عقلي يبي محمد وقلبي يبي فيصل (رواية مووووت روعة للرومانسيين الجريئين وبس) - رواية جميلة

عنوان الموضوع : عقلي يبي محمد وقلبي يبي فيصل (رواية مووووت روعة للرومانسيين الجريئين وبس) - رواية جميلة
مقدم من طرف منتديات الشامل

عقلي يبي محمد وقلبي يبي فيصل ....

ثاني رواية سعودية اكتبها ونالت رضى واستحسان الكثيرين من الناس الرومنسية الجريئة اتمنى تعجبكم انتوا بعد وتعطوني تعليقاتكم اول باول ....

.................................................. .


العنود/ بنت عمرها 23 سنة مخلصة ثانوي بس وتشتغل في بنك بنت جميلة وهادية شعرها ناعم وبشرتها سمرة وعيونها جذابة ملامح وجها رهيبة جدا تصير بنت عمة محمد وفيصل...
فيصل/ولد عمهم الكبير عمره 30 سنة عايش في امريكا عشر سنين (جراح قلب) وسيم جدا جدا ومغرور والكل يحسب له الف حساب اذا دخل مكان يوقفون له من قوة شخصيته وجبروته...
محمد/عمره 28 سنة مهندس في شركة بترول متخرج من كندا وسيم جدا وبينه وبين فيصل ولد عمه شبه كبير بس الفرق بينهم ان محمد اسمر وفيصل ابيض كان متواضع وغير عن فيصل مايملك اي غرور وعلاقته باهل عمته ام العنود حلوة مرة اكثر من فيصل بحكم ان فيصل غايب عنهم فترة طويلة وغروره اللي يحكمه,,,
................................................
في بيت ال معمر .......(البندري ,الجازي,الوليد ,الهنوف),,,ابوهم متوفي
العنود(كانت اختهم الكبيرة)/جويزي مابتروحين الجامعة اليوم,,,
الجازي/لا بطنش...
العنود/وليه التطنيش با الله؟
الجازي/والله البارحة مانمت زين ومالي خلق اقوم من فراشي علشان الجامعة..
العنود/المهم انا والبندري بنطلع من دواماتنا وبنروح بيت جدي على طول..
الجازي فزت من فراشها/لا حرام عليكم هذا ظلم..
العنود اخذت شنطتها وطلعت/اقول وفري ظلمك في نومك ...
**************************
محمد/ما صار ذا يوم الاربعاء اللي نستناه يجي من اسبوع
خالد (ولد عمهم الثالث وصاحب محمد عدل ويشتغل معاه بنفس الشركة)/وليش تستناه حضرتك؟
محمد/علشان اكحل عيوني بشوفتها..
خالد/انا لو منك صارحتها..
محمد/لا انا ابي اتاكد اول ان مافي احد في بالها وقلبها ماهو مشغول لغيري..
خالد/انا اقول لو تكلمها عن شعورك ناحيتها افضل..
محمد/..................
خالد/....................
محمد/.................
خالد/دريت...
محمد/عن شنو؟
خالد/فيصل ولد عمك جاي الاسبوع الجاي..
محمد/سمعت ابوي قال.....ياه صار له عشر سنين في امريكا...
خالد/اتوقعه تزوج امريكية..
محمد/عمي يقول انه ماتزوج..
خالد/يمكن كلام بس..
محمد/لا وصال تقول لما راحوا له قبل سنتين ما كان متزوج (وصال اخت محمد متزوجة سعود ولد عمهم اخو فيصل الثاني )
خالد/والله فيصل كل شي عادي عنده بتشوفه اذا رجع..
محمد/هو من اول شايف حاله علينا كيف بعد اللحين دكتور قد الدنيا اكيد مايشوف اللي حواليه..
خالد/اذا هو دكتور ترى احنا بعد مهندسين مو طرارين!!!!
محمد/هههههه شفيك انت معصب يااخي الدعوة سوالف,,,,
***************************
في بيت العامري (بيت ابو فيصل ) ( سعود وزوجته وصال , سلطان ,نوف, ام فيصل.لطيفة متزوجة)
نوف/واخيرا اليوم الاربعاء بنروح بيت جدي كلنا..
وصال/اي وانتي الصادقة وحشوني مووووت...
نوف/يا سلام انتي قبل يومين كنتي هناك كيف مداهم يوحشوك؟
وصال/انا يوم رحت ماكانوا كلهم هناك وبعدين يوم الاربعاء غير لاتنسين ان عماتي يكونون هناك مع بناتهم...
نوف/اي بناتهم,.,,,
وصال/شفيك؟؟
نوف/سرحت في ......في العنود...
وصال/العنود؟؟؟
نوف/احلى بنات العيلة..
وصال/هههه انتي نسيتي نفسك ولاغيرة يانوف؟
نوف/لاحرام عليك انا اغار من العنود حرام العنود مثل النسمة والكل يطريها بالخير بس كنت افكر فيها سبحان الله على ها الجمال كله اقل شي يتعبها ويمرضها (العنود عندها مرض في الدم علشان كذا تتنوم بين فترة وفترة في المستشفى)
وصال/هاذي قسمة الله ومافيها اعتراض..
نوف/ماعلينا...كلها كم يوم وابو عبد العزيز يجي عندنا..
وصال/الله يسمع منك ويسمي عبد العزيز مو مثل اخوه فشلني مع عمي..
نوف/سعود كان يبي يسمي عبد العزيز بس فيصل دق عليهم وقال لهم لا سموه باسل وراي فيصل هو اللي مشى في النهاية..
وصال/المهم انا باروح اخلص شغلي حق الليلة..
نوف/ok وانا اقوم اشوف اخبار المنتدى شو صار وشو ماصار,,,
وصال/انتي ماراح يعمي عينك غير ها المنتدى من كثر ماتقعدين عليه...
*******************************
الليل في بيت ال معم (بيت الجد اللي ساكنين فيه ابو محمد وابو خالد )(ابو محمد عيلته مكونة من .وصال, محمد , مشعل وضحى ,روان) (ابو خالد,خالد طلال, لؤلؤة,)
وعندهم عمة ثانية غير عن ام الوليد اسمها ام وحيد(عيالها وحيد,هند اللي هي صديقة العنود,ليالي,مرح)
محمد/عمتي شلونك..
ام الوليد/انشد عنك يمه انت شلونك شخبارك مع شغلك..
محمد/انا بخير ...والتفت الى الوليد,,انت شخبارك مع الجامعة..
الوليد/هانت باقي ثلاث سنين ..
ام فيصل/اجل ما هانت يمه ماراح منك غير سنة وحدة
ها ها ها ها ها هاها
الوليد/انا اقول كذا علشان اعطي نفسي دافع
ام خالد/خلاص الاربعاء يوصل فيصل..
ام فيصل/ان شاء الله ولو اني مابقول غير لمى اشوفه بعيوني...
ام وحيد/ومتى بيجي بالسلامة..
ام فيصل/من الصباح يعني غذاكم وعشاكم عندنا
ام الوليد/الله يجيبه لنا بالسلامة ان شاء الله والله اشتقنا له حيل ابو عبد العزيز..
ام محمد/وانتي الصادقة اشتقنا له حيل فيصلنا,,انا لو منك ياام فيصل خلاص احكم عليه مؤبد ما اخليه يسافر ابدا تعويض عن ها العشر سنين اللي راحوا...
******* في الحوش........
نوف/مرحوا والله انها عاجبتني يالدبة قولي عاد اخذيها حلال عليك...
مرح/لو تحلمين ماعطيتك اياها....
لؤلؤة/وشني عاد؟
نوف/جزمتها تهبل تناسب ثوبي اللي من زارا...
مرح/no
الجازي/عاد انتي ما طلبتي الا من اكرم خلق الله..
مرح/هههههه
لؤلؤة/طيب وقت اللي بتلبسين الفستان خذيها
نوف/لا...ابيها لي علطول
الجازي/والله ان شغلتك شغلة انتي بعد؟المهم بنات منتوا ملاحظين شي؟؟؟
نوف/لا
مرح/شي مثل شنو عاد؟
الجازي/انتوا مو ملاحظين ان محمد ولد خالي واقف وماهو شايل عنه من العنود اختي
والتفتوا البنات الى محمد اللي كان واقف ويطالع بالعنود اللي كانت قاعدة مع هند ووصال ولطيفة
نوف/اي والله لايكون يحبها..؟؟!!!
مرح/شكله يقول اي..
الجازي/الا اي ونص...اصلا محمد رجله خفت على بيتنا في الفترة الاخيرة ومايجي غير في الاوقات اللي تكون فيها العنود متواجدة وبيضمن يشوفها ودايما يقول لاامي خليها في البيت مرتاحة بدل ها الشغل وها التعب مانبي نتعبها ماعندنا غير عنود وحدة هذا شمعناته بالله!!!!!
لؤلؤة/ماله معنى ثاني طلع محمدوا يحب العنود
نوف/انا اصلا لو مكان العنود والله عاطيني ها الجمالهذا كله ما اتزوج الا بعد قصة حب فلتة !!
الجازي/ياي عليك يالرومانسي...بنشوف قصة حبك انتي مع طلول كيف بتكون
هاهاهاهاهاهاهاهاهاهاهاهاهاها
نوف بعصبية/ماهو اخر عيالك علشان تقولين عنه طلول!!!(من يوم هم صغار الجد قال ان نوف لطلال وطلال لنوف وطلال كبر على هالشي وتعلق بنوف مووت رغم انها كانت تصده دايما وتتغلى رغم انها هي بعد تموت فيه بس ماكانت تبيه يعرف بها الشي)
مرح/الا صحيح شخباره؟
لؤلؤة/الا خبار عند ام النوف..
نوف/طيب
الجازي/ندري عنه طيب يعني خلص لو بعده!
نوف/بلى قاعد يطبق اللحين..
مرح/د.اسنان ..
لؤلؤة/ولو انه مايناسبه ..
نوف/وش اللي مايناسبه يلي ماتستحين على وجهك,,
الجازي/هاذي الحقيقة بعد ليش الزعل هههه
****************************
في الجهة الثانية من الحوش...
هند تهمس للعنود/والله ولد خالك ماهو راضي يشيل عينه من عليك...
العنود/لاتقعدين تهذرين مثل العجايز اصلا هو قاعد يناظر فيك انتي ...
هند/لا والله حشى يناظر فيك انتي...
وصال/علامكم اليوم عندكم اسرار؟
هند/لا ماعندنا اسرار بس قاعدين نحش فيك..
وصال/فيني انا؟؟
هند/نقول بسم الله عليها ماكاْنها صارت ام ولا يبين عليها
وصال/الله ياخذك ياهندوه على ها السوالف...
لطيفة/الا تعالي انا بنشدك عن .........
العنود رفعت راسها لقت محمد بعده واقف يناظرها قالت شسالفته هذا الليلة كل ماارفع راسي الاقيه يناظرني بسوي روحي بدخل داخل واذا كان يبي شي بيناديني
العنود/انا بدخل شوي ياجماعة..
وصال/المهم لاتصيفين داخل وشوفي باسل ساكت عند خالتي ولا يصيح ورجعوا يكملوا سالفتهم...
وقامت العنود ومشت في جهة محمد ويوم مرت جنبه ناداها..
محمد/عنود...
العنود لفت لعنده/انا العنود يامحمد ماني عنود!!
محمد ..(وهو يتاملها)/اسف والله ماكان قصدي اقلل من قيمتك يابنت عمتي...
العنود بابتسامة/لا عادي انا امزح معك في شي؟؟
محمد/ممكن اتكلم معك في موضوع..
العنود/شنو؟
محمد/لا مايصير اكلمك واحنا واقفين وكل شوي احد يجي يقطع علينا ..
العنود/بالمختصر..
محمد/فيني اكلمك على جوالك اذا مافي مانع..
العنود/.............
محمد/اذا بتضايقين خلاص بلاها...
العنود/وها الشي ضروري..
محمد/بالنسبة لي طبعا..
العنود/.......طيب دق علي الليلة...
ومشت عنه وهو بعده يتاملها.....
********************
(هذا الجزء الاول انتهى شو رايكم فيه وشنو تتوقعون بيصر في الجزء الثاني...محمد بيكلم العنود ولا لا واذا كلمها شبيقول لها؟؟ فيصل وشنو راح يصير مع جيته؟ لؤلؤة وزعلها مع نوف من شنو؟؟ واحداث ثانية بتلاقونها في الجزء الثاني ولاتنسوا من التعليق ياعسل)


<center> >>>>> ردود الأعضـــــــــــــــــــاء على الموضوع <<<<<
================================== </center>
هلا ومرحبا فيج غلاتي ابي اقلج حاجه انا صريحه وايد وبصارحك عسب تتطورين وتصيرهن



(هذا الجزء الاول انتهى شو رايكم فيه وشنو تتوقعون بيصر في الجزء الثاني..

حلو الجزء رغم ملاحظاتي

.محمد بيكلم العنود ولا لا واذا كلمها شبيقول لها؟؟

اتوقع يكلمها وحيدق بس يبي يعترف بحبه بس ما اسعفه لسانه
او يعترفلها وحتصده ولا تقوله افكر

فيصل وشنو راح يصير مع جيته؟

حتصير عزيمه له واتوقع من عنوانك
انه حيشو العنود بالغلط وحتعجبه

لؤلؤة وزعلها مع نوف من شنو؟؟

‏ ‏!!؟؟!!؟؟!!

واحداث ثانية بتلاقونها في الجزء الثاني

بنتظار ابداعك قلبو

ولاتنسوا من التعليق ياعسل)
[/quote]

افا عليك لا توصين علقت >> خخ صجيتيها

بس ممكن سؤال حياتو اش قصتك الاولى

ويالله حبي لا تتاخرين علينا بانتظارك


مشكوره يا مبدعتنا :) شقاويه

__________________________________________________ __________
تسلمين يلا نتظز البارت الجاي
وزي ماقالت شقاويه اش روايتك الاولى

__________________________________________________ __________
**مخاوية الشقاوة تسلمين ياقلبي على تفاعلك الرائع والجميل وروايتي الاولى (بدفن حبي وراسي عالي)واذا عجبتكم هاذي ان شاء الله احطها لكم هنا ..
**بنت ثول وافتخر تسلمين حياتي وهذا الجزء الثاني لعيونك ....

......................
الجزء الثاني.....
في اخر الليل العنود كانت قاعدة بغرفتها ودق عليها محمد..
العنود/الو..محمد/هلا والله..
العنود/اهلين..محمد/نمتي؟
العنود/لا..
محمد/تنتظريني؟(وهو خايف تقول لا)
العنود/..شنو كنت بتقول؟
محمد/شخبارك..
العنود/طيبة....محمد لاتلف وتدور قول شعندك؟
محمد/اه عنود انتي..
قاطعته العنود/اسمي العنود..
محمد/sory غلطة غير مقصودة
العنود/وصاير تغلطها وااجد..
محمد/........
العنود/اي كمل...
محمد/زعلتي يالعنود؟
العنود/واذا زعلت شبيصير يعني؟
محمد/اه يالعنود بموت نفسي طبعا..
العنود/...........
محمد/ما ساْلتيني ليه؟؟طيب انا بقولك العنود انا...انا غرقان فيك....
(العنود امسكت نفسها من المفاْجاة لانها ماتخيلت مشاعر محمد ناحيتها حب لانه كان بمثابة اخو لهم ودايم جنبهم فما تخيلت انه بيقول احبك)
محمد/العنود لاتسكتين ردي علي..
العنود/..........
محمد/انتي في احد في بالك صارحيني؟
العنود/لا..
محمد/اه (بس ها المرة كانت تنهيدة ارتياح)
العنود/محمد انت فاْجتني وبصراحة ما ادري شقول لك
محمد/انا احبك ياالعنود ومن زمان بس كنت خايف اصارحك..
العنود/ليه؟
محمد/خفت تقولين ان في احد في بالك..
العنود/ويوم عرفت ان مافي احد في بالي...
محمد/ارتحت حيل يا.....
العنود/...
محمد/كلميني عن نفسك..
العنود/ليه تكون ماتعرفني يعني ؟ولا شنو اللي تبي تعرفه بالضبط؟؟
محمد/اشياءك الخاصة كلها مااعرفها..
العنود/وانت تبي تنط على اشيائي الخاصة مرة وحدة!!
محمد/هههه ابي اعرف العنود...
العنود/لسه بدري...
محمد/طيب فيني اقولك حبيبتي..
العنود/لا..
محمد/ليش عاد حبيبتي..
العنود/محمد (بجدية)
محمد/ياعيون محمد انتي..
العنود/.........
محمد/شرايك تجين تتغذين بكرة عندنا..
العنود/لا مااقدر..
محمد/ليش عاد...
العنود/عندي شغل ولازم اخلصه ...محمد انا بسكر اللحين ..زين اني تذكرت ان عندي دوام بكرة تصبح على خير..
محمد/ليش انا بنام الليلة علشان اصبح حرام عليك انا بقعد افكر فيك ..
العنود/تصبح على خير
* **********
اليوم الثاني في بيت العامري في قسم ابو خالد (ابو خالد وابو محمد مع بعض في نفس البيت بس كل واحد يدخل من باب وبينهم المطبخ الخارجي مشترك)
طلال/وين لؤلؤة نايمة..
روان/طبعا اليوم خميس مافي جامعة..
طلال/هاذي كل نايمة لاخميس ولاجمعة..
روان/انت ماعندك تطبيق اليوم..
طلال/لا..
ويدق تلفون البيت..
طلال/الو
نوف/.السلام عليكم..
طلال/وعليكم السلام..
نوف عرفته بس حبت تتعير/خالد شلونك..
طلال/هلا نوف..انا طلال مو خالدولا صوتي مو عاجبك؟
نوف/طلالsory مااميز بينك وبين اخوك تتشابهون..
طلال/غريبة مع ان فيه اختلاف بين اصواتنا....كيفك..
نوف/طيبة الحمد لله..لؤلؤة قاعدة ولانايمة..
طلال/لاطبعاماهي قاعدة بس علشانك ممكن نصحيها..
نوف/لاخلاص بدق عليها غير وقت شكرا
طلال/داقة بس تسالين عن لؤلؤة؟
نوف/................اي
طلال/بس؟؟!!!
نوف/اكيد بس ليش انت متوقع انه في شي ثاني يعني..
طلال/..لا بس...
نوف/طيب باي....
****************
لطيفة/اقول يمه..
ام فيصل/نعم يمه..
لطيفة/وين بتسوون حفل الاستقبال حق فيصل لارجع..
ام فيصل/والله ابوك قال مابيحجز شي غير اذا رجع فيصل خاف ان فيصل ماتعجبه الحجوزات..
لطيفة/اه يمه والله واحشنا فيصل بقوة..
ام فيصل/اذا وحشك مرة فاانا امه يظل واحشني حتى وهو جنبي شتقولين عن قلبي اللي متقطع من عشر سنين عليه!!!
******************
في بيت ال معمر...
ام الوليد/محمد ياهلا والله فيك
محمد/هلا عمتي شلونك
ام الوليد/انا بخير انت شخبارك
محمد/والله من كثر ماوحشتيني جيت اتغذى معاك اذا بعدك ماتغذيتي
ام الوليد/لاوالله يمه استنى العنود قالت بتصلي وبتنزل تتغذى معاي جيت بوقتك
محمد/(يقول في باله اي هذا من حظي يوم بقعد معك في سفرة وحدة ياالعنود)
ام الوليد/محمد شفيك انا اكلمك وانت عينك على الباب!
محمد/لا بس..
ام الوليد/محمد في الفترة الاخيرة حا ستك مو على بعضك يمه شفيك؟
محمد/عمتي اذا خطبت العنود شبتقولين
ام الوليد/العنود؟!!!!!!
محمد/اي العنود ليه فيني شي علشان تستغربين..
ام الوليد/لا يمه بس انت عارف انها تعبانة وكل يومين ثلاثة تصير لها نكسة وكل ستة سبعة شهور تحتاج تبديل دم وحالتها حاله..
محمد/عارف ها الشي ماهو جديد علي وراضي ياعمتي..
ام الوليد/بس يامحمد..
محمد/عمتي انا احس اني متعلق فيها كل مااسمع اسمها احس ان الدنيا غير ابيها ياعمتي واوعدك اني احطها في عيوني...
ام الوليد/محمد اذا علي انا فماراح القى احسن منك ياولدي يخاف عليها بس..
محمد/بس شنو؟
ام الوليد/لازم تشاور اهلك هذا زواج مو لعبة
محمد/وهلي وين بيلقون احسن من العنود لولدهم
ام الوليد/ولو يمه عطيهم خبر وخلهم يفكرون على مهلهم..
العنود/يمه انتي مع منو تسولفين؟
ام الوليد/لبسي عبايتك قبل لاتجين...
وبعد دقايق دخلت العنود
العنود/محمد!!
محمد/هلا وغلا..
العنود/اهلين
ام الوليد/ها احط لك الغذى يمه ترانا ننتظرك
العنود/خليك قاعدة انا بجهز كل شي..
وراحت في المطبخ وهي تفكر بمحمد صار له فترة يتردد على بيتهم ويتعشى ويتغذى عادي بس اليوم ليش صايرة جيته عليها غريبة وثقيلة ماتدري ليش مشاعرها متغيرة من بعد مكالمة البارحة
محمد/جاية تجهزين الاكل لو تسرحين!!
العنود انتبهت من سرحانها على صوت محمد/ها..
محمد ابتسم لها/اموت واعرف في شنو كنتي سرحانة
العنود/ولاشي.
محمد/متاْكدة
العنود/انت عنيد ولازم تسوي الشي اللي تبيه..
محمد/مافهمت عليك..
العنود/كنت تبيني اجي عنكم ويوم قلت لك لا جيت انت..
محمد/اسف اذا كنت ضايقتك
العنود/لاعادي ماعندي مشكلة
تقرب منها محمد ومسك الصحن اللي في يدها وهمس لها/انا بسوي كل شي انتي ارتاحي ياقلبي..
العنود ابتعدت عنه شوي/محمد خليني احط الاكل لو سمحت امي تنتظر في الصالة
محمد/وانا شطالب ابي اريحك بس
العنود/شكرا...

__________________________________________________ __________
بأنتظاار التكمله..

__________________________________________________ __________
في بيت العامري بعد صلاة المغرب...

الجد/انت عندك شي ما انت خالي يامحمد..
محمد/.......
ام محمد/محمد شفيك..
محمد/ابي اتزوج
ابو محمد/وهاذي الساعة المباركة واللي يبي يتزوج كذا مو عارف يقول كلمتين على بعضهم..
ام محمد/من بكرة بطلع ادور لك احسن عروس ..
الجدة/اي بنختار لك زينة البنات يامحمد احنا ماعندنا غير محمد واحد الله يخليه لنا..
الجد/محمد حاف..قولي المهندس محمد..
محمد.........العنود ابي العنود بنت عمتي
الجدة/...........
الجد/...
ام محمد/..........
ابو محمد/والنعم فيها بنت اختي بس انت عارف ظروفها الصحية وعارف شقد العنود تعبانة في حياتها..
محمد/عارف...
الجد/واحتمال ماتقدر تعطيك عيال
محمد/راضي....
ابو محمد/فكر عدل يبى هاذي حياة مو لعبة استقرار ومسوؤلية
محمد/انا غير العنود ماراح اخذ
.................................................. .................................................. .................................................. .................................................. .................................................. .................................................. .................................................. .................................................. ........................................
الجد مسك سماعة التلفون ودق على عياله قال لهم يبيهم بكرة ضروري يجون البيت
محمد/يعني شنو ياجدي؟
الجد/يعني الله يقدم اللي فيه الخير..
* * ******************
خالد/بها السرعة!!!!
محمد/لاهي صغيرة انطرها تكبر ولاتوني متخرج واستنى الوظيفة
خالد/ماقلنا شي بس كاْنك استعجلت..
محمد/ولا استعجلت ولاشي..
خالد/يعني نملك اثنينه في ليلة وحدة انا اخذ هند وانت تاخذ عنود..
محمد/اسمها العنود ياخالد ماهي عنود..
خالد/هههه الله عليكم من اللحين مانرضى على بعض
محمد/لاتنسى انها حرمنا المصون
خالد/لامانسيت قلت لها انك كلمت جدي..
محمد/لا
خالد/اتصل فيها اعطيها خبر لاتتفاْجا بكرة اذا جدي عطاها خبر..
ومسك محمد جواله ودق على العنود...
العنود/الو
محمد/هلا
العنود/اهلين
محمد/عفوا اذا ازعجتك
العنود/لا عادي لسه مانمت
محمد/ابي اقولك شي
العنود/اللي هو...
محمد/اذا قلت لك ان في واحد خطبك من جدي الليلة شتقولين؟
العنود/خطبني انا...
محمد/ايه خطبك انتي ليه مستغربة...
العنود/مو مستغربة بس...
محمد/بس شنو..
العنود/ماادري..
محمد/جدي كلم عمتي وقال لها بكرة تجي
العنود/اي صح كنت معاها يوم كلمها ...هو علشان كذا يبيها؟
محمد/اي علشان كذا..................انتي شنو رايك
العنود/............
محمد/العنود شنو رايك؟
العنود/لا ...بقول لا..
محمدوتنهيدة ارتياح/ليه...
العنود استحت/بس كذا..
محمد/بس انتي ماتعرفينه..
العنود/ماهي فارقة عندي,,,
محمد/واذا كنت انا...
العنود/انت!!!!!
محمد/اي انا..
العنود/انت تتكلم من جدك...
محمد/طبعا من جدي ليش يمزحون في ها السوالف بعد..
العنود/طيب ليش...
محمد/علشان نكون جنب بعض على طول..
العنود/بس مامدانا عرفنا بعض يامحمد
محمد/فترة الخطوبةبتعرفنا لبعض اكثر وتقربنا من بعض...
العنود/انت دايما مستعجل..
محمد/خايف تطيرين مني..
العنود/عصفور انا اطير..
محمد/انتي احلى من العصافير كلهم...
العنود/...........
محمد/الله على الخجلانين.اموت انا فيهم...
[COLOR=&quot;Red&quot;]العنود/محمدانت مو معقول ماصار لنا ليلتين تقوم تخطبني..[/
COLOR]
محمد/ليلتين من صارحتك بس حسبي عمري اللي قبل بتلاقيه ماينعد ..لان كل يوم كان مر ياعنودي كنت افكر فيك...
العنود/وليه ماصارحتني قبل..
محمد/كنت خايف...
العنود/وشلي خلاك تصارحني مرة وحدة مدامك خايف..
محمد/ماقدرت اتحمل اكثر والله..
وفي ها اللحظة دخلت البندري غرفة العنود وقعدت على الفراش جنبها وهي ماسكة مجلات في يدها...
العنود/محمد فيني ىاقولك تصبح على خير..
محمد/بس قبل ودي اقولك شي..
العنود/شنو..
محمد/ احبك..
العنود/تصبح على خير..
.........................
البندري/عنود كاْنه في تلاطف بينك وبين محمد ولد خالي..
العنود/بندورة.....محمد
البندري/شفيه...
العنود/محمد قال انه معجب فيني...
البندري/العن ابو ها الحركات وليهماقلتي بالله..
العنود/واليوم خطبني من جدي...
البندري/جد...احلفي قولي والله....الله الف الف مبروك يااحلى العرايس وقامت وحضنتها,...
العنود/انتي شفيك مابعد صار شي..
البندري/بيصير يابنت الحلال لو نلف العالم مابنلاقي افضل من محمد وبعدين بيني وبينك كل البنات ليلة الخميس كانوا يعلقون عن نظرات محمد لك...
العنود.
البندري/انتي شنو رايك فيه...
العنود/شنو...شنو يعني..
البندري/يالله عاد عنودة قولي...
العنود ابتسمت لها/يعني...
البندري/يعني شنو اخذ الكلام منك بالقطارة انا...
العنود/محمد انسان اجتماعي وله مركز مرموق ومهندس شاطر قدر يثبت نفسه بسرعة وطيوب يعني هو يدخل القلب بسرعة..
البندري بنفاذ صبر/يعني...
العنود/انا ارتاح له حيل ولمى اكون موجودة معه انبسط لانهيحسسني اني اميرة..لا ملكة..
البندري/عيني..عيني..ايه الحركات اللخبوطية دوت يابنت..
***********************************
لؤلؤة ونوف على التلفون
نوف/دقيت لك امس رد علي اخوك قال لي نايمة
لؤلؤة/اي واحد فيهم هم اثنينهم ماقالوا لي...
نوف/طلال...
لؤلؤة/اوهه طلول وشقلتوا لبعض وكيف لعبتي في اعصاب اخوي هاالمرة لو مثل كل مرة وكلمك عادي لو قام يصارخ هو صحيح شراني بس ساعات يصير طيب...الو نوف بعدك معي على الخط...
نوف/ممكن تعيدي كلامك بسرعة لو سمحتي؟؟
لؤلؤة/اعيد كلامي..وسكتت شوي ويوم فهمت انفجرت في الضحك
لؤلؤة/هههههههوي ياقلبي مو قادرة ههههه
نوف/ياتعيدين كلامك ياقسم بالله راح اسكر
لؤلؤة/ههه قلت طلول وشراني هذولا الهجاء الباقي كله مدح والله ههه
نوف/لاوالله اقول لؤلؤة شنو رايك اروح اقول لسلطان اخوي انك تحبينه؟
لؤلؤة بعصبية/نوف خلاص عاد انا ماقلت لك شي..
نوف/اعتذري اول؟
لؤلؤة/ماني معتذرة اخوي وبكيفي يالله باي وسكرت الخط..
نوف/هاذي شفيها قلبت مرة وحدة (وقامت تكلم نفسها لؤلؤة صار لها فترة تلاحق سلطان بعيونها وهوو لاهي في نانسي بنت خالتي لايكون درت ان يحب نانسي هي عمرها ماكلمت سلطان ولاحتى لمحت له من بعيد عن حبها ..الله يستر شكلي عفست خلقها بسالفة سلطان)
اما لؤلؤة من رمت سماعة التلفون راحت فراشها ودموعها في عينها خايفة تنزلهم ولاهي قادرة تردهم (اه ياسلطان عيوني انت ياولد عمي ليش احبك وانت ماتدري عني ليش قاعدةاذوب كل يوم علشانك وانت مو قادر تحس في القلب اللي يفداك حبيبي انا كلي تحت تراب رججولك ابي لو مرة وحدة بالغلط تقولي شلونك يابنت عمي صدقني راح تعيشني مرتاحة نص عمري ابي منك بس نظرة تخليني مرتاحة ياعمري وانتبهت على صوت موبايلها يدق وكانت نوف المتصلة دقت لها بزي وقفلت الجوال وكملت بكيها...
*******************************************
اليوم الثاني في البنك...
هند/ياسلالام طلع مافيه صبر بعد!!
العنود/شفيك عليه واحد ماعنده خرابيط قال ادخل من الباب احسن..
هند/والله وتدافعين عنه بعد..
العنود/طبعا مو ولد خالي وبيصير خطيبي..
هند/وبعد..
العنود بضحكة/وحبيبي..
هند/ههههه
العنود/تصدقين اني شوي واطير من الفرح
هند/ههه لاتطيرين بعدين تثبتين له انك صدق عصفور...
العنود/ههه هذا جوالي يدق هاذي ماما....اهلين ماما ليش ....طيب..انتي ناك...طيب..
هند/شفيها
العنود/تقولي تعالي بيت جدك انا هناك لاتروحين البيت..
هند/عنودوا السالفة جد وبيحكمون عليك مؤبد وبيدخلونك القفص الذهبي خبرك في جدي اللي بياخذ قريبته مافي شي اسمه فترة خطوبة مثل ماصار مع وصال
العنود بضحكة/محنا بحاجة فترة الخطوبة..
**************************
توقعاتكم للجزء الجاي..شنو بيصير..هل بتتم خطبة العنود محمد؟ اجتماع العائلة يوم الاربعاء وفرحتهم مع بعض شلي بيكدرها؟ليش ابو فيصل بيطلع من البيت متضايق؟ سوالف محمد والعنود هل بتستمر ولالا؟ اشوفكم عمى قريب...

نترياج حبي

‏ ‏:) شقاويه