عنوان الموضوع : الغيبوبه / سآلم سيآر
مقدم من طرف منتديات الشامل
بنادق مهجتي معبّى ـآ فشقها والغلا نيشان
..... أبطلق روحي في قلب القصيد وأنبض أبياته
أبذبح حزني من أقصى الشعور لـ أوّل الأخوان
....وأسيّل عمره وتشرب عيون العمر دمعاته
وحيد ولا معي الا أخوي بـ داخلي غفيان
..... ترفرف ضحكته وأطلق نعاسي وصبح ضحكاته
في بالي يرقد وأدري حزين / وشارد / وبردان
..... وانا أنثر برده من فوق الخيال وجمر سجّاته
ينام وأعقد بـ عين البداية جمرة التحنان
........ ينام وأعقد بـ عين الأغاني كل نهاياته
يدور القلب تتفتت.. ضلوعه يطحنه حرمان
..... يجوع القلب.. يحضني في جوعي وآكل فتاته
وأطلّ من الألم ..أحضن حياة الشارع الولهان
..... يلملم حسرتي و يَكْسر وجودي بـ شوق إضاءاته
تعبت أمليني طعونٍ تصب من خنجر الخلان
..... تعبت استنزف عيوني .. دموع العين طعناته
ياخيَيّ ليييه تغيب وليييه تتركني وانا شفقان؟
.........لـ قرم يقلب جبال الهموم بـ عزة إثباته
أعرفه لاوصل كنه صقر من صفوة الويلان
..... يكشّ جلد السما إن شافت مخاليبه وهدّاته
رجال تربط حزام القبيله وتنفلت شجعان
....وأخويه يربط رجال القبيله حزام هقواته
كريم ماهو من يبني فعايل صيته الديوان
.... في صدره دلته / وهيله / وفناجيله /وتمراته
اذا كان الكرم حمس الـ (هلا) في مهجة الضيفان
.... اخويه من حمس قلبه لـ ضيفه وصبّ فزعاته
وكم (تكفى) إنرمت بين البشر ممزوعه الوجدان
.... أخويه قبل لا تُرمَى عليه يقط ّ نخواته
حزين السيف بكفوف الأوادم طافي ٍ ذبلان
....بعد مانام دمّ الي سقا فعله و ومضاته
ياخيي إقعد وقعّد خضوعي بـ داخل الشريان
.... تنام ولا بقى همّ ٍ قطف من دمي غفواته
غريبه شلووون يكسرك الغياب ويغلبك نسيان
.....ودفتر جيّتك ياخيّ .. طوى من عمري صفحاته
يجيني مدري ، ولكن : أعرفه لاوصل جيعان
..... قسم وان جاني لا أنحرني لـ جوعه تحت خطواته
وصل زوله هذاك اللي وصل مايشبهه إنسان
.... هذاك اللي وصل شايل عذاب العمر وآهاته
وجيت الحين ياخييّ بعد ماشالتك أمتان
.... بعد ماودّهم غسل الجسد عن كل نزواته
أبد لا ينغسل هذا الشهم مغسول بـ الفرسان
.... اخويه من غسل روح الجسد في طهر نيّاته
أيا دفااان : دخيل الله لا تدفنه أيا دفااان
.... دخيلك خلني أدفن في بالي جمر بسماته
وأهف بسماته من هذا المكان لآخر الأحزان
.... وأنا أطحن موته في جوع الكلام وأخبز سكاته
أنام شلووون لاصار الأخو جايع وأنا شبعان ؟
... أخوي اللي كسر قلبه لـ جوعي وجاع لحظاته
اخوي اللي يمزمزني معاليقه اذا عطشان
.... أخوي اللي ثنى عمره من اجل أطلع مسافاته
يدين القبر ضميييني وسط حضن الأخو نعسان
.... أبرقد دام لي قلبٍ دفن وياه نبضاته
أكيد انه وسط قبره سمع طق الخطاوي الآن
.... ألا ياليت انا المدفون وانا اسمع طق خطواته
<center> >>>>> ردود الأعضـــــــــــــــــــاء على الموضوع <<<<<
================================== </center>
صح الله بسانج ابداع
كلمات من ذهب احساااس راقي
مبدعه
لج ودي
__________________________________________________ __________
يسلمووووووووووو الايادي
__________________________________________________ __________
قصيدة رووووعة
من شاااعر معروووف وعني عن التعريف
ومشكوووووة ع الذوووووووووووق
تقبلي مروري ..
__________________________________________________ __________
يآلبيييييه يآسالم’,
روعة كل قصايده’,
تسلمي ع النقل المبدع
ودي
__________________________________________________ __________
رائعه .
أبدعتي بما طرحتي . وأحسنتي الأختيار .
راق لي نقـلك .
يعطيك العافيه يالغلا .,
تقبلي مروري هنيـا المتواضع .,
شكراااا على الطرح الرائع منها للاعلى
تسلم يداج انشالله
تقبلي مروري المتواضع
تحياتي لج
