قصيدة في الأمير الشاعر الراحل طلال الرشيد شعر رائع
عنوان الموضوع : قصيدة في الأمير الشاعر الراحل طلال الرشيد شعر رائع
مقدم من طرف منتديات الشامل
بسم الله الرحمن الرحيم
السلام عليكم ورحمة الله وبركاته
هذي أبيات متواضعه في سمو الأمير الشاعر الراحل :-
طلال بن عبدالعزيز الرشيد .. رحمه الله
أتمنى تروق لكم يارب
ما دام صمتي ما يبرّر هوايل = وغيري تزايد من لواهب فتيله
أبطوي الصفحه ونترك رسايل = ونرجع لماضي به تناشيت قيله
يا ناشدن عن طيب ناسن قلايل = الطيب يذكر لو تحايلت حيله
يرعد رعدها والزبد كيف سايل = من قبل لا تنهل تشدّك مخيله
تصهل بها كلّ الشّهايم الأصايل = وترضخ طواعه نايفاتن ذليله
كلّه لابو نوّاف راع الجمايل = صيته شعاعن فوق راس الطويله
ماينطفي نوره شقى كلّ عايل = يبرق كما تبرق سيوفن صقيله
شامخ وشاعر كاسبن علم طايل = دوبك كلامي لا تعجّل مسيله
إليا ذكرت الضيغمي بالنفايل = فاحت بساتين القصايد عليله
طلال ذكره صار مضرب مثايل = مثل الذهب غالي مايرخص مثيله
وش عاد لو بمدح بأمير الصقايل = تعجز حروف الكون توفي دليله
مرحوم يا جزل الكرم والفعايل = ياللي مظنّي تنتسل بالفشيله
أميرنا ما مات لو كان زايل = وتشهد أراضي بالجزاير جليله
أنشد عجوزن زينها بالجدايل = بان التّشحّب من زمان الظليله
يالله عساك ابجنتن بالنزايل = تختال في روضن كثيرن فضيله
واختامها خذ من مواثق دلايل = سميّك اللي ما تلفّظ رذيله
وسلامتكم أخوكم / طلال الشمري
<center> >>>>> ردود الأعضـــــــــــــــــــاء على الموضوع <<<<<
================================== </center>
صح لسان.. والله يرحم طلال الرشيد
__________________________________________________ __________
صح الله لسانك يا سميه وبيض الله وجهك والله
يرحم طلال يستاهل المدح عسى الله يغفر له ويسكنه الجنه
تقبل مروري ودمت بكل خير
__________________________________________________ __________
مشكور والله يبيض وجهك ويعطيك العافيه
__________________________________________________ __________
عليكم السلام
الله يرحم طلال الرشيد ويسكنه الجنه
وصح لسسآنك يآطلال يستآهل المدح رآعيه
تقبل مروري هنيآ
__________________________________________________ __________
صح الله بدنك يا الغالي
ولا هنت والله يرحم الأمير الراحل
تسلم يا الغالي
صح لسااانك واعلى شاانك
يستااهل المرحووم هالابياات
كفيت ووفيت اخوووي
فالك التوفيق يارب ...
