ياحبيلكم والله اشتقت لكم للنقاش
عنوان الموضوع : ياحبيلكم والله اشتقت لكم للنقاش
مقدم من طرف منتديات الشامل
هلاااااااااااااااا وغلااااااااااااااااااااا ياعالم ياناس ياهوه وينكم والله من زمان عنكم بس هالمره ماسافرت لا كنت مسدح تحت المراقبه في المستشفى اختي الله يخليها طبخت طبخه صينيه وجتني نزله معويه الله يصلحها عاد تقل امي المفروض ماتاكل الا المسلوق الله يهديها بس والله نفسي ادخل واشوف اخباركم بس والله كنت تعبان اسمعوا السالفه بالتفصيل الممل ((مو جاهز تفصيل هع هع هع)) المهم بقرقر عليك لين يطيح اللي في راسي اذا مليتوا سكروا الموضوع واشربوا مويه وكرتون بندول :050103norm_prv:
السالفه يالربع اننا جالسين على الفطور وكنت اتكلم عن واحد من اخوياي عازمني على الفطور وكان حاط طبخه مدري كيف جاي شكلها فيها كل ماهب ودب بس ماذقتها وخويي ياكل منها ويمدح فيها ويقول انها طبخه صينيه المهم نقزت اختي وقالت من عيوني بسوي لك وحده حلوه صينيه المهم قلت ورينا شطارتك والله لا يعيده من يوم جلست من المغرب وهي تحوس في المطبخ وماتسمع الا مواعين تقذف في المجلى المهم انا قلت بطلع قالت تراي بحطها مع السحور قلت تم طلعت مع اخوياي نتمشى وكل ماجابوا شي قلت لا ما ابغى اشبع انا معزوم على السحور قال واحد منهم وماودك نسير معك مرافقين بس لين تخلص من السحور ونرجع لبيوتنا ::::حركات عزوبيه :::
قلت ماتجهلني حركاتكم بس اختي اللي عازمتني بلعوا ألسنتهم وسكتوا المهم جا الوقت الموعود....تك تك تك الساعه الثالثه صباحا دخلت البيت وجلست في الصاله انتظر جت امي قالت وينك يالمفهي ننتظرك والله ماتستاهل بس يالله وش نسوي مابدينا عشان تشرفنا ::قلت في نفسي من بدايتها سب الله يعين::
المهم جلست على السفره واشوف وش ذااااااااا؟؟؟؟؟؟؟؟:follow-the-sign::follow-the-sign:
رز مع جزر مع كوسه مقليه مع دجاج مع ...مع.... يييييي شكله غريب بلعت ريقي قالت اختي وش رايك ترى هذا بارد وهذا حار قلت بعد نوعين مابينهم اختلاف قالت هذا فيه بهارات حاره وصويا ووووووووووووو .....الخ جلست تشرح كأنها شيف المهم قبضت على الملعقه وقلبي يرقع وش بيكون طعمه عدت اول لقمه على خير لاني بلعتها على طول هع هع المهم وكل ماجيت اقوم قالوا مصلح عشانك يالظالم وانا وجه مسود ماكلت شي ثمن على معده فاضيه اكل هالدسم كله وانا عارف نفسي معدتي دلوعه درجه اولى ماتشاور على طول نزله معويه المهم جاملتهم وكلت قدامهم بعدها قمت وانا حاس ان الحرب العالميه في بطني آآآآآآآآآآه يابطني ::بديت اوسوس ::::
انسدحت على بطني يمكن يخف علي شوي ثمن قمت اسحب رجولي سحب للمسجد وانا مدروخ من بطني وبعد الصلاه جاني اخوي وقال وش بلاك انت قلت بطني بينفجر جلس يضحك ويقول اخاف انك حامل عطيته نظره محترمه وقلت لو فيني حيل كان توطيت في بطنك
قال يالله بس بلا فضايح تعال للبيت دخلت البيت وانا منتهى جت امي وهي مرتاعه فهد وش فيك متهاوش مع احد :::متعوده على اخوي ::: قلت لا فيني النوم ذابحني هي ماصدقت ولحقتني لغرفتي وطول الوقت ::فهد فيك شي وانا ارد لا لدرجه اني اجاوبها قبل ما تسأل من الكذب طلعت وتركت الباب مفتوح وقالت اذا بغيت شي نادني انا في الصاله
فسخت ثوبي واناماقدر اتحمل ونمت على جنبي والله حسيت اني بموت منه شي مو طبيعي ابدا وانا اتقلب من التعب واتألم دخلت أختي الصغيره وارتاعت من شكلي وراح :: يمممممممه فهد بيموت جت امي واخواني وابوي لفيت وانا على الحفه واشوفهم كلهم على راسي فهد وش فيك وانا اقول مافيني شي جلست امي تصيح وانا مالي نفس لاحد عصب اخوي وقال قم معي اوديك للمستشفى وانا اقول ماله داعي وامي تصيح ياوليدي قم لا يجيك شي جا اخوي ماعنده وقت سحب يدي وقومني قال امش معي الله يفشل بليسه رحت وعلى سروال وفنيله جابت امي عبايتها وقال اخوي يعني مافيني بركه ماله داعي احد يروح واول مادخلت باب المستشفى واخوي شبه شايلني متركي عليه وانا ماسك بطني وعلي ذا اللبس وعيون العالم كلهم علي وسيدا على الطوارئ المهم دخلت علي ذيك المصريه وقالت على السرير يابطل :::تحسبني بزر:::جلست تقول هنا فيه الم وتخربط علي وتطمر بسم الله علي وتنادي واحد ثاني وهي مرتاعه وانا اقول لاخوي وش سالفتها قال مدري يمكن بتموت :::والله الفاضي يروعني بعد::
شوي ويجي دكتور ثاني وانا ياحياتي انرحم مغمض عيوني من التعب وما امدى افتحها واشوف ذا المصري على راسي وحاط سكسوكه ويقول تشكي من اي؟؟
طمر اخوي قال يادكتور بطنه يوجعه قال أنا دكتور جراحه واحتمال يكون فيه زايده انا طلعت عيوني لااااااااااااااااا
قال لازم يبقى تحت الملاحظه ويجلس في المستشفى وانا اقول لاخوي مااخوي ما ابغى اجلس بروح لسرسري
عصب اخوي وقال اسكت يالمايع السالفه زايده يعني لو تنفجر فيك بتنفجر حياتك وتموت وارتاح منك
سكت وبقيت يومين في المستشفى وكل ماطق عود حصاة دقت امي تصيح :::اخوي رافض تزورني:::
مر الوقت بسلام وكل شوي قايسين حرارتي وتحاليل خلص دمي منها في النهايه قال الدكتور النتايج ان فيه نزله معويه قلت في نفسي والله اني داري بس اخوي ذا الوحش ماتركني اقول كلمه وحده طلعت للبيت واستقبااااااااااااااااال باهر طرت من الفرحه في نفس الوقت تعبان المهم مرت الايام وانا اكثر شي ازوره دوره المياه الله يعزكم والله طاح وزني وطلعت ضلوعي كأنها سلم موسيقي ومحروم من كل شي وجوالي مع امي عشان مايزعجني احد وبعد اسبوع تعافيت ولله الحمد وعزموني اخوياي في استراحه بهالمناسبه وطلقوا الجسر المعلق الله يصلحهم قلت انا منيب جاي الا للجسر المعلق شوي ويجيني اتصال من رقم غريب بقوله لكم يمكن تعرفونه :::19438649898468536593578365:::رديت بشوف من هالمميز ابو رقم طويل رديت وقلت هلا ياطويل العمر امر تدلل معك فهود بن فهد بن مفهد المفهودي قال الله ياخذ بليسك انا الجسر المعلق لاتجون عندي تراي لحجز السيارات مو لجلسات العزابيه طس مع اخوياك لاستراحتهم :::ايش وش السالفه هلوست عادي عادي تحملوا اثار التعب :::
ورحت لربعي وتوبه عن الاكل الخارجي ونعم للكبسه النجديه وبس وخل الخبز للخباز ولا تجرب كل شي جديد فليس في كل مره تسلم الجره وسلامتك يالربع وجعلكم ما تجون مكاني ابد
ياااااااااااااااااااااااااااااحبيلكم وبس
دمتم بود يالغالين:f55:
<center> >>>>> ردود الأعضـــــــــــــــــــاء على الموضوع <<<<<
================================== </center>
سلامتك وماتشوف شر
__________________________________________________ __________
الحمدلله عالسلامه
__________________________________________________ __________
ههههههه والله انك خفيف دم ...المهم الحمد لله على السلامه
وأحنا اخذنا عظه وعبره ههههه
تحياتي
__________________________________________________ __________
الحمد لله ع سلامتك
واهلا وسهلا بعودتك..
لاعدمناك ولا عدمنا خفتك الرائعه..
لك خالص التقدير والاحترام
__________________________________________________ __________
الف حمد الله على سلامتك
ما تشوف شر ابدا
لك كل التقدير اخي
الله يسلم عمرك انا استحي كذا صدق نشميه ترفعين الراس
اشكرك على طلتك ودمت بود :f55:
