أحبك ينثني هذا الكلام ........!!

عنوان الموضوع : أحبك ينثني هذا الكلام ........!!
مقدم من طرف منتديات الشامل

https://im25.gulfup.com/WBNf1.jpg



أنا من بين كفينك شعور ٍ يشبه الشعره
أقولك شي ترى فدوة حياتي لو قطعتيني


أخذت من الصبر .. لا لا.. أخذ مني الصبر صبره
مادام بغيبتك محد يجي مثلك ويحييني


تعالي يابعد روح الشعور ويابعد عمره
أنا البارح لهذا اليوم أبد ماغمضت عيني


تنفستك شعور وفاح من صدر الغلا عطره
تنهدتك وشفت الضيق يتنهد عناويني

يضيق الكون بعيوني وأشوف انه ثقب إبره
وأشوف الموت ياعمري مابين عيونك وبيني


كتبتك شوق من شفت الفراق بعمري ياكبره
مو مثل اللي نطق لا أنتي ولا غيرك تذليني


مو أنتي العز ولو ما أنتي أقول أنتي ترى وكره
أصيلة والأصيلة ماخلق الله توطيني


وإذا ردت على العز الكريم ودورو صقره
أنا ليه أحلف وأنتي تشوفينه بجناحيني


أحبك ينثني هذا الكلام ويرتفع قدره
أحبك يرتعش هذا النجم يتشكل بطيني


أحبك نور في هذا المسى وأقعد على بحره
أحبك لاتخلين الفراق أمواجه تمحيني


يالله وأنتي بعيون المسى بهذا المسى قمره
قريبة حيل في أسود عيوني أنتي تضميني


وبعض أحيان انتي داخل ضلوع الغلا جمره
وكل هذا الوله ماهب من عيونك حرقتيني


وبعض أحيان تكوني داخل اشواق العمر زهره
عشان الزهرة لو ماتت تموت وعطرها فيني


بغيت أقول شي لكن أو أنسي بس على فكره
هي الحرية أني أختار قيدك وادخل يديني


وأنا اخترتك وخليني على كفينك الشعره
أقولك شي ترى فدوة حياتي لو قطعتيني



https://im25.gulfup.com/SnJd10.gif


للشاعر / سالم سيار





https://im25.gulfup.com/YSvd2.jpg

<center> >>>>> ردود الأعضـــــــــــــــــــاء على الموضوع <<<<<
================================== </center>
سافرت مع تمتماتك...
هناك حيث النجوم ...
..مع هذا الشاعر
سافرت ...أحسست أني...أتزين ...
بحروف عشقك اللؤلؤية...
هنا هتف القلب...
وردد صداه الاحساس
لتتناثر كلماتك...
من بين الشفاه...

يسطرها قلم نرجسي...
بمداد من ماء الورد...
وتخلد الصفحات...
جواهر شاء القدر ان يقرأها العشاق...
فتأسر القلوب...
وتستقر داخلها

لك ورودي...

__________________________________________________ __________
دنياالوافي
.
.
أهلاً وسهلاً بك
مساء الورد

مميزة في الاختيار
كما عهدناك
دمت تنثرين عطر الحرف
أينما يممت وجهك

أرق المنى

__________________________________________________ __________
دنيا الوافي

هطول مميز

صح لسان قائلها
وسلمت يداك على النقل

تقديري وباقة جوري

__________________________________________________ __________

دنيا الوافي

صـــــــــــــــــــــح اختيارك وتعجبني امانتك الا ادبيــــه

__________________________________________________ __________

المشاركة الأصلية كتبت بواسطة اسيرة قلمي https://chamil.xplainer.net/new_te3p...s/viewpost.gif سافرت مع تمتماتك... هناك حيث النجوم ... ..مع هذا الشاعر سافرت ...أحسست أني...أتزين ... بحروف عشقك اللؤلؤية... هنا هتف القلب... وردد صداه الاحساس لتتناثر كلماتك... من بين الشفاه... يسطرها قلم نرجسي... بمداد من ماء الورد... وتخلد الصفحات... جواهر شاء القدر ان يقرأها العشاق... فتأسر القلوب... وتستقر داخلها لك ورودي...

تسلمين ياعسل ويعطي العافية