$ قدّها وقـــــــــــــــدود $
عنوان الموضوع : $ قدّها وقـــــــــــــــدود $
مقدم من طرف منتديات الشامل
قدّها وقـــــــــــــــدود
ايا برودك لا بعد تسأل اذا اني اشتقتـــــــلك
لو تطلع لسابع سما وتنزل تحت ماعـــــــــود
صدقني ما اقصد اذا مشتاق مره قلتـــــــــلك
اصلا انا لو اطري اسمك.. منــته المقصــــود
لاتظن اهلّـي بالزهر .. بالشوك انا بستقـــبلك
ياخي انته لونه فيك دم ما كنت لي بتـــــــعود
بس لولا خوفي من عظيم(ن) ولا ودّي اقتـلك
مو هذا حد اللي قتل روحي ..وشرعي احدود
من زود كرهي لو اشوف ابليس والله اتخّيلك
ابليس لو يدري ابفعالك صار لك معبــــــــود
راجع بدمع الذل تطلبني بحسن آآعامـــــــلك
لا ماطلبت..آمر.. وعد منّي ليال(ن) ســـــود
رفجه لربّك من يديد انْ معرفوا يربوا هلك
واعلمك ان الغدر بين البدو .. مـنــقــــــــــود
وانته برجلك جيتـنــي.. ولاّنا مابا قابــــــــلك
يعنـي اخـْلصت كل الدروب اتجي لدرَب مسدود
أصلا انا كنت انتظر فرصه واردّ الدين لك
اقرب عيوني اقرب تـــرا كل شي لك مردود
توعدني ابدنية فرح بس تبغي قلبي يرد لــك
يا لعنوبها دنيتك يالعنبــــــوها وعــــــــــــود
لو تدري بللي فخاطري اليوم جيت آبهــــدلك
ودي انا اهديك االجفا ..لا وابكرم وابجـــــود
وْمثل مانا فوووق ودّيتك.. بعرف آآنـــــزّلك
عهدن لخلّي البسمه في دنياك شي مفقـــــوود
والله لّذلك لين ماحدك انا لا اوصـــــــــــــلّك
تـقعد مع ناسك تقول ان انته مو مـــــــوجود
عليك انادي..اتقول حاضر وسمعك واتجاهلك
اجبرك تبعد وانته في نص الطريق اتعـــــود
بهتم فيك واوّل ما تطمن دقايق .. بهملك
تبني امل وتشوفه.. تلقى الي انبنى مهــــدود
ومثل ما سوّيت فيني والله لا سويه لــــــــك
واتحدى تنكر تدري بجروح الليالي اشهـــود
ياما ذرفت الدمع انا ..ياما صبرت اتحملك
الين ما جفت دموعي واذبلت لــــــــــــورود
اتصدق إنّي كنت من كثر الغرام وحبـــي لك
اغلط وانادي امي بأسمك بلا مقصــــــــــود
حتى انا لفترة ..اذا دمعك على خدودك سلك
ابخوفي عا خدك بغيت آبادلك لخــــــــــدود
كنت اسألك في أي شي ..تافه.. غبي بس اسألك
عسى الاقي شيّْ يفرحنـي وسط لــــــــــردود
محدن وصل حبّي ابد محدن تعدّى عشقي لك
امك وهي امك انا عنها احبّـــــــــــــــك زود
ولي قلت بحيـــي بك غرامي شفته بأسبابك هلك
واصبح هواك افدنيــني أسر وعنا وقيـــــــــــود
ولا..كل مالك حبل ودّي تشده وانا ارخيه لك
ملعون ابو حبل قضا نص العمر مشــــــــدود
تسأل اذا اني اشتقتلك..انا اللي ابغي اســــألك
ما تستحي تسأل عقب ما انهيتني ابصــــــدود
ياخي انته صاحي ولا هو غرورك بعده مخبلك
وانته بغرورك وانا تسجدلي المعاني.. سجود
من عقب حبي الاعمى لي مخليني كنت انقاد لك
ابشـــر ربيع القلب ناوي انه يقودك قــــــــود
تدري بغيت آقول شي و خايف اني ازعــــــلك
انته اذا عشره بغوك آنا بليّا حـــــــــــــــــدود
هي انته انته..وين رحت.. فكرك لوين اموصلك
لول انا مثلك وكل مابك جفا وبــــــــــــــرود
طيب ترا يا فلان طيب والله اللي كمــــــــّلك
صبرك لرّويك الجزا للي بدا بجحــــــــــــود
لتّظن هذا بس كلام ولاّنا ناوي ازلـــــــزلك
صدقني يعيوني تراني.. قدّها وقـــــــــــــــدود
<center> >>>>> ردود الأعضـــــــــــــــــــاء على الموضوع <<<<<
================================== </center>
يامحمد – المريضه
نعم يمحمد اش قالت .. صحيح ..الله يصبـــــــــرها
مريضه.. لا سلامتها..ولو شي تبغي خبّــــــــــرني
صحيح انّك ع نـــيّـاتــك.. عشاني لا تكــــــــــــــرّرها
تضحّكني ترا والله وانا مليت.. اعــــــــــــــــــذرني
دخليلك هذي ما ملت ونفس اللعبه تخســـــــــــــرها
اذا لاح المفارق جتنـي بالاعذار تكســــــــــــــــرني
ويعنـي لامرضت يعني اش المطلوب اعـــــــــذرها
مريضه ؟؟ .. المرض منها يقول الله يصبّرنـــــــي
خلاص اصبحت فاهمها .. على الطاير افسّــــــرها
تعبت وهي على ما تبغي تجمعنـي وتبعثـــــــــــرني
وانا كلما حسبت اني قدرت فيوم أأســــــــــــــرها
اغمض عيني افتحها الاقي هي اللي تأســـــــــرني
تعرف امنين هي اتجيني.. وانا منشان خاطـــــرها
اسيّـر دنيتي ياكيف ما تبغي تسيّرنـــــــــــــــــــــي
ولي قالت ربيع القلب ؟؟ والله صرت شاعــــــرها
احس حروفي تعصينـي وعلى طاعتها تجبــــــرني
على قد ما انا بعيني اعليّها واكبّــــــــــــــــــــــرها
على قد ماهي خلتنـي احس انـْها تصغّـــــــــــــرني
وصرت انا اشوف الناس كلها بشوف ناظـــــــرها
يلي بيسرها ايسرني ولي بــيضــّرها يضرْنـــــــــــي
وانا مشكلتي هي طيبي وخوفي انّي اخســـــــــرها
وهي الشينه لوت يدي درت ماودي تهْجــــــــرني
وهي بسْ مشْـكـلـَـتها ان الله بحْلى الحسن صوّرها
وانا شاب ابصراحه ..حسنها بالحيل ..ساحـــرني
اعاتبها بقصيده .. قلت في بالي ..اسهـــــــّـــــرها
اجي اقرا القصيدة ..فالاخير اهيا تسهـــــّـــــــرني
انا لوجيت اعد ذنوبها ماظن احصــــــــــــــــرها
وليش آعدها يعنـي.. عشان اندم وتـقهـــــــــــــرني
وصلت لمرحله اني اذا باكل.. اشــــــــــــــــاورها
واذا بحكي رفعت ايدي.. عشان انها تعبّــــــــــرني
ثلاث اسنين واقصى حلم اقدر بس اغيّــــــــــــرها
ادوّر حد يفهم حالها ويقدر ينـــــــــــــــــــــــورني
نويت وقلت خلني بالحنان الزايد اغمــــــــــــــرها
وخلص ّبي الحنان وهي بذيج القسوه تغــــــــمرني
نويت وقلت خلني ابتعد عنها.. واقهــــــــــــــــرها
سنين الكل يذكرني وهي بسْ توها تذكــــــــــرني
انا ماكنت ابــيها بارده.. ابغي اثــــــــــــــــــــوّرها
غشيم امخلي ثورتها تبهدلني وتطيــــــــــــــــرني
كأني صرت انا بـيـــَـدْها كواحد من أســـــــاورها
وانا بصادق محبتها بدى شكي يساورنـــــــــــــي
خلاص احس اني عفتها وصاير اسايـــــــــــرها
تقول اشحالك بليلي.. اردْ اسمج ينوّرنــــــــــــــي
وانا منــــــّاك اعمى بس ابي تفرح واطــّيــــــــــرها
معا ذلك احسّ ابْها.. بعد اهيا تسايـــــــــــــــرني
وانا عقب السنين تظننـي ماعدت خابــــــــــــرها
وما صدّقت انساها ..دخيلك لا تفكـــــــــــــــرني
وانا قد صرت فاهمها واعَرْف الّي في خاطـرها
وهل مكه دروا بشعابها والله قدّرنــــــــــــــــــي
وانا وياها كيف اتعايش واقدر اجـــــــــــــاورها
بعمرك شفت ورد.. بجذر نخلة.. بالله خبرنـــــي
واذا قالت بأني من زمن ماكنت احـــــــــــــذرها
دموعي كم تحذرها وهي تحسب تطهــــــــــرني
بعد ما حست الفرقى حقيقه.. وصرت هاجرهـــا
تجيني الاخت كل يوم ابعذر .. توها تدورنــــــي
انا ما كنت ابي الفرقى عذابي اللي مقــــــــررها
ولو كان اصلا ايْهمـــــــــها مظن انها تمرمرني
كرهت آنا الحكايه من بدايتها لأخـــــــــــــــــرها
حتى اسمها وهو اسمها.. ماعاد يحضـــــــــــرني
تجاهلها وفك عمرك وفكني من معـــــــــــــاذرها
ولا ابغي خيالات الغلا الامسية ...أتمرنـــــــــــي
ولو انها مريضه عشر ربيات ادبـــــــّـــــــــــرها
وذكرني اشتري باقة ورود ارجوك ذكـــــــــرني..
..........
__________________________________________________ __________
صح لسانك اختي دلوعة قطر
ويعطيك العافيه
اخوك مشعل المناور
__________________________________________________ __________
مشكورة اختي تسلمين
__________________________________________________ __________
الاخت الغاليه \\ دلوعة قطر
صـــــــح لســــانك وسلم بنانك لاهنتى
يسلموووووو \\ راااائعه
ننتظر الجديد
تقبلى تحيتى \\ نايــــــف الغالــــــــى
__________________________________________________ __________
دلوعة قطر...
صباح البنفسج..سيدتي...
صح السانك !!
كلمات غايه في الروعه
شامخه كشموخ شاعرها الرائع!!
دمت اختي ودام ابداعك!!
احترامي وتقديري لك!!
يا سيدتي..
تقبلي تحياااتي..
مشكوووووووووووووووور اخوي على المرور الحلو
والله يعطيك العافيه
