يامل قلبن تتلّه نوف=تل المعاويد لرشاها

عنوان الموضوع : يامل قلبن تتلّه نوف=تل المعاويد لرشاها
مقدم من طرف منتديات الشامل

اخواني واخواتي الكرام قراءت قصيده لشاعرنا القدير عشق بدوي يذكر فيها ساره ونوف وانا لي قصيده بنوف امّا ساره فقريت عنها قصائد ومنها بيت يقول

المطوّع لويشوف خديد ساره== طبّق المصحف وعجّل بالصّلاتي 0 ولا اعرف شاعره
امّا انا مااعرف ساره الا جاره لنا عجوز ينطبق عليها قول الشاعره 0سوا المفرّجي الحربيّه
والتي مطلعها

عدّيت بالمستقلّي=من نايفات العداما
0الى ان تقول

جعل العجايز تولّي=والعود ولد الحراما
قدكدّروا مشربلّلي=ياويلهم من الاثاما

وانا اقول

يامل قلبن تتلّه نوف=تل المعاويد لرشاها
جاهل وقلبي يحوفه حوف=عجزت ياربعي انساها
توّه صغير وحسين وصوف=كامل مكّل سجاياها
الجسم ناعم ونابي ردوف=اموت في نظرة اشفاها
عزّاه ياقلبي الملهوف=النفس ما حصّل دواها
عقلي غدا عقبها مخفوف=اكز رجلي ورا خطاها
من شافني قال ذا مصروف=واقول عمري من فداها
بالحب مايوم جاني خوف=رجلي تعرف وين مسراها
من لامني بالغضي ملقوف=ماشاف صكّت ثنياها
والخد نوره يخطف الشّوف=وقذيلت الزّين محلاها
الى ابتسم صحت له يانوف=يانوف نفسي على اقصاها
يانوف سوّي بي المعروف=نفسي قنوعه بماجاها

وسلامتكم0

<center> >>>>> ردود الأعضـــــــــــــــــــاء على الموضوع <<<<<
================================== </center>
كلنآ تغنى بنوف عشق وعوض وانا وآنت ^_^

صح لسآنك يآبوبطيآن على هالقصيده العذبه من بوح مشآعر جميله

شآعر جزل ويعجبني خضآر قلبك

تقلب مروري المتوآضع هنيآ

__________________________________________________ __________
صح لسانك وعتلى شانك ولاهنت على القصيده
تقبل مروري

__________________________________________________ __________
صح لسانك امتعتنا بصراحة بهذي القافية الجميلة وهي غير مستغربة منك حقيقة وفقك الله

__________________________________________________ __________

المشاركة الأصلية كتبت بواسطة أشوفك على خير https://chamil.xplainer.net/new_te3p...s/viewpost.gif كلنآ تغنى بنوف عشق وعوض وانا وآنت ^_^ صح لسآنك يآبوبطيآن على هالقصيده العذبه من بوح مشآعر جميله شآعر جزل ويعجبني خضآر قلبك تقلب مروري المتوآضع هنيآ

صح بدنك مراقبنا القدير وصح الله السنتكم شعّارنا القديرين انت
وعشق بدوي وعوض ولايهون الباقين0وتقبل تحياتي وتقديري اخوك

__________________________________________________ __________
صح لسانك و اعتلى شانك
و الله يعافيك و يسعد قلبك
بانتضار جديدك دوما يا اخي العزيز
كل الود و التقدير

المشاركة الأصلية كتبت بواسطة عـشـق بـدوي https://chamil.xplainer.net/new_te3p...s/viewpost.gif ليتك تجي ياسعد وتشوف وش قصة اخوك ويـــاهــا صح لسانك اخوي سعد تقبل مروري المتواضع لك كل الووود

صح بدنك ولاهنت واستلم طال عمرك 0وعذرا من الاخوان وسوف اعود لرّد على مشاركتهم

حاول معاها ولو بولوف
عساك تفوز برضاها

ومن قف دونك عطه اكفوف
ثم تلّها واقف و يّاها

وسلامتك