رواية ايه احبك وحبك معذبني وياليتك تفهمين رواية جديدة

عنوان الموضوع : رواية ايه احبك وحبك معذبني وياليتك تفهمين رواية جديدة
مقدم من طرف منتديات الشامل

السلام عليكم

طبعا هذي اول رواية اكتبه اتمنى انها تعجبكم https://chamil.xplainer.net/images/s.../2017/t041.gifhttps://chamil.xplainer.net/images/s.../2017/t095.gif

وبليز الي بينقله يذكر اسمي ^_^

بيت بو عبدالله
عبدالله 25 سنه طويل وسيم اسمر طبعا مو اسمر حييل وعيونه عسليه ويشتغل مع ابوه بالشركه
عصبي بس حنون
خالد 23 سنه وسيم وسيم بمعنى الكلمه طبعا اهو يشبه ريم اشوي ويشتغل ويا ابوه
واخوه بس لعبو اشوي وعنيد
رغد:سنه الاولى من الجامعه 20 حلووووه شعره طويل واسود وجسمه متنسق ورووعه
ريم:اول ثانوي حلووووووه حييل عيونه زرق وشفايفه صغار وهبله وهبله اهي وخالد يصلحون مع
بعض بفرق ريم وعبدالله العاقلين


..................
بيت بو محمد(اخو بو عبدالله)
محمد 28 سنه متزوج بنت خاله لمى ويشتتغل مع ابوه عنده ولد اسمه طارق
فيصل عمره 22 سنه طبعا بالجامعه حلووو وسيم شعر كدش وديمآ يكرر جملته
شعري كدش من كثر الطفش لعووب ومرح وحبوب بس لاعصب شين
رنا :حلووه تشبه محمد وثالث ثانوي عيونه بني فاتح
ساره:حلوه وتشبه ابوووها شعر بني وقصير مناسب عليها ومتوسط طوله
ابراهيم:اصغر ولد بالبيت عمره 15 سنه شيطااااااان حده
...................
بيت بو رائد(الهنوف صديقة رغد الروح بالروح والاهل متعودين على بعض)
رائد عمره 25 سنه يشتغل مهندس طويل وعضلات وسيم واسمر
الجوري ماعنده خواته يعني اكيد مدلعينه اخر دلع بس حلووه ودلعه لايق عليها عمره 20 سنه
عبدالعزيز عمره 19 سنه ونااسه اهبل ماتمل منه ويشبه اخته الجوري
......................
بيت بو سلطان (اخو ام محمد)
لمى :طبعا زوجة محمد بيضه وشعره اسوود وطويل لنهاية ظهرها وعيونها زرق عمره 25 سنه
بس الي يشوفه يقول عمره 22 سنه<<فرقت الحين خخخ
سلطان طويل ابيض عصبي بس طيوب وغيور وعضلاته ماشاء الله عمره 22 سنه
احمد:عمره 15 يعني صديق ابراهيم اثنينهم خبلان بس حلووو حده
اختهم الوحيده مريم عمره 13 شعره طويل وتهتم بنفسها حييل اهي وابراهيم اعداء كل هواش
بس يخططون للعنه مع بعض
.................
بيت بو نايف (اخو بو عبدالله وبو محمد)
ريهام اكبر اول ثانوي اهي وريم ربع حييل حلووه شعر مو قصير ولا طويل فيه غمزات وشفايفه صغار
نوف عمره 13 ونايف عمره 10 سنين
............................
ريم:واخيييييييييييرآ واخييييييرآ ماصدق خلصنا من الاختبارت
رغد:ايه والله خلصنا بس اكرمينا بسكوتك تراك ازعجتينا
ريم:والله ماتبين تجلسين هني اذلفي هنياك ماجبرتج تجلسين هني
رغد:اقول انتي انقلعي انا اختج واكبر منك
ريم :لاوالله احلفي عاد المهم اخلصي علينا واسمعينا شرايج نعزم صديقاتج وبنات عمامي وبيت خالهم يجون عندنا
رغد:والله اهي ماهي فكره بايخه بس انتي اتصلي انا مالي خلق
ريم :ادري انها ماهي فكره بايخه وبدق ماحد طلب منج تدقين بس لاخلص رصيدي انتي بتشحنين سامعه ..وطالعته بنص عين
رغد:يصير خير ياماما ... وسوت نفسها
دخل خالد:ول اشوي وتتهوشون خخخخ
عبدالله :اي والله وراء ماتعقلون انتي وياها هاه
رغد:والله هذاي اختك مو انا
ريم:لاحلفي عاد صدقني يعني
خالد:بس جب انتي وياها سسمعو انا وعبدالله قلنا بنوديكم المطعم الحين وان سمعنا صوتكم مافي طلعه
ريم ورغد بنفس الوقت:لالا بنكست
عبدالله :يلا 5 دقايق ماتنزلون بمشي
ريم :ان شاء الله بننزل
نزل عبدالله وخالد :يمه احنا بنروح المطعم تجين؟
ام عبدالله:لا بالعافيه ياعيالي بتخذون خواتكم وياكم
خالد يتنهد :اي يبطت القلب وياهم الحين
ام عبدالله:ههههه ولاتتهوشون وياهم ولاتخلونهم يجلسون يم بعض تراهم توم وجيري
خالد :اكششخ امي تعرف توم وجيري اكيد بتعرفينه قدمين على عمر مانتي تغزلين ابوي
ام عبدالله تطق خالد:اي جليل الحي صج ماتستحي على وجهك
خالد ينحشى قبل ماينطق اكثر:هههههههههه يمه اسفينا ماتسوي علينا
عبدالله :تستاهل يالحمار ..يالله يمه مع سلامه بنمشى وقولي للبناتج بسرعه قبل مامشي
ريم واهي تسرعه :انا خلصت بطلع مع خالد انت استنى الانسه رغد
رغد:جيت يمه يمه اووف
عبدالله:يابنت عيب ولا والله اكنسل الروحه
رغد :لالا توبه يلا نمشي
ورحو للمطعم
................
ام محمد:وينه محمد من زمان ماشفنه
ابو محمد :اي واالله وانتي الصدقه اشتاقنا له
محمد واهو داخل مع زوجته لمى وولده
ابراهيم:لاطاريت الحمار جهز له عصا
ابو محمد يخز اولده وهو معصب:ياولد عيييييييب
لمى :سلام عليكم
الكل :وعليكم السلام
رنا :طروق حبيبي تعال اشتقت لك
طارق:مابي انا ماحبس انتي تسطليني <<(تسطليني =تسطريني)
رنا:ياحمار يالكلب مالت عليك مصدق روحك خنا امسك اللي ماتسطرك
طارق يمد لسانه: مالت عليس يالكبيه (كبيه =غبيه)ورح ساره :انا احب خالها ساله
ساره:فديته ولد خييو طروقي
رنا:مالت عليك وعلى رينوه فوق ياحمار
ابراهيم:خليه يولي غبي مايعرف يميز صعب تقعنين القرد ان التوت اشهى من الموز
رنا:هههههههههههههههه جبته عدل
ساره:الحقران يقطع المصرن
ابراهيم:رنا لحقي علي
رنا:شفيك اخوووي
ابراهيم :لا ابد بس مصريني تقطعت خخخخخخخخخخخ
رنا:يوووه قم قم اوديك المستشفى
ساره:ها ها ها ها نضحك ييعني..!
رنا وابراهيم نفسس الوقت:لا ابتسمي
ابو محمد:انت وياها سكتو خلاص ازعجتونا
ام محمد تكلم لمى:شخبارج يمه.؟
لمى تطلع في محمد
محمد ارتبك:ها ا..احنا بخير يمه
ام محمد:دوم ان شاء الله يمه لمى اكلي وش فيج ماتاكلين
لمى : لايمه مافي شي بس شبعانه
طق فيصل الباب
محمد:لاتدخل اروح مكان ثاني
فيصل :اوووف انت وش جيبك هنا قم انت ومرتك انا جوعان حددي
لمى:فيصل وخر انا بطلع وانت دخل
محمد:وين بتروحين جلسي
لمى :الحمدلله شبعت خل فيصل يتغد جوعان مسكين
فيصل :اي والله واهي صادقه ميت جوع بعد
محمد :انزين لاتزعجنا انطمى وخر عن الباب
فيصل :طيب طيب اووف منك انت
.......................
رغد تدق على الجوري
رغد: يالدبه اخيرآآ رديتي ياحماره
الجوري:هلا بيج تمام وانتي شخبارج
رغد:بخير بس اشتقت لج
الجوري:يلعن ام الصورايخ شتبين خلصي
رغد:ابد ياعمري انتي اليوم احنا بنعزمكم دام خلصنا من الامتحانات
الجوري:مسرع تونا معطلين
رغد:احسن لاتجين يلاا ذلفي
الجوري:لالا انتي خبله اختج ريومه الفله اخليها بجي
رغد:ياحماره جايه عشان انقلعي وتعالي اليوم زين
الجوري:هههه شلون تجـ.....سكرت رغد بوجهه
رغد :اوووف الله ينعن شكلها الوحمره
رائد:شفيج انتي وش فيك تسبين؟
الجوري:شب انت الثاني وانا اوريه رغيدوه تسكر في وجهي بعد
رائد:ههههههههههه احسن ماسوت فيك ياحماره
الجوري وهي تلوح المخده:شب انت سامع
رائد:ووووووويوووو سكرو في وجها
............
ريهام:يمه زهق
ام نايف:وش تبين نسوي يعني انتي كل زهقانه
فاطمه:نطلع نروح بيت عمي او اي شي
نوف:صج ييمه زهق هنا
ام نايف:خلاص اشوف ابوكم وارد لكم خبر
قامت ريهام تحب راس امه:الله يطول بعمرج يايمه ياحبيبتي انتي
ودق جوال ريهام
ريهام:هلا والله بريوم حبيبت اقلبي
ريم:هلا فيج عمري
ريهام:خلصي شتبين
ريم:اووووخص يالنذله توك شزينج شحلوج مسرع يالكوليبه انتي
ريهام:ههههههههه لاوالله بس زهقانه فطير زهقي عليج
ريم:اجل بدل ماتزهقين تعالي عندنا عزمينج بنتجمع واذا امج مارضت انا اكلمها
ريهام:لالا بترضى
ريم:يلا انقلعي
ريهام :انتي الي انقلعي
............
ساعه 8 في بيت بو عبدالله
عبدالله واهو يفتح الباب كان قباله ساره
ساره رجعت لوراء :بسم الله خرعتني
عبدالله:انتي الي خرعتني جنيه
ساره:جنيه بعينك ياحمار كزته :وخر بس انا مطوعتك وجالسه اتهوش وياك
عبدالله:دخلي واحد مسكك
رنا:حشى كل يتهوشون ذيلي
عبدالله: شبي انتي الثاني
ريم:عبيد يالي ماتستحي تغازل في بنات عمك
رنا :اي قولي لابوك
ريم:لآتوصين حريص افا عليك
عبدالله:هي انتو شبو الله ينعن شكلكم مزعجين ياالبنات
ريم:الله يعين مرتك
عبدالله:لا تحمد ربها بخذها الف وحده تتمني احم احم
ساره:اخذ قام يسلك لروحه مفروض امك تسلك لك لارفضوك يالغبي
عبدالله صرخ:هيييييي انتو انقلعو دخل
طبعا من الخوف هجو داخل
اجتمعو البنات <<طبعا في بنات من ربعهم غير الي عرفت عنهم
الجوري:هاه بنات وش سويتو بالامتحانات
رنا:تمام اشوووه حليت عدل بس رياضيات فيه كم فقره ماعرفته
الجوري:احنا صعبه امتحانات حسبي الله عليهم
رغد :هييي انتو الحين جالسين تهذرون على الامتحانات احنا ماصدقنا نخلص شبو ولا كلمه
الجوري:بسم الله شفيك معصبه انتي
ريم:صدقت اختي يعني تببون تغثون ثانيه
ساره :ههههههههههههههه ريم ورغد يتفقون غريبه...!
ريم:ليش غريبه شب انتي بس
ساره:اقول بس قومي جيبي لي ماي الله يلعن شكلج
ريم:يووه مسكينه رجلك منكسره ولا قطيعنه لك قطيعه تقطعك قومي انتي
ساره:ياغبيه اخوانج هنا
ريم:اخواني مو هنا
ساره :اوووف في احد يبي ماي؟
كلهم :انا انا الا ريم ماقالت تبي
ساره :بجيب بس رويم تخسي
ريم:هههههههههههههه متى قلت ابي
ساره تفشلت رحت المطبخ دخلت تصب ماي
خالد سمع صوت بالمطبخ فكره رغد لان يتشبهون بالجسم حط ايدنه على عيونها
خالد:اتحد عرفتني
ساره:.....<<ارتكبت ماتكلمت
خالد:ههههههههههه صج غبيه تركه ورح لها قدامه
قااااااااااااام يطلع مده في قلبها (الحلوه ذي تشبه القرده الي هناك ويع )ساره انحرجت واهو واقف مده ساره كانت لابسه تنوره بيضه
وتي شيرت احمر وفتحه شعره طبيعي مو مستشوار ولابسه كعب عالي
ساره:احم احم
خالد انتبه:اسف فكرتج رغد معنآ انتي احلى من رغد بوجد
ساره:هييي انت وش تقول سكران ؟ولاخبل؟
خالد:خخخ مصدقه روحج انتي هذي انتو يالبنات اغبياء الواحد من يقول كلمه تصدقون على طول
ساره:لا انا الميته عليك الحين
طلع خالد واهو يقول لازم اعرف منو هالقمر بس شلون اعرفها هالخبله
راحت ساره واهي تتحلطم انا غبيه بس اوريها ريموه
طق فيصل الباب
طلعت رغد:نعم خير شتبي وش جابك اووف وش هالغثه يلاا باي
بتمشي بس مسكه خالد: هييي انتي خليني اتكلم وين ريمو قلبي احسن منج
ريم:هلا قلبي روحي عمري انت
رنا:خذ ذي مصدقه روحها
ساره :تفكر روحه زوجتها على غفله
ريم :رنا
رنا:لبيه
ريم:شبي ساره عمري
ساره: نعم قلبي
ريم:بتنشبين ولا شلون تراج لجيتي امنا
خالد((واخيرآ عرفت اسمها ساره هاه خير ان شاء الله بس حلوو اسمه ولايق عليها))
ريم:عمري وش فيك فهيت
خالد:اووف منج يالغثه ماتخلين الواحد يفكر ازعاج انتي
ريم:اووفا مسرع عطوك عين هالحيوانات
خالد :المهم بشوف يمكن بطلع تجون؟
ساره بسرعه:وهو يبي له سوال الله يهديك
رغد :ياحماره ربعي هنا
ريم:شوفي انا عندي حل حلوو نروح انا وساره ورنا وانتو ضلو انتي والجوري وربعك كبر بعض انتو
الجوري :لاوالله افا يالخينات تروحون وتتركون
ريم:علي طلق اني ابيك بس اختي مو راضيه ربعها هنا وانتي ماتركينها
الجوري :اذلفي بس وكرمينا بسكوتك
خالد بيمشى بس تذكر ان ساره لابسه تنوره قال:سامعو لاتلبسون قصير ولا والله الي لابسه بتشوف شي ماجاه
سارا(اووف وش هالوهقه ):ريم قلبي ابي جينز حلو منك
ريم:انتي دبه اخذي من رغد
ساره :كلش يالضعيفه
رنا:اشوووه انا مايحتاج طبعا رنا كانت لابسه تي شرت وردي وسكيني اسود وكنادر ورفعه شعره بس
ريم كانت لابسه فستان ابيض قصير هااديه وناعم مطلعه مره ناعمه وشعرها مفتوح والجزمه بيضه ومرره روعه
الجوري ورغد متفقين طقم كانو لابسين تي شيرت وعليه صورة فزاع لانهم مرره يحبونه وسكيني اسود وطبعا لابسين كنادر وشعر
ذيل الحصان
رحو غيرو وكانت ريم قدام طبعا وساره وراء خالد ورنا وراء ساره
ريم:اخوي فديتك انت وين بنروح
ساره:انتي من مساعه وانتي مخذه في نفسك مقلب حبيبي وفديتك وعمري
ريم :ليه تغارين وخالد كان مستانس من سؤال ريم
ساره انحرجت:لا من قال بس اخاف زوج المستقبل يذذبحك لادرى
ريم:يخسى مابقى الا ذه علي طلق اني لاطلقه
رنا:الحمدلله وشكر قلبت الوضعنا لنا
ساره :اي والله من زود حبه للبدوه
ريم:فديتهم والله رجوله وكشخه وغيور على اهله واهم شي طريقة كلامه
خالد:سمعو وين تبون نروح؟
ساره :سوق
خالد:انسي انسي سوق مابقى الا ذه عشان ماتطلعون الا 1 اليل
ريم:مطعم
خالد:وانتي ماتشبعين
رنا:نركب دبابات
خالد:اقول ترا احنا اليل مو عصر بس نروح الملهي؟
كلهم :اي
اشتغلت اغنية صدفه وخالد قام يطلع ساره في المريه ولاحظته ساره وانحرجت وفجاه تعقلو عيونهم مع بعض ضلو يطلعون في بعض
بعدين لفت ساره عشان ماينتبهون
رحو الملهي قصو تذكر ورحو يلعبون
ركبو سيارت كان معاهم 2 بنات كبار و4 شباب كبار طبعا واحد منهم كل يصقع في ساره خالدعصب وكل يصقع فيه وساره لاحظت
هالشي واستغربت
خلصت اللعبه ورحو اللعبو لعبه كان تخوف عباره عن سفينه ضخمه وتسرع يعني ترق وتنزل
ركبت ريم ويمه رنا وجلست ساره وراهم لان مايكفي وطبعا زحمه فضطر اخالد انه يركب يم ساره
اشتغلت اللعبه وساره كانت تخاف من هالالعاب خافت ساره مسكت يد خالد وخالد انحرج بس مستانس ولم وقفت اللعبه انتبهت
انحرجت وارتكبت:انا أ...آ.اسفه بس خفت
خالد:ههههههههه طلعتي خوافه ماصارتي زي ريموه
نزلو مرت بنت يم خالد واهي تطلع فيها بعدين البنات رحو دورة المياه (الله يكرمكم)
وخالد جلس ينتظر ومرت البنت الي قبل اشوي كلمته :السلام عليكم
خالد بدون نفس:وعليكم السلام
طلعت رنا من الحمام شافته قالت اكيد متوهق راحت مسكته :حبيبي اسفه تاخرت عليك من هذي وتاشر عليها من فوق لاتحت
انقهرت البنت
خالد فهمها على طول و كتم الضحكه:حبيبتي لاتهمك والله اني ماشوف غيرك انتي احلى بنت عندي وترها ماتسواك
البنت:ها ها هااي قال احلى بنت قال اتحد اكيد شيفه ومشت من القهر
خالد انفجر من الضحك:ههههههههههههههههههه والله انك ابليس
رنا منحرجججه:اسفه ماكان قصدي بس حسيتك متوهق
خالد :كانج تدرين والله
لعبو لمن تعبو ورجعو بيوتهم
.......

بكمله لمن اشوف رودوكم اذا عجبتكم واذا ماعجبتكم لاتردون ولا راح اكمله https://chamil.xplainer.net/images/s.../2017/t030.gif


<center> >>>>> ردود الأعضـــــــــــــــــــاء على الموضوع <<<<<
================================== </center>
شكراااااا ع الطرح الجميل

__________________________________________________ __________
الرواية حلووة وايد كملي ياعسل

__________________________________________________ __________
روايه جميله
الله يعطيك العافيه
ودي ,.

__________________________________________________ __________
احلى روايه قريتها
مشكوره
واصلي ابداعك

__________________________________________________ __________
يلا كملللللللي انا متحمسسسسسسسسسسسه