رواية ياخاطفي وين القى عزتي في زمن المذلة رائعة
عنوان الموضوع : رواية ياخاطفي وين القى عزتي في زمن المذلة رائعة
مقدم من طرف منتديات الشامل
بسم الله الرحمن الرحيم
اليسلام عليكم ورحمة الله وبركاتة
احبتي احببت ان انقل لكم هذه الرواية للكاتبة على شاطئ النسيان
اتمنى ان تنال على رضاكم
((الـــــبـــــــــــآرت الآول ))
بالـــــمــــديــــنـــــــه …
كانت واقفه على مرآيتهــآ تتــــامــل ملآمحها ...بكل دقه ..كآنها ما سبق وتاملت نفسها
تنهدت ورفعت شعرها عن وجهها وقبل لاتمسك فرشتها ....انفتـــح الباب بقوووه
انخرعت وطاحت فرشتها من يدها
هنادي بصراخ : شـــــــــوووووقــــــــــــــــه ..
شوق : ولعنه تلعن هالوجه ماتعرفين شي اسمه فتح الباب بهدوء ونعومه ...دايم كذا دفشه
هنادي : هههههههههه كالعاده يالناعمه انخرعتي ..
شوق : ايه انخرعت طيحتي قلبي ..يوم بتصيبني سكته وانتي السبب
هنادي : اقول الحقيني بالصاله ترى محد ماخرنا غيرك
شوق : جايه وراك يالبطه ..... بس ارفع شعري .....رفعته أي كلام وراحت للصاله
بالصاله البنات كلهم مجتمعين
ريم: انا ابي من كودو ..
شهد: لا من ماكدونالز
سمر: انا ابي شي يشبعني مرررررررررررره .....جات شوق وجلست
مها: وانتي شوق ويش مشتهيه عشاء
شوق: ويش اتفقتوا عليه
مها: كل وحده تبي شي
سحر: مو انتي قلتي اطلبو اللي خاطركم فيه والحساب عليك
مها: ايه قلت بس مو كل وحده من ديره نجيب طلبها
شوق : ويش رايكم نجيب مشاوي من الركن الشامي
رغد: يم يم يم ....ماعندي مانع
سحر: وانا موافقه
سمر: واكيد ماعندي أي اعتراض دامها مشاوي
هنادي : يعني خلاص موافقين كلكم
الكل: أيــــــــــــــــــــــــــــــــه ...
ريم: بس جلالي ماهو هنا راح مع ابوي للمزرعه
شهد: شغلي مخك ياغبيه في اختراع اسمه توصيل طلبات
سمر: مهاوي تكفين دقي تراني جوعانه
مها: طيب الحين ادق ... مسكت التلفون وكلمت المطعم ...
مرت ساعه والبنـــات يستنون الطلب اللي لسى ماوصل
رغد بتافف : الحين يوصل الاكل بارد تاخروا مررره
سحر شوي وتبكي : ماني قادره اتحمل ...خلاص جعت مررره
شوق : انتم ماعندك شوية صبر اكيد عنده توصيل لناس غيرنا
هنادي : آآآآآآه بس لو بالحاره في مطعم زين ... حسافه
طــــــــــــــــــــــــن طـــــــــــــــــــــــــــن ....طـــــــــــــــــــــــــــــن طــــــــــــــــــــــــــــــــــن
رغد وسمر وسحر وقفوا ...
سمر : اكيد وصل العشاء ..... بسرررعه سحبت رغد وسمر عبايتهم ونزلوا للدور الاول
<< طبعا بيتهم عباره عن ثلاث ادورا دورين فيها مستاجرين والدور الثالث شقتهم والملحق في السطووح طبعا مدخل بيتهم مستقل عن مدخل المستاجرين وعمارته على قد حالهم بس فيها فخامه شووي لكن تدل على قدرته الماليه اللي تتعبر كويسه ...>>
....: هـــذا بيت محمد القايد
رغد: أيــــــــه ... انت المطعم
سمر: غبيه انتي والا تستهبلين هذا الدليفري ماهو المطعم بكبره جاي
رغد : اص اص فشلتينا
....: انـــا موصل الطلب تفضلوا هذا طلبكم
رغد: كم الحساب ؟؟...
...: 180 ريال
سمر: آآآخ يازين ريحة الاكل هاتي عنك الاكياس ..
واخذتها وطلعت ورغد تسب وتلعن فيها لانها فشلتها عند الرجل
رغد: عندك صرف 200 ؟؟
...:: ايه في .... صرف لها الفلوس ..وراح ...رجعت للبيت ولقتهم يجهزون العشاء
رغد: سمروووه ووجع فشلتيني عند الولد ...ياليته هندي ...سعودي بعد
هنادي شهقت : سعودي انتي متاكده
رغد : ايه بس الخبله ذي سمر فشلتني معاه كانها ماعمرها شافت اكل
البنات : ههههههههههههههههههههههههههههههههههههه
ريم: عادي عادي اكيد بيعذرها شوفيها كيف تحضر الاكل باين انها ميته جووع
شهد: ايه واضح انها جوعانه
هنادي : خلصتو تقليط السفره ..؟؟
شوق : بدل هذا تعالي ساعدينا وانتي حاطه رجل على رجل وتسالين
هنادي: سووري انا اذا جعت فيوزي تطفي.. وتصير قواي منهاره
سحر: عساه دوووم ياربي ... رمت هنادي عليها علبه المنديل
هنادي : اعوذ بالله منك
نتعرف عليهم ..
(( ابو مها عمره 50 سنه متقاعد وفاتح له محل عقار يرزق منه ..
مها 28 سنه مدرسه E في قريه ماتجي الا خميس وجمعه من القريه
وهي ماتزوجت الى الان ..
رغد 21 سنه تدرس كيمياء في الجامعه وراح نتعرف على شخصيتها من الروايه
ريم 19 ثالث ثانوي علمي وطبعها هادي لكنها ملقوفه وفيها جراءه لكن بادب
هنادي 18 ثاني ثانوي ادبي بنت مرجوجه وماتحسب أي حساب للي تسويه اهم شي تسوي اللي براسها حت لو كان غلط وعندها حب المغامره بشكل فضيع وراح تتعرفون عليها اكثر بالاحداث
نجي لبنات ابو راكان ... طبعا ابوه وامهم ميتين وعمها هو المسئول عنهم بعد وفاة ابوهم ومايفرق بينهم وبين بناته عشان كذا مايقولون له الا يبه
شوق 22 سنه ماتدرس تركت دراستها واهتمت بتربيه خواتها بعد وفاة ابوها لان امها توفت بعد ماولدت اخوها راكان اللي ما عاش الا اسبوع وتوفى بعد امه
شهد 21 سنه تدرس كيمياء مع رغد وبجامعه واحده وشخصيتها مغروره وقويه لدرجه ان ماحد له سلطة عليها حتى عمها وهي اللي متوليه امورها بنفسها وانانيه لدرجه فظيعه لكن بداخلها حنان بس ماتحب تبينه ابدا وعلاقتها مع رغد علاقه قوويه مره كانهم تؤائم
سحر 18 تدرس ثالث ثانوي علمي ممتازه بدراستها حالها حال نفسها محترمه جدا وفارضه على الكل احترامها .
سمر 16اولى ثانوي اصغر البيت متعلقه باختها شوق مرره ..وراح نعرفها اكثر واكثر
:::
:::ب
:::
:::
..بـــــمــــــكــــــآن ثــــآنـــــــي وديــــــــره ثــــــــآنــــيـــــه ..
...: كيفك اليوم ؟؟
...: الحمدلله زين ... والشــــلــه وينهم ؟؟!
...: قصدك القروب لسى ما اجتمعوا
...: متى ناوين يجتمعون ان شاء الله ؟
...: مدري عنهم ...بس تعال معاي للكراج تشوف الدراجه اللي وصلت من المانيا
...: هي وصلت ...متى ..وليش توك تقول لي ؟؟؟
...: هو انت فاضي لنا مانشوفك غير من فين لفين ... يالله تعال معاي
...: يالله مشينا
:::
:::
:::
هنادي : ياسلام احس اني صحصحت ... بعد الاكل
شهد ترتكي على الكنب : اظن مابقى مكان اشرب ببسي
سمر: الله يخليك يامهاوي كسبتي فينا اجر الليله
رغد: مهاوي كل اربعاء العشاء عليك سلامة وصولك من القريه
مها: ياسلام المفروض انتم تعشوني مو انا اعشيكم
شوق: يفداك العشاء واصحابه خلاص الاسبوع الجاي راح نعشيك
ريم: يازين الواحد لاصار معه راتب يقدر يجيب اللي يبي
مها تتفل على نفسها : بسم الله علي ...اذكري الله يابنت
ريم: مشاء الله ماشاء الله
شوق: يالله كل واحد تروح تنام الساعه 12 وبكره ورانا روحه للمزرعه
شهد تآفف : يوووه نسينا انك تعشقين العفن ....الله وهالمزرعه نخلتين وشجرتين وفرحانين فيها كل اسبوع رازين الوجه فيها
سمر: احمدي ربك في غيرنا يتمنى ارض فاضيه يطلعون فيها وحنا مزرعه وماهي عاجبتنا
مها: لولا هذي المرزعه ماكنا نحلم اننا نكون بحالتنا هذي
شهد : طيب ترى ماقلت شي عشان تشبون فيني؟؟
شوق : خلاص بليزز اسكتي ..
شهد : ماني ساكته ...عندك اعتراض انسه شووق
مها: بس بس بتبدون بالهواش ...يالله شووق خلينا نروح غرفتنا
شهد : احسن هوونا شوي ....كاتمين علي انفاسي
شوق عصبت : شـــــــــــــــــــــــهـــــــــــــــــــــــــ ـــــــد ...احترمي اللي اكبر منك..
مها: الظاهر مالقيتي اللي يربيك يا شهد
شهد: مخليه التربيه لك يا ابله مها
شوق: شهـــــد وبعدين معك ...الظاهر مثل ماقالت مها ما لقيتي اللي يربيك
شهد: أي تربيه.... انتي اخر وحده تتكلم عن التربيه ...رجاء لا تلوثينها وانتي تتكلمين عنها ....اصلا اصيع وحده بالبيت وماعرفت التربيه ابدا ..انتي بلا منازع
ماحست الا بكف على خدها الناعم من مها اللي حست كلامها سكاكين تقطع قلبها وتجرحه قبل تجرح قلب اختها .... الـــكــــل منصدمين ما توقعوا ان مها بيوم تمد يدها على احد لانها رقيقه وماتحب شي اسمه ضرب
شـهد : تمدين يدك علي يامها ؟؟!!
مها: انتي اللي حديتيني امد يدي عليك لانك ما تثمنين كلامك قبل تقولينه
شوق والحزن مكتسيها : خلاص يا مها اتركيها
شهد : هين يا مها راح تدفعين ثمن هالكف غالي
مها : ويش بتسوين بتقتليني مثلا ..
شهد تبتسم بخبث : طبعا لا يا انسه عانس ... بخليها لك مفاحاءه
رغد تسحب شهد: خلاص يا شهد امشي معي تكفين
مها: لا خفت منك انا ..مابقى الا بزران تخوفني ..
ريم: تعوذوا من الشيطان ياجماعه .. ومايصير اللي تسوونه
مها معصبه مرره: كيف نتعوذ من الشيطان والشيطان عايش معانا طول حياته
شهد وصلت معها انا شيطان ياحقيره يا واطيه ..
شوق تسحب مها: خلاص يامها مشينا يالله خلينا نروح الغرفه عشان خاطري
شهد: والله لا اوريك انتي وشوق هين ..
راحت معصبه لغرفتها ولحقتها هنادي ورغد ..... ومها وشوق اتجهوا لغرفتهم لانهم مع بعض
:::
::::::
في شــــقــــه عزابيـــه عــــلــــى قـــــد الـــــحـــــآل ..
جآء من شغله تعبان رمى نفسه جنب خويه واخذ كاس ماء يروي ظمأه
يوسف: يؤؤؤؤه شكلك تعبان
عبدالله: تعبااااااااااااااااااان مرررررره
يوسف : سلامتك ويش متعبك ..؟؟
عبدالله : الشغل تعرف كرف على قلة فايده
يوسف : ياخي اترك هالشغل وكمل دراستك زين لا تشتت عمرك
عبدالله : ومن يصرف على امي واهلي لاتنسى أن اخواني صغار مابي اقصر عنهم بشيء
يوسف : بس انت اخر سنه وتخلص وان شاء الله تتوظف وماله داعي شغلك الحين
عبدالله: مقدر ..يا يوسف انت ادرى بالحال
يوسف : بس هذا اللي شاغلك وتاعبك ؟
عبدالله: ايه بس هذا
يوسف : حط عينك بعيني ..... قلبي يقولي بك شي ثاني
عبدالله: لا طمن قلبك مافيني الا العافيه
يوسف سكت حس انه متضايق ومايبي يتكلم ..خلاه على راحته
:::
:::
:::
بــــــجـــــــده وتـــحديـــــدا ً باستــــراحـــــتــــــه ..
رامي : وين فهد اختفى ؟؟
وليد :راح يكلم راويه .
رامي : مو تركته راويه ايش خلاها ترجع له ؟؟
وليد: يا حبيبي هذا فهد اللي كل البنات يجرون وراه ..عز ومال وجاه وفوق هذا كله جمال يعني تركته هي الخسرانه لانه بكل سهوله كل يوم مع وحده مافرقت عنده راحت او رجعت
رامي : احساسي يقول ان في سر بينهم مو صداقه وبس او على قوله تسليه وراح يتركها مثلها مثل غيرها ... احس في شي بخصوص الشغل
وليد: ايه يمكن بينهم شغل او بينه وبين ابوها
رامي : اكـــيــــد هذا الاحتمال الراجح ...الا ليش اتاخروا الشباب
دخلوا مجموعه شباب
....: هااااااااااااااااااااي
رامي ووليد: هايات ..
وليد: كل هذا تاخير؟؟
ريان : طفشت تصور لفيت جده مالقيت قطعه للدراجه
خالد: قلت لك استورد بس العناد الله يكفينا شره
ريان: مجنون استورد احسب كم يوم تتاخر راح تاخذ شهر واكثر بعد
سامي : يا فهد ....فهيدان وينك
فهد: جاي جاي ... يالله حياتي توصي شي
راويه: سلامتك حبيبي بس لاتنسى موعدنا يوم الاحد
فهد : اكيد مستحيل انساه هاليوم انتظره بفارغ الصبر
راويه : سيووو بيبي
فهد : سيوو .... طالع مده المكالمه الي ساعه الا ربع تقريبا وابتسم ..ورمى الجوال على الكنب ..واتجه لاصحابه يكمل سهرته معاهم...
ريان: بدري يا فهد لو طيقت حنك بعد معاها
فهد: بنات سخيفات ..ماعندهم سالفه
وليد: اجل ليش تكلم دامك تحتقرهم
فهد: وانت ويش يخصك ... بس اقول سويت الموقع
وليد: ايه سويته
فهد: وريني ..لاني بسافر بكره
الكل: ويـــــــــــــــــــــن ؟؟!
فهد: الرياض .. الوالد محتاجني بالشغل شوي
رامي: مطول هناك
فهد: والله مدري على حسب الشغل يمكن اسافر برى اذا كان لازم اروح
خالد: ترجع بالسلامه ان شاء الله
فهد : الله يسلمك .. يالله وين الموقع ...
:::
:::
ر
:::
:::
يوم الخميـــس الـــــســـاعـــــه 11
شوق تفتح باب غرفة البنات
شوق: يالله يالله تأخرنا هيا اصحوا
هنادي: خلينا شوي ..وتغطي نفسها بالبطانيه..فتحت شوق الستاير
سمر: حرام عليكم ابي انام
ريم كانت صاحيه من الساعه 9 ..
ريم: يالله ابي اروح اشوف الصقر الجديد يقول ابوي جاه هديه اسمه الجارح
سحر قامت معصبه : قال صقر قال هذا اللي فالحه فيه اخذت سلتها ودخلت الحمام
راحت شوق لغرفه رغد وشهد تصحيهم ..وبعدها دخلت غرفتها ترتب اغراضها وتجهز نفسها
مها: يالله يابنات يالله ويش ذا التاخير ورانا مشوار 120 كيلو ..
هنادي: اوووف خلونا نعرف نفطر ياربي ... وكملت فطورها
سمروسحر معصبين ماشبعوا نوم ..ورغد توها صحت وشهد لسى وطبعا هي اللي دايم تاخرهم
شوق جات من غرفتها : وصل جلالي وكل شي جاهز
رغد : بس انا لسى ماخلصت
مها: متى ناويه تخلصين انتي واللي معاك بسررعه اخلصوا علينا ..دايم في المؤخره انتم
رغد : الحين بروح اقول لها ...
:::
:::
:::
..: الـــــــــووو... حولني للشركـــــه بســـــرعـــــه ... بعد خمس ثواني
...: هـــــــــلا يا طويل العمر
...: هـــــلا سلطان ..انا وقعت كل الاوراق ودرست الملفات اللي راح ارسلها اعتمدها واللي غيرها كنسلها ..اوك
...: ابشر يا طويل العمر ..اي اوامر ثانيه
...: انتبه للشركه خلها بعيونك ...
...: لا توصي حريص
...: اي شي يصير كلمني ...مع السلامه
...: صار ...مع السلامه
رجع راسه على الكرسي .. شاف اللوحه اللي دايم يطالعه لكن ركز عليها ويحاول يفهم تفاصيلها ...
بدت تقتحم تفكيره ذكرياته يتذكر كل شي كانه يصير بهالوقت قدام عيونه... لكن بسرعه وقف وطلع لغرفته ...واخذ كل شي يحتاجه ..ونزل ..والخدم وراه بالشنطه
...: ميري انتبهي للبيت بغيابي
...: يس سير
:::
:::
الـــــــــســــــــــــآعـــــــه 1 بالــــســـيـــاره
سمر: اووووف احتريت
جلالي : بنات انا لازم روح سوبر بابا في قول جيب اغراض
شوق : طيب بس تجي رغد وشهد ونروح
مها: متى نوصل قدامنا ساعه مشوار
هنادي: اخيرا جوا ما بغوا
شهد ورغد ركبوا السياره ... والكل معصب منهم لانهم تاخروا
مها: قفلتوا باب الشقه زين
رغد: ايه قفلناه حتى باب العمارة قفلته
شوق : اعطي جلالي المفتاح .. عشان يشيله .. يالله جلالي روح
جلالي : بسم الله الرحمن الرحيم ..الهين ماما في يمشي
سحر: احد بيجي عندنا
ريم : ايه عماتي كلهم بيجون ..
سمر وهنادي : وي وي وي
سحر: يعني خلود وهديل وحنين بيجوون ؟؟
شهد: هذا اللي يهمك .. قالت عماتي بيجون شغلي عقلك شوي
سحر: احد كلمك انتي ... لاتدخلين عصك بشي مايخصك
شوق: وبعدين معكم ..ماتعرفون تسكتون
هنادي : اقول جلالي شغل mbc fm
جلالي : حاضر يا هنوده
هنادي تضحك : محد يدلعني غيرك الله يجبر بخاطرك مثل ماتجبر بخاطري
مها وشوق وسحر وسمر وريم: هههههههههههههههههههههههههههههههههه
مها: خلاص اجل من اليوم بندلعك
هنادي تتغلي : توكم تتذكرون تدلعوني
بعد ساعه وربع وصلوا البنات للمزرعه .. ونزلوا الاغراض كلها ..ودخلوا يرتاحون شوي
شوق: انا بطلع اتمشى لحالي
ريم : نفسي اغير عادتك ذي كل ماجينا على طول تتمشين
شوق: تعودت .. يالله سيووو حبايبي
الكل: سيووووو
شهد: اقول رغد شفتي امس ريماس بالجامعه ايش سوت
رغد : ايه شفتها احسها طاحت من عيني ماعاد بكلمها
شهد : ماتوقعتها تقول عن فاتن كذا
رغد : ولا انا فاتن مرره طيبه ما تستاهل اللي صار لها امس فضحتها قدام الكل
شهد: انا اوريك فيها ان ماخليتها تندم على كل كلمه قالتها ماني بنت ابوي
رغد: انا جيت على اخر المهاوشه قالت لك شي
شهد سكتت شوي : لالا ماقالت لي شي ؟؟
بجزء ثاني من المزرعه كانت بعالم مافيه الا هي
ابوها : شوووقه ...شوووقـــــــــــــــــــه تعالي شوفي وش جبت لك
شوق جات تجري : شــــــــــــجــــــــــــــــره
ابوها : ايه ويش رايك نروح بكره نزرعها بالمزرعه
شوق شوي وتبكي: بس هذي صغيره يبه مرره صغيره انا ابي مثل شجره جيراننا
ابوها : راح نسقيها بعدين تكبر وتصير زي ماتبين
شوق بزعل : طيب طيب .. نزرعها بس يبي لها سنه عشان تصير كبيره
ابوها : اكيد ..يالله شليها بالحوش وحطي لها مويه وبكره اخذك انتي والبنات ونروح نزرعها
اختلطت عليها ذكرياتها ولكن ما انمحى اي شي من ذكرياتها ابدا كل شي كانه مدون في كاتب ودايم تسترجع ذكرياتها فيه .. طالعة شجرتها الشامخه اللي كانت الذكرى الوحيده اللي تركها لها ابوها ...تعشق المزرعه بكل شبر فيها لانها اغلى مايملك ابوها الله يرحمه .. قربت اكثر
وبانت التواريخ المنحوته على الجذع وبعض الاسماء ... لفت يدها على الشجره وخانها دمعتها .. دمعه ذرفتها وتلتها سيول من الدموع بكت بصمت ..وبألم كل شي تحاول تخفيه وما تبينه ..لكن هيهات وهيهات .. صحت من دوامة بكاها على صوت صهيل الخيل ..وصوت ضحك خواتها وبنات عمها .
:::
:::
:::
هنادي : تحرك يالله تحرك ...اووف عنيد هالخيل
سمر: والله لو تشوفك شوق غير تدفنك هنا انزلي بسررعه
هنادي : ليش ما يتحرك الا معاها ويسمع كلامها حتى انا ابيه يسمع كلامي
سحر: ياخبله هذا مربية شووق من اول ما انولد اتركيه وروحي للغلا
(( الغلا اسم فرس ابو مها ))
هنادي : عاد انا مابي الا الجموح ...يعجبني يهبل بالله بالله طالعيه شوفي كيف شكله مزيون
سمر: الله لا يبلنا ويش رايك نوديه مسابقه مزايين الخيول
هنادي اعجبتها الفكره : والله فكره ونكسب من وراه فلووس
سحر: يالخبله تتريق عليك سمر وانتي من عقلك صدقتيها
جات ريم تركض ...: يابنات وصلت شووق هنادي انزلي بسررعه
هنادي نزلت وكانت بتطيح ومسكت المشط مسويه تنظف الخيل
شوق دخلت وصفرت واتجه بسررعه لها الخيل وصار يتمسح فيها
هنادي: يا بختك ودي يسوي لي مثل ما يسوي لك
شوق تركب عليه وتضحك: حلم ابليس بالجنه ..ولا عاد اشوفك تتلقفين عليه
هنادي: من زينه ياربي لك الحمد ... القرد بعين امه غزال
الكل: هههههههههههههههههههههه
شوق : اجل ليش مقهوره .. ؟؟
هنادي تصد عنها وتمشي: ومن قال مقهوره .. امشوا نروح لابوي يورينا صقر خويه اللي جابه هنا
ريم: وع على بالي كبير طلع نتفه صغير ..
شوق راحت تتمشى بالخيل ..وطنشت البنات وهم طفشانين يستنون وصول بنات عماتهم عشان يبدون بالفله والوناسه واللعب
سمر وبصوت يخوف : بـــــــنــــــــــات بقولكم شي بس اول شي اوعدوني يكون سر بيننا
سحر وريم وهنادي تحمسوا: قولي وسرك ببير
سمر: طيب بس خلونا نجلس على الارض واقول لكم .... طبعا جلسوا بسرعه وسووا دائره
سمر: شفتوا المزرعه اللي جنبنا ؟؟
الكل: ايــــــــــــه ..علامها ؟؟!!
سمر: اخر مره جينا هنا ... (قالت بخوف منهم ).. رحت دخلتها ..............< تنتظر ردة فعلهم
الكل: طيب وبعدين .
سمر: يؤؤؤ يابنات تجنن احس اني خارج المملكه مو هنا بالصحراء القاحله تهبل وكبيررررره قد مزرعتنا مليون مررره
سحر: تتكلمين جد والا تمزحين
سمر : قسم بالله ..بس اسمعوا خطتي
الكل : ويش هي ؟؟
سمر: ويش رايكم اذا جات هديل وحنين وخلود ...نروح لها ابيكم تشوفونها بس تظل سر بيننا
البنات متحمسين : اوكي صار
ريم : خلونا نرجع يمكن وصلوا ..
سحر: ايه نروح نشرب مويه لاني عطشانه ..واكل لاني جوعانه
هنادي: عمري ما شفتك شبعانه ..مشينا هيا ...
ورجعوا للبيت اللي بمزرعتهم
(( طبعا مزرعتهم كبيره وكلها نخل لان المدينه معروفه بنخلها وفيها بيت عباره عن اربع غرف وصاله وحمامين <وانتم بكرامه < وقسم الرجال غرفتين وحمام وخارج البيت ..في بيت شعر عشان ايام البرد يجلسون الرجال فيه ..وبالمزرعه اسطبل خيل ومكان فيه طيور ..يعني مزرعتهم بسيطه على قد حالهم وهي بالاساس مزرعه ابو شوق وعمها بعد وفاة ابوها اهتم فيها اكثر وكسب من تمر نخلها )
:::
:::
:::
عبدالله: يوسف ويش فيك وجهك اصفر
يوسف : مدري شكل نوبه الربو بترجع لي احس صدري مكتوم .
عبدالله : اخذت دواك
يوسف : لا ما اخذته .. اصلا هو مخلص لازم اشتريه
عبدالله : هاته اروح اشتري لك والا تبي نرجع البيت ترتاح وبعدين نروح نشتريه
يوسف نرجع للبيت احسن مابي اكلف عليك
عبدالله: اي كلافه حنا اخوان مو اصحاب ...مابي اسمع منك هالكلام مره ثانيه وخلنا نروح للبيت احسن .
يوسف : اي والله خلنا نروح بدل الجلسه بالكوفي والكتمه
عبدالله: طيب يالله نروح للبيت ... اخذ خويه وراحوا للشقتهم حقت العزابيه اللي فيها 6 اشخاص
<< عبدالله 24 سنه يدرس بالجامعه الاسلاميه ويحضر هذي السنه ماجستير باللغه العربيه
واهله ساكنين باحدى قرى المدينه وهو يشتغل ويدرس حتى يصرف على اهله ويامن علاج ابوه المقعد وامه اللي فيها مرض السكر ..ويامن لاخوانه واخواته الصغار حياه كريمه تغنيهم عن الجمعيات الخيريه
يوسف 24 سنه صديق عبدالله وتؤام روحه معاه من كان صغير ودايم يساعده حاله ميسور وساكن مع عبدالله لان اهله بالرياض وابو متقاعد بعد ماكان بالسلك العسكري
وراح نتعرف عليهم اكثر بالاحداث
:::
:::
:::
بالمزرعه ..وصلوا عمات البنات وبناتهم واولادهم
ريم : كيف حالك هدوله ياقاطعه من زمان عنك
هديل: تعرفين ثالث وربي ما افضى من الاختبارات
سحر: عاد انتي بمدرسه خاصه يعني مدلعينكم
هديل : امي هي اللي حاجره علي ويش اسوي
سمر: وانتي خلود ويش اخر اخبارك
خلود: تمااااااااام .. ما ناقصني غير اسير عليكم خخخخ
هنادي : حياك الله البيت بيتك
مها: عمه جميله ليش ماتجون وتنامون عندنا
عمتها : يؤؤؤه والبزارين راح يصجونكم
ريم: طيب خلي خلود تجينا ويش ذا ما نشوفكم ابد
عمتها: خلاص اجل كل اربعاء ابخليها تجيكم
هنادي : وانتي بعد حنين ..وهديل تعالو ويش دعوه غير نعزمكم
حنين تاشر على امها : قولي لامي هي اللي ترفض
<< ام هديل 38 سنه
هديل اكبر اخوانها 18 سنه ثالث ثانوي علمي
حنين 17 سنه ثاني ثانوي علمي
رائد 10 سنوات رابع ابتدائي
راكان 8 سنوات ثاني ابتدائي
زياد 5 سنوات
<< ام خلود 35 سنه مدرسه عربي
سامر 21 سنه يدرس حاسب ولد مثقف ومتواضع مرره لكنه غامض
خلود 19 سنه ثالث ثانوي ادبي فلاويه وشخصيتها نفس شخصيه هنادي
محمد 14 سنه بالتموسط
عزام 6 سنوات بالتمهيدي
هنادي: اقول بنات خلونا نطلع نتمشى برا ونلعب ..وغمزة للبنات
وطبعا سحر وريم وسمر فهموها وطلعوا ..وهديل وحنين وخلود ما مشت عليهم يعرفون بنات
خوالهم زين وعرفوا انه في شي ..بعد ما طلعوا
حنين: ويش عندكم ...تحسبون مشت علي نتمشى ونلعب
خلود: مانتم خالين فيكم شي ..
ريم: اسكتوا والحقوني ..ونتكلم بعيد احس المكان في رادار .. مشو شوي وبدت سمر تتكلم
سمر: شوفوا انا بوديكم لمزرعه جنبنا بس لا تقولون لاحد وخلوها سر بيننا
هديل : وليه طيب نروح لها؟
سمر: ابيكم تشوفون المسبح والعز .. مو مزرعتنا على قول شهد نخلتين وفرحانين فيها
حنين : حلوووه سمووره ؟؟
سمر: انتي شوفي واحكمي ...طبعا تحمسوا البنات لانهم مايقلون لقافه عن بنات خالهم
<<< شكل اللقافه وراثه بالعايله ..خخخ
مشوا شوي وفتحت لهم سمر مكان دخلوا منه على للمزرعه
البنات : وآآآآآآآآآآآآآآآآآآآآآآآآآآآآآو ..
شافوا اطراف المزرعه كلها زرع وورد احمر واصفر وابيض ومنسق بطريقه تجنن وفي احواض دائريه فيها اشجار .. وفي زي الشلال منظره ابداع ..
سحر: يا ويل حالي بس .. جنان
سمر: توكم ما شفتوا شي تعالوا تعالوا ..ومشوا وراها وودتهم لمكان فيه جسر خشبي مرووا من فوقه واتجهوا لنص المزرعه .والفله بالوسط شامخه
ريم وهديل: البيت يخبل
هديل: انا بتزوج صاحب هالمزرعه شكله مليونير
حنين : سمر باقي شي ما ورتينا هو
سمر : يوووه باقي المسبح والملحق الارضي وقسم شكل عندهم احد رسام
حنين تدفها : يالله ورينا بسرررعه ..وراحوا لقسم المسبح شكل بيضاوي والوانه هاديه سماوي وابيض
هنادي : ودي ارمي نفسي فيه ... دفتها سحر
هنادي : هيه لاتصدقين بس منظره يغري مرره ...
كانت هديل سرحانه دخلت جوا .. والجو هادي جدا ..جات ريم من وراها ورمتها بالمسبح
غطست بالمويه وعلى طول وقفت وهي تمسح وجهها
هديل : هين يا ريموووه انا اوريك .
طلعت من المسبح وهي تعصر عبايتها وتمسح وجهها من المويه .. حاولت تجي ريم غدر لكن ريم هربت بسررعه .... ركضت وراها
ريم تضحك: ماراح تمسكيني
هديل تصرخ عليها : والله لا اوريك واغطسك زي ما غطستيني .. نزلت عبايتها ريم ورمتها على الكراسي اللي مقابله للمسبح وبقت ببنطلونها الجنيز والبدي الابيض الحفر ..والبنات يضحكون على شكلها لانها متحمسه مرره
هديل : تحسبين راح تمر هالمره سالمه ...والله لا اخليك تترجيني .. وصارت تركض وراها ولفوا من ورى البيت ..اخذت هنادي عباية ريم وراحوا البنات وراهم ..
سمر: غبيات كنت بوديكم لمكان ثاني احلى
حنين : خلونا نروح نقول لهم يرجعون ..ولحقوهم ..
ريم تطلع لسانها لهديل : ياحرام ماتوقعت ماعندك لياقه بالركض ..
هديل : الوزن له دور ب الحمدلله مافقدت لياقتي للحين
ريم : شوفي انا وين وانتي وين ... كانت هديل واقفه تستريح .. وفجأه ركضت .. وريم ركضت بسرررعه ماتدرين وين تروح .. وراحت باتجاه البيت اللي تشوفه اللي هو الملحق
:::
:::
:::
وصل للمطار ... وبعد مانزل من طيارته الخاصه ..
فهد: السلام عليكم
الكل: وعليكم السلام
سالم: حياك الله يا استاذ فهد
فهد: الله يحيك .. وين الولد
سالم : في البيت ينتظر وصولك ..
فهد : طيب قول للسواق يتجه للقصر ..
سالم: ابشر .. روح لقصرالعم ابو رياض
فهد (( ياترى ويش يبي ابوي فيني معقوله عرف عني شي ...لالا ما اتوقع بسس ابوي له معارف كثير.. يالله ياخبر اليوم بلفوس بكره ببلاش .. الله يكون بعوني على الغثاء اللي راح اشوفه هنا .. ))
بعد ربع ساعه وصل لقصر ابوه بارقى احياء الرياض
الـــــفـــيــصـــلـــيـــه ..
ابو رياض: هلا وغلا بولدي فهد .. تو مانورت الرياض
فهد يبوس راس ابوه ويده : بوجودك يبه .. كيف حالك عساك بخير
ابوه: الحمدلله يا ولدي بخير ولله الحمد بشرني ويش مسوي بجده
فهد : زين احوالي ماشيه ومانقصي شي
رياض : اقول فهد ليش ماتجي تعيش معنا بالرياض .. توقع فهد هالكلام منهم
فهد: لالا انا الحين كبير ومعتمد على نفسي وطول حياتي عشتها بجده ..مقدر اجي واعيش هنا فجاءه
رياض: على راحتك بس حنا ماودنا تكون بعيد عنا
ابو رياض : كلام اخوك هو عين الصواب وانا ابوك عيش عندنا يمكن تحتاجنا بشي
فهد: ودي يا يبه بس مابي خلني على راحتي
جات اخته نائله ومعاها بنتها
نائله بعد ماسلمت عليه : شخبارك يافهد من زمان عنك
فهد: بخير دامك بخير .. كيف العيال وابوهم
نائله : بخير الحمدلله
فهد: مشاء الله كبرتي يا ليان
ليان حمر وجهها من خالها لانها ماهي متعوده عليه : ايه متى اخر مره شفتني فيها
فهد: هههههههه مذكر حقك علي .. وين ندوش
ليان : الحين تنزل .. ما يمديها سكتت الا جات ندى
ندى : هلا وغلا باخوي فهد .. بعد ما سلمت عليه وباستها
ندى : مالت على ذا الوجه ماتقول عندي اخوان وخوات اجي ازورهم
فهد: ويش اسوي الدنيا مشاغل
ندى : اخص يالمهم .. بتفهمني انك مانت فاضي يا عم
فهد: ماتتركين حركاتك ..
ندى : ياخي بتوحشنا شو بنعمل
ليان: اقول خالي منت ناوي تتزوج .. والا مطول عزابي
فهد: لسى بدري ابي اكون نفسي
ابوه: ويش بدري الله يصلحك ياولدي انت خلاص دخلت الــــ30
ليان وندى مصدومات ..وتغيرت ملامحهن
ندى : يبه افا عليك بس ..ويش حلاة اخوي علامك كبرته بيصك الــ30 اسم الله عليه يهبل
ليان: شكلك مخبط جدي اتوقع عمرك ياخالي 25 سنه كحد اقصى
فهد ابتسم : سمعت يبه لسى بدري علي عمري 25 وجلس يضحك
؛؛؛
ويش راح يصير للبنات بالمزرعه الغريبه ؟؟
ومين فهد ..؟ وويش قصته ؟؟
وويش راح يصير لعبدالله ؟؟
وشهد ويش مخبي لها القدر ؟؟.. وفاتن صديقتها ايش راح يكون اثرها بحياة شهد ؟؟
رغد وشوق وهنادي ... كيف راح تبدا حكايتهم ؟؟
قراءه ممتعه
:::
::
<center> >>>>> ردود الأعضـــــــــــــــــــاء على الموضوع <<<<<
================================== </center>
احبتي هذه الراية بين ايديك اتمنى ان تنال على رضاكم
__________________________________________________ __________
الـــبــــــــــآرت الـــــثـــــآنـــــــي ...
؛؛
؛
مدري لـ شنهو ( موعدي ) ( وانتظاري )
مادامت أيامي قليلة \\ محاصيل
في داخلي نزعة خفـوق انتحاري
حلم ٍ تكسر في ثنايا // التفاصيل
واثر × إنكسآر× الحلم يعني ×إنكسآري×
بغيت آكمل وإنكسر فيني / آلحيل !!
بالمزرعه ...
هديل : هين انا اوريك بس لاتشردين
ريم: اذا لحقتيني ومسكتيني سوي الي تبين .. وركضت ..وهديل لازالت وراها تحاول تمسكها
حنين ترفع صوتها عشان يسمعونها : خلونا نرجع اكيد يدورون علينا
هنادي : ارجعو بعدين تكملون
هديل : وراك وراك والزمن طويل
سمر: ما تعرفونهم عنيدات .. مافي فايده ابد ابد ابد <<فاقده الامل
سحر: كأن الجو صار غيوم ...رفعوا عيونهم للسماء وشافوا الغيوم
خلود: ياسلام شكل بينزل مطر
هنادي : يارب ياكريم ينزل مطر
البنات يارب
حنين : شكلهم مطولين امشوا نروح وهم يخافون ويرجعون
سمر: ايه يالله بيلحقوننا ..
.لفوا بيمشون عشان يلحقونهم ..لكن سمعو شهقت هديل ولفوا يشوفون ويش فيها
:::
:::
:::
بـــــشـــــقـــة الــــعزآبـــيــــه
بعد ما ارتاح يوسف واجتمعوا الشباب وسولفوا ...الكل راح يخلص اشغاله بعد المغرب ما بقى الا هو وخويه اللي مثل ظله عبدالله
يوسف: عبوود ويش بك سرحان فيك شي انا متاكد
عبدالله: الحمدلله مافيني شي
يوسف : انت من جيت امس بالليل وانت فيك شي امس سكت عنك قلت يمكن متضايق ماتبي تتكلم لكن الحين ماراح اتركك لين تقول لي ويش فيك
عبدالله: بقول بس لاتضحك علي ... اوكي
يوسف : افا انا اضحك عليك ... قوول
عبدالله : امس شفت لك بنت عيونها حرمتني النوم
يوسف اعتدل بجلسته : طيب ليش مارقمتها ياخي وريحت راسك
عبدالله : مدري ويش صار لي يوم شفت عيونها تلخبطت احس الدنيا مافيها الا انا وهي قدامي .. وماقدرت اقول كلمه وحده
يوسف : يووووه حالتك متاخره مرره ..
عبدالله: والله يايوسف ماراحت عن بالي ..انا اللي عمري مافكرت بالبنات والحمدلله من المسجد للبيت ومن البيت للجامعه والشغل واتحاشى البنات ..بس هذي غير غير عنهم دخلت قلبي من مره ...
يوسف: هذا ياطويل العمر يسمونه الدكاتره النفسيين ..حب من اول نظره ياعزيزي
عبدالله: اقول يوسفوه ويش السوات الحين ابي اوصل لها
يوسف يفكر : طيب اعطني فرصه افكر واعطيك حل يعجبك ..بس اصبر علي
عبدالله: خذ وقتك بس تكفى مابيها تضيع مني
يوسف : طيب افرض لو تكون مخطوبه ..او متزوجه
عبدالله تحطم : مخطوبه !! .. ومتزوجه !! .. انت ما تعرف غير تحطم على ويش يحبونك البنات هاه من جد ماعندك سالفه
يوسف: هههههههه خلاص ياخي حقك علي بس انا اعطيك احتمالات عشان ما تنصدم بالواقع المرير ..
عبدالله يوقف : تاخرت على شغلي لاجيت بالليل نكمل الكلام
يوسف : متى مابغيت تتكلم انا جالس على قلبك
عبدالله : يالله تامر بشي اجيبه لك
يوسف يرفع يده : روح الله يوفقك ياوليدي ياعساني ما ابكيك
عبدالله مات ضحك على خويه وهو يقلد الامهات : من جد مهستر ..سلام
يوسف : مع السلامه ياوليدي انتبه لنفسك ولا تسرع
عبدالله: على خشمي ..وطلع لشغله
:::
بالــــريــاض في هذا الوقت كان صلاة المغرب
ابو رياض : رياض ياولدي
رياض : سم يبه ...امرني
ابو رياض : سم الله عدوك .. اذن المغرب واخوانك نايمين روح صحهم ابيهم يصلون معي
رياض : ابشر يبه ماطلبت شي ... راح يصحي اخوانه
جات ام رياض
امه: اقول يابو رياض
ابوه : هــــــــــلا
ام رياض : متى تبي العشاء يكون جاهز
ابو رياض : اسئلي ولدي فهد
فهد : والله مالي كلام بعد كلامك يبه
ام رياض : اجل على 10 يكون العشاء جاهز
ابو رياض : ايه الوقت زين بس دقي على البنات والعيال ابي الكل على العشاء
ام رياض : قلت لهم وان شاء الله الساعه 8 الكل مجتمعين حولك
فهد : الله يخليك لنا يارب ولا ننحرم منك
ابو رياض : ويخليكم لي بعد
ام رياض : امين يارب
<< نتعرف عليهم
ابو رياض 60 سنه من اغنى اغنياء المملكه ..متزوج ام رياض وكان متزوج قبلها لكن طلقها وهي ام فهد ..ومتزوج سوريه لكن طلقها بعد سنه من زواجه
ام رياض 54 سنه هي زوجته وام عياله عاشت كل حياتها مع ابو رياض تزوجها وعمرها 16 سنه وهي تحب ابو رياض ولا ترفض له طلب وهو بعد يحبها
رياض 36 سنه وهو اكبر العيال والبنات متزوج بنت عمه بعد قصه حب وعنده 3 اولاد
نائله 35 سنه مديرة مدرسه وعندها 6 اولاد 4 اولاد 2 وبنتين
سلمى 33 سنه ربة بيت متزوجه لكنها عقيمه
سلوى 33 سنه تؤام سلمى متزوجه وعندها 3 اولاد وبنت وحده
هزاع 29 سنه وهو المدير التنفيذي لمشاريع شركات ابوه متزوج له سنه
نايف 27 سنه تخرج من الكليه الامنيه وهو ضابط لسى ماتزوج
عبدالعزيز 24 يدرس طب ببريطانيا
ندى 18 سنه اخر العنقود تدرس اخر سنه بالثانويه >>
:::
:::
:::
سحر شو وتبكي : تركنها....... تركنا ريم
هديل ترتجف : كيف طلع لنا ما كان في احد بالمزرعه ؟؟
حنين: لازم نرجع لها تركنها لحالها
هنادي : يمه تركت اختي لحالها ... كيف نرجع لها
سمرتبكي : يارب يارب ماصير لها شي ... ماحسوا الا بظل ريم تجري كانها مجنونه
ركضت لها سحر وضمتها وتحاول تهديها لانها خايفه
ريم تبكي وتدفن نفسها بحضن سحر : ليش ليش تركتوني لحالي معاه ؟؟
هديل : صار لك شي .. تكلمي ..قولي فيك شي ... وريم تبكي ماهي قادره تتكلم كلمتين على بعضها
هنادي: قولي اذا سوا لك شي والله لا ارجع له اقتله
حنين خافت من بكاء ريم : ريم... ريوومه تكلمي لا تتركينا كذا قولي سوا لك شي
ريم تصرخ عليهم وهي منهاره : مافيني شي مافيني شي .. وقامت تجري وراحت للبيت
هنادي: اكيد فيها شي
خلود: يمكن من الخرعه ...ماهي قادره تتكلم
هديل : احس بتانيب الضمير انا السبب
سحر ودمعتها قريبه: واحنا نذلات كيف نخليها مع واحد غريب ونهرب
خلود: المفروض يانهرب سوا يا نموت سوا
سمر: اقول خلونا نلحقها لا يشوفونها عماتي وتصير لنا سالفه
حنين شهقت : ياويلي لو امي درت .... بتكفني وعلى المقبره
هنادي: ولو مها تدري راح تكفخني لن اعرف ان الله حق .... ركضوا بسررعه للبيت
:::
:::
دخلت الحمام وقفلت على نفسها وهي ميته بكي ...والموقف يمر قدام عيونها تحس انه حلم مستحيل يكون واقعي .. غمضت عيونها وهي مرتكزه على الجدار ...
ريم: ههههههههه مسكينه تحزنين ..
سمعت شهقه هديل .. وطالعت قدامها وماحست الا وهي بحضن رجال غريب اول مره تشوفه .... من قوة صدمتها فيه طاح الولد وطاحت فوقه ...لحظتها امتزجت شفايفها بشفايفه ... حست في ذيك اللحظة ان الثواني كانت شهور... بطيئه بمرورها او حلم تتمنى تصحى منه بسرعه لكنه كان حقيقه ..حاولت توقف بسرعه لكن في شي يمنعها ويردها على صدره كانت تتحرك بسرعه وبارتباك فظيع كررت محاولاتها ثلاث مرات لكن ما انتبهت ويش اللي يمنعها
طالعت وراها تنادي هديل لكن ما شافت احد وخانتها دموعها ...الولد كان مصدوم ومتالم من قوة الضربه اللي جاته او بالتحديد لانه طاح وهي طاحت فوقه مسكها وثبتها لانها كانت تتحرك وقلب الوضعيه وصار هو فوقه .. تمنت ان الارض تنشق وتبلعها
او انها ماتت ولا صار لها هذا الموقف حست ان نهايتها بهالمكان ومحد راح يحس فيها حتى لو صرخت باقوى ماعندها .. حاول يفك حبل الشورت اللي كان لابسه لانه اشتبك بحزام ريم الحديد كان يرتجف وهو يفكه حاول باقصى سرعته يفتحه .. واخيرا خلص الحبل من حزام ريم وبعد عنها وقفت بسرعه لكن بكل قوتها اعطته كف وراحت تجري واخذت عبايتها اللي كانت طايحه بمكان هنادي واتجهت لمزرعتهم ...
فتحت المويه وقامت تدعك شفايفها باقوى ماعندها تدعك وتدعك
ريم: وع وع وع ...فتحت الدوش وجلست تحته وهي تبكي تحس ماهي مصدقه اللي صار
بعد ربع ساعه طلعت من الحمام وكانوا البنات ينتظرونها برى
سحر: فيك شي ؟؟
ريم: لا بس ابي ارتاح ..
خلود: طيب روحي نامي .. اتجهوا لبنات للصاله اللي كانت جانبيه ومعزوله عن الغرف
ام هديل : وين ريم
هديل : راحت تنام
الكل: ليه ؟؟
سمر: لا بس طاحت على الرمل ودخل بعيونها ..
ام خلود: لا يكون فيها شي .. او عيونها تعروها
هنادي: لالا صح هي منتفخه بس تقول انها ما تالمها ... دخلت ريم ومبين انها كانت تبكي
مها: ريم انتي كنتي تبكي
ريم: لا
سمر: مو قلنا لكم دخل بعينها رمل
ريم: ايه دخل و دموعي من الالم
شوق : اقول لعمي يوديك المستشفى
ريم: لالالا ما يحتاج ابدا بروح اريح لان راسي مصدع .. راحت للغرفه المخصصه للنوم ..ورمت نفسها على السرير وهي تتذكر كل شي
ريم (( ياربي شكله مو انس شكله جن .. بسم الله الرحمن الرحيم ويش قاعده اقول انا اكيد خبطت ..بس جسمه مو طبيعي اول مره اشوف احد كذا عضلاته كانها صخر ))
دخلت عليها سحر وهديل
هديل : ويش اخبار اللي طاحت على مزيون
ريم : وربي انك فايقه ..
سحر : ريم قولي لي ويش صار لك
ريم تغمض عينها وتعدل جلستها : بقول لكم يا نذلات
:::بالرياض بقصر ابو رياض
الكل مجتمعين بصاله الاستقبال
ليان تهمس باذن دانا : يؤؤؤ خالي فهد ..يطير العقل مشاء الله شكله يجنن
دانا : والله انك صادقه .. سكتت شوي ... اقول ماتلاحظين ان تفكيرنا منحرف
ليان تكتم ضحكتها : بقووه منحرف .. ياربي يادنو يرزقني بواحد انتيكه زيه
دانا : بس بس اكلتيه
ليان : لا تنكرين انه عاجبك انا افهم نظراتك
ندى : هيه انتي وياه انطمو ابرك لكم حتى خالك ما اكتفى من شركم
دانا : اي شر خالتوو .. احنا نقول انه مزيون صح او انا غلطانه
ندى : صح.... اخ بس لو ماهو اخوي خطبته لنفسي
ليان ودانا انطلقت ضحكاتهم ... الكل يطالعهم باستغراب الجلسه كانت هاديه ويش يضحكهم فجاءه
ام ليان : ليان اسكتي او روحي لغرفه ندى
ابو رياض : ويش يضحكم يابنتي ضحكينا معاك
دانا : تذكرنا موقف صار بالمدرسه وجلسنا نضحك << دانا وندى وليان بمدرسه اهليه وحده
هزاع بيحرجها : طيب قوليه لنا نبي نضحك
ليان : فيها سوالف حريم مايصلح نقوله قدام الشباب
ام ليان صرخت عليها : ليان ..فووق بسررررررعه
ليان وقفت وراحت بسرعه . ولحقتها دانا اللي خافت من نظرات امها
ندى تحس ان الانظار لها : انا بلحقهم ... وطارت بسرعه لهم
رياض : هههههههه خافوا البنات ... بعدين يا نائله ماله داعي تفشلين البنت عندنا ماقالت شي
نائله : ابيها تتعلم ان مو كل شي ينقال هذي فضيحه زين انها مسكت لسانها
بغرفه ندى
ليان مقهوره: كله من هزاع الغبي
دانا : خلاص انسي بكره انا عازمتك على المكان اللي تبين حلاوه التفشيله اللي صارت
ليان : اوكي ابي نتعشى بمطعم اختاريه بس راعي تفاوت اذواقنا
دانا : خلاص يمكن اوديك المطعم الايطالي
ندى : قسم انك اروق خلق الله ..الحين توكم متهزئين تحت وعلى طول عزمتم بعض ..
ليان : لاتزعلين ..عازمينك معنا
ندى : انا لو بغيت رحت فرنسا تعشيت بإيفل ورجعت مو مطعم ايطالي مالت عليك انتي وهي
دانا : طيب لاتنسينا تذكري اننا متعاهدين على عهد
ندى تحك راسها : يووه نسيت طيب اعطونا اخر خبر وصلكم
ليان تضم الخداديه لحضنها : ابد والله غير ان تونا متفشلين
دانا : اقول ندو ليش ما نخطب لفهد
ندى تضحك : قال له ابوي .. بس هو مايبي وقام يرقعها
ليان تبعد خصلها عن وجهها : شوفي ياخالتوو ماحد يرفض الزواج ويعزف عنه الا ..... وسكتت
دانا تكمل : الا اذا كان لاقي اللي يبغاه
ندى تطالعهم باستغراب : يمه منك انتي وهي ويش هالتفكير الارهابي
دانا : خالتي خلك واقعيه بذمتك كل ولد يبي يتزوج الا اخوك ذا .. ماعمرك سالتي ليش
ندى ببراءه : لا ماعمري سالت
ليان: عشانك دجاجه صقعه .. نفسي تفكرين مره
ندى: اذا فكرت دمرت العالم
دانا ونظراتها اللئيمه : والله خالي فهد وراه سر .. وسر كبير بعد
ليان : نفس الشعور يراودني
ندى بتنجن منهم : اقول الله يخلف على ام جابتكم .. انا لو جلست عندكم ثواني انقلب محلله فسيو بولوجيه
دانا وليان : هههههههههههههههههههههههههههههههه
بالمدينه
هديل وسحر : احلفي ان هذا اللي صار
ريم : قسم بالله
هديل تغمز لها : ويش شعورك وانتي .... يالله تكلمي
ريم : اقول ليتك مكاني بس عشان تحسين بشعوري الحين
هديل : آآآآه اي والله ليتني مكانك واطيح بحضن ذاك المزيون بدالك يا شيفه
سحر: انتي لو تطيحين عليه تجيبين اجله من وزنك يادوبه
ريم: هههههههههههههههههههههههههه ... بس تدرون اني مذكر شكله بس احسه زي الوهم كانه ذكرى مشوشه
سحر : صفيه ياحلوووه ...ههههه
هديل بتقهرها : فاتك يجنن ما توقعت في سعودي مزيون زيه ؟؟
سحر: لا يام الزين كله مخلين الزين لك
هديل: اجبروا ياناس بخاطري ويش ذا صديقاتي يحشون فيني وانتم بعد ..ائهههههههي
هديل : بذمتك يوم تسحبين بنطلونك ما شفتي شي .. رمت ريم عليها المخده
ريم : اعوذ بالله تحسبين الناس كلهم مثلك تفكيرهم نص ونص
سحر: بس حزنت على ذاك المسيكين شكلك قضيتي على نسله ريومه
ريم دمعت عيونها : لا تــــــــــذكـــــــروووووووووووووونــــــــــــــ ي
هديل وسحر: هههههههههههه
هديل : تخيلي لوو يحبك وتصير بينكم قصه حب وتتزوجون وتسوون ليله رومنسيه بالاخير يقول لك تذكرين ياريم يوم طحتي علي ونشب حزامك بسروالي
سحر وريم تسدحوا ضحك : ههههههههههههههههههآآآآآآآآآآآآآآآآآآآآآآآآي
سحر : يافشيله اسمه شورت مو سروال .. وبعدين وت از ذس نشب ؟؟
هديل : ات از ويش يدريني بس انا اقول تخيلي
ريم : عاد كله كوم ونشب بسروالي كوم ثاني
هديل : احد قال له اطلع بشورت لا واثق انه يخقق مو لابس شي غير سرواله اللي مايدخل بزياد
ريم ميته ضحك : يرحم امك لاتتكلمين ابي نفسي ذبحني الضحك
سحر : امانه انتي دايم فاصله كذا
هديل : والله اليوم احس اني شابكه شوي
ريم : اجل لو فاصله بتكونين تدمير
::
::
::
يوم الجمعه الساعه 7 الصباح ..
كانت صاحيه تدور على سلسالها اللي هديه من امها
سحر: بشري ما لقيتيه ؟؟
ريم قريب تبكي : لا مالقيته .. انا متاكده انه كان علي حتى رحت عند الاسطبل مالقيته
سحر: لا يكون طاح بهذيك المزرعه
ريم : تتوقعين انه طاح انا متاكده كان علي تعرفيني ما انزله ابدا
سحر : خلينا نروح الحين ندور يمكن طاح عند السور ...
ريم : طيب قومي بشويش لاحد يحس عشان مايصير زي اللي صار امس
راحت هي وسحر بهدوء عند طرف مزرعتهم يدورون ويفتشون لكن مالقوا شي
سحر : مالنا الا ندخل بذي المزرعه المشؤمه ندور
ريم بخوف : اخاف .. مو كل مره تسلم الجره
سحر: المضطر يركب الصعاب ... واذا تبين سلسالك خلينا ندخل احمدي ربك اني موافقه ومتشجعه
ريم توكلت على ربها : خلا ص يالله ... اللهم اني استودعتك نفسي
دخلوا يدورون لكن بائت محاولاتهم بالفشل
سحر : تراني طفشت
ريم ودموعها على خدها : مقهوره هذا الذكرى الوحيده اللي بقت لي من امي الله يرحمها
سحر : طيب ويش نسوي مالقينها حتى هنا دخلنا...... يمكن نسيتيه بالبيت وانتي متوهمه انه عليك
ريم : قلت لك متاكده ..يعني متاكده
سحر: خلينا نرجع تكفين مانقصنا مشاكل لو يصحون ومايلاقونا راح يسوون لنا سالفه
ريم : ياررررررربي امشي هيا ..
رجعوا للبيت وهم راجعين قابلو ولد عمتهم سامر .. استغرب انهم صاحين بدري
سامر وراهم : من وين جايين .... انخرعوا البنات وغطوا وجيههم على طول
سحر تلخبطت وريم تفكر بترقيعه
سحر : كنا ... كنا نتمشى على الصبح الجو حلوو
سامر مادخل مزاجه كلامها : بس تتمشون ... والا في شي ثاني
ريم : افا عليك ويش شي ثاني يا سامر
سامر : مدري عنكم
سحر : خل الشك عنك .. قلنا لك نتمشى وبعدين انت ويش مصحيك
سامر انحرج وتغير لونه : هاه ... اتمشى
ريم : تتمشى والا شي ثاني
سامر: اقولك اتمشى علامك انتي ؟؟.....ريم وسحر يضحكون عليه
سحر: مو انت سالتنا نفس السؤال وحنا سألناك نفس السؤال
سامر: طيب تراني جوعان ..ابي فطور ..
ريم : اممم طيب وحنا ويش خصنا اذا انت جوعان
سامر: يعني سووا فطور
سحر : من عيوني ... دقتها ريم .. قصدي اشوف اذا كنت نشيطه اسوي انا وريم
ريم : خلاص رحمته خلينا نسوي لاني جوعانه بعد
سحر : اوكي ... يالله
سامر (( يؤؤؤ فطينات بشكل كيف جاء ببالهم يحرجوني جد انهم سوسات .. وهذي سحر اممم يالله خلوني اروح الغرفه استنى الفطور ))
بالمطبخ
ريم تقلد سحر : من عيوني .. خبله انتي ...درج ماتفهمين
سحر : والله زلت لسان ..يعني مايزل الواحد
ريم : الا يزل بس مو زي زلاتك الغبيه
سحر: لا يالذكيه .. اسكتي ابرك .. تدرين احسه ارتبك يوم سالناه ويش مصحيك
ريم : مدري عنه ما انتبهت .. يالله هاتي الشاهي
صحى من نومه ... ماكانن مرتاح في نومته ابدا خصوصا بعد كلام ابوه ..اخذ له شور سريع
قبل الصلاه ..تعطر ولبس ونزل لصاله الطعام
فهد : صباح الخير
ام رياض وابو رياض : صباح النور
ام رياض : عساك ارتحت بالنوم حبيبي
فهد : الحمدلله ... اخذ قطعه توست ودهنها بلبنه وجلس ياكل
ابوه : فكرت بكلامي البارح
فهد : يبه فكرت اني ارجع للرياض ارجوك انساها
ابوه عصب : اذا نسيتها راح انسى ان عندي ولد اسمه فهد
فهد عصب زياده : توك تذكر اني ولدك .. وينك من سنين عني ؟؟ ... قلي وينك ؟؟
ابوه : الحق على امك وجدك هم اللي اخذوك مني
فهد تغيرت نبره صوتك وصاره حاده : والحق عليك بعد لانك سمحت لهم .. بعدين اذكرك يبه
اني طول عمري عايش لحالي وبلى اهل ..جاي بعد ما اعتمدت على نفسي تقولي ذا الكلام
وينك عني يوم كنت طفل ..وينك يوم صرت مراهق .... توك صحيت وتذكرت ان لك ولد
ابو رياض منصدم من كلام فهد ....ماقدر يرد عليه بكلمه وحده لان كلامه كله صحيح
رماه على امه وجده وهم اللي ربوه ...اول مره شافه يوم كان عمره 20 لما حضر
عزاء جده بجده ... وتعرف عليه ما اهتم فيه ولا كلف نفسه انه يسال عنه كان يزروه او
يكلمه على الجوال اذا كانت عنده صفقه بجده عشان يحدد معه موعد ويقابله
فهد : ويش فيك ساكت رد علي ..والا ماعندك رد ترد علي فيه .. عاذرك لانك اب ماتعرف معنى الابوه .. وانا مايشرفني تكون ابوي ..
طلع لغرفته اخذ شنطته وهو نازل
ام رياض : فهد ياولدي صل على محمد
فهد : اللهم صلي وسلم عليه
ام رياض : الدم عمره مايصير ماء .. مهما صار هو ابوك وانت ولده وواجب عليك ترضيه وتطيعه
فهد : خالتي الكلام اللي عندي قلته ..وغير ذا الكلام ماعندي..
ام رياض : على راحتك
فهد: مع السلامه ..طلع وسكر الباب
:::
:::قامت من نومها تصارخ بشكل هستيري ..وتبكي مثل المجنونه ...
جات مها وعمتها واخواتها يجرون لها
عمتها تضمها : شوووق .. شووق ايش فيك
شوق تصارخ وتبكي : بياخذني .. بياخذني يا عمتي
مها تجيب لها مويه : اشربي بسم الله عليك
شوق تشرب المويه : ائههههههههههئ
سمر متمسكه برغد : رغد ليش دايم تجيها كوابيس
رغد : مدري حبيبتي .. امشي خلي عمتي ومها عندها ..طلعت واخذت البنات معاها
ام هديل : شوق شكلك تعبانه
شوق : احس اني ابي استفرغ .
مها تسندها : اوديك للحمام ....شوق تهز راسها بمعنى لا
ام هديل : دايم تجيك كوابيس
شوق ودموعها سيول : ايه ... بس هالفتره زايده مررره ..(( تضم عمتها )).. عمتي انا خايفه ..قلبي يعورني
عمتها : اذكري بكل وقت وان شاء الله مايصير الا كل خير
شوق ومها : ان شاء الله
؛؛؛
؛؛
؛
شوق .. وسر كابوسها ومتى راحت تبدا قصتها ؟؟
ريم وسلسالها ..بتلاقيه او .......؟؟
رغــــــد في مفاجأه تنتظرها ويش هي ؟؟
فـــــــــــهـــــــــد من هو .. وهل راح نتعرف عليه ويكون له تواجد باحداثنا ؟؟
عبدالله ويوسف .. ويش بيكون موقفهم من اللي راح يصير ؟؟
انـــتـــظر تـــعلـــيقآتــــكــــم وتـــوقـــعـــآتـــــكــــــم
تـــــحــــــيــــــآتــــــــي
:::
:::
__________________________________________________ __________
...الـــــبـــــآرت الــــــثـــــآلـــــــث ...
؛؛
؛
طفلة اتسولف لي عن الحـب... بشويـش ..
وانا كذا .. ب شويش ../ مجنون ... طفلة !
لاقلت ( احبك بس ) .. صفت لـي الجيـش !
جيش الرموش ... اللي غزتنـي ب غفلـه !
وقالت بهمسة ذايبه... (أممم بـس ايـش ) !
هــ ( الأممم ) هذي بـس ياخـوك .. حفلـة !
::
::
::
الساعه 6 المغرب ..
بعد مارجعوا من المزرعه وارتاحوا ...
كانت بغرفتها وتبكي ..تبكي على حياتها اللي راحت قدام عيونها .. وقفت قبال المرايه
رفعت بلوزتها وهي تتامل بطنها ... وتمرر اصباعها على جلدها وتنحني مع انحنائته
نزلت منها دمعه من عينها حرقت خدها الوردي تسللت اصابعه ومسحت دمعتها اليتيمه
فتحت عليها الباب وبسرعه عدلت بلوزتها
هنادي : شووق ويش فيك واقفه عند المرايا ؟
شوق: مافيني شي بس كنت احط كريم
هنادي : بطنك توجعك ....لانها شافتها وهي تنزل بلوزتها بسرعه
شوق : لا ماتوجعني ...انتي تبين شي
هنادي : لا بس كنت بقولك ان مها تبيك
شوق : ويش تبي ؟؟
هنادي : مدري .. بس قالت لي اناديك .. انا بروح احل واجباتي اذا تبين شي ناديني
شوق ابتسمت لها ابتسامه عذبه : لا حبيبتي انتي روحي ادرسي ..وانا بشوف مهاوي
راحت لمها بالمطبخ تشوف ويش تبي
شوق : مهاوي ...بغيتيني ؟
مها : يس افكورس بيبي ... بقولك تروحين للسوبر ماركت
شوق : ليش محتاجه شي
مها: البيت ناقصه اغراض وانا ابيك تجيبين لي اشياء خاصه اخذها لصحباتي بالقريه تعرفين كل اسبوع وحده تنزل المدينه ....وانا برتب شنطتي مايمديني اروح ..اذا تقدرين تروحين مع جلالي
شوق: من عيوني بس اكتبي لي اغراضك والاغراض الناقصه وانا اروح
مها: تسلمين ياقلبي ...الحين اروح اكتبها
طلعت شوق وراحت للصاله وتسمع ريم وسحر يتكلمون عن الكريمات والاهتمام
شوق: انا رايحه السوبر ماركت اجيب اغراض احد ناقصه شي
ريم وقفت : اجل بروح معك بشتري لي كريمات
شوق : اجل تجهزي اوكي مو تاخريني لاني مابي اتاخر على مهاوي سامعه
سحر : ريم لاتنسين تجيبين الكريم اللي قالت عنه لينا
ريم: طيب اذا تبين شي قولي لي قبل اروح
سحر : اجل بعطيك فلوس ...تعالي وراحوا للغرفه
::
::::
::
بــــالــــريـــــاض
ندى : وليش راح فهد ؟؟
امها: مستعجل ...ومايقدر يطول هنا
ندى : يمه قولي الصدق صاير شي صح
امها بتافف : ايه تهاوش مع ابوك ..
ندى : يمه هو ابوي ليش طلق ام فهد
امها عصبت : ندى انتي ماتملين من اسئلتك
ندى : يمه كل ما اسئل احد هالسؤال ماحد يجاوب عليه
امها : طيب خلاص لا عاد تسالين هالسؤال سامعتني
ندى: وليش طيب تكفين يمه جاوبيني
امها : يايمه لاتنبشين اوراق انطوت .. ولاعاد تجيبين هالسيره على لسانك
ندى : اجل اكيد في سر
امها وصلت معها : انتي من وين تفهمين .. اتكلم عربي انا مافهمتي
ندى : لا مافهمت .... وابي اعرف وراح ادور اجابه هالسؤال
امها : اجل تحملي اللي راح يصير لك سامعتني .. وقامت عنها وتركتها تتحلطم
ندى بقهر : ليش كلهم كذا ..السالفه فيها أن وانا اللي راح اكشفها ..
::
::
::
بـــالـــــمـــــديــــنـــــه ..
رغد : شهد اسمعي بكره انا ماراح احضر المحاضره
شهد تترك فرشة الاستشوار : وليش ياحلووه ..؟؟
رغد : بكره بخلي جلالي يجيني الساعه 9 وبعزم البنات على الفطور
شهد : مين بتعزمين ؟؟
رغد : الشله ..طبعا فاتن وساره وكوثر وخوله
شهد تكمل استشوار : طيب وانا معك ماراح احضر
رغد ترتكي على مخدتها وتتنهد : آآآآآآآآآآآآآآآآآآآآآه بــــــــــــــــــــــس
شهد : يؤؤؤؤؤؤؤ ... ياساتر ويش فيك تتأوهين
رغد : مدري ... فيني احساس غريب
شهد : اللي هو ؟؟
رغد : اقولك غريب انا نفسي معرفه
شهد بعد ماخلصت وسكرت كل شي : فضفضي احسك مكتومه مرره تكلمي انا اسمعك
رغد: تدرين احس بيصير لي شي
شهد تضربها على يدها : بسم الله عليك .. تبيني اموت انتي
رغد تغير الموضوع : شهودتي .. بسئلك سؤال شاغلني
شهد : اسئلي ... بس لا تطولين السؤال
رغد : ويش قالت لك ريماس ؟؟
شهد تغير وجهها : ولا شي ...صدقيني ولا شي
رغد : شهد احنا مانخبي شي على بعض .. ليش تحاولين تخبين عني
شهد : رغد لو قالت لي شي كان قلت لك بدون ماتطلبين اني اقولك ..بس هي ماقالت شي
رغد : معقوله ماقالت شي .. وكيف تنتهي علاقتكم اللي من المتوسط عشان سبب تافه
شهد : انتي قلتي سبب تافه وهي اللي اختارت انها تنهي صداقتنا ..
وانا ماهين نفسي لانسان باعني.. ادوس عليه حتى لو كان اغلى انسان بقلبي
رغد : ماني مقتنعه بس المكتوب على الجبين لازم تشوفه العين
شهد : ههههههه اجل ليش مقلقتني ..
رغد : قلت اعرف منك احسن من اني اعرف من الغير
::::
::
رجع جده بسرعه محد توقعها ابدا .. وهو نفسه ماتوقعها
ريان : ويش رجعك بدري غريبه عليك ؟؟
فهد : والله مافي شي بالرياض ورجعت عشان ما تتلخبط اموري
خالد : كرت بالمشروع الجديد
فهد : شوف مادام ان المشروع اللي بجده نجح ليش لا ... نسوي فرع
وليد : طيب اختاروا المنطقه
رامي : مافي الا المدينه قريبه ونقدر نروح لها بسرعه يعني مو زي الرياض والشرقيه
فهد : واذا نحج بالمدينه نوسع الفكره اكثر واكثر
خالد: والله حلو ...انا موافق والمبلغ بكره عندكم
ريان : وانا كمان ماعندي مانع
فهد : اجل خلونا نخلص الاجرءات ..من بكره
وليد : صــــــــــــــــار
::
::
::
يــــــوم الـــــســـبـــت
بمدرسه بنات .. بدا اليوم كئيب على الكل
تهاني : اووف من اول اليوم حصتين رياضيات كرهتها والله
ريم نعسانه : مدري ويش خلاني ادخل علمي لو ريحت راسي ودخلت ادبي
((كلمتي دايم بالفصل اذا طفشت من الحصص ))
سحر : اعطونا سالفه ابي اتحمس او اضحك
ايمان : مو انتم رحتوا مزرعتكم قولوا لنا ويش سويتو ... سحر طلت بريم وماتت ضحك وريم عرفت انها راح تقول سالفتها بالمزرعه وكشرت
تهاني : ويش فيك تضحكين ضحكينا بعد
سحر بنظرات خبث تطالع ريم : ريووومه اقووول والا اسكت
ريم ابحراج : بكيفك .. ماهمتيني قلتي والا ماقلتي
سحر : اجل خذوا هالسالفه الطازه على قولتهم ... وبدت تقول لهم عن اللي صار
::
::
::
بفصل ثاني بنفس المدرسه
هنادي : انا قلت بشرد يعني بشرد .... بتشردين والا لا ؟؟
اميره : والله ودي بس لو طلعت لنا العنز الشقراء ويش نسوي ؟؟
هنادي : عادي نقول مستاذنين او رايحين نشتري مويه وقتها يحلها الحلال
اميره : خلاص تم بس بسأل نوره تشرد معنا والا لا
اميرة تنادي نوره : نوره .. وين اختفيتي ؟؟
نوره تحت الطاوله : هنا مع ابتهال اشرب قهوه ويش تبين
هنادي بشرد انا واميره تشردين معنا
نوره : يس يس اكيد ..
ابتهال : وانا بعد لاتخلوني
هنادي : اجل يالله خلونا نفرك .. قبل تجي مزنوه .. وبسرعه طلعوا ولقوا الدرب امان
وراحوا للحوش وجلسوا تحت درج الطوارئ << متاثره بمدرستي خخخ
اميره : يازين هواء ربي مو كتمه الفصل .. ويزيدونه الابلات
ابتهال : قصدك الهبلات
هنادي : بنات ويش رايكم انقز من السور واهرب
نوره واميره : من جد تتكلمين ... اكيد فيوزك ضاربه
هنادي تنسدح وتحط راسها بحضن نوره : والله من جد بسويها بس بلاي انكن رخمات
ابتهال : افا عليك تعرفيني راعية فزعه ..افزع معك
هنادي : طيب الحصص الاخيره لا نزلنا بالحوش اقولك عن خطتي
اميره : والله لو يدري ابوي غير يذبحني
هنادي : اجل لو يدري ابوي انا والله غير ينحرني عند باب بيتنا .. بس الحياه لابد فيها من التضحيات
نوره : اي تضحيه انتي بتخربينها بتشردين من المدرسه ..
هنادي : والله فقدة عبووره اليوم غايبه وماقالت لي
ابتهال : طيب ماقابلتك على باب بيتهم
هنادي : لا احنا مدخلنا غير مدخلهم .. وما ارسلت اخوها النذله اوريكم فيها بس اوصل البيت
اكلمها مع طاقه الصاله
اميره : يابختك احسك متونسه مع عبير
هنادي : اي والله دايم عندي او انا عندها فله ماعندها اخ مثلكن معقد وابوها انسان فررري
نوره : اقول ويش رايكم نلفلف بالمدرسه
ابتهال : اللي يسمعك يقول ويش هالحديقه ترها عماره مستاجره وهريانه بعد
هنادي : طيب امشي انتي وياها نسوي جوله
::
::البنات : ههههههههههههههههههآآآآآآآآآآآآآي
تهاني : هههههههههههههههههههههههههههه مانـــ...... ههههههههههه ...مانـــي مصدقه
ايمان : خخخخخخخخخخخخخخخخخخخ بس كان ودي اشوف وجهك
سحر : فاتكم ماتت بكي ... والمغرب قامت تتكلم عنه
الكل: ههههههههههههههههههههههههههههههههه
تهاني : تخيلي لو تقابلينه
ريم: لاتسوين مثل هديل الغبيه ....وقالت لهم عن كلام هديل
ايمان: ههههههههههههههههههههههههه بنت عمتك هذي خطيررررررررررره
سحر: صراحه شكل ريم يهبل وهي تبكي
تهاني : حلال فيها ... موقفها قووووي مررره
ريم حطت يدها على خدها وسكتت وهي تتذكر موقفها
تهاني تهمس : دخلت جو الاخت
ايمان : حالتها صعبه مرره ياسحر انتبهي لها لا تخق عندك
سحر: المشكله تقول ما لمحته ..
ايمان وتهاني :هههههههههههههههههههههه
تهاني : مالمحته؟؟!!..... تلعب على مين.... هذا اذا ما فصصته بعد
ايمان تتخيل نفسها مكان ريم وحمر وجهها : قـــــــــــــســــــــــم بالله إحرررررآآآآآآآآج سحر : بووووووووووووووووو ...ريم تدفها
سحر: اين وصلتي يافتاه ... قاطعم دخول هنادي ومرافقيها
هنادي : هــــــــــــــــآآآآآآيــــــــــــــــوووو يا قــــمــــــآآآآآري
البنات : هـــــــــآآآآيـــــــــآآآآآآآآت
اميره : اخبار الحلوين إيه ؟؟
تهاني : نسلم عليك ياقمر
اميره : احم احم ... سمعتوا تراني قمر
ابتهال : اقول طسي .. ويش علومكم ... التفت على السبوووره
ابتهال تغمض عيونها بيديها : اللهم ارحمنا ... اللهم لا تعذبنا بما عذبتهم به
البنات : ههههههههههههههههههههههههههههههههههههههههه
ايمان : هذا كله عشان شفتي الرياضيات
نوره : يحق لها يختي ... هذا من انواع التعذيب في غوانتانمو
سحر : هههههههههههههه ... طيب ويش جايبكم عندنا
هنادي : اشتقت لكم قلت لازم اكحل عيوني بشوفتكن يانور عيني
ريم : علينا .... قولي ويش تبين وخلصينا اعرفك ماتقولين ذا الكلام الا وراك طلب
هنادي : كل وحده تحط بيدي ريالين
سحر وريم : لـــــــــــــيـــــــــــــــــــــــه ؟؟!!!
هنادي: بشتري للبنات وانا مطفره لو سمحتن لاتفشلني
ريم تطلع خمس ريال : تراها سلف ترجعينا بالبيت
هنادي : ابشري والله لارجعها لك .. اخذت الفلوس وطلعت واول ماطلعت من الفصل
هنادي : قابليني اذا شميتها بعد
اميره وابتهال ونوره : ههههههههههههههههههههههههههههههههههههه
نوره : انا برجعها لها
هنادي: بكيفك بس هي تشمها مني نوووووووو ..
اميره: نصابه .. امشي بس .. لما لفوا شافوا المراقبه . وهربوا على طول
ابتهال : يمه من وين طلعت لنا ذي بعد
هنادي : تخوفني بكشتها الشقراء .. كانها من ايام السبعينات
اميره : خلونا نطلع الدور الثالث نندس فيه ...
بسرعه راحو .. وجلسوا على الارض نوره غشاها الصمت
هنادي : اهب عليها ماخلتني اروح المقصف اشتري لكم عصير وبسكوت
اميره : خساره ريقي ناشف ودي بشي يبرد على قلبي
....: بسم الله على قلبك ... الحين ابرد عليه .... خافوا البنات وحل الصمت مكان الكلام
المديره : امشوا امشوا ياشله الجن .. يالله على مكتبي
ابتهال من وراها تاشر يعني ياويلنا ...وهنادي ماهي خايفه ابدا لانه كل يوم تستضاف عند المديره ..
دخلوا المكتب ووقفوا قدامها .. جلست المديره على كرسيها وفتحت ثلاجتها الصغيره
وطلعت منه عصيرات واعطت كل وحده عصير
المديره : تفضلوا .. ليش وقفات انتم عضوات بالاداره
هنادي: ابله ماله داعي تهزئين احنا بشر ونحس .. خلينا نكتب تعهد ونروح فصلنا
المديره: مشاء الله ياهنادي .. ويش رايك تجي بدالي على المكتب
هنادي : اجرب طيب ..
المديره صرخت : والله طالت وشمخت معك ياهنادي .. انتي والطابور اللي وراك
اميره : يا ابله على قولة هنادي لابد في الحياه مغامرات
المديره : ياسلام ..تستعبطين انتي وهي
ابتهال : ابله انتي مو ام المدرسه ذي .... سكت المديره ...
ابتهال : وحنا بناتك ... سامحينا
لمديره : اسامح مره ومرتين وثلاث مو كل يوم
هنادي : طيب ويش رايك بحل يرضينا ويرضيك بعد
المديره : ويش يا دكتوره ؟
هنادي : جيبي لنا كوره .. وخلينا بالحصص الاخيره اللي نكون فاضين فيها نلعب بالحوش على كيفنا
نوره : ايه كذا نجلس بالفصل الى الحصه الاخيره
المديره : اممممممم طيب راح اسو ي اللي تقولين عليه بس لو ماتلتزمين بوعدك لك عقاب
البنات : وعد نلتزم وماتشوفينا
المديره : اوكي بكره الكورة تجيكم ... واشوف .. هيا كل وحده على فصلها
نوره : قصدك على فصلكم .. اخذت عصيرها وطلعت هي والبنات لفصلهم
::::
::
بــــــجــــــــآمــــعـــة طــــــيــــبــــــه
رغد : موافقين والا نفركشها
فاتن : ماعندي مانع بس شوفي ساره وكوثر
ساره : انا نقدر اخاف نتاخر ويجي اخوي ويسوي سالفه مالها اخر
شهد: وانتي كوثر
كوثر : خلاص موافقه بس نرجع بدري
رغد : خلاص اجل يالله ناخذ اغراضنا ونطلع السواق برى .. اخذوا اغرضها وساره راحت لوحده من صديقاتها
وهم ماشين .. قابلتهم ريماس ..الي تطالعهم بنظرات
شهد تطالعها باحتقار: يالله بنات .. السواق يستنى برى
فاتن : يالله حبيبتي .. وطنشي الناس الحقيره ... كانت متقصده تسمع ريماس
ريماس ( هين يافاتن .... ان ماربيتك وخليتك نتدمين على كل شي سويتيه لي وبغيري )
جات ساره لريماس ..وجلست تسولف معاها
ساره مصدومه : ما اصدق يا ريماس
ريماس تبكي : انتي تعرفيني زين انا ما اسوي زي كذا ..
ساره كانت مع شهد وريماس من المتوسط : احس ان كل اللي قلتيه كذب × كذب
ريماس : ساره حلفتك بالله مايطلع هالكلام حتى لشهد نفسها
ساره : والله مايطلع ماراح احسسهم بشي لا تخافين ..
ريماس : والله لانتقم منها .. واكشفها على حقيقتها
ساره : انتبهي منها هي عقربه
ريماس : عقربه وقرصتها تقبر ...بس انتي خلك عاديه ترى الموضوع ماحد يعرفه اتوقع حتى رغد ماقالت لها شهد ...مبين انها ماتعرف شي
ساره : لاتوصين حريص
::
::
::
بـــالـــمــــطــــعــــم
فاتن : شفتي كيف ريماس تقهر
شهد: ماعليك فيها هي كذا انانيه وحقوده
فاتن :معاك حق ...ماسويت لها شي فجأه قلبت علي
رغد: كانت زي العسل ويش غيرها
كوثر : الغيره حبيبتي ... هي غيوره مرره ..
شهد: خليها هي الخسرانه مو احنا ..يالله تدور لها وحده تصاحبها ...
فاتن : احسن صارت وحيده ..هي اللي جابتها على نفسها
رغد: انا راح اكلمها واسلم عليها بما انها ما اذتني
شهد: بكيفك بس لاصار لك مثل اللي صار لنا لاتبكين عندي اوكي
رغد مقهوره منها ومن فاتن : اوكي مابجيك ... وبعدين خلصي بسرعه تاخرنا
فاتن :ايش فيك عصبتي حبيبتي
رغد تدق بالصحن : ماعصبت ولا شي
كوثر: كل هذا وماعصبتي
رغد : اووووف انا متضايقه شوي ..وطالعه بتركم تكملون حشكم بريماس ...
طلعت تطلب لها عصير فراوله يروق عليها .. اخذت العصير .. وجلست بقسم الشباب بما انه فاضي
رغد (( ياربي منهم ويش هالحقاره ..كيف ينسون عشرة سنين ولا كنا مثل الروح بجسد واحد
انا لازم اسمع ريماس مفتاح اللغز عندها ))
نست نفسها وهي بالقسم وسرحآنه .. تفكر وتفكر ... بعد نص ساعه جوا البنات يدورونها لانها نست جوالها مع شهد
شهد : رغد ...انتي هنا وانا قلبت الدنيا عليك
رغد : الحمدلله انك لسى تخافين علي
شهد تتخصر : ويش قصدك ...تكلمي
رغد : ياخوفي يصير فيني مثل ماصار بشوق وريماس ياشهد
شهد صدمها كلام رغد : ما اصدق انك تقولين عني مثل هالكلام
رغد : شوفي تصرفاتك .. وبعدين تعرفين انا ليش قلت لك ... اخذت جوالها من يدها وسحبت شنطتها من الطاوله .. ومشت . وهي مستغربه ويش جايب العيال هالقسم
شهد عصبت وقامت تناديها : ررررررررررغـــــــــــــــــــــــــــــــــــــــ ــد... الكل التفت عليها
كوثر مسكت يد شهد : اهدي احنا بمكان عام
شهد : رررررررررررغــــــــــــــــــــــــــد ... تــــــــــــــعــــــــــــــالــــــــــــــــــ ـي
فاتن تسحبها : امشي امشي .. هي ماتقصد .. سحبت يدها من فاتن ..ولحقت رغد
نزلت رغد مقهوره من شهد ومن تصرفاتها اللي مالها تفسير بنظرها .. نزلت وهي ماتشوف الطريق قدامها ... صدمت بولد وطاح جوالها من يدها ... حست قلبها وقف بمكانها
بسرررعه لحق جوالها اللي وصل اخر الدرج .. بس كان سليم ما انكسر
الولد : اسف اختي ما انتبهت
رغد : عــــ..... قاطع كلامها ... شهد اللي لحقتها وهي هايجه
شهد : رغـــــــد ... ويش تقصدين بكلامك لي
رغد : اقصد اللي سمعتيه ...فكري زين وتعرفين ويش هو قصدي يابنت عمي ..وبنظره حاده
يــــــــآآآ خــــــتـــــــــــي ..
شهد تمسكها مع يدها : بتوقفين ضدي ؟؟؟
رغد تسحب يدها بقوه : لاتركتي غرورك على ناس ساعدوك واذا نكرتي عشرتك لهم ذاك الوقت انا عدوتك ...... ماحست بالدنيا الا وكوثر تمسك شهد تهديها
رغد مصدومه : تضربيني ياشهد ... هذا اللي طلع معاك
شهد : انا قلت لك ادوس على اللي يوقف بطريقي حتى لو كان غالي علي ... نزلت رغد بسرررعه وتركتها ولحقتها فاتن وكوثر وشهد ....
بــــالــــســـيـــاره
كل وحده كابته غضبها ... ورغد ماسكها دموعها لان ماتوقعت ان شهد تمد يدها عليها
بعد مارجعوا للجامعه .. وخلصوا المحاضرات الباقيه .. رجعوا للبيت .. بعد ماغيرت ملابسها
راحت لغرفه شوق . بتنام على سرير مها ...
شوق : ويش فيك جايه هنا
رغد: لايكون ضايقتك
شوق : لا والله بالعكس .. بس غريبه انك جايه بتنامين هنا ..
رغد : حبيت انام بغرفتك تعرفين غرفتك الواحد يرتاح نفسيا فيها
شوق : رغد بينك وبين شهد شي ؟؟
رغد سكتت ..ودمعت عيونها : صار بيننا سوء تفاهم بالجامعه
شوق : ويش السبب
رغد : شوق اذا صحيت قلت لك الحين ميته نعاس
شوق : اوكي نامي الحين .. بروح اشوف البنات ... تركتها وراحت لغرفه ريم وسحر
شوق : ياسلام مافيكم نوم
هنادي تضحك: لا والله انا مافيني
شوق : اجل تعالي معي تنضفين بدل الهرج الفاضي
هنادي : ويش مهمة اليوم
شوق : بمسح المروحه .. تعالي ساعديني ...
هنادي تفكر: يالله طيب .. وراحوا يشتغلون والباقين ناموا
::
::::
::
سلطان : ياطويل العمر ... كل شي صار مثل ماتبي
...: طيب جهز لي كل الاوراق انا بجي العصر للشركه
سلطان : حاضر .. بس .... وسكت
...: ويش عندك ..قول لاتخاف ...
::
::
::
ليان : الـــــــــــووووو
دانا : خــــــيــــــــــر
ليان : انتي لسى نايمه .. الساعه 5 العصر يالله اصحي بمرك
دانا : ليش
ليان : نسيتي النادي ... يالله بسرعه اخلصي
دانا : اوووف خلاص انا مابي ..الغي اشتراكي
ليان : لا ياشيخه ..اقول قومي لا اعلم خالتي عليك ربع ساعه واجيك
دانا قفلت الجوال وصحت تلبس وتاكل لها شي على بال ليان ماتوصل
::
::
::
ريم: على وين وين ياحلووه
هنادي : بروح مع جلالي للمكتبه واجي
سمر : بروح معك
هنادي : لالا انا بجيب طلب من عندهم حجزته نوره ما اتاخر .. انتي روحي الي بجنبنا
سمر : قولي ماتبين تاخذيني
هنادي بعناد : ايه مابي عندك مانع
سمر تعطيها ظهرها وتروح : لا حبيبتي خذي راحتك ... ودخلت غرفتها
ريم: تكذبين مانتي رايحه للمكتبه
هنادي : اقول لاترجيني باي .. وطلعت بسرعه
ريم : هـــــــــــيـــــــــــن ياهنادي .. ان ماقلت لشوق
بسرعه راحت ريم للمطبخ ولقت شوق تغسل الاواني
ريم: شوق شفتي هنادي ويش سوت
شوق : ويش ؟؟؟ .... قامت تقول لها عن هنادي
شوق: انا اسئل جلالي عنها ... قاطعم صوت ابو مها
ابو مها : يابنات ... وينكم .؟؟..... طلعت له ريم وشوق وشهد
شهد تبوس عمها : كيف حالك يبه
ابو مها : بخير يابنتي ... ويش تسوون
شوق : اللي تشوفه كل واحد لاهي بشغله
ابو مها : طيب سووا لنا شاهي وخلونا نجلس بالمجلس نسولف
ريم : ابشر الحين نسووي شاهي ... راحت ريم وشوق للمطبخ . وشهد راحت تقول للبنات انهم بجلسون بالمجلس مع عمهم
شهد : رغد ابوي بالمجلس اذا تعالي عندنا
رغد : امممم افكر ... ورجعت للاب توب حقها ....طنشتها شهد ورجعت عند عمها بالمجلس تنتظر البنات يجوون
ابو مها : كيف دراستك ياشهوده
شهد : الحمد لله يبه زينه ...
ابو مها : وكيف خواتك عساهم شادين حيلهم
شهد : ايه كلهم شادين الهمه
ابو مها : اقول يبه شهد مادام ان محد عندنا ودي اقولك سالفه
شهد : تفضل يبه ...
ابو مها : يابنتي البنت مالها بعد بيت اهلها الا بيت زوجها .. وانتي انخطبتي من رجال متزوج وزوجته عقيمه الله يستر علينا وعلى المسلمين
شهد مصدومه : وانت موافق يبه
ابو مها : الله يشهد علي اني مابي الا مصلحتك و الرائي رايئك انتي صاحبه الشان
شهد : اكيد ماني موافقه اول شي ابي اكمل دراستي ثاني شي ماتزوج واحد متزوج قبلي
توني صغيره وابي واحد عزابي مو متزوج له عشرين سنه
ابو مها : انا يابنتي ماني موافقه من البدايه بس قلت لازم اشاورك
شهد : انا رافضه يبه قوله البنت صغيره وتبي تدرس ..
ابومها : هههههههه .. طيب طيب كل شي قسمه ونصيب لاتعصبين
::
::
::
الــــســــآعالــــســــآعه 9 الـــعـــشـــاء
فهد : يالله جايكم الحين .. انتم بالاستراحه
ريان: ايه .. بسرعه لايفوتك اكل الوالده
فهد : لالا جايكم طيران بعد .. سلام ... اول ما ركب السياره دقت عليه راويه
راويه : الوو حبيبي
فهد : هلا والله بهالصوت
راويه : وينك ماتدق يعني لازم انا ادق عليك
فهد : والله انشغلت ياعمري .. امس اللي رجعت من الرياض
روايه: عشان كذا نسيت موعدنا يوم الخميس
فهد : مو بيدي ... غصب عني صارت ظروف انتي ادرى .. بس اوعدك اعوضك
راويه : مدري ايش اخرتها معاك ..
فهد : ويش ذا الكلام يارورو ....
روايه : طيب ايش رايك نتقابل
فهد : الحين ؟؟
راويه : يس ...تقدر والا لا
فهد : والله عندي موعد مهم .. اجليها لبكره
راويه : طيب طيب ..يالله باي
فهد : بايات ...
قفل الجوال مره وحده عشان محد يزعجه واتجه لاستراحته
<<نتعرف على فهد
شكله يذوب وهيبته ملكيه ...طويل جسمه رياضي بحت... بشرته برونزيه ..عيونه واسعه
وناعسه كحيله ... شخصيته قويه مايخاف ابدا ..غامضه غموض مبهم ماحد ..يعرف عنه شي
الا انه يعشق ركوب الدراجات الناريه ...ماراح اتكلم اكثر راح نتعرف عليه باحداثنا
::
ه 9 الـــعـــشـــاء
::
__________________________________________________ __________
::
::
عبير : انتي اكيد خبله .. والا مجنونه في وحده عاقله تسوي سواتك
هنادي : عبير ترى محد يعرف هالسر ياويلك ان احد درى لا اعرفك ولا تعرفيني
عبير : اكيد مابقول لاحد ,.. انا خايفه عليك هنوده تخيلي لو ابوك يعرف قسم غير يقتلك
هنادي : عبيييييييييييييير لا تخليني اتحسر!!... انا بسوي اللي براسي وانتي اللي تساعديني اوك
عبير بخوف : اساعدك ؟؟!! ... بس اذا انكشفتي ماتجيبين سيرتي
هنادي : اوعدك ما اجيب سيرتك بس ساعديني
عبير : طيب راح اساعدك ... رغم اني خايفه بس يالله اللي فيها فيها
هنادي : هذي عبوره اللي ماتهاب الصعاب
عبير: ههههههه تكفين لا تقولين ماتهاب اكثر وحده خوافه انا
هنادي تخبطها :اعرفك زين تعلميني فيك يارخمه
عبير : رخمه بعينك ...
::
::
::
...: حرام عليك ويش بتسوي فيها
...: مثلها مثل غيرها ... هي اللي جات للنار برجولها
...: خلاص اتركها لاتاذيها ...صدقني بترجع لك
...: اللي يحاول بس يفكر يستغفلني امحيه من الكون كله
...: اذا تلعب عليك طنشها ياخي .. ولا تدمر حياتها
...: ههه ههه ههه اطنشها لا ياحبيبي ... راح اخليها تندم على اليوم اللي فكرت تستغفلني فيه
...: انا تعبت معك .. لي معك عمر عجزت اغيرك ..مستحيل تتغير
...: انا هو انا على قولتك ما اتغير
؛؛
؛
رغد وشهد ... ويش التطورات اللي بتصير بينهم ؟؟
وفاتن وريماس ويش قصتهم ؟؟ ...
هنادي .. ويش السر اللي بينها وبين عبير ؟؟
مين الشخصيتين الغامضه ؟؟ ...و مين الضحيه ؟؟
وهل راح تكون في تطورات بالاحداث الجايه ؟؟
آتــــركـ لـــــكــــم الــــتــــوقـــعــــــآت
__________________________________________________ __________
تم الحذف من قبل المشرفة
الله يعافيك حبيبتي
ومشكورة على المرور
