قلبي فداها كاش مايقبل السوم كلام جميل

عنوان الموضوع : قلبي فداها كاش مايقبل السوم كلام جميل
مقدم من طرف منتديات الشامل

(((قلبي فداها)))

كم قلت ياقلبي من الحـب توبـه=مهما حصل ياقلب لاشك مقسـوم
ياما وياما قبلك اللـي مشـو بـه=وكم واحدن من لذه النوم محـروم
الحب نـاره بالمحانـي شبوبـه=ماتنطفي لاصارت علـوم وعلـوم
ياصاحبي حبـك لقلبـي عقوبـه=عذبتني حسبي عليـك الله اليـوم
ياما دعاك القلب مارحت صوبـه=وياما حرمت العين من لذه النـوم
من يوم شمس الحب قرب غروبه=غديت كني ياأريش العين منجـوم
مدري شمال الدرب وألا جنوبـه=ماغيـر دارك ماجهلتـه ولايـوم
الحب بلـوى وأتعبتنـي دروبـه=كني على حبك لـك الله مفطـوم
والعين عن شوف البنات معصوبه=أصد عن شوف الغنادير وأشـوم
وألد يم اللـي عفافـه إعجوبـه=اللي خذت قلبن ينـادي لهـا دوم
أليا لبست بالعون يزهـاه ثوبـه=وأليا ضحكت كل القوافي له تـروم
وليا أقبلت قلبي يجي فيـه نوبـه=قلبي فداها كاش مايقبـل السـوم
الخصر ناحل والملا شبهـو بـه=والنهد عن هافي حشا الخل مزموم
ماأسمع بها لوعذربو لوحكو بـه=حبه بوسط القلب لاشك مرسـوم
قالت بسافر وأحسب أنـه كذوبـه=لاشك راحت باصبر اليوم ملـزوم
الصيف لاتامـن ذواري هبوبـه=قد قيل عقب الذنب ماينفع اللـوم

بقلمي.....عمر الهمزاني

<center> >>>>> ردود الأعضـــــــــــــــــــاء على الموضوع <<<<<
================================== </center>

أبيــآت رووعه وأح ــساس جميل

صح لســآنك ودام إحساسك

والله يعطيك العافيه

وتسلم يمناك

لاهنت

تقبل مروري

__________________________________________________ __________
صح لسانك اخوي عمر
وعلا شانك ولا هنت
ابيات جميله
بحساس رائع
اجمل تحياتي لشخصك
ويسلمووووووووو

__________________________________________________ __________
صـح لسـآنك يا عمـر

شـآعر جزل . وابيـات عذبه ,

تقبل مروري

__________________________________________________ __________
صح لسانك عمر الهمزاني

وقصيدة جزله من راسٍ جزل

يعطيك العافية

__________________________________________________ __________
صح بدنك ياعمر جزل وأبدعت !!

كم من حروف أستمتعت بها عندما قرأت أحرفك
وكم من جمال مررت به حين عبرت بين كلماتك
فتقبل مروري المتواضع بين صفحاتك الرقيقه
كما تقبل إعجابي بقلمك المبهر دوماً والمبدع ...