تكمله لروايه رومانسيه مشوقه(قسوه حب) سامحوني على الغياب الطويل - مشوقة

عنوان الموضوع : تكمله لروايه رومانسيه مشوقه(قسوه حب) سامحوني على الغياب الطويل - مشوقة
مقدم من طرف منتديات الشامل

تكمله لروايه و سامحوني على الغياب الطويل

وهذا رابط الروايه السابقه

رواية رومانسية مشوقة ( قسوة حب )

لـــــبـــــــارت3

بـــــــــــــــعــــــــــــــــد غــــيــــاب طــــــــــــويـــــــــــل

لا تسألوني وشو سبب الغياب
بس راح اقولكم كنت مريض
سامحوني على التأخير

مابي اطول عليكم

اليكم الروايه

لم يستطع مشعل فعل شي وأضطر الى قبول عرض نوره عليهـ ..
مشعل بصوت أشبه بهدوء: طيب بس الليله
نوره بفرح: مشكور أخوي
مشعل: ممكن عنوان البيت
نوره: خلاص أحمد يعطيك العنوان

كانت عيون مشعل على منال ..كان يحس بقهر داخله ...
أما منال ..دموعها لاتزال تنهمر على خدودها فقد جدها من جهه وتغير حياتها من جهه أخرى .. رفعت منال رأسها ومدت يدها بتجأه نوره لمساعدتها
على الوقوف .. تحرك مشعل ..لمساعده منال .. مسك يد منال ..عندها أشتددت ملامح منال بغضب والانحراج من يدها التى فى يد مشعل
سحبت منال يدها بقوه من يده..أستغرب منها مشعل ..
منال بألم: يالله نوره خلينى نروح
ذهبت منال مع نوره ...
كل هذا ومشعل لم يتحرك من مكانه ..وكأنه يعيد شريط الذكريات قبل قليل ..عندما لمس يد منال احس بأن شعور جديد اعلن ولادته فى قلبه..
أم مشعل تقدمت الى ابنها: مشعل مطول يالله خلنا نروح
مشعل أخذ نفس وتحرك مع أمه الى بيتهم..

فى بيت نوره

منال : نوره جدى مااات وتركنى بروحى
نوره: منال لا تقولين كذا وحنا وين رحنا ومشعل زوجك وين راح
منال عصبت: نوره أبيك تساعدينى
نوره بستغراب: نعم فى ايش اساعدك
منال:أبي اعيش حياتى بدون مشعل
نوره: الظاهر انك الى الان تعبانه
منال: أنا راحتى بدون مشعل على الاقل الايام الجايه ...لانى ناويه اشتغل
نوره: وش الشغل اللي بشهاده ثانويه
منال: مادري انا تعبانه
نوره: طيب نامى هالحين بكرا ربي يحلها

......
فى بيت مشعل
أم مشعل: صحيح البنت مزيونه بس لسانها طويل
مشعل: والمطلوب
أم مشعل : أتركها وانا ازوجك ريم
مشعل حس بألم من كلام أمه : وش أتركها طبعا لا ...
أم مشعل : وكلامك اللي كنت تقوله لي وين راح
مشعل وقف : انا مثل ماقلت لك زواجى من منال شكلي وبس وبكرا راح تجي تعيش معنا
...

فى اليوم التالي
مشعل اساسا ماذاق النوم .. كان ينتظر طلوع الشمس بفارغ الصبر .. مهما يكون منال زوجته .. والمفروض عند مشعل.. ترجع له بسرعه
سحب مفاتيح سيارته بعد ماتعدل وطلع ...
..
فى بيت نورهـ
نوره دخلت الغرفه وشافت منال نايمه بس الغريب أنها نايمه ودموعها على خدها ...
نوره قربت من منال..
نوره: منال قومى .. مشعل جاء يأخذك
منال أول ماسمعت أسم مشعل صحت بسرعه: وش جابه؟
نوره: بسم الله عليك ... وش اسوي جاء شكله الحبيب مشتااق ههههههههه
منال: نوره قولي له منال ماتت أو قولي له انك مالقتينى .. ايه قولي له اني انحشت منكم ..أو قولي له.. مادرى
جلست منال تبكى.. نوره ماتوقعت منال حالته كذا
نوره : منال وش فيك كل هذا علشان مشعل جاء
منال: نوره انا خايفه منه
نوره مسحت على شعر منال: منال أبسألك من اللي اختاره لك زوج
منال بحزن: جدى
نوره:تثقين بجدك
منال: اكيييد
نوره: خلاص جدك مااختار لك الا اللي فيه صالح لك
منال تذكرت وعدها لجدها ..ومسحت دموعها ...: هو تحت
نوره: ايه
منال : خلاص أبغسل وجهي وأنزل له
نوره: تعجبينى وربي يهبل مشعل خخخ

منال: نوره بعدين معك اطلعي
سكرت نوره الباب وطلعت عن منال..
...
فى مجلس الرجال ...

كان مشعل على أعصابه ينتظر منال وكان عنده أحمد...
نوره بصوت هادئ: أحمد تعال
راح أحمد بعد ماأستأذن من مشعل ..
أحمد: وش عندك تنادينى
نوره: اناديك علشان منال تبي تكلم مشعل بروحهم فالمفروض تتطلع
أحمد: طيب لاتدفين خخ
نوره: هههههههه يالله اشوف
...
دخلت منال على مشعل...
منال أول ماشافت مشعل حست بشعور الخوف منه بدأت خلايا جسمها ترتعش ...
مشعل يوم حس أنه فى المجلس شخص اخر معه رفع رأسه وشاف الملاك منال واقفه قدامه ..
مشعل أبتسم: الناس اذا دخلوا يقولون السلام عليكم
منال انحرجت: وعليكم السلام
مشعل: منال خلينا نروح لبيتنا عاجبك الوضع وانتى هنا
منال بصدمه: بس حنا ماتزوجنا
مشعل: عادى انا زوجك هالحين مجرد عزومه صغيره بيتنا وتنتهى السالفه
منال بستسلام: طيب اللي تامر عليه
مشعل ابتسم: يالله خلينا نروح
مسك مشعل يد منال علشان يطلعون ..أول مامسك مشعل يد منال رجع له الشعور اللي حس فيه يوم كان بالمستشفى ..أما احساس منال ..كان صعب
كانت خايفه منه بشكل غريب ...رغم ان شكله مايوحى بالخوف ..يمكن ملامحه العصبيه هى اللي أوحت لمنال هذا الشعور
طول ماكانوا فى السياره .. كان السكوت ..يعم أرجاء السياره...
فجأءه قطع مشعل الصمت : منال أسمعينى.. أنتى الى الان ماتعرفين شخصيتى صح وانا أعذرك بس رجاء خلينا نفهم بعض
منال ماردت عليه .. بس سكوتها .. كان .. محير لمشعل ...وافضل جواب لمنال
وصلوا لبيت ... أستقبلتهم أم مشعل ..
أم مشعل كانت تنظر منال من فوق وتحت ..
مشعل: يمه خلاص منال من هاللحظه راح تسكن عندنا
أم مشعل: الله مير يحيها
منال: مشكوره خالتى
مشعل مسك منال بيدها : يالله تعالي أوريك غرفتنا وبرضو تتعرفين على أختى سحر!!
>>الشعور بأنك غريب وسط مجموعه من البشر ... والمطلوب منك التكيف مع هذا الواضع ...أكثر قساواه مابعدها قساواه
أول ماوصلوا لطابق العلوي ..صادفوا سحر اللي كانت فى عمر منال بالضبط ..
سحر ببتسامه:هلا والله بزوجه أخوي..تو مانور بيتنا
منال انحرجت ونصبغت لون خدودها بحمره: النور نورك
مشعل : هذي أم لسان اسمها سحر خخخ
سحر قربت من مشعل ومدت لسانها له: ماعليك منه الغيره وماتفعل
منال ابتسمت من كلامهم اللي باين عليهم انهم اخوه صح ..الجو الاسري هذا ماكانت منال نهائيا متعوده عليه...رغم حنان جدها بس ماقدر يخلق هذا الجو الاسري
سحبت سحر يد منال من مشعل : اقوول ممكن تعطينا مقفاك شوي وتخلينا نتعرف على بعض أكثر
مشعل أبتسم: طيب راح اخليكم مع بعض انا وراى شغل ولا تنسون الليله زواجى بشكل معلن
سحر : ونااااااااااسه حفله
مشعل : الحمدلله على نعمه العقل ...
راح مشعل ..يستعد لزواجه الليله..ومنال كانت برفقه سحر...
منال: سحر ممكن أسألك؟
سحر: أسالي
منال جلست على حافه سرير سحر: مشعل وش هو من الرجال ؟
سحر أستغربت وقربت وجلست جنب منال: شلون مافهمت؟
منال:يعنى أنا ماعرف عنه اي شي زواجنا جاء بسرعه بين يوم والليله صرت متزوجه ودي اعرف وش هى صفاته اللي على اساسها اتعامل معه
سحر: أهااا هالحين فهمت ..شوفي ..أخوي ضحوك مررره بس عصبي شويتين ..احيانا يصير مروق واحيانا نار شابه..مايحب دلع البنات خخخ على قولته
طيب .. يعتمد عليه.. بس عيبه الوحيد العصبيه واذا حط شي برأسه سواه لو وش صار
منال بقلق: يخوف اخوك
سحر: معنا يمكن بس الظاهر على ايديك راح يتغير
منال: الله يعينى
سحر وقفت فجأءه : يوووه بغيت أنسى اليوم زواجكم للازم نروح لسوق خصوصا عدوتك الجديده بتجى اكيد ريم خخخخ
منال بخوف: من ريم
سحر: اللي تموت بشي اسمه مشعل خخخخخخ
منال أرتفعت حراره جسمها : تحب مشعل!!!
سحر : ايه من يوم هى صغيره
منال بعصبيه :وهو يحبها!!
سحر: مادرى خخخخ تغارين
منال: لا وليش اغار
سحر: يعنى ماتحبينه
منال انحرجت من كلام سحر او ماتعرف شعورها اتجاه مشعل وش: ماكنا تأخرنا عن السوق
سحر: حلوه التصريفه..المهم يالله مايمدينا ..خلينى ابنزل واخذ من امى فلوس واقول لسايق يستعد ويشغل السياره
الا تعالي مشعل ماعطاك فلوس
منال: لا
سحر سحبت جوالها واعطته منال: يالله اتصلي عليه ..وانا بروح واجى
تركت سحر منال..بحيره ..شلون تتطلب منه شي ..وش بيقول عنها ...حست بنحراج ...وقررت ماتكلمه وتطلب من سحر هى اللي تطلب منه
نزلت الجوال جنبها وماحست الا ام مشعل داخله عليها
ام مشعل بملامحها العصبيه: منال ..
منال رفعت رأسها وانتبه من سراحانها: هلاا خالتى
أم مشعل: مشعل على الثابت يبي يكلمك
منال: ان شاء الله جايه
ام مشعل : لاطولين عليه ترى هو مشغوله
منال : طيب هذانى نازله
..
نزلت منال وشافت الهاتف فى الصاله سحبت السماعه ويدها ترتعش من الخوف والانحراج...
منال: الووو
مشعل: هلا منال كيفك
منال بصوت هادئ خصوصا وهى تشوف ام مشعل جالسه قريبه منها ونظراتها لها تخوف: بخير وش بغيت
مشعل: افاااا وش بغيت طيب ماودك تسألين عن اخباري
منال كانت ودها تتكلم ..لكن وجود ام مشعل مانعها من الكلام وفضلت السكوت
مشعل : الووووو منال معي انتى
منال: ايه معك
مشعل: طيب حبيت اقولك ترى أنا اللي ابوديكم لسوق علشان اشترى لك اللي تبين اوكيه
منال: على راحتك
مشعل: يعنى أسكر
منال: الله معك
مشعل: افااااا
منال: معليش مع السلامه
وسكرت منال السماعه تقريبا فى وجهه مشعل ..لانها كانت منحرجه من ام مشعل ...
اما مشعل ...اشتتدت ملامحه وبان على وجهه العصبيه ..ماقد أحد سوى معه هالطريقه ....
نرجع لمنال ..جت بتصعد فوق علشان تجهز لمشعل وروحت السوق .. وقفت فجأءه يوم سمعت ام مشعل تناديها
ام مشعل: منال لحظه
منال : نعم
أم مشعل : تعالي أبيك بغرفتى
منال كانت تمشي وراء ام مشعل ودقات قلبها تزيد ..والتوتر فى كل جزء من جسمها ..
أول مادخلت منال غرفه أم مشعل اغلقت أم مشعل الباب بمفتاح
منال خافت : خالتى فيه شي
أم مشعل: أول شي أجلسي أبيك بموضوع
منال جلست على الكرسي : امري
أم مشعل: شوفي يامنال أنا مانكر انى كنت أتمنى ان مشعل يأخذ وحده مزيونه مثلك ..بس ماجاء بالي أنه يأخذ ..برا العايله..وبما أنه تزوجك
وصار اللي صار..مابي اي شي يزعل ولدى ..ويزعلنى..وابيك من هالليله تعتبرين اهل زوجك واقاربه هم اهلك بس بشرط
مابي مشاكل ..مثل ماصار بالمستشفى من طوله لسان
منال كل كلمه تسمعها من ام مشعل تحس مثل الغصه اللي بحلقها: فهمت
ام مشعل : يالله هالحين روحى تجهزي قبل مايجي زوجك
..طلعت منال من غرفه أم مشعل بحزن ..مايكفي الخوف اللي تحسه بس تشوف مشعل ...الان أم مشعل هى المصدر الاخر من الخوف
سحر بصوت عالي : منال مشعل برااا
منال كانت جاهزه : طيب
كان مشعل بالسياره ينتظر منال وسحر ..
سحر تحركت بسرعه وفتحت الباب الخلفي للسياره ..منال أسرعت بخطواتها وفتحت الباب الخلفي ...
سحر بصوت هادئ: منال روحى اركبي جنب زوجك
مشعل بحزم: أظن أنا موسواق عندكم
سحر رفعت صوتها: منال أركبي قدام
منال حست الوضع تصعب.. فتحت الباب علشان تنزل ..الا وصوت مشعل اللي وقفها
مشعل بعصبيه: سحر انتى اللي تعالي قدام
سحر أستغربت : أنا
مشعل : أيه انتى يالله
سحر خافت من حده صوت مشعل وفتحت الباب وركبت قدام .. منال رجعت لمكانها وسكرت الباب
وصلوا للسوق..

انتظروا باقي الاحداث .......... وان شالله ماراح اطول عليكم بتكمله

<center> >>>>> ردود الأعضـــــــــــــــــــاء على الموضوع <<<<<
================================== </center>

<center></center>

__________________________________________________ __________
مشكور
لــــــــ سمحت كمل ــــــــــــو

__________________________________________________ __________
مشكور على القصه وريت تكمل
يسلمو

__________________________________________________ __________
مشكور اخوي الله يعطيك العافية
بليز كمل بسرعة والقصة والله تجنن

__________________________________________________ __________
مشكور على مروكم


والبارت 4 ان شالله عن قريب

مره حلوه القصه
واتمنى انك تكملها باقرب وقت >>>>> اندمجت مع القصه
شاكره لك على الطرح الجميل
تقبل تحياتي
{ مـــ a ـرفوعه الراس }