لأني منهاره

عنوان الموضوع : لأني منهاره
مقدم من طرف منتديات الشامل

السلام عليكم ورحمة الله وبركاته :

شخباركم شباب / صبايا ...

اليوم عندي موضوع أتمنى الكل يشارك ..

كل منا فقد عزيز وغالي على قلبه ويتمنى في اللحضة أن الحين يعيش معاه أو حتى يشوفه .. يحس نفسه مشتاقله حييييييل

مين منكم جرب مين العزيز الغالي الي فقده الحياه بدونه ماتسوى يتمنى يرجع لورى أكثر علشان يهتم فيه ويصلح أخطاءه

مين حصله موقف مشابه ??? <<<< يحكيلنا

وأنا رح أبدأ أول شي ..

أنا فقدت إثنين من خواتي تقريبا مرحلة أربع شهور كنت مصدومه وما قادره أتقبل الواقع حتى لما توفوا الله يرحمهم ماقدرت أبكي

كنت أتمنى لو أنهم عاشوا معي لحضات بس لو يرجعوا كنت أنا غير

أنا كنت بالمستشفى جالسه عند أمي وسمعت صوت صفير الجهاز يعلن أنهم ماتوا
شفت أمي أبوي يبكوا وأنا العالم من حولي يدور أفكر أتألم حاسه بغصة محد حاس فيني عايشت الموقف أنا وأمي وأبوي ...

وين اللي قبل شوي ضحكته ماليه المكان الصراحه إستحرمت على نفسي أني أشم الهوا بعدهم بس لازم أكون قويه علشان أهلي
أبوي طلع من الغرفه علشان يسوي شهادة وفاة ... إستغربت من طلب أمي قالتلي ورده روحي صوريهم أبي أشوفهم قبل لاياخذوهم
رحت وأنا كلي خوف كيف أنفذ طلب أمي ..... بس ماقدرت البيه لانها إذا شافت الصور بتظل التفكر وحزينه طول همرها ومااريد أكون السبب فها الشي


دخلت عليهم ودخلت معي الطبيبه وعزتني وماخلتني أجلس أكثر قالت هالمناظر ماتصلح لي ...
رجعت عند أمي إضطريت أكذب عليها قلتلها : الممرضات شافوني ومخلوني أصور ممنوع

أنا مادري إذا ربي رح يحاسبني على هالذنب بس أنا كنت فموقف لا أحسد عليه

رجعت البيت مع أبوي والاموات وأمي بعدها بالمستشفى وصتني على أخواني ماتريدهم يشوفوا علشان عندهم إختبارات ماتبيهم يتأثروا ..

وصلت البيت وأنا رجولي ماقادره تشيلني ... أبوي جالس يدعي ويستغفر
قالي أبوي أغسلهم إنصدمت أكثر كيف أغسلهم وأنا ماعرف أبدا شي حاولت فيه بس أصر أنا ماقادره أتحمل أشوفهم كيف أغسلهم
رحت جمعت الادوات والعطر والكفن وكل شي ... جلست أناظرهم ساعة وأنا كل تفكيري كيف حالة أمي الحين ?


الحمدلله جات وحده من الجيران وقالتلي خلنا نروح المغسله والدفن .... وكلمت أبوي
وافق ...

ركبنا السياره ورحنا وغسلوهم وأنا أشوف كل العالم الي شافهم قعد يبكي إلا أنا مادري ليش ?

كانت صديقة أمي معاي قامت تبكي لما شافتهم وأنا جامده مكاني من هول المنظر تحاول فيني تبي تطلعني بس أنا واقفه أشوف وما أرد عليها يأست مني وطلعت لانها ماتقدر تشوف

خذوهم على الدفن وجلست أنا أفكر بحقيقة الحياه والموت تغيرت حياتي ما أدري شقولكم ... مابقى لا الذكريات وبعض الصور القديمه الي دايم أخفيها ماحب أحد يطالعها هذه تجربه ما أتمنى أحد يعيشها ..


هذا الي أنا عطيتك كل شي تعطني من ظهري وأنا حي ماكنت أتوقع انك توصل لها المشوار
مابغى أشوفك بعد اللي صار مابغى أتفاهم معك لاني منهاره
خلص إنتهى كل شي واحترق بالنار

رجعت البيت وهذا حالي

الي عنده تجربه لايبخل علينا ...


––––•(-• التوقيع •-)•––––
أنا إنسان مع نفسي قبل لا أكون معك إنسان
ولي مبدأ ولي نظرة وتحكمني قناعاتي
حقيقتي ثابته في الوصل والهجران
أنا طبعي إذا حبيت أحب بكل حالاتي
ولا أجامل بأحاسيسي ولا أقبل بالهوى إحسان

<center> >>>>> ردود الأعضـــــــــــــــــــاء على الموضوع <<<<<
================================== </center>
الله يرحمهم ويغفر لهم ان شاء الله ..

أنآ بنسبل لي والحمد الله مافيه مواقف قريبه الا من ناحية وحده من زميلاتي بالمدرسه

اول ماتوفى ابوهآ .. أتذكر اني كنت رايحه اسلم عليها وأعزيها وكانت حزينه ووجها اصفر كلله

شحوب , حسيت اتها تحاول تضحك وتعيش مع صديقاتها وتتناسى لو لثواني ابوها ان ابوها مات .. !

والصدمه الاكبر يوم عرفت أنه متوفى الصباح ..

وهم لابسين يستنونه يوديهم المدرســـه هذي اكبر صدمه ممكن تحصل لأي بنت فآعمآرهم !

هذي اقرب تجربه لقيتها عندي !

والله يرحمهم جميع وكل اوموات المسلمين ..

__________________________________________________ __________
الله يرحمهم و يرحم جميع المسلمين و المسلمات الاحياء منهم والاموات
يعطيج العافيه
انا تجربتي
كان عمري 5 سنوات وكان عندي عم متعلقه فيه و اموت فيه لانه طيوب وحبوب
وكانت رايحه معه هو وزوجته وولده الصغير
فمشاني و بعدها رجعني البيت
فهو توه لف عند بيتنا فصار له الحادث
الله يرحمه و يرحم جميع المسلمات و المسلمين الاحياء منهم و الاموات
ياااااارب العالمين

__________________________________________________ __________

الله يعطيك العافيه
’,
تقبلي مروري مع زهرة تقديري

https://upload.te3p.com/uploader/455775/11275170450.gif

__________________________________________________ __________
أشكر الجميع الي مرو يعطيكم ألف عافيه ..
أشكركم ع المشاركه الطيبه

__________________________________________________ __________
الله يرحمهم ويرحم جميع موتى المسلمين
أنا تقريبا قبل سنة توفت ستي ام بابا الموقف كان صعب جدااااااااا الله لايعيد هيك أيام علينا
يااااااااااااااااااااااااااااااااااااااااااااااااا ااارب