رواية - أملي في الحياة

عنوان الموضوع : رواية - أملي في الحياة
مقدم من طرف منتديات الشامل

بطلة القصه أسمها(ساره)عمرها19بنت ولاكل البنات جميله وأحلا شي فيهاأخلاقها.في الصف الثالث ثانوي القسم الأدبي.

البدايه:
ساره واقفه تطالع نفسها في المرايه تكحل عيونها لأنها رايحه المدرسه(طبعآساره ماتتخلى عن الكحل في المدرسه لازم تكشخ).
ساره تكلم نفسها:ياربي شكلي بتأخرأف السايق ماجى للحين.
بعد 5دقائق جاها السواق راحت المدرسه.

أول ماوصلت المدرسه حطت
شنطتها فسخت عباتها ألاتسمع صوت وراها.
......:ليش أتأخرتي ياهبله.
ساره:هلاأموله متى جيتي وبعدين أني مو هبله السواق هو ألاتأخر على أني مادخلني.
أمل:أوكى أوكى يالله أنروح لحورو قبل لا اتصفر الطابور.

(أمل صديقه ساره الروح بلروح مايتخلو عن بعض أثنتينهم نفس الصفات بالأظافه لحوراء صديقتهم أمل جذابه تهتم بمضهرها و جمالها بس فيهابعض الغرور)

(حوراء جميله وحلوه بس أحلى مافيها عيونها رهيبه).

راحوا لحوراء ألي كانت في دوره المياه تكحل عيونها.
أمل تكلم حوراء:ويه ماصارت للحين ماخلصتي.
حوراء:ويش أسوي تبغي معجباتي أطيرو.
ساره:حلفي زهقتينا يالله بسرعه خلصي.
بعدها قعدو يسولفو شوي لين صفرت و كل وحده راحت فصلها.

_____نهايه الدوام_____

ساره لبست عباتها بتطلع ألا تناديهاحوراء معاها أمل:سارو لحظه تعالي.
ساره:هاه ويش تبغي ترى السايق ينتظرني.
حوراء:نسيتي أن اليوم الأربعاء بنطلع نتنزه ماقلتي وين تبغي أنروح.
ساره:خلاص أنروح الكرنيش لأن ماعندي فلوس اتكفي حق أروح مجمعات..باي

تركتهم راحت لسواق..اول ماوصلت البيت ارتاحت وصلت راحت تتغذى.

بعدالغدى ساره راحت الصاله لأمها باست راسها:ماما عادي أروح مع صديقاتي الكرنيش.(طبعآساره تتدلع على أمها علشان توافق).
أم ساره:وين ماتبغي تروحي روحي بس أسألي عمش سلمان أول.

ملحوظه >>أبوساره طلق أم ساره من 16سنه مع أنهم تزوجواعن حب بس لأن أمها أتزوجته غصب عن أخوانها..بعد ماطلقها أتزوجت واحد ثاني وجابت منه ولد سموه وليد عمره 12سنه أبوساره بعد ماطلق أمها سافر بعدين عرفوا أنه مات.
زوج أمها يشتغل في أرامكوا فامايكون في البيت دائمآ فلما تبغى تطلع لازم تاخذ أذن عمها سلمان لأنه عمها الوحيد مع أنه أكبر منها ب4سنين).

ساره راحت تتصل على سلمان.....
سلمان:يامرحبا.
ساره:هلا بعمي وحبيبي وخلف هلي وطوايفي كلهم.
سلمان:أوووه كل هلغزل حقي أكيد أنا مابانام اليله ضميري بيأنبني خليت بنت تغازلني وتغضب ربها.
ساره تتكلم بدلع:عمي لا تتمسخر أقول ممكن طلب صغير تكفى لاتردني عاد.
سلمان متملل:أنزين ويش تبغي مانا فاظي لش بعد شوي باروح الكورنيش و
ساره تقاطعه بنبرة صوتها العاليه:أحلف قول ولله أباروح وياك لأن صديقاتي رايحين يالله تعال لي ساعه أربع باااي.موتتأخر.
ولاعطته فرصه يتكلم و على طول راحت تبدل.

أماسلمان ماعرف ويش أسوي بس بعدين قرر أوديها لأنها كسرت بخاطره(ويه على قلبي حنون).

على الساعه أربع وربع رن جوالها....
ساره:هلا.
سلمان:يلا اطلعي من زمان أنا برى.
ساره:زين باي.
سلمان:باي.

ساره:ويلي شكله امعصب..كانت ماخذه معاها كيس أكل و حلويات حق القعده في الكرنيش تصير أحلى..أخذت منه شوكلاته سنكرس طلعت من الغرفه.
نزلت من الدرج بسرعه وطلعت.
راحت لسياره ركبت سكرت الباب:كيفك عمو؟؟..مدت له السنكرس..خذ ياأحلى عم.
سلمان:ادري اتحاولي اتراضيني لأنش اتأخرتي بس أخر مره تتأخري فاهمه.
ساره:انشاء لله.
سلمان شغل الأغاني و حرك السياره.

_________________

#في الكرنيش#

ساره:أفف ماني شايفه صديقاتي.
سلمان:يالله بسرعه الشباب ينتظروني وأنا ماأبمباهم أيشوفوش معاي.
ساره:ليش ماأشرفك يعني.
سلمان عصب:لا لأن مومغطيه وجهش ياحظي.
ساره:موبس أني ألا مو مغطيه وجهي وأني..........قبل لا تكمل كلامهاشافت حوراء وأمل جاين لها.
ساره:جوا يالله روح.
سلمان تركها راح لشباب.

(طبعآ أمل وحوراء مثل ساره مايتغطوا).

قعدو يسولفوا.......
ساره:عمي كان بيهزئني لأني اتأخرت.
أمل:أحسن عشان ماتتأخري.
ساره:ماأقدر عليه لما ايعصب ايصير مو هو.
حوراء:زي قيس أخوي كل ايعصب.
أمل:الله يعينكم.
حوراء:صحيح مادريتو بويش صار لندى بنت فلان الفلاني.
أمل وساره:ويش صار لها.
حوراء:لعب عليها واحد ونشر صورها في كل مكان.
أمل وساره في نفس الوقت:يادافع البلاء وحدها لابروحه لمسنا الصوف الشر عنا مصروف>>(مثل ينقال لدفع البلا والشر).
أمل:لوعتي جبدي باروح أشتري لي أيس كريم أعدل مزاجي .
ساره:أشتري لي بعد.
راحت أمل..ساره وحوراء كملوا سوالفهم.

راحت عند الي يبيع الأيس كريم تشتري.
كان سلمان واقف جنبها بيشتري بس تباعد شوي عنها(محترم)بعد ماخلصت ماعرفت تمشي لأن عباتها كانت تحت رجل سلمان.
أمل(أووه ويش هلبلشه ويش أسوي ألحين.)أخذت نفس:لوسمحت ممكن(أشرت على عباتها).
سلمان أستحى ماعرف ويش يقول شال رجله عن عباتها:اسف أختي ماأنتبهت.
أمل: ساكته
عود مكانه بس من دون مايدري رد داس على عباتها وهي ماأنتبهت لما مشت اتعرقلت طاحت على الأرض.
سلمان:اوه أسف ماكان قصدي.
أمل فقدت أعصابها أخذت بقايا الأيس كريم رمته عليه:صج أنك وقح ماتستحي على وجهك.
راحت على طول لساره وحوراء وهي تصيح.
أما سلمان كان بعده منصدم من الموقف والشباب جوا ايله بس هو عصب..
سلمان معصب:ويش هالبنات ايطولو اعبيهم ويلومونا..مسح ألايس كريم من قميصه أخذ جواله دق على ساره عشان بيرجع البيت..........


شو راح يسوي سلمان أذا عرف أن أمل هي صديقة ساره؟!
شو راح يصير بينهم؟!
هذا بتعرفوه و أكثر في الجزء القادم أرجوا أن تعجبكم القصة وتشجعوني أكملها.....

-------------------------------------------------------------------------------
-

<center> >>>>> ردود الأعضـــــــــــــــــــاء على الموضوع <<<<<
================================== </center>

الجـــــــــــ الثاني ـــــــــــزء:

ساره:أموله حبيبتي ويش صار لش ويش فيها عاباتش متوصخه.
أمل اتصيح:أهئ أهئ أبغى أروح البيت..رجعت اتصيح.
حوراء:انزين قولي ويش صاير ؟؟
أمل: اتصيح
ساره سمعت جوالها يرن.......
ساره:ألوه.
سلمان يتكلم بصوت عالي لأنه حده معصب:سارو أنا عند السياره أن ماجيتي بسرعه باخليش وبمشي.
سد سلمان الخط قبل لايسمع ردها.
ساره مستغربه من سلمان لأن مايعصب عليها من دون سبب:أمل حوراء عمي بيوصلني تروحوا معاي.
حوراء اتباعد أمل ألي كانت حاضنتنها:هيه بنروح معاش لأن أمل ماتقدر تمشي و عباتهاجذي.
ساره:عجل يلا بسرعه ماأبغاه يعصب.
أخذو أغراضهم راحوا.

.........

في السياره سلمان كان ينظف نفسه:أف هاذي أتأخرت خلاص بنتظرها برى.
[سلمان شاب وسيم فيه كل الصفات ألا تتمناها أي بنت يعتني بشكله..خلص الجامعه ينتظرقبوله في الشغل]

اتذكرالموقف ألي صار له مع أمل ضحك على نفسه.
سلمان:هههههههه..سمع صوت فالتفت ورى.
ساره:هيه أنت أستخفيت قاعد تضحك لحالك.
سلمان..ماأنتبه لوجه أمل:صديقاتش بروحوا معانا.
ساره:هيه ألا صحيح ويش فيك امبهدل جذي شجاهل ماتعرف تاكل أس كريم ههههه.
أمل سمعت كلام ساره فرفع وجهها وانصمت لما شافت وجهه..من صدمتها طاحوا الأغراض الي عندها.
سلمان وجه نظراته لها اتفاجئ لما شافها لف على جهة ساره:ساره هذي صديقتش.؟؟
ساره مستغربه:هيه ليش تسأل ؟؟
سلمان:أنا مستحيل أوصل هذي..أشرعلى أمل.
أمل تتمسخر:لالا الله أخليك أبغاك اتوصلني لأني باموت أذا ماوصلتني.
سلمان:أصلآ يحصل لش الشرف أنا أوصلش.
(كان لابس قميص فاأفتعل حركه بيده خلت كلرقميصه يرتفع فزداد شخصيه وسامه).

ساره و حوراء كانوا مستغربين من الي يصير.

أمل أشتغل غرورها:تبغاني أني أمل بنت علي أل نبهان أركب مع واحد وقح زيك.(أشرت عليه بصبعها من فوق لتحت بطريقة أستهزاء).

سلمان فقد أعصابه ماحس بعمره ألا ماسك يدها يبغى يضربها بس ظل جامد ماتحرك لأنه حس بشي يجذبه لعيونها ظل ايطالع عيونها. أما أمل ماقدرت تباعد عينها عن عينه كانوا عيونه جنااااااااااان يهبلوا قلبها يدق دق مو طبيعي.

ساره:هايي عمي ويش هلقله الحياه إلي عندك الناس كلها أتطالعكم.

سلمان ترك يدها ركب السياره:دخلوا بسرعه الحين بيأذن.

أمل ظلت ساكته منزله عواينها لتحت مو عارفه ويش هالشعور الي جاها من شافت عيونه.
ساره بصوت واطي:أمل ويش صاير بينكم ؟؟
أمل:هو الي طيحني.
ساره:كيف ؟!
أمل:بعدين أقولش بس مابركب معاكم.
حوراء:ويش اتقولوا؟؟علموني شسالفه.
أمل:أقولش في الطريق يلا أمشي.
ساره:أمل أرجوش أركبي..امسحيها في وجهي.
أمل:ساره لاتظغطي علي.
ساره:ولله اركبي.
أمل:ليش حلفتي ؟؟
ساره:عشان تركبي.
أمل بتفكير:ولله لو ماحلفتي كان ماركبت.
ساره ابتسمت لها وركبوا السياره.

طول ماهم في الطريق وأمل ساكته اتطالع الطريق من الدريشه أما سلمان كان يسأل ساره عن بيت حوراء وأمل.

وصل حوراء أول لأن بيتهم أقرب بعدين وصل أمل.

أول مااتباعد عن بيت أمل.....
ساره:ويش ألا صار بينكم؟! سلمان ببرود:مو هي صديقتش أسأليها.
ساره:أكيد أباسألها بس أبغى أعرف السالفه من الطرفين.
سلمان:ساره ضايق خلقي.
ساره:بس أني أبغى أعرف.
سلمان فكر:خلاص بقولش..أنا رحت أشتري لي كانت هي تشتري بالغلط دست على عباتها فقالتلي اباعد ارجولي أنا باعدتها بس عودت مكاني والأخت عباتها طويله فدست عليها مره ثانيه اتعرقلت طاحت وأنا ماكنت قاصد بس هي افتكرتني قاصد فسبتني رمت علي الأس كريم.
ساره ماسكه بطنها:ياربي ماني قادره هههه بطني هههه.
سلمان عصب:ساره الموقف ما ايظحك.
ساره:هههه أتخيل كيف كان وجه أملوا أكيد صار طماطه الناس كلها اطالعها ههه وله أكيد شكلك بلأس كريم يهبل هههه.

سلمان ظل ساكت تذكر كيف كان وجه أمل وأنه حس بشعور غريب لما ناظر عيونها.

_________________

#في غرفة أمل#

أمل منسدحه على سريرها تفكر في أحداث اليوم تذكرت لما رمت على سلمان أس كريم و بدأت تبتسم و تظحك..ياربي كيف سويت جذي ولله كنت امعصبه..أخاف أكون ظلمته وهو ماكان يقصد..أتذكرت كيف كانت عيونه لما مسكها:أأأه ياربي عيونه أيهبلوا لا مو بس يهبلوا الا أيخلوا الوحده تهوس.
أف بس لو مهو وقح وقليل أدب شان سكتت شوي و قالت بصوت مسموع:صدق أني غبيه قاعده أتعب فكري في واحد مايستاهل.

طفت المبات حاولت اتنام بس لقت نفسها مو قادره تنام من التفكير في الي صار..بدت تقرى ايات عشان تنام ونامت.

_________________

#بيت ساره#

ساره كانت في الصاله تشاهد مسلسل&quot; دنيا القوي&quot;و مندجه عدل.

رن تلفون البيت بس مارفعته وبعد ثواني جى أخوها وليد رد على التلفون.....

وليد:ألو.
.......:ألو السلام عليكم ..موجوده ساره..
وليد:هيه بس لحضه..لف على ساره..ساروا تلفون لش.
ساره متملله:أف منهي ذي الفاظيه داقه ألحين.
وليد ماسك السماعه:أتقول لش مهي فاظيه لش ألحين دقي بعد
ساره قامت أبسرعه لعند التلفون اخذت السماعه من عند وليد:وليدوا أني ماقلت لك قول جذي..أدلف روح ألعب كمبيوتر...غبي ...لف السماعه لأدونها:ألوو.
........:ياسباله ويش يعني منتين فاظية لي.
ساره تحاول تتهرب من الأجابه:هلا بحوراء عمري حبي كل دنيتي.
حوراء:ياااااي كل هلغزل حقي...خجلتيني.
ساره بخبث: أذا ماغازلتش باغازل منو.
حوراء:بعد من بيكون...أكيد زوج المستقبل.
ساره: خله أيجي أول بعدين أغازله...ألا ماقلتي لي ويش صاير متصله؟!
حوراء:شأني ماأتصل علشان تسألي...بس بسألش سألتي عمش ويش صار بينه وبين أملوا...لأني أتصلت لها قالوا نايمه...غريبه مو من عوايدها تنام هلحزه.
ساره: و أني أقول.. مو لله متصله..اسمعي قال لي أنه.....
(قالت لها السالفه كلها).

ساره:أوكي حوحو باروح أتعشى الحين.
حوراء:أنزين...صحيح بتروحي بكره الكوافير عشان عرس فاطمه>>وحده من الأصدقاء.
ساره:هيه باروح...حوروه يالله باي أني مستعجله.
حوراء:باي.

_________________

اليوم التالي

ساره كلمت عمها عشان يوديها الكوافير وراحت معاه..حوراء خلت أخوها قيس يوديها مع أمل لأن أمل ماعندها أخو وأبوها يكون مشغول.

اجتمعوا في الكوافير ولما خلصوا مكياج قعدوا يسلفوا.كانوا ثلاثهم حلوين بس حوراء كانت أحلى خصوصي أن عيونها رهيبه
كانوا مطقمين في البس بس الألوان تختلف..أمل أحمر...حوراء وردي...ساره بنفسجي..

أمل:أف متى بجي أخوش... مليت.
حوراء:ماأدري بس مو الحين.
أمل:باقوم أشرب ماي.راحت.
ساره وقفت:يالله باروح جى عمي.. حوحو ليش ماتجوا معي.
حوراء ناظرت ساره بخبث شدها قعدتها جنبها:تدري أنش ذكيه وااجد.
ساره مو فاهمه:ويش قصدش.
حوراء بخبث:قربي باقول لش...قالت لها الفكره ألي براسها..

أمل تمشي بتجاهم:كلمتي أخوش؟!
حوراء غمزت لساره:هيه كلمته بس قال أنه مايقدر أيجي..ساروه أتقول أن عمها برى...أني باروح معاها..
أمل بصوت عالي:ماأقدر أروح معاه.
ساره تسوي نفسها معصبه: لاولله...مصختيها عمي ماكان يقصد..غطت وجها:يالله بسرعه تعالوا...حورو روحي ألى ألي تحاسب قالت أن في حسابش غلط..لاتتأخري أحنا بننتظرش.مسكت يد أمل ومشت.
أمل:لحظه صبري بغطي وجهي.
ساره:يلا بسرعه.
أمل غطت وجهها طلعوا مع بعض راحوا عند السياره.

ساره تفتح باب السياره:السلام عليكم.
سلمان لف لها:وعليكم السلام..أوه أوه ساره مغطيه وجها ويش صاير في الدنيا.
طبعآ سلمان ماأنتبه لأمل لأنها دخلت السياره من دون ماتقول ولا حرف وهو كان حاط أغاني فما أنتبه.
ساره تمزح:يعني ويش تبغاني أسوي...حاطه لي مكياج أخاف الرجال لين شافوني يغمى عليهم من جمالي الفواح.
سلمان مبتسم:أوكي خليني أكحل عيوني أبشوفتش.
أمل كانت اطالعهم بس ساكته.
ساره متعمده أتخلي سلمان يحس بوجود أمل:عمي لاتحرجني قدام صديقتي.
سلمان لف لورى شاف أمل عرفها من عباتها لف صوب ساره:تدري صديقتش بنت أصول..دخلت من دون ماتسلم خايفه أسمع صوتها الشفاف<<قالها بطريقة مسخره.

أمل ماردت عليه(أف هذا مايستحي على وجهه صدق أنه وقح)

ساره استغلت فرصة أن أمل تفكر:أوه نسيت..باروح شوي لحوروا باجاي.نزلت من السياره بسرعه.

أمل توها تستوعب أن ساره نزلت:االليش نزلت.
سلمان:هاه أشوف صوتش طلع...كمل كلامه بشمئزاز.. لاتخافي ماباكلش.

أمل كانت بتتكلم بس جتها عطسه عطست تمت تحوس في شنطتها تدور نشاف.
سلمان أنتبه لها فأخذ علبة النشاف مدها لها..
أمل مسكت العلبه بس صارت أطراف أصابعها فوق أصابعه حست برعشه بجسمها أخذت العلبه بسرعه.
أما سلمان دق قلبه بسرعه جنونيه..تموا ساكتين.

حوراء وساره اتعمدوا يتأخروا عشان يحرجوا أمل..بعد ربع ساعه من التأخير طلعوا من الكوافير ركبوا السياره.

وتموا طول الطريق ساكتين حوراء و ساره كانو متحقرصين يغبوا يعرفوا ويش صار.

وصل سلمان عند بيت حوراء نزلت حوراء وأول مادخلت البيت على طول رسلت لأمل رساله كاتبه فيها:
&quot;أسفه أموله أني وساروا أتأخرنا قصد علشان نحرجش مع سلمان بس سامحينا&quot;

أمل لما قرت الرساله عصبت عدل ورسلت لها رساله.
&quot;صدق أنش حماره ياربي أيصير لش موقف أعظم مني&quot;

حوراء قرت الرساله ظحك تركت جوالها ونزلت تحت أدور أخوها قيس.
(قيس عمره24سنه شاب وسيم موظف في أحدى الشركات الكبرى يحب شي أسمه كمبيوتر).
ماشافته راحت المجلس شافته قاعد على الكنبه بس هي كانت وراه.

حوراء اتقدم عشان تصير قدامه:قيسوه ويش رايك فيي أكيد

ماكملت كلامها لأنها أنصدمت من ألي شافته لأن الشاب ألي شافته مو أخوها قيس....



شوراح يصير لحوراء؟؟؟
مين الشاب ألي في المجلس؟؟
هل بتطور علاقة أمل مع سلمان؟؟

__________________________________________________ __________

الجزء الثالث:

حوراء ظلت واقفه مو عارفه شتسوي.
الشاب ظل يناظرها ماقدر أيبعد عينه عن الملاك الي قدامه.

ظلوا على هلحال لبضع ثواني...بس قطع عليهم صوت ملئ بلغضب.
قيس(مفول من العصبيه):ياكلبه ويش أتسوي هني.

حوراء من سمعت صوته ركضت بسرعه لدور الثاني أوعلى طول راحت غرفة أبوهاوأمها.

حوراء(ماسكه أبوها):أبوي قيسوه بيذبحني(أوتاخذ لها نفس لأنهاكانت تركض).
أبوحوراء(وهوخايف على بنته الوحيده لأنها كانت ترتجف):ويش فيش شصاير؟!ليش قيس بيذبحش؟!ويش سويتي؟!
حوراء(بعدها ترتجف):أف بعدين أقولك... أهم شي قيسوه مايضربني عن لايخترب مكياجي(يحليلها ماخافت ألاعلى المكياج)..

أوفي المجلس كان قيس بيلحق حوراء بس الشاب مسكه أوجلس يهديه.

الشاب:قيس لاتتهور...خلني أفهمك السالفه.
قيس(بعصبيه):يعني في سالفه (يوقف)باروح أذبحها.
الشاب(وهوماسك يده):وشو تذبحها أسمعني أول.
قيس:رائدو أتركني أحسن لك.
رائد(بحزم):ترا وللهي وبكسرالهاءأن ماسمعتني...رجلي ماداني عند بيتكم..أوعمرك ما______
قيس(يقاطعه):لا مايحتاج تكمل..أنا ماأقدر ماأشوفك..(جلس)قول كلي أذان صاغيه.
رائد:ههههه ماتجي ألابلعين الحمره...أسمع أنت لما رحت أتشوف من في الباب.. أناجلست أشاهد تلفزيون .
قيس(بطولة بال عن لايفقد أعصابه):أي والزبده... أدري أنك كنت تشاهد..ألي أبغا أعرفه ليش هلحماره حوروه دخلت أووقفت عندك؟!
رائد(يكلم نفسه):أأأه أسمها حوراء ولله أيناسبها...أكيد هي حوريه من حواري الجنه..
قيس(بصوت عالي):رائدو أسألك وين رحت.
رائد(توه مستوعب):أف... أختك كانت أتفكرني أنت أولما وقفت قدامي أنصدمت أوكانت بتطلع بس أنت دخلت أوعصبت عليها...أوبس.
قيس(هدأ):أمممم(وقف)أوكي اباروح أشوفها(وترك رائد).

(رائد شاب جميل أنيق بمعني الكلمه مغرور بجماله بس حنون أوشخصيته قويه أهم شي عنده أن كبريائه ماينهز)

قيس(وهو يمشي في الدرج):حوراء...حوحو..وينك حبي..(وأيغني)وينك عني ياحبي..وينك أتلتني الغربه..وينك راح يوأف ألبي......
حوراء وأبوها كانو في الغرفه بس لما سمعوه راحو يشوفوه..وكانو مستغربين أنه يغني خصوصي حوراء.
قيس(مبتسم):هاي داد..(يوجه نظراته لحوراء)أوه أوه ماأصدق هذي حوراء..أكيد سوو لش عملية تجميل بلغلط.
حوراء(تتقدم له و تحط يدها على جبهته):غريبه مو متسخن؟!
قيس:ههههه(قربهاله وهمس في أذنها):لاتخافي ماباسوي لش شي..رائد حلفني مأصرخ عليش..(يحك شعره) شكلك سحرتيه.
حوراء(بتطيرمن الفرحه):صحيح قول ولله..
قيس(عافس وجهه):أقول عطيتش وجه واجد...روحي ألبسي عاباتش.
حوراء(مستغربه):ليش ألبس عباتي؟!وين بتوديني؟!
قيس:ياهبله..موأناألي بوصلش عرس صاحبتش لو تبغي تتأخري.
حوراء:أوكى ألحين بجهز.

_________________

أمل بعد مادخلت غرفتها ظلت تعدل نفسها وتلبس باقي أكسسواراتها وبعد ماخلصت كل شي.
أمل(تناظر نفسها في المرأه):ياربي هذا ليش يكرهني (سلمان)ليش أيحاول يستفزني..أأهه..وأني ليش قاعده أفكر فيه..أف أحس أني أبغا أصيح كلامه لي كان جارح..(تهز راسها)لا مستحيل أذرف دمعه من عيني على شان هلحقير.

وتطلع من غرفتها وتنزل لصاله لأبوها.

أمل(بطريقه مؤدبه):أبوي ممكن طلب تكفى لاتردني.
أبوها: تفضلي عيوني أعطيش أياها.
(أمل أكبر وحده في أخوانها وعندها أختين 1/زهراء عمرها 16تحب تقره قصص من شتى الأنواع.2/حنان عمرها13 هاديه أوبعض الأحيان تكون أنطوائيه.
وعندها أخوين تؤم حسن و حسين عمرهم 10سنين.
أمل دلوعة أمهاوأبوها لأنها أول العنقود).
أمل:أبصراحه أني ماأبغا أروح ويا صديقتي العرس(حوراء)أحس أني ظيقت عليها واجد..فاأبغاك أنت توصلني العرس.أبوها:بس أنا وراي دوام بكره
أوماأقدر أرجع لش لما تخلصي.
أمل(محبطه):خلاص أنت وصلني وأني أدبر نفسي بعدين.
أبوها:قومي لبسي عباتش وأنا بنتظرش في السياره.
أمل:أنشالله.

_________________

وفي بيت ساره كان
سلمان جالس في الصاله ينتظر ساره تخلص لأن هو ألي بيوصلها.

سلمان(يكلم نفسه):ياربي أنا ليش قلت ليها جذيه(أمل)ألحين ويش بتقول عني..أف وأنا ليش قاعد أفكر أبها هي أكيد ألحين قاعده تسبني وتلعني..أكيد بتستحقرني..صج أني غبي يعني كان لازم أقول لهاكذا..أنا لازم أتأسف ليها.(يمرر أصابعه على شعره ويسند رأسه للجدار): أأأههه(يتنهد)أنا أول مره أحس بهلأحساس..ولله وقمت تحب ياسلمان......
ساره(تقطع عليه حبل أفكاره):عمممميييي (بصوت عالي).
سلمان(متخرع):شفيش خرعتيي.
ساره(تضحك على شكله): ههههه عسى ألي ماخذه عقلك تتهنى به.
سلمان(يعرف أن ساره تفهم للغة العيون فاماحب أنه يطول معاها بلكلام):جهزتي...يالله نروح.
ساره حست أنه فيه شي بس قالت لنفسها خله براحته.

وفي السياره سلمان كان طول الوقت أفكرأوساكت .

ساره ملت من سكوت سلمان فقررت تسأله.

ساره:عمي شفيك ساكت ؟!
سلمان(أيغير الموضوع):
مافي شي بس أتخيل لو أني مت كيف بتكون حياتش؟!بتعيشيها عادي لو
ساره(تقاطعه):سلمان لاتقول جذي... أني ماأقدر أعيش من دونك.(ساره ماتقول لحد عن مشاعرها أتجاهه أوهذي أول مره تقول لسلمان جذي وتناديه بأسمه).
سلمان وقف السياره وتم أناظرها.
ساره:ليش وقفت السياره؟!أوليش تطالعني جذي؟!
سلمان(مبتسم):هذي أول مره اتقولي لي سلمان مو عمي.وأول مره أكتشف أني غالي عندش...ساره لا تناديني عمي أحس أني كبير مع أني بعدني شباب.
ساره(فهمت قصده):أمممم ويش رايك أناديك قدام الأهل عمي أوقدام الناس سلمان...
يعني مثلآ لما أكون مع صديقاتي أقول سلمان مو(تبتسم).
سلمان:عطيتش وجه واااجد(وحرك السياره).

ظلوا يسولفوا لين سكتت ساره.

ساره تقول في نفسها:ويش فيه سلمان مو على بعضه هليومين دايم يسرح ويفكر...(جات على بالها أمل)..معقوله أيكون حبها...لالا مع الشي ألي صار بينهم ماأتوقع أيحبها...لا يمكن أيكون حب عنفي...أف ويش هلخرابيط ألي قاعده أقولها...أي خلني أختبره وأشوفه ويش يقول(ذكيه).

ساره:أفففففففف.
سلمان:شفيش تتأففين؟!
ساره:أملوا صديقتي كاسره خاطري.
سلمان(ببرود):ليش ويش فيها؟!
ساره:أبوها وراه دوام بكره أومايقدريرجع ياخذها من العرس ..وهي ماتبغى ترجع مع حوراء لأنها تحس أنها ثقلت على قيس أخو حوراء.

سلمان من سمع أن أمل ممكن ترجع مع قيس حس بلغيره وقال:مو مشكله أنا أوصلها مانا مشغول.
ساره(بخبث):بس أنت ماتبغاها تركب سيارتك...واليوم لوما أني حطيتك قدام ألأمر الواقع كان ما وصلتها و
سلمان(يقاطعها):بس أنا غلطان أو أبغا أعتذر منها...حاولي تقنعيها أني أوصلها.
ساره(حست بلأنتصار لأنها عرفت أنه يميل لأمل):أمممم سلمان أعترف قول شسالفه؟!
سلمان(وقف السياره):يالله نزلي لو تبغي تأخريني على أصحابي.
ساره ألتفتت للجهه الثانيه شافت أنه قاعة العرس قدامها وهي ماحست أنهم وصلوا ونزلت من السياره وقالت له:تعال الساعه12 مو تتأخر.
سلمان:أوكي يالله باي.
ساره:باااي.

______في القاعة_____

أمل تنتظر حوراء وساره وهي قاعده بروحها في أحدى الطاولات.
وترجع تفكر في سلمان وفي حوراء وساره كيف أحرجوها معاه وهي بداخلها نار ما بتنطفي ألا لما تنتقم منهم.

وتشوفها ساره وتروح لها.

ساره(واقفه قدامها):القمر بشو تفكر...ها أعترفي.
أمل(عابسه):أمم ألحين صرت قمر..لو تراضيني على الموقف ألي حطيتيني فيه أنتي وحورو
ألا تجي لهم حوراء:أسمعت أسمي ويش تقولو عني(تجلس على الكرسي)أملوا أني شكلي أذا أبغى شي باجي لش تدعي لي لأن دعائش مستجاب.
أمل:مافهمت وضحي أكثر.
حوراء:موأنتي دعيتي أن يصيبني موقف أنحرج منه زيش.
أمل:أي وبعدين.
حوراء:ولا أبلين...صار ألي بغيته.
أمل(فرحانه):صج قولي ولله.

ساره تناظرهم وهي مي فاهمه شي:هايي صبايا أني موفاهمه شي فهموني شصاير
ماأحب أكون زي الأطرش في الزفه.
أمل وحوراء:ههههههههه
وقالت لهم حوراء السالفه.
أمل:ههههه تستاهلي أحسن مو بس أني ألي أنحرج.
حوراء:بس وسيم ويهبل...الله يهني ألا بتاخذه.
ساره:أقول أمل قومي مالينا مكان أهني..الأخت بدت تحب.
حوراء:حلفي أني ماقلت حبيته بس عجبني.

أوجلسوا يسولفوا لين جات العروس وراحو يسلموا عليها ويباركوا لها وبعدها ظلو يرقصو لين تعبو.

والناس ماكانو يطالعوا غيرهم لأنهم كانو أيه من الجمال والابداع في الرقص والكشخه.

وعلى الساعه12كان سلمان ينتظر ساره ويدعي ربه أن أمل توافق تجي معاهم.

ساره كانت تقنع أمل تجي معاها بس أمل مارضيت.

ساره:أموله حبيبتي أرجوش تعالي ويايي.
أمل:لاماأبغى أركب ويا عمش..أخاف أيعكر مزاجي بكلامه ألي زي العسل.
ساره:بس هوألي قالي أنه يبغى أيوصلش على شان يعتذر لش على ألي قاله.

أمل تقول لنفسها:ياااااي يبغى يعتذر..،خلاص باروح باشوفه أوباشوف عيونه ألي تهبل واااااي وحشني وااااجد(وترجع تفكر)لالا خله يولي يعني أني مره باموت أذاماأعتذر لي ولا أذا ماشفته
لا أبغاه ولا أبغا أعتذاره.

أمل:لا ساره مايحتاج أروح وياش لأن زوجة خالي هني أوأكيد خالي بجي ياخذها فاباروح وياهم.
ساره(بخيبة أمل):خلاص على راحتش...يالله باي.
أمل:باي.

_________________

سلمان مل من تأخر ساره وأخذ جواله ودق عليها ألا ويسمع نغمة جوالها ويلف يلقاها راكبه السياره.
ساره:السلام .
سلمان(بسرعه):وين أمل؟!مارضيت مو؟!أكيد بعدها زعلانه مني.
ساره(متفاجئه منه):بل بل شفيك كنك كنت تنتظر نتيجه أختبار و
سلمان(يقاطعها):أف كن هذه وقت مسخرتش قولي ويش قالت؟!
ساره:أوكى باقول لك بس أنت أمشي أول لأني تعبانه حدي.
سلمان(حرك السياره):يالله قولي لأني قاعد على أعصابي.

ساره قالت له كل الكلام ألي دار بينها وبين أمل.

سلمان(أرتاح):أشوه يعني بترجع مع خالها.
ساره:ليش تبغاها ترجع مع خالها؟!
سلمان:لأني ماأبعاها ترجع مع البطيخه قيس.
ساره(فهمت بس تستهبل):أي وليش ماتبغاها تروح ويا قيس؟!
سلمان:لأني أغار.
ساره(تستهبل عدل):أي ليش أتغار.
سلمان(عصب):أووه ويش فيش هبله يعني واحد يغار على وحده ليش؟!
ساره:أي ليش؟!
سلمان:لأني أحبها ياذكيه.
ساره:ههههههههه
سلمان(يصرخ):أنا ماقلت شي يضحك.
ساره:أنت من صجك تحبها توك أمس شايفنها أو غير جذي هزئتها وألحين تقول تحبها بلله عليك هذه شي مايضحك.
سلمان:الحب مايعرف حاجه أسمها أمس واليوم...خلاص سدي الموضوع.

ساره ظلت ساكته بس فرحانه لأمل لأنها حست أن أمل تبادل سلمان نفس الشعور.

________________

وفي جهه ثانيه وعالم ثاني
كان رائد منسدح على سريره يفكر بلملاك ألي شافها مو قادر ينام كل ما غمض عينه يشوفها قدامه.
رائد:أخ مو قادر أنام خلاص بكره باروح بيت قيسوه يمكن أشوفها بلغلط مره ثانيه.
ولف على الجهه الثانيه أوراح في سابع نومه.
________
اليوم ألي بعده كان عادي حتى رائد ماقدر يشوف حوراء
________
يوم السبت في المدرسه
___________
حوراءوساره رايحين لأمل في الفصل لأنها مانزلت لهم
وهذي من غير عوايدها وصلو لفصلها أولقوها قاعده بروحها وحاطه راسها على الطاوله. قربوا لها.
ساره وحوراء:أمل ويش فيس ؟!
أمل رفعت راسها وحوراء وساره شهقوا أول ما شافوها.
ساره:ويش في عواينش جذي؟!
صار لش شي أمس؟!
حوراء:باجيب لش اكحلي على شان ايخفف من مضهرش.

أمل كان تحت عيونها هالات سوده وكانت رابطه شعرها على غير عادتها وموحاطه لها
الكريم ألي تحطه كل يوم.

ساره:متى نمتي؟!
أمل(بصوت مبحوح):الساعه 3.
ساره:بااااال حرام عليش ليش
جذي.

أمل في نفسها:أأأأهه ويش تبغيني أقول...أقول أني حبيت سلمان وظليت طول اليل أفكر كيف أني حبيت واحد ماعنده أخلاق و
ساره(تقطع حبل أفكارها):أموله ما جاوبتيني ويش فيش؟!
أمل(تكذب):ما في شي بس أمس بعد ماأنتهت حفلة ستارأكاديمي سهرت أشاهدهم ومانمت .
ساره (ماصدقتها):أممم تدري أني ماشاهدته. من هو ألي فاز؟!
أمل(أرتبكت وماعرفت شتقول):أأ ساره راسي أيعورني.
ساره(فهمت أن أمل تتهرب):
أمل أذا الشي ألا خلاش ماتنامي عائلي ماأجبرش تقولي بس أذا كان شي غير فالازم تقولي لي.
أمل ماتحملت وحضنت ساره وقامت تصيح.
في هلحضه جات حوراء وتقدمت لساره وأشرت لها بطريقة أنها تبغى تعرف شنوصاير وفي هللحضه صفرت لطابور حوراءوساره راحو طابورهم وقالو لأمل أنهم بجو ليها في الفسحه.

في الفسحه حوراءوساره ظلو يبحثو على أمل بس مالقوها.

وفي أخر الدوام ماشافوها لأنها على طول راحت بيتهم.

حوراء وساره كانوا مستائين لحال صاحبتهم.

________________

ساره رجعت البيت وصلت وأتغذت وأستأذنت من أمها أنها تروح لأمل واتصلت على سلمان.
ساره:ألو السلام عليكم.
سلمان: هلاولله وعليكم السلام
ساره:أبغاك توصلني بيت أمل
(سلمان من سمع أسم أمل فز قلبه)
سلمان:ألحين الساعه3 بتروحي ويش بتسوي في بيت الناس؟!
ساره:أنت بتوديني لولأ؟!
سلمان(يمزح):لا ما باوديش
ساره:خلاص باروح مشي.
سلمان:هايي أمزح بعد10دقايق باكون عندش.باي
ساره:باي

_________________

أمل كانت في غرفتها تفكر بلاصار الصبح ويرن جوالها.

أمل:نعم
ساره:هلاولله
أمل:هلا
ساره:حبي أباجي لش بعد اشوي
أمل:حياش في أي وقت
ساره:تسلمي يالله باي
أمل:باي
وتسكر الخط وتنزل لتحت تروح المطبخ تجهز شي تقدمه لساره ولماخلصت راحت للمجلس تجهزه بس أول مادخلت أنصدمت شافت أبوها منسدح على الأرض بطريقه غريبه أمل خافت على أبوها
وراحت جلست بجنبه وحطت راسه في حضنها وقعدت تصحيه بس ماصحى و ظلت تظربه بلخفيف وتناديه .
أمها كانت في الصاله ولما سمعتها تصرخ ركضت لها.

ظلو ثنتيتنهم يصحوه بس ما صحى.
أمل أتصلت لخالها جاسم(ألي
وصلها من العرس).
جاسم:ألو
أمل(تصيح):ألحقني أبوي ماأدري ويش فيه أنصحيه بس مايصحى
جاسم:خلاص ألحين باجي

وترجع أمل لأبوهاوتقعد تصيح والعائله كلها تصيح وبعد ربع ساعه جا جاسم وسلمان وساره كانو توهم واصلين
ساره(قبل لاتنزل من السياره):مشكور وماقصرت وعساني أقوم وأقعد وأرقص في عرسك.
سلمان:هههههههه توني أدري أنش مصلحشيه.
ساره:الله يسامحك الحي
سلمان(يقاطعها):ساره (ويأشر على جهة باب بيت أمل)مو هذي أمل.
ساره(مستغربه):أي بس هي ما قالت لي أنها بتطلع...يوه هذا أبوها.
سلمان طلع من سيارته أوراح عند أمل وخالها
سلمان:تحتاج مساعده أخوي.
جاسم كان حامل أبو أمل بس كان ثقيل عليه
جاسم:مشكور بس لو تحمله ويايي .
سلمان حمل أبو أمل ولأنه قوي حمله بروحه وقال لجاسم يفتح باب السياره على شان يحطه داخلها(سياره جاسم).
أمل من خوفها على أبوها ماعارت أهتمام لسلمان وركبت السياره بسرعه.

سلمان سأل جاسم في أي مستشفى بيروح وبعد ماقاله راح لسيارته وحركها وقال لساره عن كل ألي صار.

_________________

وفي المستشفى كانت أمل تصيح وجاسم يهديها ويحضنها.
وساره ما كانت تقدر تروح لأمل لأن جاسم كان وياها.
أماسلمان كان قلبه يتقطع على حبيبته وكان بيموت من الغيره على أن جاسم حاضننها.

سلمان:ساروا(يأشر على جاسم) من هو هذا ألي حاضننها؟!
ساره(بضيقه خلق):وأني ويش عرفني به...صج أنك فاظي.

وبعد بضع دقائق جا الدكتور وجاسم وسلمان راحو له وساره راحت لأمل تهديها.

جاسم يسأل الدكتور:لو سمحت أخوي المريض ألي داخل ويش حالته ألحين.
الدكتور(مصري):هو بيقرب لك أيه.
جاسم:أنا أخو زوجته وولد عمه.
سلمان(يتدخل):هو المريض فيه أيه.
الدكتور:هو معاه السكري...أطمنو هو دلوئتي بخير وحتاخذوه لما يصحى.
جاسم:مشكور والله يعطيك العافيه.
الدكتور:ولو دا واجبنا.

ويروح الدكتور ويترك جاسم مع سلمان بروحهم.

جاسم أتعرف على سلمان وشكره وسلمان طلب من جاسم أنه يوصل أمل بيتهم وجاسم مارفض لأن ساره بتكون معاهم ولأنه أعجب بأخلاق سلمان.

جاسم بقى في المستشفى يخلص أجرأت الخروج.

_________________

ومن جهه ثانيه حوراء حرقت جوال أمل وساره من كثر ماتتصل.
أمل كانت ناسيه جوالها في غرفتها وساره كانت حاطته على الصامت.
وأول ماركبت ساره السياره طلعت جوالها ودقت على حوراء تطمنها.
أما سلمان كان بين دقيقه ودقيقه يناظر أمل من مراية السياره.
وأمل كبر في عينها سلمان وكبر حبها له.

لما وصل سلمان بيت أمل وقف السياره وقبل ماتنزل أمل قالت:مشكور و
سلمان(يقاطعها):مايحتاج تشكريني هذا واجبي.
أمل أبتسمت له أبتسامه خفيفه ونزلت وسلمان ظل ساهي في جمالها ويفكر كيف يقول لها عن حبه.

ساره تدق هرن سيارة سلمان وسلمان يتخرع وساره تظحك عليه.

_________________

يوم الأحد في المدرسه في الفسحه أمل وحوراءوساره مع بعض يسولفو ألا تجي لهم بنت (بكامل أنوثتها جميله وحلوه وصابغه شعرها بلياج).

شيماء:السلام عليكم...ويش حالكم صبايا(وتسلم عليهم)
ساره ويش حال عمتي(أم ساره).
ساره(مبتسمه):الحمدلله بخير ويش حال خالي(أبو شيماء).
شيماء:بخير الحمد لله...أي قولي لعمتي تجي لنا يوم الأربعاء لأن جواد(أخوها)توه راجع من السفر(أمريكا)أوبنسوي له حفله...مو تنسي أبغاش تجي وياها.
ساره:لا مابنسى.
شيماء:أوكي باي
ساره:باي

ومن راحت شيماء هلت الأسئله على ساره من قبل أمل وحوراء.
(شيماءتصير بنت خال ساره بس علاقتها بها مو لديك الدرجه لأن أم ساره ماتزورهم واجد بس بحكم أن شيماء أجتماعيه حبت أن ساره تكون معاهم).

حوراء:ساروا هذي شيماء بنت خالش.
ساره:أي.
أمل:حليوه وااجد تشبهش ساروا.
ساره:تدرو أنها أحلى وحده في عائلتها.
حوراء:أخوها ألي راجع من السفر كم عمره وحليو.
ساره:عمره يمكن26وأذا عن جماله فكلمة جميل ماتوصف جماله.
أمل:أوه أوه تطورنا ساره تغازل واحد مو معقوله!
ساره:لاأغازله ولاشي بس أني ماشفت واحد زيه.
أمل(من غير وعي):أكيد سلمان أحلى منه.
ساره وحوراء ناظرو أمل وهم مستغربين.
أمل أستوعبت ألا قالته وعلى شان تبري نفسها قالت:ويش فيكم تناظروني جذي أني قصدي أن سلمان احليو.
وفي هللحظه تجي لهم بنت(معجبه لحوراء) وتقول:لو سمحتي حوراء أبغا أمشي أياش شوي.
حوراء كانت تبغى تكمل السوالف ومن حرتها قامت وهي تدزأمل وساره عن لا يكملوا السوالف وأمل وساره ميتين ظحك عليها.

حوراء مشت مع المعجبه بس ظلت المعجبه ساكته وحوراء تتحرطم وتقول:أف هذي بتظل ساكته مللتني أني أبغا أكمل السوالف أياهم(أمل وساره).
وأخيرآ نطقت المعجبه:حوراء.
حوراء(من غيرنفس):نعم
المعجبه:أني معجبه بش واجد.
حوراءفي نفسها:أدري عجل ليش تمشي أياي ألحين.
حوراء:مشكوره.
المعجبه:وأني ماأعجبش؟!
حوراء(ماسكه نفسها عن لا تظحك ياربي تحلف دي كيف بعجب أبها وأني أول مره أمشي أياها وحتى أسمها ماأعرفه صج هبله):أي حتى أنتين جميله.

أو ظلت تسولف المعجبه لين صفرت وحوراء تتحرطم على أن فسحتها ضاعت.

________________

كان جالس على مكتبه يفكر
رائد:أف هذي مي حاله صارلي4أيام أفكر فيها ومو قادر أنساها...أنا ليش ماأخطبها وأريح نفسي...خلاص باقول لقيس.

_________________

مكالمه بين ساره وسلمان.
ساره:ويه بتوديني بيت أملوا
سلمان:اليوم شفتيها ليش بتروحي؟!
ساره:موأبوها مريض لازم أتحمد له بسلامه.
سلمان:أنزين باجي بعد نص ساعه.
ساره(شهقت):باااااااااال مابيمديك توديني أشتري ورد.
سلمان:حلفي كني فاظي لش روحي لمحل الورد ألي قريب من بيتكم..يالله باي أنا مشغول.
ويسد الخط.

_________________

#في محل الورد#

ساره دخلت المحل وظلت تنظر ألي الورد ولفتت أنتباها باقة ورد يلفها الهندي
قربت منه وسألته:تقدر تسوي لي باقه مثلها.(كان في شاب واقف بس ساره ما أنتبهت له).
الهندي:أي في سوي ماما.
ساره:بس ماأبغاها لون واحد تالي تطلع مو احليوه
الشاب(الي كان وراها):لو سمحتي أختي يعني ذوقي موحلوا.
ساره(من غير ماتلتفت له):أخوي الناس أذواق وأني ماقلت مواحليوه.
الشاب:اشكله ذوقش حلو.
ساره ماردت وأنتظرت لين مايخلص الهندي من باقة الشاب أوصارت باقته جذابه كتير بس الشاب ماراح أنتظر لين تخلص باقتها أوصارت باقتها جذابه وناعمه وتبين على ذوق صاحبها.

وطلعت ساره من المحل وطلع الشاب وراها.

الشاب راح لسيارته وحط الباقه بداخلها وقفل السياره وراح مشى وراء ساره وساره ماحست له الا لما قربت توصل للبيت.

ساره(تلف له وهي معصبه):أنت ماتستحي عل

وتسكت ساره لأنها أنصدمت من ألي شافته......



شو راح يصير ومن الشاب ألي شافته ساره؟!وهل رائد بيقول لقيس أنه يحب حوراء؟!وشوأخر التطورات بين أمل وسلمان؟!

--------------------------------------------------------------------------------

__________________________________________________ __________

الجزء الرابع:

ساره منصدمه(وتقول في داخلها):ماني مصدقه مستحيل
أكيد هذا مو هو...ألا هذا هو...مستحيل أنسى شكله.

الشاب(مستغرب من تفاجئها):ويش فيش تناظريني كذا...أكيد مذهوله من وسامتي.
ساره(بستهزاء):الله على الوسامه ألي طالعه من واحد محترم شغلته بس يمشي وراء البنات.
الشاب:عن الغلط أنا عمري ما ركضت وراء البنات هم ألي يركضوا ورايي.
ساره:أخاف تكون براد بيت لو توم كروز وأني ماأدري....ومدام أنك محترم وماتراكض وراء البنات ليش تمشي وراي؟!
الشاب:تبغي الصراحه.....أنا ماشفت وحده بجمالش..صحيح أني شفت بنات واجد أحلى منش بس
ساره(تقاطعه):صحيح أنك وقح.
الشاب:خليني أكمل كلامي...أنا ماشفت وحده سعوديه جميله وتشبه أختي مثلش.
ساره:أحنا السعوديات جميلات بس ايخلونا نتغطى لأنهم يخافو علينا من الحسد ومن حرارة الشمس.
الشاب:ههههههههههههههههه
ولله وطلع دمش خفيف بعد.
ساره كانت بتمشي بس وقفها
الشاب:تعالي وين رايحه.
ساره:ويش تبغى الناس يقولو عني أذا شافوك ويايي.
الشاب:أي يعني أنتي مهتمه لكلام الناس أذا مهتمه غطي وجهش .
ساره:غطيته ولا ماغطيته أنت ويش لك دخلك.
الشاب:أنتي لو خايفه على كلام الناس كان ماقعدتي تكلمي واحد ماتعرفيه طول هالوقت.
ساره: ومن قال لك أني ماأعرفك.
الشاب(بأستهزاء):يعني تعرفيني..طيب ويش أسمي؟!
ساره(والتحدي في عيونها):طيب تبغاني أقولك نبذه قصيره عنك.
الشاب:يالله أبسمعش.
ساره:أمم أسمك جواد مهدي العرياني وأسم أمك سكينه وعندك أختين ألأولى شيماء والثانيه دانه وأنت درست طب بأمريكا وتوك راد من السفر ويوم الأربعاء بتكون عندك عزومه لرجوعك بسلامه..(تبتسم)هاويش رايك؟!

جواد في هل لحظه تمنى أن الأرض تنشق وتبلعه وماعرف ويش أيقول ظل مصدوم ومتفاجئ.

ساره:هههههههه تدري أن شكلك وأنت متفاجئ ايظحك.
جواد(علامة أستفهام باديه على وجهه):أنتي كيف تعرفيني؟!
ساره:لاتخاف أني مو جنيه ولا ساحره بس أني أعرفك من زمان و
جواد(يقاطعها):بس أنا ماأعرفش وهذي أول مره أشوفش.
ساره:لا أنت شفتني بس نسيتني وأذا حابب تعرف من
أني لا تلحقني ويوم الأربعاء بتعرفني باي.

وماتركت له مجال أنه يتكلم ومشت بسرعه أما جواد ظل أيناظرها لين غابت عن ناظريه وراح لسيارته وساقها وهو يفكر وين شافها بس مااذكر شي.

(جواد شاب وسيم خفيف دم رومنسي ذكي ويفهم بسرعه يحب أخته شيماء واااااااجد ومايرضى أحد يأذيها هو مازار بيت عمته ولا مره(أم ساره)ولما تزورهم ساره مايكون موجود وهذي أول مره يشوف ساره من كبرت).

ساره رجعت البيت بس ظلت في حديقة المنزل وجلست على الكرسي الموجود.

ساره:أأهه كل منش (أمها)أنتي سبب عذابي لو ماتزوجتي أبوي غصبآ عن خوالي كان ما كرهوني
وعيالهم نسوني..أنا ويش سويت عشان أعيش جذي لاأبو ولاأم تحسسني أني بنتها تحب وليد أكثر مني هههه صحيح أني غبيه ليش هي تحبني عشان يكون أكثر ولا أقل...أف لي متى بظل جذي قدام الناس سعيده ومن وراهم تعيسه حتى سلمان وحوراءوأمل ماايحسو بي...أف مافي أمل أعيش حياتي عشانه.
وبعد ثواني وصل سلمان وراحت بيت أمل.

_______في بيت أبو جواد

#في غرفة شيماء#
شيماء جالسه على سريرها
تسمع أغنية أيوان &quot;أسأل علي الشوق&quot;.
أسأل علي الشوق وانجوم القمر من فوق.
تلاقيني غلبني الشوق سهران قلبي يستناك.
لو بس تيجي اتشوف أزاي قلبي ليك ملهوف...............

شيماء:ولله أني أشتقت لك ياهادي ( فجاه يندق الباب)طق طق طق.
شيماء وهي تطفئ الستيريو:
من من أذا مابتردوا ليش طاقين الباب.
جواد:شيمو أفتحي الباب.
شيماء فرحت وراحت تفتح الباب ولما وضعت يدها على مفتاح الباب تذكرت أنها زعلانه منه.
شيماء من خلف الباب:ويش تبغى مو فاظيه لك.
جواد:أفا ياشيوم ألحين أنا مو فاظيه لي.
شيماء:أي أنت أمس لما قلت لك وديني لصديقتي مارضيت وقلت لي مو فاظي لش ألحين أني مو فاظيه لك.
جواد:شيموه بتفتحي الباب لو أكسره.
شيماء:لاولله خوفتي ومن قالك تناديني شيموه أصغر عيالك أني.
جواد:أسف كنت أفكرش أكبرهم.
شيماء:تنكت حضرتك.
جواد:لا أخفف دمي.
شيماء:تراك مصختها.
جواد:حطي عليها شوية ملح.
شيماء:ياثقل دمك.
جواد:سوي له رجيم.
شيماء(بدت تعصب):جواد مو فاظيه لك
جواد:على راحتش بس صدقيني ماباكلمش.
شيماء تفتح الباب وتتفاجئ:الله حلوه ألى من هذي؟!
جواد يعطيها باقة الورد:يعني ألى من غيرش.
شيماء:شكرآ الله لا يحرمني منك.
جواد:ولا يحرمني منش.
شيماء:تدري نفسي أتزوج واحد يحبني زيك.
جواد يناظرها بنص عين:هادي يحبش أكثر مني.
شيماء أستحت ونزلت راسها
جواد:هادي بيتهنى مو أنا مالت عليي ماأحد يحبني.
شيماء:أنت كل البنات أيموتو عليك وتقول ماحد.
جواد:أنا أبغى وحده تحبني لشخصي مو لوسامتي ولأني ولد واحد غني وعن قريب باصير دكتور أبغى زيش حبيتي هادي من هو صغير(هادي ولد خالتها)وكبر حبش وياش ولحد ألحين تحبيه وكل ألي تقدمو لش رفظتيهم عشان تنتظريه ياخذ وظيفته ويتقدم لش مو.
شيماء متفاجئه:أنت من وين عرفت أني ماقلت لك شي.
جواد:أفا ناسيه أني فاهمش عدل وأني أقرأ كتب علم
النفس.
وقعدو يسولفو وتذكر جواد البنت(ساره) .
جواد:شيمو حبيبتي أنتي عزمتي أحد من صديقاتش على يوم الأربعاء.
شيماء بأستغراب:لأ ليش تسأل ؟!
جواد:ها لا بس جذي عشان ياخذو راحتهم.
شيماء:بس العائله بجو يعني ماأحد غريب بجي.
جواد يكلم نفسه:ليش قالت أنها بجي يوم الأربعاء أف ماأقدر أصبر للأربعاء.

___________في المساء

#في البحر#

قيس ورائد على شاطئ البحر
قيس:رائد ويش فيك هل يومين متغير.
رائد:ألا قول من أربعة أيام...قيس أنا مريض.
قيس:ويه لا يكون السرطان..لحظه لحظه(يمسك خصله من شعره القصير)وحدك لا بروحك لمسنا الصوف الشر عنا مصروف يادافع البلا
رائد:هايي أنت ويش تخربط.
قيس:ههههههههههه هذي أختي حورو لما تسمع شي مو زين اتقول جذي.
رائد من سمع أسم حوراء تغيرت ملامحه:أأأأأهههه
قيس:بل شكلها السالفه جايده
قول وشو مرضك.
رائد:أنا أنا
قيس:أي أنت عجل أنا
رائد:أنا أحب
قيس:هههههههههههههه ومنهي تعيسة الحظ ألي طيحتك ولعبت عليك.
رائد:ماأسمح لك تقول عنها جذي.
قيس:شكلك رايح فيها.
رائد:ويش أقولك ياقيس أحبها ولله ولله أحبها.
قيس:وين شفتها وكيف حبيتها وهي تحبك؟!
رائد:حبيتها من أول نظره وماأدري أن كانت تفكر بي ولا نستني.
قيس:روح أخطبها وشوف أذا وافقت خلاص تنحل مشكلتك وأذا ماوافقت الله أيساعدك مع أني متأكد أنهم بيوافقو لأن ما بيلاقوا أحسن عنك.
رائد(فرحان):خلاص قول لأمك وأبوك أن أمي وأبوي بيجو لكم يوم الأربعاء.
قيس(مو فاهم شي):ليش أقول لهم؟!
رائد:لأني أبغى أختك حوراء ياغبي.
قيس:ههههههههههه ألحين أنت مادورت تحب ألا حورو.
رائد:لاتقول أنها مخطوبه خبري أن أختك فاطمه هي المخطوبه.
قيس:لا مو مخطوبه بس أذا تزوجتها بتخليك على بساط الفقر.
رائد:ليش؟!
قيس:لأنك أذا تزوجتها كنك متزوج ثلاث مو وحده.
رائد:مافهمت وضح أكثر.
قيس:أسمع تدري أن لما سافرنا سوريا ويش سوت أخذت ثلاث شنط سفر غير شنطة أغراضها وكل شي يعجبها تاخذ منه ثلاث قطع تدري ألى من أليها شنطه وألى صديقاتها أمل وساره كل وحده شنطه.
رائد:زين حبيبة القلب طلعت كريمه.
قيس:صج أنك خبل أقولك فلست أبوي تفلس.
رائد:مايهمني أنا أحبها وأبغاها.

__________بعد ثلاثةأيام

#في بيت ساره#

ساره تقبل راس زوج أمها:الحمد لله على السلامه.(كان في رحلة عمل).
أبو وليد:الله ايسلمش
ساره وين أمش.
ساره:أمي فوق تجهز لها ثياب حق بنروح بيت خالي مهدي(أبو جواد)لأن جواد رجع من السفر.
أبو وليد:أنا بعد بتحمد له بسلامه...قولي لأمش تنزل تحط الغذاء.
ساره:أنشالله.

______________

مكالمه تلفونيه بين أمل وحوراء
أمل:أف يعني اليوم مابنروح مجمع الخنيزي.
حوراء:مايمدينا نروح نسيتي أن ساره بتروح بيت خالها وأني أمي قالت لي أقعد في البيت بيجو لنا ضيوف.
أمل:خلاص نروح بكره.
حوراء:باشوف أمي وباقول لش .
أمل:أوكي باي.
حوراء:باي.

أمل:أف الحين أني بقعد في البيت ويش باسوي أكيد بقعد أفكر في سلمان...وحشني وااجد...أف ما أبغا أفكر فيه ..خلاص باروح لزهروه
وراحت لغرفة ختها زهراء
ولقتها تحوس في جوالها
أمل:ويش قاعده اتسوي.
زهراء:يعني ويش أسوي قاعده أقرأ قصه.
أمل:ويش أسمها؟!
زهراء:دنيا العاشقين قصه روعه جناااان.
أمل:صحيح ويش هو محور القصه.
زهراء:أسمعي أول مابدت علاقتهم كانو يكرهو بعض أوبعدين حبو بعض.
أمل:ياي لو يحبني سلمان جذي.
زهراء:ويه ويش قلتي ما سمعتش.
أمل:ها لا ولاشي كملي كملي القصه.

_______في بيت أبوجواد

أم جواد:هلا شخبارش ويش أحوالش أنشالله بخير.
أم ساره:بخير الحمدلله.
ساره:ويش حالش وتسلم عليها.
أم جواد:ولله وكبرتي وحلويتي ياساره.
ساره نزلت راسها مستحيه:مشكوره.
شيماء:ساره ويش رايش تجي أيايي غرفتي.
ساره:عادي.
في غرفة شيماء:
ساره:غرفتش مره احليوه.
شيماء:شكرآ عيونش الحلوه.
ساره ناظرة الغرفه ولفتت أنتباهها باقة الورد وأدركت أنه شارينها لشيماء.
جلست على السرير وشيماء جلست جنبها.
شيماء:شيلي عباتش ماحد في الغرفه.
وظلو يسولفوا وساره حبت شيماءوأرتاحت ليها وشيماء بعد حبتها.
ساره:وين دانه ما شفتها.
شيماء:أكيد قاعده على الكمبيوتر.
ساره:تقدري تناديها أبغى أشوفها.
شيماء طلعت من الغرفه وأول ماسكرت باب الغرفه ألا تتلاقى عيونها بعيونه وتفتح باب غرفتها وتدخل على طول.
ساره:بل مامداش تناديها.
شيماء كانت تناظر نفسها بلمرايه وتتأكد أذا كانت حلوه لولأ.
شيماء:كيف كان شكلي لما طلعت؟!
ساره:زي الحين.ليش تسألي؟!
شيماءمن دون وعي:لأن هادي أهني وشافني و...قبل لا تكمل أنتبهت لكلامها وسكتت.
ساره فهمت على طول:قصدش هادي ولد خالتش وحبيبش.
شيماء أستغربت:من وين عرفتي؟من ألي قالش؟!
ساره:أني عرفت بطريقتي.
شيماء:أي كيف.
ساره:أول شي أنتي حاطه تعليقة جوالش حرفh‏ وغرفتش مليانه قلوب وأشياء حمره ورومنسيه وأشرطة الأغاني ألي عندش ثلاثة أرباعها عن الحب هذا يدل على أنش عاطفيه وااااجد ولما طلعتي وشافش هادي دخلتي على طول للمرايه تشوفي أن كنتي حلوه ولا لأ مع أنه لو واحد غيره شافش كان جلستي تصيحي أوأستحيتي وصحيح أنش مستحيه ألحين بس فرحتش أنش شفتيه باينه على عيونش.
شيماء كانت طول الوقت ساكته ماتوقعت أن ساره ذكيه وقوية الملاحظه.
شيماء:تدري أن تحليلش لحبي لهادي يشبه طريقة جواد في ال
(وفجئه ينفتح باب الغرفه)
جواد:شيمو هادي متغبل عل(أنتبه لوجود ساره)طلع من الغرفه بسرعه.
أما ساره أنحرجت وسكتت ولا قالت شي.
شيماء طلعت من الغرفه وكان جواد بعده واقف.
شيماء(بخوف): هادي ويش فيه؟!
جواد:مافيه شي بس ايقول شافش وأمسوي لي عرس في الغرفه.
شيماء:ههههههههه.
جواد:من هي البنيه ألي بلغرفه؟!
شيماء:ماني قايله لك أكيد عجبتك.
جواد:شيموه مو فاظي لمسخرتش قولي من هي.
شيماء:أحلف ماعرفتها.
جواد:ليش أنا لازم أكون أعرفها.
شيماء:هذي ساره بنت عمتي.
جواد:شوووووووووووووووو.
شيماء:اشفيك متفاجئ جذي أكيد من جمالها لأنها أول وحده في العائله غير دانو تتقارن بجمالي .
جواد بصوت واطي:هي أحلى منش.
شيماء:ويش قلت.
جواد:مو كأنش تركتيها بروحها دخلي قعدي وياها.
شيماء:بروح أنادي دانو.
جواد:دانو تحت في المطبخ.
وتروح شيماء وفي هل لحظه ساره تطلع من غرفة شيماء وهي تكلم تلفون.
ساره:أي ألحين أبنزل...باي.وتلف تلاقي جواد واقف قدامها.
ساره(مرتبكه):أهلآ جواد حمد لله على السلامه.
جواد:أي ألحين حمد لله على السلامه وقبل ثلاثة أيام وقح ومو محترم ومادري شو.
ساره(بنظره حزن):أسفه ما كان قصدي أ
جواد(يقاطعها):أنا ألي أسف ماأبغاش تفكريني صايع شغلتي أغازل البنات صدقيني أنتي أول وحده أل
ساره(تقاطعه):أي دريت أنك محترم وخلوق ومايحتاج تقص قصة حياتك...عن أذنك أمي تنتظرني.
وراحت بسرعه أما جواد ظل ايفكر:ويش فيها هذي أول مره وحده ترد عليي جذي.
وسمع صوت أحد يناديه وراح لغرفته ألي هي قريبه من غرفة شيماء.
جواد(وهو يفتح باب غرفته):ويش فيك قاعد اتصارخ.
هادي:ويش فيك نقعتني في غرفتك كل هذا قاعد ويا شيماء حسافه ماأقدر أخطبها قبل لاأستقر في وظيفتي.
جواد:أذا بتقعد طول الوقت تتكلم عن شيماء بتركك وبطلع.
هادي:ويش فيك امعصب.
جواد:مافيي شي.
هادي:على راحتك.
(هادي شاب وسيم رائع خلوق متفهم ذكي أجتهد في حياته ودراسته بس عشان شيماء وهو يحبها ويموت فيها).

_______في بيت أبو قيس

#في غرفة حوراء#
حوراء:اف ألحين أمي خلتني في البيت حق بس أروح أقدم العصيروالحلويات
فاطمه:ياهبله أنتي مافهمتي أن المرأه ألي تحت جايه هي وختها حق يخطبوش لولدها.
حوراء(مندهشه):ماأحد قال لي .
فاطمه:قيس قال لي لأن ألي يبغاش صديقه رائد.
حوراء(فرحانه):صحيح.
فاطمه:ويش فيش جذي فرحانه لا يكون
حوراء:لأ ماأحبه بس معجبه به.
فاطمه: يعني بتوافقي.
حوراء:أول أبويي يسأل عنه بعدين أقرر.
(ملاحضه)
&quot;فاطمه مخطوبه لخال أمل
راشد وهو ألحين امسافر رحلة عمل وعمره 25سنه&quot;
______اليوم التالي

مكالمه تليفونيه بين حوراء وساره.
ساره:حلفي أمس خطبش ما أصدق.
حوراء:حتى أني ما صدقت أول ما قالولي..لو تشوفيه ياساروه ايجنن وسيم.
ساره:أختي شكلي مخلطه في الرقم.
حوراء:ساروه عن المزح الماصخ.
ساره:أنزين أنتي بتوافقي؟!
حوراء:أول أبوي بيسأل عنه مع أنه مايحتاج لأن قيس يعرفه عدل بس هذي الأصول.
ساره:أنزين وأذا طلع ولد حلال وما ينعاب بتوافقي.
حوراء:أذا ماينعاب ليش ماأوافق.
حوراء:أي اليوم بنروح أني وأملوا مجمع الخنيزي بتروحي أيانا؟!
ساره:أي باروح لأن أبغا أشتري لي ثوب جديد.
حوراء:الساعه ثمان تكوني جاهزه.
ساره:أخوش قيس ألا بيودينا.
حوراء:لأ أني أضحكي أكيد قيس.
ساره:أوكي باي.
حوراء:باي.

ساره راحت تجهز نفسها وتخلص وعلى الساعه سبع ونص دق جرس البيت.
وراحت ساره تفتح الباب.
ساره:هلا سلمان ويش صاير امتعب نفسك وجاي تزورني
سلمان:أنا مو جاي أزورش أنا جاي أوديش البيت لأن أمي تعبانه(جدتها)وأبغاش تسهري وياها.
ساره:خلاص باروح أقول لأمي وزوجها وباجي.
وتمشي شوي وتوقف.
سلمان:ويش فيش وقفتي.
ساره:ذكرت أني لازم أقول لصديقاتي أني باروح وياك.
سلمان:أخر زمن الناس قامت تاخذ أذن من صدقانهم عشان يروحو بيت جدتهم.
ساره:لا مو جذي أني باقول لهم لأني كنت أباروح وياهم مجمع الخنيزي.
سلمان:خلاص روحي وياهم وأنا أجي لش بعدين.
ساره:أوكى.
سلمان:تعالي من هو ألا بيوديكم.
ساره:ومن هو غير قيس أخو حوراء.
سلمان:لا ما أبغاش تروحي وياه ويش رايش أنا ألي أوديكم.
ساره بصوت واطي:ماتبغاني أروح وياه لو تغار على أملوا.
سلمان سمعها:أي أغار عندش مانع.
ساره:خلاص باروح أتصل لحوراء أقول لها وأنت أنتظرني بلمجلس.

وراحت تكلم حوراء و بعد ما خلصت من حوراء أتصلت على أمل.
ساره:هلا ولله.
أمل:هلا فيش.
ساره:خلصتي.
أمل:من زمان وقاعده أنتظر حورو.
ساره:ترا مو قيس ألي بيودينا سلمان هو ألي بيودينا.
أمل(شاقه الحلق):خلاص تعالو أني جاهزه.
ساره:أوكى باي.
أمل:باي.

ساره راحت لأمها وقالت لها أنها بتروح بيت جدتها بعد ماترجع من السوق وأمها وافقت لأن وجود ساره زي عدمه عندها هي ماتحبها بس ماتكرهها يعني عادي.

_______في مجمع الخنيزي.
ساره وحوراءوأمل يتسوقوا وسلمان معاهم بس بعيد عنهم اشوي عشان ياخذو راحتهم.
ساره:هذا المحل شكل ثيابه حليوه مو.
حوراء:تعالو ندخله.
أمل:أني اتعبت بستريح لي اشوي.
ساره:على راحتش أمشي حوراء.
ودخلوا ثنتيهم المحل أما أمل جلست في أحدى كراسي الأنتظار وقعدت تحوس بجوالها.
سلمان لاحظ أنها قاعده بروحها وراح وقف عند محل
قريب منها وطلع جواله وكتب رساله من الملاحظات ألي في الجوال وغير أسم جهازه
وشاف أسماء أجهزه واجد كلهم شباب ولفت أنتباهه أسم&quot;أحلى أموله&quot;وناظر الناس ألي من حوله ماشاف بنات قاعدين كانت أمل هي الوحيده ألي قاعده فعرف أن هذا أسم جهازها ورسل لها الرساله عن طريق البلوتوث.

أمل كانت قاعده تحوس في الجوال وتفاجئت لماشافت.

&quot;أستلام رسالةBluetooth‏ ‏ من أنا سلمان&quot;
ورفعت نظرها له وشافته يهز براسه(يقصد أستقبلي)فهمت قصده وظغطت على نعم وجاتها الرساله.
&quot;أبغا أسألش سؤال ممكن&quot;
أمل من دون أي تردد لأن الفضول بيذبحها تبغى تعرف ويش هو السؤال.
ردت عليه:
&quot;اتفضل&quot;
سلمان ما أتوقعها ترد عليه بس ردها شجعه يكتب سؤاله و رسله لها.
وصلت الرساله لأمل وفتحتها
&quot;ويش هل العباه ألي لابستنها رايحه عرس لو مجمع&quot;
أمل أنقهرت لحدها ورسلت.
&quot;صج أنك وقح ويش دخلك فيي أني حره لما تصير أبويي تعال حاسبني&quot;.
رد سلمان:
&quot;لو كنت وقح كان أخذت رقمش و وزعته&quot;
( عن طريق البرنامج الجديد ألي بلجوال)
رد أمل:
&quot;ويه خوفتني واجد شكلي باصيح .
أخذه مو مشكله أقدر أغير الرقم&quot;.
أمل قفلت البلوتوث ومشت من دون ما تنتظر رده.
أما سلمان لما شاف رسالتها ضحك ولما شافها مشت مشى في نفس طريقها بس بعيد عنها.
وبينما كانت أمل تمشي أعترض طريقها شاب.
الشاب:أيش هلزين أيش هلحلاه ممكن رقمك ياعمري.
سلمان أنتبه لشاب وراح صوبهم.
سلمان:أخوي ويش بغيت.
الشاب:بغيت رقم الحلوه.
سلمان:صج أنك ماتستحي على وجهك.
الشاب:ليش الحلوه ويش تقرب لك.
سلمان:خطيبتي عندك مانع.
أمل تفاجئة من رده وظلت ساكته.
الشاب:ماأصدق أنها خطيبتك لأنك مستحيل ترضى أنها تلبس هلعباه.
الشاب:عندي لك نصيحه علمها الأدب وكيف تلبس عباه عدله وتغطي وجها زي الناس.
وراح الشاب من دون مايسمع رد سلمان.
أمل تمنت الأرض تنشق وتبلعها
ولا يصير لها هلموقف.
وفي هللحظه جت ساره وحوراء.
ساره لاحظت أن أمل قريب تصيح وسلمان شكله مايطمن.
ساره:ويش فيكم؟!
سلمان(بهدوء عن لا يفقد أعصابه)يالله أمشوا باروح.
ساره:بس
سلمان(يصرخ):مااسمعتي ويش قلت.
ساره:خلاص لا تعصب بنمشي.

شو راح يسوي سلمان؟!
وهل بتوافق حوراء على رائد؟!
وشو بيصير بين ساره وجواد؟!

__________________________________________________ __________

الجزء الخامس:


سلمان ايصرخ:مااسمعتي ويش قلت.
ساره:خلاص لاتعصب بنمشي.
وسبقهم سلمان لسياره وساره سألت أمل ويش صار بس أمل ماردت.
وفي السياره ساره لاحظت أن شكل سلمان مايطمن لأنه امعصب.
ساره:سلمان لاتسوق السياره وأنت امعصب أنتظر ليما تهدى.
سلمان:ومن قال لش أني بهدأ.
ساره:أنزين قول لي ويش صاير.
سلمان:ليش ماتسألي صديقتش المحترمه ويش صار...أنا أول مره أنحط في موقف زي جذي...فشلتني.
أمل تدافع عن نفسها:ولله ماحد قالك قول أني خطيبتك.
سلمان:ولش عين تتكلمي بعد.
أصلآ يحصل لش الشرف لو يخطبش واحد زيي.
أمل:ومن قال لك أني ممكن أقبل أخذ واحد مثلك.

ساره و حوراء كانو ساكتين ومو مستوعبين ألي يصير قدامهم.

سلمان فول من التعصيب:أنتي أصلآ من بيقبل ياخذش أنتي ماعندش أحترام ولا
ساره تقاطعه:سلمان أنت ويش قاعد تقول ثمن كلامك
قبل لا تقوله.

أمل ماقدرت تستحمل الكلام ألي قاله سلمان وحطت يدها على يدة الباب تبغى تنزل من السياره بس الباب ما أنفتح.
سلمان أنتبه لها:لا تحاولي ما بينفتح الباب لأني قافلنه.
أمل وهي تحاول أن دموعها ما تطيح قدامه:ممكن تفتحه.
سلمان:لا مو ممكن لأن أنا ألي جبتش ولازم أنا ألي أوديش البيت.

و ساق السياره ساره تفشلت من سلمان وماعرفت شتقول
و حوراء ظلت ساكته .

أمل كانت تحمد ربها أنها وراء ساره حتى سلمان مايشوف دموعها .

سلمان وصل حوراء ونزلت من دون ما تقول شي وبعدها جا دور أمل وقبل لا تنزل
ساره:أمل أني أسفه سلمان ما كان يقصد
سلمان يقاطعها:لأ أقصد وما يحتاج تتأسفي.
ساره بجديه:سلمان
أمل ماقدرت تستحمل أكثر:أنت ماتحس ..سلمان لف صوبها وأنصدم لما شاف دموعها.. ماعندك ذره أحساس أذا أني الغريبه عنك قلت لي جذي وما أستحيت على وجهك هذا ساره ويش امسوي لها.
طلعت من السياره دخلت البيت ابسرعه.
سلمان لام نفسه على الكلام ألي قاله وساق السياره من دون مايقول ولا كلمه ساره أحترمت سكوته سكتت لما وصلو البيت(بيت الجده أم سلمان).
سلمان:نزلي.
ساره:أنت مابتنزل؟!وين بتروح؟!
سلمان:بتمشى شوي و بعدين باجي.
ساره:سلمان أمل ما
سلمان يقاطعها:ممكن تسدي السالفه وتنزلي.
ساره وهي تنزل:بس لا تتأخر.
سلمان مارد عليها لما نزلت مشى بسرعه.
ساره دخلت البيت وراحت للغرفه المخصصه لها و بدلت ملابسها وراحت غرفت جدتها لقتها نايمه ماحبت تزعجها فرجعت غرفتها قعدت تفكر في حال سلمان و أمل.(هي بين فتره وفتره تنام في بيت جدتها فا نص أغراضها موجوده)

ــــــــــــــــــــــــــــــــــــــــ


أمل دخلت البيت و قعدت في الحديقه تمسح دموعها و تعدل شكلها لما دخلت لقت أبوها و أمها وخواتها وأخوانها يتعشو.
أمل:السلام عليكم.
الكل:وعليكم السلام.
الأب:ها أمل ماأشوف بأيدش شي غريبه مو من العاده.
أمل:ماعجبني شي كل شي قديم.
الأم:روحي بدلي وتعالي اتعشي.
أمل:ما أبغى عشاء باروح أنام لحد يزعجني.
زهراء:ترا خلصت القصه ماتبغي أقول لش النهايه.
أمل:قوليها بكره أني تعبانه وأبغى أنام...تصبحو على خير.ركبت لغرفتها.
الأم:زهراء حنان أحد منكم امزعلنها.
زهراء:أني ما سويت لها شي يزعل.
حنان:وأني من زمان ما كلمتها عشان أقول لها شي يزعلها.
حسن وحسين:أصلآ هي صار لها أسبوع و هي مالها نفس لشي.
حسين:أنا أقول لها تلعب وياي بلاي ستيشن ما ترضى.
حسن:وأنا بعد قلت لها تلعب وياي أكس بوكس مارضيت.

الكل ظحك على براءة الأطفال وكملو عشاهم.

ــــــــــــــــــــــــــــــــــــــــ


مل من المشي بدون هدف رجع البيت.
دخل السياره داخل الكراج قعد يفكر اشوي بعدها قرر ينزل من السياره بس أنتبه لشنطه مرميه على السيت ألي وراه ولف أخذها.
سلمان:هذي شنطة أمل معقوله نسيتها...أي ماتنلام أكيد تهزيئي ليها خلاها تنسى شنطتها.
فضوله خلاه يفتح الشنطه فتشها شاف فيها بوك وداخله ثلاث صور وحده لأبوها وثنتين لأخوانها(حسن وحسين)شاف جوالها خطرة على باله فكره أخذ جواله كتب رساله فتح بلوتوث جوالها رسل الرساله
رجع جوالها لشنطتها شاف عطر صغير محطوط في الشنطه أخذه شمه(الحبيب ذاب من ريحة العطر)
فأخذ له نشافه رش العطر فيه رجع العطر لمكانه .. أخذ الشنطه نزل من السياره .. دخل الصاله ..كانت ساره تشاهد تلفزيون.
سلمان:السلام عليكم.
ساره:وعليكم السلام ورحمت الله وبركاته(بطريقة المدارس)
سلمان ببرود:جربي غيرها ماتظحك.
ساره وقفت وتقدمت له ومن دون مقدمات سألته:سلمان أنت صحيح تحبها.
سلمان يمد الشنطه لها: أبغاش تصحيني بكره الصبح عشان أوديش لها تعطيها شنطتها.
ساره:بس أنت ماجاوبت على سؤالي.
سلمان:جوابي لا بيقدم ولا بيأخر...تصبحي على خير.
ساره:مابتتعشى ؟!
سلمان:نفسي مسدوده أكلي بروحش.
ساره:سلمان سلمااان.

بس مارد عليها دخل غرفته
انسدح على سريره وطلع النشافه من مخباه قعد يشمه.
سلمان:ولله أني أحبش بس شسوي لحظة غضب خلتني أفقد أعصابي ...أخ كلامها زي السكين تقطع بقلبي...ليتني ماوصلتهم ولا صار الموقف وقلت لها هلكلام.

ــــــــــــــــــــــــــــــــــــــــ

مكالمه بين أمل وساره.

ساره:الو السلام عليكم.
أمل بتعب:وعليكم السلام.
ساره:ويش فيش تعبانه؟!
أمل:لا مو تعبانه بس جذي لأني توني قاعده من النوم.
ساره:أوه أسفه أزعجتش.
أمل:لا عادي مافي أزعاج.
ساره:أنتين مشغوله؟!
أمل:لأ مو مشغوله بس ليش
تسألي؟!
ساره:أنتين أمس نسيتي شنطتش في سيارة سلمان
وألحين أني باجيبها لش.
أمل:توني ذاكرتنها خلاص تعالي البيت بيتش حياش الله في أي وقت.
ساره:مشكوره مع السلامه.
أمل:الله يسلمش.
وسدو الخط
أمل راحت تجهز وساره راحت تصحي سلمان وبعد ماصحته نزلت تفطر مع جدتها.
ساره باست راس جدتها:صباح الخير ويش حالش ماما أنشالله بخير.
الجده:هلا بنيتي هلا تعالي قعدي جنبي.
ساره وهي تقعد بجنبها:ويش حال صحتش أنشالله ابخير.
الجده:يابنيتي خلاص الصحه والعافيه خلصت تركتها لكم.
ساره:لأ لا تقولي جذي طول الله بعمرش انشالله.
الجده:أني مو خايفه على نفسي أني خايفه على سلمان من بعدي سلمان بعده مايعرس وماعنده أحد يطبخ له
يواسيه يقاسمه فرحه وحزنه
ساره بدت تصيح:وأني وين رحت... لاتخافي عليه أني بظل وياه وأنتي بعد مابتتركينا..صاحت.
حضنتها الجده وقعدو يصيحوا سلمان كان ينزل من الدرجه لما سمعهم ركض لهم.
سلمان مختلع:ويش فيكم؟!ويش صاير؟!
الجده:مو صاير شي بس ساره حساسه زياده عن الزوم.
الجده:قومي يابنيتي غسلي وجهش وكملي فطورش.
ساره قامت راحت للمغاسل غسلت وجهها ورجعت المطبخ
سلمان وأمه كانوا يتكلموا.
الجده:هاياوليدي لقيت لك وظيفه.
سلمان:أي لقيت وباداوم من السبوع الجاي.
الجده:والراتب عساه زين.
سلمان:الراتب أحسن مما يكون.
الجده:زين خلاص عجل أني من بكره باروح أخطب لك.
في هالحظه سلمان تغيرت ملامح وجهه وساره كانت تناظره تنتظر جوابه.
سلمان:أماه أنا ما أبغى أعرس ألحين.
الجده:ليش؟!مافي شي ناقصك. البيت وكاهو عندك والوظيفه بتاخذها بعد سبوع وراتبك عالي.ليش ماتعرس ألحين.
سلمان:أماه أنا ماأبغى أزعلش بس ماأبغى أعرس ألحين لين بغيت باجي باقول لش.
الجده:على راحتك أني ما بجبرك .
وكملوا فطورهم وبعد ماخلصو ساره راحت تجهز نفسها عشان تروح لأمل.

#وفي السياره#

ساره:أنت ليش ماتبغى تعرس ألحين؟!
سلمان:لو أمي قالت لي أنها بتخطب لي من قبل سبوعين كان وافقت بس ألحين لأ.
ساره:ليش عشان أمل؟!
سلمان:أذا ماتزوجتها ماراح أتزوج غيرها.
ساره:طيب ليش ماتتقدم لها.
سلمان:أنتي أكيد جنيتي كيف تبغيني أتقدم لها وهي رافظتني.
ساره:ومن قالك أنها رافظتك.
سلمان:هي بنفسها قالت أنها مستحيل تاخذ واحد مثلي و
ساره تقاطعه:وأنت بعد قلت
أن ماحد بيقبل ياخذها وهذا أنت تبغاها.
سلمان:أنا غير.
ساره:كيف غير؟!
سلمان:ساره ممكن تسدي الموضوع.
ساره:لا مو ممكن لأن كل مافتحته قلت لي سديه نفسي مره تكلمني به للأخر.
سلمان:أنا أحبها وأموت فيها بس مستحيل أتقدم لها لأني أذا تقدمت لهاممكن ألا أكيد بترفظني وأذا صار هالشي بتتحطم كرامتي وقلبي وأنا أفضل أن يتقطع قلبي مئه قطعه ولا كرامتي تنمس.
ساره سكتت لأن وجهه نظره صحيحه بس هي شاكه أن أمل تحبه من نظراتها وحركاتها.

لما وصلوا بيت أمل نزلت ساره دقت جرس البيت فتحت لها أمل ألي كانت تنتظرها في الحديقه.
ساره:السلام عليكم.
أمل:وعليكم السلام.
ساره:كيف الحال؟!
أمل:الحمد لله بخير...ليش واقفه تفظلي داخل.
ساره:لا مايحتاج مستعجله سلمان ينتظرني.
أمل من سمعت أسم سلمان رجع الحزن لعيونها ساره حست لها(فهيمه تعجبني).
ساره:أمل سلمان ماكان يقصد بس هو لين عصب يقول كلام مايعنيه.
أمل مبتسمه أبتسامه خفيفه:حصل خير ماله داعي تفتحي الموضوع.
ساره:يعني سامحتيه.
أمل:مايحتاج أسامحه لأن هو غلط علي وأنا بعد غلطت عليه فمايحتاج نتسامح من بعض.
ساره:شكرآ مع السلامه.
أمل:الله ايسلمش.
ساره طلعت من بيت أمل راحت لسلمان قالت له عن الكلام ألي قالته أمل ..سلمان أرتاح مبدئيآ.. رجع ساره بيت أمها لأن بكره وراها مدرسه.

أما أمل فأخذت الشنطه راحت غرفتها فتحتها أخذت الجوال .. شافت رسالتين الأولى رساله عاديه من عند وحده من زميلاتها والرساله الثانيه من البلوتوث أستغربت لما شافتها .


&quot;أنا أسف سامحيني ماكان قصدي(s)&quot;

أمل ماصدقت الكلام ألي قاعده تشوفه وقرته أكثر من مره وهي فرحانه.

ــــــــــــــــــــــــــــــــــــــــ

#بيت أبو جواد#

شيماء:دانو أرجوش روحي معاي.
دانه:أوففففففففففففففف ماتشوفيني مشغوله.
شيماء:أني أبغى أعرف أنتين
ماتستملي من النت طول يومش قاعده عليه.
دانه:أني حره أنتي ويش لقفش.
شيماء:أبغاش تروحي معاي ماأبغى أروح بروحي .
هذي أول مره أروح بيتهم وأستحي أروح من دونش.
دانه:أنتي بتروحي بيت عمتش مو بيت غرب يعني عادي لو رحتي لوحدش مو لزمه أكون معاش.
شيماء:أذا رحت بدونش ساره بتسأل عنش وأذا سألتني مابعرف بشو أجاوبها.
دانه:عادي قولي لها أني مو فاظيه أطلع ومشغوله في النت.
شيماء:تبغيها تاخذ عنش فكره غلط.
دانه عصبت:وليش تاخذ عني فكره غلط...أني مو قاعده أكلم صبيان أني أسولف ويا صديقاتي وعلى أيميلي يعني تقدري تفتح أيميلي وتشوفي أن كنت أكلم غير صاحباتي...والحين قومي أنقلعي برى.
شيماء:تطرديني... لكن بتشوفي أن ماوريتش ماأكون أني شيماء.
دانه:يماي خوفتيني ياربي مو قادره أوقف حق أروح الحمام.
شيماء:قاعده تتمسخري يالحماره التيسه الثوره النعزه البقره_(الأخت بدى السب عندها وهي أن سبت ماتسكت خخخ).
دانه:حبيبتي ليش امتعبه حلقش في السب ألي مايناسب
عمرش سمعتي أن في فصيلة حيوان أسمها حماره لو تيسه لو ثوره هذا أولآ وثانيآ أبغاش تنظفي عيونش عشان تشوفي أني من البشر مو من الحيوانات.
وتموا يتشابقوا ليما جى لهم جواد.
جواد:شفيكم شصاير؟!
شيماء:ولله أسأل أختك.
دانه:هي ألي بدت مو أني.
جواد:وأنتو ماتخلو أحد يرتاح.
دانه:خذ أختك وأطلع برى وبترتاح.
جواد:أكيد ابرتاح لأني مابشوف رقعة وجهش.
دانه:أففففففففففففففف مابتطلعو من الغرفه.
جواد طلع من الغرفه وشيماء لحقته أما دانه رجعت تسولف في الماسنجر.
شيماء وهي تلحق جواد:جواد لحظه تعال جواااد.
جواد وهو يوقف لها:نعم ويش تبغي.
شيماء:أفا أني شيمو تقولي جذي.. خلاص ازعلت .. مشت عنه بس هو مسك يدها.
جواد:شيومتي لاتزعلي لو تطلبي عيوني باعطيش أياها.
شيماء:لا ويش أسوي في عيونك خليتهم لك.
جواد:هههههه أنزين ويش تبغي؟!
شيماء:أذا ما عليك أمر أبغاك توديني بيت عمتي.
جواد:ليش بتروحي غريبه هذي أول مره.
شيماء:ماأدري يمكن لأني أرتحت لساره وأبغى أتعرف ليها عن قرب.
جواد:أها خلاص روحي ألبسي وأنا بنتظرش.
شيماء طايره من الفرحه:أني ماأتخيل حياتي من دونك.
جواد:تدري ليش...لأني لين مت مابتقدري تعيشي من دوني وبتقتلي نفسش بتموتي << قالها وهو يبتسم.
شيماء:الله على الواثق أخاف تتشقق من الغرور.
جواد:لاتخافي أمي خياطه مهاره لين تشققت بتخيطني خخخ.
شيماء:أني باروح ألبس قبل لاتبدي ثقالت دمك.
جواد:خليت خفه الدم لش.
لكن شيماء ماردت عليه راحت تجهز.

ــــــــــــــــــــــــــــــــــــــــ

#بيت ابو وليد#

ساره و وليد وأم وليد في المطبخ.
ساره:وليدوه ياغبي اتباعد عن العصير لا تكته اتبااااااااااااااااعد.
وليد:أوففف أنا أبغى عصير مو بس لهم.
ساره:باعطيك بس أذلف وفكني.
وليد:أبغى من الكيكه بعد.
ساره:أن بقيت تزن فوق راسي مابتستوي الكيكه.
وليد:أماه شوفي ساره تصرخ عليي.
الأم من دون ماتسوي سالفه حق ولدها:ساره جهزتي المجلس.
ساره:مايحتاج أجهزه ..شيماء بتقعد في غرفتي..وجواد بيسلم عليش وبيروح.
الأم:لامايصير لازم يدخل عشان انضيفه لو ماتبغي انضيفه.
ساره:أنشالله باخلص الكيكه وباجهزه.

بعد ماخلصت كل شي راحت تلبس تكشخ وتتكحل(هذا شي ضروري).

ترن ترن ترن (صوت الجرس خخخخخ)

ساره لبست عباتها نزلت تفتح الباب.
شيماء:هااااااااااااي.
جواد:شيماء أنا كم مره قايل لش أبدي بسلام أول.
شيماء:أففففففففففففففف.
ساره:ههههههه.
جواد:السلام عليكم.
ساره:وعليكم السلام.
جواد:ويش حالش ساره.
ساره:الحمدلله بخير أنت شخبارك.
جواد:أنا ابخير دام أني شفتش.(الأخ أخذ راحته في الكلام خخخ).
ساره أستحت ونزلت راسها
وجواد تم أيطالعها.
شيماء:جواد مو كائنك مصختها
قاعد تسولف مع البنيه.
جواد ببراءه:ساره مو غريبه عليي بنت عمتي ومو عيب اكلمها.
ساره:أنزين اتفظلو داخل ليش واقفين.
شيماء:ننتظرش اتخلينا ندخل.
ساره:لاولله.. أمشي دخلي .
دخلوا سولفوا شوي ليما جت أم ساره.
أم ساره:السلام عليكم.
الكل:وعليكم السلام.
أم ساره:هاياجواد عسى بس ماتغير عليك الجو.
جواد:ويه الله ايعينكم على هالجو حر حر مووووووت.
الكل:ههههههههههه.
ساره قامت وراحت تجيب العصير والحلويات.
ساره:أففف ويش فيه هالغبي يطالعني جذي عمره ماشاف بنات حلوين.
جهزت كل شي رجعت لهم
وكانو يسولفو.
الأم:ها جواد لقيت لك وظيفه.
جواد:مايحتاج واحد زيي ماخذ شهاده دكتوراه يتعب نفسه ويدور له وظيفه أصلآ الوظيفه هي ألا أدورني.
ساره (ويش هالغرور) راحت لشيماء حتى تظيفها.
ساره قدمت العصير لشيماء
شيماء ذاقته:مره احلو من ألي سواه؟!
ساره ببتسامه:أني .
راحت تعطي العصيرلجواد ..جواد أخذه و توه بيشرب.
شيماء شهقت:مو معقول جواد يشرب عصير غريبه.
الأم وليد:ليش هو مايحبه.
شيماء:لأ مايحب العصير ويشرب بس بيبسي والغازيات.

في هالحظه وليد نادى أمه ..أم ساره راحت له تركتهم.

ساره بعد ماسمعت أن جواد مايحب العصير راحت تجيب له بيبسي.
ساره مدت له البيبسي:خذ
جواد وهو رافع واحد من حواجبه:ليش امتعبه نفسش أنا ماقلت أبغى بيبسي.
ساره:مو أنت ماتحب العصير.
جواد:دام أنه من أيدش بشربه.

شيماء تفاجئة من طريقة جواد في الكلام بس سكتت لأنها تبغى تعرف رد ساره.

ساره ماأهتمت لكلام جواد حطت البيبسي بجنبه راحت قعدت جنب شيماء.
شيماء بصوت واطي:شوفي جواد الحين بيغص.
ساره:لهدرجه مايحب العصير.
شيماء:حتى ريحته مايطيقها خصوصي عصير اليمون الي قاعد يشربه.
ساره:ولله ماحد غصبه يشربه.
جواد:كــح كـــــح كــــــــح.
شيماء:هههههههه ماحد غصبك تشربه ههههه.
جواد:أنتي سكتي أحسن لش بشربه أعناد فيش.
مسك الكاس عشان بيشرب العصير بس الكاس طاح أنكت شوي منه على كم قميصه.
جواد:أوووهوو.
شيماء:هههههههههههههه.
ساره قامت راحت تجيب له منشفه.
ساره مدت المنشفه له:خذ نشف قميصك.
جواد ناظرها:ليش ماتنشفيه أنتي.(أخونا نسى نفسه)
شيماء وساره أنصدمو من كلامه بس هذا مامنع ساره أنها ترد عليه.
ساره وهي معصبه:امفكرني زوجتك الخبله ألا بتخدمك.
جواد:ياااااااااااريـــت.
شيماء:جواد تراك مصختها.
جواد سكت وقف قبل لايطلع:أذا بغيتي تطلعي أتصلي ليي.وطلع.
شيماء اتحاول تلطف الجو:ها ساره مابتوريني غرفتش.
ساره اتحاول تخفي عصبيتها:يالله أمشي .

راحو الغرفه وقعدو يسولفو كانت أغلب سوالف شيماء عن هادي.

ــــــــــــــــــــــــــــــــــــــــ

شيماء وساره صارو يكلموا بعض يوميآ وصارت علاقتهم قويه.

#في المدرسه#

شيماء قاعده مع صديقتها مرام.
شيماء:أفففف ملل متى بنفتك من المدرسه.
مرام:خلاص أذا أنتي ملانه لهدرجه تعالي ليي البيت.
شيماء:لا ماأقدر لأن ساره بتجي لي اليوم.
مرام:أني أبغى أعرف كيف متحملتنها ثقيلة دم.
شيماء:بالعكس ساره خفيفه دم وحبوبه...مراموه أنتي تغاري منها أعترفي أعترفي.
مرام (ويه حشى أني أغار من ساروه على شنو بغار أصلآ أني أحلى منها) .
مرام:أني ماأطيقها أحسها منافقه.
شيماء:حرام هي طيوبه ومافي منها.
مرام (أنزين أن ماخليتش تكرهيها ما أكون مرام)
مرام:شيماء قومي نتمشى مليت من القعده.

(مرام بنت حلوه ودلوعه وحبوبه بس حقوده بشكل مو طبيعي وأذا حطت شي في راسها لازم تسويه).

في جهه ثانيه من المدرسه كانو أمل وساره وحوراء قاعدين يسولفوا.

أمل:ساروه أنتي صرتي ماتكلمينا واجد.
ساره:حلفي..أني طول الوقت قاعده معاكم.
أمل:بس كل تكلمي شيماء أني بصراحه أغار منها.
حوراء:وأني بعد أغار.
ساره:ههههههه توني أدري أن عندي معجبات...صح حورو وافقتي على رائد ولا لأ.
حوراء:أبوي سأل عنه وقالو له أنه رجال ماينعاب وماشي سيده وما عنده لا مني ولا مناك.
ساره وأمل:أي وبعدين.
حوراء:اليوم برد عليه.
ساره وأمل:بتوافقي.
حوراء مبتسمه:ماباقول ألحين بعدين أقول لكم.

ــــــــــــــــــــــــــــــــــــــــ


مكالمه تلفونيه بين رائد و قيس.

رائد:ألو السلام عليكم.
قيس:وعليكم السلام والرحمه.
رائد:كيف الحال!؟
قيس:أحلف...أخلص قول ويش تبغى.
رائد:هذا جزاي أني أسأل عن حالك.
قيس:حالي تعرفه توني مساعه قاعد وياك في الدوام.
رائد:أممم قيس أنت مشغول ألحين.
قيس:لا ليش تسأل؟!
رائد:خلاص عجل باجي لك ألحين.
قيس:حياك في أي وقت بس أمي مو فاظيه تطبخ لك.
رائد:صاقعه تصقعك يازطي .
قيس:ههههههههه يالله تعال بسرعه.
رائد:أنزين مع السلامه.

قيس سد الخط وراح غرفة حوراءألي كانت قاعده تذاكر.

قيس:حوراء أبغاش في موضوع تركي كتابش واسمعيني.
حوراء تركت الكتاب:قول ترا خوفتني.
قيس:ههههه ليش خايفه.
حوراء:قيسوه أذا ماعندك شي روح ماليي خلق شي.
قيس:أصغر عيالش تقولي قيسوه.
حوراء:لأ كنت أفتكرك أكبرهم.
قيس:أنزين اسمعي رائد ألحين بجي وأبغى أسمع ردش صار لش سبوعين وأكثر وأنتي تفكري.
حوراء:أني اليوم رديت على أبوي.
قيس:وشو قلتي؟!
حوراء أستحت ونزلت راسها وسكتت.
قيس:ها السكوت علامه الرضا.
حوراء هزت راسها بلأيجاب.
قيس: مبروك أكيد رائدوه بطير من الفرحه يااااي رائدوه بيصير نسيبي.

قام عنها راح وهو فرحان أما حوراء تمت تظحك على خبال أخوها وردت اتذاكر.

بعد نص ساعه وصل رائد قعد يسولف شوي مع قيس
لين مل وقرر أنه يفتح موضوعه مع حوراء.
رائد:أمممم قيس أممم أختك ماردت.
قيس طالعه بنظرات حزن وسكت.
رائد خايف:لا تقول أن مافي نصيب.
قيس وفي صوته نبرة حزن:حاولت أقنعها بس مارضيت.
رائد شوي وبيصيح:ليش هي سمعت عني شي.
قيس:لأ هي تقول أن خشمك طويل واجد.
رائد خلاص ماقدر وفول من التعصيب وقف:روح قول ليها هي أصلآ تحلم بواحد زيي وأذا أنا خشمي طويل هي ويش تطلع أكي
قيس يقاطعه:هيه هيه هدي أعصابك وقعد ترى أمزح ومعاك.
رائد قعد:يعني شنو.
قيس وأبتسامته شاقه الوجه:
يعني مبروك يالنسيب.
رائد:لحظه لحظه أنا مو مستوعب عيد ويش قلت.
قيس:أقولك مبروك حوروه وافقت
رائد وقريب يطير من الفرحه:ومتى بنعقد؟!
قيس فتح عيونه على وسعهم: احلف ويش فيك مستعجل.
رائد:هههههه أختك أخذت عقلي.
قيس:بس عقلك.
رائد:عقلي وقلبي وروحي تصدق ياقيس أني ماكنت أصدق شي أسمه حب وخصوصي من أول نظره
كنت أقول أنه كلام فاظي بس لما شفتها سحرتني بسحر عيونها بهرتني بجمالها غلبتني جاذبيتها أخذتني ب
قيس يقاطعه:حدك عاد ألزم حدودك ألا قاعد تتكلم عنها أختي فاهم.
رائد:هههههههههههه.

ــــــــــــــــــــــــــــــــــــــــ

مكالمه تلفونيه بين أمل وحوراء.

أمل:كلمتي ساره؟
حوراء:أي كلمتها.
أمل:ليش هي غايبه اليوم؟!
حوراء:لأنها نامت في بيت جدتها المريضه.
أمل:أها.
حوراء:أني نقلت لها كل دروسها وباروح لها بعدين أساعدها في حل واجباتها أبغاش تروحي معاي.
أمل:مو مشكله مري عليي لأني أبغى أشوفها.
حوراء:أنزين بس مو تتمكيجي لأنها في بيت جدتها يمكن بالغلط يشوفش سلمان.
أمل من سمعت أسم سلمان
صارت في عالم ثاني.
حوراء:أملوه أملوه ألوه ألووووووو.
أمل:نعم أسمعش مو صمخه.
حوراء:أنزين أني باسكر عشان أجهز باي.
أمل: ساكته.
حوراء:أمــــــل.
أمل:ها ويش تبغي؟!
حوراء:أقول لش باي.
أمل:باي.

ــــــــــــــــــــــــــــــــــــــــ

#في بيت أبو جواد.#

جواد:أماه وين شيماء ماشفتها اليوم.
أم جواد:هي من جت من المدرسه وهي قافله عليها غرفتها حتى الغده ماتغذت.
جواد:أفا ليش أحد مزعلنها؟!
أم جواد:ماأدري روح أسأل دانوه.

جواد ماأنتظر ولا لحظه راح على طول غرفة دانه.

دانه كالعاده كانت في النت تتكلم مع وحده من صديقاتها.

دخل جواد عليها وهو يلهث من كثر ماكان يركض.
دانه:بل بل شفيك ويش صاير؟!
جواد:شيماء ليش ماتغذت اليوم في أحد مزعلنها؟!
دانه:بل كل هالركض عشان ست الحسن والجمال شيموه.
جواد:بلا تفلسف وقولي شفيها.
دانه:علمي علمك من وأحنا بالمدرسه وهي مو على بعضها.

جواد من سمع هالكلام راح غرفة شيماء دق الباب بس شيماء مافتحته.
جواد:شيوم أفتحي الباب أنا جواد.
بس ماحد رد عليه.
جواد:شيماء أذا مافتحتي الباب بكسره.
شيماء فتحت الباب رمت نفسها في حضن جواد وتمت اتصيح.

جواد شافها في هالحاله دخلها داخل الغرفه.

جواد يبعدها عشان يشوف وجهها:حبيبتي شيوم ويش فيش؟!
شيماء: ساكته.
جواد:من ألا خلاش تصيحي قولي وأنا باصيحه بدل الدموع بابكيه دم.
شيماء:أ أهئ..جواد.. ساره غدرت بي.
جواد:شووووووووووووووووو
وووووووو.

__________________________________________________ __________

الجزء السادس:

شيماء:أهئ أهئ..جواد..ساره غدرت بي.
جواد:شوووووووووووووووو
وووووو.
شيماء بصوت متقطع:سا ر ه
قا لت ع ن ها د ي
جواد:شيماء أنا مو فاهم شي..لحظه شوي وباجي لش.

طلع من غرفتها بعد دقيقتين
رجع وهو ماسك كاس ماي.
جواد مد الكاس لها:أشربيه وأهدئي قولي لي كل شي.
شيماء أخذت الكاس شربته وهي تشهق.

ــــــــــــــــــــــــــــــــــــــــ

#بيت جده ساره#.

حوراء:ساروه المدرسه مو حلوه من دونش.
ساره:شكرآ.
أمل:أوه..ساره..جوالي مفضي يبغاله شحن.
ساره:بسيطه جيبيه بشحنه.
أخذته راحت .. أمل وحوراء قعدوا يسولفوا ليما رجعت لهم ساره.
حوراء:ساروه من ألي يسكن في هالبيت؟؟
ساره:جدتي وسلمان..ليش تسألي؟!
حوراء:لأن البيت كبير وحلو مو معقوله بس أثنين يسكنوه.
ساره تناظر أمل:جدتي قالت أنها بتدور لسلمان عروس وبيعيش هو وياها في هالبيت.
أمل من سمعت كلام ساره تغيرت ملامح وجها .
ساره لاحظت عليها:أمل..ويش فيش؟؟
أمل:ها..لا..أقصد مافيي شي.
ساره:أمل أنتي تحب
حوراء قاطعتها اتأشر على التلفزيون:شوفو هذا يشبه رائد.
ساره:يااااااااااااااااي يهبل.
ساره:حلفي هذا يشبه رائد.
حوراء:تبغي الصراحه.
ساره:أكيد.
حوراء:رائد أحلى منه بواجد.
ساره:أنتي مره مفتخره بهالرائد.
حوراء:زوج المستقبل وماتبغيني أفتخر به.
حوراء تضرب جبهتها:أوه نسيت ماقلت لكم...حفلة خطوبتي يوم الأربعاء السبوع الجاي وأبغاكم تكنونو أول الحاظرين.
ساره:مبروك حبيبتي .. حضنتها وباستها.
أمل:مبروك عقبال العرس.
حوراء:ههههههههه ما بعرس الحين أول بخلص الدراسه.
ساره:ياعيني على طالبة العلم خخخخ.

يقطع عليهم سوالفهم رنة جوال حوراء.
حوراء:هلا ولله.
قيس:أهلين..خلصتي؟؟
حوراء:أي خلصت.
قيس:خلاص عجل بعد خمس دقايق تكوني واقفه على الباب لأني مو فاظي لش حق تتأخري.
حوراء:أنشاءلله.
قيس:باي.
حوراء:باي.وسدو الخط.
حوراء:أفففف هذا مايحس أني أبغى أتونس وأسولف.
ساره:ليش قلتي أنش خلصتي.
حوراء:لأني أذا قلت له ماخلصت بيهزئني وبيصرخ عليي.
ساره:الله يعينش عليه.
حوراء:قولي الله يساعد الا بتزوجه عليه.
أمل:زوجته بتكون حاله خاصه ماأعتقد أنه بيصرخ عليها.
حوراء:غريبه طلعتي تسمعينا.
أمل:أني مو صمخه عشان ماأسمعكم.
ساره:لا مو صمخه بس قاعده في عالم ثاني.
أمل تغير الموضوع:أنزين روحي جيبي جوالي.
ساره:نعم نعم كني فاظيه لش..أسفه أني تعبانه وماأقدر أروح اجيبه .
أمل بمسخره:حلفي
ساره:ولله العظيم.
أمل فتحت عيونها على وسعهم:ليش حلفتي؟ ألحين أني كيف اباخذ جوالي؟؟
ساره:بسيطه أركبي فوق واخذيه لأني حلفت ماأقدر أصوم ثلاثة أيام عشانش...و
أصلآ مافي أحد في البيت غيري يعني لاتستحي.
أمل سكتت شوي:وين حطيتيه؟؟
ساره مبتسمه أبتسامة النصر:أركبي بتشوفي على يمينش غرفه هي الوحيده ألا بابها مفتوح دخليها وبتشوفيه يشحن على السرير.

راحت أمل فوق .. ساره وحوراء قعدوا يسولفو.

ــــــــــــــــــــــــــــــــــــــــ

#في غرفة شيماء#.

جواد:أنتي متأكده أن ساره هي ألا قالت عنش هالكلام.
شيماء:أكيد لأن ماحد يدري أني أحب هادي غيرك أنت وهي ومرام.
جواد:من هي مرام؟؟
شيماء:هذي صديقتي مو معقوله تكون هي ألي قالت هالكلام.
جواد:شيماء ممكن تعيدي لي كل شي صار و بتفاصيل.
شيماء:أسمع...اليوم لما كنت في المدرسه وفي وقت الفسحه بتحديد كنت أتمشى مع مرام كنا نسولف بس جت لنا وحده من معارف مرام كان شكلها معصبه..............

هدى:مرام أني مو قايله لش لاتمشي مع هالصايعه.
شيماء عصبت أنصدمت:أني صايعه ياحقيره ياكل
مرام قاطعتها:شيماء تركيها تولي.
هدى:مرام أنتي ليش مو مصدقتني ترى ..أشرت على شيماء ..هذي وحده صايعه ما عندها أحترام لأهلها ألي وثقوا فيها.
شيماء قريب تضرب هدى:أحترمي نفسش أني أشرف منش ومن طوايفش يالخايسه.
هدى بستهزاء:أني مو قايله هالكلام من عندي ساره بنت عمتش هي ألي قالت لي أنش صايعه اتحبي ولد خالتش هادي وتكلميه بتلفون وتطلعي معاه بعد.
شيماء أنصدمت ما عرفت شتقول ظلت واقفه بادي على وجهها الأستنكار.
هدى تكمل كلامها:أشوفش سكتي...أيه ماتنلامي لأن أكيد ماتوقعتي أن بنت عمتش تفضحش...مرام أنصحش لا تمشي أياها تالي تخرب سمعتش...يالله باااااااااااي.

تركتهم راحت أما مرام مسكت شيماء ألي كانت بيغمى عليها من أثر الصدمه:شيماء ماعليش منها هذي وحده كذابه.
شيماء قريب تصيح:لا مو كذابه أصلآ محد يدري أني أحب هادي بس أني عمري ماكلمته بتلفون ولا طلعت وياه.
مرام:أني قايله لش من الأول أن ساره ماتنطاق بس أنتي كنتي عنيده.
شيماء:لكن بتشوف ابنتقم منها باعلمها من هي شيماء.
مرام خايفه:لا ماعليش منها خلها تولي لا تحطي عقلش في عقل وحده خاينه.


شيماء ودموعها بدت تنزل مره ثانيه:هذا كل الي صار.
جواد بغضب:وأنتي ليش ماأدبتيها.
شيماء:لأنها غايبه اليوم...بس بكره بأدبها وأشرشحها قدام البنات كلهم.
جواد:لا ماأبغاش تسوي لها شي.
شيماء:يعني تبغاني أسكت عنها.
جواد بعد تفكير عميق:لا أنا بنتقم لش منها...في براسي مخطط ولازم أسويه.
شيماء بخوف:بس أخاف أن
جواد يقاطعها:لا تخافي ما راح
أئذيها بس بخليها تجي تبوس رجايلش من كثر ماهي ندمانه...بس ألحين أبغاش تنسي الي صار وتبتسمي.
شيماء سكتت لفت وجهها لصوب الثاني.
جواد بحنان:شيمو مابتقومي تتغذي ترى حتى أنا ماتغذيت.
شيماء:مالي نفس أتغذى.
جواد:أمممم شو رايش لو قلت لش أني بوديش مطعم حق نتغذى بروحنا.
شيماء تمسح دموعها:يالله أطلع برى.
جواد:أفا أنا جواد تطرديني.
شيماء:ياغبي أطلع برى عشان أبدل ملابسي ونروح المطعم.
جواد:هههههههههههههههههه.

ــــــــــــــــــــــــــــــــــــــــ


نعود لأمل ألي تفاجئت من الغرفه ألي دخلتها لأنها غرفة سلمان والحبيبه نست أنها داخله الغرفه حق تاخذ جوالها ظلت تتعبث في أغراض سلمان .. لفتت أنتباهها ورقه فوق الكمدينه كان مكتوب فيها شعر .. فجئه حوراء تصارخ :أأأمممللل..أملوو..يالله بسرعه قيس ينتظرنا برى.
أمل من سمعت صوت حوراء أرتبكت.. راحت تاخذ جوالها ومن دون وعي منها أخذت الورقه حطتها في شنطتها طلعت من الغرفه رجعت لحوراء وساره.

حوراء:ويش قاعده تسوي فوق
صار لش 14 دقيقه وأنتي تدوري جوالش.
ساره: أخاف قاعده تسرقي أغراضي..هههههه.
أمل:من زين أغراضش على شان أسرقهم...وأنتين قاعده تحسبي لي كم دقيقه كنت فوق.
حوراء:لأن قيسوه بيذبحني أن تأخرنا.
أمل:أوففففففف أمشي أمشي قبل لا يذبحني معاش.
حوراء:ساروه مو تغيبي بكره.
ساره:أنشالله.
أمل وحوراء:باي.
ساره:باي.

بعد ما طلعو ساره راحت لغرفة سلمان ادور عن الورقه وطبعآ مالقتها.

ساره:ياربي..معقوله اتكون ضاعت وأمل ماشافتها..أفف الحين كيف بتعرف أن سلمان ايحبها..هي أكيد اتحبه امبين من حركاتها بس لازم أتأكد..يالله مع الأيام بكتشف أن كانت تحبه لو ما تحبه.

ــــــــــــــــــــــــــــــــــــــــ

بعد ما رجعت أمل البيت على طول راحت غرفتها قفلت الباب طلعت الورقه من شنطتها..
أمل بتردد:أفتحها لا لا هذي خصوصيات و مفروض أني ماأقرئها..أصلآ أني ليش أخذتها..أف الفضول بيذبحني أبغى أعرف الشعر الي مكتوب ألى من؟! وأبغى أقرأ الشعر..لا لا عيب ما بقرأه.

(فجئه ينطق الباب)
طق طق طق.
أمل خافت حطت الورقه تحت مخدتها راحت تفتح الباب.
أمل:هذا أنت..خوفتني ياغبي.
حسين:أمل تعالي ألعبي أياي بلاي ستيشن.
أمل:روح قول لحسن يلعب وياك.
حسين:قلت له مارضى .
أمل:قول لزهراء تلعب وياك.
حسين:زهراء قاعده اتصيح.
أمل:شووو..ليش تصيح؟!
حسين:ماأدري روحي أسأليها.

أمل راحت لغرفة زهراء لقتها قاعده على السرير تصيح.

أمل وهي تمسح على راس زهراء:حبيبتي من شو تصيحي.
زهراء: ساكته
أمل:زهراء ترى خوفتيني..فيش شي؟؟ صاير شي؟!
زهراء:لا مو صاير شي لا تخافي.
أمل:عجل ليش تصيحي!؟
زهراء:لأن قريت قصه نهايتها حزينه و ماقدرت أمسك دموعي .
أمل:ههههههههههههههههه.
زهراء:مو هذا وقت ضحكش.
أمل:ههههه..ويش عنوان القصه.
زهراء:قصة حب لم تموت.
أمل:ويه على قلبي.. وأنتي تصدقي أن في حب في هلأيام كله خيال في خيال.
زهراء:لا هذي القصه حقيقيه.
أمل:خلاص قولي القصه وأني بحكم أن كانت خيال ولا لأ.

ــــــــــــــــــــــــــــــــــــــــ

#في البحر#

سلمان قاعد مع صديقه وائل
وائل:سلمان شفيك صار لك ثلاث أسابيع متغير..عسى ماشر.
سلمان:أأأأه..وائل أنا طحت في الغرام.
وائل:له قول ولله..عسى بس حلوه وتستاهلك.
سلمان:حلوه..قول ملاك مو بس حلوه..فيها شي غريب يجذبني لها.
وائل:يعني حب من أول نظره.
سلمان:هههههه أصلآ أنا أستحقرتها أول ماشفتها.
وائل:له له لازم تقولي السالفه من الأول.

(وائل صديق سلمان الروح بروح وهو يحب بنت عمه وقريب يخطبها).

ــــــــــــــــــــــــــــــــــــــــ

#في مقهى من مقاهي الشباب#

هادي:هدي أعصابك ياجواد وقولي شسالفه.
جواد مارد عليه قعد يهز رجايله بطريقة عصبيه.
هادي:أحلف..خليتني أجي من بيتنا وأتعب نفسي وأخرتها اتم ساكت.
جواد:أذا قلت لك السالفه بتعصب أكثر مني ولا بتسوي لي مجزره.
هادي بدى يعصب:جوادوه بتقول لو أتركك وأمشي
.
جواد قال لهادي سالفة شيماء كلها.

هادي وقف بعصبيه:هذي حقيره ولازم تتعلم الأدب.
جواد:هدي أعصابك واقعد لا تفضحنا الناس كلها تطالعنا.
هادي:تبغاني أسكت وحبيبة قلبي ينطعن شرفها من خايسه ماتعرف ربها.
جواد:شوف أنا عندي شي يأدبها ويخليها تعض أصابعها ندم من ألي سوته.
هادي:يالله سمعني ويش عندك.
جواد:أسمع أنا.............

ــــــــــــــــــــــــــــــــــــــــ

#بعد يومين#

شيماء كانت تكلم ساره ولا كأن شي صار وهذا طبعآ طلب من جواد حتى يعرف ينفذ خطته وطبعآ ساره ماحست بشي(حليلها على قد نياتها خخخ).

ــــــــــــــــــــــــــــــــــــــــ

#بيت أبو قيس#.

حوراء وختها فاطمه في غرفة فاطمه.

فاطمه:أوهوووووو..وبعدين وياش خليني أكلم راشد على راحتي(خطيبها).
حوراء قريب تصيح:أنزين قولي له باي.
فاطمه:حوروه ويش تبغي؟!
حوراء:أبغاش تروحي معاي حق أشتري أغراض للعقد(الملجه).
فاطمه:أنزين بس لحضه...ألو
راشد:هلا..حبي أنتي مشغوله؟؟
فاطمه:بصراحه أختي تبغاني أروح معاها السوق.
راشد:خلاص روحي.
فاطمه:بس متى بتكلمني مره ثانيه.
راشد:مسرع ما أشتقتي لصوتي.
فاطمه بدلع:راشد بس عاد.
راشد:هههههه أوكي أخليش ألحين باي.
فاطمه:لحظه راشد متى بترجع البلد!؟
راشد:لو على كيفي كان رجعت بس ماأقدر.
فاطمه سكتت ولا قالت شي.
راشد:فطوم حبيبتي لاتزعلي بس هذي ظروفي.
فاطمه:له عادي.
راشد:أوكي باي.
فاطمه: باي.

حوراء:ها خلص كلام روميو وجوليت.
فاطمه ضربتها بالمخده.
حوراء:هههههههه تتوقعي أني ورائد راح أنكون زيكم.
فاطمه:طبعآ لأ لأن أني وراشد نحب بعض مو زيكم.
حوراء:أصلآ رائد يحبني أكتشفت أنه يحبني من قيسوه.
فاطمه:صحيح ماقلت لش ويش قالت أمي عن قيس.
حوراء:ويش قالت؟؟
فاطمه:أتقول أنه يبغى يعرس.
حوراء:شوووووووو!!!
فاطمه:هههه وأزيدش من الشعر بيت..أخوش يبغاش أنتي تختاري له البنت.
حوراء:مو معقول أكيد أنتي قاعده تمزحي.
فاطمه:أسألي أمي وأتأكدي..وألحين أطلعي برى على شان ببدل ثيابي.

ــــــــــــــــــــــــــــــــــــــــ

#في بيت أبو جواد#

شيماء قاعده في الصاله تاكل بوشار و مندمجه في الفيلم ألي قاعده تشاهده.

(فلم رعب هي تحب أفلام الرعب واااااجد وأسم الفلم final destination‏‏
2)
جى ليها جواد قعد معها
جواد ياكل الفوشار:ها شخبار الحلوه اليوم.
شيماء:بخير بس أنت اتباعد خلني أشوف الفيلم.
جواد:ويه شيمو أنتي امغبره هذا الفيلم قديم.
شيماء:أنزين خلني أشاهده.

فجئه يرن جوال شيماء يالي كان بجنب جواد.

جواد:شيمو جوالش يرن.
شيماء:أفففف كنه هذا وقته شوف منو متصل.
جواد:مكتوب ساره.
شيماء:هذي ساروه بنت عمتي ماأبغى أكلمها.
جواد:مو على كيفش... اخذي كلميها.
شيماء:أوففففففففففففف...ألووووه.
ساره:السلام عليكم.
شيماء من غير نفس:وعليكم السلام.
ساره:كيف الحال؟؟
شيماء:الحمدلله ابخير.
ساره:شيماء أنتي مشغوله؟؟
شيماء:ليش تسألي؟؟
ساره:لأني قاعده بروحي في البيت وأمي وزوجها ووليد راحو مجمع الظهران.
شيماء:أيي بس أني بعد اشوي بطلع.
ساره بخيبة أمل:أوكي باي.
شيماء:باي.

شيماء:كني فاظيه لها..بكل قواة عين تقولي تعالي لي.
جواد:هههههههههههه..ليش ويش عندها؟؟
شيماء:تقول أنها قاعده بروحها في البيت..ماأدري كيف أهلها هاملينها ومخلينها بروحها في بيتهم.
جواد:أنتي متأكده أنها بروحها.
شيماء:أيي متأكده.

جواد راح لغرفته أخذ مفتاح سيارته.

شيماء:جواد وين بتروح؟؟
جواد:هذا هو الوقت المناسب حق أنفذ خطتي.
شيماء بخوف:بس ياجواد
جواد يقاطعها:قلت لش لا تخافي ماراح أئذيها ولا مو واثقه فيي.
شيماء:امبلا واثقه بس
جواد:باي ... راح من دون مايسمع ردها.

ــــــــــــــــــــــــــــــــــــــــ

#في بيت أبو حسن#

أمل:حنون ماتدري وين راحت زهراء.
حنان كانت تذاكر مادة علوم ماعارة لأمل أي أهتمام.
أمل عصبت:حنانو قاعده أكلمش وانتي حاقرتني.
حنان بهدوء:قاعده في غرفتش.

أمل راحت غرفتها
أمل بتسليه:زهراء شو عم تعملي بغرفتي.
رهراء مرتبكه:ها .. لا .. أقصد أي.
أمل راحت بجنب زهراء:ويش فيش مرتبكه.
زهراء بعد ما أستجمعت شجاعتها وجرئتها:أمل بسألش سؤال بس حلفي أنش تجاوبيني.
أمل:أمممم على حسب السؤال.
زهراء:من هو سلمان؟؟

أمل أنصدمت طالعتها وهي متفاجئه.

زهراء:أوكي أذا مو حابه تقولي من هو..على الأقل قولي لي من متى سلمان يحبش؟! وأنتي تحبيه لو لأ؟!
أمل وقفت متفاجئه:أنتي من وين جايبه هلكلام؟! وكيف سلمان يحبني؟!!!!!!!!!!!!!!!!!!!

.................

الجزء العاشر:



دانه:ألوو.
جواد:هلا ها تسمعيني.
دانه:أي أسمعك ويش تبغى؟
جواد:كنت أبسألش متى تبغوني أجي أخذكم.
دانه:صحيح سخيف الحين خليتني أتعب نفسي وأطلع برى في الحديقه حتى مكياجي بيخترب وتقولي متى أجي أخذكم..مالت عليك.
جواد:أنزين خلصيني متى أجي؟!
دانه:أف ماأدري يمكن الساعه12.
جواد:شووو ويش رايش تنامو أياهم.
دانه:خلاص لما انخلص بنتصل لك.
جواد:باي
دانه:باي.

دانه:أففف حر أكيد مكياجي أخترب..أوه في مرايه هني(دانه كانت تمشي لما كلمت جواد فوصلت عند الحمام الي برى في مغسل وفوقه مرايه فقررت أنها تعدل نفسها).

*ومن جهه قريبه للمغسل*

قيس:خلاص فاطمه ألحين باجي.
فاطمه:مو تتأخر.
قيس:أنتو الي لا تنقعوني من الحر برى.
فاطمه:زين مع السلامه.
قيس:الله يسلمش.

(سيارة قيس قريبه للمغسل فلازم يعبر على المغسل عشان يروح لسيارته)

دانه كانت أتعدل نفسها أنتبهت
أن تركيتها(القراط)مقلوبه ففسختها عشان بترد تلبسها عدل بس لما سمعت صوت أحد جاي اجمدت مكانها وماعرفت شتسوي بس لما أتضح لها شكل قيس على طول ركضت لداخل وماتركت فرصه لقيس يميز شكلها.

قيس أنحرج لأنه ماأتوقع أن في أحد عند المغسل و تم واقف ليما أستوعب ألا صار وأتذكر أنه لازم مايتأخر لكن وهو يمشي أنتبه على تركيه مرميه على الأرض أخذها ومن ألوانها أستنتج أنها لدانه لأنها جايه على ألوان ثوبها.

دانه دخلت وهي تتنفس بسرعه من الركض.
شيماء:دانو ويش فيش جذي؟!
دانه:ها مافي شي.
ساره:عاد جايه تركضي وتقولي مافي شي.
دانه برتباك:لا..قصدي..أي شفت صرصور فخفت وجيت.
ساره:أمم علينا.
دانه:عن السخافه يعني ويش باشوف.
شيماء:ساره..أمل جت.
ساره:وين هي.
شيماء:هذي جايه لش(علاقة شيماء بساره رجعت زي ماكانت وأحسن لدرجة أنها أتعرفت على أمل وحوراء وصارو صديقات لأن شيماء حبوبه وبسرعه تتأقلم...ساره ماسألت شيماء عن سبب تركها لمرام لأنها ماحبت تضايقها و شيماء خافت تقول لساره و تكرها).

_________________

#سيارة قيس#

قيس راح أخذ فاطمه وحوراء
حوراء:فاطمه متأكده تسريحة شعري احليوه.
فاطمه:واتهبل بعد.
حوراء:ومكياجي يناسبني لو لأ.
فاطمه:أنتي أي مكياج يناسبش.
حوراء:و ثوبي ماحسيته فظفاظ.
قيس يتدخل:أوهو أنا أفتك من هذرة رائد اهناك وأنتي تهذري أهني.
فاطمه:هههههههه هو نفس حالتها؟!
قيس:طفشني مره يقولي شوف شعري ومره شكلي ومره ثوبي ومره عطري ومادري شو ولله مللني.
حوراء:أي أحسن عشان يتكشخ أذا ماتكشخ لي عجل لمن بيتكشخ.
قيس:من زينش الا يتكشخ لش.
حوراء:مالت عليك وهذا أني الا كنت بادور لك عروس الليله.
قيس:ههههههههه ش رائد بيتركش تطالعي في الناس..هو كل اشوي يرن عليي عشان أسرع حتى توصلي بسرعه.

حوراء أستحت و سكتت ولاقالت ولاحرف وفاطمه وقيس طول الطريق تتكلمو


(لما وصلو دخلو حوراء والكل أنبهر من جمالها وراحو يباركو لها وهي مستحيه حدها لأن الكل يطالعها...بدء الرقص وألا رقصو هم(شيماء ودانه وأمل وساره)(وريهام بنت خالة رائد وبعض زملاء حوراء).

حوراء تساسر فاطمه:فطمو شوفي ريهام ودانه و(رويدا ودعاء زملائها)احليوين مو.
فاطمه:أي والمعنى.
حوراء:أبغى وحده منهم لقيس.
فاطمه:أول مره أشوف وحده.في حفلتها تقعد تتنقى لأخوها عروس.
حوراء طنشت كلامها:دعاء ماإعتقد تناسبه لأنها طويله وهو مايبغى طويله و رويدا ضعيفه واااجد يعني بختار له يادانه أو ريهام.
فاطمه:هههههه صحيح أنش مضحكه.
حوراء:أفف ألحين من أختار دانه وله ريهام.
فاطمه: هم كم عمرهم.
حوراء:ريهام يمكن20ودانه في 17.
فاطمه: أني أشوف أن دانه أحلى بس صغيره وماأظن أنها بتوافق تتزوج ألحين.
حوراء:خلاص باقول له عن ريهام.

(رن جوال فاطمه وتركت حوراء وراحت المطبخ عشان تسمع عدل)

فاطمه:هلا..ها ويش تبغى.
قيس:تعالي لي في المجلس الصغير(مجلس أحتياطي).
فاطمه:الحين باجي..باي.


فاطمه وهي تدخل المجلس:قيس...قيس.
(فجئه قيس ربط شال على عيونها)
فاطمه:قيسوه بلا هلحركات.مكياجي بيخترب.
قيس:لا تخافي على مكياجش عندي لش مفاجأه.
فاطمه:ههههه زين ابسرعه عن لاأتأخر على حورو.
(سمعت صوت الباب يتسكر)
فاطمه:قيس بلا سخافه.
(ما رد عليها وسمعت حركه جنبها)
فاطمه:قيس ترى باشيل الشيله عن عيوني.
(سمعت<<أصه>>يقصد سكتي وفجئه باعد شعرها الطويل عن عنقها وشال السلسال والتراكي الي عليها ولبسها سلسال وتراكي غير عن ألي قبل وأحلى وقف مقابلها وأخذ يدها ولبسها خاتم مسكها وقفها عند المرايه وفك رباط الشيله)

فاطمه بكل دهشه:الله مره روعه ايجنن لا ايهبل.
....:وحشتيني عمري.
فاطمه لفت صوبه وبكل فرح ودهشه:راشد!!!!!

(راشد أحتضنها وهي بعدها متعجبه أنه رجع من السفر من دون مايقول لها بس مستحيه منه واااجد...راشد جلس على الكنبه وجلسها بجنبه).
فاطمه:متى رجعت!؟وليش ماقلت لي!؟
راشد:لأني كنت أبغى أفاجئش(يناظرها بنضره تقتل)حبي طالعه قمر.

فاطمه أتلونت بكل الألوان من الخجل والمستحى.

راشد:فطوم لما شفت الثوب كان حلو بس عليش طالع أحلى وأحلى.
فاطمه بصوت هادء حده:شكرآ على الثوب و ال
راشد (حط يده على فمها):أنتي حبيبتي وخطيبتي وزوجتي مستقبلآ ماتبغيني أدللش وأبين لش حبي..حبي ماأشتقتي لي؟
فاطمه تضربه بلخفيف:خلاص راشد لا تخجلني أكثر من جذي.
راشد:ههههه أموووووت فيش.
فاطمه وقفت: أتأخرت على حوراء(وراحت وهي قريب تطير من الفرحه لأنها شافته).

على الساعه10ونصف دخلو رائد على حوراء .

أم رائد وأم قيس:كللوووووووووووووش.

رائد سلم على حوراء وباس جبينها وهو منبهر بجمالها جلس بجنبها ولبسها الشبكه والبنات كلهن يطالعو في الثنائي الحلو.

(بعد ماخلصو كل شي تركوهم لوحدهم)

دانه:شيماء أتصلي لجواد .
شيماء:أني نسيت جوالي في البيت أتصلي له أنتي.
دانه:خلصت بطارية جوالي.
ساره:حافظين رقمه؟!
شيماء:طبعآ.
ساره:أخذي جوالي.


جواد:ألوو
شيماء:هلا
جواد:أهلين
شيماء:يللا تعال ألحين
جواد:تكلميني من جوال من؟!
شيماء:جوال ساره.
جواد:أها..ألحين باجي..باي.


ساره:أمل بترجعي ويا من؟
أمل:خالي راشد أهني وهو ألا بيرجعني البيت.
ساره:زين...صحيح حورو صدقت في رائد احليو مو.
أمل:سلماني أحلى.
ساره: مالت عليش وعليه من زينه عاد.
أمل بدلع:ماطلبت رأيش.
تجي لهم شيماء:ساره أجهزي الحين بجي جواد.
ساره:أوكي بس وين دانه؟!
شيماء:أتعرفت على وحده من البنات وقاعده تكتب لها أيميلها.
أمل:ساره جوالش يرن.
ساره:رقم غريب..شيماء هذا رقم جواد؟!
شيماء:أي...ردي عليه.
ساره:لا مايحتاج يللا نطلع..باي أمل

_________________

#سيارة أبو جواد#

شيماء:جواد تقدر أتمر على باسكن روبنز نفسي في أيس كريم.
دانه:أي أني بعد أبغى.

وقف جواد عند باسكن وقبل مايطلع من السياره

جواد:تبغوه على ويش؟!
دانه:توتي.
شيماء:مشكل.
جواد:ساره على ويش تبغيه؟!
ساره من دون ماتلف صوبه:ماأبغى مو مشتهيه.
دانه:لاتستحي عادي مهو أيس كريم.
ساره:أني ماأبغى(قالتها بصوت حاد)
(دانه وشيماء أستغربو أسلوب ساره لكن جواد كان حاس أنها بتعامله بهلأسلوب وراح من دون مايقول شي)

لمارجع جواد كان جو السياره هدوء وماحد يتكلم وطول الطريق ساكتين...وصلو بيت ساره..نزلت من السياره بس وقفت لأن
جواد(يفتح نافذة سياره):ساره
ساره:نعم
جواد:تعالي لحظه.
ساره(أفف ويش يبغى)

وراحت وقفت عند نافذته

ساره وهي واقفه بدلع من غير قصد:نعم.
جواد كان نفسه يضحك بس مابغى يحرجها:أمممم أشتريت لش أسكريم وماأعتقد أنش بترديني.
ساره بنفعال: أني قلت لك ماأبغى.
جواد بجديه:أذا ماأخذتيه بدخل البيت باروح لعمتي بافشلش قدامها وباقول أنش
ساره تقاطعه:لا لا لا لا ماني ناقصه هذره قبل ماأنام.
جواد يبتسم:عجل أخذيه.
ساره من غير نفس:شكرآ(وأخذته وراحت).

_________________

#بيت أبو قيس#

رائد وحوراء كانو منسجمين في الكلام وحوراء مرتاحه لرائد وفرحانه على أختيارها لأن رائد كان صريح و ياها لأبعد الحدود.

رائد:حوراء أنا أحب أكون صريح وياش من البدايه ..باقول لش شي أبغاش تفهميني زين.
(حوراء هزت راسها تعني قول)
رائد:لما كنت صغير كانو الأهل مسميني لبنت عمي<<جنان>>بس أنا ماكنت أحمل لها أي نوع من الحب غير الأخوه لأني تربيت معها وأحسها زي أختي بس لما خطبتش الكل اتفاجئ وخصوصآ هي لدرجة أنها ماجت الليله تبارك لش.
حوراء:يعني هي اتحبك
رائد:يمكن ماأدري.
حوراء:ليش ماتزوجتها دامها أتحبك(حست بألم وهي تقول هلجمله بس ماعرفت ليش)
رائد تفاجئ بس أبتسم:قلت لش أني أحسها زي أختي وغير هذا السبب أني من شفتش حبيتش وماقدرت أنساش كيف تبغيني أخذ وحده غيرش.

(حوراء أرتاحت من كلامه وزاد أعجابها به أكثر وأكثر..وكملو سوالفهم ليما أستأذن رائد وطلع..حوراء بدل ماتنام ظلت طول اليل تتكلم عن رائد لفاطمه)

*اليوم التالي في الصباح*

حوراء:قيس تعال أبغاك.
قيس:أوكي سبقيني على غرفتي ألحين جاي.

*غرفة قيس*

قيش:نعم ويش تبغي؟
حوراء:شفت لك وحده أمس احليوه وشعرها طويل وأسود وهي بيضه و
قيس:لحظه لحظه ويش لون ثوبها؟!
حوراء بأستغراب:بنفسجي على وردي.
قيس:ما أبغاها.
حوراء:ليش؟!

(قيس فتح درج كمدينته وطلع تركيه دانه)

قيس:أنا أبغى صاحبة هلتركيه.
حوراء:من وين جبتها.
قيس:تعرفي صاحبتها.
حوراء:أكيد لأنها الوحيده ألي لبست أكسسوارات هنديه وكان شكلها يجذب و يلفت الأنتباه بس كيف وصلت لك تركيتها
قيس:كنت رايح لسيارتي حق أخذكم وشفتها عند المغسل يمكن كانت تعدل التركيه ولما شافتني طاحت من عندها التركيه وراحت بسرعه.
حوراء:الله يعني زي أني ورائد.
قيس:من قالش أني حبيتها.
حوراء:عجل ويش معنى كلامك؟!
قيس:اصلا انا ماشفت وجهها لانها كانت سريعه بس ابغاها لانها دخلت مزاجي
حوراء:لا والله
قيس: اي والله..يللا قولي لي اسمها علشان اقول لاامي اتروح تخطبها لي
حوراء:بس دانه ماتصلح لك
قيس:لانه والله..اكيد تبغيي تلعبي بعصابي زي ما لعبت اعصاب رائد يوم قال يبغاش
حوراء:ليش انت ويش قلتله
قيس:مومهم.....قولي ليش ماتصلح لي
حوراء:دانه صغيره والفرق بينك وبينها يمكن باسنين
قيس:عادي...انتين بعد الفرق بينش وبين رائد يمكن ست سنين
حوراء:لادانه رقبقه وانت عصبي يعني ماتصلح للك
قيس:اذا مابخطبتيها لي مابغى اتزوج
حوارء:هذا وانت ملتحبها تقول جذي لو تحبها ويش بتسوي
فاطمه تقاطعه:حوراء....حوراءهذا ايميل من
حوراء:جيبي باشوف..هذا ايميل دانه وين شفتيه؟!
فاطمة:على الطاوله تحت...كيف علافتي انه ايميل دانه؟!
حوراء:لان هي الوحيده من الا كانو اهني اتحب المثل زايدخان الهندي وامسميه ايميلها زايد ع اعلشانه
فاطمة:هاهاهاهاهاهاها تكته
قيس:ممكن تكلموا هذرتكم برى غرفتي
فاطمة:اصلا اني بطلع لاني مااتشرف اقعد في غرفتك (وطلعت)
قيس يلف صوب حوراء:نعم ويش تبغي
حوراء:الله يعني الابتاخذك (وطلعت)
قيس على طول راح لكبيوتر وظاف دانه على ايميله
________________________

#مكالمه بين ساره وسلمان#


ساره:يوووه نسيت ماقوللك .....امل ماتبغاك تخطبها الحبن اتقول اذا كنت تبغاها اخطبها في الاجازه وغير جذي عندها شرط
سلمان:وشوء؟!
ساره:تبغء اتروح الجامعه؟!
سلمان:والله اتروح الحامعه مااتروح الجامع مايهمني اهم شي اصبح بوجها كل يوم وانها تكون معي على طول


_____________________________


ابو جواد اخذ اولادو وزوجته وراحو بيت الجد(ابو ام جواد)لانهم متعودن كل جمعه يتغذو عندهم ويجتمعو
*في الصاله*
كانو كلهم مجتمعين(دانه وشيماء وصفا)(صفا اخت هادي ومتزوجه وعمرها21)وديما(بنت خالهم وعمرها16)وكوثر(اخت ديما وعمرها 14سنه).....وجت لهم بنت خالتهم
الخاله(حامل في الثامن):بنات وحده اتروح تحمل صفريه غذاء الرجال
كوثر:اني صقيره ومااقدر احملها ثقيله علي
ديما:واني رجلي مكسوره لو نسيتي(طاحت من الدرجه وانكسرت رجلها)
صفا:اني اخاف على الجنين
دانه:ظهري يعورني وماقدر احمله(كلهم حولو انظرهم الى شيماء اكيد ماقدرت ترفض وراحت المطبخ)
شيماء(مالت عليكم .ويه ثقيل كيف بحمله.اف على الاقل وحده تجي تحمله وياي)
(شيماء كانت لابسه عباتها الكتافي بس مو مغطيه وجها لانها تلبس نقاب ونقابها في الصاله فما لبسته
فجه وهي تمشي بابطيئ لانه ثقيل دخل هادي المطبخ عشان ياخذه واتفاجئ بشيماء الي صارت قريبه منه كثيييير
شيماء كانت بتغطئ وجها بلفتها بس ماتقدر لانها ماسكه الصفريه
هادي كان متحبل عليها وكان بوده انه مايبعد عينه عنها
هادي:اكيد ثقيله عليش ...جيبي بحمله عنش (شيماء كانت مو عارفه ويش ترد ويش اتسوي وهادي حمله عنها)
هادي بهدو ورقه:قبل لاتروحي الصالهغطي وحهش لان اخوي اسعد هناكوماابغى يشوف فارسة احلامي
شيماءوجها اتلون بجميع الالون (هادي ماحب يحرحها اكثر وتركها وطلع)
بعدين اتغدو وقعدويسولفواشوي وبالمغرب رجعو البيت ...دانه مادخلت على النت لان الليله السبت ولازم تنام من وقت


_________________________________

اليوم الثاني الساعه 11الصبح#بيت ابو وليد

ام زليد سمعت صوت جرس الاب وراحت تفتحه الاهو جواد
جواد:السلام عليكم
ام وليد:هلا جواد وعليكم السلام
جواد:ويش حالش عمو
ام وليد:الحمد الله بخير انت ويش حالك ويش حال امك واخوتك وابوك
جواد:الحمد الله كلهم بخير ....انا كنت مار اهني اخذ سيارتي من المصلح قلت اسلم واطلع
ام وليد:لاوالله ماتطلع اتفضل اصلااني قاعده بروحي ابوليد في العمل وساره ووليد في المدرسه
جواد:انزين بس شوي بطلع
ودخلو دخل وتمو يسولف
ام وليد:ماشفت للك شغل
جواد:اي قدمت اوراقي وطبعا قبلوني وبادوام من اسبوع الجاي
الاشوي رن التلفون وراحت رفتعه ام وليدوقعت دقيقتين بعدها سكرته ورجعت لجواد وهي متضايقه
جواد:عمو ويش فيش؟!
ام وليد:مافي شي بس سواق ساره يقول انه مايقدر ايروح ياخذها ومادري كيف بتجي
جواد:مو مشكله اما اوصلها
ام وليد:اي احسن من اذا توصلها وحده من صديقاتها
جواد:خلاص عجل الحين باروح اليها ...(وطلع من البيت)




هل ساره بتقبل ان جواد
يوصلها
شوراح تسوي
وهل دانه بتكلم قيس على المسنجر
شوريكم في صرحة رائد وهل حب جنان لرائد ممكن يعمل مشكله بين حوراء ورائد؟!