رواية - حظي يبي له كم حبه بنادول

عنوان الموضوع : رواية - حظي يبي له كم حبه بنادول
مقدم من طرف منتديات الشامل

السلام عليكم ورحمه الله وبركاته اقدم لكم روايتي المنشوره الاولى واتمنى ان تحوز على رضاكم واستحسانكم الروايه توجد فيها جزء من الحقيقه واجزاء كثيره من الخيال ... روايتي والتي تحمل اسم حظي يبي له كم حبه بنادول...دايخ ولايدري بهالدنيا وين رايح لااريد ان يضع الاعجاب بموضوعي الا من اعجب به حقا تحياتي لكم

<center> >>>>> ردود الأعضـــــــــــــــــــاء على الموضوع <<<<<
================================== </center>
البارت الاول انفتح الباب فجاءه رغغغغد رغددد وينك رغد قامت مفزوعه :وجعوووووه ان شاء الله شفيك ؟! :لحقيننننننني لحقييييييني رغد : وجعه ان شاء الله مقومتني من النوم عشان الحقك انقلعي وسكري الباب وراك ساره محترقه من الخوف ورايحه راجعه :رغد دخيلك قومي رغد : طيب شفيك قولي ,,, ساره : كنت العب بجوالي البلاك بيري بالحوش ودخل سعود قمت حشرت الجوال بالفتحه اللي بيننا وبين بيت جيراننا وسمعته يطيح ببيت الجيران ياويلي شسوي؟...تكفين ساعديييني رغد : ايا الدلخه طالعه بالبلاك بيري بالحوش والله لو شافه اخوك ليكسره فوق راسك ساره :المشكله مي بسعود المشكله بجوالي اللي طاح ببيت الجيران رغد : امشي خل نشوف شنسوي الشكوى لله اختي وابتليت فيك ساره ارتاحت وتطمنت لان رغد اذا تدخلت بسالفه لازم تحلها بانتصار ساحق ساره :يابعد عمري يارغوده طلعت رغد للحوش وشافت ان الفتحه صغيره ماتقدر تدخل راسها ساره :ندق عليهم نقول عطونا جوالنا رغد وهي تطالع السلم :انطمي مع افكارك واذا شافو سعود قالو له ساره بدت تبكي :شسوي الحين رغد راحت تجيب السلم وتناظر من فوق شافت حوش خيالي كله اخضر ومسبح وشي روووعه انتبهت من انبهارها وناظرت للجوال بس كانت عندها مشكله شلون تقدر ترجع اذا نطت رغد :اقدر انقز واجيب لك الجوال بس شلون ارجع ساره :مع الباب وانتي لابسه عباتك بس مشكله سعود يشتغل بالسياره برا رغد لمحت سلم ببيت الجيران ابتسمت وقفزت بس رجلها انجرحت شوي وصار يصب الدم رغد تحملت واخذت الجوال ورجعته مع الفتحه ساره ماتت فرح وع طول جلست تصايح لانه سليم ساره :رغودي شلون ترجعين الحين رغد فيه سلم اقدر اجيبه انتي روحي انتبهي ان سعود مايدخل حتى لو تقفلين عليه كمان احسن ساره :اوكي مشت رغد تعرج وجابت السلم بس وهي تمشي شافت واحد مغمى عليه قربت منه بحذر لقت على وجهه اثار ضرب ودم وشكله من البارح وهو مغمى عليه رغد تتكلم بصوت واطي بس مسموع :ياحرام من سوى فييه كذا الله يعينه ..واهله الخمه ماحسو بغيابه ؟؟...قلبي مايطاوعني اروح واخليه لو ان اهله مسافرين ولا شي يبقى لين كذا وتصقعه الشمس لين يموت؟!! فكرت احسن حل لها انه تقربه للباب وترن الجرس من برا اذا رجعت البيت حاولت تسحبه بشويش بس المصيبه ان الرجال فتح عيونه وناظر لها ..وقتها رغد تجممدت وانشلللللت ولعنت غبائها ليش تتدخل بس الرجال رجع غمض مره ثانيه تنهدت براحه عبالها اغمى عليه ثاني مره وسحبته بسرعه بهاللحظه سمعت صوت فتح باب الشارع تركته الرجال وركضت اختبت ورا الشجر وهي ترتعد دخل رجال وانصدم من منظر الرجال الطايح قدام الباب الرجال :خالد خالد شفيك بسم الله عليك خالد خالد بصوت هادي :لاتصارخ اسمعك رغد شهقت وقام قلبها يدق طبول من الخرعه يعني هي تسحب الرجال وهو صاحي خالد بالم :دخلني البيت حرقتني الشمس ياصويلح وانتو ياهلي الخمه ماحسيتو بغيابي صالح وهو يشيل خالد :وش اللي صار خالد :هوشه بسيطه دخلو داخل ورغد ماصدقت خبر راحت تركض مع ان رجلها تصب دم ومخليه اثر على العشب بس هي ماهتمت تبي تطلع وبس .. نقزت السلم ورمته طلع صوت قوي ورجعت مع سلمهم بهدوء ونزلته لما انتهى كل شي وحست بالامان راحت جرت شعر ساره للغرفه وعطتها محاضره لها اول مالها تالي ساره :لاتكبرين الموضوع كلها جوال رغد :لامو قصه جوال ماستغربتي ليه تاخرت لان ولدهم الموقر ماراق له يجلس بالحوش الا الحين وش تبيني اسوي له اقول له لو سمحت ادخل بانقز لبيتنا وش بيقولون عنا جيراننا الجدد من ثاني اسبوع جو سببو لنا المشاكل ونقزو ببيوتنا ساره :والله اسفه خطا مو مقصود بعد تخبرين سعود لو اكتشف ان عندي بلاك بيري يكسر راسي ويكسره فوق راسي بعد رغد تعدلت تبي تنام :الله يصلحك ياختي اطلعي وسكري االباب واي مشكله ثانيه تسوينها بليز لاتدخليني بها ساره باست راس رغد وغطتها بس لاحظت دم بالارض اثار رجل رغد ساره :يمه اختي ليش رجلك مجروحه وفتحت رجلها وهي تلعن البلاك بيري لانه سبب لاختها هالجرح قامت تضمد الجرح ولفت عليه شاش وغطت رغد وطلعت اما رغد فكانت لاتعليق تتذكر ذاك الرجال وهو صاحي وهي يعنني بساعده من زود الشهامه مالت علي لا وبلبسي هذا ناظرت لبجامتها اللي عليها صور دباديب وردي غامق واللون الاساسي وردي فاتح وحافيه والدم مليان برجولها من زود القهر جلست تبكي بقوه التعريف بالابطال الاب والام مالهم داعي بالقصه خخ الولد الاكبر سعود :شري ويخاف على خواته بالحيل ويحبهم بس مايبين لهم هالشي يحب سيارته بالحيل ويكره البلاك بيري بالحيل كمان وخصوصا مع البنات لان ع قولته البلاك بيري اساس الفساد للبنات رغد :الاخت الكبيره عمرها 21 سنه حلاله مشاكل اخوانها وهي اللي شايله همهم بالجامعه تخصص انجلش ساره :بثالث متوسط مقروده حظ من هي صغيره والمميز بهالعايله انهم اذا واحد منهم انجرح الكل يحس‎ ‎به ويداريه وقلوبهم حييل ع بعض عمر :الولد الصغير عمره10 سنوات مقرود وملقوف ودلوع لانه اخر العنقود العايله لهم اسبوعين منتقلين من الشمال من حفر الباطن للجنوب في خميس مشيط بسبب عمل ابوهم وابوهم اختار مكان تجمع قبيلته عشان يعيش بينهم واستاجر بيته جنبهم في البيت المجاور نرجع 3 ساعات وراء خالد كان ماشي لحاله لانه سلم من المناوبه جاه اتصال من خويه يقول له تعالي الخيمه بسرعه لما راح لقى خويه مكفخ من 2 معضلين عصب وراح يفزع له بس هم اقوى منه وهم 2 اما هو لحاله يضارب صقعوه ومشو وخلوه اما خويه بدون مايتكلم ركب سيارته وطلع خالد استغرب حركه مصعب جر نفسه للسياره وحاول يروح للبيت بس حمد الله انه وصل دخل وهو عطشان ومتالم ولسوء حظه تعثر بالدرج وطاح وهو قام يزحف يبي يوصل البيت سمع صوت كلام بنات وخرفشه وصجه التفت لقى وحده تشطح السور قال بنفسه حلو من اولها جيراننا الجدد حراميه بس البنت اخذت شي لهم وعطته اختها من الفتحه ....ضحك وهو يقول لا حرام ظلمتها سمع سوالفهم وعرف ان اللي نقزت اسمها رغد وكانها كانت تخطط على السلم حقهم كلما مرت من جنبه ولاحظته غمض عيونه وسمع كلامها رحمها بقوه وانحرج لما شالته وسحبته بس ماتحمل وحب يشوف شكلها فتح عيونه وشاف البنت لااله الا الله على براءتهااخونا بالله فهى بملامحها لين انتبه ان البنت انجلطت غمض عيونه كانه اغمى عليه مره ثانيه بس الغبي صويلح دخل فالبنت تركته وصقع راسه بالارض>>يستاااهللل انقهر منها ليش تطشه كذا فقرر ينتقم منها ويوريها انه صاحي مايدري ليه كرر كلامها وهو يضحك وزاد ضحكه لما سمع شهقتها خالد بنفسه :بس بصراحه البنت شي بريئه ومزيونه وشكلها الفوضوي معطيها طفوله جيراننا الجدد شكلهم خطيرين دخل صويلح بخالد :يمه يمه ام خالد : هلااااااا صالح :نادي لي الخدامه الله لايهينك قولي لها تجيب ما لغرفه خويلد امه بالمطبخ :ابشر ياولدي بس صح خالد البارح جاء من دوامه ولاسلم علي هو بالغرفه ? صالح وهو يرقى الدرج :اي يمه صالح حط خالد ع فراشه:وبعددين معك انت وهالجحلط اخوياك خالد :اي جحلط يرحم والديك هذا مصعب دق علي مادري شيبي ويوم جيت لقيته ينطق فزعت له و ساعدته وراحو الجحلط وخلونا ركب سيارته وتركني بدون مايساعدني اقوم صالح :بلاك ماتدري ياخوك جميع اخوياك صارو مدمنين ومايستغنون عن الخمر بسبب هاللعين مصعب بس المشكله ماعندي عليه دليل ذيب وماينصاد ولايخلي وراه اثر خالد :اي كل اخوياي الله يصلحك؟.. هم 3 بس اللي مدمنين والله بيهديهم ان شاء الله وبعدين مصعب خوي عمري ماله دخل بهالسوالف ولو بيورط كان ورطني انا ...انا اسلم له رقبتي وانا مرتاح صالح:خبرك عتيق الحين كلهم ورطهم مصعب و صارو مدمنين ماباقي الا انت واحمد ربك اللي نجاك منهم خالد :ليش وينهم الحين ؟ ووش دخل مصعب صالح :كلهم ارسلناهم دار الامل وخليناهم يقولون لاهلم انهم بيسافرون كم شهر عشان يدرسون بمعهد ومصعب ساس البلا بس حذر وماعليه دليل خالد :كل هذا يصير باسبوع واحد صالح :استغليت سفرك وصلحت حال اخوياك هههههه التعريف بالشخصيات ام صالح وابوصالح ..ماله داعي تعريفهم صالح :25 سنه يشتغل بالتحري شغله خطير بالمره لو انكشف ماكانت تعجبه شله اخوه وسوى تحقيقات عنها وعرف كل شي همه الاول يلقى دليل على مصعب خالد 23 جندي اول مصاحب شله مو زينه سافر اسبوع ورجع مالقى احد من ربعه دقو عليه وقالو بيسافرون رحله وهو صدقهم وقالهم مايقدر يروح لان عنده دوام لين مادرى بالسالفه الحقيقيه من اخوه الحين واستغرب ليه مصعب ماخلاه يدمن مثل اخوياه...عاقل ومايفكر بالزواج ابدا .. عند رغد قطعت نفسها بكي ولاحد يدري شفيها لاتبي تتغدى ولاتبي تتعشى ولاتفتح الغرفه لاحد استغربوحركتها بس قالو يمكن متخانقه مع وحده من صديقاتها او شي رغد تتذكر حركه خالد وترجع تبكي : تهوري بيفضح اهلي شسوي الحين لو تكلم وقال لسعود ياويلي اما خالد اللي نسى طقته ووجعه ونسى كل شي وجالس يتذكر رغد وشكلها ويضحك ماقدر ينام فطلع للحديقه ووقف بمكان طيحته جلس يمسح على الارض ولفت نظره دم على الارض انخرع وهو يتذكر ان البنت اللي اسمها رغد كانت تعرج وتتالم ....مشى مع خط الدم وضميره يأنبه راح ورى الشجر لما اختبت بعدها مشى للسلم وهو يناظر للدم اللي بمكان رجل وحده سكت شوي وبعدين قال بصوت عالي عشان مايحس بالذنب:شدخلني انا هي اللي نقزت تقل قرد عشان تاخذ اللي طاح منها تستاهل بس هالكلام ماقنعه خصوصا وهو يتذكر انها ماكانت رح تخليه يموت ع قولتها ههه خالد ابتسم بهدوء:شكل جيراننا الجدد بيكونون اذى وعذااااب ركب سيارته يتمشى شوي بيت ابو سعود سعود يطق الباب ع رغد :ممكن ادخل رغد تمسح دموعها بسرعه :اي تفضل سعود دخل وبيده كراتين جلكسي فيوري اللي تموت عليه رغد وعصيرات رغد بضحك :كل هذا لي اعترف شتبي سعود استانس انها تضحك معه : والله مدري شقولك بس اعتبريها رشوه رغد :لالالا اعوذ بالله من الرشاووي سعود :هههه خلاص اجل هديه رغد :اختصر السالفه وش تبي تلخبط سعود لانه جاي عشان يضحك رغد بس مايبي شي ثاني :ممم مدري منين ابدا رغد :هههه فديت اللي وجهه محمر فهمت فهمت تبيني اعزم بنات عمي هاه عشان تشوف حبيبه القلب لميوه >>على نياتها هههههههههه سعود :والله يعني براحتك مابي اجبرك ولو اني متشفق اشوفها واسولف معاها بس فشله كل يومين ناط لهم بالبيت فكلك ذوق يعني رغد نست الموضوع وتشققت من الوناسه من طاري لمياءءء توأمها اللي بعد كم شهر بتصيه فرد من هذه العائله :والله اخوي حبيبي جايب لي فيوري وشغل عدل وارده لاوالله تبشر ع العصر بادق عليهم واخليهم يتعشون عندنا كمان ولايهمك حبيبي بس اشاور البابا والماما اذا ماعندهم ارتباطات سعود :ياقلبي يا رغود اللي ماتخلي بخاطر اخوها شي ساره اللي واقفه عند الباب حاسه بالذنب وسعود قال ولايهمك ان ماخليت ضحكتها توصل السكه مارح اطلع من عندها وساره مو مصدقته جالسه تبكي لانها سبب كل شي ولان رغد عنيده شوي الا تسمع ضحكه رغد بصوت عالي ومبين مستانسه جلست ساره تبكي زياده من الفرحه وتنتظر سعود يطلع وماخاب ظنها 5دقايق وطلع سعود وقال لساره بحنيه :ها حبيبه اخوها عساك ارتحتي الحين وان اختك مافيها شي ان شاء الله ساره من فرحتتها ضمت اخوها وظلت تبكي سعود وهو يمسح ع شعرها :شفيك يوم كانت تبكي بكيتي ومشياناها نقول تضامن اخوي بس هي تضحك وانتي تبكين جديده ساره ابتسمت بين دموعها :دموع الفرح ذي خفت اني ضايقتها بحركتي اهئ >>تتكلم وهي مو منتبهه لنفسها سعود وهو مستغرب :اي حركه ؟! ساره بعدت عنه مرتبكه وتمسح دموعها :هاه .اي حركتي ....احم السبب منها ...هي ملقوفه دخلت غرفتي وانا كنت معصبه مالقيت الواني وتنكت دفيتها بعصبيه وطلعتها برا وقلت مابي اشوفها ولما طلعت لقيتها داخل تبكي>>يمه منها تعرف ترقع بقوه سعود مشيت عليه :لا ياساره ماتعودتك كذا مهما تكونين معصبه لاتزعلين اختك وبعدين علبه تلاوينك اذا ضاعت لاتعصبين ولاشي دقي علي واجيب لك 10 اهم شي لاتزعلين اختك ...ناظر ساعته ثم قال :يالله انا مواعد خويي وراجع يمكن يصير عندنا عشاءء لبيت عمي جهزي نفسك ...باسها ع راسها وطلع اما ساره سيدت ع غرفه رغد وغثتها بكثره الاسئله ... في بيت مليء بالحقد والكراهيه واللي زرعته الام بعيالها بنت جمالها الذي ربما نقول انها سرقت من حسن نبينا يوسف الكثير الكثير لكنها خاويه القلب وينطبق عليها قول النبي عليه الصلاه والسلام بما معناه..(خضراءء الدمن ...حسنه المظهر سيئه المخبر) جالسه تخطط لمكيده تحرق قلبه وتهدم بيته هو يرفضها وياخذ صديقه اخته وعد بحقد :والله وووووالله وووووالله لاحرق قلبك انت واختك والله لاخليكم ثنينكم تفترقون عن بعض طول العمر ولاخلي الواحد ينام يبكي ويقوم يبكي هه هاذا اذا نمتو اصلا .. مريم تدخل بهدوء وبطبعها الخجول :وعوده مانمتي احس متضايقه يعني ليش كذا ياخذون جوالي حرام والله طفشت لحالي وعد تنااظر لمريم باتسامه تخوف وكانها تفكر بشي مريم بخوف وتبلع ريقها :شفيك نظرتك تخوفني وعد ساكته وتبي تضحك من الفكره اللي خطرت لها مريم قامت وهي ترجف وهربت لغرفتها تعريف باالشخصيتين الجدد وعد : حبيبه سعود اللي تركها عشانه خطب لمياء بنت عمه لانه شخص يفكر بعقله مو بقلبه وشاف ان لمياءء انسب له ولخواته وعشانه مايبي يضايق امه ...اللي ماتعرفه وعد ان سعود للحين يحبها ولان امه خطبت له لمياء ماقرر يعترض لان الحب مو كل شي بالدنيا لازم التفاهم والاستقرار وهالشي صعب توفره وعد وكمان صعب تفهمه وطبعا وعد مستحيل يهنا لها بال الا لما تعاقبه وتحطمه... شخصيه حقوده سوداويه تنظر دائما للجزء الفارغ من الكوب تحب ان تكون محط الاهتمام باقي الاشياء راح تعرفونها بعدين مريم :فتاه خجوله مطيعه لوعد لو تقول لها حطي روحك بالنار ماتقول لا مو حبا فيها بس لان وعد تغرقها بالفوس مادامت تطيعها ومو مستعده تخسر وعد عشان شي اسمه مبادى وقيم هم خوات يتيمات الابو يعيشون مع زوجه ابوهم مالهم سند ولاعزوه يحسون بالغربه بوسط بيتهم ..... مسك جواله وهو بقمه حيرته واتصل بمصعب مصعب :الو هلا خويلد خالدرد بهدوء تعال عند المسجد اللي بحارتنا انتظرك مصعب بحيره :ابشر دقايق واكون عندك بس عسى ماشر خالد :تعال ونتفاهم مصعب :اوك عشر دقايق بالضبط وقف مصعب عند المسجد وكان على اذان العشاء خالد ركب السياره وقاله حرك مصعب :وين وين خلنا نصلي اول خالد ناظر له باستغراب وجلس يناظر له بتامل مصعب استغرب حركات خالد وبادله نظره استغراب :عسى ماشر خالد خالد :تبي تصلي صدق ..اقصد تعرف الصلاه انت ؟! مصعب ابتسم بالم :لو غيرك سالني ماكان ضايقني هالشي تراني اعرف ربي عادي مثلي مثلك لاتناظر لتصرفاتي ولاتاخذ الكتاب من عنوانه بس انزل انزل خل نصلي نزل مصعب وهو متضااااييق حيييل خالد تندم ع سؤاله ماعاد يدري شيقول نزل وهو ساكت صلو وطلعو خالد كان بيتأسف بعد مايعرف ليش سوى كذا وليش ماعطاه مخدرات زي اخوياه وليش كان يتعمد يخليه بعيد وقت مايبي يعطيهم الجرعه مايدري ليه حس انه بريء واذا كان سوى كذا سواها لسبب وجيه هو يعرف ان اخوياه نجسين بس كان يقول دامهم فلاويين وماياذونني انا ماعلي فيهم مشو مده ومصعب كان ساكت ومتضايق حيييييل انجبر انه يتكلم لانه مايدري ليش خالد مناديه : وين تبي تروح خالد :مابي اروح مكان مصعب التفت له بتعصيبه :مو انت مناديني عشان تطلع يالله بوديك وبروح وراي شغل خالد بهدوء يرفع الضغط :لو ابي اروح كنت اخذت سيارتي ورحت لحالي ترى اعرف اسوق ..ودني للمكان اللي انت ترتاح فيه مصعب عصب للاخر :تستهبل معي اطلع من مخي ياشيخ خالد خاف ينرفز مصعب اكثر >>>يدري ببمصعب اذا عصب يقول كل اللي عنده خالد :هدي يامصعب واسمع كلامي باسولف معك بمكان مابه احد ممكن مصعب حرك بدون مايكلمه توجه للشاليه حقه ونزل خالد استاحش شوي بس نزل جلسو عند المسبح خالد بدون مقدمات سال مصعب :ليش سويت كذا ؟ مصعب ناظر لخالد نظره الم وحقد مدفونه نظره عذاب وانتصار نظره حزن مطلق بهت خالد من هالنظره وارخى راسه مصعب :كم عمري ياخالد خالد خلاص مابه مخ يفكر بحركات مصعب اللي مو مفهومه ابدا فقرر يسايره :عمرك 20 ولك مديد العمر انشاء الله مصعب :يدوم غاليك ومغليك ....وين كنت قبل كذا ؟ خالد تعب :مافهمت ولاشي ولا ادري وين كنت ادخل بالسالفه مصعب قام من عنده :تبي السالفه تعال معي

__________________________________________________ __________
ولا رد >_< حرااام ماتحمسون الواحد يكمل

__________________________________________________ __________
[IMG]510049876211537363.jpg[/IMG]
روعة وحماس ونايس
شكرًا على الرواية ولى الامام دايمان
اتمنى ان تكتبي البارت ال{٢}
«الله يا ام العربية الفصحاء

__________________________________________________ __________
لاوالله حلوه كمليها
أستني البارات الجديدة بشغف

__________________________________________________ __________
حياتي ياعشق البسمه انتي وروني يصراحه توقعت محد يقرا روايات بهالمنتدى فقررت اوقف النشر واطنش الموضوع بس عشانكم بنزله الحين ان شاء الله

روووووووووووووعه خيتو تسلمين استمري