روايه - ضمني بأحساسك - رواية جميلة

عنوان الموضوع : روايه - ضمني بأحساسك - رواية جميلة
مقدم من طرف منتديات الشامل

السلام عليكم ورحمة الله وبركاته

نزلت هالروايه بأحدى المنتديات ولاكن بأكملها بمنتدى الشامل لانو نقلوها من المنتدى لانها تكلمت عن البويات وهالموضوع ممنوع طرحه بالمنتدى لاكن ما اشوف هالشي غير لائق وماتكلمت عنه بطريقه سيئه وفكرت بهالمنتدى اتمنى انها تعجبكم واشوف تفاعلكم ..


وغيرت اسمها لانو الحين اكتشفت الاسم الي اخترتو في روايه نازله من قبل بنفس الاسم..




***ابيك لي وابيني لك وابي ترحل واجي معاك***



روايتي الثانيه:
ابيك لي وابيني لك وابي ترحل واجي معاك
بقلمي/يكفيني بالدنيا حنانكـ"


***********

على شرفات الحياه بين التفاوت بالحب والكره
بالحزن والفرح..

بالقاء والانتظار..

بالانتقام والتسامح..

بالخيانه والوفا..

بالدموع والابتسامه..

بالشوق والنسيان..

بالغربه والامان..

بالكذب والصدق..

بالشك و الثقه..

بالانكسار والقوه..

نعيش تلك الحضات
فلكل لحضه جمالها لو كانت محمله بغبار من الهموم والحزن والعذاب
لكل لحضه تأثيرها وذكرها
نعيش بالحياه وتحركنا عجلات القدر لانعلم اين نرسي بأي شاطئ

......فلكل بدايه نهايه (((.



البارت_1_

في ضجيج مدرسه من مدارس جده بين تلك الفصول الممتلئه بالطالبات تسمع نداء عالي متعجب
........:ميــــار ميـــــــار
ميار بأستغراب ترمي على الطاوله القلم والدفتر الي بيدها :نعم وش فيك؟؟
.....:صديقتك رغد جات المدرسه!!
ميار بصدمه:الحين جات من جدك؟؟ولا تمزحين نوف لاتكذبين علي !!
نوف:والله انا الحين شفتها دخلت الاداره
ميار بسرعه تطلع من الفصل وتوقف بجنب باب الاداره بعد تقريبا عشر دقايق طلعت رغد وابتسمت
لميار
ميار والدموع بعيونها :رغد
رغد مدت يدهااا :كيفك ميار؟؟
ميار يتردد تمد يدها لرغد:الحمد لله انتي كيفك ؟ ليه جيتي المدرسه؟
رغد:جيت اخذ ملفي
ميار:انتي قلتي لهم على الي صار لك ؟كيف دخلوك؟
رغد:لا ماقلت لهم لو قلت لهم ما دخلوني
ميار نزلت دموعها:انا مو مصدقه الي صار كيف صار كذا؟
رغد بصوت خشن:يلااا عااادي بس انا مستحيل انساك
ميار:مستحيل انساك يارغد انتي صديقتي الوحيده اقرب الناس لي اكثر وحده تفهمني وتحس فيني انا مااقدر استغني عنك
رغد فتحت يدها لميار يعني تعالي بحضني
ميار بخوف:لا مايصير انتي خلاص صرتي
قاطعتها رغد:لسى ماسويت العمليه يعني انا لسى رغد صديقتك
ميار ارتمت بحضن رغد ودموعها على خدها :يعني خلاص هذي اخر مره اشوفك واتكلم معاك يعني خلاص بتصيرين رامي
رغد:للحين انا رغد بعد يومين بسوي العمليه
ميار بعدت عنها تقشعر جسمها:الله يقومك بالسلامه
جات نوف تركض:هاه كذبت عليك ياميار هذي هي رغد
نوف تسلم على رغد وهي ماتدري عن حالتها :ليه يارغد بتنقلين من المدرسه راح نشتاق لك
رغد:ضروف راح نتقابل ان شاء الله ..انا رايحه تأخرت مع السلامه
ميار تناظرها بألم بدموع وداع :مع السلامه
رجعو ميار ونوف الفصل..

......

رجعت البيت وهي كارهه الدنيا من زحمه السيارات ومن دوام المدرسه ومن فراق صديقتها رغد الي بتصير رامي
ميار:السلام عليكم
الكل:وعليكم السلام
امها "حصه":ماما ميار بدلي ملابسك وتعالي الغداء
ميار:لا امي مالي نفس مو جوعانه
حصه:ليه ياقلبي وش فيك وجهك اصفر مو عاجبني متضايقه من شي؟
ميار:لا ما فيني شي بروح ارتاح
ميار دخلت غرفتها هي واختها مي وحصلتها حااايسه وقالبتها فوق تحت
ميار:مــــــــــــــي
مي اخترعت:يماااااااه خير وش فيك خوفتيني
ميار:نعم الفرفه ليه كذا كم مره قايله لك ما احب الفوضاء
مي تناظر الغرفه :وش فيها جالسه ادور على جزمتي السبورت الزرقاء
ميار:كل هذا على الجزمه وخير وش تبين فيها من الظهر؟
مي :ابيها كيفي شفتيها ولا؟
ميار اخذت بيجامتها وراحت الحمام تبدل ورجعت الغرف ومي للحين تدورعلى جزمتها
:من جدك للحين مولاقيتها ؟
مي:لا يعني لو لقيتها بتشوفيني ادور ليه؟
ميار طنشت وراحت غرفه مروه وروئ
مروه:اطلعي برا غرفتي ولا بتندمي
ضي:ماراح اطلع وش بتسوين !!
روئ:ياااربيه ياويلك منها بتذبحك ياضي اطلعي نصيحه مني
ضي جلست على سرير مروه :وهذي جلسه
ميار ارتكزت على الباب:وش فيك عليها؟
مروه:والله ست الحسن ماخذه لاب توبي وحايسته فوق تحت مغيره النظام وحاذفه ملفات
ميار:اوووف كل ذا منك ياضي
ضي:كييييييفي
ماخلصت كلمتها الا وشافت شي طاير ويجي براسها نزلت راسها عنو الا هو يجي ببطن ميار
ميار:ااااااي
مسكتها وشهقت :هذي مو جزمه مي وهي قالبه الغرفه علشانها
ضي هربت منم الغرفه
ميار اخذت الجزمه وراحت غرفتها
ميار:ميو ما لقيتي جزمتك؟؟
مي :لا
ميار:واذا لقيتها وش بتعطيني
مي:الي تبين
ميار:ابيك تقولين لي وين بتروحين
مي :اوووووف يالقااافه بروح عند ريم
ميار:اهااا الرجه هذي كلها علشان ريمو اجل خذي
ورميت الجزمه عليها
مي اخذت الجزمه وشافت ميار سارحه بتفكيرها
ميار تفكر بصديقتها وتؤم روحها رغد كيف راح تقدر تتحمل فراقهااا تذكرت شخصيتها البوي
ودايما تلاحظ عليها حركات رجوليه بس ما اخذتها جد لان في بنات كثير حركاتهم كذا اتذكرت الالام الي
تجيها بين فتره والثانيه
رغد ماسكه بطنها:ايييي ميار الحقيني بطني مو قادره
ميار:رغد وش فيك؟؟هذا شي ماينسكت عنه لازم تروحين الدكتور
رغد:دكتور لا مستحيل
ميار:ليه؟؟
رغد:لاميار لا وتمسك بطنها بقووووووه وتتألم
مي:مـيــــــار ميـــــــار
ميار:هاه
مي:بدري لي ساعه اناديك وين وصلتي؟
ميار بألم:مي
مي:هلا وش فيك صاير معك شي؟
ميار:اليوم شفت رغد
مي شهقت:مجنونه وين
ميار:وش فيك بالمدرسه شفتها
مي:ليه جات؟هي مو خلاص صارت ولد
ميار:جات تاخذ ملفها
مي:والله مو مصدقه رغد تصير رامي دنيا عجيبه
صح هي كانت بوي وعربجيه بس ماتوقعت ابد
ميار:والله مو بعيده عنك اخاف بكره انتي تصيري ولد
مي:هههههههه لا تخااافين انا بنت
دق جوال مي
مي:الو
ريم:هلا ميو اخبارك؟
مي:تماام هاه كيف الوضع
ريم :تمام التمام
مي:خلاص انا 6 اكون عندك بالبيت
ريم:اوكي استناك لا تتأخري
مي: اوكي باااي"سكرت"
ميار رافعه حاجب:ميو وش عندكم؟!
مي:ولا شي
ميار:مو علي انا اعترفي
مي:ثقه ولا!!
ميار:افااا اكيد ثقه
مي:انا وريم مخططين نروح المول من دون ما احد يعرف
ميار شهقت:ليه؟؟!!
مي:انتي عارفه لو قلنالأمي وخالتي بيخلون البنات الكبار يروحون معنا ولا بعد بشروط وقرف مالنا بهذا كله
ميار:وانتي وريم بس بتروحون؟
مي:اي ومعنا سمر
ميار:ميو وش رايك اقول لأمي؟
مي:لا ميار ماتسوينها
ميار:بشرط
مي:اووووف قولي
ميار:اروح معكم وبكلم رزان
مي:يالنشبه
ميار وقفت:اروح لامي
مي:اوكي خلاص بس الساعه6المغرب جاهزه
ميار:اوكي
نزلت ميار تتغداء وهي تتغداء شافت ابوها داخل قلبها انقبض وغمضت عيونها
ابو مروه"فهد":السلام عليكم
الكل:وعليكم السلام
بعد صمت حوالي 10دقايق
ابو مروه"فهد":انا مسافر بعد ساعه عندي دوره لمده 4شهور
ام مروه "حصه":تروح وترجع بالسلامه ((متعوده على سفراته المفاجئه))
ابو مروه"فهد":جهزيلي الشنطه الحين بروح بس باخذلي شور
ام مروه:من عيوني
مي تناظر بميار:الله وناااااسه ناخذ راحتنا على الاخر
ميار:هذا الي هامك بس
مي:اي والله عاد هو داري عنا اتحدى اذا يعرف انا بصف كم وانتي بصف كم
ميار نزلت راسها بألم:اوكي خلينا نشوف وش نلبس وراحو فوق الغرفه

ميار طلعت لها جينز وتيشيرت بينك فيهرسومات بالذهبي مع شوز وشنطه بينك
ومي طلعت لها جينز مع تيشيرت ازرق وفيه رسمه من وراء بنت كدش مع جزمه وشنطه ازرق
الساعه 6 المغرب
جهزو ميار :يلا ميو انا جهزت
مي:يلا اانا قلت لامي
ميار:وش قلتي لها؟؟
مي:قلت لها بنروح مع ريم ورزان لوحده من صديقاتنا
ميار:ياقوه قلبك تنفعي تصيري مدبره خطط للحروب
مي:اعجبك
ركبو مع السايق ووصلهم بيت خالتهم سعاد وطلعو لهم رزان وريم:هااايؤؤ
البنات:هااايااات اخباركم؟
ريم:وااا و احسن مايكون
رزان:تمااام الحمد لله انتم كيفكم؟
ميار:تمام الحمد لله
مي:راجو وش تستنى تحرك
وصلو البنات المول ودخلو وفرفرو شوي
ميار:رزون وش رايك نجلس بالكافي شوي
ريم:اي ياليت تفارقون
رزان:لا ما راح نخليكم لوحدكم
مي:ليه وش شايفينا عندك بزران
ميار:اي بزران
مي:هذي سمر جات
سمر:هاااي
البنات:هااايااات
سمر:اخباركم؟
الكل:تماام
مي:يلا خلاص بنشتري شويا اغراض انتو روحو الكافي
ميار:اوكي يلا رزون جاي على بالي دونات وبلاك كافي
رزان:يلا خلينا ناخذ ونجلس
ميار:انا بطلب
طلبت واخذت الطلب ميار ماسكه الكافي بيد والدونات بيد ومعها رزان ماسكه موكا ودونات
ميار تكلم رزان وهي تمشي وتضحك
طرااااااااااااااااااااااااااخ
ميار شهقت حطت يدها على فمها وخافت شوي
انكب الكافي على الشاب الي انصدمت فيه ميار
كان اطول منها بكثييير لابس جينز وتيشيرت نيلي وفيه رسومات بالابيض وحزام اسود
وكاب ابيض برسومات ازرق
.......:وجععععععع ان شاء الله ماتشوفين
ميار مسكت عبايتها ومسكت يد رزان الي تضحك على الموقف وركض
رزان وهي تركض:بس فضحتينا نركض قدام العالم
ميار:يمااااه خااايفه تعالي ندخل اي محل
رزان :وش فيه ليه تخافين عادي انتي مو قاصده تكبينها عليه
ميار:عارفه بس ماشفتيه عصب مره
رزان:بصراحه يحق له يعصب خربتي عليه كشخته بالكافي ياااحرااام الحين كيف يمشي بين الناس
ميار:اقول بلا كشخه بلا هم هذولا العربجيات فينهم



البارت_2_
رزان:تلاقينهم عذبو خلق الله ماخلو احد بحاله
ميار:هههههههه اي والله الله يعين عليهم بس كل وحده لسانها اطول منها
رزان:هذولا مو هما شوفيهم
ميار:تعالي نروح لهم
ميار:انتو وش دخلكم هالمحل
سمر:يهبل هالمحل فيه تيشيرتات خطيره
رزان:هذامحل شباب ماتشوفون
مي:واذا انا بشتري من هنا عجبتني التيشيرتات
ريم:بنات شوفو المزيون
ميار شهقت
ناظر فيها كل الي بالمحل
رزان:هذا هو بدل لبسه
قرب الشاب لميار وصار قريب منها وهي دقات قلبها كل ثانيه تعلى ارتجفت تخاااف من الرجال
......:وش ذا الغرور يعني انتي كابه علي الكافي ولا بتعتذري
ميار تناظر فيه ومستهه ومانطقت بحرف:......
......:وش فيك لاتكوني صمخاء
مي بعربجيه:اقول يا ابو الشباب موكأنك زودتها
......:ههههههه ليه من انتي؟!
مي:فارق يالاخو لايجيك شي ما شفته بحياااتك
قرب من ميار اكثر:ههههههههههههه
....قرب منه:فيصل مابقي شي على طيارتك تأخرت
فيصل:اوكي وناظر بميار:بااااي "وطلع"
ميار والدموع بعينها تنهدت
مي:خير هذا وش عنده مطيح الميانه وبقوووه
ميار:كبيت عليه قبل شوي كافي
البنات:ههههههههههه
ريم:وانا اشوفه معصب الاخ
ميار:بنات تأخر الوقت الساعه الحين 11 نسيتو الزحمه يعني
بنوصل البيت بعد نص ساعه
ريم:واذا ماورانا مدرسه اليوم اربعاء نسيتي
رزان:خلونا طيب نتعشاى بمطعم
سمر:اي والله جعت كثير يلا كلكم على حسابي
ميار:ياعيني حتى البزران صايرين يعزمون
سمر:بغير رايي
رزان:لا خلاص بس تعالو
راحو البنات للمطعم تعشو ورجعو البيت
.........
مي :يؤؤؤ هذي الاكياس وين بنوديها الحين امي تشوفها وبتعرف
ميار:اي صح كيف ندخلها اكيد امي بالصاله
مي:لقيتها امسكي الاكياس
ميار:وش اسوي فيها!!!
مي:خذي الاكياس وروحي ورا الباب
ميار:اوكي
مي بصراخ:اااااااااااااااااه امـــــــــــــــي
(اكيد سمعوها كل الي بالبيت وجوها ركض )
ام مروه:مـــي مـــي وش فيك؟؟!!
اول ما طلعو دخلت ميار البيت ودخلت الاكياس بالغرفه وطلعت
مي وهي جالسه بحديقه البيت وماسكه رجلها:امي رجولي رجولي
ام مروه:وش فيهااا؟؟!!
ميار غمزت لمي يعني اوكي
مي:هاااا اي طحت وانا نازله من السياره "وابتسمت"بس الحين خلاص راح العوار
رؤى:اووووف خوفتينا على الفاضي
ضي ضربت مي على رجلها:ياااكذاااابه
مي كملت الدور وناظرت بأمها:امي شوفيها
ام مروه:ضي ماتشوفي اختك رجلها تعورها ليه تضربيها
ومسكت يد مي تمشيها:انتي متى بتعقلي وتتركي هبالك المره هذي بسيطه الله يستر من الي جاي
مي:لاتخافي علي امي بنتك قدعه
وجلستها على السرير
ام مروه:يلا بدلي ملابسك وارتاحي علشان بكرا اوديك المستشفى
مي:مستشفى!!لا امي خلاص ان شاء الله تماام وقامت من السرير وصارت تمشي رايحه جايه:شفتي اميما فيني شي
ام مروه:هههههه الله يستر منك كل هذا علشان الدكتور ..تصبحي على خير
مي باست راس امها:وانتي بخير يا احلى ام بالدنيا

.......

رزان :ريم
ريم:نعم
رزان:تتوقعي راح اشوفه مره ثانيه
ريم:مين؟
رزان:لاتستعبطين علي مين غيره الي شاغل تفكيري
ريم:اهاااا قصدك مروان
رزان:يالبيه اسمه
ريم:اقول تراك ضابطه الدور انتي ماشفتيه الا مره وحده
رزان :تمددت على السرير وطيرت يدينها:مو يقولون في حب من اول نظره
تذكرت موقفهاقبل يومين مع مروان صاحب اخوها تركي
*نزلت رزان من الدرج وهي تغني وشافت قدامها تركي
جالس بالصاله الجانبيه ويناظر بجواله جات رزان من وراه
وحطت يدها على كتفهه :بووووووه خوفـ ـ ـتـ ـك
ناظر فيها
انصدمت بالي قدامها مو تركي هذا مروان وهو كان حاط يده على قلبه لحضه صمت
بينهم بعدما استوعبت الي قدامها
ركضت لغرفتهااا وهي تسمع صوت ضحكته
ريم:هييييييي اختنا في الله ساعه اتكلم مع جدار انا
رزان:هممممم
ريم:لا والله "وتقلد صوتها"همممممم
رزان :وش فيك؟!
ريم:لا ولا شي قاعده اكلم الجدار
رزان:خلاص ريم لاتزعلي سرحت شوي بحبيب القلب وش فيها
ريم:اقول لاتحلمي كثييير تراه ما دري عن هوا دارك
دخل تركي
البنات:لا وي خوفتني
تركي:لانك جالسه بالبيت لوحدك
رزان:بس مو كذا الناس يدخلون
ريم:وش فيك مستعجل؟
تركي:اي والله مو فاضي ابيكم تسوون شاهي وقهوه اللحين
ريم:خيير اللحين واذا تبي قول للخدامه
تركي:ابي اللحين مروان عندي وشاهي الخدامه ما احبه
رزان شهقت
ريم ضربتها بالخداديه الي بيدها
تركي:خير وش فيه.؟! قومو الحين سوو بسرعه
رزان:اوكي من عيوني كم تركي عندنا
تركي طق الكشره:واحد بس الي هو انا
ريم:ياشين الثقه الزايده
تركي:احم احم لاتتأخرون
ريم:قول لرزان انا ما راح اسوي شي

نزلو رزان وريم وسوت الشاهي والقهوه ووقفت بجنب باب المجلس
رزان بهمس:تركي
مروان تكهرب مايدري وش صار فيه
تركي:عن اذنك شوي "وراح"
تركي"يقلد صوتها":تركي :ماشاء الله عليك لوجايبته ريم العربجيه كان احسن
رزان تناظر فيه مبتسمه
تركي اخذ الصواني :حمدلله والشكر اهل العقول براحه
رزان ما كأنها سمعت شي راحت لغرفتها

......

الكل جالس يتغداء
دخلت ميار:صباح الخير
مروه:قولي مساء الخير
مي:كلها وحده ماتفرق يعني
رؤى :اصلآ انتي الدنيا عندك كلها ماتفرق
ام مروه:اجهزو من بدري مو كل مره نتأخر خالاتكم اكيد كلهم وصلو الشاليه من زمان
ضي:وناااااسه
ميار:مستانسه كلهعلشان تروح تلعب مع سامي
ضي:اي عندك شي
ام مروه:المهم تكونون جاهزين الساعه4 العصر معاكم ساعتين تجهزو وما ابيكم تنسون شي بنجلس يومين

جهزو البنات على الساعه3 ونص ووصلو الشاليه العائلي
اعرفكم على العوائل كلهم
الاخوان:حصه+سعاد+ساره+سلمان+سعد
عائله ابو مروه"فهد"
46سنه "اب متسلط مهمل عصبي اناني بس بأوقات يكون حنون كثييير على بناته"
الام"حصه"
40سنه"حنونه كثيير بس اذا عصبت ماتشوف احد
1*مروه "22سنه "بالجامعه3سنه تدرس لغه انجليزي
عاقله وانيقه كثير
2*رؤى"20 سنه"1سنه بالجامعه
هاديه وناعمه تشبهه مروه كثير بس انعم
3*ميار"18سنه" ثالث ثانوي
ملامحها طفوليه ناعمه شقيه بدلع
4*مي"15 سنه"3 متوسط
عربجيه مايهمها شي الا الوناسه
5*ضي"12 سنه"6 ابتدائي
دلوعه البيت وتشبه ميار كثير

عائله ابوتركي"طلال"
ام تركي"سعاد"

تركي"24سنه"
خالد"20سنه"
رزان"18 سنه"
ريم"15 سنه"


عائله ابو مؤيد"عبدالعزيز"
ام مؤيد"ساره"
مؤيد"20 سنه"
مدى"18 سنه"
هدى"15 سنه"
سامي "13 سنه"


عائله ابو راشد"سلمان "اخوهم الكبير
ام راشد"ساميه"
راشد"24سنه"
روابي"20 سنه"
رنيم"17 سنه"


عائله ابو عبدالله "سعد"
ام عبدالله"مريم"
عبدالله"22 سنه"
احمد"20 سنه"
مجد"16 سنه"
مها"12 سنه"
دانه"7 سنوات"

دخلو البنات :هاااااي
الكل:هااايااات
ضي ركضت لسامي وطلعو يلعبون
سلمو البنات على بعض وعلى خالاتهم
مدى:بنات خلونا نسلمو على خالو سلمان وخالو سعد
البنات:يلا اوكي
راحو البنات لقسم الرجال
وكل وحده تقول للثانيه انتي ناديهم
رنيم:خلصونا تكلمو
ميار:انتي تكلمي
رنيم:كيمياء هي ونادت :بابا سلمان عمو سعد
طلعو لهم وسلمو على البنات ورجعو البنات قسمهم

بعد صللاه المغرب
مي:بنات يلا نطلع للبحر الجوء مره حلو
البنات:يااااااي يلا
وطلعو ركض ناحيه البحر بعيد شوي عن الرجال وسوو دائره وهما جالسين على الرمل
وجايبين معهم لزوم البلعه كل شي
شيبسات وبسكويتات والعصيروالببسي
رزان وهي تكتب على الرمل تكلم ميار الي جالسه بجنبها :ياليت ياميار مروان يجي هنا واشوفه
ميار:مجنونه انتي رزون حبي لاتتعلقي فيه لهدرجه
الرجال كلهم مالهم امان كلهم انانيين وخاينين
رزان :لا الا مروان شفت بعيونه حب
ميار:اي حب يجي بدقايق بمجرد موقف لأول مره
رزان:ميور ليه تقولين كذا؟الحب ماله وقت ولا يدق الباب
الحب شعور بلحضه تصيب سهامه على قلبك من دون ماتحسين
ميار:لاتحلمين كثير انا انصحك عيشي الواقع "وناظرت فوق بالسماء وتنهدت بألم"

.......

روابي:بنات وش رايكم نسبح؟؟؟
مي:ايه
ميار:لا اخاف بالليل
مدى:اقول امشي وش تخافين منه؟
مروه:مي مو رجولك تعورك!!
مي:لا بسم الله علي تعافيت
ركضو البنات للبحر وصار يرشون على بعض بالمويا

.......

عبدالله:شوف البنات داخلين البحر
راشد:اي ياحليلهم عايشين حياتهم
تركي:اقول انت وياه لا تناظرون بسكم
احمد:عاد احنا نشوف شي
مؤيد:ليه وش تبي تشوف!هههههههه

.....

رؤى:بنات جوال مين يرن؟
البنات سكتو:.....
ميار :هذا جوالي
طلعت من البحر لابسه برمودا ابيض وتيشيرت احمر اخذت جوالها :يالبيه هذا بندر
البنات ناظرو فيها



<center> >>>>> ردود الأعضـــــــــــــــــــاء على الموضوع <<<<<
================================== </center>
البارت_3_

ميار:وش فيكم هذا اخوي بندر من الرضاعه لا يروح تفكيركم بعيد
هدى:ايه هذا المزيون
ميار:هلا والله
بندر:اهلين فيك يالقاطعه
ميار:حراااام عليك انت ماتسأل &quot;وصارت تمشي بأطراف البحر&quot;
بندر:انا الي ما اسأل المهم وش اخبارك؟
ميار:تمام انت كيفك؟من زمان ما شفناك
بندر:هههههه واللحين بتشوفيني
ميار صارخت:واااااي من جدك بندر بشوفك انت بجده
بندر:ههههه اي انا بجده قبل شوي وصلت وقلت اشوفك
انا قريب اللحين من بيتكم
ميار:لاااا احنا مو بالبيت
بندر:افــا ليه.؟
ميار:احنا بالشاليه تعااال
بندر:لا وش يجيبني كلهم العائله
ميار:افا وانت وش تكون انت اخوي اقول تعال مشتاقه لك موووت
بندر:لعيونك بس بجي بس ماراح اطول بكرا راجع
ميار:اوكي يلا تعال استناك
بندر:اوكي باااي
ميار :باااي
راحت للبنات تركض:ونااااسه بندر بيجي اللحين
البنات بصوت واحد:والله
ميار:ههههههه وش فيكم كأنكم مو شايفين خير.؟؟
ريم:والله اخوانك هذول كشخه ويذوبون الصخر
ميار:احم احم اكيد لاني اختهم انا بروح ابدل
راحت ميار تبدل ملابسها ونظرت وراها وتشوف كل البنات
ميار:بسم الله خير وش جايبكم
رؤى:بنشوف اخوك المزيون
ميار:لا والله ...انا بدخله بالفاصل بين قسم الحريم والرجال بالمسبح الداخلي
مدى:وهو المطلوب علشان نقدر نشوفه
ميار:بنات ما ابيكم تفضحوني اخواني مو متعودين يشوفون اشياء كذا
هدى:وش قصدك؟!
ميار:ولا شي اكيد جاء يتصل على جوالي
ردت :اي بندر انا الحين اجيك عند البوابه
راحت له والبنات طبعاا وراها هههههه
ميار حضنته وسلمت عليه:هلا والله بخوي اشتقتلك
بندر:ههههههه وانا بعد اختي العزيزه الا متى بتزورينا؟
ميار:ان شاء الله بالاجازه كالعاده
بندر:اووووف يعني بعد شهر
ميار:يلا تعدي اخبار امي نوره واخواني؟
بندر:كلهم يسلمون عليك

.....

البنات من وراء الباب
روابي:وااااي يالكشخه
ريم:لا والرزه والثقه
مدى:وه غمازته تهبل ابتسامته
رؤى:ولا ريحه عطره واصله لهني
كان لابس جينز وتيشيرت اسود فيه رسومات بالفضي والاحمر وحزام اسود
وجزمه سبورت وكاب فضي وساعه سوداء
واقف قدام ميار بطوله الي ارتفع عنها بكثير ماسك يدها وجلسو بكرسيين وصارو
مو كل البنات يشوفونهم تمام

مي:بنات شوي ابي اشوف
مدى:بنات وخرو وقامت حرب بينهم الا

طـــــــــــراااااااااااااااخ
كل البنات طاحو ودخلو داخل عندهم وهما على بعض
رزان:ايييي كسرتوني
ميار متفشله حدها
بندر مو قادر يمسك نفسه من الضحك:هههههههههههههه
البنات مو قادرين يتحركون من الفشله وفطسو ضحك:هههههه
مدى:كلو منك يامي يالدوبا
البنات وقفو ركضو مدى بتركض الا مي راميتها بالمسبح
مدى:لاااااااا ما اعرف اسبح مي ياااحقيراا
البنات ضحكو على مدى وراحو
مدى تصارخ ومفتشله بنفس الوقت:لااااااا
ميار وبندر خافو
بندر:هي ماتعرف تسبح؟؟!!
ميار:لا
مدى شوي وتغرق
بندر نزل بلوزته ونزل المسبح ومسك مدى وشالها طلعها من المسبح
مدى صامته من الفشله ومن الخوف
جلسها على طرف المسبح
ميار:مدى حبي فيك شي؟
مدى رميت نفسها بحضن ميار بتخبي نفسها من الفشله
بندر:انتي بخير؟؟
مدى بهمس:اي مشكور
بندر:ماسوينا شي اهم شي انك بخير اخذ بلوزته ولبسها:ميار
انا بروح ابدل ملابسي بعدين بروح عند الشباب
اذا بغيتي شي اتصلي اوكي
ميار:اوكي ياقلبي وطلع&quot;
مدى:ميار فشله اخوك شافني وبعدين شالني مو عارفه
قاطعتها ميار:عادي كلوه من مي الدوبا اوريك فيها
واذا على بندر ماعليك مومن الشباب الي يخزون

......

بندر طلع السياره ويفكر بالملاك الي كان بين يديه يآآآآه كانت بتروح
فيها البنت وه واسمها مدى ياااه ياميار تعرفين هالملاك ومخبيته علي
غير ملابسه وراح للشباب

.....

دخلو البنات وحصلو ميار ودى يضحكون
مي:هههههه اشوفكم تضحكون
مدى:انتي يالدوبا مراح اخليك وقامت ورميتها بالمسبح
ميار:هههههههه الدنيا دواره
وناظرت بمدى :بس اللحين بندر موفيه علشان يطلعك
البنات ناظرو بمدى وبصوت واحد:بندر طلعك؟؟!!!
مدى ناظرت بميار:اي ياسخيفااات
البنات شهقو
رزان:يااااي يعني هو شالك من المسبح حماااس
مدى:كله بسبب الدوبا مي
مي وهي تسبح مستانسه:بجلس اسبح لما يجي بندر يطلعني
البنات:هههههههههههههه
ريم:لو يشوفك تغرقين ماراح يطلعك
مي:وليه ان شاء الله
ميار:بجد فاتكم بندر وهو يطلع مدى منظر واااااو رومانسي
مدى استحت ووردت خدودها :بس عاد
البنات:ههههههههه استحت ياهوووووووه
هدى:اقول اختي طاحت بالحب
مدى:اي حب باللهي عليك فارقي بس
ميار:وه بندر اخوي ينحب بسرعه مطيح بنات الشرقيه كلهم وجاي الدور على بنات جده
رزان:اقول حتى احنا عندنا اخوان مزايين
مبار:بس اخواني غير هههه

............


البنات راحو لقسمهم بعد السوالف والهبال نامو
مدى ورزان وميار بجنب بعض
رزان:اقول بنات وش رايكم بكافي؟؟
ميار:جبتيها على الجرح ياليت
مدى:واااااي الجو برا روعه وش رايكم نطلع البحر.؟
ميار جلست وتناظر بالبنات الي كلهم نايمين:اوكي
راحوو البنات سوولهم كافي وطلعو البحر جلسو على الرمل
كان الجو رومنسي ضوء الشمس طلع شوي وصوت امواج البحر
الهاديه والعصافير معطيتهم موسيقى عذبه
...
وقفت ميار ودخلت رجولها بخفه بأطراف البحر:هههههه
المويا بارده راحت بخيالها شوي وهي تناظر بأمتداد البحر
:رغد عمليتها اليوم
مدى:رغد صديقتك صح هي كيف وصلت لهالحاله.؟
ميار:من زمان وهي تجيها الام واستغرب حركاتها بأوقات بس هي كانت ترفض تروح للدكتور
رزان:هي بعمرك؟
ميار:اكبر مني بسنه وشوي اذكر انها رسبت بالمدرسه بس علشان تجي معاي بالفصل
مدى:اذكرها شفتها كذا مره عندك حبوبه وباين انكمصديقات مره
ميار:هي اكثر وحده تفهمني الله يوفقها

....

البنات سكتو:....
ميار:وش هالصوت.؟!
مدى:هذا صوت دبابات
رزان:دبابات!! الحين الصباح
الصوت قرب اكثر ووصل لعندهم
ميار اول ما قرب الصوت ركضت جوا البحر اكثر ومدى ورزان وقفو على اطراف البحر
رزان:ميور هههههه اطلعي
ميار:لا مستحيل مين هذولا.؟
وقربو اكثر وهي 5دبابات

خالد:هههههههههه شوف هذولا البنات
مؤيد:هذولا بنات خالاتي؟
بندر:ههههه اختي معهم لايكون بس
احمد:وش رايكم نفحط عليهم؟
عبدالله:هههههههه يلا شوفو وحده داخله البحر شكلهم خافو
صارو الشباب يفحطو جنبهم ويمرون من بينهم
خالد وهو يمر بين رزان ومدى:لاااااااااااااا
رزان راحت بجنب ميار ومدى بعدت شوي عنهم
ميار:يؤؤؤؤ فشله هذولا عيال خالاتي
ميار لابسه شورت جينز وتيشيرت ابيض وكاب احمر وابيض
ورزان لابسه برمودا اسود وتيشيرت احمر وكاب اسود
ومدى لابسه جينز وتيشيرت اخضر وفيه رسومات بالذهبي وكاب ذهبي واخضر

ميار اول ماشافت بندر:بندر
بندر:هلا ميورتي انتي هنا
ميار وهي بالبحر تحاول تغطي نفسها:خير جايين هنا روحو بعيد عنا
عبدالله:لا والله ماراح نروح مكان ارتاحو بنجلس هنا
رزان:واحنا يعني بنبقى هنا بالبحر يعني
احمد بنذاله:اطلعو مين ماسككم!!
ميار تكلم رزان:وي رزون خاطري اركب الدباب
رزان :وانا بعد
مدى وهي تراقبهم من بعيد بس هم ما لا حضو
بندر شاف الملاك الي واقف يناظر فيهم راح لها من دون ما احد يحس:هلا والله
مدى مستحيه ناظرت تحت:.......
بندر بجرائه:وش فيك واقفه هنا لوحدك اذا تبغين اوصلك
ناظرت فيه مدى بأستغراب
بندر:لا تفهميني غلط &quot;مدى تركته وراحت للبنات&quot;

.....

رزان :خالد
خالد:هلا
رزان:ابي اركب الدباب
خالد:خير ماسمعت
رزان:خلود خيو
خالد يأشر لها :تعالي&quot;نزل من الدباب وركبت
مدى وميار:واحنا..؟؟
بندر:هههههههه تعالو
نزل بندر ومؤيد وركبو مدى وميار وصارو يفحطون
رزان :بنات وش رايكم نسوي سباق.؟
عبدالله:اي ياليت
ميار:قلنا بنات لايكون انت بنت هههههههه
عبدالله:هاهاها ماتضحك قولو انكم خايفين افوز عليكم
انا واخوي احمد
مدى:لا والله مو خايفين
احمد:طيب يلا

وقفو كلهم بنفس المستوى وحددومكان يروحون له
خالد:1..2...3...قوووو
كلهم انطلقو
مدى تحاول في الدباب موراضي يتحرك على طول بندر استغل الفرصه وراح لها
مدى:ما ادري وش فيه مو راضي يتحرك
بندر حط يده على يدها الي ماسكه فيها الدباب وهي تناظر فيه وبيده الدافيه على يدها البارده
المرتجفه ومو حاسه بالي حولها
بندر:هههه فهمتي كذا
مدى استوعبت:هااا شقلت.؟؟!!
بندر:ابد انتي مو معاي اكيد بتخسرين اذا ما تحركتي يلا روحي شغلته لك
مدى راحت بعالم ثاني تحركت مثل الصاروخ<<<<هههههههه اش ذا الحماااس

رزانطاح كابها ورجعت على ورا علشان تاخذه وهي راجعه
طراااااااااخ
صدمه بسياره على خفيف لانها كانت راجعه بهدؤ
نزل اليبالسياره :سلامات ماتشوفــ
رزان فتحت فمها من الفشله :انـ ـا .. كنـ ـت ..ابي..ابي
وهو يتذكرها:هههههه عادي عادي فيك شي تعورتي.؟
رزان &quot;تموتعلى حنيته &quot;:لا مافي شي
اخذت الكاب بتلبسه ضيعت مكان راسهامن الرجفه
مروان كاتم ضحكته حط يده على يدها ولبسها الكاب:كذا تمام
رزان:هاااه وراحت مثل الصاروخ

طبعا ميار وعبدالله واحمد في تحدي وقربو يوصلو للمكان الي يبونه
احمد:اكيد انا الي بفوز
ميار:بعيده عليك
عبدالله بنذاله:يالله شوفو مين جانا!!
احمد وميار ناظر بالمكان الي اشر عليه وهو سبقم وفاز
ميار:لااااااا غشااااش
عبدالله:ههههههه اهم شي فزت
ميار تناظر تدور بعيونها مدى ورزان ماحصلتهم استوعبت انها بين الشباب ركضت جوا
حصلت مدى ورزان جالسين بين البنات
ميار:ياااخاااينات
البنات:اصصصصص قصري صوتك البنات نايمين
ميار:ليه تركتوني لوحدي؟
البنات استحو وناظروتحت
ميار مستغربه:هههههههه وش فيكم.؟
قالو لها كلالي صار
ميار:ههههههههههههههههه والله مو سهل بندروه شكلك عجبتيه
مدى:لا تطلعين اشاعات
ميار تغمز:اشاعات هااه
رزان:يلا بنات ننام اليوم نبي نفلها العصر اخر جمعه الاختبارات جات
ميار:يؤؤؤ فكه من الدراسه والهم
مدى:بالاجازه بتروحين الشرقيه.؟؟
ميار:اكيد مثل كل سنه
نااامو البنااات

.....




__________________________________________________ __________
البارت _4_


بعد صلاه العصر
البنات صحيو بطاقه كبيره ماعدا ميارومدى ورزان نايمين
مي:هذولا اكيد مانامو بدري
ريم:اي اكيدين بعد وش رايك نعذبهم
هدى:ياليت
شغلو الضوء وطفو المكيف
مدى:طفو النور وشغلو المكيف
ميار:اووووووووف وش ذا الحر؟
جابت مي وريم طبله ويدقو فيها
البنات ضحك على اشكالهم:ههههههههههه
مروه وروئ ورنيم جالسين بزاويه ويراقبونهم من بعيد
عجبهم الوضع
مي وريم يدقو كل وحده معاها طبله وتدور حول البنات
وصارو روئ ورنيم وهدى يرقصو وهدى ومروه يغنون
ميار ورزانومدى مغطين انفسهم بالبطانيه ومسكرين اذانهم
:بنااااااااااات بلاااا بياااخه
البنات يعاندون يزيدو الصوت والتصفيق
قامو ميار ومدى ورزان يرمو عليهم بالمخدات والبنات ركضو وهما يغنون وانحاشو برا
:ههههههههههههههههههههههههه
ريم:اهم شي صحيو
رنيم:حراااام حزنوني


.....


ميار رمت نفسها على الارض بين الخداديات :اووووووف طيرو النوم عني
مدى:مايخلون الواحد ينام
رزان:بس الحين الساعه كم؟
مدى:5 ونص العصر
ميار:لاا تأخرنا بالنوم
قامو البنات غيرو وفطرو وطلعو للبنات براا


مسوين دائره على نفسهم وامهاتهم قريب شوي منهم يسولفون
والشباب والرجال بالجهه الثانيه يشوون
:هااااااي
البنات:هاااايااات اخيراا صحيتو
ميار:بجد ازعاجكم مو طبيعي بس حمستوني ابي ارقص
البنات:هههههههه
مروه:مجنونه هنا ترقصي ادخلي جوا
ميار:ما احد بيشوفنا
هدى:اي والله بروح اجيب الطبله

مي وريم مسويات فرقه يدقون والبنات يصفقو ومروه تغني
وميار ورنيم يرقصون بوسطهم

ام تركي&quot;سعاد&quot;:بنات اجلسو فضحتونا
ريم:امي ماعندك احد عادي
ام مروه&quot;حصه&quot;:الله يهديكم بس ادخلو جوا
هدى:خاله حصه الجو هنا احلى
وكملو البنات رقصهم واستهبالهم
رن جوال ميار شافت الرقم استغربت وجلست
رنيم:وش فيك.؟؟
ميار:لا خلاص بجلس
ميار وهي مصدومه حطت الجوال سايلنت وتناظر بالرقم مو مستوعبه
قفل الاتصال بعد دقيقه وصلها مسج
&quot;افا ميور ماتطمني علي بعد ماسويت العمليه انا اول ماطلعت
وصحيت من البنج اول ماخطر ببالي انتي نسيتيني بسهوله&quot;

ميار ودموعها تحجرت بعينها والله مانسيتك يارغد او رامي بس خلاص
القدر فرقنا وابتعدنا مو بيدينا
رزان:ميار وش فيك.؟!!
ميار:لا ولاشي
رزان:اكيد
ميار:اي
مي:يالله جعت متى يجهز العشاء
هدى:انتي ماتفكري الا ببطنك ماتشبعين
مي:اعوذ بالله من عينك
تعشو ورجع الكل لبيته


......


بعد ما انتهت الاختبارات كانت هالايام بأختصار
بارده محمله بالكأبه عند الكل لانو هم الاختبارات لوحده يكفي وما فيها احداث مهمه تذكر
يوم النتائج&quot;

....


دخلو مي وميار البيت
ميار تجري لامها:امي باركيلي نجحت
ام مروه:مبرووووووك يابعدي كفو بنتي وانتي مي.؟؟
مي:هاااه امي بقولك شي
ام مروه:رسبتي!!
مي:لحضه اسمعيني انا مو رسبت نص نص
ام مروه :كيف هذي.؟؟!!
مي:يعني ان شاء الله انجح بالدور الثاني هما حطوه كتحسين
ميار:وابشرك امي 3مواد هههههه
ام مروه:تحسين هاااه ورميت عليها علبه المناديل
:بسرعه روحي غرفتك وتذاكري من اليوم ومافي طلعه ولا روحه الا لما تنجحي بالدور الثاني
مي بدفاشه:امي وش ذا.؟؟الاختبار باقيله اسبوع ونص
ام مروه:وهذي قليله يالله انا قلت بسرعه على غرفتك
مي:بس امي
ام مروه:وش قلت.؟
مي:طيب
ميار:ههههههه هذي نهايه الدلع
ام مروه:روحي جيبيلي جوالها والاب توب بسرعه
ميار:امي
ام مروه:وش قلت!!
ميار:اوكي
راحت ميار الغرفه دخلت وشهقت
مي:وش فيك؟!
ميار:من جدك جالسه ترقصي ومطلعه كل هالملابس انا قلت بلاقيك تبكي وحالتك حاله
مي:وليه ان شاء الله عزاء هو عزاء!!
ميار:وليه هالملابس؟
مي:بأختار ..نسيتي بنات خالاتي بيجو شويا علشانك بتروحي بكرا الشرقيه
ميار:ااهاا طيب اعطيني جوالك والاب توب امي تبيها
مي:خير
ميار:اوامر الوالده
مي:عادي ساعه ساعتين وباخذهم امسكي


......


لبست ميار فستان نيلي قصير يوصل للركبه عليه شريطه على الخصر لونها اسود
وشوز اسود وتركت شعرها على وراء مسويته كيرلي وحاطه ميك ابناعم خلا شكلها ناعم روعه
مي لبست جينز اسود وتيشيرت ازرق عليها جاكيت اسود وتركت شعرها مفتوح
روئ لبست فستان قصير اسود وحزام احمر وشوز احمر
مروه لبست فستان زهري ناعم مره وفيه ورود بيضاء على خفيف وشوز ابيض

على الساعه 9 ونص
تن تن تن &quot;اندق الجرس&quot;
فتحت الباب رؤى ودخلو الصاله الداخليه البنات جهزوها من اضائات ملونه والdgوالبوفيه
.....

طلعت مي من الغرفه شافتها امها:مي تعالي
مي:هلا امي وش رايك بلبسي؟
ام مروه:وليه لابسه مافي ما بخليكي تروحي للبنات
مي:وليه؟
ام مروه:والله لو انك ناجحه مثلهم كنت خليتك تروحي
مي:يعني طاحت الدنيا اذا غلطنا مره وحده
ام مروه:مافي وبدلي ملابسك
رجعت لغرفتها &quot;والله هذا مو شي يستاهل انا الي رسبت ولا هما يعني كيف البنات ينبسطو تحت وانا اجلس هنا&quot;

......

شغلو الdgورقصو البنات مستانسين لما جو بيقطعو الكيكه
ريم:بنات وين مي؟
رؤى:اي صح ما دخلت من اولا
ميار:انا شفتها لبست وكل شي وكانت ورايا نازله
هدى:مستحيل نقطع الكيكه بدونها
ميار:اوكي بروح اكلمها
طلعت ميار ودخلت الغرفه :مــــــي انتي هنا خييير ليه مانزلتي
مي ناظرت بميار بقهر:لا ليه انزل انبسطو
جلست ميار بطرف السرير جنب مي:خير مي وش فيك وليه مبدله لبسك
مي:اوامر الوالده
ميار:لا تمزحي
مي:ممنوعه من الخروج من الغرفه يعني مسجونه
ميار:لا مستحيل احنا بنقطع الكيك الحين
مي:انا بنام &quot;وغطت نفسها&quot;
ميار:لا والله مو طالعه الا وانتي معاي
مي:ميار روحي خلاص
انفتح الباب بقوه مي وميار شهقو:وجعععععع فجعتوني

دخلو البنات كلهم
ريم:لا مو صاحيه خير بتنامي
مي:اي تعبانه
رزان:لا معجزه مي تترك الرجه والهبال وتنام
مي:مالي خلق
البنات:لااااااا عاااد
هدى :ماتحلى الجلسه بدون هبالك
دخلت ام مروه :مي خذي جوالك نسيتيه عندي
&quot;مي استغربت&quot;:ويلا نزلي مع البنات تحت
حضنت امها وباستها
البنات يصفرو ياااهوووووه
مي وقفت على السرير:يلاااا بنات استعدو العاصفه بتنزل ههههه
ميار:اللحين رجعت مي الي انا اعرفها
مي:يلاا بنات اطلعو برااا بغير ملابسي
البنات يطلعو:يلا بسرعه ولا بناكل الكيك وما نخليلك
مي وهي تلبس:جربو وشوفو ميو وش بتسوي فيكم
البنات:ههههههههههه
قطعو الكيك واكلو وخلصت الجمعه بسلاااااام


.............



ميار:هلا طارق
طارق:اهلين فيك اخبارك؟
ميار:تمااام انت كيفك؟
طارق:الحمدلله هااه جهزي نفسك بكرا بأجي اخذك العصر
ميار:اوكي انت متى بتجي جده؟
طارق:انا بجي الصباح بروح عند واحد من الشباب والعصر قبل الطياره بوقت بأجيك
ميار:اوكي
طارق:تامرين على شي
ميار:سلامتك
طارق:تسلمين مع السلامه
ميار:بااي


.........




العصر
ام مروه:ميار اخوك تحت روحيلوه
ميار:اوكي امي &quot;ونزلت&quot;
ميار سلمت عليه:هلا طارق اخبارك؟
&quot;طبعا طارق اقرب واحد من اخوانه لميار &quot;
طارق:هل والله بدلوعتنا ..عاد هالصيفيه ان شاء الله تجلسينها كلها عندنا مو كم اسبوع وتروحين
ميار:هههه انا ودي بس ابويا قال شهر
طارق:ماعليك انا اقول لعمي
يلا بعد ساعتين الطياره لازم نروح من بدري
ميار:اوكي بس بسلم على امي واخواتي
طارق:استناك بالسياره
&quot;راحت تسلم على اخواتها&quot;

دخلت غرفتها حصلت مي نايمه:ميو انا رايحه قومي بسلم عليك
مي:هممممم
ميار باستها على خدها وقامت طفت النور بتسكر الباب
مي جلست :ميور من جدك بتروحي وانا ماسلمت عليك وفتحت يديها ركضت ميار وحضنتها وانوع الدموع
مي:مي:معاك اسبوعين مافي غيرها مين بتهاوش معه بعدين
ميار تضربها على خفيف:اذا تبين اشيلك معي
مي:لا نسيتي علي دور ثاني وقرف يلا بس روحي
ميار:ذاكري تمام ويلا كملي نومك
طلعت من الغرفه ودخلت غرفه رؤى ومروه
ميار:صاحين بدري غريبه!!
مروه ودموعها بعيونها:بتروحين اللحين؟
ميار:اي وحضنتها وحضنت رؤى وسلمت عليهم
رؤى:اتصلي مو تنسينا
ميار:اكيد كل يوم راح ازعجكم &quot;وطلعت&quot;
حصلت امها بالصاله
على طول حضنتهاا:امي راح اشتاقلك
ام مروه:ياقلبي خلاص ماتعودتي كل سنه وانتي تروحي
ميار:ياليتهم كانو بجده احسن جنبنا مو بالشرقيه بعيد
ام مروه:الدنيا كذا بس ما اوصيك على الصلاه وانتبهي لنفسك ونامي مزبوط
ميار:من عيوني يمه لاتخافين
ام مروه حطت يدها بشنطه ميار:هذا مصروفك واذا احتجتي قولي نرسل لك
ميار:ليه امي انا بروح عند امي نوره واخواني مابيقصرون معي
ام مروه:ولو يلا روحي طولتي على اخوك
باست راس امها وطلعت:مع السلامه

دخلت السياره تمسح دموعها
طارق:كل هذا وداع بتهاجرين انتي..وليه هذي الدموع؟؟
ميار ناظرت فيه:راح اشتاق لهم
طارق:واحنا بعد اهلك ولا ماتشتاقين لنا
ميار:الا ليه ماتجون تسكنون بجده مثل زمان.؟؟
طارق:زمان قلتيها كانت كلها خمس سنوات الي سكنا فيها بجده علشان عمل الوالد الله يرحمه
ميار:الله يرحمه
طارق:واللحين كل اهلنا واشغالنا هناك وش يجيبنا هنا؟
ميار:اوووو قهر

رن جوال طارق:هلا اخبارك
......:اهلين بخير هاااه وصلت المطار؟
طارق:اي قربت اوصل
......:زيين انا قبل شووي وصلت استناك
طارق:طيب مع السلامه

ميار:مين؟<<لقااافه مو طبيعيه هع
طارق:هذا فيصل اخو دنيا بيروح بنفس الطياره معنا
ميار:اهااا هذا فيصل الي ازعجتنا فيه
طارق:هههههه اي ذا
وصل ميار مسج&quot;يالله اكيد الحين انتي بالشرقيه ولا بتروحي هذي الايام اول مره تسافري وانا ما ودعتك
الله يرجعك بالسلامه&quot;
ميار&quot;ياااه يارغد ايامك كانت حلوه للحين مو مصدقه
وردت بمسج&quot;وانا احس نفسي ناقصه بقي احد ماودعته انا اللحين رايحه المطار قربت اوصل وتكفين لاعاد ترسلي لي خلاص مايصير&quot;
اتصل رامي او رغد كذا مررره بس ماردت ميار

طارق:يلا وصلنا المطار
&quot;نزلو ودخلو&quot;
طارق:وينك يافيصل ما اشوفك
فيصل:انا بالمطعم
طارق:اي شفتك يلا جاي
ميار:طارق بروح اخذلي شي اشربه
طارق:اوكي
سلم طارق على فيصل
فيصل:ياخي ازعجونا بالعمل
طارق:مو باقي على الدوره حقتك اربع شهور وترجع جده ارتاح
فيصل:ههههه والله ما احب ابعد عن الوالده
طارق:هههههه ياحنون انتا
فيصل:اي اعجبك الا وش تبي اطلب لك
طارق:قهوه
فيصل:اوكي
راح فيصل وطلب كانت قدامه بنت بعد ما اخذت الكافي ولفت بتمشي شافته :انت
فيصل وهو يحاول يتذكرها ناظر بعيونها:انتي
وبينهم نظرات معانيها غريبه ممزوجه ومجهوله وملخبطه







__________________________________________________ __________
البارت_5_

فيصل:بس هالمره اناا الي بكب عليك الكافي
ميار:ماتقدر
فيصل ابتسم بخفه
&quot;ميار ركضت شافت طارق وجلست جمبه&quot;
طارق&quot;طولتي؟
ميار:اي كلمت بنت خالتو رزون
طارق:اهااا
ميار ناظرت قدامها شافت فيصل يمشي بأتجاهها جاي على طاولتهم
&quot;ياربي هذا وش بيسوي اكيد بيكب علي القهوه ولا بيقول لطارق هاااه&quot;
انصدمت اكثر لما شافته جلس
طارق:الا ماقلت لي فيصل
&quot;طبعا فيصل حاول ماينظر فيها لانها اخت صاحبه هع ماعرف انها هي الي كبت عليه الكافي&quot;
ميار ارتبكت ومسكت الكافي وطاح منها على الطاوله وشهقت
&quot;ناظر فيصل وعرفها&quot;
طارق:سلامات واخذ منديل ومسح يدها :ميار تعورتي
ميار:لا...طارق بروح اخذ لي شويا اشياء
طارق:اوكي بس انتبهي
ميار:اوكي
&quot;مشيت بخطوات سريعه ماتعرف وين تروح&quot;انا وش فيني كذا خايفه&quot;
ناظرت قدامها
صدمـــــــــــــــــــــــــــــــــــــه
قرب منها
ياااه اشتقتلك
ميار:رغد
رامي:ههههههه ليه ماتردي على اتصالاتي؟
ميار:لانو خلاص مايصير لازم تنهي كل شي لانو تغير كل شي انتي صرتي رامي يعني انتهى
رامي:وليه ينتهي بيوم وليله؟
ميار:لانك بيوم وليله صرتي انسان ثاني
رامي:صحيح تغير مظهري بس انا من جوا مثل قبل ماتغيرت قلبي وعقلي وذاكرتي
ميار تناظر في الي كانت اعز صديقاتها كيف صارت خففت شعرها وتغير لبسها وحتى صوتها تغير كيف يصير كذا بيوم وليله
رامي:ميار وش فيك
ميار:انا لازم اروح تأخرت
رامي:تروحي وترجعي بالسلامه ماكان يخطر ببالي انو بيوم من الايام راح اودعك بهالطريقه
ميار دمعتها بعينهاراحت تمشي بعد شوي اتصل طارق وركبو الطياره

بالطياره كانت ميار على الشباك وطارق جنبها وجمبه فيصل
ميار ماتدري ليه تحس نفسها مخنوقه ماتقدر تتنفس متضايقه كثييير
اول مابدت الطياره تقلع مسكت يد طارق بقوه لاحضها فيصل وناظر فيها مسكره عيونها وباين عليها خايفه
بعد مااستقرت الطياره بالجوء
طارق:رايح الحمام عن اذنك
المظيفه تسأل اذا تبون شي
ميار ماردت
فيصل:تبغين شي
بعد ماردت
فيصل:ميار
ميار حست نفسها تحلم هذا يناديني ياربي انا وش احس فيه؟!!
فيصل:تبغين شي؟
ميار:لا مشكور
راحت المظيفه
فيصل:واضح عليك خايفه ليه؟
ميار ناظرت فيه بحده:وانت وش&quot;شافت طارق جاي سكتت وغمضت عيونها&quot;
فيصل&quot;يالله هالبنت جافه ابد ما احديكلمها كبريت اعوذ بالله بس عيونها تذبح&quot;

..........

تركي:السلام عليكم
الكل:وعليكم السلام &quot;بعد صمت&quot;
ام تركي:هاااااه يمه وش قلت عالموضوع الي قلت لك عليه
تركي:هههه الي تشوفينه يمه
ام تركي تزغرط:كلللللللوش الف مبروك يمه اليوم ان شاء الله بأتصل واخطبها لك واذا وافقت خطبنها رسمي
رزان:هيييييي فهموني السالفه
ريم:والله اتوقع الوالد بيعرس&quot;وتناظر بأمها&quot;
ام تركي:اعوذ بالله من قال هالكلام اخوك الي بيعرس
رزان :وانا اخر من يعلم موانا اخته المفروض انا الي اختار له
ريم:ومين تعيسه الحظ؟
تركي:نعم نعم قولي سعيده الحظ بتاخذ تركي
ريم:ليه شايف نفسك كذا ابد الثقه الزايده مو زينه
ام تركي:ههههه بس ماتتركون هالكلام...مروه بنت خالتك حصه
رزان وريم:والـــلـــه؟
ام تركي :وش فيكم.؟
رزان:يااااااي مروه بتصير زوجه اخوي ياحليلها بس
ريم:انتي يمه اخترتيها ولا بعض الناس
تركي رفع حاجبه:وش تفرق؟
رزان:تفرق كثير
ام تركي:لا انا الي اخترتها بت اخلاق وادب وجمال وبنت خالته بعد وولدي مو قاصره شي بعد
تركي:احم احم
ريم:اتصلي عليهم الحين يمه
ام تركي:لا خليها بعد العشاء
ريم:وش تفرق كلها ساعه اتصلي واعطتها التيلفون
ام تركي:انتو متحمسين اكثر من الولد....
الو السلام عليكم
ام مروه:وعليكم السلام
ام تركي:اخبارك واخبار البنات؟
ريم:اهم شي البنات&quot;وتغمز لتركي&quot;
تركي ابتسم مو فارقه معاه شي&quot;
ام تركي:بغيت عندك طلب ياحصه
ام مروه:امري يا اختي
ام تركي:مايامر عليك ظالم بغيت مروه لولدي تركي
ام مروه:هذي الساعه المباركه تركي مثل ولدي
ام تركي:ومروه مثل بنتي ابغاك تسألينها عن رايها وتشوفينها اذا موافقه ولا علشان نخطبها رسمي
ام مروه:ان شاء الله مايصير الا الخير بشاورها هي وابوها
ام تركي:الله يوفق الجميع
ام مروه:امييين
ام تركي:ما اطول عليك سلمي على البنات
ام مروه:يوصل ان شاء الله
ام تركي:مع السلامه
ام مروه:مع السلامه بأمان الله
قالت تشاور البنت وتشوف رايها وتر علينا
تركي:وليه ما توافق؟وش ناقصني
ريم:هههههه وليه توافق؟مو ضروري انت تعجبها
تركي:لا والله وليه ما اعجبها
رزان:يااااهووووو وش ذا الثقه اقول احتمال توافق واحتمال لا
ام تركي:وش فيكم على ولدي ان شاء الله توافق
ريم ورزان:نشوف
رن جوال تركي:مع السلامه انا طالع

...........

ام مروه دخلت غرفه مروه وشافتها جالسه على السرير وروى نايمه جلست جنبها
مروه:هلا يمه
ام مروه تناظر بنتها وتبتسم
مروه استغربت:وش فيك يمه؟
ام مروه:والله كبرتي يابنتي وصرتي عروس
مروه ابتسمت
ام مروه:اتصلت علي الحين خالتك ام تركي تخطبك لتركي
وقالتلي اسألك واشوف رايك
مروه انصدمت ووردت خدودها وعينها تحت
ام مروه:فكري مزبوط واستخيري وما ابيك توافقي علشان خالتك ابيك توافقي على قناعه واذا تبين رايي تركي والنعم فيه
مروه:افكر يمه
ام مروه:الله يوفقك

.........

ميار توترها زاد الطياره بتهبط مسكت يد طارق وغمضت عيونها وحست قلبها بيطلع لما استقرت الطياره فتحت عيونها
وبدون شعور ناظرت بفيصل وجات عينها بعينه وابتسم ابتسامه عذبت ميار
ميار&quot;لا ياميار الرجال مالهم امان لا تتعلقي بوهم&quot;
نزلو من الطياره
طارق يمسك راسه ووقف
فيصل :طارق وش فيك؟
ميار خافت:طارق تعبان؟؟
طارق:لاتخـ ــ ـا طرااااااخ طاح
ميار:لااااا طارق وش فيك &quot;تمسك يده &quot;طارق طارق
فيصل مسك كتفها:اهدي شوي
ميار:كيف اهدء ماتشوفه مايرد علي
فيصل يحاول يصحيه بعد محاولات صحي جلسه على كرسي
فيصل:طارق وش تحس فيه؟
اعطاه مويا
طارق شرب شوي :حسيت بدوخه شوي
ميار:لازم نوديه المستشفى
طارق:لا لامايحتاج
ميار:لا لازم
فيصل:يلا مافي اعتراض
طارق:ماله داعي دوخه بسيطه عادي
ميار دموعها على خدها:علشاني طارق
طارق مايتحمل يشوف دموعها:طيب
مسكته ميار من يده وراحو لسياره فيصل وراحو المستشفى


.........
راشد:من جدك تركي خطبت!!
تركي:ايه والله طلب الوالده
راشد:ومتى بتترك حركاتك هذي الي مالها داعي
تركي:ياخي كله لعب بلعب خلينا نتسلى
راشد:بس انت الحين خطبت بتدخل حياه جديده
تركي:اذا تزوجت يصير خير لاحقين على الهم والنكد
راشد:الله يهديك بس

........

الدكتور:لاتخاف دوخه بسيطه بسبب ارهاق
طارق:مو قلت لكم
ميار:وانت ليه تتعب نفسك؟؟
طارق:علشان اجيب ميورتي الحلوه اتعب ماعندي مشكله
ميار:وربي خوفتني عليك
الدكتور:الحين نام مزبوط واتغذا مزبوط واهتم بصحتك
طارق:ان شاء الله
فيصل يراقب لهفه ميار على طارق وخوفها واهتمامها الكبير له
فيصل:الحمدلله على سلامتك ياشيخ تتدلع علينا
طارق:ههههه يحق لي اتدلع
راحو السياره ووصلهم فيصل وراح
ميار دخلت على امها نوره وحضنتها بشوق للام الحنون للام الي حبتها من قلبها واحتوها حبها وحنانها واهتمامها
نوره:هلا ببنتي هلا بقلبي
مازن:اللحين امي ماتشوف قدامها الاميار يعني انحرق كرتكم &quot;يناظر اخوانه&quot;
ميار:قول انك غرت ياحبيبي الناس مقامات
وراحت تسلم على بندر ومحمد وسلمت عليه
وسحب انفها
ميار:اييي عورتني
وسحبه مرا ثانيه
ركضت لامها نوره وجلست بحضنها وتسويله حركات تقهره
محمد:محمد:كيفك وش مسويه.؟
ميار:الحمد لله بشوفتكم صرت احسن
نوره:اكيد جوعانه حضرت لك عشاء بيديني
ميار:ياااه وش كثر اشتقت لاكلك
نوره:ياقلب امك تعالي تعشي
بندر:واحنا لنا الله
نوره:هههه تعالو بس بطلو غيره هذي دلوعتي
محمد يحضن ميار:بعدي والله اختي الوحيده دلوعتنا كلنا
قامو لصاله الاكل
ميار:طارق اكل مزبوط وش قال لك الدكتور
الكل يناظر بميار:اي دكتور؟!!
ميار:ههااااااه اوليا اغمى عليه ورحنا المستشفى
نوره:وش فيك ليه ماقلت لي؟
طارق:ياامي بس ارهاق
ميار:اي طمنا الدكتور قال لازم يهتم بنفسه

..........

نزلت مي من غرفتها وراحت الصاله وجلست :مساء الخيييير
الكل:مساء النور
ام مروه:ياربي نايمه لهالوقت
مي :امي اجازه
ام مروه:اي صح اجازه الناس كلهم الا انتي لا
مي:يالييييل ذليتونا كلها3مواد وبنجح فيها
رؤى:مادريتي في خبر خطير
مي:وش هو؟؟؟
رؤى تأشر على مروه:انخطبت
مي:هههههههههه والله مين؟
رؤى:ماراح تصدقي تركي
مي:والدب ريم ماقالت لي والله اوريها ...ووش راي العروسه
رؤى:اسأليها
مي تناظر مروه الي استحت:مبروووووك
مروه:لسى ماوافقت
مي:ليه رافضه
مروه:بفكر
مي:عشتو فكري فكري بس بخبر ميور
اتصلت:الو
ميار:هلا
مي:اهلين كيف اجواء الشرقيه؟
ميار وهي ترتب اغراضها بغرفتها:حلوه بس ليتكم معي
مي:عندي لك خبر انما ايه
ميار:شنو؟؟؟؟؟
مي:مروه انخطبت لتركي
ميار:ونااااااسه وش رايها؟
مي:تفكر الاخت
ميار:اي حركات مروه
مي:اخبار اخوانك المزاييين
ميار:ليه حاطه عينك على واحد منهم
مي:والله مابعد ولدته امه الي يستاهلني
ميار:بس بس خفي علينا لاتطيح السماء
مي:منقهره البنات بيتجمعو بكرا وامي ماراح تخليني اروح
ميار:هههههه تستاهلين
دخل مازن بدفاشه:وش تسوين؟
ميار:بسم الله خوفتني يلا مي بعدين اكلمك باااي اي سلميلي على امي واخواتي
مي :اوكي
ميار:باي ايييي وباركيلي لمروه
مي:اوكي باااااي
ميار:باي
مازن:ههههه حمدلله وباس يده جوا وبرا
ميار:خير شايفني مجنونه
مازن:كنت اشك لاكن الحين تأكدت
رميت عليه خداديه وردها عليها
ميار:يامجنون
مازن:انا مجنون وجاي يركض وهربت منه وهو يركض وراها
وصارو يدورون بالصاله
بندر:ميار اول ماتجي البيت تخليله طعم تسوي ازعاج مو طبيعي
نوره:ياحليلها ويازين شقاوتها
ميار تركض ومازن وراها &quot;مسوين توم وجيري هههه&quot;محمد طالع من المطبخ وماسك كاس عصير
وميار تركض طاح الكاس من محمد ومازن وراها ما انتبه له وطراااااااااااخ
طاح من العصير الي انكب
الكل:ههههههههههههههههههههههههههههههههه
ميار:هههههههههه يااااه شكلك خطير بعصير المانجو
مازن يمسح وجهه بقرف من العصير:اسكتي لايجيك مثله
ميار راحت لامها نوره:ماتقدر
طارق:نفسي اعرف متى بتكبرون؟
مازن وهو يركب الدرج بيطلع يبدل ملابسه :ببدل وارجع لك

....
ميار راحت تنام بغرفتهاالي زمان مانامت فيها تمددت على السرير وتناظر كل شي بالغرفه مثل ماتركته اخر مره مافي شي تغير تذكرت اخوانها
وابتسمت تذكرت اخواتها وبنات خالاتها
ةابتسمت تذكرت رغد اخر مرا شافتها بالمطار كيف كانت وكيف صارت يااه يادنيا
مالك امان تذكرت فيصل ماتدري تبتسم ولا ماتدري تفرح ولا ماتعرف ذا الشعور اول مرا تحس فيه معقوله حبيته لا كيف ماشفته الا مرتين بس ليه
افكر فيه لالا مستحيل احبه وغمضت عيونها تحاول تنام

..........
بعد المغرب صحيت ميار واخذت شور ولبست جينز وتيشيرت زهري وشايله شعرها ذيل نزلت:هااااااي
بندر:اهلين
ميار:وين امي؟
بندر:بالمطبخ
ميار:بروح لها...مساء الخير لاحلى ام &quot;وتبوسها&quot;
نوره:هلا والله ببنتي
ميار:وش جالسه تسوين؟
نوره:بشوف الخدم وش محضرين بتجي منال وبسمه
ميار:وناااااسه بيجون معهم البنات؟؟
نوره :اكيد بيجون علشانك

........
مي:امي بس هذي المرا بروح لهم
ام مروه:لا ذاكري اذا نجحتي تروحي لهم
دخلو مروه ورؤى:يلا مع السلامه تبون شي رايحين للبنات؟
مي:امـــــــــــــــي
ام مروه:مي خلاص قلت
طلعو مروه ورؤى وراحو للبنات
مروه:استحي اقابل خالتي
رؤى:وليه عادي
مروه:ياليت ماتكون فيه
رؤى:ههههه انتي مو اول وحده انخطبتي
مروه:البنات لو يدرون ينتفوني بالتعليق
رؤى:ماعليك طنشي يلا ادخلي بس
دخلو عند البنات بالصاله كلهم كانو فيه اول ماشافو مروه
&quot;كللللللللللللللوش
مروه استحت سلمو عليها البنات :مبرووووووووك
مروه ماردت
ريم:ياهووو كل هذا خجل
هدى:امووووت انا على الي يستحون
مروه:بنات بلا بياخه
رزان:لاتخجلون زوجه اخوي ما ارضى
مروه:هاااااه
البنات:هههههههههههه
رؤى:قررتي على كيفك لسى ماوافقت
رزان:ان شاء الله توافق احسهم لايقين لبعض مرا
مروه اختفت من الخجل
البنات سوالف رايحه وجايه
البيت كان فاضي مافي غير البنات
مروه:رزون جيبيلي شاحن جوالي خلص شحنوه
رزان:مافيني اقوم
مروه:وش ذا عجوز اقول قومي
قامت رزان وسحبت مروه معها:تعالي معاي مافي احد البيت فاضي
&quot;نذله رزون كان تركي يشتغل بلاب توب رزون بغرفتها جات في بالها فكره&quot;
رزان:مروه تلاقينه بغرفتي بروح اشرب مويا
مروه:اوكي
دخلت مروه كانت الغرفه مظلمه فيها نور خفيف نور الابجورات فتحت النور وما انتبهت للي جالس على السرير
جلست تدور باالادراج اخذته وشافت ارواج اخذت منها فتحت الروج
واكيد فتحت فمها معاه وبتحط من الروج وهي تناظر بالمريا الا تشوف كائن بشري يناظر ويضحك غمضت
عيونها وسكرت وهي للحين فاتحه فمها الا هالكائن يزيد ضحكته

..


اتمنى اشوف ردودكم وتوقعاتكم وانتقادتكم

تحياتي..

__________________________________________________ __________
يعطيــكِ العآفـيه ع الطرح ..

و هـ الروآآيه يبغآآلهآ قعده و إندمآج ^_^


يــسعدِكـ ربي ع الروآيه ..


لآتحرمينآ مِـن جـديدِك ..

..

__________________________________________________ __________
وين ردودكم ابغى اشوف تفاعللكم ع اكمل ...

ردودكم وتوقعاتكم وانتقاداتكم تسعدني..



تحياتي..