رواية ورود ما بين الأشواك رواية جديدة

عنوان الموضوع : رواية ورود ما بين الأشواك رواية جديدة
مقدم من طرف منتديات الشامل

بسم الله الرحمن الرحيم



رواية ورود ما بين الأشواك
للكاتبة زهرة من بستان الحياة






هذه أول رواية لي وهي رواية تحمل قصص حقيقية مجبولة بشيء من الخيال. بتمنى إنها تعجبكم مثل ما عجبتني وأن لا تحكمو عليها من اول الأجزاء وأن اتلقى ردودكم بصدق.

أولا: التعريف بالشخصيات الرئيسية
بيت أبو أحمد
أبو أحمد ( فايز) رجل طيب إلى أبعد الحدود وبعمل وبكد مشان اولاده ويحب الناس.
أم أحمد (هيام) مرأة طيبة حنونة مثل زوجها مثل ما بقولو يلي بإيدها مش الها.
أحمد :الابن البكر جذاب غيور عصبي بس عنده سلبيات وعمره (21 سنة)
سيف : الابن الثاني حلو بس عنيد إلى ابعد الحدود ويحب ملاحقة البنات والكلام معهم وبكره اشي اسمه دراسة وعمره(20 سنة)
شيما : البنوتة الوحيدة في عيلة ابو احمد , بنت بين ثلاثة اولاد وعمرها ( 19 سنة)
عمر: اخر العنقود , مدلع كثير لانه اخر واحد وعمره ( 7سنوات)

بيت ابو يوسف
ابويوسف (سعيد) رجل بيتوتي طيب يحب الناس متزوج بنت خالو (فاطمة)
ام يوسف (فاطمة) مراة منيحة بس عندها احيانا حركات بتعل .
سارة: البنت البكر بيضا حلوة كانت تحب ابن خالتها احمد , بقصة راح تعرفوها بالأجزاء الجاي .وعمرها (19 سنة)
يوسف :الابن الثاني طيب وهادي كثير وعمره( 15 سنة)
مها: بنت حلوة بس قوية بطلعك انت الغلطان بدل منها وعمرها (14 سنة)
واخر اشي عبدالله اخر العنقود عمره ( 5سنوات) عصبي طالع لعمه ( ابو صالح)

بيت ابو عدنان ( بكون اخ ابو يوسف الوحيد)
ابو عدنان (صالح) عصبي كثير , طيب , يحب الناس , كريم لدرجة الإفراط.
ام عدنان ( سمية) مراة دينة تحب زوجها وولادها دايما بتحاول تغير زوجها للافضل , بس يوم متعصب ما بتشوف قدامها يعني ((مافي حد قليل في هاي الدنيا))
أمل : البنت البكر حنطية البشرة ناعمة وصحبة مع بنت عمها سارة بقصة راح تعرفوها وعمرها (18سنة)
عدنان : يجي بعد أمل أسمر البشرة ( مش كثير يعني سماره جذاب) وعيونه عسلية طيب وعصبي ما يرضى على اخواته أي اشي وعمره ( 17سنة)
مرام : بنت قوية بس طيبة ,هي صحبة مع بنت عمها مها والاثنتين ((لسانهم متبري منهم الحمدلله ما بخلو حد من شرهم ))وعمرها (15سنة)
ليث: اخر العنقود عمره(6سنوات)

بيت ام خالد ( اخت ابو يوسف)
ام خالد (حنان) اسم على مسمى , حنونة لاعلى الدرجات , زوجها متوفي وابنها صغير ما عندها غيره وربنا ما اعطاها بنات , وبتحب بنات اخوها.
خالد: الولد البكر عمره(20سنة) طويل ناعم شخصيته مستقلة بس جكر ويحب انه رأيه دايما الصح .

أما باقي الشخصيات , فرعية بذكرها في الأجزاء باذن الله .







خلينا نبدا...........








الجزء الاول<1>
صارت هاي الأحداث قبل عدة سنوات وعمر سارة تقريبا 16سنة في العطلة الصيفية وقت ما قررت عيلة ابويوسف السفر لفلسطين ليزورو اهل ام يوسف لانهم بسكنوا هناك وصارلهم مدة طويلة تقريبا 5سنوات مش شايفين بعض .
ام يوسف الارض مش شايليتها من الفرح وكيف لأ ؟ وبدها تشوف اهلها وناسها , امها واخوانها وخواتها , تقعد معهم على السطح وتشرب معهم شاي تحت الشجر فالبستان ,المهم كانت فرحانة.
اما عند باقي العيلة
ابو يوسف ما بسافر معهم بحجة شغله .
سارة كانت فرحانة بس خايفة بنفس الوقت انها ما تتأقلم مع الاجواء هناك ومع عيلة امها لانها صارلها مدة كبيرة مش شايفيتهم والناس بتتغير بيوم وليله .
اما الباقي يوسف ومها وعبدالله فرحانين وكيف لأ؟ وفي اولاد وبنات قدهم طش ولعب وهبل ووناسة .
المهم سافرو والكل ودعهم .


كانت في وحدة متضايقة وزعلانة لفراق حبيبة قلبها هاي هي أمل بتحب الناس وراقية باسلوبها ما اتزعل حد منها .
ام عدنان: أمل
أمل : نعم ماما في اشي؟
ام عدنان : شو فيك من لحظة ما سافروا دار عمك وانت في غرفتك ( يعني حجرتك)؟
أمل : لاماما مافي اشي بس راح اشتاق لسارة ولعبود
ام عدنان : اخزي الشيطان وادعيلهم الله يرجعهم بالسلامة وقومي ساعديني في المطبخ وشوفي هاي اختك وينها
أمل : حاضر ماما








في فلسطين
وصلت عيلة ام يوسف لبيت العيلة ولقت العيلة كلها مجتمعة بالرغم انه الزيارة غير متوقعة بقولو سبرايز (مفاجأة) المهم سلمو عالكل وقعدو , وبعد مدة
سارة بنفسها( هاي مش كل العيلة وين البنات ؟ اكيد عرفو ليش ما اجو يسلمو؟ )
قطع تفكيرها صوت مرت خالها
مرت الخال(ام محمود) : شو كيف حالك يا سارة؟
سارة: الحمدلله يسلم حالك
مرت الخال(ام محمود): يا الله كيف الزمن بمر والله اكبرتي يا سارة وصرت عروس ولسى امبارح كنت الطفلة الدلوعة
سارة:
ام أحمد(خالة سارة): ويلا ايش الناس بكبرو ويلا بصغرو يا ام محمود
سارة: مرت خالي
ام محمود : اؤمري
سارة: ما يأمر عليك ظالم بس بقول وين البنات؟ (تقصد بنات خالها الكبير ابو محمود(جمال) مريم ورغد ونجلا وروان وبنت خالتها ام احمد شيما وبنت خالتها ام حمزة رهف وكلهم من جيل سارة ما في فرق بينهم غير سنة او سنتين)
ام محمود: سكتت وما اعرفت شو بدها تحكي وبعد تردد والله مشغولات بالشغل , هيهم مع بنات خالاتك شيما ورهف في الدار , لا اتاخذيهم كمان شوي بيجوا
سارة : مش مشكلة , الله يعطيهم العافية بس حست إنهم مش مشغولات زي كأنهم ما بدهم يسلمو بس ما اهتمت
سارة: انا بستأذن بدي اقوم واسلم عالبنات واساعدهم اذا بدهم اي مساعدة
ام يوسف : طيب بنتي في امان الله
طلعت سارة وفي الطريق نادت عليها بنوتة صغيرة حلوة
سارة بنفسها( مين هاي البنوتة الحلوة؟ وشو بدها؟ )







في الأردن
مرام: امللللللللللللل يا املللللللللللل ردي
امل : نعم خير ليش كل هذا الصراخ ؟
مرام: طرش ان شاالله كل هذا الصوت ومش سامعة
امل : كنت فالمطبخ بساعد امي
مرام: ندى عالتلفون
امل : هاتي كنت قلتي من اول
مرام: مالت عليك وعليهاhttps://chamil.xplainer.net/images/s.../2017/t061.gif
امل : مرحبة ندى
ندى: اهلين الحمدلله خلصت انت واختك , سنة حتى تردي
امل: اسفة ندوش هاي ام لسانين بتخلي حد من شرها
ندى: هاهاهاهايhttps://chamil.xplainer.net/images/s.../2017/t073.gif مش مشكلة انت كيفك؟
امل : الحمدلله والشكر
ندى:شو سافرت سارة؟
امل: ايه سافرت
ندى: وانا بحكي ليش الحلو زعلان
امل :والله عادي بس راح اشتاقلهم
ندى: ان شاالله برجعو بالسلامة
امل: الله يسلمك
ندى : طيب امولة شو رايك نطلع نتمشى اليوم من غير اعذار
امل : طيب انت اصلا خليتي لي راي , بسأل ابوي وبردلك الجواب
ندى: طيب مع السلامة بستنى ردك
امل: في امان الله
وسكرت سماعة التلفون


نرجع لعيلة ام يوسف


في فلسطين
ثاااااااااااااااااااااااااااااارة
سارة: نعم حبيبتي مين انت؟
روان: انا رورو ما اعلفتيني(اعرفتيني) (وبدلع حالها كمان)
سارة: لأ ما اعرفتك ,من زمان ما اجيت هون
روان: يا الله انا بنت خالك ذمال (جمال)
سارة: اهلين حبيبتي كيفك؟
روان: بخير الحمدلله وين لايحة(وين رايحة؟)
سارة: عند اخواتك
روان: ثح انت ثاحبيتي بدي اقولك اثي بث لا تقولي لحد ماثي, ثر ( صح انت صاحبيتي بدي اقولك اشي بس لا تقولي لحد ماشي, سر)
سارة: قولي
روان: مريوم ورغودة ونذولا وثيما ولهف ما اذو يسلمو عليك قالو انك متكبرة و........مغلولة وبثعة بث انت حلوة ( مريم ورغد ونجلا وشيما ورهف ما اجو يسلمو عليك قالو انك متكبرة ومغرورة وبشعة بس انت حلوة)
سارة: طيب حبيبتي روحي العبي مع صحباتك
روان: ما ثي ( ماشي)
راحت روان وبقت سارة متضايقة


شو بتعمل سارة؟ بتروح بتسلم عليهم ويلا بترجع عند امها ؟
وكيف بتكون حياة امل؟
اتوقعو الأحداث
وبتمنى اتلقى ردودكم

<center> >>>>> ردود الأعضـــــــــــــــــــاء على الموضوع <<<<<
================================== </center>
ربي يعطيك العافيه على ماقدمتيه لنا من ابداعات ...

اشكرك على طرحك الراقي والمميز ..

بانتظار ماتقدميه لنا من ابداعات ...
لي باااااك ,,
تقبلي مروري ...

كذآ من ربي حبيتكــ~

__________________________________________________ __________
روايه حلوه في انتظار التكمله
تقبلي مروري

__________________________________________________ __________
بصـرآحه إبــدع ولآإ إروع


ونقــــــــــل .. ولآإ إجمــل ..

يعطيك ربي مليــون عآفيــه ..



لك آطيب تحيـــــــــــه ؛؛

__________________________________________________ __________
شكرا على مروركم , كلماتكم شجعتني أنزل باقي الأجزاء بعد ما كنت خايفة انها ما تعجب حد

__________________________________________________ __________
جاري النسخ...................
مشكووووووووووووووووووووووووووره

الجزء الثاني<2>


اضايقت سارة واختنقت كل هذا ماخذين فكرة عني !انا يا ربي لهذي الدرجة انسانة سيئة !
نزلت دمعتها غصبن عنها ومسحتها بسرعة بطرف ايدها ومشت بسرعة احسن محد يشوفها واصرت انها اتسلم عليهم وتغير فكرتهم عنها .



في الاردن
طلعت امل مع صديقتها ندى وبالفعل غيرت جو وقررت انه تتصل على سارة فاليوم التاني وتسمع اخبارها وتتمطئن عليها.
ابو عدنان: املللللللللل يا املللللللللللل
امل : نعم بابا
ابو عدنان بعصبية:https://chamil.xplainer.net/images/s.../2009/t109.gif خلي امك اتجهز الأكل بدي اكل وانام عندي مشوار ضروري .
امل: حاضر
هاي حالة ابو عدنان شغل واكل ونوم وسهرات مع اصحابه مشان يستأنس بس . وأوقات امل واخوانها ما يشوفوا ابوهم من كثر الشغل او من كثر السهرات .
صح هو مش مقصر على اولاده اشي من اكل وشرب ولباس وفلوس بس مش كل شي بالفلوس الاولاد بدهم تظهرلهم الحنان ويكون في طرق تواصل معهم حتى تعرف بإيش بفكرو وتقدر تحل مشاكلهم .
ويلي رايح فيها امل بتحاول اتحسس اخوانها بالإهتمام الزايد وتعرف وتحل مشاكلهم وطبعا تحمل مع امها شوية من هموم الدنيا
وهذا الاشي من هي صغيرة .
بس ابو عدنان يحب بنته امل اكثر اشي وبتقدر تتفاهم معه بالرغم من عصبيته نوعا ما . وعدم اعترافه قدامها.
ما بدي اطول عليكم نرجع للشخصيات



في فلسطين
راحت سارة عند البنات وسلمت عليهم وما بدي اكذب عليكم كانت الصدمة امبينة على وجوه البنات, بس سارة ما خلتلهم مجال للتفكير وبدات كلام وهبل وذكريات ., يعني بتقدروا تقولو انها نجحت تقريبا .
وبعد قعدة طويلة قامت واعتذرت مشان بدها تنام من تعب السفر
وقبل ما تنام اتذكرت انسانة غالية عليها بنت عمها امل يلي ابتستنى منها اتصال .
مسكت موبايلها بدها تتصل لقته ما فيه شحن , حطته على جنب ونامت.

في اليوم الثاني
ام يوسف : بنتي سارة قومي بكفي نوم
سارة : مشان الله الواحد ما بعرف ينام
ام يوسف : يلا يا بنت قومي شو بدهم يحكو عنا العالم
سارة: اي عالم يمة بتلاقيهم نايمين
ام يوسف : بتفكري الناس مثلك يا حبهم للنوم
سارة: خلص والله قومت
قامت سارة وغسلت وقالت لامها
سارة: ماما بدي ارجع عالاردن خلص ازهقت مش قادرة اتأقلم مع
هذول الناس
ام يوسف: شوف هالحكي هذول الناس اهلك
سارة: اهلي ويلا مش اهلي اسبوع وكافي خلص
ام يوسف: قومي وعيني خير




في الاردن
قامت امل بكير مثل العادة وافطرو ونظفو الدار ولبست وترتبت
مثل ما يقولو طلعت قمر , وهي هيك متعودة هي وسارة بعد ما يخلصو شغل يترتبو ويحطو كحلة وعطر ......الخ
وبعدين مسكت تلفونها وقررت تكلم سارة ,دقت عليها ردت عليها مرت عمها تكلمت معها وبعدين تكلمت مع سارة وقالتلها سارة كل اشي صار معها من يوم ما راحت .
خففت عنها امل شوي وشاركت سارة همومها وبعد ما انتهو قفلت كل وحدة الخط .
ومرت الايام




في فلسطين
قررت سارة تروح اتزور بيت خالتها ام احمد
وهي قاعة بالصالة بتشوف التلفزيون بيدخل ابن خالتها احمد يلي بيشتغل في العطلة ليساعد اهله وهو ما بعرف انه في حد
اول ما انتبهت قامت بسرعة وتغطت لانها ما بتكشف على حد من اولاد خالتها وظلت في الغرفة ( حجرتها او دارها )
استغرب احمد من تصرفها بس عذرها لانه بعرف انها ما تكشف على حد وبنفس الوقت اتذكر كلام اخته شيما عنها انها مغرورة ومتكبرة بس حلوة مثل ما كانت هي صغيرة وشعرها طويل (اتفحصها الاخ كمان)
ام احمد: هلا يا ابني متى اجيت؟
احمد: تقريبا خمس دقايق
ام احمد : احضرلك الغدا
احمد: ايه والله فارط من الجوع
ام احمد: خسى الجوع , دقايق وبكون الاكل جاهز
ام احمد : يمة شيما تعالي ساعديني نحضر لاخوك الاكل
سمعت سارة كلام خالتها ( هاذا احمد وانا فكرته رجال غريب والله كبر وتغير , وانا اصلا ليش بفكر فيه خليني اقوم واساعد خالتي احسن )
وبعد دقايق كان الاكل جاهز وحطوه لاحمد
ام احمد :بنتي سارة , تعالي اتغدي
سارة : لا خالتي والله شبعانة , ما بقدر
احمد: اتركيها يمة بجوز اكلنا ما يعجبها
سارة بنفسها( شو ماله هاذا كمان ؟ لو قاتلة اولاده ما هو هيك ) : وليش انشالله شو قالولك عني جاي من المريخ
احمد: لأ بس منتي بنت الاردن مش من مستواك توكلي معنا
سارة: والله الحكي معك ما منه فايدة , وقامت على الحوش برة (حديقة الدار)
احمد : شو مالها بنت اختك شايفة نفسها علينا
ام احمد : تأدب بتكون بنت خالتك
احمد: طيب بنت خالتي على عيني وراسي بس مغرورة ومتكبرة كمان
ام احمد : لا والله ما هي متكبرة وانت يلي غلطان
احمد: ماشي يا ام احمد انا طلعت الغلطان
ام احمد : اقولك انا الغلطانة لاني قاعدة معك , خليني اطلع واشوف البنت لتكون زعلت
احمد: تزعل وتبلط البحر كمان
ام احمد : بناديها وبتعتذر منها طيب من غير ولا كلام فاهم
احمد : انا الشيخ احمد بقدري اعتذر من الانسة سارة لا والله بس بتكلم معها عادي مشان ما بقدر على زعلك يا غالية .

طلعت ام احمد
ام احمد : يمة سارة لا تزعلي احمد مثل اخوك وما يقصد
سارة : عادي يا خالتي
ام احمد : يعني مش زعلانة
سارة : طبعا لأ
ام احمد : طيب ادخلي معي وكلي لقمتين بس مشان يعرف انك مش مغرورة
سارة : بس ......
ام احمد: ولا بس ولا اشي
سارة: حاضر يا خالتي بس مشانك
ام احمد: يسلم شانك
ودخلت سارة وقعدت على الاكل واكلت لقمتين بالعدد وقامت
احمد : ارجنا
سارة: خلص الحمدلله اشبعت
احمد: طيب صافي يا لبن
سارة: اصلا ما في اشي من اول
احمد: خليني اشوف انه ما في اشي وقومي جبيلنا كولا من الثلاجة
سارة : مصدق حالك بقوم بس مشان خالتي
احمد بقهر: ليش ما اصدق حالي
وقامت سارة وجابت الكولا وقعدت شوي وبعدين اعتذرت بدها تروح عبيت جدها

في الاردن
امل بتفكر بحالها وبحال بنت عمها وبتدعي ربها يفرج هم كل المسلمين
قطع تفكيرها صوت اختها
مرام: املللللللل
امل :نعم
مرام: وين شاردة
امل: ولا اشي بس بفكر
مرام بمصخرة: بإيش ؟ يتهنى يلي بتفكري فيه.
امل بالمخدة بنص وجه مرام وقعدت تضحك على شكل اختها
ليث : امل
امل : نعم حبيبي
ليث: لثاتك (لساتك )بدك توخدينا على الحديقة العب في الالعاب ؟
امل : اذا بتعطيني بوسة بنروح
مرام: ذليتي الولد
ليث: ما دخلك
امل : تستاهلي
تقدم ليث من اخته واعطاها بوسة على خدها وضحكت امل على براءة الاطفال
وطلعو واستانسو غير انه في شباب فاضيين بعلقو على الرايح والجاي بس امل طنشتهم
ومر اليوم على خير كالعادة




شو بتتوقعو يصير بالجزء الجاي ؟
هل علاقة احمد بتطور مع سارة ؟

أنا اسفة الجزء كتير قصير بس ان شاء الله الأجزاء الجاي بتكون طويلة .بستنى ردودكم بصدق