رواية عمشه البدويه والحضري رائعة

عنوان الموضوع : رواية عمشه البدويه والحضري رائعة
مقدم من طرف منتديات الشامل

اول ماقرايت ذا القصه فطستhttps://chamil.xplainer.net/images/s.../2017/t023.gifhttps://chamil.xplainer.net/images/s.../2017/t023.gif ضحك وقلت اخليكم تضحكون معي https://chamil.xplainer.net/images/s.../2017/t033.gifhttps://chamil.xplainer.net/images/s.../2017/t033.gif
طبعنا القصه ملطوشه https://chamil.xplainer.net/images/s.../2017/t098.gif
@@@@
رواية عمشاء البدويه كامله@@@
صبحكم الله بالخير .............
من دون مقدمات طويله بطاقتي الشخصيه eyeslr:
الأسم : عمشاء البدويه
أسم الوالد : الذيب الأمعط
أسم الأخو جعله بالخوى : فالح
أسم الأم : الحانوتي .
أسم أختي العصلى : عيده بس تعجبكم وقت الفزعات بس بشرط لا تناقمونها تخر كل فضايحنا 73: ..

أنا الحمد للله ماخذه شهادة توفق في الفشل بالدراسه المتوسطه كبيناها لو أني داريه أني بتركها كان ماعذبت نفسي فيها لكن الشكوى لله عندي الحانوتي كرهتني بالمدرسه كل يوم الساعه خمس الفجر تقومني لحول من القهر كنت أعر شعري ..أبي أغيب لو يوم واحد بس تعيي تحسب بنتها بتصير دكتوره أيه طل؟؟؟ بس يوم الخميس تلقوني مثل الذيب من الجهمه قايمه علشان حوش الغنم أسرح مع الذيب الأمعط تحس ماوراك دراسه ولا واجبات ولا قومي جاوبي كانت الأبله تقولي المفروض ياعمشاء مايحطون كرسي لك لأنك عارفه مكانك دايمن واقفه وراء ماني حقت دراسه بس أحب العلوم علشان فيه صور حيوانات عنيزات وأرانب وبعارين ...
ماعلينا الزبده فصلنا وأرتحنا البنت مالها الا العرس...............الله يعوضهم في عيده eyeslr:
كل يوم نسرح مع الذيب الأمعط لحوش الغنم بس الجو الصبح ياحلوه حلواه نسوي الشاهي والقهوه حتى الشاهي له طعم والجفيرات حولك نروح نفك الشبوك عن الغنم ونفطرها الفطور الصباحي علف وخبز أكسره ونعبي المويه من الوايت بس فيه عيب في حوشنا عندنا سلقه مادانيها أعرفكم على أسمها (ظبيه) أحب سلقتي الأولى (علص) يابعد شبدي ياناه.وين غديتي وخليتي عمشاء.
نروح الصبح ولا نجي الا القايله ونروح العصر ونجي على العشاء هذا حالنا بس الأأيام هذي نروح العصر علشان ذيبنا الأمعط مسوي عمليه في عينه المويه البيضاء وصرنا نمسك المسؤليه أنا وفالح بس فالح كلب ياخذنا أنا وأختي وياليته يودينا مثل الناس نركب هالجمس ويقحط فينا وأذا صرخنا ماندري الا هاك الضربه بالفخذ لحد مانصقع التنده لا ويخلينا بالحوش ويتركنا أستلم الجمس يانعنباه ياناه..
الزبده : أن هاك الزمان كان يوم العيد وكنا رايحين بدري علشان الناس تجي تشتري خرفان من سوق الغنم...
شوي جتني أختي تطمر قالت تعالي شوفي ...
قلت : وشو
قلت شوفي السياره ياليتها بماقالتلي .
شفت السياره بغيت أموت عندنا بالديره ماشوف الا أجموس وأنيتات شاصات لكن مثل هالسياره لا والله ماشفت وبعدين ليه دخل بسوق الغنم بسيارته كيف قدر يدخل كلها مطبات ..ياتكفون يابنات ياطلع منها واحد. 73:
تعرفون يتبارق والله يتبارق تقولون توه طالع من شركة تايد المحدوده أبك أطالع أخوي القاه أشهبن ألهب أطالع أبوي..........؟؟؟ من دون تعليق
نظافه وبياض والله أنعاله الله يكرمكم تبرق وابوي زبيرته من عهد أمي لا وكلها مطقوقه مسامير ...
وعليه ذاك الوجه والعيون يانعنباه ياناه قطع قلبي ..
أنا كان فارس أحلامي رجال مفتول المنكبين وشوارب لكن لا بلاه ماباه ماباه ....
المشكله كنا أنا وعيده مغبرات من زين الحلايا معنا الحانوتي هي وجلالها الأزرق أشوى أني لابسه جلالي أسود ..
حنا مندسات أناظره من وراء الشبوك مانبيه يشوفنا مستحيات gap:
شوي الا الذيب الأمعط عمشاء عمشاء .........لا تكفى الأ أنا برقعي مغبر ...عيده تقول رشي على برقعكي مويه وأطلعي ومسحته بالمويه وطلع قال جيبي هاك الخروف ..هاك الخروف يبيله وحده ترافس معه .وروح وسحبها بهذلتني واختي ميته من الضحك تقول شكلك يفطس من الضحك فضحتينا الكلب فالح مادري وين غداء.. قعد يلمسه بس كأنه ناعم شوي بس خلوق والله ماحط عينه علي الا أن كان يناظرني وأنا أتفارس مع الخروف 32:
وأخذ الخروف ومشى كله أخلاق بس أنا :$ الشكوى لله تمر علانا وتروح الزين ماحد يقدر يصارعه ياتطرحه يايطرحك ...
جاك اليل وأنا وأختي طول وقتنا نهرج فيه على ثوبه ونعاله وسيارته وشعره وعيونه كل مافيه وصرت أصبر نفسي أنسي ياعمشاء وزينت مطرحتي وأنسدحت والتفاكير أذبحتني أقلب راسي منا منا منا في وجهي لا حول أشوى اصبح الصبح وكأني أشوى أنشغلت ونسيته ومرت شهرين بالتمام وفجاءه وقت العصر صار شي ماهقيته بيصير.. 20: ...............................


يتبع الحلقه القادمه........................
عمشاء البدويه
الله يعز الحكومه
------------------------

الحلقة الثانيــــة

بعد شهرين والله راح عن بالي أنشغلت شهرين يوه ...
وحنا بالحوش بعد العصر شوي الا الوشيش أسمعه وشيش السياره أعرف صوته أميزه...
شوي عيده تركض عمشاء عمشاء جاء المزيون رميت سحلت الفناجيل من يدي رحت أرش نفسي بالمويه أبعد الغبار عني وغسل أعيوني ابلشهب مادري ليه جاء ؟؟؟؟؟؟؟؟؟؟؟؟؟
جانا وسئل أخوي عن الذيب الأمعط قال قريب وبيجي قال تبا شي قال لا بنتظره لحد مايجي وقف عند السياره ينتظره وحنا أناظره من وراء الشبوك شوي أختي أسحبتني..
قلت : وشبلاكي
قالت : والله يناظرنا
قلت : ماظنيته
قالت : والله شافنا ماشفتيه يضحك
المشكله شوفي الله بالخير عيون كبار على خرطي.
شوي جاء الذيب الأمعط هو وشهبته ..
تعرفون وش يبي..
جاي يمدح خروفنا ويبي يشتري الظاهر الي عاجبه ماهو الخروف الي عاجبه الي أطارد الخروف بس هالمره أخوي الأشهب هو الي جابله ...
وجلس تقهوى وسولفوا قام الكريم الذيب وعزمه قال أذا بغيت أجيك بدق عليك كم الرقم............................................
وعليها ...............

ذاالرجال أشغل بال عمشاء ......
وراح وراحت روحي معه بالبيه يالزين ياقطع قلب عمشاء قطعاه يانعنباه مازينه ...
بعد أسبوع دق علانا وعلى نيتي رفعت السماعه شوي صوت حضري ماخبرت الا أصوات تماسيح يدقون علانا.
قلت : ألو
قال : السلام عليكم
فلت : من تبي
قال : هذا بيت أبو فالح
قلت : الله الله
قال : ممكن أكلمه قوليله سلطان
قلت : ماهو فيه
سكر وسكرت
قعدت أفكر معقوله هو؟؟؟؟؟؟؟؟
بعد ساعه دق رديت
سألني : ماجاء قلت باقي
قال : أنتي بنته
قلته : قلت أيه
قال : الكبيره
قلت : عيب
قال : لحظه لحظه وراكي زعلتي ماقصدي
سكرت في وجه حسيته ماهو صاحي
دق ورفعت
قال أبي أقولك شي..
قلت : يابن الكلب ياملعون الوالدين أنت ماتستاهل من يكرمك ولو أنت رجال ماسويت سواياك وعطيته كلام أشك أنه أسمعه بحياته ..
وعليها ماسمعت صوته الا بعد ثلاث أيام
دق ورد أبوي وسولف معه أشوي أبوي حلف أنه يجي وأنا أدعي أنه مايجي لا ني كرهته هالحضري ..
ماصدق قال يوم الخميس بيجي
وطول الوقت منقعه ثوب أبوي بالطشت بكلورس والله ثم والله مانظف لا حول حطيته بالغساله وكبيت عليه أفلاش أبيه يصير أبيض عياء الشكوى لله
بس تدرون عافته نفسي ماعجبني طريقة كلامه أبيه يتعشى وينقلع ...
المهم جانا أبوي يسولف عنه ...
يقول أنه من الرياض أنا كنت عارفه الأشكال هذي ماهي عندنا أهل الرياض:
أهم شي تعشى وراح ولو يدق لعنت أبو جده ..
اليوم الثاني بعد العشاء دق لحول مامدانا .
رديت
قال : كيف الحال
قلت : نعم
قال : عندي كلمه وحده بس وعقبها بسكر والله ماتزيد عنها
بغيت أسكر بس الشيطان شاطر (بس حب أستلاع)
قلت : خير
قال : والله ثم والله ولي خلقني وخلقكي أن قصدي شريف
عاد أنا مافهمته كلامه حضري أبيه يترجم
قلت : ماني فاهمه
قال : أبيكي بالحلال
ياويلي ولاه تقشمط قلبي مادري قد حسيتوه شي مسكني بقلبي وفكني ألم قوي
كل مافيني قعد يتنافض السماعه عيت تثبت تراعد يدي
على طول سكرت السماعه أنصدمت المشكله مرضت باليل مادري وش جاني ...
تعرفون وش الي مرضني أنه أحضري وأنا بدويه .................................أه يالقهر والله لتلقوني معلقه على كبري الرياض برقبتي عظه وعبره


يتبع
عمشاء البدويه
الله يعز الحكومه .....................

---------------
الحلقة الثالثــــة

سكرت وعليها فقدت عمشاء الأمل خلاص وش تبوني أقوله أقوله الي يبني يطق الباب ليه ...
وأنا عارفه أنه لويجيب أهل الرياض كلهم ماراح يوافق الذيب الأمعط...
أختصرتها وقفلت ....................
آه بس لو الولايه بيدنا يالحريم كان صارت أعلوم.... أعرس على عشر وطلقهم وعرس على عشر غيرهم الله يعين ..
المشكله هالحضري عيا يروح عن بالي أبك أنقلع أطرحه منا وأطرحه منا لا والله ناشب ....
كرهت أني أروح وجي بس أبي أنسدح وفكر وكرهت أروح معهم لسوق الغنم أذا رحت بس تفاكير الي قاهرني أن الذيب الأمعط مايحس دايمن يهاوشني مايدري أن بنته هيمانه
ماعنده الا هالضرب يادافع البلاء شوي تلقى حصاة في رجلك شوي خيزرانه لأحطتك شوي سحله طايره صاقعتك....أخر مره ضربني فيها أني رحت أحلب العنز فالح ماسكلي العنز و أنا قاعده أحلب ياربي عياء ينزل الحليب ذبحتها من كثر مافغصتها وعياء يطلع معي شي والعنز تبي الفكه مني أذبحتنامغير ترافس شوي لقيت خيزرانه في ظهري تعرفون الكهرب تقولون كهرب يباويلي ويلاه
تدرون ليه ضربني قالي ياكلب أنت وش تسوين قلت أحلبها قال تحلب تيس
والله مادريت أنه تيس بربي الي خلقني ماكنت داريه أنه تيس
يادافع البلاء كل هذا الله يقويه
الكلب فالح ماعلمني يقول والله مادري ماأردى من الأخت الا الأخو ...



المهم قعدت أسبوعين بالتمام الحضري لادق ولا جاء عرفت أنه خلاص عقب التسكيره ....
نسيته عقب مانساني أيه أذكره بس ماهو مثل أول ليه أدوخ راسي مالي الأ أبو شوارب فارس أحلامي سابقن الي مادري منه .................
هاك الليل على الساعه 2 بالليل عقب ماغسلت المواعين والقدور جتني أختي سارقه شريط من فالح قالت تعالي نتسمع عليه قلت طيب بجيبلي سحلت صبوح وبجيكي.. دخلنا وسكرنا باب غريفتنا وحطيت مطرحتي ومخدتي يالبيه ياريحتها عاد بابنا ماينصك نحط علاها مركه ...
شربت الصبوح ونسدحت ونمت على بطني خلوكم معي تخيلوا الموقف قدامي المسجل وأنا نايمه على بطني أتسمع أختي جنبي نسولف مطفين لمبات البيت بس غريفتنا مشغلين لمبه سهاره حركات
كان البيت كله نايم وخثرانات وتسمع ونسولف الدنيا هاديه والنور خافت والمسجل عالي شوي أنا مادري فيهه صوت ثاني معنا قعدت أطالع عيده وهي في غيبوبه ماهي معي فيه شي فيه صوت الصوت جاي من جهة اليمين التفت بشويش لقيت يد على الدريشه من وراء القزاز كف يد والله العظيم كف بخمسة أصابع أنسحبت الدريشه بشويش مامداني الأ شفت دخلت اليد وتبي توخر الستاره أنا وش أقولكم مادري
عيده ناظرت أنا خلاص أبي أنحاش أبي أصارخ بح بح عيا يطلع صوتي تربطت مادري منبطحه وعجزت حاولت تعرفون مشيت القطوه أمشي زيها يابعد الباب عني وهو قدامي قعدت أتنافض تسمرت أركبي عيده أطمرتني والباب عيا ينفتح المركه الله يلعنها ياثقلها ثقلاه وصلت عند نص الباب ماقدرت بعد ماطلعنا لصاله ركضنا لذيب الأمعط حرامي حرامي
قام أبوي وأخذ العجره طلع بالسيب (السور) مالقى أحد
ماذقت النوم اليوم الثاني أنحرمت منه ماقدر أنام
تتوقعون وش يبي هالحرامي وش ناوي عليه أنا ماهو قادر يسحبني من الدريشه أن كان على العصلى عيده يمدي عليها أنا بساعده
تقول عيده أنتي نشبتيلي عند الباب سديتي الطريق وطمرتك والله من الراعه مالقى الى دريشتنا نعنبوا جده لا مسويه نفسي عنتر بن شداد عندأعيال العنوز الي جنب حوشنا دايمن فوق التنده يتفرجون علينا ودايمن مذابح ألعن أبو جدهم والحين والله من الخراط ماعندي الأ الخرطي أنا حرمتن أجوديه مابي الا الستر ..........................

يوه قدت أتنافض فمان الله ودعتكم الله
يتبع
الله يعز الحكومه ......... :
----------------------

<center> >>>>> ردود الأعضـــــــــــــــــــاء على الموضوع <<<<<
================================== </center>
الحلقة الرابعة
أيه أنا بدويه ريحتي بن وبهار هذا شرف لي ماهو في حقي خطيه

هلا وغلا ومرحبا
نكمل قصتنا :
بعد ثلاث أيام من سالفة الكف أم خمسة أصابع دق واحد وأنا أطربق علشان أرد شوي الا جاني الي تخبرونه التقشمط علمتكم أياه قبل قلبي خمشني سمعت صوت الحضري فز قلبي يالبى هالصوت وينك يامضعوف الحيل بس يعنني ثقيله
نقراء المحادثه بين الحضري والبدويه:
قلت : ألو
قال : هلا
قلت :نعم أذكرورها مرتين قلتهانعم
قال : كيف حالك
سكرت
دق
سكرت
دق
سكرت أذكروها ثلاث تسكيرات
دق دق دق ورفعت تعرفون أبليس
قلت : وش تبي أزعجتنا
قال : ليش تسكرين يوم قلت أبيكي بالحلال
قلت : أنت صاحي
قال : ليش وشفيني
قلت : مافيك شي بس أنت مجنون ومهبول
قعد يضحك قهرني مسويه نفسي شخصيه ويضحك
قلت : ماقلت شي يضحك
قال : ماني مالي عينك
قلت لنفسي أنتبهوا لنفسي : لابلاه ماليها وزود يالبى هالوجه ميته فيك أه ياروح عمشاء
قلت : لاعاد تدق فاهم صدقني لو تدق بفضحك عند الذيب الأمعط ..
وسكرت ولا دق خاف لازم أكون شديده

في الليل دق تخيلوا الساعه عشر ياطر جيبي طراه ياويلي ألذيب الأمعط قيه وفالح والحانوتي كل عائلتي المحترمه ..
نغزني قلبي حسيت أنه هو ركضت ورديت بسرعه بلعن والديه :
قلت : الو
قال : مساء الخير
يابردكم نعنبوا جدكم ياهالشباب ماتفكرون فينا تدقون وأطقع ماعندكم ماتقولون أبوها جنبها أخوها أمها يادافع البلاء أنكم يالمضعوفين ماذقتوا الي ذقناها ...
قلت: وجع وش تبي ليه داق أبوي فيه
قال : أنا داق أبيه طاح وجهي يوه مالي وجه
سولف مع أبو شوي وسكروا
الساعه 12 بالليل البيت نايم كلهم في غيبوبه والذيب محله الحوش يرقد في الحوش حوش بيتنا ..
شوي دق عرفت أنه هو والله الأزعاج ............................

قلت : ألو
قال : هلا وغلا
قلت : مين تبي( الأحتياط واجب لا تهزاء ويقول أبي أبوكي )
قال : أبيك
قلت : طاعون وسكرت
دق
ورفعت
قال : بس بقولك شي ووعدك أني أسكر
قلت :هاه وش تبي تقول
قال : ليش ماخليتيني أشوفك
قلت : تشوفني
قال : ذيك الليله
قلت : أي ليله
قال : الساعه : 2 بالليل
أنا مافهت منه شي
قال : أنا الي فتحت الدريشه وكنت أبي أكلمك
قلت : يابن الكلب أنت يالحرامي يالي فيك مايخطيك مهبول أنت خلوكم موقفي وش بيتسون؟؟؟؟؟؟؟؟؟
ياويلي ويلاها أنا وش ربي رماني أنتم ياأهل الرياض مانتم صاحين عمري بحياتي ماسمعت كذا هذا أجرام مافكر في ألذيب لو أمسكه أصلن سألته
قلت : لو مسك أبوي : قال رجلي خفيفه من يوم سمع صرختكم طمرت ...........
قلت : تدري أنك .................................... مايصلح أقولها
قال : أأأأأأأأأأأأأأأأأأأ مامداه وسكرت في وجه حقدت عليه حقد...
هذا بيفضحني مايصلح مهبول وبايع نفسه ........................................
طربقت لعيده ياعيده الحرامي صار الحضري قالت : أمانه (صدمه بدويه) قلت والله قالت ياويلنا ويلاه
شوي أطمرت
بسم الله وش بلاكي
قالت يافضحنا شافكي منبطحه قلت : يوه لا لا مامداه يوم شفته سحب الستاره أنحشت مثل حركت القطو قالت ماردى من ذا الأ ذا عز الله ماهو مخليكي ..
اليوم الثاني بدا الجد.......................يتبع

عمشاء البدويه
الله يعز الحكومه
-----------------------
الحلقة الخامسه
اليوم الي وراه دق الحضري أف منكم يالحضر فيكم تمسك ماهو صاحي عشق عشق ماهو طبيعي .............................
صار يحاول فيني وأنا زعلانه على حركته ولا هتميت فيه أنا عمشاء وكلن يوخر
صار مايلقاني الا في القايله واليل طول وقتي عند حوش الغنم بلشني والله يوه تعنقدون بيتركني أذا طنشت
لا بلاه الا زاد عناده يهب يالحضري.............
صار يدق يدق يدق فتره ولا في أمل أرد لحد ماجاء عندنا في الحوش وكنت أنا وأختي في الحوش بس ألذيب الأمعط وفالح رايحين يجيبون الشبوك من الحوش الي قريب منا قررررررريب ..
أنا من يوم سمعت السياره عرفت أنه هو أصلن من الصبح خشمي يعرمني وعيني اليسار ترف فيه مصيبه بتطيح على راسي
وقف ودخل قلت عيده أطلعي قالت والله ماطلع ذا العصلى مامنها فايده وش أنسوي خايفه يدخل والذيب الأمعط يجي ويشوفه داخل في الحوش طلعت قلت نعم ...............ماقدرت أناظره أتراجف ماهو من غلاته لا والله أفكر أن الذيب يجي ويشوفني واقفه معه وويقطعني بالخيزرانه...
اول ماشافني قالي
يالبيـــــــــــــــــــــــــــــــــه
والله مهبول ومنسم هالحضري مهزئته وجاي ولا هو خايف وقالي هالكلام مريض صح
قلت أنقلع أنقلع لا يجي أبوي أنت بتفضحنا قال أنا جاي بس اكحل عيوني فيكي وأمشي ..
نعنبوا هالكحل الي ماجاء الا في حوش الغنم .......................
قلت طيب رح
قال أروح أذا كلمتيني
قلت : طيب بس رح رح
قال أولن أنا أبي أبوكي يجي بسلم عليه
بس تراكي وعدتيني أني أكلمك
يامال الضعفه نعنبوه من وين أنحذف علي
وجاكم الليل ودق وكلمته
يوم كلمني يانعنباه ياناه يازين حكيه مايحتاج تعرفون التقشمط جاني
قلت : هاه وش عندك هالشهر مبهذلني وش تبي مني
قال : أنتي عجبتيني
عجبتك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الحين بنات الرياض على قف من يشيل أسمع أنهن شي وشويات مالقيت الأ عمشاء المغبره
قال : مابي بنات الرياض أبيكي أنتي عاجبتني موت
يوه يوه توني أدري والله
قلتله وبعدين عجبتك وش بتسوي متوقع أني بكلمك
قال : لا لا تكلميني لا أتي بتصيرين زوجتي
زوجتك؟؟؟؟؟؟؟؟؟؟؟؟
أحلم : أنا بدويه وأنت حضري لا تعشم أن كنت صادق
قال : والله لأخذك وتشوفين
قلت : أهلي ماراح يخلوني أطلع من أقاربنا
قال : أذكري كلمتك وذكريني وصدقيني ماخذك ماخذك ولا يفرقني عنك الا الموت
تكفون أمسكوا عمشاء والله دخت ياحلو كلامه والله كبرتي ياعمشاء ولقيت واحدن
بس أنا شكيت كيف بيتزوجني غصب الكلب أكيد بالسحر لا لازم أبعده عني

علمت عيده بالسالفه وطول وقتنا شاكين أنه بيسحرني
قالت : عيده
ليش جانا هاك الليله يمكن ناوي يخطفكي وياخذكي غصب
لا حول مالقى الا يخطف عمشاء كيف بيشيلني مايمدي مايمدي دوري حل غيره ...


دق : وصرت ماني عمشاء الأولى صرت أناقز الشيطان شاطر
رديت عليه أبشركم صرت أنعم صوتي .....
قال : ألو
قلت : هلا
قال: هلا بك
ياطر جيبي طراه تقشمط قلبي
البلاء الي يخليني قلبي يتقشمط كل ماذكرت وجه ماهو من تماسيح بدوانا
قلت : مين تبي اليوم
قال : أبيكي أنتي ياخلف هالدنيا
أنا متمسكه لايغمى علي بس مسويه نفسي ثقيله ...
تدرون وش قالي : قال : أسحرتني عيونك
أمحق من عيون : عيوني شهب
قعد فجأه يضحك
قلت وش بلاك
قال : أنتي وسيعة صدر
قال الكلمه هذي وسكرت في وجه زعلت لعنت عليه وعرفت أنه قليل حياء ومايستحي..
دق: وشفيك
قلتلك : لا تدق
وشفيك قلت: أنت ماتستحي
ليه أنا وش قايل
قلت : وش قلت ؟؟؟؟؟؟؟؟؟؟؟؟؟؟؟؟؟؟؟؟؟
قلت : وش الكلمه الي قلتها قال : قلت وسيعة صدر
قلت : تعيده ماتستحي
قال : أنا قصدت : وفهمني معناها بس نسيبت والله ماعرف أشرحها بس أنها كلمه زينه
بس تعرفون وش ظنيتها بس ماتضحكون :أني أني عيب عيب أكيد فهمتوها
بس زانت العلاقه معنا فيها سلام وهواش ومذابح ومطامر الله يعين

هاك اليوم راح أبوي لشعراء أيام البرد يصيف الغنم هناك ...
وحنا قعدنا في البيت .


صارت أمي في البيت وأخوي
وهو بيدق علي أنا ماعرف أرد والحانوتي أمي عندي وكنت مرتبكه مره هو قايلي كلميني على أني بنت أمحق مالقى الأ عمشاء والله لأتنافض
وأنا أقول : يارب مايدق بارب مايدق الحين يارب
شوي دق : مامداني نص الدقه ورديت
أنا سمعت صوت رجال : بتلت هلا وشلونكي طيبه كيف حالكي
شوي : أنتبهت لنفسي
ميزت الصوت: صار خالي
ياويلي ويلاه صادني
هو داري أني سامعته كيف أقلب كلامي .......................
أنا وش بلاني في المغازل عمشاء وتغازل تجي حدي مطارد وراء الغنم ....


الله يعز الحكومه ..............................


__________________________________________________ __________
--------------------------
الحلقة السادسه
نكمـــــــــــــــــــــــــــــــــــــــــــل
عقب : ماتوهقت مع خالي
قلتله : خلاص أنا ماقدر أكلمك أنا أخاف أني أنصاد وهاك الساع ماراح تنفعني
قال : طيب
معي أغراض بعطيكياها
أغراض... وشي
قال : بحطها عند الباب
وشلون مافيه الا الليل.........صح
رقد البيت قلت خلاص حطها الساعه وحده 1 عند فم الباب
وناموا البت الا الحانوتي مانامت أشغلتنا حوف الذيب ماهو فيه يرقدها جت الساعه أ ثنعش ونص (12 ونص) ونامت
وأنتظرته وأنا وعيده تقولون قطاوه في الظلماء شوي جت الأغراض
ياويلي ولاه تدرون وش جابلي جابلي حلم كنت أتمناه من سنة جدتي ومحرومة منه جابلي سله تهبل كلها حلاو أنا عمري ماذقت حلاو مثل هالطعم يهيل يقطع القلب شكوشكو لاطه وجابلي باقة ورد حمراءءءءءءءءءءءءءءءءءءءءءءء وعطاني شريط عزيز على قلبي لحد هاليوم
محمد عبده
ليتك معي ساهرن ليل الهوى كـــــله
مالوم أنا وياك لأأجل الحب سهراني
يالبيــــــــــــــــــــــــــــــــــــــــه
كنت أسعد أنسانه في هالدنيا أول شي عشان الحلاو ثاني شي جتني هدايا لي أنا والله لي أنا ...مين يصدق الله يالدنيا عمشاء جتها هديه ...
تعرفون وش الي حببني فيه أنه حب عتبة بابنا تخيلوا يحب أعتبت بابنا ..................
أنا أقولكم معجبه فيه وعزه بس ماحبه هاك الحب الي فيه ونات وتنهيدات
بس هو متعلق فيني تعلق..
كلمته : وشكرته
قال : لو تبين روحي فدوه لها العيون ؟؟؟؟؟؟؟؟؟؟؟
قلت : طيب أنت تعطيني هالهدايا وتقول بتزوجك وأنا أقولك راح تضيع وقتك من دون فايده
قال : أنا باخذك مجنون أعيش من دونك أنا أحبك
هو قال : أحبك دورو على عمشاء ياطر جيبي طراه
قلت : وش هالحب الي في يوم وليله
قال : مادري حبيتك حب صادق حب بضحي بكل شي علشانه لو أخسر الدنيا أنا عفت حياتي وكرهتها لو ماسمع صوتك وشوفك ....
قلت : يوه ياحبيلكم لها الحكي يالشباب
قال : يشهد علي ربي أني صادق ومقصدي شريف
وقالي كل شي عن حياته حتى عن ماضيه بس ماضيه رمادي (شي بسيط )

بس نصيحه للشباب أي واحد حب وحده حب صادق يخش ماضيه لو أنه رمادي أعلمكم ليه بعدين)
تدرون رحمته : مادري أنا باقي ماحبيته وهو منتهي يرحم صح قلبنا قاسي يالحريم صح ؟؟؟
بس أهم الشي الشوشو كولاطه :
عطيت عيده وفكرت أعطي الحانوتي على القهوه بس تذكرت سيئاتها معي:
من يومني صغيره وهي حارمتني يتقطع قلبي على ريال ماتعطيني أجمع النصوص وروح أشتري فيها
آه يالقهر أذا عطتني ريال أروح أشتري أكبر بسكوت أشتري بسكوت مربع عرفتوه كله مربعات وشتري قارورة ببسي بنص أرحم صح
هذا كوم والبنطلون كوم حارمتني وأنا صغيره ألبس بنطلون تقطع قلبي وأنا أشوف البنات لابسات وأنا سحيله أم الخلاقين وأصيح وأصيح والله مانساها تعرفون وش تسويلي علشان ماطقني الشهوه تمسكني وتبطحني وتفرك ظهري وتسحب الجلد لفوق علشان يطق لحد ماتوصل لأخر جلده بالظهر وتمصعها وتروح شهوة البنطلون وش رايكم
تعرفون وش سويت أيام البرد قامت وشترتلي بجامه حمراء صوف من فرحتي ترجيتها أني أطلع فيه بعد الدموع ويوم وافقت طلعت بالشارع وأنا أسعد بدويه في العالم وكنت أركض بروح لدكان وبقطع السكه شوي لقيت السيارات كلها واقفه تحسبني أشارة مرور
الدين الي بيني وبيها كرتون حليب بالفراوله

المهم صار الحضري يحاول يثبتلي أنه يحبني كل يوم هديه..
فجاءه جاني خبر مثل الصاعقه تدرون وش سوى فصل من دوامه
ليه ؟؟؟؟؟؟؟؟؟؟؟؟؟؟؟؟؟
علشان يقدر يطلع من الرياض لديره وش رايكم
فجأة يوم جانا في الحوش شفته شخص ثاني نحيف نحيف نحيف مره معقوله بسببي
أنا وقفت أناظره منصدمه هو جاء لأبوي بس يقولي شوفي وش صار بحالي عقبك
عرفت فعلن أني ضلمته ....................
وش الحل : أتركه علشان يرجع مثل أول بس خايفه أذبحه
وش الحل :
بعد ماوصلت البيت : قلته أسمع أنا مابي أضلمك فعلن أنا حبيتك بس شفتك اليوم شخص ثاني
قال : أن كانك بتتركيني فموتي على يدك وأنتي السبب
قال : علشانك باخذ شقه عندكم بالديره أنا وضعي كذا صعب أن طلعت من الديره أحس أنك بعيده عني وبتضيعين مني ..............
وفعلن سكن عندنا بالديره ؟؟؟؟؟؟؟؟؟
ماكذب عليكم صراحه حبيته وتعلقت فيه تعلق جنوني صرت أردى منه والله فرض علي حبه غصب الي عمري مافكرت أني أحب أصلن كنت أضحك على هالسوالف مادريت أني أنا بطيح فيه ......
بس في حبي عيب أشك أن وحده مر عليها هالشي بتضكون هو غصب عني والله والله ثم والله أنه قبل ماكان يصيرلي هالشي بس عقب ماحبيته صار أذا زعلني بس مجرد كلمه تنحام كبدي وسكر الخط وروح وأنتم بكرامه وأستفرغ
والله مادري وش هالحاله أنا منهبله من نفسي لدرجة هو يقول وش فيكي أستحيت منه يمكن لو يزعلني عشر مرات في اليوم أستفرغ عشر مرات نلدرجة خويتي راعيت الكمبيوتر ماصدقتني يوم خبرتها قلت طيب : كلمته من عندها رفعت ضغطه بكلمتين لحد مازعلني جتني الحاله : سكرت وركضت لدوره وأستفرغت خويتي راحت تركض تجيب مويه بارد تكبها على راسي وهي ميته ضحك تقول أنتي غريبه ليش تستفرغين قلت : نعنبوا هالحب وش عرف عمشاء للحب
حب عمشاء غير هذي بس بداية حبي توني في بدية المشوار
أجل نهايته وشو ...

ماتعلق قلبي فيه وحبيته حب لكن الله يعينه على حبي توني ادري أني حركات جتني هالتنهيدات والونات لا والسرحان يستلمكم والتفاكير شرق وغرب والسهر الي أول عمشاء من الجهم قايمه الحين أقروني طالعه أبي الرقوده بس الحب والله مرض
بس هو حبه شديد شوي مايوخر
قالي لعيوني تسوين الي أبيه
قلت : أرمي نفسي بالنار لعيونك امر تدلل ياعيون عمشاء الشهب
قال :بجيبلك قفازات وشرابات تلبسينها
قلت : أنا روحتي كلها لحوش الغنم كيف البس شرابات
قال : البسيها
ياطر جيبي ماعرف البسها وأنا رايحه للحوش أتستر عن الغنم
والله لبسناها وصرت جرباء ماقدرت أنزل الدلال والأغراض وصار يراقبني ألبسها ولا مالبسها
قال : لا تلبسين جله البسي عبايتكي
لا بلاه مالبس عبايتي في الحوش ...هذي جت في صالحي
أكتشفت أن غيرته تقتل ..... مانتم هينين يالحضر
لكن تدرون ماتوقعت أن غيرتي أنا نار نار نار وحب يووووووووه ماهو حب هذا جنون تدرون احب الأرض الي ياطاها وتشفق عليه تشفق وأذا مادق علي أمرض ألعن يوم مر علي يوم أنقطع التلفون ولا سددنا مرضت وهو مرض ثلاث أيام بعد ماسددنا تقول لنا أسنين ماكلمنا بعض قعدنا نبكي يوم سمعنا صوت بعض آه ياحبنيله ..
بس كل مارجعت للواقع .........الواقع حركه عمشاء بدت تتثقف
أنا مهبوله مجنونه كيف حبيته وتعلقت فيه وعفت العالم كله وأنا أدري أننا ماراح نتزوج وش الفايده وش المكسب وش بنستفيد نتعب نفسيتنا يوه مابي أفكر وش فيه لو ذقت طعم الحب من دون زواج بس لو أتعلق زيادة وزيادة وزيادة وفجأه يخطبني ويطرده أبوي لا أقاربنا يوه يوه الموت الحمر والله مايخلوني أتزوج حضري ياربي وش بلاني في هالحب ورفع راسي وأطالع الدولاب وأذكر أن الرشاش فوقه وتذكر وش وراء مرتبة السياره عجرة يحبها قلبك لا يذبحونه بسبتي ...............................خلاص مابي أفكر
دق علي وقعدت أبكي
قال : فيكي شي
قلت : ابوي ماراح يوافق عليك
قال : ماعليك فيه مليون طريقه
قال : أن مانفع بنهرب
قلت : لا والله حنا عيال عم بوش وحنا ماندري
والله لا لتمسكنا الحكومه في أرقابنا قبل مانطلع من حدود
الله يعز الحكومه جعلها لنا ذخر لنا بس لوتمشي موضوع عمشاء لعشيها كل مافي حوش غنم الذيب الأمعط.....
الله يعز الحكومه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قلتله : لا والله أعرسنا وأنا عمشاء
قال : أصبري شوي وشوفي وش بسوي
وقعدت أبكي وأبكي وأبكي ياربي ماحد يحس فيني تقطع قلبي والله الذيب الأمعط مايوافق أعرفه عشرت سنين
وقالي كلمتين : رضيت عقبها كلام حلو حق البنات تعرفونه تقشمط قلبي ورضيت
بعدين قالي شوفي أنتي لازم يكون عندك جوال
أنا عمشاء بنت الذيب الأمعط معها جوال ماصدق
تعرفون أول مافي بطاقة سو
قال : الثابت هذا مابيكي تمسكينه
طرت من الفرحه ماصدق معي جوال
وجابلي الجوال : وصرت أكلمه في كل لحظه ماعندنا وقت فراغ حتى صرت أكلمه في حوش الغنم وراء وتغطي علي عيده لا تعلمون علي
وصرت الساعه وحده ثنتين سهر وسعة صدر يقوموني الصبح بطق علشان أقوم ......

بعد فتره من وسعة الصدر ...تهاوشت انا وعيده أنا قلتكلم عيده حقت فزعات بس تهاوشها تخر مافي بطنها وتفضحك
وهاك الوقت المشؤوم كنا قاعدين وتهاوشنا على من يغرف العشاء وصارت هوشه كبيره قالت أسكتي لاعلم
أنا خلاص ادوروني ماتلقوني من زين هالوجه قلت علمي ؟
قالت أعلم وش تسوين كل ليله قال : أبوي وش تسوي
قالت : خلوني : ساكته وهي تبكي تبكي
هم مافهموها جوال لالا
البلاء أفهموها شي ثاني

يتبع
الله يعز الحكومه

--------------------
الحلقة السابعة
أنا واليل خلان ورفاقه اخذته عشق وأخذته عشاقه
أوضحله ظناين مابروحي ويفتحلي على الغياض طاقه
الأ ياليل وش عندك وعندي يقوله من تكدره ماذاقه
عيونه من غرام الشوق تهمل عبايرها على ذيك الدقاقه
وأنا بنهاية التسعين هجري الي خلن عجزت أقوى فراقه
مضى عام وثمان أسنين كأني كسير عيب الجبار ساقه
يفزع بالصياح هجوع ناس لهم بالنوم والراحة علاقه
الأ ياليل ياعرضك وياطولك أنا وياك لاعادة صداقه

الشاعر/خلف بن هذال العتيبي
مساكم الله بالخير هلا والله وغلا هلا من فلب

بأكملكم قصتي
زعلت على عيده وصلت معي خلاص ماعاد فيها مصالحه تحاول تقربلي مافيه شايطه ولا يطه
نعنبوها أفضحتني ......................................
بس كل حرتي حطيتها بالحضري ياعزيتيله ياصبره على عمشاء ألساني يلوط أذاني حتى هو مسميني شرشر
أنا قلتلكم فيني غيره تقتل notee: حركات صرت أغار عليه حب حب كتير كتير مشكل هيه كارتهيه
الله يعينكم يابنات الرياض على عمشاء ناشبتلكن نشبه أزعجته فيكن بنات الرياض وبنات الرياض صار تحقيق يومي .......أنتن كشخه تقطعن القلب لكن عمشاء أن كشخت أمعطت هالكحله والبست هاك العبايه تقولون لاحستها بقره ناعمه وحرير وطق أصبع ....
أما الحين أخر كشحه عندي شرابات وقفازات مايمدي أكشخ
بس من غيرتي قلت شيل هالشعر ذا الي على العيون شعره طويل أغار عليه ...كل شي يوافق عليه من دون كلام تدرون ليه ماسكته بكراعه الي تعوره
أهدده بقص شعري وعقبه أمري تدللي ياعمشاء يابنت الشايب
سون زيي يابنات ......
تذكرون يوم قلتلكم لا تعلمون البنات بماضيكم لو كان رمادي يمكن تقلب وتصير زوجتك من يدري وقلتلكم بعدين أعلمكم ..........
والله يوم قالي من أول عادي عادي وأقل من عادي لكن عقب ماصار القلب يتقشمط والتناهيد أشتغلت والونات بدت لابلاه رجعت كل سوالفه الأولى وياويلك وياسواد ليلك يالحضري يوه كل يوم وكل ليله
الموال اليومي : تحسبني نسيت سوالفك تذكر يوم قلتلي عن فلانه وعن علانه والله ماخليك لكن أذكرها أذا أعرسن والله أسبوع في الغرفه وأسبوع في المجلس أذكرها.... هذا بس جزء من الي ينقال

صدقوني ماقدر اذا فرشت مطرحتي يالبيه يامطرحتي أشتقتلها أحب المساديح بس عقب ماحبيت هالحضري
أول ماحط راسي التفاكير تشتغل في ماضيه الرمادي فجر راسي بس أذا قالي كلمتين حلوات من الي يحبه قلبي
يطيح كل الي في راس عمشاء ............... بدويه أحب كلام العشق
وفجاءة حركات ياعمشاء ماني هينه أعرف أهرج .... وش عرف عمشاء بفجأه أنا أمس متابعه مغامرات هايدي
قالي : أبي أشوفك
قلت : تشوفني طيب أنت تشوفني أذا مريت عند أبوي بالحوش
قال : لا أبي أشوفك من دون أبوك
قلت : لابلاه ماوصلت
قال : تكفين ياعمشاء
وأنا ماحب كلمة تكفين ياطر جيب عمشاء طراه تهز رجال فمابالكم عمشاء
قلت : لاتقولي تكفين بس العذر والسموحه قبلت أكلمت بس علشان نيتك زينه وحبيتك من قلبي غصب عني بس ماتوصل هالمواصيل
قال : في أبوي وأمي بس بشوفك من قريب هذا المقصد
قلت : أن كان علىشوفة وجهي تبطي الا عقب العرس
قال : مابي اشوفك بس بس بس بمسك يدك
يدي : أمحق من يد وش يبا فيها
قال : فكري : تكفين
سكرت
وجاك هالليل : وبلشوني الشياطين
تعرفون الشياطين في هالمواضيع يناقزون في حظنك
علمت عيده العوبى
قالت : هو قال دقيقة وحلف مايسوي شي
قالت : خلينا نخاطر ونذكرها في التاريخ بس كيف .....................الظروفات صعيه البيت محوط بديناميت
قعدت أفكر وأفكر وأفكر مريت من عند الغرفه الي جنبنا مرور الكرام ناظرت شفت فتحت المكيف مسكرينها بمخده .........................لقيتها
تعرفون الشيطان تحت دغدغي لا ومايسير الا بالليل ......من جد ماتلاحظون الشر مايجي الا بالليل تلقاك بالقايله مهون عن مصيبه أول ماتحط راسك
زابط الموضوع وراضي....تعوذو من أبليس

أتفقت أنا وعيده على هاك الخطه خلاص الوعد الساعه ثنتين بالليل جاء اليوم الموعود دايمن دريشة الغرفه مفتوحه علشان عندنا مرجيحه حاطين لوح على الدريشه وموصل بالجدار الي قدامه ورابطين حبل وحاطين مخده ونتمرجح (ملاهي البدو) mdr
تعرفون شكل اللوح على قد حديدة الدريشه ومدخلين طرفه للغرفه...
المهم سكرت الدريشه ومابقى الا طرف اللوح .....
خبرت الحضري بالموعد الليله وأنبسط وتشقق بس بشروط برقعي علي
رحت في القايله لخويتي وخبرتها
قالت : وش بتلبسين
قلت : ؟؟؟؟؟؟؟؟؟ وش ألبس
قالت: يابدويه وش تلبسين بيشوفك لازم تلبسين شي كشخه
قلت : وش ألبس
قال: شوفي وش رايكي بالبطلون
يالله الخيره شنقيط وبرقع
قالت : من جدك برقع (هذي صديقة سوء)
قالت : طيب طيب جربي هالبطلون
يربي رباه شنقيط جنز لا وسترتش أنا ماداني البناطيل لا وجنز حق الزيود
أنا عارفه ماراح يدخل علي هي يابسه عصلى
قالت : يالله جربيه
قلت ماراح أجربه لا ني ماراح ألبسه حمدلله أنا بطمر من على فتحة المكيف كيف ألبس شنقيط قالت هذا الي راح ينفعك مع الطمر

أيه طيب؟؟؟؟؟؟؟؟؟؟؟؟؟؟؟؟؟؟؟
خليتها تسوي الي تبيه بس علشان تعطيني( طيب) ياعندها طيب شي ياشين الطراره منحده وش أسوي خلوها تلبسني هالشنقيط لحد ماخذ الطيب
وجيكم البس شنقيطها ياربي رباه ياضيقه وتجر وأنا أجر وقفنا عند الركب ونجر وصلن للفخوذ ودقر لابلاه مالبسناه مربطه
وعطتني واحد غيره والله البلشه ودخل وأنا أقول يازينه زيناه بس أبي الطيب وروح يوم عطتني الطيب صفطت شنقيطها وخليته عندها ونحشت
ورحت وتولمت وخرو عن عمشاء مدهره لا تقربون يمي طالعه من الحمام تقولون نجافه حاكه نفسي حك بالصابون مشهبه ..
ويوم سرى الليل وقلبي طربق طربق
وجت الساعه 2 البيت نايم وأبوي ينام في حوش البيت يعني قريب مني لازم أتوخى وبدت المغامره طلعت على المركه وطمرت
ونزلت على السيب أنا حاطه بالسيت تحتي قدر الرقه بعيده ويوم نزلت أنتظرت ثانيه ولقيته .....قلبي عورني ماتقشمط هالمره لاوالله عورني
قالي : هلا عمري
من يوم قالها والله ثم والله أني تخقخقت تخقخق
ياربي رباه ياكثر أعرقي الجو بارد وعمشاء مصيفه
قالي : يعني سويتيها ماكشفتي البرقع
ومسك يدي ................يالبيه يانعنباه ياناه يافيه مسكه أدوخ
قال : ناظريني
مامداني أحط عيني في عينه الا شفت هاك العيون الي نستني أمي وأبوي وقبيلة الذيب الأمعط كلهم .
ابليس ملعون كل مابعدت قربني يمه أنا مالي دخل أنا مابي أقرب بس شي يدزني من وراء أبليس شاطر أعوذ بالله منه أنتبهن يابنات
جاء وسحب البرقع أنا رجعت على وراء لقيتني ماسكه حبل المرجيحه قمت وقعدت على المرجيحه بشويش الا شوي اللوح على راسي وطحت واللوح فوق راسي والصوت قوي قلتله أنحاش أنحاش وقمت أبي اطلع على القدر وأطمر ماقدرت يالله يالله طمرت أتراعد من الخوف خلاص صايدني الذيب صايدني هو قريب مني في الحوش ..ياويلي ويلاه أبي أطمر بالغرفه نشبت وعيده تجرني برقبتي الكلبه صرخت قامت جرتني بشعري تحملت الوجع كل ماتذكرت الذيب الأمعط ظهري نشب وجرتني لحد ماسمعت ظهري قال طقيق ورجلي أنشلخت وعلى وجهي طحت............
قعدنا نركض لحد مانقزت على فراشي أنبطحت على بطني ورميت علي البطانيه وسيقاني مشرعه .............أفا سيقاني طالعه عمرالذيب ماشافها
بس لازم أخلي نفسي في غيبوبه ياقاتل يامقتول والله لو صادني أن ليقطعني قطعه قطعه ويرميني للجعر..........
دخل أبوي أنا أناظره نور الصاله على غرفتنا أشوف أضلاله وأنا أنزل وأطلع أتنفس بقوه مسكت خشمي وفمي بكيفه أموت بس ماموت على يده لحد ماطلع .............ياويلي ويلاه السلقه عيده تقول لو أستنى دقيقه كأن قمت وبكيت من الخوف بغت تفضحنا..............
توبه توبه توبه توبه .............................أنا وش بلاني بالمغازل
بس تدرون يافيه عيون ..........تخقخقت خقاق


فمان الله
الله يعز الحكومه


__________________________________________________ __________
-----------
الحلقة الثامنة


----------
الحلقه التاسعه
وقام وعطاني بطاقه
ناظرت البطاقه وناظرته
قلت : وش ذا
قال : أقري
قلت ـ فلان فلان الفلاني
قلت : منهو هذا
قال : طيب ناظري الصوره
قلت : صورتك
وستوعبت وفجأة والله صرخت من دون ماحس بنفسي وقعدت أبكي وضربته بكتفه ودموعي ودموعي حتى قعدت أناشق والله والله ماقصدتها ضميته من دون مادري غصب عني الفجعه الي فجعني فيها نستني نفسي( ماحسيت الا عيده ناداتني بسمي عمشـــــــــــــــــــاء وفقت من خثرتي ..والله غصب عني ( الله يلعن أبليس كأن تحت شيلتي مندس )
قلت : ليش تسوي فيني كذا حرام عليك عذبتي ذبحني التفكير والهم والغم وانت ساكت كيف طاوعك قلبك وأنت تشوفني كذا
قال : كنت أنتظر هاللحظه وكنت متوقعها
يمكن تعذرون عمشاء ويمكن ماتحسون بالي أحسه والصدمه الي جتني
صار الخسيس بدوي منا وفينا والله بدوي ماهو أحضري شفت بطاقته بس ماهو من قبيلتنا بس بدوي مقطن أب عن جد
ياتكفون ياهاك اليوم أنه يوم الفرج عندي نسيت ضرب أبوي ونسيت معاير فالح يوه ياطر جيبي طراه نسيت همومي كلها يافرحتكي ياعمشاء ياسعدكي سعداه أنفتح باب الفرج لكي ياعمشاء ...........
عمركم فقدتوا شي مستحيل توصلونه وفي غمضت عين يقولكم شبيك لبيك .............هذا الخبر مثله ياحظي صار بدوي أ*********************س أ*********************س لولولولولولييشششششششششششششششششششششششششششششششششششش ششششششششششششششششششششششششششششششششششششششششششششششششش ششششششششششششششششششششششششششششششششششششششششششششششششش شششششششششششششششششششششششششششششششش أمباركين عرس الأثنين عرس عمشاء البدويه على سلطان البدوي لو لو ليشششششششششش
كلكم ياوجيه الخير تراكم معزومين من أقصاكم لدناكم عرس عمشاء وسلطان
هاك الزمان قبل مادري أنه أبدوي كنت أحاول أقيس النبض حلوه النبض صح حركات عمشاء الله يعز الحكومه
_____كنت أقول ياه (بمعنى يمه )
ياه : لو جاني حضري يباء يتزوجني بترضون
الحانوتي (بمعنى أمي ) : ماتخسين وتعقبين
ياه : ليه
الحانوتي : قامت وتركتني
كلمه كافيه شافيه
ومن هاك اليوم أنا مرضت زود على مرض العشق حرمان وعشق لا بلاه ماعينت خير عمشاء
بس الحين
بقول
ياه : لو جاني بدوي واثقه بقوه
................................................. ................................................. ..............................
بدايت مشوار جديد
أتفقت أن أهله يجون علشان يخطبوني يحظي *********************س
أنا أدوروني ماتلقوني ياهاك اليوم يوه مدهره جايين يشوفوني وشوفوا هالدولاب الخلاقين كلها طايره لبست أحمر أبدلعه وحطيت هاك الحمورومغطت الكحله تقول سميره توفيق وفليت شعري رايحه لعرس .......... وأمي كانت معصبه هذا الي خوفني قلت لعيده أقعدي عند الحريم لتفضحنا الحانوتي وطول الوقت أمي متسلطه عليهم تسأل وتسأل وين بتسكنونها وين وين وين
لحد ماجتني زعلانه قالت : أدخلي على الحريم وأنا يوه أتصبب عرق
دخلت : كلهم براقع ظمنت أنهم بدو مثلنا
قالوا : ماشاء الله ماشاء الله
أكيد مزيونه أطخمه
وطلعت بسرعه
وراحوا وأنتهت الخطبه وأبوي وأفق وأمي أرفضت ليه ماتبيني لهم تبيني لجماعتنا شفتوا الحظ حظن ردي
وقعدت أصيح أصيح بغيت أموت مامداني أفرح لحد مادمرتني الحانوتي
وجهي أقشر صح


يتبع ............
فمان الله
الله يعز الحكومه
----------------

الحلقه الأخيره من القصه..


أنا واليل خلان ورفاقه اخذته عشق وأخذته عشاقه
أوضحله ظناين مابروحي ويفتحلي على الغياض طاقه
الأ ياليل وش عندك وعندي يقوله من تكدره ماذاقه
عيونه من غرام الشوق تهمل عبايرها على ذيك الدقاقه
وأنا بنهاية التسعين هجري الي خلن عجزت أقوى فراقه
مضى عام وثمان أسنين كأني كسير عيب الجبار ساقه
يفزع بالصياح هجوع ناس لهم بالنوم والراحة علاقه
الأ ياليل ياعرضك وياطولك أنا وياك لاعادة صداقه[/align]
الشاعر/خلف بن هذال العتيبي

مساكم الله بالخير ...........
هذي أنشا الله نهاية قصة عشق الحضري للبدويه .....
وش يدريكم بكره القاها معروضه في مسلسل بدوي ..............
سموا بالرحمن ...

يوم أرفضت أمي وزعلت وسبت وشتمت فيني رحت للحجرتي وأصيح وأصيح لحد ماطلعت روحي وتهديني عيده تقول أصبري بنحاول فيها وش بلاكي مستعجله .....
أنا أعرف أن ألذيب الأمعط أمي تقواه والكلمه كلمتها يعني موافقة الذيب حطه تحت مخدتك ورقد شهر
وأنا عجزت أمسك نفسي قلبي تقطع وشوي جاء خالي وأنا وراء الباء أتسمع وعويناتي تلاقط
سمعتها تقوله : أبيك تسأل عنه زين مازين
حسيت أنه فيه أمل صغيرور
أو تبي أطلع في عيب وتكون حجتها قويه لفرضها
مرت ثلاثة أيام على خالي ولا شفته
قمت ودقيت عليه وقلته تكفى ياخالي لو تسمع شي ماهو زين أمدحه قدام أمي لا تعيب فيه
قال : لا لا وشلون تبيني أرضى
وجع يوجع بطنه مافيه خير
ياربي أنا الي بتزوجه ولا هم راضيه في كل أعيوبه وش عليهم مني
والله عقب أتصالي أختفى خالي ماجانا أبركها من ساعه
تدرون وش سمعت
أن خالي راح لذيب الأمعط يعيب فيه نذل أكرهه لكن أعناد فيهم والله لو مايزوجوني أني لا أهرب معه وأعلى مافي خيلهم يركبونه أنا خلاص ماتحمل هم مايحسون ياناس أحبه أحبــــــــــــــــــــــــــــــــــــــــــــــ ـــــــــــه أموت فيه هو الهواء الي أتنفسه أحب مواطي رجليه أتركوني متى مايصير فيه مطامر مع المكيفات متى نكسر الجوال متى نفتك من مسامر اليالي والتفاكير والتقلب أف تعبت ياطر جيبي طراه يانعنبا الحب ذبحنا.
ومرت ثلاث أشهور لا حس ولا خبر من أهلي ولا فكرو فيني والموضوع تطنش ....

قالي : شوفي ياعمشاء أنا جاي مره ثانيه زين ومعي رقم الشيخ
قلت : خلاص خلها تخرب مره
وجاكم هاك اليوم الي كل مافيني يتنافض
وفجأه أدخلو أهله والحريم
وأمي الحانوتي أكلتني وووووووووووووووأنا قاعده في المطبخ أزين للحريم القهوه أدخلت علي بالمطبخ وعطتني هاك الكف الي طير شوشتي .....
عادي أتحمل مية كف بس أتزوجه ...... أحزن صح
وفجأه جت الطامه الكبيره دخل أبوي .......................................
قال أبوي الشيخ بيجي الحين
أنا مادري فتحت فمي أنهبلت في لحظه مادري وش أقولكم وش شعوري
وقال : أن الرجال راح يجيب الشيخ
وراح أبوي لقيت أمي تصيح وتصيح وتصيح خفت انها تذبحني وهربت لحجرتي شوي هز الجوال في صدري تعرفون دايمن هذا مكان الممنوعات
ولقيت سلطان داق : ماسمعت الا يزغرد لولولولييييييييييييييييييييييشششششششششششششششششششش شششش
قالي : أنا رايح أجيب الشيخ ياعمشاء وطاير هواء لكم ياخلف هالدنيا قعدت أبكي من الفرحه
,جاء الشيخ ؟؟؟؟؟؟؟؟؟؟؟؟؟
لكن الذيب الأمعط تهاوش مع الشيخ تدرون ليه علشان الشيخ يوم خلص من سلطان قال بروح للبنت علشان أسئلها ؟
تدرون وش قال الذيب الأمعط : قال تخسى وتعقب ماعندنا بنات يطلعن عيب
لحول وش هالحظ قلتلكم وجهي أقشر
دق علي سلطان وقالي أبوكي فضحنا تهاوش مع الشيخ
الي ضحكني أن سلطان يقولي : الحمدلله أن معي رقم شيخ ثاني
شوي قال الشيخ لذيب الأمعط تعال نتفاهم في المقلط لحد ماقتنع
وكان أبوي معصب يناديني أمحق من ملكه : وسألني الشيخ أنت عمشاء بنت الذيب الأمعط
قلت : نعم مؤدبه صح
قال : هل ترضين سلطان زوج لكي بغيت أخثر
قلت: نعم
قال : هل لديكي شروط: لا بلاه ماعندي شروط
قال خوذي الكتاب وقعي
وأنا أخذته والله أني أرتجف : بس عيب الكتاب مافيه مكان تكتب فيه مادري مافيه مثلا أسئله ماعرفت وش أكتب وكتبت في الوسط مهري وقعت هاك التوقيع يالبيه .............شوي دخلت للحجره وأنا أبكي فرحه فرحه مادري كيف أوصفها أدخلت تركض عمشاء وأنقزت علي من الفرحه وأنا خلاص مبسوطه بنهبل بنجن ماصدق سبحان الذي لأاله الا هو ماتضيق الأوتنفرح في لحظه .............
لكن المصيه : ان الحريم يبون يشوفوني خواته ماشوفوني لأحول والله البلشه هو حلا
والله والله أن شعري هاك اليوم كله زيت بعد أبو ريحه حق الهنود والله ماغسلته فكيت جديلتي بس غسلت قصتي ومن وراء مطبات وفاكته وعيده راحت تركض تجيبلي لبس من خويتي عطتني فستان يهبل حق سهره ومعطت هالكحله وحطيت هاك الروج العنابي وطلعت تخيلوا هاك الليله وجهي مثل البدر من الفرحه سعادتي يوم سلمت عليهم ويقولولي مبروك ياحلوها حلواه بس على طول طلعت هذي ملكتنا ماهي مثلكم يالحضر حفله وحركات لا مايمدي

ويوم راحو وتعشوا وكلمني وهو يصارخ يقول ياعمشاء أنا في حلم ولا في علم قلت أنا بعد ماني مصدقه
قال: خلاص أنا زوجك
ياويلي ويلاه أبك زوجته
ومانمنا هاك الليل طايرين من الفرحه الله يتمم علينا قولوا أمين
ويوم أصبح الصبح : الله لايوريكم أمي تبكي وتخيلوا أنها مواصله تقول كيف تتملك في يوم وليله وماهوعاجبها المهر الي حدده الذيب الأمعط يابعد سبدي يالذيب لقيته شارط قبل مايسألني أحبــــــــــــــــــــــــــــــــــــــــــــــ ــــــــــــــــــــــــــــــــــــك ماهو كثير أشوي بس
وأحلى شي يوم شفت الدفتر حق النكاح معه ياويلي ويلاه يازين هالدفتر زيناه بغيت أطق عبايتي وأروح معه ...زوجي صح
وهذا أنا زواجي قريب وتراكم معزومين وأبشروا بالخير بس يمكن تشوفوني أرقص من الفرحه العذر والسموحه ياالله وناسه ياحضي يازين العرس زيناه
وأبشركم جهزت أسماء أعيالي بجيب ثلاث كلهم ذيابه
واحدن أسمه ملحوق
والثاني : مسبوق
والثالث: مطرود


والله يعز الحكومه
والعذر والسموحه
يالله فمان الله
اتمنى عجبتكم القصه ويالله الي
عجبته الله لايهينه يرصع على
زار التقيم
وها وانا اختكم لاوصيكم بالردود السنعه
والاعجاب
وطبعنا مثل مكتاتبة فوق الروايه ملطوشه

__________________________________________________ __________
::

الله يعطيك العافية على ماقدمتِ أختي الفاضلة
دمتي بخير

::

__________________________________________________ __________
سلمت يداك ع ماقدمتي
الله يعطيك العافيه
ودي ,.

ههههههههههههههههههههههههه
تسلم يمناك تجنن تهبل
يالبيه يا سلطان