دخيـلك لا تبكيني

عنوان الموضوع : دخيـلك لا تبكيني
مقدم من طرف منتديات الشامل

يضيق الصدر.. لاشفتك.. حبيبي تمسح دموعك
ترى مااقوى على حزنك.. لك الله لاتبكّيني

حبيبي للفرح دايم.. ابيك اتوّقد اشموعك
وابا زورك.. وابفرح به.. لو انه مايدانيني

وش اللي صار باحوالك.. طلبتك قول موضوعك
ألى هالحد تغليني.. وماودك تعنيّني

تعال وشوفها احزانك.. بَنَت في روحي افروعك
هدمت افراح من شانك.. وماتن بي بساتيني

حرام ارتاح في نومي.. إذا ماارتحت بهجوعك
قسم بالله مااخونك.. مدامك حيل تغليني

تراك النور لعيوني ..طلبتك جود بطلوعك
أنا المجنون والتايه.. وليل الهم معميني

ومدامك مكسف وذابل ..وزايد ياسك وروعك
أنا لامن دخلت الويل ضايع.. من يقدّيني؟!

وليل من الفرح يبكي ..يبيك اتجود برجوعك
وهمّاً تلف حالي.. كفر بي.. لاعباً فيني

حبيبي وش تبي قلي.. أنا كلي رهن طوعك
علامك يابعد عمري.. حزين وماتحاكيني


تعال وخذ من اشعاري.. تسّلا عطني اسموعك
وإذا ماجاز لك شعري.. حرام اتخطه ايديني

تبي قلبي ترى جالك.. رحل لك ..داخل اضلوعك
تبي روحي ..تبي فرحي.. تبي مالي.. تبي عيني

حبيبي جيتك بدمعي.. وودي تمسح دموعك
أنا غصّتني العبره.. دخيلك لاتبّكيني

<center> >>>>> ردود الأعضـــــــــــــــــــاء على الموضوع <<<<<
================================== </center>

لمسااات هادئه ... شاعرتنا القادمه .. صحباح الخير ...

اشكرك على هذا الاحساس ... لكن إلى الحين ما سمعتي كلامي ..

اهتمي بالوزن .. واذا ما تعرفين .. عطيني خبر ..

تحياتي لك.. عدنان العنزي

__________________________________________________ __________
مشكــــــــــوراخوي&عدنان العنزي&واسعدتني ملاحظاتك الرائعــــــه
دمت بــــــود
اخوي ايه ماعرف ممكن تساعدنــــــي؟؟؟؟؟؟
ولي مشاركة بقلمي اسمها خاطرة هذي وزنها حلو والا لا؟؟؟

__________________________________________________ __________
بالعكس يا لمسات هادئه

ولا يهون عدنان ..

الوزن مافيه شي بالعكس مضبوط ..

والقصيده روعه من جد ..

ومافيها اي شوائب ..

واحساس جميل منك والله ..

والى الامام يا شاعره المليون

وفالك البيرق ..

اخوك / خالي البال

__________________________________________________ __________
مشكور على المرور

__________________________________________________ __________