ما كان العشم فيك تصير خوان كلام جميل

عنوان الموضوع : ما كان العشم فيك تصير خوان كلام جميل
مقدم من طرف منتديات الشامل

سلالالام .. شخباركم حبايبي .. انشاله طيبين


..


هذي قصدية كتبتها مؤخرا .. وعشتها بكل بيت


واتمنى من يقرأ هذي القصيدة ان يعيش الموقف



مع الابيااات ...


وكالعادة النقد البناء مسموح به .. تحياتي

اخليكم مع القصيدة .... @

يا هاجس الفكر ولع بي نيران = دامك على شعري سهران ليالي
رتب أبياتي وحدد القاف وأوزان = واشرح معاناتي بالايام الخوالي
البارحة كن العرب عندي إنسان = واحد ومتزين وجالس قبالي
هالواحد هذا أعرفه من زمان = خاين العشره ما عليه إتكالي
قال انا جيتك وبربي الحلفان = ما أرجع اخونك ولا أصلاً في بالي
قلت لحظة لا تحلف وتعطي ايمان = إلي مثيلك راح وروحته اشوى لي
كم مرتٍ ارجيك والحال طفران = وعلى ظهري هموم(ن) ثقالي
حتى ريقي وقتها كان عطشان = وانته ريقك فيه الماء وبالي
ما كان العشم فيك تصير خوان = يعلم ربي وش كثر كنت غالي
الشخص يكون في أيام العيد فرحان = وانا دموعي على خدي همالي
ما كنت أبكي منقهر ابكي ندمان = من خلٍ حبيته وصار راس مالي
جايني اليوم وتقول انا غلطان = ما ينفع الاسف على جرح ما زالي
الحب واحد زائد واحد إثنان = خلان اتفقوا بطول الوصالي
إبعد عن دربي وإطلب ربك الغفران = وإلا انا خلاص بعيش بعدك لحالي

ومشكوورين مسبقا ... ولا تنسونا بالردوود ... اخوك عدنان العنزي :f55:

<center> >>>>> ردود الأعضـــــــــــــــــــاء على الموضوع <<<<<
================================== </center>
روووووعة روووعة >>>تدري اني اول وحدة برد عليك ويشرفني

ابدااع يالغالي تسلم عدنوون على القصيدة الرووعة بانتظار جديدك وانا ملقبتك شاعر تعب قلبي شاعرنا

تقبل مروري:)

__________________________________________________ __________


ههههههههه يطول عمرك ... الغالية دلع الكويت ... مشكووره ... وبصرااحه


هاللقب انا مو قده ... لاني صغير بين كبار ... عموما يشرفني ويسعدني ...


ان انتي اول من يرد علي ... منوره صفحتي .... تحياتي لك .. عدنان العنزي

__________________________________________________ __________

عدنان العنزي

//
\\
//

صح السااانك

قصدة جزله ولا هنت يالغالي

والله يعطيك العافية



تحياتي

__________________________________________________ __________
وااااااي واااااي واااااي والله والله جد عدنان ابدااااع ...

سلامة خدك من الدموع الهمالي.... واذا ماعندك مانع بخزنها عندي لأنها جد

رووعه... تسلم اصابعك على هالكلمات الرائعه..

__________________________________________________ __________

المشاركة الأصلية كتبت بواسطة ahsas https://chamil.xplainer.net/new_te3p...s/viewpost.gif عدنان العنزي // \\ // صح السااانك قصدة جزله ولا هنت يالغالي والله يعطيك العافية تحياتي

اخوي ahsas ... مشكوور على الرد ...

يطول عمرك .. والله لا يهينك ... وتقبل خالص

تحياتي ... عدنان العنزي

المشاركة الأصلية كتبت بواسطة أحب الكل https://chamil.xplainer.net/new_te3p...s/viewpost.gif كلماااااااااااااات رائعه اخوي ودائما تبدعنا بجديدك المميز. لاعدمناااااااك

الغاليه .. احب الكل ... مشكووره على الرد


الحلو مثل راعيته ... وتقبلي أحر تحياتي


اخوك عدنان العنزي

:f55: