بلسان طالبة زهقت من المدرسة قصة حقيقية
عنوان الموضوع : بلسان طالبة زهقت من المدرسة قصة حقيقية
مقدم من طرف منتديات الشامل
( هذا بالنسبة للمشاكل والطق وغيره ماخفآ وستره ربي )
بلسان الطالبة ( زهقت ) من المدرسة
اففف ماطيق المدرسة أبد
ـ ليش
الطالبة : انا مآلي بالهم ؟
ـ أي هم ؟
الطالبة : هناك كله مشاكل وفيه بنات مشكلجيات هذا غير الشلل
ـ طيب لاتحتكين فيهم وأي شي يصير روحي للإدارة
الطالبة : هههههه أي إدارة واللي يعافيك
ـ ايه هم يعالجون كل شي ومستحيل أي وحدة تكسر الإدارة
الطالبة : أكيد محد يكسر كلمة الإدارة بس البنات مايتوبون ويرجعون ولازم يكون فيه تكسير راس ياطاقة يامطقوقة
ـ ليش
الطالبة : كذه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
( البويات وماخفآ )
الطالبة : مدرستنا رايحة فيها
ـ ليه ؟
الطالبة : فيه بنات يجيبون آيبود وجوالات وأحيانا يكلمون أخويائهم
ـ كيف تعجبك بذي الخرابيط
الطالبة : لا لا أنا ماأخربط معهم بس أكون معهم وأسمع انا مالي بهالسولف
ـ بس انتي معهم بالذنب
الطالبة : لاتعليق
ـ امممم طيب عندكم بويات
الطالبة : فيه مدرسة مافيها
ـ ايه في كثير
الطالبة : هههه وريني وقعديني فيها شهر وانا أطلع لك
ـ طيب بمدرستكم فيه ؟
الطالبة : لا مو كثثير بس القليل بعدين بيصير كثير والغلط من الإدارة اللي مفروض يوقفونهم عند حدهم من البداية قبل لايخربطون ببنات الناس
ـ طيب الإدارة ماتدري ؟
الطالبة : لا ماتدري أصلا محد يتجرأ يقول والكل اصلا نفسي نفسي واذا قالت راح يعرفون اصلا هم عندهم بنات كثار يشوفون اللي رايح واللي جاي والبنت اللي تشتكي
من أول ماتدخل الإدارة وتطلع إلا قد وصل للشلة انها بلغت وحتى لو وعدوها الإدارة انهم مابيسوون لها شي هي ماتضمن ان هالشلة بيغيرون البنات عليها فعلشان كذه تسلم من شرهم
ـ طيب كيف تبين المدرسة ماتخرب والكل ساكت ومثل ماتقولين نفسي نفسي ؟
الطالبة : هاذي موب مشكلتي
ـ طيب عندكم شذوذ ؟
الطالبة : ايه فيه
ـ وش تقدرين تقولين
الطالبة : والله هذول يبي لهم من يرعاهم وخصوصا الشاذات ملاحظ ان عندهم نقص عاطفي وهذا مو بس كلام هذا منطق
ـ وش الحل
الطالبة : الحل من بعد الله أهلها وأخصائية أو أحد يعينها
ـ طيب وش رايك بالمخاواة
الطالبة : على حسب نية اللي تبي تخاوي
ـ عادي توضحين لي
الطالبة : أبي اعرف وش تبي مني يعني ممكن انها تبي مني شي أو بس تسلية أو حب فيني وهذا مااقد شفته للحين
ـ طيب خاويتي ؟
الطالبة : ايه
ـ وبرايك بأي صنف كانت خويتك ؟
الطالبة : بتقلبين السالفة علي ولا ؟!
ـ لا بس حبيت أسأل تبين نغير الموضوع
الطالبة : ياحبذا
ــــــــــــــــــــــــــــــــــــــــــــــــــ ـــــــــــــــــــــ
( ماخفي عظم ) ( وقت الدوام ـ وقت الخروج )
ـ فيه بنات يتأخرون
الطالبة : هههههههههههه انتي وش رايك ؟
ـ ايه فيه بس تقدرين تقولين لي وش سبب هالتأخير
الطالبة : كل وحدة وظروفها يعني مثلي أنا أحيانا أتأخر والسبة النوم
ـ طيب انتي عايشة بين بنات وانتي بالمرحلة اللي لازم الكل يهتم فيها مرحلة الثانوية ماعندك مواقف مرت بذي الفترة
الطالبة : امممم فيه انا عن نفسي ماعشت الموقف بس لكل حادث حديث وفي بنات معنا بالمدرسة الله يستر عليهم يطلعون مع شباب في ذي الفترة وانا أقول لازم بالفترة الصباحية وبالأخص
يشددون المراقبة
ـ كيف يقدرون يطلعون واللي يوصلونهم أولياء أمورهم ؟
الطالبة : مو الكل أولياء أضهم مورهم بع السواق وبعضهم مشي بس نآدر الأولياء
ـ طيب ومايخافون ينفضحون ؟
الطالبة : لا ليش تخاف تقدر تطلع لها ألف علثة وخصوصا بالصبح ( السيارة اختربت . المنبه ماقومني على الوقت . ابوي صحا متأخر . انا صحيت متأخر . مالقيت المريول . صار حادث )
ـ طيب ماتفكر ان المدرسة يمكن يدقون على أهلها ؟
الطالبة : هههههه هاذي حيلها أوسع
ـ تتكلمين كأنك جربتيها مرة
الطالبة : ايه جربتها
ـ ممكن أسأل فإيش ؟
الطالبة : لاتخافين انا مو مثل هذول البنات انا بس غبت يوم ولا احد درى فيني يعني الحمدلله ان عندي عقل واخاف الله ولا يمكن أطلع مع أحد
طيب الغلط على مين ؟
ـ انا مابقول الأهل ولا المدرسة لانهم ثنتينهم المسؤولين ولي الأمر لازم يتأكد ان بنته طلعت من السيارة إلى باب المدرسة وانا ماأقولها بحيث انه يشك فيها ولا شي بالعكس هذا أمان لها
ـ طيب المدرسة وش غلطانة فيه
الطالبة : ماتسأل الطالبة وش سبب التأخير ولازم تتأكد من صحته علشان الطالبة تعمل ألف حساب لم تتأخر ومو أي واحد يقطها تجي تقول السواق تأخر بوجه منفوخ وتصدق
ـ طيب هذا كله بالفترة الصباحية وبالفترة المسائية ؟
الطالبة : نفس الشي
ـ ممكن توضحين أكثر
الطالبة : تقدر تطلع وتجي والفترة المسائية تقدر تكون أكثر حرية من الفترة المسائية وخصوصا ان البنات كلهم طالعات ولاحد همه هاذي وين راحت وهاذي من وين جت
طيب قد شفتي أحد من ذا النوع
الطالبة : لا ماشفت بس أسمع فيه بنات يطلعون مع أخويائهم يقولون لأهاليهم نطلع الساعة مثلا 1 ونص وهم يطلعون 12 يكون عندها وقت مع خويها على الأقل نص ساعة
ـ ماعندكم من يناوب ؟
الطالبة : ههههههههههههههه إلا في وش تبينها تسوي يعني ؟
ـ طيب تشوفين وش الحل ؟
الطالبة : مافي حل إلا انها تقعد جمب الباب ولا ليه سموها مناوبة علشان تقعد مع صديقاتها وتسولف وتاخذ راحتها !! وبعد كل ربع ساعة تقعد تشوف من راح ومن بقى ؟! هذا اللي يصير
وأشوف استهتار من المعلمات خصوصا بوقت الخروج وهذا يخلي الطالباات اللي عندهم حركات أكثر اطمئنان لوضعهم
ـ طيب مستحيل الأستاذة تقعد طول الوقت بالحر وبعدين ماتقدر تطلع بالحر وتشوف اللي رايح واللي جاي
الطالبة : أكيد ماتقدر بس لو طالبة تأخرت بوقت الخروج ورجعت متأخر شي طبيعي يكون مشكوك فيها صح ؟
ـ أكيد
الطالبة : والمفروض ان المعلمة تسألها صح ؟
ـ ايه شي طبيعي
الطالبة : ههه ياليت لا أصلا هي بالها جاي على البيت على طول تصرفها وتقول دقي والبنت أكيد مستانسة راحت مع خويها ولا أحد درى عنها
ـ طيب الأستاذة وش يدريها ؟
الطالبة : يكفي التأخير
ــــــــــــــــــــــــــــــــــــــــــــــــــ ـــــــــــــــــــ
( المساعدة)
ـ برايك لأي مشكلة من تلجأ لها الطالبة
الطالبة : نفسها
ـ ليه وين دور المرشدات . المراقبات . وغيرهم ؟
الطالبة : حقوقنا مهضومة وخصوصا منهم يعني هم مايفكرون بعقلهم يفكرون على حسب اللي تهاوشت معها الطالبة يشوفون البنت المطقوقة مؤدبة يقولون لا الغلط عليك
ويشوفون البنت مشكلجية يقولون صح صح الغلط عليها مايشوفون وش الموضوع
ـ بالعكس المرشدة بالذات لها دور وخصوصا بذي المشاكل والمرشدة تحكم بالعدل والشاهد عليها الله
الطالبة : طيب هذا اذا تهاوشت مع بنت واذا مع معلمة ؟هم أصلا مايفكرون يسألون ليه المعلمة ماتغلط ؟ معصومة عن الغلط ؟ وليش البنت اذا غلطت تروح تتأسف للمعلمة
واذا المعلمة غلطت لاء ليش محنا بشر مثلهم ؟!
ـ طيب بنظرتك المرشدة وش دورها في المدرسة ؟
الطالبة : الوظيفة الأساسية تعرف نفسية البنت وشخصيتها انا ماقلت تصير دكتورة نفسية بس تعرف ظروفها مشاكلها تسولف معهم تاخذ أخبار من هنا أو هنا
ـ يعني انتي متفقة معي ان للمرشدة دور
الطالبة : مافي اختلاف بس الحين مافي أمان من المرشدات
ـ لا بالعكس الأمان كله تقدرين تشكين لها وتكون لك الآذان الصاغية وتحل مشاكلك مايكفي ذا ؟
الطالبة : لا مايكفي انا أدور اللي أشكي له ومايقول الله يستر على وحدة من المرشدات مسوية انها صديقتي وعارفا مشاكلي وووو لمن قلت لها مشكلتي قالت مابقول لأحد
واليوم رجعت البيت أمي درت بالسالفة وأخذت لي تهزيئة ولا أحلا منها !! هذا تصرف مرشدة !! المرشدة مفروض نحس بأمن معها !! انا من بعد هاليوم ماصرت أثق بالمرشدات أبد
وتجربتي خلتني ماأغتر بطيبتهم
ـ مايصير تحكمين على الكل من تجربة وحدة
الطالبة : انا التجارب كلها آخذها من تجربة وحدة
( وانتهى اللقاء ) ( ولي رجعة معها بلقاء آخر )
<center> >>>>> ردود الأعضـــــــــــــــــــاء على الموضوع <<<<<
================================== </center>
أنصحك يابنتي ( انا عندي عيال يمكن في عمرك ) خليك في حالك وركزي على التحصيل
العلمي وان ما قدرتي تتجنبين البنات السؤء الله يهديهم صارحي اهلك وغيري المدرسه
بكل بساطه
__________________________________________________ __________
السلام عليكم
كيفكم؟
والله موضوووووووع حلووو مره
__________________________________________________ __________
سلام عليكم اذا المدرسة مو عجبتها تنقل منة مو قضية الشرق الاوسط
__________________________________________________ __________
موضووووووووووووووع حلو
__________________________________________________ __________
يعطيك العافيه الحياة تجارب
لابد من تجاوزها بكل قوة وعزيمة
موضوع رائع تقبل مروري
