从 ضــيــف لا وجــود لــه 从 >> اول روايـاتــي << - مشوقة

عنوان الموضوع : 从 ضــيــف لا وجــود لــه 从 >> اول روايـاتــي << - مشوقة
مقدم من طرف منتديات الشامل

ضيف لاوجود له

الجزء الاول ..

**

في قلب الدوله [ عاصمة ] .. &quot;قطر&quot; .. يقطن فيها عدة عوائل .. ولكن من بين العوائل .. عائلتان ..


عيلة بو ناصر

بو ناصر : كبير العايله .. متقاعد .. عنده 3اولاد وبنتين من زوجته الاولى .. وعنده بنت من زوجته الثانيه واعياله كلهم متخرجين من كلية التدريس .. الا طبعا بنته الصغيره شوق .. لانها صغيره
ام ناصر : توفت بسبب تأثير مرض السكري .. &quot; الله يشافي الي فيه &quot; من 4 سنين
ناصر: كبير اخوانه وخواته .. عمره 43 .. متزوج 2 .. الاولى قريبته ساره والثانيه .. من ذوق اخته فاطمه .. وعنده من الاولى خمس بنات وولد .. وماعنده طفل من مرته الثانيه لانه ماخذها توه وماصارلهم شي من الوقت ، وساره عمرها 39 .. واعيالها &quot; نور : عمرها 16 .. تدرس في ثاني ثنوي في مدرسه مستقله .. عبدالله : عمره 15 في اول ثنوي وكله ويا ربعه .. ايمان : الثالثه وهي تحب اختها التوأم ودوم ويا بعض .. عمرها 13 .. هدى : اختها التوأم تشابه اختها ايمان ونفس الطبع .. خجولات وايد .. حنان: عمرها 9 في صف ثالث في ابتدائي .. اما الكتكوته دانه عمرها 6 .. << وختامها مسك ..

فهد : الثاني من بعد اخوه ناصر اعزوبي .. مرتاح في حياته .لكنه يتنرفز من اخته شوق . ماعنده شي اسمه يمين ويسار .. ماشي صح في طريقه .. ودوم اهله راضيين عنه ويعتمدوون عليه في طلباتهم وعمره 35 ..
فاطمه : الاخت االاولى لهم فهيمه وعاقله وعايشه مع زوجها في الخور عمرها 33. هي الوحيده الي ماتشتغل لاتها تفضل تربية اعيالها . عندها بنت وولد .. حصه : 5 سنين .. وراشد : 3 سنين ..
خالد : 30 سنين اعزوبي مثل اخوه . ويا ربعه .. لكنه منظم وقته .. لانه يكون عنده دوام ومايقدر يسهر برى البيت اكثر من الساعه 12 ... ويحب اليهال .. خاصة شوق مايحب انها تنضرب لكن حزات صج تنرفز
مشاعل : عمرها 28 .. ماياها نصيب للحين .. عصبيه بسرعه .. وماتشتغل .. هي الي قايمه في البيت في الطباخ والتنظيف

اما الزوجه الثانيه لابو ناصر عندها منه بنت وحده واسمها شوق .. عمرها 9 .. دلوعه ..

.........


عيلة بو يوسف

بو يوسف : كبير العيله عمره 72 .. متقاعد طبعا .. عنده زوجه وحده .. وعنده منها 3 اولاد وبنتين .. وهو اخو بو ناصر بس مو وايد جريب منه لانه منشغل وايد ويا اعياله
ام يوسف : هم متوفيه .. وفاة طبيعيه ..
يوسف : ..34 .. يابته متأخر .. اعزوبي .. يشتغل في بنك .. وهو ماسك رئاسة البنك في تقديم طلبات السيارات .. &quot;المواتر&quot; يعني قروض السيارات ...... الخ
غانم : عمره 32 كان متزوج .. وانفصلو .. وعنده بنت صغيره يحليلها اسمها عاشه .. عمرها 6 .. وغانم يشتغل ويا اخوه لكن مو في نفس القسم .. .. هو يشتغل في الاستقبال ..
عبدالله : اعزوبي .. وماعنده شي اسمه مغازل .. لانه يعتبره عيب في نظره .. كان يمشي سيده في حياته .. عمره 30 .. يشتغل في الشرطه ... ..
خلود: .. 29 مدرسه في مدرسة اعداديه .. عندها 3 اولاد .. محمد وناصر وابراهيم .. وكلهم يابتهم ورى بعض .. محمد 9 وناصر 8 وابراهيم 7 ..
ريم : 28 ورى اختها .. وهي اصغر اعيال بو يوسف .. تشتغل ويا اختها .. في نفس المدرسه لكن .. في مجال الاعمال اليدويه في قسم الفنيه .. ومب متزوجه

..........

خلصنا من دور الشخصيات ..
نجي للقصه ..

.......

وقت الغدا في بيت بو ناصر ..

فهد وخالد كانو قاعدين ع الارض في الصاله على الزاويه شوي ينطرون الغدا << يواعه .. من بعد الدوام
فهد : شعووووووووول حطي الغدااا وااايد تأخرتي اليوووم شطابخه انتي نعام واحنا ماندري؟؟
خالد ضحك من غشمرة اخوه لمشاعل بس كاان يووعاان حده
مشاعل : اكاني يايه يايه ... بس شسوي .. اليوم شووق قايمه من وهل وتمت عندي لعوزتني شوي ..
&quot; وهي تحط السفره &quot; .. الا وتجيها شوق تقعد عليها .. .... ياااااربي ياشوووق قوومي شوي خليني اخلص ...
قاام خالد وشلاها وحطاها على راسه وهي تضحك .. ويلعب معاها بس عشان يوخرها من الاكل الحار يمكن يحرقها ولا شي ..
ولين خلصت مشاعل من حطت الاكل .. خذت شوق وودتها .. المطبخ تعطيها نصيبها .. من الاكل لانها لو تمت في الصاله .. ذبحها فهد ..
دخل بو ناصر البيت وهو راد من الميلس ..
وطبعا ماخلو شي .. قامو ياكلون ولا انتبهو ..
بو ناصر ابتسم وراح فوق يبدل ملابسه ..
كملو اكلهم وراحو يغسلون يدهم &quot;فهد وخالد&quot; وفي طريقهم يلقون شوق مسرعه حدها في التربوو وتدعمهم .. هع هع .. طبعا كانت تتغشمر لكن غشمرتها ماتمشي على فهد .. عاد هو شوي ويطقها شردت ..
خالد ضحك وقال : يااخووي خل البنت في حالها شبلاك حاط دوبك من دوبها ..
فهد : ياخي تقهرني وتنرفزني وايد .. خاصه وانا معصب ومزاجي رايح فيها .. وتجي هالياهل وتكمل علي ...
خالد: لحول الحين اختك وجي شلون لو بنتك ..
فهد سكت ومارد عليه .. وكملو طريقهم ....

ترررررررررررررررن تررررررررررن

رن التلفون ..
مشاعل: انزين انزين ..&quot;وهي طالعه من المطبخ .. كانت تغسل المواعين &quot; .. وردت عليه : الووووووو ..
فاطمه : هلا باختي شعوول شلونج؟
مشاعل : بخير والله وينج انتي ماتبينين ..؟
فاطمه .: والله شسوي اليهال ماخذين وقتي كله
مشاعل : اها .. بس متى بتيينا؟
فاطمه : اليوم انشالله بمر عليكم ..
مشاعل: ولاتنسين حصووووووه ورشووووووود فديتهم يننوون يبيييهم وياج اوك
فاطمه : اوك ..
وسكرو
مشاعل تمت تفكر شنو بتسوي .. عشى خفيف ولا ..
المهم راحت فاطمه تتجهز هي واعيالها وتصحي ريلها عشان يوديها..


اما في بيت بو يوسف ..
اعيال خلود كانو هناك لان ريم كانت تحبهم ويا عاشه .. ماتحب تشوفها بروحها عشان جي كلمت خلود تييب اعيالها عندها قبل ماتروح دوامها .. وخلت اليهال .. وريم راحت ويا اختها لانهم في نفس المدرسه وطبعا في نفس الطريق ، ابراهيم ومحمد كانو شياطين وايد عكس المؤدب ناصر الي الكل يمدح فيه الا هالاثنين لسانهم طويل وشياطين وايد .. كله ينقزون على الكراسي وينطون حتى يدهم بو يوسف صار يسميهم يالقرود .؟ .. هع يتغشمر بس شيسوي .. من شطانتهم لكنه يحبهم وايد .. كان فيهم براءة اطفال ..
وفي نفس الوقت .. عاشه كانت تلعب وياابراهيم .. كانو يلعبون لعبه سيارات بالريموت ..
المهم وهم يلعبون محمد ويا ناصر كانو توهم يايين من برى كانو يلعبون كوره .. شافو اللعبه في يد عاشه
محمد خذ اللعبه منها بالقو .. عاشه صاحت وناصر صاح وياها ..
يات الخدامه عشان تسكت اليهال كانو يصارخون وايد بس مافي فايده ..
رجع يوسف من وهل البيت .. وشاف اليهال &quot; ناصر وعاشه &quot; يصيحون ,,
يوسف : شفيكم تصيحون ؟
عاشه : بابا يوسف شوف محمد خذ اللعبه مني ..
يوسف كان يحبها وايد ومايحب يرفض لها طلب لانها وحيده ماعندها اخوان وخوات كانت تشوف امها في الاسبوع 2 .. بس يوسف احتار مايعرف شلون ياخذ اللعبه منه .. لانه لو خذاها بالقو بيصيح هو الثاني ..
احتار شيسوي ... وهو كان يفكر شوي الا وتركب سياره على ريله .. طبعا هو تروع
يوسف : بسم الله
محمد : ههههههههه حلو حلو
يوسف هدى شوي : بعدك انت ماخلصت من شطانتك .. وعلى طول خذاها منه مافتكر بيصيح ولا لا ..
وعطاها حق عاشه ..
وراح عنهم وعاشه لحقته عشان ماياخذها منها مره ثانيه .. وناصر وياها ..
اما ابراهيم ومحمد تمو في مكانهم يلعبون ومافتكر في اللعبه ... كان يتقاسم هو ويا اخوه اللعبه على حسب الوقت ..

..

مرت الساعه 6 المغرب ، ومشاعل تنطر اختها فاطمه . مشتاقه لها ويا اعيالها .. .. شوي وتسمع طقه في الباب .. على طووول نقزت وراحت تفتح الباب ..
مشاعل : هلاااااا بفطوووووووم وييييييييينج انتي طوووولتي
فاطمه : شسوي شعول ريلي قال بروح مكان وبعدين بييني ... وهو الله يهداه طول ... بس ماعلينا .. اهم شي ييت
مشاعل : أي والله ..

فاطمه : وهااج اليهال .. ويا شنطهم .. بخليهم عندج اليوم لاني باجر معزومه وماقدر اشوف طلباتهم .. والحين ماقدر اتم وايد .. بلغي سلامي لفهد وخالد وناصر ..
مشاعل : بس لاتطولين الغيبه .. .. ومتى بتمرين عليهم؟
فاطمه: بعد باجر الصبح ..
مشاعل : بس قلتي حق ريلج؟
فاطمه : أي ماعليج قلتله ...
مشاعل .: اوك ..
فاطمه : فمان الله ..
مشاعل : زين نطري انا سويت لنا عشى والحين قلتي بتروحين ؟؟؟
فاطمه : شسوي ماقدر اتم الحين ريلي ينطرني برى اخاف يعصب ..
مشاعل : اوك مب مشكله بس لاتطولين الغيبه
فاطمه : فمان الله ..
راحت مشاعل وراها عشان تسكر الباب .. وبعدين ردت عشان تجهز اغراض اليهال وشناطهم فوق ..
راحو اليهال يلعبون .. ومشاعل تفكر في انها تتصل لناصر ييب بنته دانه عشان اليهال ..وطبعا الشله تكون ويا شوق .. واتصلت له ..
يرن جوال ناصر وهو في ميلس ربعه ..
ناصر : الووو
مشاعل : هلا ناصر ..
ناصر: هلا مشاعل شخبارج .. وشفيج داقه الحين .. عسى ماشر؟
مشاعل : لالا كل الخير ياخوي .. بس حبيت اخبرك انه اعيال فاطمه عندنا وابيك تييب الكتكوته دانه لهم عشان يستانسون .. ويلعبون ... لو ماعندك شغل ولا حاجه ..
ناصر : لا عادي وشعاااد .. ماعندي مانع .. الحين اتصل في ام العيال اخبرها .. واييبها ..
مشاعل : مشكور عسى ماتعبتك؟
ناصر : لا عادي تعبج راحه كل شي يهون لوناستهم
وبعدين كل واحد فيهم سكر جواله ..

........

في الجهة الثانيه ..
في بيت بو يوسف ..
غانم توه بيطلع .. مواعد ربعه .. الساعه 8 .. ، كانت ريم في الصاله تقرا مجله وحاطه ريل على ريل .. ومشغله التلفزيون ... ماوراها شي ...
غانم: .. ريوم ابي منج خدمه ..
ريم : هلا آمر؟
غانم : تقدرين تمسكين عاشه شوي لاني اليوم يمكن اطول عليها بس فهميها اني بتأخر وخلج وياها
ريم : غالي والطلب رخيص .. &quot; وهي رايحه لغرفة عاشه .. &quot;
غانم طلع من البيت .. وتم البيت هادي مافيه يهال .. .. من بعد الدوام خلود خذت عيالها من عندهم وتمت عاشه بروحها .. تلعب بالسياره .. دخلت عليها ريم ..
ريم : عوووشه .. ترى بابا اليوم بيتأخر .. بترقدين عندي اليوم اوك ؟
عاشه: ابي قصه ..
ريم : بقرالج الي تبينه يالحلوه ..
ومره وحده يدخل عبدالله عليهم ..
ريم : بسم الله روعتني.. جي يدخلون الناس؟؟؟
عبدالله : ههههه حبيت اسلم عليج قبل ماروح ارقد ..
ريم : اها .. وحضرتك سلمت؟
عبدالله .. : لا بس الحين بسلم ..
ريم ضحكت .. وتمت تلعب ويا عاشه
عبدالله : انزين بروح ارقد .. تبين شي؟
ريم : لا مابي شي .. ابي سلامتك بس ..
عبدالله .. : يالله .. اشوفج باجر .. تصبحين على خير ..
كان عبدالله تعبان حده .. ومارتاح العصر.. عشان جي قال يبي يرقد من وهل ..
اما عن ريم .. راحت تبي تعشي عاشه وترقدها من وهل .. لان ريم تعبانه وقاعده من الصبح .. تشتغل
وهي بتروح ترقد وياها ..
........



ياللــه نبــا تشجيــع منكــم لانهــا اوـول رواياتــي ..

:)

<center> >>>>> ردود الأعضـــــــــــــــــــاء على الموضوع <<<<<
================================== </center>

نرجع لبيت بو ناصر

طبعا مثل ماقلنا ان ناصر قال بجيب دانه لحصه وراشد ..
طق الباب ..
فتحتله الصغيره حصه
حصه : أمي ناسر سلونك؟ << عمي ناصر شلونك
ناصر : انا بخير يا وجه الخير .. وهاااي دانه يايبها لج .. تلعب وياج
حصه ماصدقت تبيها من الله .. على طول خذتها وودتها فوق تلعب وياها .. اما عن ناصر طلع ..
دخلت حصه على مشاعل وهي مستانسه .. وياها دانه وشوق
يابتها فوق السرير .. ومشاعل استانست وقامت حبت دانه وطلعت وياهم تعشيهم ..
وهي رايحه للمطبخ شافت فهد يشرب ماي ..
راحت شوق عنده وهي مستانسه تقوله انه دانه عندنا ..
فهد كان بيطلع ماعطاها ويه وراح عنها ..
تمت شوق مقهوره وراحت تتعشى ويا اليهال ..
وبعد ماخصلو ودتهم فوق في غرفة الالعاب عشان يلعبون .. ومره وحده تتصل في ناصر ياخذ بنته لانه يبيله سنه لين يجي .. صارت الساعه 10:23 .. رن جوال مشاعل .. المتصل &quot; ناصر &quot; .. ردت عليه
ناصر : يالله مشاعل جهزي دانه عشان امر عليها ..
مشاعل : اوك ..
سكرو .. وراحت عند دانه تقولها انه ابوها ياي ياخذها ..
وصلت ريم دانه عند السياره وقالتله انه ييبها باجر بعد لان اليهال بيتمون عندهم ..
بالنسبه لليهال .. راحت ترقدهم وترقد وياهم ..
الساعه صارت11:30 دخل خالد البيت .. وهو مستانس حده .. يوم الاثنين عرس رفيجه .. فرحان حده وماباقي عليه الا اسبوع .. راح خالد يبدل ملابسه .. عشان يرقد ، عنده دوام

..

--------------------------------------------------------------------------------


وفــي اليوم الثاني ، اعتادت مشاعل انها تصحى الفجر قبل الكل .. هي شايله البيت يعني هااي المفروض .
قامت مشاعل عشان تروح تصحي اخوانها وبهدوء وهي تمر في الممرات .. ماتبي تصحي اليهال .. تبي تخلص شغلها بسرعه.
وهي رايحه تصحيه .. طقت عليه الباب طبعا هو تعبان وايد .. قالها انه مو رايح اليوم .. بياخذ اجازه ..
راحت عنه مشاعل تصحي الباقي من اهل البيت .. شافت الوالد قاعد من رقاده من شوي ..
مشاعل : يبا تو الناس ليش صحيت ؟
بو ناصر : شسوي بعد انا لازم اروح المسجد اصلي .. وقلت اليوم رايح رايح .. رحت ورديت .. ومافيني نوم .. قلت بقعد
مشاعل : طيب يبا انا رايحه اصحي الباقي .. تامرني بشي . ؟
بو ناصر : سلامتج بس سرعي في قومتهم تأخروا
مشاعل : انشالله
راحت مشاعل تصحيهم ..
....
وفي نفس االوقت في بيت بو يوسف ، في غرفة غانم

يوسف : يالله ياغاانم اصحى مانبي نطول اليوم
غانم وهو في سريره : يااخي تو النااس السااعه 5:00 باقي وايد على الساعه 8 ..
يوسف : انا امس مو نبهتك انا نرووح نكمل شغلنا بسرعه لان اليوم بنودي الاهل البر ؟
غانم : أي بس الجو بارد مايصلح ...
يوسف : حلاته في البرد النااس يروحون مو في الحر .. يالله قووووم
غانم : انزين كليتني من ثيابي خلاص انت روح برى انطرني وانا 10 دقايق وجايك ..
راح يوسف عنه في الصاله ينطر الشاي .. وينطر اخوه يطلع
قامت ريم ويا عاشه من رقادهم . شبعووو رقااد وايد رقدو .. خخ
شافت يوسف قاعد في الصاله من وهل ..
ريم : ليش قاعد من وهل ... عسى ماشر ؟
يوسف وكاان بيخلي رحلة البحر مفاجأه .. : لا بس سلامتج .. انا وخالد عندنا اشغال وايده اليوم ونبي نخلصها ..
ريم وهي ماسكه يد عاشه : اها .. طيب انا بروح اعطي عاشه حليب .. قبل ماتروح روضتها اليوم .. تامر بحاجه .؟
يوسف وهو يقول في قلبه &quot; أي روضه انتي الثانيه تبي تخرب علينا طلعة اليوم &quot; : أي ابي .. لاتودينها الروضه اليوم ماله داعي خليها شكلها تعبانه اليوم..
ريم : أي بس لازم تروح لان امس بعد غابت .. وانا بعد بروح شغلي لازم نوديها اليوم ..
يوسف : هااي روضه مو مدرسه تقعدين تحطين اهتمامج الزايد فيه .
ريم : انشالله بس بتتملل هي بروحها ..
يوسف : من قال بتتملل انتي بتمين وياها غصب طيب ..
ريم : انت تدري مديرة هالمدرسه عصبيه حيييل يعني لازم اجي مو فاضيه مشاكل ..
يوسف : مو مشكله ودي وياج عاشه وووقعي وطلعي من هناك .. وش المشاكل ؟
ريم : بشوف ..
وراحت ريم تعطي الحليب لعاشه وهي تفكر ليش يباهم يقعدون في البيت ..
طلع غانم من غرفته وهو كاشخ حده ..
يوسف : الله الله شيخ الشباب يابعدي والله يالله نحرك ..
غانم : مشينا ..
بو يوسف كان يدري عن رحلتهم للبحر ..ومايبون احد يدري غير الشبيبه .. &quot; الشباب &quot; الا عبدالله الي مايقدر يجي الا بعد صلاة العصر .. ومن بعد ماياخذ اذن من مسؤووله
...
مشاعل صحت فهد .. عشان يروح دوامه ..
وراحت هي تسوي الفطور ..
وشوي تدخل عليها حصه الي توها قاعده من رقادها..
مشاعل : ليش قعدتي من وهل حصه .. روحي كملي رقادج احسن بتتمللين جي انتي ..
حصه ماردت عليها راحت ركبت فوق الطاوله مستانسه انها قاعده من وهل ..
مشاعل : نزلي ياشيطونه لاتنقزين فوق الطاولات .. ترى بقول حق ماما ..
حصه نزلت وشردت من الخوف ..
مشاعل : ههههه يحليلها ..
...

..

ياللــه نبــا تشجيــع منكــم يالغالييـن
لانــي ودي اواصــل وياكـم
وانشالله تكــون عجبتكم
وانتظروا الاجزاء

__________________________________________________ __________
جنااااااااااااان كمليها

__________________________________________________ __________
جــمــيــــــلها بــــــــــــــس كــــــــــمـــــــــليhttps://chamil.xplainer.net/images/s.../2009/t069.gif

__________________________________________________ __________


__________________________________________________ __________