روآية ( الحب وعنوانه ) رومنسيه جريئه رائعة

عنوان الموضوع : روآية ( الحب وعنوانه ) رومنسيه جريئه رائعة
مقدم من طرف منتديات الشامل

السلآم عليكم ورحمة الله وبركـآآته ..

هذي روايه قريتـه وعجبتني مرررررررررره ونقلته لكم وأبغى تفـــــآعل https://chamil.xplainer.net/images/s.../2017/t028.gif

للكـآتبه :: جرح الكبريـآء

رواية (( الحب وعنوآنه ))


الحب وعنوانه ..

حينما يكون فيها .. تلاشي حقد .. وزراعه حب .. وحصاد سعاده .. وذبول خيانه ..



كانت بوسط الشارع تبكي بحرقه تبكي دم قبل الدمع
اصوات البواري تملأ الصمت
وقطع الزجاج متناثره في الشارع
والمطر يطفي لهيب النار الذي ساد المكان
كانت تتمنى انه يطفي لهيب قلبها لكن للأسف ..!!

العزوه والسند ماااات

. ×××× .

( بسم الللللللللللله بسم اللللللللللله اعوذ باللله من الشيطان الرجيم اعوذ بالله من الشيطان الرجيم الحمد لله ياربي الحمد لله طلع حلم الحمد لله )

قعدت تبكي وبعدها تعوذت من ابليس وتوضت وصلت ركعتين كانت تدعي ربها ان الحلم ما يتحقق

راحت تنام لكن النوم طار من عيونها
وسمعت الاذان صلت الفجر وراحت تاخذ شاور عشان تروح الجامعه

. ×××× .

طلعت من الحمام ولبست وحطت مكياج خفيف يبرز انوثتها
رن جوالها .. شافت المتصل ( صديقه العمر )
ابتسمت وردت عليها
... : صباح الفل والياسمين يا ئشطه هلا بضيووونه الدووباا
ضي : ههههههه هلا بك يا قلبي .. اخبارك ؟
هاجر : تمااااام التمام وانتي علومك ؟
ضي : الحمد لله بخير
هاجر : فيك شي ؟
ضي : لا لا حبيبتي ما فيني الا العافيه
هاجر : علينااااا علميني وشفيك
ضي : صراحه حلمت حلم خوفني مره وضيق صدري
هاجر: خير ان شاء الله .. اقول ضيون ما اعتقد باروح اليوم للجامعه
ضي : ليييييييه سلامات وشفيك ؟
هاجر: ما فيني شي اصلا للحين ما نمت كنت اصيح على فيلم هندي مره خطير وتعيجزت البس واروح واصلاً رايحه انام بعد شوي
ضي : بالله عليك كم مره تروحين بالاسبوع للجامعه
هاجر : امممم تقريبا كل اسبوع يوم
ضي : ترا هذي اخر سنه ولازم تشدين حيلك
هاجر : ايه ايه يصير خير
ضي : هههههههه الله يعقلك
هاجر : شايفتني مجنونه .. مالت
ضي : سوووري هجوره
هاجر : لاعادي يلا عاد ضفي وجهك ابي انام ... سلاااام
ضي : هههههههه في امان الله

سكرت من صديقتها وراحت لبسه عبايتها وركبت السياره ..


#############


.... : عزييييييييييييييييييييييييييز عزيييييييييز وصمخ قم صل الساعه 4 العصر
عزيز : هاااااااه
ام خالد : وجع تقول لي هاااه انا امك موب واحد من الربع !!!
عزيز : اااسف يمه والله ما دريت الحين اقوم اصلي .. وهذي بوسه على راسك يالغاليه
ام خالد : الله يرضى عنك يا ولدي مع انك اصغر من خوليد الا انك اعقل منه
عزيز : الله يخليك لنا يمه

وبعد صمت ..

ام خالد : يالله باروح اقوم اخوك العله
عزيز : ههههه الله يعينك
ام خالد : اميين

. ×××× .

جالسه تحط لها مناكير واختها قدامها تدور لها لبس
يارا : اقول نوره مين بيجي عندنا اليوم ؟؟
نوره : عماني وعمتي سلمى بس
يارا : يووه لازم البس
نوره : ايه يالعجازه
يارا : يووه الله يعين

وقامت تلبس

###############

قامت الساعه 4 ونص العصر راحت تتروش عشانهم بيروحون لبيت عمهم اليوم واول ما طلعت من الحمام لقت اخوها ينتظرها

سليمان : تو الناس تطلعين يا هجيّر .. كان نمتي بالحمام ازين
هاجر : وانت وش دخلك ضف وجهك واطلع برا ما بقى الا ورعان الثانوي يتكلمون
سليمان : افااا هجوره تطرديني وانا قعدتكم وحبيب قلبك !!
هاجر : هييييه على كيفك حبيبي قلبي بلا هياط بس .. وثاني شي وش تبي عطنا من الآخر
سليمان : بس ابي الهارديسك
هاجر : وش تبي به ؟
سليمان : ولا شي بس اشوف الافلام
هاجر : طيب اطلع
سليمان : والهارديسك !!!؟
هاجر : مافيه .. يلا برا
سليمان : تكفيييييين هاجر
هاجر : بتطلع ولا كيف
سليمان : تكفيييين
هاجر : افكر واشاور نفسي .. يلا ضف وجهك
سليمان : اووووووف يالدباااا
هاجر : زين زين برا يلا

وطلع .. وهي قامت تلبس

##############

بيت ابو خالد

الكل كان مجتمع

عبير : يالجماااااااااعه تبون نطلع الحوش
ضي : وش جماعته انتي شيااب حنا ؟!
عبير :اخلصو نطلع ولا لا ؟
يارا : اي يا ليت
هاجر : قووه

وطلعو

. ×××× .

عند الرجال ..

ابو محمد : والله يابو خالد برد الجو وش رايك نطلع لمخيم مع العايله؟
ابو خالد : فكرتن موب شينه وانا اخوك
ابو سليمان : اي والله وانت وش رايك يابو نايف
ابو نايف : الي تقولونه انا حاظر هااه يا شباب وش رايكم ؟
نايف : يبه وذا سؤال يسأل اكيد ايه !
سليمان : واخيرا ..دبابات وطعوس وفللللله
عزيز : شوي شوي لا يطق بك عرق ههههه

. ×××× .

عند البنات

ربى : عااد طاحت فينا المدير وهزئتنا تهزيء بس عادي رجعنا لوضعنا
منار : ههههههههههههه يا قدم حركات المتوسط
ضي : لا وهذي باول متوسط وسوت كذا وش بقيتي لثاني وثالث ههههههههه
هاجر: اصلا انا يوم كنت كبره كنت عاقله وينضرب فيني المثل
نوره بطنزه : اي بااين ضي صدق الي تقوله ولا لا انتي صديقته بالمدرسه
ضي : ههههههههه لا تهايط عليكم
يارا : ههههههه حرام تفشلت
هاجر : مالت عليكم كلكم وانتي اولهم ( وتأشر لضي )
ضي : اهووون عليك !!
هاجر : طبعاً ... المهم مين تجيب شي ناكله جوعانيين
يارا : هههههه خلاص انا اقووم

وقامت ..

هاجر : مين جواله ذا ؟؟
نوره : جوال يارا
هاجر : اصبري اشوف وش داخله
نوره : لا لا يا ويلك منها ما تحب احد يلمس اغراضها انا اختها وبالموت متحملتها
هاجر : كيفه فضولي ما يتحمل

وقعدت تفتش

يارا : يا حمااااااره من سمح لك تفتشييييينه !!!!!!!!!!!
هاجر : محد سمح لي
يارا : عطيني اياه يالدبا
هاجر : لا لا ( وترفع حواجبها وتنزلهم )
يارا : عطيني اياه اقولك
هاجر : تبينه .!!؟ الحقيني
يارا : انا اورييك

ويقعدون يتلاحقون وصراخ وشتايم


. ×××× .

عند رجال

رن جوال فارس .. رد عليه
فهد : السلام عليكم
فارس : وعليكم السلااام
فهد : اخبارك ؟
فارس : والله تمام وشوله داق علي ؟
فهد : هههههههه بسم الله شوي شوي خلينا بالمقدمات
فارس : هههه لا انا ببيت عمي الحين
فهد : طيب اسمع عندك رقم صالح ؟
فارس : اي صالح ؟؟!
فهد : صالح الي شفناه بالملعب
فارس : ايييه اييه ذكرت .. اصبر الظاهر رقمه بورقه بالسياره
فهد : زين ارسله لي بطاقه اعمال يلا مع السلامه
فارس : سلام

وسكر

محمد : وش يبي منك فهد ؟
فارس : وش دخلك انت ابوي وانا مدري
محمد : اعقل انا اخوك الكبير منب اصغر عيالك
فارس : اوف اوف وراك ششت !! شكل ام العيال زعله اليوم وش مسويه لك ساره ههههه .. عالعموم باطلع للسياره فهد يبي رقم واحد خوينا
محمد : اطلع ضف وجهك
فارس : ههههههههه شكل الهوشه قويه

وطلع

. ×××× .

يارا بصرااخ : يا الحيوانه عطيييييييييني جوالي
هاجر : باحلامك حبيبتي
يارا : هاجر بلا غباء عطين
هاجر : هههههههههاي يصير خير

وتركض ويارا تلحقها .. وصلو لعند النافوره ويارا بس تلاحقها ... وفجأه زلقت وطاحت بالنافوره

نوره شهقت : هئ اختي !!!!

وطلعت يارا من النافوره كلها مويه والجو مره برد

هاجر : يارا حبيبتي والله كنت امزح
يارا : ..... وتمشي لداخل

. ×××× .

فارس وهو طالع يسمع صوت صراخ ( لا يكون صاير حريقه عند الحريم .. اروح اشوف احسن لي )
راح وشاف بنتين يتراكضون .. عرف هاجر من صوتها الي حافظه
بس البنت الحلوه الي معاها مين ؟!

وفجاه طاحت في النافوره وصارت ثيابها كلها مويه
كان شكله مره بيبي وكيوت ابزر جمالها اكثر واكثر..
حاول يغض البصر بس خلاص انشل وانسحر فيها .. ويوم غابت عن عينه تدارك عمره بس عقب ايش ..

( مين هذي ؟؟ منار ؟؟ لا لا منار دبا شوي مين هذي ؟؟ !! صح انا ليه جاي هنا ؟ يوه نسيت .. ارجع للشباب ازين لي )


###############

هاجر : اااااااااسفه والله اسفه والله ما اعودها يارا خلاص زودتيها عاد يومين ما حاكيتيني كثير والله
يارا : عقب ايش حبيبتي يوم تزكمت ومرضت وكله بسببك
هاجر : خلاص يكفي عاد والله شين الزعل عليك ( وتقعد تغني ) اللله الله يالزعلان خف علينا شويه حتى انا منك زعلان بس أسئل شويه ... عاااشو ورا تنكسسسسسسسس
يارا : ههههههههه خلاص رضيت يالدووبا
هاجر : واخيرا ما بغيتي ليتي من زمان مغنيه لك
نوره : لا تكفين صوتك نشااااااز
هاجر : مشكله الي ما يقدر مواهبي
نوره : تكفييين عاد .. المهم جهزتي للمخيم ؟
هاجر : وهذي فيها سؤااال اكيييييييييد ووصيت كل بنت تجيب شي وانتي واختك الدلوعا جيبي ورقه و كيرم واونو
يارا: اووووف مخططه البنت
نوره : هييي من وين اجيب كيرم وورقه واونو !!؟
هاجر : سهله خوذي من اخوانك يا عزيّز او خوليد

.... : تقل سمعت اسمي !!!
يارا : هلا والله بحبيبي عزوز
عزيز : هلا بك .. ما شاء الله الاخت هاجر تنزلت وجت عندنا .. هذا وانتي اختنا منا لرضاع تجينا بالسنه مره وش خليتي للغريب
هاجر : عموما ما جيت عشانك جايه عشان اختك الدلوعه والحين باطلع
عزيز : افااا هجوره زعلانه ؟
هاجر : لا عزوز بس باروح اجهز لبكرى
عزيز : اجل نمر عليك بكرى ؟
هاجر : لا انا بانام عند ضي
عزيز : عادي نمر عليك انتي وضي
هاجر : وه بس وين خويلد ولا سليّم يتعلمون الذوق منك
نوره : وش رايك ناخذ البنات كلهم معنا بالجمس ؟؟
هاجر : والله فكره
يارا : يااااااي فلله
عزيز : لا يكون انا الي باوديكم ؟؟!
هاجر : ومن غيرك يا بعدي
عزيز : امري لله ..
يارا : بس عزوز نبي نمر مشوار قبل ما نروح ... عادي ؟
عزيز : اكيييييد من عيوني
يارا : تسلم لي والله
هاجر تناظر نوره : الحين ذولا اخوان ولا متزوجييين !!!؟
نوره : ههههه لا اخوان
هاجر : الله يخلف بس
نوره : اقول ما كأنك قلتي باطلع ؟!
هاجر : تقل انه طرده !!؟
نوره : تقريباً
يارا : لا هجوره اجلسي شوي ما شبعنا منك
هاجر : هذي الناس الذوق موب مثلك ( تطلع لسانها على نوره )
نوره : الطيور على اشكالها تقع
هاجر : اقول عزيّز ودني لبيت ضي يالله
عزيز : يالله

#################

يوم المخيم ...

عزيز : خاااااااالد قم يالله تاخرنا
خاالد : منب رايح الحين بيجي نايف ياخذني العصر ما نمت الا 8 الصبح
عزيز : الله يهديك بس

وطلع من غرفه خالد .. بقى غلا قدامه رفعها وباسها .. بعدين نزلها

عزيز : غلاوي حبيبتي صاحيه .. صباح الخير يا عسل
غلا : ثباح النور .. عذوذي ابي اروح معكم مع البنات
عزيز : اكيييييد اصلا ما راح اوديهم الا اذا كنتي معانا يلا حبيبتي البسي ثيابك وقولي لنوره و يارا يتجهزون راح انتظركم تحت
غلا : طيب


بعد ربع ساعه نزلو يارا و نوره و غلا

عزيز : يالله تاخرنا اركبو
يارا : ان شاء الله

ركبو وراحو عند بيت عمهم ابو محمد
ركبت ضي وقعدو 10 دقايق ينتضرون هاجر تنزل
عزيز : العيال وينهم موب رايحين ؟؟
ضي : فارس وعبدالله راحو مع ابوي وامي .. ومحمد بيجي مع مرته وعياله العصر
عزيز : اهاا ... اقول هاجر نمر على عبير اختك ؟
هاجر : لا اتركه بتجي مع ابوي وامي وسليمان
عزيز : زين

وراحو بيت عمهم ابو نايف
ركبو ( منيره - منار - رهف - ربى )

هاجر : اربطو احزمة الامان وانطلقوووووو
ضي : مشكله الحمااااس
هاجر : يالله بنات غنو معاااي ... يا سوااق دوس دوس ربي يعطيك العروس
البنات : يا سواق دوس دوس ربي يعطيك العروس
عزيز : اميييين ههههه
نوره : مستعجل الاخ ههههههه

وقعدو سوالف وضحك وتقريبا ساعه الا ربع وصلو المخيم

هاجر : اللللللللللللللللللللله واخيراااااااااااااا رجعنا لبعضنا يا حبيبي
عزيز مطير عيونه : بسم الله مين تكلم هذي ؟!
ضي : هههههههه خلها مع المخيم سالفه عشق معاه
عزيز : هههههه الله يخلف
هاجر : هييييه لا تحشون
ضي : اقول بس خلينا نروح لمخيم الحريم ازين نرتب اغراضنا ..
هاجر : قوووه


###############


نهايه البارت ...

توقعاتكم .. وش بيصير ؟؟!

<center> >>>>> ردود الأعضـــــــــــــــــــاء على الموضوع <<<<<
================================== </center>
البــآآآرت الثاني ..

الساعه : 4 العصر ..
بيت محمد ..

ساره : محمد يالله تأخرنا عليهم
محمد : طيب حبيبتي اركبي السياره وانا باجيب الاغراض
ساره : وين ثموري
محمد : بالحوش ينتظرنا خذي شوق معاك والحين اجيكم
ساره : يلا شوق حبيبتي تعالي معاي
شوق : تيب ماما

. ×××× .

بيت ابو نايف ..

نايف : سعووود يالله اخلص علينا ورانا طريق وبنمر على خالد بعد
سعود من فوق : زين زين جيييت
نايف : يلا بسرعه
سعود : خلاص جيت

وركبو .. وراحو لبيت عمهم ابو خالد ..

طااااااااااااااط طااااااااط << بوري السياره
سعود : وينه هذا لا يكون نايم للحين ؟؟!!
نايف : اصبر بادق عليه
ودق عليه ..
نايف : الو خالد وينك حنا تحت عند الباب ..
خالد : هذاي جيت جيت بس دقيقه ..
نايف : استعجل ياخي ورانا طريق
خالد : اصبر شوي الحين انزل لكم
نايف : طيب

مرت 3 دقايق ونزل لهم خالد ..

سعود : عزيز وينه ما جا معك
خالد : عزيز مودي البنات قبلنا
نايف : الله يعينه عليهن
سعود : خخخخخخ

ومشو للمخيم ..

. ×××× .

بيت العمه سلمى

سلمى : جنوووو حبيبتي يلا بسرعه
جنى : طيب طيب يا ماما
عبدالملك : ماااامااا ما لقيت البي اس بي !!!!!!
سلمى : دورت بغرفتك ؟
عبدالملك : ايوه بس ما لقيتها !
سلمى : يووووه موب لازم تاخذها
عبدالملك ( وفيه الصيحه ) : لااااا ماما ابيها
سلمى : خلاص بادورها دقيقه .. شيل السله هذي للسياره وانا اجيبها

سكتو شوي ..

سلمى : عمرررررررر ياللله تاخرنا
عمر ( ابو عبد الملك ) : يالله باروح اشغل السياره ..

وركبو .. وانطلقو للمخيم ..

##################

المغرب الساعه 6

عبير : اااااااه بس يا زين الدباباات
يارا : لا والله تخوف .. خاصه يوم ركبت مع ضي ..
ضي : اتركيها عنك هالدلوعه قعدت تصيح يوم ركبتها ههههههه
هاجر : هههههههههه اما يوم غرزت منار .. هههههههه ما الومه معه وزن زائد هههههههههاااي
منار : يا الدبا ما يضحك تراك انحف مني بشوي
هاجر : ولو بس اني انحف منك هذا المهم
ربى : هيييييييييه لا تغلطين على اختي
هاجر : وش تبين بالحياه انتي ما بقى الا مبزره متوسطه يحكون روحي من جنى بس ... هههههههه ولا عشانه بسادس صرتي تتكبرين عليه .. ترا مابينك وبينه الا سنه
رهف : اي والله روحي مع جنى نشبه اعوذ بالله
ربى : هذا وانتي اختي تقولين كذا

جنى من بعيييد : ربببببببى ربببببببى تعالي بسرعه
رهف: روحي لها يا ويلي تحبك
ربى : زين زين برب
هاجر : هههههههههه وش برب انتي الثانيه مشكله الي طافين بالمسن
مناير : اوف لو تشوفونها 24 ساعه على اللاب توب ما تفكه ابد
رهف : لا وبعد حتى بالنوم تنام جنبه ولا تسكره ..
ضي : ههههههه الله يعينكم عليه
منار : ااااااامين

. ×××× .

غلا : يابابا اثناني واوا وديني عند الطبيب ما عاد بدي ثوكولاتا بث بدي اثرب الحليب الثوثه ...
ام خالد : غلو يلا قوه ننام
غلا : تيب ماما

وراحو الحريم و الشياب ينامون ..
والشباب بخيمتهم والبنات بالخيمه حقتهم

.××××.

مناير : بنات نلعب ولا كلمه ؟؟!
ضي : يالله
وقعدو يلعبون ..

هاجر : خلاص مليت .. خلونا نلعب اونو
نوره : وش رايك نلعب مع العيال ؟!
منار : لا لا ما نبيهم
هاجر : ما شاورناك دقيقه باروح اناديهم

. ×××× .

جالس يفكر ( يارب يا كريم ترزقني اياه لي 4 سنين وانا احبه .. يارب اكتبي لي اكون معه .. ولو كان زواجي منه فيه ضرر نسيني اياه وابعدني عنه ياارب )
نايف : ياهووووووووووووووووه وينك انت وش تفكر به ؟؟!!!
عزيز : هاااه!! لالالا ولا شي .. الا وين الشباب ؟!
نايف : على فطنه يا شيخ نادوهم البنات يلعبون معهم وانت غاطس بتفكيرك يلا قوه نروح لمهم
عزيز ( الله يعيني راح اقابلها يارب اكتب لي الخير يارب ) : خلاص قوه نروح
نايف : قوه

. ×××× .

عند البنات

هاجر : اووووووونووووو
عبير : هببببببب شلون صرتي اونو ما امدانا
فارس : اي والله
هاجر : تفو تفو ما شاء الله ما سويت شي انا قاعده العب وثانيا اللعبه ذي لعبه حظ وهذا حظي
ضي : اي والله شوي شوي عليه
خالد : اسكتي بس انتي وياه مسوين انفسكم صديقات ... يلا مين دوره ؟!
منار : انا .. يلا
يارا : ابي اللون الاحمر
ضي : حلو حلووو عزيز اسحب كرتيين واووووووونووو هههههههه
عزيز : يووووه
عبدالله : غش غش انتي وهاجر اونو وما لنا 5 دقايق لاعبين
هاجر : حظوووووظ
خالد يرمي الاوراق : منب لاعب ابصم بالعشره ان ضي وهاجر غشاشااات
هاجر : لا تلعب موب لازم
خالد : شباب لا تلعبون والله غشاشات
ضي : ههههههههههههههههههههه
خالد : شفتوو انهم غشاشاات
فارس : خلاص موب لاعبين معكم
هاجر : بالطقاق
مناير : حتى حنا موب لاعبات
هاجر : ضفو وجيهكم يلا بس
عبير : يا ناااس انا جوعاااااااااااانه
ضي : اي والله انا بعد .. تعالي معي نسوي لنا شي
عبير : يلا

اكلو وصلو الفجر ونامو

. ×××× .

العصر الساعه 3 ونص

هاجر : يوووووه تاخرت الدباباااااااات
عبير : الحين خالد و محمد يجيبونهم
هاجر : اوووف لهم سنه
ضي : اصبري وش معجلك ... هاااه يا يارا بتعلبيييين ههههههه؟
يارا : اكيد لا حتى منار مو لاعبه بتجلس معاي

وجت الدبابات لعبو ساعه ونص ونزلو يتقهوون ويرجعون يكملون

يارا : خلاص بنات لا ترجون تلعبو يكفي الي لعبتوه
منار : اي والله
رهف : خلونا نلعب صراحه واوامر تكفووون
هاجر : لا ما نبي نلعبه
منار : ليييييييه خاايفه ؟؟ ( وتطير حواجبه وتنزلهم )
هاجر : لا اصلا ما اخاف واذا تبون تلعبون يلا نلعب
رهف : يلا

وحركو القاروره طلعت على ربى ( صراحه ) والي تسألها عبير

عبير : حلووو حلوووو ربووو حبيبتي معليه أسال ؟
ربى : لا عاد !! ايه اسألي
عبير : انتي تحبين سليمان ولا لا ؟ ( وتطير حواجبه وتنزلهم )
ربى :وش دخلك .. غيري السؤال ولا منب لاعبه
ضي : هههههههه خلاص ما يحتاج عرفنا الجواب هههههههههه

ربى استحت وقامت عنهم ..
هاجر : ههههههههههااااي وطلعتي تحبين يا ربى
ضي : يلا باحركها

وطلعت على يارا امر والي تأمرها هاجر
يارا : لا لا غشششششش غششش ما أبي هاجر
هاجر : وش غشه بعد صح غشينا بالاونو .. بس ذي ما فيها غش كل شي كان قدام عيونك
يارا : لا لا خلاص ما ابي العب
نوره : والله انك سخيفه يارا
يارا : انتي تعرفين هاجر مو مخليتني فـ حالي
هاجر : بتلعبين ولا لا ؟؟!
يارا : لا
هاجر : اجل اطلعي
يارا : اصلا باطلع بدون ما تقولين
منار : والحين دور مين
هاجر : حركي القاروره يا ذكيه
منار : اي صح

وحركوها .. وطلعت امر من عبير الى ضي

عبير تطير حواجبها وتنزلهم : اممممممممم وش اختار وش اختااار
ضي : اخلصي علينا
عبير : اممممممم ابيك تركبين الدباب وتروحين ابعد مكااااان
ضي : لا يختي بتغيب الشمس
عبير : مالي شغل كان ما لعبتي اجل مدامك موب قد اللعبه
ضي : خلاص خلاص بس الى وين تبين ؟
عبير : شوفي اذا صرتي تشوفين الشارع ارجعي لمنا
منار : لا لا حرام عليك مره بعيد
عبير : لا موب بعيد بس انتي خوافه احمدي ربك ما طلع عليك
ضي : خلاص باروح اركب بس وش لي
عبير: الي تبينه
ضي : ابي ذاك الي بيني وبينك ( وتغمز )
عبير : خلاص اعتبريه صار لك بس امشي
ضي : طيب


وركبت الدباب وانطلقت ..
دعست ودعست لييين شافت الشارع وبعدين رجعت لطريق المخيم وبنص الطريق تقريبا قضى البنزين عليها ..
وقف قلبها ونزلت وحاولت تشغل الدباب حاولت مليون مره بس ما فيه فايده ..
خلاص ما قدرت تتحمل وقعدت تبكي وتبكي ..
قالت اكيد هذا هو الحلم ..
يارب احفظي يارب رجعني لاهلي يارب
وصارت تركض وتركض والشمس بدت تغيب ..
والمكان صار شبه مظلم والتفتت لقت مخيم تتفتح انواره ..
فرحت فرحه ما تنوصف وصارت تركض له وتركض ..


ودخلت ..

. ×××× .

عبير : يووووووه ياربيه مرت نص ساعه من راحت ضي ولا رجعت
هاجر : لا لا لا ان شاء الحين تجي ..
عبير : بنات خلونا نطلع يمكن نشوفه

وطلعو قعدو ينتظرونها مرت 10 دقايق ولا شي بين والشمس بدت تغرب .. والعامل راح يولع نور المخيم ..

هاجر تبكي : كللللللله منك كللللللله منك انتي خليتيها تروح لحالها لمكان بعيد لا ووقت المغرب بعد .. يارب رجعها لنا سااالمه ياااارب
مناير : لا يضيق صدرك ان شاء الله بترجع لا تفاولين على البنت يمكن ما صار لها شي..
هاجر : يااارب يااارب .. لازم نخبر العيال يروحون يدورنه لازم

. ×××× .

فارس : وشوووووو !!!!؟ ضي راحت بالدباب ولا رجعت
محمد : بسررررعه اركب نروح ندوره
عزيز : باجي معكم
فارس : زين يالله اركب .. شباااااب تكفون ابوي وعماني لا يدرووون
خالد : لا توصي انت رح دورها ان شاء الله بخير

وركبو بالسياره

محمد .. ( يااارب رجعها سالمه يارب احفظها يارب )
فااارس .. ( يااارب تكون بخير يااارب ما يصير لها شي )
عزيز .. ( ياارب احفظها واستر عليها يارب لا تصيبها بشي يارب ارجووك يارب .. يارب احفظها ورجعها لي ابيها يارب ابيها )

. ×××× .

دخلت للمخيم وهي تشهق ما تدري البكاء هذا خوف ولا فرحه ولا ايش

لكن قبل ما تدخل سمعت صراخ شباب وازعاج .. وقفت خافت تكون غلطت وهذا مو المخيم حقهم لكن انها كملت يمكن ان العيال يستهبلون ولا شي
ويوم دخلت تاكدت شكوكها ان هذا مو مخيهم وطلع مخيم شباب
قابلها شابـين ..

قال الاول : الللللللله اللله وش هالزين ..
ورد خويه : تعال من هنا يا قميل ..
وجا واحد منهم ومسكها ..

لكنه جمد يوم سمع صرخه واحد : اتركهاااااااا يا الحيوان ...!!


####################

نهايه البارت

تتوقعون مين الي صرخ على الرجلين ووقفهم ..
وهل بترجع ضي لاهلها سالمه او ... ؟!


انتظر توقعاتكم =)

__________________________________________________ __________
يلآ عــــآد أبي تفـآعل ولا منب مكمله <~ يـآسفابتس ..

__________________________________________________ __________
يسلمو على الموضوع بس يلا كملي

__________________________________________________ __________

المشاركة الأصلية كتبت بواسطة روحــــــــي تحبكـ https://chamil.xplainer.net/new_te3p...s/viewpost.gif يسلمو على الموضوع بس يلا كملي

مشكوره على مرورتس .. https://chamil.xplainer.net/images/s.../2009/t006.gif

..

__________________________________________________ __________
البارت الثالث ..


محمد : يووووه الدنيا ظلام وما نشوف شي وين بنلقاها
عزيز : توكل على الله يا محمد ان شاء الله بنلقاها ان شااء الله
فارس : يارب ياارب

مشو حتى وصلو الشارع بس ما لقو شي وقعدو يدورون حوله ويدورونها ..

. ×××× .

لف على مصدر الصوت وهو مخترع : طلال !!!؟ أأ أأ سف اصلا كنت باجيبها لك ان كنت تبيها
طلال : صادق انت !! حراام عليك البنت باين انه مضيعه اهله وميته خوف وانت تفكر بهالاشياء .. يلا رح انت وياه ما ابي اشوفكم .. ( وبعصبيه ) يلااااااااااا
جعفر : سم سم طال عمرك

وراحوو

طلال : لا يضيق صدرك يا اختي .. ما راح يصير لك شي انا اخاف عليك مثل ما اخاف على خواتي ..
ضي وهي تبكي : والله مو قصدي اجي هنا انا تحديت عبير وخرب الدباب ... وضعت شفت نور .. وجيت ولقيتهم ( وقعدت تبكي )
طلال مو فاهم عليها بس عاذرها : خلاص يا اختي هدي .. ( وقام ينادي ) يا سلطااااااااان جب كاس مويه بسرعه

جاب سلطان كاس المويه وعطاه ضي .. شربته مره وحده .. وطلال حن عليها
طلال : يا اختي ما تذكرين وين مخيمكم ؟!
ضي : مدري مدري هو قريب من هنا
طلال : طيب تعالي معي نروح ندوره
ضي بخوف : لا لا ما ابي
طلال : يا اختي والله ما اسوي لك شي انا اخاف عليك مثل خوفي على خواتي .. طيب موب لازم تركبين السياره معي .. عطيني رقم ابوك ولا اخوك ولا احد تعرفينه يجي ياخذك من هنا
ضي : ايه ايه دق على اخوي محمد رقمه **********

دق طلال على جوال محمد بس ما فيه ارسال

طلال : ما فيه ارسال عندك رقم ثاني
ضي : ايه رقم ابوي ********

وجرب وبرضو ما فيه ارسال وحتى جوال فارس دق عليه لا وفيه ارسال

طلال : انا لله وانا اليه راجعون .. يا اختي اركبي معي ما راح اسوي لك شي والله الشاهد علي
ضي : خلاص باركب

وركبت معه وقعدو يدورون حتى لقو المخيم ..

ضي وهي تبكي من الفرحه: ايه ايه هذا هو ..
طلال : الحمد لله .. يا اختي مره ثانيه انتبهي على نفسك ولا تروحين لحالك بالليل الحمد لله هالمره وسلمتي بس المره الثانيه ما تدرين وش المكتوب ..!
ضي : توبه اعيدها

ووصلو للمخيم نزلت علطوووول وركضت وقابلها ابوها الي عرف عن السالفه من امها .. ضمته وقعدت تبكي وتبكي
ابو محمد : الحمد لله على سلامتك يا بنتي الحمد لله
ضي : يبه والله اسفه والله ما اعودها ..
ابو محمد : خلاص يا بنيتي مسامحك اهم شي انك رجعتي لي بالسلامه
قاطعهم طلال : الحمد لله على سلامتك بنتك يا عم
ابو محمد : الله يجزاك خير يا ولدي لو غيرك كان سوا غير ما سويت والله انك رجال
طلال : الله يجزاك خير يا عمي .. بالاذن يا عم
ابو محمد : لا ابد وانا عمك ما تطلع الا وانتي متعشي ولو ان الذبيحه شويه عليك
طلال : وشوله الكلافه يا عمي ..
ابو محمد : حلفت ان تقعد
طلال : مدامك حلفت انا ما عندي مانع

. ×××× .

دخلت ضي على البنات .. واول ما دخلت كلهم صرخو وصارو يضمونها

هاجر : الحمد لله على سلامتك يا قلبي واله خوفتيني عليك مره ..
عبير: تكفين ضي سا محيني والله ما دريت ان السالفه بتصير كذا
ضي : لا عبوره الذنب موب ذنبك

################

دق جوال فارس لقى ابوه المتصل
فارس : محمد ابوي دق علي وش اسوي !!؟
محمد : رد عليه بس لا تبين شي قل اننا قمنا نطاعس
ابو محمد : يبه تعال للخيم اختك ضي رجعت
فارس : وششششوووو!! ضي رجعت .. طيب شلون
عزيز ( الحمد لله يارب الحمد لله رجعتها لي الحمد لله )
ابو محمد : ايه وانا ابوك تعالو ونعلمكم شلون
فارس : زين هذانا جيناكم ( وسكر )
محمد : صدق يا فارس رجعت ضي ؟؟
فارس فرحان : ايه الحمد لله
محمد : يالله لك الحمد

. ×××× .

بزاويه بمخيم الرجال ..

خالد : وركبها معه وقعدو يدورون المخيم لما لقوه عاد ابو عزم طلال على العشاء
عزيز : لايكون سوا بها شي !!
خالد : لا لا طلع رجاال لا وبعد ابوه صديق عمي ابو نايف
فارس : ماشاء الله

ابو نايف : تعالو يا عيال العشاء ..

. ×××× .

ام محمد : والله ان طلال رجال وينشد فيه الظهر صدق فوزيه عرفت تربي
ام خالد : فوزيه هي امه ؟
ام محمد : ايه
ام نايف : الله يحفظه يارب
ام محمد : امين

وجلسو بالمخيم 3 ايام ورجعو للديره ..

##############

بعد اسبوع ..

البنات مجتمعات في بيت العم خالد يتعشون ..

ضي : بنات وين الثلج ؟
عبير : خلص روحي جيبي لك من المطبخ
ضي : خلاص الحين اروح

وراحت للمطبخ

فتحت الفريزر وطلعت من معكبات ثلج .. طاحت وحده منهن بدون ما تحس فيها وحطتهم بالكاس وجت تمشي ... وكل هذا كان تحت عين واحد يراقبها بحب وشوق ..

ويوم قربت من عند الباب داست على قطعت الثلج الي ما شافتها وطاحت في الارض طيحه قويه ..

جاء لمها يركض من غير شعور وبصوته اللهفه : سلامات وشفيك عسى ما تعورتي ..!؟؟
اما ضي ما قدرت تتكلم من الخجل والألم وكل شي : ....
عزيز تدارك عمره : اسف اسف ما كان قصدي بس شفتك طاحيه خفت صار لك شي ..
ضي بالموت تكلمت : لا .. عـ عادي ..

قعد يتأمل بعيونها فتره من الزمن كانها مغناطيس تجذبه .. بعدين حس بعمره لكن بعد ايش : والله اسف اسف
وقام قبل لا يتهور ..

اما هي وقفت جامده ما تدري هل هو الم من الطيحه ام خجل ام شيء ثاني !!!

وقامت تجيب الكاس لقت الثلج ماع ..
راحت اخذت لها ثلج ثاني ورجعت للبنات بس بنفسيه غيير ..

سهرو البنات وفلوها بعدين كل وحده رجعت لبيتها ..

#############

بيت ابو سليمان ..

هاجر : ايه عزمت كل البنات وان شاء الله الخميس كلهم بالمزرعه ..
ضي : حلو .. ياالله باروح لبيتنا
هاجر : لا تكفين نامي عندي
ضي : مره ثانيه ان شاء الله
هاجر : طيب يالله مع السلامه

. ×××× .

يوم الاحد الساعه 3 ونص

هاجر قاعده ترتب للعزيمه .. وكل شي تماام .. كانت مع ضي وعبير اختها والشغالات
فجأه سمعو الباب ينفتح .. ماتووو من الخوف ركضت عبير وضي لجوا من الخوف اما هاجر تغطت بجلالها ووقفت قدام الباب
قبل ما يدخل للبيت تكلمت هاجر : ميين انت وليه جاااي ؟
رد عليها باستغراب : انتي الي مين ووش جابك هنا ؟
بس يوم دخل عرفته ..
هاجر : نايف !!! وش جابك
نايف : انتي الي وش جابك ؟ انتي مين ؟ يارا ؟ ولا هاجر ؟
هاجر : لا انا هاجر بس ما قلت لي ليه جاي
نايف : والله يا طويله العمر انا عازم اخوياي الليه فيه شي ؟
هاجر : وشووووووووووووووووو!!!!؟

جوا المزرعه ..

ضي : اقول عبير لا يكون صار له شي ما اسمع حسه
عبير : اي والله اخاف خطفه الرجل وصار له شي .. قومي نروح نشوف وش صار له
ضي : يالله

وراحو لعندها وليتهم ما راحو .. شافوها معصبه ونقاش حاد مع نايف..

هاجر : حلوه ذي انت عازمهم قبلي وش دراك اني عزمتهم بالاصل ومالي شغل كل شي ورتبته وانت توك تجي
نايف : لا يا شيخه ..!! كل العالم عزمتهم اخر شي اقولهم لا تجون والله المدام هاجر طلعت عازمه صديقاته .. تخسين !
هاجر : ايه تقولهم كذا .. وما يخسى الا انت ما بقى الا انت تهوشن على اخر عمري
نايف : لا تطولين صوتك علي فاهمه !!!؟
هاجر : ليه وش انت ؟! رح بس لبيتك ودبر لك مكان انت واخوياك وانا طلعه من هنا ما راح اطلع والله موب ذنبي طلعت عزيمتي بنفس يوم عزيمتك .. انا خلاص واعدت العالم وما اقدر اقول شي تلقاهم الحين يلبسون ..
نايف : يلبسون يموتون هذا موب شغلي انتي الحين تحمعين اغراضك وتنقلعين من هنا فاهمه ؟!
عبير : يا نايف تعوذ من ابليس وانت يا هاجر عيب تكلمينه باسلوب زي كذا !
هاجر : انتي ما شفتيه شلون تهجم علي يوم عرف .. قال ايش انا عازمهم قبلك بلا حركات مبزره رح وتوكل
نايف : انتي تسكتين وتنكتمين فاهمه
هاجر : تخسى تسكتني محد سكتني تجي انت الي ما تسوى شي تسكتني
نايف : اسكتي يا بنت الناس اسكتي ترا ما اقدر امسك اعصابي اكثر من كذا
هاجر : هههههههه تكفى فكنا وانقلع من هنا

اما نايف ما قدر يتحمل هالأهانات وقرب من عندها ورفع يده بيضربها لكنه على اخر لحظه قدر يمسك نفسه

هاجر : جاي تطقني !!؟ ما عاش من يلمس شعره مني وحركتك هذي خليها تنفعك .. واصلا انا طالعه من هالمكان مخليته لك ولأخوياك الحثاله .. مثلك

ودخلت جوا تاخذ عبايتها .. لبستها .. وركبت السياره ..
هاجر : كومار يالله حرك روح للبيت

اما عند نايف ..

كان سااااكت .. لكن اثار العصبيه على وجهه طلع عن المكان وركب سياره وراح ..

اما عبير وضي ..
عبير: هييييييه وش صار له هالمجنونه ما تفكر هذي تتخانق مع نايف وتروح تتركنا مين راح يجيبنا ؟؟!
ضي : مادري مادري .. الحين لو جو العالم وش نقول لهم .. ياربييييييه وش هالمصيبه .. الله يعين
عبير : بادق على خالد ولا عزيز يجون ياخذوننا
ضي : دقي على سليمان هو اخوك
عبير : سليمان الساعه 12 الظهر توه ينام شلون بيجيبنا بالله .. خلاص ادق على عزيز ..
ضي : ايه تكفين بديت اخاف بلحالنا بالمزرعه
عبير : زين زين الحين ادق

. ×××× .

( اللحين انا على اخر عمري انهاان لا وعلى يد مين نايف !! ليه يرفع صوته علي والله ما اعديه له والله )
كومار : ما ما خلاص في وصل بيت
هاجر : كل تبن بعد انت الثاني ..
ونزلت ..

############

بالمزرعه ..

ضي : ياربيييه تأخر عزيز ..
عبير : الحين يجي ان شاء الله .. بس اني مييييته عطش باروح اشرب ماء واجيك
ضي : زين ..

...

دخل المزرعه .. اندهش من الي شافه هذي بشر ولا ملاك !! بس واضح انه ما نتبهت له مين هذي ؟ اخت نايف ؟! وين نايف طيب ؟
لكن استوقفه صوتها ..
ضي : نوره تخيلي تخانقو مع بعض وتركونا ... خلاص تعالي مع عزيز نشوف وش بنسوي ... ايه .. ان شاء الله .. يالله سلام

(( هذا هو صوتها .. هي .. هي نفسهااا .. الي ضاعت بالبر اخت محمد وفارس هذي هي !! ))

ولحسن حظه انها دخلت جوا بدون ما تحس فيه ..
اما هو ما تحرك من مكانه الا لما تاكد انها دخلت .. بعدين تدارك عمره وطلع من المزرعه ..

(( سبحااان من خلقها جميله .. شكلك يا طلال طخت وانت واقف ))
ركب سيارته وتوكل ..

#############

دخلت مع اخوها ..

نوره : ضيييي عبييييييييير وينكم

طلعو لها ..

ضي : نوره وش نسوي مشكله ؟؟
عبير : حسبي الله عليك يا هاجر ..لو انه عازمه بس صديقاته معليش بس انه كل العالم عازمتهم ..
نوره : اصبرو خلوني افكر ...

وبعد فتره

نوره : لقيييييتهااا
ضي : وشي ؟؟!

############

انتظروني بالبارت الجاي :)

ولا تنسون التوقعاات ..

ربي يعطيك العافيه على ماقدمتيه لنا من ابداعات ...

اشكرك على طرحك الراقي والمميز ..

بانتظار ماتقدميه لنا من ابداعات ...

تقبلي مروري ...


كذآ من ربي حبيتكـ~