روايه { ما هقيت الليله اللي جابت الفرقاء طويله } - مشوقة

عنوان الموضوع : روايه { ما هقيت الليله اللي جابت الفرقاء طويله } - مشوقة
مقدم من طرف منتديات الشامل

السلام عليكم
روايه(ماهقيت الليله اللي جابت الفرقاء طويــــــــــــــــله )


بكيبورد(باقي امل)هع




اظع بين ايديكم اول كتاباتي واتمنى ان تحوز على اعجابكم


شخصيات هذي الروايه حقيقيه بصراحه اعجبتني شخصياتهم وقررت ان تكون روايتي الاولى باسمائهم وهم صديقاتي حاولت اتعمق فيهم ولكن ما قدرت الروايه طبعا من نسج الخيال الا بعض المواقف حقيقيه وانا نفسي موجوده في هذه الروايه ولكني ما اسلط الظو على نفسي كثير يعني موقفين ثلاثه بس اللي انا موجوده فيه اسمي زي ما هو ما تغير اما عن الاسامي فأسامي ابطالنا وصديقاتهم وانا هي الصحيحه اما الباقي فهو غير صحيح
ما احب اطول عليكم واترككم مع الروايه
واتوقع من اسلوبي انهم بيعرفون من انا

واتمنى اشوف التفاعل مع البارت الاول
واذا شفت تفاعل نزلتها كلها

تحياتي وكل عام وانتو بخير


اختكم :
باقـــــــ أمل ــــي


<center> >>>>> ردود الأعضـــــــــــــــــــاء على الموضوع <<<<<
================================== </center>


نتعرف عليهم
بيت ابو جود
ابو جود : رجال واعي وفاهم وله هيبته ومكانته عند اهله ومعارفه
ام جود : انسانه متفهمه ومدلعه بناتها مرررررره أي شيء يبونه تجيبه لهم
جود ونجود توام باخر مستوى بالجامعه يتشابهون مررره وكلهم حلوات
ساره << هي المطلوبه هنا بثالث ثانوي حبوبه وطيوبه ولا تزعل احد لكن اذا عصبت على قولها ما تعرف امها من ابوها يعني اذا عصبت عليك ترحم على حالك شخصيتها قياديه بقوه وقويه مره ومعروفه بعنادها قوووه نجي لشكلها كانت بيضاء مررررره وشعرها ناعم وااااشقر وكانت ملامحها مرررره حلوه وناعمه وكأنها شاميه واحلا بعد


غلا : بثالث متوسط
جنى : بسادس ابتدائي
منال : يدلعونها منو باولى ابتدائي وهي اكثر وحده دلع طبعا لانها الصغيره فالبيت
ملاحظه : البيت هاذا كلهم بنات عشان كذا مدلعين مرررررره

بيت ابو عبد العزيز
ابو عبد العزيز : رجال ولا كل الرجال رجال عارف يربي وياليت كل الاباء زيه
ام عبد العزيز : برضو نفس الشيء مربيه عيالها صح وياليت كل الاهالي زيهم
شادن << هنا بعد هاذي المطلوبه بثالث ثانوي ومافيه مثلها ثنتين جمال واخلاق وذوق وكل شيء نجي لشكلها شادن كان فيها جمال جمال خليجي كانت بيضاء مررررره وشعرها ناااااااااعم واسود وملامحها مرررره حلوه

عبد العزيز : بثالث متوسط
ماريا : باولى متوسط
غيداء : بخامس ابتدائي
عاصم : باولى ابتدائي
مشعل : بالروضه


نجي لصديقاتهم :
فريده
مزنه
منيره
رحاب
اكيد راح تسألون ليش ما ركزت على هاذولي عشان كذا انا بجاوب
هاذولي البنات انا مررره سطحيه معاهم يعني ما اعرف عنهم غير اسمائهم

بيت ابو فيصل
ابو فيصل
ام فيصل
فيصل : بالمستوى الثالث بالجامعه طويل وابيض وشعره اسوود مرره وملامحه مره هاديه وحلوه
بشاير : بثالث ثانوي مملوحه مررره وتشبه لفيصل اخوها كثير لاكن هي احلى منه

بيت ابو سلطان
ابو سلطان
ام سلطان
سلطان : صديق فيصل نفس المستوى وبالجامعه مع بعض وسلطان اسمر شوي ورزه واخذ من جمال اخواته كثيييير
تركي : اول سنه بالجامعه
نهى : بثالث ثانوي وهي واخوانها كلهم يتشابهون
نجد : باولى ثانوي
وجد : بثالث متوسط
دانه : اصغرهم باولى متوسط


البارت الاول :

ببيت ابو جود

ساره : ماما ماما
امها : يا روح ماما
ساره : ماما انا بروح اليوم عند شادن اوك
امها : انتبهي على نفسك يا بنتي ولا تنسين تذكرينهم الاستراحه يوم الاحد واهم شيء ام عبد العزيز تجي مره مشتاقين لها
ساره : لا ان شاء الله ما انسى والله من زمان عن جمعتهم
يله ماما بروح البس مع السلامه
امها : الله يوفقك وين ما رحتي


ببيت ابو عبد العزيز
شادن : يمه وين جوالي كان هنا بالصالون
امها : ما ادري يمه يمكن مع مشعل
شادن : مشععععععععععععععععععععل مشععععععععععععععععععل
مشعل : نعععععععععععععععم
شادن : تعال عندي ابيك شوي
جا مشعل عند شادن
شادن : شعول حبيبي وين جوالي
مشعل : حطيته هنا ( وياشر على الدولاب )
شادن : يوووووووووه تلقا ساره من اليوم وهي تدق ولا اسمعها قم جبه بسرعه
راح مشعل يجيب الجوال الا الجوال يدق
شادن : هاته اكيد هاذي ساره
شادن : الوووووو
ساره : بدري يا شاطره ليه مكلفه على عمرك ومستعجله تردين من اول مره .. حشى ما سارت ادق مليون مره كسرت الجوال وانتي ما تردين
شادن : والله شسوي مشعل ذا مخبيه بالدولاب
ساره : الله ياخذ شيطانه اقول افتحي لي بسرعه ساعه وانا عند الباب لا تجيني ظربه شمس من سبايبك
شادن : عادي اصبري وش وراك
ساره : اقول شادن اعقلي وافتحي لي
راحت شادن وفتحت الباب لساره
شادن : هلا والله تو ما اظلم البيت ااااااااقصد تو ما نور البيت
ساره : مظلم بوجودك ااااااااقصد منور بوجودك طال عمرك
اقول ما ودك ادخل ترى راسي انفقع من الشمس
شادن : باللهي اقول امشي بس داخل
دخلوا جوا وقعدو يسولفون
لما اذن المغرب
ساره : يله شادن بطلع توصين على شيء
شادن : وين بدري ؟
ساره : من عمرك ... بس بابا يستناني تحت
ايه صح شادن ذكرت
شادن : ايش ؟
ساره : يوم الاحد الاستراحه لا تنسون
شادن : يووووووه كيف راحت عن بالي
ساره : واهم شيء ذكري امك لا تنسين
شادن : لا الله يهديك والله الاستراحه وناسه
الا صح ساره اذا كان الاستراحه الاحد اجل لازم بكرى نروح للسوق نشتري لبس
ساره : طبعا اكيد اجل بكرى العصر ان شاء الله امرك ونروح سوى
شادن : خلاص ان شاء الله
ساره : يله باي
شادن : باي ولا تنسين سلمي لي على خالتي وخواتك
ساره : ان شاء الله يوصل

ببيت ابو فيصل
ام جود : عشان كذا يا ام فيصل نبي نستانس سوا
ام فيصل : خلاص ان شاء الله اشوف اذا فيصل ما عنده شيء جابنا
ام جود : ترى ام عبد العزيز وام سلطان بيجون
ام فيصل : يا الله من زمان عنهم اجل خلاص ان شاء الله بحاول اجي ويكون فيصل فاضي ويوصلني يمكم
ام جود : اجل يله مع السلامه استاذن
ام فيصل : وين تو الناس
ام جود : والله بروح اذاكر لمنو ما احد ذاكر لها والحين الساعه سبعه تنام بدري
ام فيصل : الله يهديهم ويصلحهم
ام جود : امييييييين

بيت ابو عبد العزيز

ام عبد العزيز : يوووه شلون نسيت الاستراحه
شادن : أي والله حتى انا ناسيه تو اللي ذكرتني ساره
ام عبد العزيز : والله من زمان عن ام جود وام فيصل وام سلطان
شادن : أي والله من زمان عن جمعتهم
الا يمه
امها : هلا يمه
شادن : ترى بكرى ان شاء الله بروح انا وساره للسوق بشتري لبس للاستراحه
امها : من هنا لبكرى يحلها الف حلال
شادن : يمه واللي يخليك ابي اروح
امها : ان شاء الله يمه روحي نامي الحين لا تسمرين زي دايم
شادن : ان شاء الله يمه


ببيت ابو جود
ام جود : منو حبيبتي تعالي ادرسي
منال : ماما انا قاعده العب مع ساره سوني
ام جود : الله يهديك بس امشي ادرسك
منال : ماما لا تتعبين نفسك ساره تدرسني (لفت على ساره وهي تلعب) : صح ساره
ساره : ابشري من عيوني اقول انقلعي قال ايش قال درسيني هاذا اللي نا قصني والله
منال : طيب لا ترفعين صوتك علي (وقعدت تبكي )
ساره : يووووووووه عاد منال وسار فيه تسرب بنوافيرها وش يصكها الحين منوووووووو منوووووووو خلاص ازعجتينا
منال : ترى اذا صارختي علي المره الثانيه والله لا اعلي صوتي
ساره تعاندها : اعلى (ومنال تعلي )اعلى (والثانيه تعلي) اعلىىىىىى (وتعلي ... لما انزعجت امهم)
ام جود : منال ساره اخرتها معاكم
ساره : اقول ماما اذا ما شلتي منال من عندي والله لاوريها
ما ناقص علي الا البزارين بعد
منال : انا بزر ؟
ساره : لالالالالا اقصد ولد الجيران ذا غثنا بصراخه الله يدوخه <<<طبعا كذبت لان ما كان لها خلق لصياح منال
ام جود : منو يله تعالي ذاكري
ساره : يوووووووه منو بسرعه تاخرتي يا ويلك من الابلا الساعه سبع ولا ذاكرتي <<<تصاريف
منال : قولي والله
ساره : والله الساعه سبع
راحت منال تجري لامها عشان تذاكر
ساره : اخيرا انسه منال ما بغيتي
وراحت ساره لغرفتها ودقت عليها بشرى صديقتها وقعدو يسولفون شوي وقفلت منها ونامت على طول

الصباح
صحت على صوت امها
ام جود : سوسو حبيبتي يله قومي الساعه صارت ست
ساره : طيب ماما بس خمس دقايق
ام جود : طيب ..... وراحت
(بعد سبع دقايق)
ام جود : ساااااره قومي اخرتي خواتك
ساره : يا ربي بس خمس دقايق
ام جود : كل شوي خمس دقايق تراك زودتيها
يله خواتك ينتظرونك تحت
ولا تحركت .............
ام جود : سااااااااااره
ساره : بسم الله علي
ام جود : تسمين مني ؟ وش شايفتني انا ؟
ساره : لالالالا ابدا شفت حلم يروع
امها : ايه صح ....اقووووووووول قومي لاوريك الويل
ساره : ياربيه ما تخلون الواحد يتهنى بنومته بعد تراني ما نمت زين
امها : من اللي نايم من الساعه سبع ونص اول واحد ينام بالبيت والا وبعد اخر من يقوم وقال ايش ما نمت زين
ساره : لا حول حتى النوم تحسدوني عليه
امها : ساره اقول قومي
ساره تغطي راسها بالمخده : ابي انام
ام جود : محمد محمد تعال شف بنتك ما رضت تصحا تعال صحيها
فزت ساره من السرير : الله يهديك ماما ما يحتاج كل هاذا خلينا حلوين هاذاني قمت على طول
امها : أي والله ما تمشين الا بالعين الزرقا
قامت ساره وراحت تتوظا وتصلي ونزلت عندهم تحت
ساره : صباح الخير
الكل : صباح النور
وحبت راس امها وابوها وقعدت معاهم


بالمدرسه
وتحديدا بالفسحه
كانوا ساره وشادن يتمشون بالساحه وكان فيه بنات مررره منقهرين منهم ويحاولون يستفزونهم
الاولى : يا ربيه شوفيهم يقهرون
الثانيه : والله لاوريها وافشلها قدام البنات كلهم
ما ادري على ايش رافعه خشمها
الاولى : ههههههه ما تقدرين عاد اجتمعو عليك ساره وشادن وش يفكك منهم
الثانيه : ومن هم من يكونون ؟
الاولى : بكيفك انا حذرتك
راحت البنت لشادن وساره وظربت شادن مع ظهرها بقوه
لفت شادن معصبه : وجعيه
البنت : توجعك بلا
شادن تحط يدينها على خصرها : لا لالالا .... شين قوي عين خير وش تبين ؟
البنت : يا مغروره يا متكبره ممكن اسال سؤال ؟
شادن تقرب لها اذنها : ايش عيدي ما سمعت
البنت : ممكن اسال سؤال ؟
شادن : واذا قلت لك لا
البنت : مو بكيفك
شادن : اجل بكيف مين ؟
البنت : بكيفي انا
شادن : باللهي اقول اخلصي علي وش تبين صدق حركات بزران وعقليات اطفال بعد
البنت : الحين ابي افهم رافعه خشمك على ايش انتي والدلوعه اللي بجنبك
طبعا ساره كانت عارفه انها تقصدها بس كان مالها خلق مشاكل تجاهلتها وعطتها ظهرها
شادن : شوفي والله انا مغروره دلوعه رافعه خشمي متكبره اعتقد هاذا شيء راجع لي مو ؟
البنت : وزيدي عليها قليله ذوق بعد
شادن : موفرين الذوق لك اقول ورا ما تنقلعين عن وجهي
البنت : يا ربيييييييييي اففففففففففف منك وراحت
لفت ساره على شادن وقالت بهدوء : شادن ليش عطيتيها وجه؟
شادن معصبه : وش اسوي فيها رفعت ظغطي تظربني على ظهري وتنافخ بعد
ساره : حتى لو هي تبي تستفزك احقريها
شادن : خلاص راحت بكيفها
ساره : براحتك


ببيت ابو فيصل
ام فيصل : هاه يبه فيصل وش قلت
فيصل : ابشري يمه من عيوني ما طلبتيني
ام فيصل : الله يوفقك يا وليدي ويصلحك
فيصل يبوس يد امه : ولا يحرمنا منك يالغاليه


على الغداء
بشاير : يمه ابي اروح السوق اليوم
فيصل : ومن يوديك ؟
بشاير تناظر فيصل : فيصل الله يخليه
فيصل : ومن قايل لك ان فيصل سواقك
بشاير : فيصل الله يخليك والله ما عندي لبس
فيصل : فقيره ان شاء الله
ام فيصل : فيصل يمه خل اختك تروح السوق علشاني
فيصل : والله بس عشان امي والا ماكان وديتك
بشايرتبوسه : الله يخليك لي يا احلى اخو
فيصل يرفع يدينه : الله يخلي المصالح اللي تخليكم تمدحون
بشاير تشهق : انا ... حرام عليك دايم امدحك لا تنكر
فيصل : ايه صح صدقتك اقول اسمعي بس بعد اذان العصر على طول تكونين جاهزه
بشاير : طييب



ببيت ابو جود

ساره : ماما وش لون الشوز حق منو
امها : لا خلاص ماله داعي انا اروح اشتري لها
ساره : جزاك الله خير وفرتي العنوه
يله ماما انا رايحه لشادن تستناني
امها : انتبهي على نفسك يا بنتي
ساره : ان شاء الله يله مع السلامه
امها : مع السلامه

ببيت ابو عبد العزيز
كانت شادن قاعده تنتظر ساره تمرها
شوي رن جوال شادن
شادن : الوووو
ساره : الووو شادن يله اطلعي انا عند الباب
شادن : يله ثواني وانا جايه باي
ساره : باي
جت شادن ومرت من عند امها وراحت حبت راسها وهي جايه تبي تطلع قالت امها : شادن يمه انتبهي على نفسك
شادن : ان شاء الله يمه يله مع السلامه
امها : مع السلامه
طلعت شادن وركبت مع ساره وراحوا للرياض جاليري

ببيت ابو فيصل
فيصل : بشااااااااااااااااااااااير بشاااااااااااااااااااااااااير
اخرتينا يله بسرعه
بشاير تنزل : يا الله الله يعين مرتك عليك
فيصل يحط يده على خصره : ليه لا يكون مو عاجبك
بشاير : والله الله يعينها على عصبيتك وحرارتك اللي ما تنطاق
فيصل يضحك : ليه على بالك بسوي فيها اللي اسويه عندك
بشاير : اجل ؟
فيصل : لا هاذي تصرفاتي معاها غير طبعا يكون بعلمك هاذي ام عيالي وبتحبني كيف ما اكون
بشاير : اقول اقول امش حومت كبدي امش
فيصل يضحك عليها وراحوا للسياره

بالسياره
فيصل : بشاير وين تبين تروحين ؟
بشاير : امممممممم والله من زمان عن الرياض جاليري وش رايك
فيصل : خلاص الرياض جاليري الرياض جاليري
راحوا للرياض جاليري

بزاويه ثانيه من نفس المكان
ساره : شادن شوفي ذا الفستان مرررررره ناعم
شادن : لا ما دخل مزاجي
ساره : يا ربيه انتي ذوقك مره صعب وش ذا
شادن : والله مو عاجبني
ساره : اجل بكيفك انا باخذه
شادن : اقولك مو عاجبني
ساره : يا ربي مو لازم للاستراحه البسه باي مناسبه ثانيه اهم شيء انه عاجبني
شادن : بكيفك بس بسرعه
راحت ساره تحاسب على الفستان
وطلعت هي وشادن من المحل
وهي طالعه كانت لافه على شادن تكلمها
وما درت الا هي تصقع بواحد قدامها
ساره رفعت راسها : عمى انت .....

نهايه البارت



__________________________________________________ __________
يله عاد ابغى اشوف التفاعل من شان انزل الباقي
اختكم:
باقـــــــ أمل ــــي

__________________________________________________ __________
طويله القصه... بس يسلموووووووووووو

__________________________________________________ __________
ما قصرتِ بالمشاركة

مشكورة اختي

* السرد بأسلوب واقعي يثير اسلوب الحوار
* اسلوبك جذاب في انتقاء الشخصيات التي حمل بين صفحاته زمان ومكان واحداث كانت بين العائلات
* بديع الحوار الذي يعود في اسلوب راقي اشبه بقصص (بديع الزمان الهمذاني)

*** مشكور على التميز احرجتي قلمي في الرد



__________________________________________________ __________

المشاركة الأصلية كتبت بواسطة ضاقت عليك مالقيتك https://chamil.xplainer.net/new_te3p...s/viewpost.gif طويله القصه... بس يسلموووووووووووو

الله يسلمك يالغلا لكن هاذي روايه يعني فيه بارتات باقيه

الله يسلمكم يا رب
ردودكم هي الاروع
لا تحرموني من ارائكم وانتقاداتكم
اختكم :
باقـــــــ أمل ــــي