قلب بدوي طبعه عن الغير سامي شعر رائع

عنوان الموضوع : قلب بدوي طبعه عن الغير سامي شعر رائع
مقدم من طرف منتديات الشامل

مساكم الله بالرضا والخير

اخواني الكرام اضع بين ايديكم هذه القصيده الجديده

قصيده العصريه على ماقيل واتمنى ان تنال على اعجابكم




ليه الهوى يسري على كل شغموم=ملعون أبو جد الهوى ليه حامي
جو الهوى لاتحسبه دايم الدوم=صافي ولا يضفي عليه العسامي
ملزوم تقفاه العواصيف ملزوم=خذها من اللي جرحه اليوم دامي
داج وتعلى بالفضا كل مرجوم=من زود شوقه مايجيه المنامي
طحت بهوى غروٍ من الدق مرشوم=خطف خفوقي وأعتلى للغمامي
مشغول لو جوي من الخلق مزحوم=محدٍ خبر عاقل يفك الحرامي
سلمت له قلبي ولا قلت له يوم=أصحا تبيعه فاهمٍ للكلامي
طبعي غريب ولا على الناس مكتوم=هذي حقيقه حبنا والغرامي
أسهرت عيني وأتعبه قلة النوم=مسكين ياقلبٍ طواه الهيامي
أعطيتها قلبٍ من الوقت مضيوم=وأحسن صفاته لاهوى صدق شامي
صادق ولاغره هوى الغيد ويشوم=قلب بدوي طبعه عن الغير سامي
أليا عشق مايقبل السوم واللوم=ماخان والله لا علي الحرامي
ولافتش سرٍ عن الخلق ملموم=مايبدي ألا الزين حمض العلامي
ثابت كما ضلعٍ عن القاع مزموم=ماحركه ريحٍ جنوبي وشامي
أقولها وأنا من الحظ مهموم=حظي هفا يالله عليه السلامي
ياسهلةٍ فيها من العشب كيهوم=أحمس نباته وأقتفاه الحطامي
وياسهلةٍ فوقه مراهيش وغيوم=يبست وتالي عشبها للهدامي
وياسهلةٍ فيها القمر مكتمل دوم=ماقد حصل لكن غشاه الظلامي
وياطير ياللي بالفضا تدرج الحوم=حول ترى راع الهوى مايلامي
خذ هالقصيد ولا لواردك ملطوم=وأعطه كحيل العين راع اللثامي
قل له ترى ماقدر الله مقسوم=هذا نصيبك وأنسني بأهتمامي
دربك خضر وأنا من اليوم محروم=بأسهر وأجاوب نايحات الحمامي

وسلامتكم
ب.ق.ل.م.ي
عمر الهمزاني

<center> >>>>> ردود الأعضـــــــــــــــــــاء على الموضوع <<<<<
================================== </center>
يسلمـــــــــــــــــــــــــــــــــــــــــووووو واااا
روووووعه
بصراحه مبدع

__________________________________________________ __________
صح الله لساااااااااااااانك يا عمر قصيده قمه قمه وجزله ورااائعه ولاهو غريب عليك .....،‘‘

__________________________________________________ __________
مسائك خير وبركه

وصح لسـآنك ياعمر

تقبل مروري هنــآ

__________________________________________________ __________

نص جميل لاشبيه له سوى حضورك
صح لسـانك واعتلا شأنك
ابدعت وامتعت
ننتظر المزيد من إبداع قلمك
تحيتي لسموك

__________________________________________________ __________

المشاركة الأصلية كتبت بواسطة عـ ذبـــة الأطــباأع https://chamil.xplainer.net/new_te3p...s/viewpost.gif يسلمـــــــــــــــــــــــــــــــــــــــــووووو واااا روووووعه بصراحه مبدع

هلا وغلا فيك ياعذبة الاطباع

والله يحييك وماقصرتي

شكرا على هالمرور العطر

تحياتي لك

عمر الهزآني

شـآعر عذب و رآآآآآئع ..

جمييله هي تلك الأبيات و الأجمل فيها ترابطها و حسن سبكها و قوة تماسكها

كان تسلسل الأبيات يجبرني على المتابعه فكأنما كنت ارتوي بعد كل بيت شعراً جزلاً زلالا !

لا هنت يا راقي

صح الله لسسسسآنك و تسسسلم يمينك


تحآيآي


عبدالرحمن