عنوان الموضوع : انا غريبٍ جوعه أطول ثيابه
مقدم من طرف منتديات الشامل
صبآآآآآآآحكم جوري
.
.
.
لـ الشعر فيك / بلاد وبلاد وبلاد
ولـ الشعر فيني / دمعتين وسحابه
كلمة " أحبك" مالها عندي أضداد
هذي حقيقة عمر .. مايندرى به
أشيل بعيوني .. مسافات وجياد
وارتب بظهري / سيوف الكآبه
أحمل لك بكفي / مشاعيل وسهاد
وانظم من جنون الغرابه / غرابه
أنسج من امطاري / فرح ماله اولاد
لو غصـتي تفرض علي الحرابه
لجلك / بكارة حرف تنفض بحياد
ولجلك / ربيع الما يزيد اغترابه
لك في عذوق الصبح / منشا وميلاد
ولك من غدير الليل / صمت ومهابه
جمرة غيابك .. تحتفل صخب وعناد
وروح البياض .. تزف فيك الكتابه
قصة جمالك .. مثل دار للأجواد
وانا غريبٍ .. جوعه اطول ثيابه
عينك / مواني نور وافراح واعياد
وعيني / سواحل جرح طوَل عذابه
خطوتك فيها .. تاج وملوك واسياد
وفيها انثيال الما .. وصدري ترابه
بسمتك في ركن السما / تبني الضاد
وآضم قصرك .. واحتفل في خطابه
أوتار صوتك .. نبرتك / طيش وقاد
بيده حنين .. يفتت أضخم رتابه
من وين ببدا ؟ والبدايات تنعاد
وكلك على بعضك / سؤال وإجابه
لاتسأل التاريخ .. عن غصن وانشاد
وانت اختصار الريح / قدر / ورحابه
وصلك .. مدينه مالها باب واصفاد
وهجرك .. فقيرٍ طاح بك عند بابه
شربت وصلك من عروقي ولا فاد
دامك بدمي .. هات معنى غيابه ؟
تعال .. صفف بالسما كل ميعاد
واشعل فتيل الوصل .. في كل غابه
امطر حنين / ولمني شعب وافراد
بين السما والأرض / مالي قرابه
الليل شيخي .. يوم انا جملة احفاد
والصبح بشفاتك .. ذبحني سرابه
تعال خذني معك .. لبلاد وبلاد
واشعل فتيل الوصل تحت السحابه ..!
.
.
.
اعجبتني حييييل
واتمنى ترتقي لذائقتكم
<center> >>>>> ردود الأعضـــــــــــــــــــاء على الموضوع <<<<<
================================== </center>
يسسلم احساسك وذووقك
اختيار ولا اجمل كعادتك
دمتِ ودام ابداعك
__________________________________________________ __________
صح ذووووقتس
اكيد بترووق لذائقتنا
__________________________________________________ __________
البتــــــــــــــول
يعطيك ربي العافيه ويجزاك الخير ..... الأبيات خقيت عليهـــــــــــــأ
مع خالص احترامي لك
>||<بحــــــــــــ القواااااااااااااااااااااااااافي ـــــــــــــر>||<
__________________________________________________ __________
كلك ذووق
تقبلي وجودي هنــــاآآآآ
__________________________________________________ __________
يــ مسـاء الخيرات والليرات................ابيات جميله لاجديد دايم مبدعه الله لايهينك يابتو ويدوم نشاطك وتواجدك
مر من هنا الاميـــــــــــــــــــــــر
الله أبيات في قمة الجمال والروعه
ذائقه شعريه مبهره
الله لايحرمنا هالذائقه
انتظر جديدك بشوق
امنيتي يكون مروري متقبلا
