الألفيّه/ كل بيتين تبدا بحرف من حروف الهجاء

عنوان الموضوع : الألفيّه/ كل بيتين تبدا بحرف من حروف الهجاء
مقدم من طرف منتديات الشامل

https://chamil.xplainer.net/images/myframes/13_cur.gif		https://chamil.xplainer.net/images/myframes/13_cul.gif
	ألفٍ اولف بيوتن طاب مبناها = مدام هي من هجوسي زان معناها احب بالشعر اسلي خاطرن ضايق = لاصرت اردد بيوت الشعر واقراها والبا بحاكي بشعري حبي الفايت = قصة عشق ما أظن القلب ينساها بعد رحل من عشقته غاب ماشفته = رحل بعد ما حياتي كان يزهاها والتا توارى حبيبي بعد مازارى = كما نجومن حجبها الغيم واخفاها تَغيّبت سافرت من عقب ماكانت = في وسط نجد العذيه عُقر سُكناها والثا ثلاتة سنينٍ مدة الغيبة = ثلاثة اعوام اراقب واتحرّاها ثلاثة اعوام امنّي نفسي ابشوفه= والعين حلو الكرى ماعاد ينصاها والجا جفاه الزمان اليوم ماجاني = ماهو تَغَلي لأن الظرف يقواها جنيت فرقا وخلي جانين فرقا = فارقتها فارقتني بعد لُقياها والحا حشا ما نسيته لو تباطيته = قلبي وفا ياعرب ياكيف ابنساها حاولت انسّي فؤادي بس ما فادي = دقات قلبي تجدد دوم ذكراها والخا خساره ماعاد ادلّ انا داره = يومه رحل من صحاري نجد واقراها خطير حالي لاشفت الدار مهجوره = اخاف تفضحني عيني ابكثرة ابكاها والدال دالوب عشقي ياعرب دارا = امسيت ابشوق الغلا واصبحت ابفرقاها دكّ الفراق الفؤاد وزاد غربالي = مالوم عيننن تبل الكم من ماها والذال ذبلت ورود العشق وازهوره = من يوم غيبت حبيبي محدن اسقاها ذَبْلَتْ وجفّت وشانت عقبها صارت = اورود وازهور حزنن غاب حُسناها والرا رحيله مريرٍ كنّه الحنظل = مرن على كبدي اليومه تمطواها راحت وقفّت وانا بروح واقفّي = اعيش في دنيتي واتعيش دنياها والزاي زحمه حياتي بس وحداني = ما شوف غيره عيوني حبه اعماها زيارة ابغى ازوره مير ما دله = لو نعرف اوطان داره كان زرناها والسين سكّرت انا دفاتر ايامه = ماهوب نسيان ماغير اتناساها سجّيت رجلي على دربن يسليني = كود الخلا للجروح اليوم يبراها والشين شرّفت راس النايف العالي = وغنيت ببيات امحمد قد تغنّاها شلت بالصوت يامعدّي طرب حوّل= خلّ المراقيب لمعذّب ويرقاها والصاد صكّات بقعا كنّها جتني = ياكنّها ناويتني من ضحاياها صويب كنّي بسهمن عقب مادارت = حربن شنيعة بعد ما اقفت رحاياها والضاد ضاع الفرح ماعاد انا ليبه = ياكنّ الاحزان قهوة واتقواها ضناني الشوق واتعبني وبهذلني = فرقا ودمعات حزنن ذي جنيناها والطا طراتي مُناتي شوفت الغالي = وانعيد لحظات حلوة قد قضيناها طنين صوت الحنين ابداخلي طنّي = طنطٍ وطنطٍ حياتي يوم عنّاها والظاد ظرفن يفرق غالي وغالي = يحزن قلوب العرب بالبعد يبلاها ظروفن اتفرق العشاق تحزنهم = ماقسى ظروفن تفرقنا يامقساها والعين عشرة وسبعه ما مضى من حرف= سبعة عشر حرف حنّا قد سردناها عقبها مابقى من حرف ابحكيبه = عن حالي اليوم يا وشهي مزاياها الغين غازيني همّ الطيب سرّاني = وغيري رجالن مثل هالهمّ سرّاها غديت مابين همّ وبين هوجاسن = رجلي بهمّ المراجل صار ممشاها والفا فقارى الكرامة مانماشيهم = ما حب رفقة جماعه ذي حلاياها في خوّة اهل الكرامة صرت انا ساعي= ناسن عزيزة وعز النفس أغناها والقاف قيفان شعري ناوي اختمها = بالنصح ياكود بالنصح اتحلواها قصيدةٍ فالبداية قصة العاشق = نختمها بالنصح يومنّا نظمناها الكاف كل النمايم لاتصدّقها= اسفها لاجتك كنّ محدنّ توحّاها كب النميمة ومن هو جاك ناقلها = نمّام نفسه تشيل ارداه برداها واللام ليّاك تاخذ شور من جاهل = ما فاد نفسه يوم ابجهله تبّلاها لا صرت ناوي تشاور اسئل امجرب = عاش الغرابيل يومنّه تلقّاها والميم ماكل من يضحك معك صادق = والناس محدنّ ترا يكشف نواياها ما يكشف النية ألا ربنا العالي = ولّا النوايا جميع الناس تخفاها والنون ناسن تقفّي عنك مغرورة = احشم كرامتك ليّاك اتوّلاها ناسن تْحسبَ المراجل بشت وعقالي = نوبٍ يمين المراجل نوب يسراها والها هبيلن فضيخ القلب وشلكبه = عن خوّة الصنف هذا نفسك انهاها هاذي ترا ها وصاتي يوم وصيتك = أخذ النصيحه لاصرت اليوم تبغاها والوا وصايه نهايه بعد مبدانا = قصة عشق فالبداية قد ذكرناها وزنت قيفان شعري واللحن حزني = نظمتها يوم عيني رشّت امياها واليا يوم القاف قرّب يحكم اغلاقه = سَرَدْ حروف الهجا من ألفها إلياها يوم المُعنّا نقا شعره من الهاجس = سته وخمسين بيتٍ هو تنقَاها صعوط المجانين
https://chamil.xplainer.net/images/myframes/13_cdr.gif		https://chamil.xplainer.net/images/myframes/13_cdl.gif

<center> >>>>> ردود الأعضـــــــــــــــــــاء على الموضوع <<<<<
================================== </center>
صعوط المجانين
اللـه اللـه
صح لسانك ملايين يالغلا
جزله من راس جزل
تسلم يمينك ولاهنت
قصيده رائعه تستحق الاشاده
ينطيك العـافيـه
ودي واحتـرامي
تحيـاتي

كب النميمة ومـن هـو جـاك ناقلهـا
نمّـام نفسـه تشـيـل ارداه بـرداهـا

__________________________________________________ __________
الكـاف كــل النمـايـم لاتصدّقـهـا
اسفهـا لاجتـك كـنّ محـدنّ توحّاهـا
كب النميمة ومـن هـو جـاك ناقلهـا
نمّـام نفسـه تشـيـل ارداه بـرداهـا


صعوووط المجانين

صـح لسانك وبيض الله وجهك يالطيب

دمت وعين الله ترعاك

__________________________________________________ __________
الشاعر (( صعوط المجانين ))

صح الله لسانك وبيض الله وجهك ولا هنت

أبدعت وأمتعت بارك الله فيك

وجدنا هنا معاني كثيره ترتقي للقمه

دمت بحفظ الرحمن

أختكم:يالطيف الحشى0

__________________________________________________ __________
صح لسانك وبيض الله وجهك
على القصسده الجزله لك كل الحب والا حترام الخاص

__________________________________________________ __________

بعد رحل من عشقتـه غـاب ماشفتـه=رحل بعـد مـا حياتـي كـان يزهاهـا
والتـا تـوارى حبيبـي بعـد مـازارى=كما نجومـن حجبهـا الغيـم واخفاهـا

<script type="text/javascript">doPoem(0)</script>

الله الله الله ,,,,, كلمات ذات إيقاع يجبرك على أن تطرب لهكذا شعر
<script>drawGradient()</script>

والشين شرّفـت راس النايـف العالـي=وغنيـت ببيـات امحمـد قـد تغنّاهـا
شلت بالصوت يامعـدّي طـرب حـوّل=خـلّ المراقيـب لمـعـذّب ويرقـاهـا

<script type="text/javascript">doPoem(0)</script>

هنا سرد جميل بيض الله وجهكـ حيث تخبرنا بأنك عندما أتيت النايف غنيت بيت الشاعر الكبير الامير محمد الاحمد السديري يرحمه الله
<script>drawGradient()</script>

يامعدّي المرقاب خله لمشتاق = حوّل وخل امعذب القلب يرقا

<script type="text/javascript">doPoem(0)</script>

كم انت مبدع كلمة حق يجب ان تقال في حقكم
وتمنيت لو أن هناكـ حروف أكثر من ثمانية وعشرين لنستمتع بأبيات أكثر من ستة وخمسين
صعوط المجانين / وربي تستاهل التقييم على هذه القصيدة يامبدع
سلااااااااااااااااام
<script>drawGradient()</script>

شاعرنا الغالي ولد عتيبه

جزله وربي من راس جزل

لا هنت يالغلا

تحيتي