدائي
عبدالعزيز : خذي ريوفه حلاو
ريوف تطالع فوق : ماهي حلوة
عبدالعزيز: لا والله حتى داخلها علك بعد بالفراوله
ريوف: لا ابوي جابلي احسن منها جابلي شكولاته
عبدالعزيز: بس شوكلاته طيب انا اجيب لك توفي لك
ريوف: ما تقدر انت اصلا ما عنك إلا قمل ثيابك ..
وراحت وخلته وجلس يصيح لي تسبه وتتكلم عليه وتتفاخر قدامه
عبدالعزيز قام وهو يضحك
عبدالعزيز: والله ايام تعايريني بالحلاو اللي اربع حبات بريال
والكل راح دارة علشان ينام إلا
عبد العزيز مشغول باله بريوف
اللي مادرت عن هوى دارة
واشرقت شمس جديدة على بيت ابو نايف وبيت ابو فراس
على طاولة الطعاام
نايف: صبااح الخير يمه
ام نايف: صباااااااح النور والسرور
ام نايف: وين اخوانك .. روح نادهم
نايف راح عاد هو احلى ما عليه الصباح يتلذذ إذا جاء يصحيهم انواع الازعااااااااااااااج
نايف: عزوز عزوز عزوز عزوز عزوز عزوز عزوز عزوز عزوز عزوز عزوز عزوز عزوز عزوز عزوز عزوز عزوز عزوز عزوز عزوز عزوز عزوز عزوز عزوز عزوز عزوز قم وجع
امي تنتظرنا
عبد العزيز: والتعب وااضح
على وجهه : مابي اذلف احسن لك
نايف: خير ان شاء الله وش فيك
تعباان امس مثل الحصاان
مين مسهرك ليلة البارحة.. قول قول لاتخبي كل شي واضح
عبد العزيز بغير نفس: هههه .. ياشيخ روح
والله مالي نفس اشوف وجهك مع الصبح
نايف: هين يا ولد امك يلا قوم يالولهاان عشان الوالدة ماتزعل
عبد العزيز : خلاص الحين
نازل بس وجة الفقر تحت
نايف عصب: عبدالعزيز عيب عليك مهما كان ابوك
عبدالزيز بقرف:امحق ابو
نايف راح ووقف عند الباب: اخلص علينا قوم انزل
عبدالعزيز: خلاص ياخي لاتحن علي .. قلت لك انشاء الله اسبقني انت
ــــــــــ

__________________________________________________ __________

نايف يطق الباب على رهاام
نايف: يالله حبيبتي
رهاام تراك بتتأخرين
رهام: طيب طيب اسبقني انت

على طاولة الطعاام
عبد العزيز بحركة: اف اف اف
نايف يعطي عزوز نظرة معناها انطم
ابو نايف يتمصلح: انا عااد اول مرة اقعد
معاكم على الفطور ويا زينه معكم وبما انكم كلكم مجتمعين سوى بقولكم وش صار
صاحب البيت امهلنا كم يوم .. لان الاجارات ما دفعنا اغلبها
عبدالعزيز: البركه فيك
ابو نايف مسك نفسه وسوى نفسه ما شافه

وكمل كلامه: وانا
اجتمعت فيكم علشان تقولولي الحل .. الرجال يبي الايجار .. وحنا ناس على قد حالنا
ام نايف تصيح:ويعني وش اقدر
اسوي لك .. انا ما عندي شي ومصاريفنا كلها من جيب نايف .. وعلى قدنا .. وين بنروح انا وعيالي
كل هذا من اللي قاعد تشربة ليل ونهار
هو اللي ضيعك وضيع كل شي حتى فلوسك ..
ابو نايف وهو ماسك نفسه علشان
خطتة اللي قربت تنجح ..
أي خطة؟؟
خطة انه ياخذ منهم الفلوس ويهج بهم
عبد العزيز: مالنا إلا خالتي سارة
ام نايف: صدق والله بس خوفي
ماتوافق مثل المرة الاولى
ام نايف ترد على نفسها: لا لا
يمكن لما تعرف اني محتاجة
هالفلوس علشان البيت رااح توافق الله يستر بس
رهاام في نفسها: &quot;ياربي ليش حنا
دايم تعيسين حتى اليوم اللي نبي نستاانس فية يصير لنا شي فية
نايف يهمس لها: وش في
الحلوو زعلان
رهاام بقهر : لاني زعلانه ولا شي ..
اابو نايف: قومي الله يرضى
عليك يا مريوم اتصلي على اختك ((ويفرك يدينة ببعض))
عبد العزيز: صدق لا قالو الفلوس
تغير النفووس الله يدوم علينا هالمحبة
طلع ابو نايف من البيت وهو واثق
خطوتة اللي متقدم عليها ..
بس سبحاان الله مهما الزمن طال
لازم الكل ينكشف على حقيقتة
ام نايف: وش رايكم اتصل ع سارة
بكرة يمكن يكون ردها مزعج
نايف:والله ما ظنيت ان الوالد صادق بكلامه لان لو فيه إجار ما دفعناه كان دق على بابنا الرجال .. بعدين كيف قابل ابوي وقاله .. ابوي اصلا وينه وييننا .. لاوم نتأكد يمه ماهو كل شي على هوااه .. انا بروح لصاحب العقار واسأله يمكن صحيح ويمكن لا
عبدالعزيز: وإذا طلع الكلام صدق من وين ندبر الفلوس
نايف: يعيننا ربك ياشيخ .. رهام لا تفكرين اني بطلت من روحه الملاهي لا والله عشان كذا بعد المغرب تجهزو
الكل : صدق والله
الكل مستانس من هالتمشية .. اللي فرحو لها كثير
ـــــــــــ
بعد مارجع عزوز ونايف من المسجد
نايف : وش قاعدة تسوين بالتلفزيون..
رهام: ما يشتغل .. ماصارت صوت بدون صورة
عزوز: ههههه الله يقطع شيطانك شكلك نكتة .. هي هي انتي خفي على التلفزيون بعدنا نبية
نايف: ههه خلها تهندس فية لين تلقى لها طريقة
رهام مهعا خيزران وتضرب التلفزيون من يمين ومن شمال ..
رهام: تصدقون شباب لو ما وريناه العين الحمرا .. ما يشتغل
عبدالعزيز: يمــــــــه يمـــه لحقي بنتك .. بتكسره علينا والله مايسوى
ناايف يحك شعرة: قضيتي عليه ولا بعد .. فيه امل . ولا خلاص
الكل: هههه
وقام عزوز كالعادة .. يسوي نشرة اخبار ..
نايف: سكووووووت عزوز جا ..
عبدالعزيز: وقف على الطاولة .. وماسك ورقة لا فها على شكل اسطواني قريب من شكل المايك .. مريم دخلت تبي تشوف حركات ولدها ..
والكل ميت ضحك على شكله
عبدالعزيز: نشرة اخبار الخامسة والربع ((رهام صبري شوي بكلم امي))
مريم: الله يقطع سوالفك .. وش عندك
عبدالعزيز: ههه يمه نص ولا ربع
ناايف: قداااام ههه
عبدالعزيز&quot;والله يا انها نشبة ماعندي شي اقوله&quot; احم احم بسم الله الرحمن الرحيم نشرت اخبار الخامسة قدااام .. هه هه الدبة رهام .. انفجرت غضبا على التلفاز الذي يعمل تقول سكران .. صوت بدون صورة .. وفي هذة الاثناء اقامت الحرب وتحدتة اختي الدبة .. وقالت بغضب ههههه .. انت ماتجي إلا بالعين الحمرة .. المهم أأ ممم .. وش اقول .. وفي النهاية المطاف سوف تشتري لنا امي العزيزة تلفاز اخر .. وبس
الكل صفق له وهم ميتين ضحك
رهام : اووووووو اخوي عزيز يعرف يقدم والله
نايف: هههه مو منه من اللي معه
عبدالعزيز: يمه خليه يسمي علي والله لو صابني شي لا تلوم إلا نفسك
نايف: اموووت على الخوافين انا
مريم: عاد لا تزعلون عزوز ولدي الغالي
عزوز: وااي امي تدلعني .. اموت انا خلاص يمه عااد لا تحرجيني
الكل: هههه
بعد الجلسة هذي .. الكل توجة لغرفتة يرتب امورة عشان طلعتهم
بعد صلاه المغرب
نايف كان لابس بنطلون جنز اسود
وبلوزة تي شيرت احمر
وفية كتاابة بالاسود وشكلة كان حلو
واقف عند الباب ويتخانق مع
عبدالعزيز على الجزمه السودا وكل واحد لابس فردة
نايف: عزوز .. يابعد طوايف طوايف هلي انت ..
عبدالعزيز: افككككر ..
نايف عصب: عزوز
عبدالعزيز: جااري البحث .. جاري التفكير
نايف: اقول بسك عااد ترى مسختها.. قلنا نجيبها له بالطيب ما رضيت
عبدالعزيز يقلد صوتة: انا اللي
بالبسة انت كل مرة تلبسة الحين دوري
نايف سحب منه الجزمه ولبسة
وظل عزوز واقف سااكت .. مصدوم
عبدالعزيز: جاري تفعيل الصدمة
واخذ جزمه غيرها
رهاام اللي بتنطق من زود الفرحة
في السيارة
الكل فرحاان إلا ام نايف اللي كانت
تفكر كيف رااح تقول لاختها عن
الموضوع اللي رفضت اول الحين بتعطيها ولا لا
يالله قطعت حبل افكاركم نرجع للشباب..
نايف :يالله وصلنا
رهاام: واااااااااااااااااااااااي وش
حلات هالمنتزة خطير .. نايف بس وقف ابغى انزل
عبد العزيز : واللي ماسكر
فمة من الاعجااب
اعرف بتضحكون على اشكلهم وهم صادقين ماقد راحو ولا مكان من الببيت للمدرسة ولا من البيت للمسجد بالنسبة للاولاد
ـــــــ
المهم قصو التذاكر وكل مابغو يركبون لعبة تجلس ام نايف قدااامهم
في قطاار المووت
اللي الكل يخااف منة اللي تتم في خلال دقيقتين
رهاام بجنب عزوز ونايف اللي سوي نفسة مايخااف وهو في قليبة ميت خوف وشكلة رهيب وهو شااد نفسة ههههههه
طبعا صدفه قابله غلا الشباب وشافتهم من بعيد .. طبعا قالت في نفسها لازم اخلي نايف يشوفني بس كيييييييييييييف
جايت غلا وركبت بجنب نايف لان كل المقاعد فــــل .. حتى ماسلمت على رهاام اللي كانت تناظر فيها بس غـلا ما ركبت من فرااغ هي كانت معجبة بنايف من زمان وصارت بينهم صدفه ورب صدفه خير من ألف ميعاد .. وهذي فرصة وجاات لين عندها لازم تستغنمهـا
غلا: مساء الخير
نايف نزل عيونه: هلا
غلا مقطبه جبينها: ما عرفتني
في الجهه الخلفيه رهام .. تفكر وش قاعد يسولفون فيه طبعا نايف كان شاك انها غلا ..
نايف: لا ما عرفتك
غلا: خمن طيب
نايف: اتوقع غلا اخت فيصل
غلا: إيه اخت فيصل
نايف استغرب من جرأتها: هلا بك ..
تصدقين عااد اني ميت من الخوووف
غلا:ههههه صدق عاادية ما تخوف بس فيها مغامرة شوي وشد اعصااااااب
يقطع صووت غلا تنبية ببداية اللعبة
نايف: يمـــــــــــــــــــــــــــــه لحقي علي ... بنزل
رهاام اللي بداية اللعبة عاادي وماتخااف
ما انتبهت ولا صووتها يفجر المكان : وقفها يا اللعين ياحمــــــــار وتهدد في الهندي وهو يضحك على شكلها النعومي
عبدالعزيز اللي من جد ارخمة وخواااف قاعد يصيح: رهاام تكفين قولي له يوقفها بنزل يماااااااااااااااااااااااااااااه .. رهام بنطيح
رهااااااااااااااام .. تشهدي
رهاام اللي ما تحس بنفسها علشان تحس في اخوها
غلا اخذت هالموقف بصفها وتصيح ومسكت يد نايف وتضمها بقوة!!
وسوت كان الموقف صار لا إرادي .. مع ان العكس هي كانت متقصدة هالشي ..
هذي اللي تسوي بالجامعه بريئة لكن طلعت ياما تحت السواهي دوااهي
وانتهت اللعبة وقامت من على يدة وهي تتأسف معليش نايف وقربت عند اذنة
غلا: تصدق قد لعبت هذي اللعب قبل بس معاااااااااك غير .. اظن فهمتني واستحت ومشت >>هذي تستحي هذي تغلب الكل بجرائتها الزايدة مشت حتى ما سلمت على رهاام اللي كانت واقفة بعيد شوي عنهم وشاافت كل شي.. وكان ودها تقوم وتكفخها ..
ناايف انبسط ورااح عند رهاام بغت تفشله بس ما بغت تفشله قداام وحدة ما تستاهل
ــــــــ
انبسطو واستانسو حيل .. رجعو البيت والكل تعبان راح ينام
إلا رهاام متضايقة من حركاات غلا صدق هي جلست يمة بس مو لهدرجة تتمايع قداامة وتلفت انظارة حتى ولو مهما كاان هذا ولد وغريب عليها
وش هالجرائة كلها يا غلا صدق انك ما تستحين على دمك وقاعدة تفكر تقول لرفا اللي راح تنجن من جرائتها
لا تقولين لها علشان ما تخربين بين رفا وبين نايف لا يارهاام علميها خليها تاخذ الحذر من غلا اللي بدات حركااتها على الظاهر ... وبدأت تلف على نايف الله يستر منها
ـــــــــ
دار نايف
اااه .. ياقلبي صدق انا حبيت رفا واعطيتها كل شي قلبي وعقلي .. بس انا ما أدري وش شعورها تجاهي .. واخذ الشيطاان يوسوس له
يمكن تحب واحد غيري .. إيه نايف يمكن تحب واحد غيري .. وش هالخبال اللي صابني البنت تحبني والدليل رسايها اللي كل يوم والثاني ترسلها مع رهام اختي ..
وفكر وفكر ..وراسة تعب من التفكير وكتب رسالة لرفا بس الرساالة خااصه لرفا يعني حتى انا ما قالي ولا اعطااني الاذن اني اعلمكم

المهم رااح عند رهاام يبي يغير جو غرفتة
ــــــــــــــــــــــــــــــــــــــــــــــ
دار رهاام
رهاام : نايف
نايف:هلا وش فيك؟
رهاام:لا ولاشي
نايف: انت وش قلتي اصير لك ابو واخو وكل شي!!
رهام : بس ابي اسال عن عن ..............
نايف كان ينتظرها تقول غلا: عن منو؟؟ تكلمي
رهاام: صرااحة عن عن أيــــــــه عن غلا ؟؟؟
نايف واللي تلخبط وما عرف وش
يقول لها يقول لها بديت اميل لغلا و دخلت مزاجي ولا انا احب رفا ياربي
نايف مد بالورقه لرهام: خلاص اعطيها هالورقه
وتبين الصرااحة انا ايه بديت اميل
لغلا صدق اني نادر ما اقابلها كثير إلا وين ويين .. لكن بصراحه
حسيت إني ............اعجبت بالبنت ..
رهاام: وش اللي اعجبك فيها .. نايف تراك منت بزر عشان بالسهوله ينضحك عليك .. غلا هذي بنت كذاابه .. نايف لا تنجرف معها .. بعدين بنات الناس
ماهي بلعبة .. عاارف وش يعني كلامك هذا لرفا .. رااح تدمرها تذبحها تدمرهاااا .. انت ماعندك
شعور او احسااس باللي يحبونك .. انت لو تحبها صحيح ما كان من حركة وحدة قدرت غلا الزفت انها تجرك معها .. نايف لا تقهرني اصح لنفسك
نايف واللي مو مصدق كلام
اختة بس خلاص هو اعجب او نقول انغرس بصدره
غلا .. ورااح حب رفا في
ادرااج الرياح اللي احترتة كل هالسنين
كلها ويوم بقى له كم سنة ..
رمى رفا ورمى حبها معها
من حركة وحدة .. قدرت غلا تجر ناايف لا أدراج قلبها .. هذا هو حب من اول نظرة .. هذا هو
طلع برى الغرفة وهو حااس نفسة مخنوووق
رهاام اللي ظلت بالغرفة
وتتطالع في السماء من الدريشة
وتتفكر كيف رااح تتقبل رفا هالخبر ااااااااااه وش فيك يانايف .. تغيرت ... صار يتكلم ويتعامل مايحط حساب لحركاته او كلامه ..... مدري عشانه مضغوط .... من شغله والبيت ... بس ...................................آآآآآآآآآآآآآآآ آآآآآآآهـ مسكت راسي ودنيت احس بدوار فضيع رفعت راسي ورجع شعري الحريري على ورى بكل قوة .......
ودموعها تنزل على خدودها بكل رقه
.. لان رفا كنها نصفها الثاني يعني
انجرحت رفا كن الجرح في قلب رهاام ...........
ياربي لهدرجة .. يعني يتغير من نظرة .. الحب مستحيل يكون من نظرة
* ياترى وش راح يصير بين ابو نايف وام نايف؟؟
* وش شعور رفا لما تسمع الخبر؟؟
* كيف رااح تتقبل انها راح تعيش من غير
روحها نايف اللي تمنتة في كل احلامها ....؟؟

ابي اشوف تفاعلكمـ ..... معـــي ...

اختكم ... سنا برقً لمع ...

اكمل ولا لا ....

__________________________________________________ __________
شكرا شكرا والله قصه مثيره

كملى بس حاولى تكبرين الخط زي اول والله احولت عيوني

ماشاء الله عليك ادق التفاصيل ماطافتك

يعطيك العافية خيتوو

__________________________________________________ __________
يسلموووووووووووو
بليززززززز كمليها القصة روعة
بليززززززززززز
تحياتي لك
نقطة عسل

اكمليها رائعه والى الامام متابع