ابتعد عنك وانا احبك

عنوان الموضوع : ابتعد عنك وانا احبك
مقدم من طرف منتديات الشامل

اليوم جايبه لكم روايه انا كابتها اتمنى تعجبكم وهذا البارت الاول
في بيت الخال خالد
مهند ولد خالد:سميره ابيك بموضوع
سميره بنت العمه:تفضل مهند
مهند:مااقدر اقول لك هنا .. في الصاله فيه ناس
سميره :اجل وين تقول لي؟؟
مهند:تعالي غرفتي ..
سميره : من جدك مهند مااقدر اجي غرفتك والناس في الصاله
مهند: عادي قولي لهم اذا سالوك بروح غرفة {هند}
سميره:........!! مادري وش اقول بس ماودي اردك .. خلاص انت روح وانا الحقك
مهند: اوك
قام مهند وقال :اسف بس راسي يعورني وبروح ارتاح في غرفتي ..
ابو مهند {خالد}: نوديك للمستشفى..؟؟
مهند: لالا خلاص بس برتاح شوي واطيب انا اعرف نفسي..
خالد:على راحتك
راح مهند للغرفه يستنى سميره ..
جلس نص ساعه ماجت
بعدين جت بعد ساعه ونص ..
سميره : طق طق طق {الباب}
مهند: مين
سميره : انا سميره
مهند: تفضلي تفضلي ..
دخلت سميره وقالت : اسفه على التاخير بس ابوك مسكني ماخلاني اروح ..
مهند: مو مشكله عادي
سميره: نعم تبي شيء..؟؟
مهند : سلامتك ..
استغربت سميره وقالت : انت تحت تقول تبيني بموضوع
مهند بدهشه : اناا؟؟؟
سميره مستغربه : ايه انت ،، مو انت رقيت غرفتك عشان الحقك ..؟؟
مهند: ايه صح تذكرت ..
سميره: شنو؟؟
مهند: عندي سؤال
سميره : تفضل
مهند: تحبين؟؟
سميره: وش لك دخل؟؟
مهند: ولا شيء بس اسال
سميره :لا..
مهند: متاكده ؟؟
سميره : مهنددد..!
مهند: امريني
سميره :وش ذا السوال مرقيني من الصاله عشان هذا السوال ؟؟
مهند: لا.. فيه شيء ثاني
سميره: وشو
مهند: انا احب وحده جميله وحلوه وذوق ..
سميره : وانا وش دخلني فيك؟؟
مهند: سميره لا تستعبطين..
سميره : مافهمت مهند وش قصدك ؟؟
مهند : قصدي قصدي قصدي.. ،، تبين من الاخر ولا الف وادور ؟؟
سميره : طبعاً من الاخر
مهند : احبك ..
سميره استحت ونزلت راسها في الارض وما تدري وش تقول
مهند: وش فيك نزلتي راسك ؟؟،، استحيتي؟؟
سميره: مهند الناس تحت يحتروني باي
مهند: سميره قبل لا تروحين فيه شيء ثاني
سميره : شنو؟؟
مهند: ابوي حاان علي يبيني اتزوج..
سميره وهي تضحك : تبيني اصير لك خطابه
مهند: معقوله مافهمتي ؟؟
سميره : لا مافهمت
مهند : خلاص لا تعورين راسك بالتفكير .. ابي اتزوجك تقبليني ؟؟
سميره : من جدك مهند انت في اخر سنه من الجامعه وانا في السنه التحظيريه من الجامعه..!! فرق كبير في العمر
مهند: عادي .. العمر مايحكم ..
سميره : خلاص مهند تحت الناس يحتروني
لفت سميره عشان بتروح ..
مسكها مهند من يدها وقال : لا تروحين لانك يوم دخلتي دخلتي حياتي من جديد لقلبي
سميره طمنت راسها في الارض وراحت
مهند : سميره ..
لفت سميره على مهند
مهند: احبك..
سميره فتحت الباب وطلعت
دخلت هند { اخت مهند} على مهند في الغرفه
مهند يضحك ومستانس ..
هند : شفيك مستانس
مهند: رجعت لي روحي مره ثانيه
هند : شتقول انت ؟؟ مجنون ولا يمكن من راسك
مهند: هند حبيبتي اختي بقول لك شيء بس يكون سر بيني وبينك
هند: شنو؟؟
مهند نزل راسه بالارض وقال : انا احب سميره
استغربت هند وقالت : مجنون انت ؟؟ شنو احب سميره ؟؟
مهند: انا شفتها في الجامعه
هند: واذا شفت وحده في الجامعه حبيتها؟؟
مهند: لالا هذي غييير يعني بنات الجامعه مو مثلها ..
هند : شنو الفرق بين بنات الجامعه و سميره؟؟
مهند: هند
هند: نعم
مهند : قومي اطلعي برا
هند: ليش ؟؟
مهند : لانك ماتعرفين الحب..
هند: انا طالعه يا الحب..
نزلت هند تحت للصاله سالها ابوها خالد: وين مهند؟؟
هند: فوق
خالد:خليه يجي
سميره : خالي انا اروح ..
خالد : مو مشكله روحي
رقت سميره طقت الباب
مهند: منو؟؟
سميره : انا هند
مهند: هند لا تدخلين ماابيك ..
سميره فتحت الباب وقالت: ترااارا
تفاجأ مهند وقال : سمييره..!! ،، اشتقتي لي ؟؟
سميره حطت راسها بالارض وقالت : خالي تحت يبيك ..
مهند: منو منو يبيني ؟؟
سميره : خالي
مهند:منوو منو ما اسمع ؟؟
سميره : ماتسمع ؟؟ خاااالي
مهند استانس وقال : يعني وافقتي على الزواج؟؟
سميره: اي زواج؟؟
مهند:زواجنا..!
سميره: اهاا قصدك زواجنا.. ،، ومن قالك اني فكرت خالي اخو امي ..
مهند : اهاا
سميره مسكت يد مهند وقالت :يالله ننزل ..
مهند شاف يد سميره وسكت ماقال شيء
نزل مهند مع سميره وهم ماسكين بعض
خالد: مهند طاب راسك؟؟
مهند: ايه الحمدلله
خالد : نوديك للمستشفى؟؟
مهند : لالا مايحتاج
خالد : على راحتك
جلست سميره وجلس مهند جمبها
هند توزع العصير سميره اخذت عصير برتقال مهند اخذ نفسها
سميره تسولف مع البنات ومهند يحاول يسولف معهم بنفس الموضوع
مهند: سميره
سميره: نعم
مهند: احبك
سميره صار وجها احمر لفت راسها وسولفت مع البنات
مهند: سميره
سميره : نعم
مهند: استحيتي؟؟
سميره: لا بس بسولف
مهند: اكييد..!!
سميره وجها صار احممممر ولفت راسها تسولف مع البنات
هند بتروح تحط كاسات العصير في المطبخ
سميره: هند
هند: نعم
سميره : بجي معك
هند : اوكي تعالي
راحت هند ومعها سميره
مهند وقف
خالد: مهند وين بتروح من جو الجماعه ماشافوك كل شوي رايح مكان
مهند: بروح اشرب مويه مو متاخر شوي واجي..
خالد: على راحتك
راح مهند للمطبخ شاف سميره وهند والشغاله سومي
مهند: هااي
هند: هذي تحية الاسلام؟؟
مهند: السلام عليكم ورحمة الله وبركاته زين كذا؟؟
سميره بفرحه: وعليكم السلام
هند:وعليكم السلام ورحمة الله وبركاته اي زين
سومي: وعليكم السلام
مهند: هند روحي جيبي لي من الفريزر مويه باااارده
هند: مو من شوي راسك يعورك؟؟
مهند: صح بس طاب ، روحي جيبي لي
هند: سومي
سومي: نعم مدام
هند : روحي جيبي لبابا مهند مويه بارده من الفريزر
سومي : ان شاء الله
مهند: لالا هند روحي انتِ
هند: ليش..؟؟ وش الفرق
مهند: مافيه فرق بس انا ابي اختي ..،، فيها شيء؟؟
هند: تبي اختك ولا احد ثاني ؟؟
راحت سومي تجيب لمهند مويه بارده
مهند : هند ابي بندول راسي يعورني
هند : تلقاه فوق .. افتح شنطتي حقت الجامعه وتلقاه
مهند: روحي جيبي لي...
سميره : خلاص خلاص لاتعصبون انا اجيبه
مهند: لا سميره اجلسي هند بتروح
هند: ومن قال لك اني بروح ؟؟ انت رح
جاء خالد : شفيكم شصاير؟؟
مهند: ابي بنادول وماراحت تجيب لي
خالد : سومي وين؟؟
مهند: راحت تجيب لي مويه
خالد: هند بنيتي جيبي لاخوك بنادول
هند: طيب
راحت هند تجيب البنادول وخالد راح مع الضيوف في الصاله ...
مهند: اخيراً صار المكان بس مافيه الا انا وانتِ
سميره : مهند انت وش فيك ؟؟ تعبان؟
مهند: كنت تعبان بس يوم شفت طبت
سميره : استحت ووجها صار احمر ونزلت راسها في الارض
مهند: لا تستحين ترى بعد فتره ان شاء الله صرنا عروسين
سميره : مهند مااقدر لازم استحي اصلاً انا من اول مااحد يناديني استحي..
مهند: سميره ، يعجبني فيك حياءك
سميره: مهند ابي اسولف معك يعني ابي اتعرف عليك اكثر
مهند: خلاص بكره في الجامعه نسولف
سميره : اوكي بس عطني الوقت والمكان عشان نسولف..
مهند: ممكن طلب
سميره : تفضل
مهند: ابي رقمك .. بنت عمتي وابي رقمها فيها شيء؟
سميره : لا مافيها شيء بس اخوي سلمان مايحب احد عنده رقمي اي شاب حتى اخواني..
مهند : سمور سجليني باسم اي بنت مو مشكله
سميره : اوكي طيب شنو رقمك؟
مهند: ********05
سميره: خلاص بحاول اكلمك ..
مهند: خلاص انا بروح واستنى اتصال منك
سميره : اوكي
راح مهند للصاله
جت هند معها الشغاله
هند: سميره وين مهند؟
سميره: راح للصاله
هند: ماكلمك مهند يعني ماقال لك شيء؟؟
سميره : لا، شبيقول مثلاً
راحت العمه نوره
وراح العم صالح
وبتروح العمه منيره
مهند: سميره
سميره : نعم
مهند : انتظر اتصالك
سميره : اوك
راحوا الناس كلهم ومهند يستنى سميره تتصل
جت الساعه 9 الصبح ما اتصلت
مهند توهق ومايدري وش يسوي يخاف جاها شيء
مهند اتصل على سلمان اخو سميره : الو
سلمان : هلا هلا بولد الخال
مهند: شخبارك
سلمان : الحمدلله بخير ، انت اخبارك
مهند: الحمدلله
سلمان : توني بتصل عليك ..
مهند: وش فيك
سلمان : مايصلح في التلفون
مهند: خلاص انا اجيك لبيتكم
سلمان : يالله استناك ..
سلمان صكر التلفون : سميره سمور سميره
سميره : نعم خير وش صاير
سلمان: بيجي لنا ضيف
سميره : منو
سلمان : مهند
سميره : مهند..!!
سلمان : ايه مهند
سميره : وش فيه جاء هذا الوقت الساعه الحين 10 ونص واحنا امس شفناهم
سلمان : بيجي بلحاله
سميره : خلاص بسوي القهوه والشاي
جاء مهند ترن ترن ترن { الباب }
سميره : سلمان افتح الباب ؟؟
سلمان : ايه افتحيه
فتحت سميره الباب
مهند : هلا سمور
سميره : هلا بك
مهند : اخبارك
سميره : بخير انت اخبارك
مهند : مانمت امس كله
سميره : ليش
مهند : استنى اتصالك
سميره: اسفه نسيت كان فيني النوم ونمت اسفه
مهند: لا عادي بصراحه مستانس انك ما اتصلتي
سميره وهي تضحك : ليش ، انت غريب مرره غريب يعني احس انك جيت من كوكب ثاني
مهند : مستانس عشان جيت بيتكم وشفتك مره ثانيه
سلمان: احم احم
مهند : هلا اقلط
سلمان : اقلط انت
جلسوا سولفوا
سلمان : مهند
مهند : سم
سلمان: بقول لك شيء بس لا تفهمني غلط
مهند : تقضل
سلمان : انا احب اختك هند .. صدقني ماكلمتها ولا سولفت معها بس من بعيد لبعيد حتى مااعرف اسلوبها طريقة تعاملها وكلامها
مهند: عادي حبها وانا وش دخلني فيك
سلمان : ابيك تقول لابوك ..
مهند : عن..؟
سلمان : ابي اتزوج هند
مهند: تستهبل هند اصغر منك بكثير
سلمان : عادي .. العمر مايحكم ..
مهند : انا بقول لابوي بس مالي شغل اذا رفض



انتهى البارت الاول ..
ماراح اكمل الا اذا شفت ردود تفتح النفس

<center> >>>>> ردود الأعضـــــــــــــــــــاء على الموضوع <<<<<
================================== </center>
يعطيك العافيه ننتظر جديدك

__________________________________________________ __________
ماشاء الله
ان شاء انا بنزل روايةةة اتحمست وربي

__________________________________________________ __________
[/COLOR]القصه تعكس واقع .. رسمت لها في خيال كذا سيناريو .. وباتابعها عشان اعرف اي سيناريو اصبت فيه ....
ابدعتي [COLOR=&quot;red&quot;]

__________________________________________________ __________
الحمدلله على كل حال...

__________________________________________________ __________
الحمدلله على كل حال..

هلا ..(:

اختي العزيزةة

روايتك حلوةة جدا ... و شيقةة و في انتظار جديدك الرائع ^_^


من المتابعين تحياتي (: