(روايه مستحيل احبك مستحيل اعيش من دونك) رومانسيه جريئة
عنوان الموضوع : (روايه مستحيل احبك مستحيل اعيش من دونك) رومانسيه جريئة
مقدم من طرف منتديات الشامل
السلام عليكم اليوم حبيت انزل لكم روايتي الاولى واتمنى تعجبكم
ونزلتها هنا من بعد ماشفت التشجيع من المنتديات الثانيه وان شاءالله
تنال اعجابكم
بعنوان[مستحيل احبك ...مستحيل اعيش من دونك]+عهود: يمه كم مرة اقولك زواج لا يعني لا
أم عبدا لله:ليه طيب رافضه الرجال مايعيبه شئ أبوك سال عنه وعن أهله والنعم منهم ولا تنسين بعد انه صديق خالك وطبعه من طبع خالك يعني عز الطلب
عهود:أنا ماقلت في الرجال شئ بس الزواج شيليه من بالك لا تقولين لي ان هو سنة الحياة
لأني عارفه وعارفه الاسطوانة حقتك بس انا مش مقتنعه بالزواج اساسا
ام عبدالله:طيب ليه وافقتي انك تدخلين على الحريم مادمك ماراح توافقين
عهود:يمه انا طوعتك وقلت اسكتك ودخلت لك على الحريم وتوقعت مثل كل مرة انك ترفضين اوهم يرفضون عشان كذا قبلت ادخل
ام عبدالله:طيب احنا عطينهم كلمة وابوك وافق وقال لهم بكرة يجون عشان يتفهمون على كل شئ و..
عهود تقاطع امها:نعم ومن عطاكم الحق عشان توافقون صحيح انتوا اهلي بس هذا مايصير انا مستحيل اتزوجه
ام عبدالله :حرام عليك ليه تبين تحرميني من اني اشوفك عروس واشوف عيالك
عهود: الله يخليك لا تظغطين على واظن انك عارفة ايش السبب ومافي شئ بالدنيا يغير رايي بالزواج
ام عبدالله: ياحبيبتي لاتحكمين عليه من تجارب غيرك
عهود: ابغى اعرف انت ليه مصره عليه
ام عبدلله: لاني حاسة انه هو الي بيتحملك وهو الي بيقنعك ان الزواج نعمة
عهود: ايه باين انه نعمة والدليل حياتك
ام عبدالله حز في خاطرها : ياحبيبتي قلت لك لاتحكمين من تجارب غيرك...وبعدين ياقلبي الرجال
كل يشهد باخلاقة وبالعاني افنعنا ابوك يصرف النظر عن زياد ولد عمك
عهود: بس
تقاطعها ام عبدالله: لابس ولا غيره اذا كنت ماتعرفين مصلحتك انا اعرفها ومصلحتك مع تركي
وحطي ببالك ان ابوك يتمنى انك ترفضينه عشان يزوجك زياد وعارفه انه مو من صالحك تاخذينه
لانك بتعيشين نفس حياتي وازيد
عهود وعيوني امتلت دموع: يمه بس ماابي اتزوج
ام عبدالله: مو انت تثقين فيني
عهود بعد تفكير وتردد: ايه
ام عبدالله: وتعرفين اني مستحيل اضرك صح
عهود:امم
ام عبدالله: اتكلي على الله واستخيري وبعدها لك مني اصرفه لو ماارتحتي له مو لانك مش مقتنعة
خلاص
عهود:.............
ام عبدالله: خلاص
عهود:امم
ام عبدالله: الليله بشوفك واسمع منك
عهود: ليه
ام عبدالله وهي طالعة من غرفة عهود:الموضوع
عهود:بس....
ام عبدالله :لان خوالك حددو ان بكرة تصير الشوفة والتفاهم على كل شئ
عهود كنت مصدومة:ليه العجلة طيب
ام عبدالله: مانبغى ابوك يتراجع وخلينا نضرب الحديد وهو حامي
لما طلعت امي من الغرفة توجهت على طول للتسريحه وخذت الجوال ودقت على بنت خاله تشكي لها[عهود عمرها 23سنه جسمها حلو لاهي سمينة ولا ضعيفة بيضا وشعرها ناعم وطويل يغطي اردافها صابغته بني غامق ومطلع بيضها وحلوة]
عهود:لحقي علي تعالي شوفي المصيبة الي انا فيه
ا
نجود:الناس اول يسلمون يسالون عن الاحوال والاخبار
عهود:انت فاضيه اهلي بيزوجوني
نجود:لا هههههههه ردو اهل المعرس ووافقت عمتي بعد شصير في الدنيا توقعت السالفة مثل كل مرة ينرد او هم الي يردونك
عهود:هذا من حظي الزفت والا انا الغلطانة يوم اسمع كلامك واوافق ادخل لم "وهي تقلد نجود دخلي لهم وانت عارفة ان امك ماراح توافق انك تروحين الدمام بس عشان تسكتينها"مالت عليك هذه وافقت ولا وقالت لابوي بعد وبكرة بيجون يتفاهمون بالتفاصيل يعني خلاص رحت فيها
نجود:شنو رحتي فيها اول مره اشوف وحدة على وجه زواج ومسويا عزىيابت الناس عسى ان تكرهو شئ فهو خير لكم وبعدين ليه ماتفكرين بالناحية الايجابية انك بتصيرين قريبة عندنا متى مابغيتي تجين عندنا تجين
عهود:وهذا الي هامك من الموضوع احر ماعندي ابرد ماعندك انت عارفة رايي بالزواج
نجود:عارفه والله عارفة مستحيل اخلي رجال يتحكم فيني والا يمشي كلمته علي والا يطول صوته ويتحكم بروحتي وجيتي صح مش هذا جزء من كلامك المشهور
عهود:مادمك عارفه ليه تطولين السالفة
نجود:عارفة بس الي يسمعك يقول انك من سوق لسوق ومن بيت لبيت هذا انت حالك من حالنا لا روحه لولا جيه مافي غير بيت جدتك والا مزرعتها
عهود:عارفه بس انت عارفة اني مش مقتنعة بفكرة الزواج يعني واحد غريب ماعرفع فجأةيصير الامر الناهي في حياتي خيران شاءالله ماله حق لهو ابوي ولا امي ياماما خليني معززة مكرمة بيت اهلي احسن لي
نجود:وانت ان شاءلله بتكونين معززة ومكرمة عنده ولاتنسين انه صديق خالك بعد يعني اخوك مستحيل يخليه ياخذك اذا حس انه ممكن يذلك او يهينك او يطين عليك عيشتك ولا مافي ثقة في خالك وغير كذا هو محترم
وبيغوضك عن اشياء كثيرة فقديتها
عهود:وش الي يضمن لي انه مايصير مثل ابوي ويذلني مثل مايل امي
نجود:اجل وين كلامك معززة ومكرمة بيت ابوك ؟
عهود بضيق: فهميني على الاقل ابوي له الحق يسوي كذا فيني بس هو اذا سواها ماله حق
نجود:طيب انتي استخرتي
عهود: الصراحة ايه امس مادري ليه حسيت انه محتاجه استخير
نجود: وبعدين
عهود: ماعرف ..بس الي حسيته اني مرتاحة وحلمت بحلم وقلته لخالتي العنود وقالت بتسأل
عن تفسيره وتقول لي اليوم
نجود: اوكي انتظري لما تدق عليك بس لا تعتمدين على الحلم بس
عهود: عارفة بس ليه انتوا مو راضين تفهموني انا واحدة مو للزواج مااصلح
نجود:صدق يوم قال عمي انك عقلك رايح فيها
عهود:اقول انطمي لاطلع م السماعة واهبداك
نجود:ههههههههههههههههههههههههههه
عهود :أي شعليك انت طيب عندي فكرة شرايك احوله عليك
نجود: نعم لا ياحبيبتي اا ماخذ فضالة احد
عهود: ياربي شسوي
نجود:يابنت الناس عسى ان تكرهوا شيئا فهو خيرا لكم
عهود:يعني عاجبك انهم حطوني بالامر والواقع
نجود:انت قلتيها واقع مافي بنت تجلس من غير زواج الا ان كانت شينة او فيها بلى وانت الحمدالله مافي شئ وحمدي ربك انهم ماقطوك على أي واحد والسلام ماعطوه الموافقة الا بعد ماطلعوا روحه اكيد وانت عارفة خوالك بس انا مش كاسر خاطري الا رجلك العتيد مسكين اكيد امه داعيه عليه بياخذ واحدة مثلك معقدة
عهود:مالت عليك اقول هذا الي مفروض تقولين يانعومه اذا خذني تقولين كاسر خاطرك مش اللوم عليك اللوم على الي يكلمك
نجود:انا ماضربتك على ايدك وقلت لك دقي علي
عهود:نججججججججود
نجود:خير
عهود :دبريني عاد
نجود: يعني شتبيني اسوي وبعدين لاتستعجلين ممكن يكون هالرجال مثل ماتبينه وعندك فترة الخطوبة بتتعرفين علية وترتاحين لهواشوي اشوي تقتنعين بالزواج
عهود: بس مستحيل اخليع يتحكم فيني وقولي عهود ماقالت
نجود:ههههههههههههههههههههاخاف بكرة اذا تزوجيتي بكرة وقلنا لك شئ تقولين بشاور زوجي قبل
عهود: يخسي مابغى الا حمار مثله يتحكم فيني والا اشاوره في أي شئ يخصن بعدهذا الي ناقص
نجود:ههههههههههههه على هالحاله ثاني يوم والاانت بيت اهلك
عهود:والله اهلي يتحملون الي يجيهم
نجود:شكل الاخت ناوية
عهود:انا بقولها بصريح العبارة انا الحين موافقه بس عشان ابين لكم انا مش راعية زواج ماراح اغير شئ من تفكيري ونشوف شراح يصير واهلي يتحملون وذنبي برقبتهم
نجود:شقصدك؟
عهود:الايام بتوضح لك!
نجود:عهود صدق شتقصدين من هالكلام
عهود:والله الين الحين مافي شئ معين في بالي عشان اوضح لك شقصد بالكلام الي قلته بس اول نعرف اسمه اول ونشوف شيفته قبل بعدين اقولك
نجود:يعني الحين ماتعرفين شئ عنه؟
عهود:لا
نجود:من صدقك!
عهود:والله لاني ماتوقعت ان بصير شئ عشان كذا ماصار عندي أي فضول اعرف أي شئ عنه وحتى امي لمى جات تقولي شئ عنه اقوم واهد المكان
نجود:انا اقولك
عهود:وانت شعرفك!
نجود:الله يسلمك امس الوالد والوالدة وهم يتقهون كنت انت ورجلك محور حديثهم
عهود:اها
نجود:المهم اسمه تركي و.........
عهودوهي تقاطعه:وععععععععععععع اكره اسم عندي
نجود:وجععععععع ان شاءالله بتخليني اتكلم من غير ماتقاطعيني والا ماراح اقولك شئ
عهود وهي مبرطمة:انزين كملي
نجود:أي ماتجين الا بالعين الحمرة وظيفتة محترمة ويشتغل بشركة ال.......وراتبه معتبر بعد وبيسكنك بشقة بالدمام لان شغله هناك طبعا وعمره...
عهود:صبري صبري
نجود:وجع مش قلتلك لا تقاطعيني
عهود:وجعععع جاني خط ثاني خليني اشوف مين
نجود:اجل اكلمك بعدين
عهود:لالا تعالي ذي بنت عمتي الملقوفة داقه عشان تتفحص مالي خلق لها كملي
نجود:وهذا الي متبينه وتبين تعرفين كل شئ عنه اجل لوتبينه شبسوين
عهود:بتقولين والا شلون ولا تقعدين تمنين ان ماعرفته منك بعرفه من غيرك فا خلصي علي
نجود:بلللل كلتيني بقولك وين وصلنا ......اي عمره33 وعنده ثلاث اخوان متزوجين ومعيلين واربع خوات وهم بعد متزوجين وهو اصغر اخوانه
عهود:بلللللل وهذا اصغر اخوانه وعمره33 "الله يعيني اكبرمني بعشر سنين ياويلي شكله بيصير معقد وهذا خالي الي مطيحه معهااحس انه معقد اجل شلون ذا بس انا اوريه ماحد قاله يتقدم لي "نجود:هوهو وين رحتي نحن هنا
عهود:ها معاك
نجود:وين سرحت في حبيب القلب
عهود:وععععععععععع لا يكثر بس يالله ضفي وجهك
نجود:أي بعد ماخذتي الي تبينه بتسكرين يالله لي الله وزي ماقلتلك توكلي على الله ولي كاتبه ربي بيصير
عهود:ونعم بالله باي
نجود:باي
سكرت من بنت خالي وانا افكر الله لايحرمني منك يانجود"نجود اكبر بسنة عن عهود وتعتبرها مثل اختها لان ماعندها خوات عشان كذا تعتبرها مثل اختها"وراحت تنام مع ان الي بمكانها مستحيل ينامون بس هي مطنشه ولاهامها
اليوم الثاني بعد صلاة العشاء جاوا الجماعة وجى وقت الجد وقت الشوفه
ابوعبدالله:حياالله من جانا هذي الساعة المباركة واحنانشتري الرجال يابو عبدالرحمن
ابوعبدالرحمن:هذ العشم بس ولا عليك امر الوالد يبي يشوف كريمتكم
ابوعبدالله:مطلبت الا حقكم عبدالله قم ود تركي المجلس الثاني وناد اختك
عبدالله :ان شاءالله تفضل ياتركي
تركي :يالله
عهود كنت جالسة تحط اللمسات الاخيرة كنت لابسة تنورة سودة غجرية وبلوزة وردية رسمية وحاطة كحل وغلوس وردي وفاتحه شعرها وافكر"ياربي شسوي الحين صحيح اني مش مهتمه بالزواج واني تقبلت الموضوع بس مازلت رافضة ومازال عندي امل ان الموضوع مايتم يمكن اني ماعجبه وتنتهي السالفة وقطع علي تفكيري امي
ام عبدالله:يله ياعهود
عهود:ان شاءالله
ام عبدالله:الله يكملك بعقلك ياقلبي ماشاالله شذا الزين الله يوفقك ان شاءالله ويكتب لك الي فيه الخير
وهم نازلين والا عبدالله جاي: يالله يمه الرجال من زمان ينتظروانت طاقبنها سالفة ياله
عهود:وخير ياطير اذا انتظر فوق راسه ريشه والا فوق راسه ريشة
عبدالله:بلل بللل وهذا عروس المفروض الخجل مقطعك مش لسانك يلوط اذانك
عهود:عدالله الي فيني مكفيني
عبدالله:انزين يالله مشى مااقول الا يعين رجالك عليك
عهود:هاهاهاهاها
وراحت عهود لما وصلت عند باب المجلس وهي مبردة بس جا وقت الجد بدت تتوتر :عبدالله خالص مابغى ادخل يبيني ياخذني من غير مايشوفني
عبدالله :اقول امشي لا اجرك من كشتك الحين
عهود:مابي مش داخله وسوالي بتسيوي
عبدالله : عهود لا تفشلينا عند الرجال وش يقول الحين ذولي مش قد كلمتهم
عهود: والله مااقدر ياعبدالله لاتغصبني انت بعد
عبدالله متفهم اخته وعارف ليه سبب رفضها: بس ياحبيبتي لازم تدخلين عشان انتي تشوفينه بعد
عهود: وش الي بيتغير لو شفته يعني لو ماعجبني ماراح توافقون
عبدالله: ياقلبي لاتخافين تركي رجال والنعم فيه ولو حسيت مجرد احساس انه ممكن يضرك
ماخليت خوالي يقنعون ابوي وبعدين ياشيخة تركي ارحم لك من زياد
عهود: عارفه بس ماابي ادخل
عبدالله بتفهم : اوكي ماراح اغصبك
عهود بفرحة: مشكور عبدالله
عبدالله: ولو كم عهود عندنا بس شقول للرجال الحين
عهود: أي شئ صرف
عبدالله: طيب صرفنا تركي وش راح نقول لابوي وابوه اذا سأله
عهود: دبرها ياعبدالله
عبدالله:طيب روحي ولاتخلين حد يشوفك
عهود: اوكي
وراحت طيران للغرفتها وغيرت ملابسها ولبست لها بيجامة وهي فرحانة ولا على بالها شئ
ودخل عبدالله لتركي المجلس:اسف اتركي طولت عليك
تركي:لا ابد خذ راحتك
عبدالله :انت لازم تبغى تشوف عهود
تركي :ليه في شئ مش هذا اتفقنا
عبدالله:لا بس البنت مستحيه ومش راضية تدخل
تركيعاقد حجاته: ليه هي مش موافقه على الزواج
عبدالله بارتباك: لا وش الكلام الي تقوله بس اختي حدها خجوله"ايه كثر منها"
تركي: طيب والحين شلون
عبدالله يستهبل: طيب مو لازم تشوفها وقت الملكة شفها
تركي: تستهبل انت وخشتك
عبدالله يكمل استهبال: ليه خايف تطلع شيفة لا تخاف ماتشوفني قمر عهود مثلي يعني مو لازم تشوفها
تركي خذ مخدة وخبطه فيها: مادمها تشبهك هونت وين خالك بسام روح ناده
عبدالله: هههههههه مالت عليك اقول لحظه بروح اناديه
وراح عبدالله للمجلس الثاني وناده وقال لابوه ان عهود لسه مانزلت
تركي"طويل وجسمه رياضي لان هو وبسام وعبدالله مشتركين بنادي رياضي للياقة وهو وسيم
وصبور مرة بس عليه نذالة وهو خال عهود بسام اصحاب الروح بالروح وبعد هو وعبدالله
ربع ومطيحين الميانة مع بعض:
بسام: ها يالحبيب
تركي: تعال شوف حل مع بنت اختك
بسام: ياربي شفيك مطيور خلاص مش لازم تشوفها ولا بتهون عشان ماشفتها
تركي: مو وقت نذالتك يابسام
بسام:ههههههه طيب بس مو عشانك عشان الي بالمجلس اخاف يشكون بشئ
عبدالله: طيب تركي وش لنا اذا خليناك تشوفها
تركي: مخمة فوق راسك
بسام: اجل هونا
تركي: بسام الله ياخذ عدوينك
بسام: لو سمحت خل عدويني بحالهم
عبدالله : ايه مارضى على عدوين خالي كلش ولاهم
تركي ارتفع ظغطه: والنهاية
بسام وعبدالله:ههههههههههههههههههههه
بسام : قام وياي
تركي: وين
بسام: مو راجنا تبي تشوفها قام وانت منطم
تركي: يقطعا شوفه على هالمذلة
عبدالله: شقلت
تركي يتنهد: ولا شئ سلامتك
بسام: على بالنا
وراحو عند حديقة البيت وجلسوا على الكراسي
تركي: وبعدين
بسام : وانت شحارق بصلتك انتظر
طلع بسام جواله وحطه على السبيكر ودهو يدق على عهود : هلا وغلا بعروستنا
عهود: خاااالي
بسام: اموت على الحيا انا
عهود: انطم بس
بسام: عهيد ووجع لمي لسانك
عهود: كم تعطيني
تركي بصوت واطي لعبدالله: العيلة كلها شكلها مادية
عبدالله : عندك مانع
تركي : ابد
بسام: عهود تبين بيبسي
عهود: مااقول لا وينه
بسام : تعالي خذيه من تحت
عهود: الله تبيني انزل عشان قوطي بيبسي
بسام: لا مو قوطي كرتون
عهود: صججججج
بسام: لايطيح حلقك بس
عهود: ليه الكرم طيب
بسام: اعتبريها هدية زواجك مني
عهود: ياسلام بس كرتون واحد يالبخيل
بسام: حمدي ربك اقول لا يكثر تعالي خذيه اخوك عبيد حط عينه عليه تعالي خذيه هو بالحديقة
ياتلحقين عليه ولا بياخذه عبيد
عبدالله: ليه تقولها الحين شلون نشلح لنا كم واحد
عهود وانا اصارخ: عبيد والله ان لمسته ماتلوم الا نفسك خالي لا تخليه يقربه جايه طيران
وسكرت
الكل: ههههههههه
بسام : يلا احمد ربك الحين بتشوفها ولا سمعت صوتها على حقيقته
عبدالله: فضحتنا المطيورة وعلى ايش بيبسي
بسام:هههههه يلا تروك جهز عيونك للقز
عبدالله : مايحتاج ليزر
تركي يخبطه: صل على النبي ووجع
الكل :هههههههههههههههه
بعدها انتبهو للباب ينفتح بدفاشة وجيت عهود طيران من غير لاتنتبه بالي جالس وكنت
لابسه بيجامه ورديه حرير ومخليه شعري خيال : عبيد وخررررررر
عبدالله: قصري حسك ووجع
عهود: اتكل بس لا تقرب البيبسي
وجات للطاولة: بسامو وين البيبسي
بسام: وقص خالك ووجع
عهود متخصرة : المهم وين البيبسي
بسام وهو يضحك وياشر على تركي:هذا كرتون البيبسي
عبدالله مسك عهود عشان متروح: شرايك بالكرتون مو خطير
عهود طلعت عيونيا وقلب وجهي ميت لون:................
تركي تنح وقزها قز: شلونك عهود
عهود تجمعت عيوني بالدموع:...................
بسام: بس بس غض انظرك ماشبعت عبدالله اتركها تروح لا تقلبها مناحة الحين
عبدالله يضحك وهدها وماشافو الا غبارها
بسام: ها شرايك تروك
تركي متنح :............
عبدالله: يالحبيب
تركي: ها ..هلا
عبدالله: لا راح فيها الولد
بسام:قم معي للمجلس وقول لهم رايك هناك
وقامو للرجال ودخل وجلسوا بعد ماسلموا
الكل:وعليكم السلام
ابو عبدالرحمن :بصوت واطي ها يبا نتوكل على الله
تركي :ايوه توكل
ابو عبدالرحمن:اقول يابو عبدالله
ابوعبدالله: سم
ابوعبدالرحمن:سم الله عدوك نبغى الملكة اسبوع الجاي بعد التحاليل ان شاءالله
بوعبدالله:الله يكتب الي فيه الخير
وجلسوا يتكلمون بالتفاصيل
اما عند عهود كانت فايرة من تصرف اخوهاوخالها وتركي وعلى طول راحت لغرفتها ودقت على نجود
نجود:بشري شالاخبار
عهود:مثل وجهك
نجود:هههههههههههه
عهود:أي ضحكي شعليك انت
نجود:طيب عطيني الاخبار بالتفصيل الممل
عهودقالت السالفه كلها
نجود:ههههههههههههههههههههههههه
عهود:والله نرفزني ماسك ايدي ومش تاركها
نجود:ههههههه طيب ياحلوة انا برى الحين ان شاءالله بكرة نشوفك بكرة بننزل الحسا
عهود:اجل خلاص بكرة اجيب قشي بيت جدتي وبنام
نجود:خلاص اجل اجيب مستلزمات السهرة
عهود:اوكي باي
نجود:باي ياعروس "وسكرت قبل لا تسمع ردها"
<center> >>>>> ردود الأعضـــــــــــــــــــاء على الموضوع <<<<<
================================== </center>
وهي جالسة تتحلطم على نجود والا باب حجرتها يندق عهود:خير نعم شتبون
ام عبدالله :وهاللسان متبري منك يابنت خلاص اعقلي انت على وجه زواج بكرة تروحين لرجلك وتفشلينا
عهود وانا مبرطمة: يمة خالص شتبون بعد زواج وافقت شنو باقي بعد
ام عبدالله:الله يهديك بس المهم بكرة الصباح جهزي عمرك عالتسع
عهود:وليه بعد
ام عبدالله:بكرة عشان يسوون التحاليل
عهود:وان شاءالله بقزوني ابرة
ام عبدالله:اجل شلون يسحبون الدم ياماما
عهود:لالالالالالالالالال لو شيصير
ام عبدالله:يلا بس عن الهبال "وطلعت من الغرفة"
عهود "افففففف وجع مو عيون قزني قز ولا مبسوط ووجه أي معه ناس معونينه .طيب ياخالي ان ماوريتك
وخذت جوالها ودقت على بسام
كان جالس مع عبدالله وتركي : اوف عهود شيفكنا من لسانها الحين
تركي انبسط يوم جاى طاريها: حطه على السبيكر
عبدالله: لا اشوف عطينا وجه
بسام: اثقل ياورع ماشفت خير
تركي: انثبرو بس وانت عادي هي بتصير زوجتي
عبدالله: بتصي وبعدين ليه واثق يمكن تهون بعد ماشفت خشتك
بسام يكمل عليه: أي صادق عبود يمكن ماعجبتها وداقه الحين تقول فكوني منه
تركي فور منهم وجاى بيقوم وامسكوه:بتحط سبيكر
بسام:تلايط بس
ورفع الجوال وعلى طول بعده عن اذنه
عهود: وجعععععععععععععععع
بسام: الي يوجعك فقعتي اذني
تركي دفه بكوعه: لاتقولها وجع
بسام: لا ياشيخ انثبر بس لا افركش لك هالزواجه
تركي:بصوت واطي:خلي الوضوع يم بس
بسام: في شئ يالحبيب
تركي: سلامتك
بسام:خلصتي
عهود تنافخ: لاقيني مقصة انت وعبيد
بسام:هههههههه شسوي اذا انت مقصة وتصدقين
عهود: المهم ماعلي تجيب لي الحين بيبسي ومو كرتون اثنين
بسام:نعم قوطي ويخب تبينه ولا كيفك
عهود: مالي دخل انت قلت كرتون وينه
بسام حب يرفع ظغطها:حمدي ربك بجيب لك قوطي رحمة ورافة بك بعد ماشفت خشة تروك
عهود: لا مايصير بعد هالخرعة لازم تجيب كرتون على الاقل
بسام:ليه كرتون
عهود: تعويض عن الصدمة من شوفته
بسام: لهدرجه
عهود: انت مادري شلون متحمل تقابله
بسام:ههههه بتصيرين انت الحين الي بتقبلينه
عهود عصبت:خالي جب البيبسي احسن لك
بسام: ههههههههه افكر يلا انا مشغول
وسكر
تركي بلقافة: شتقول
بسام: والله وهقه رجال طول بعرض ومخفه بعد
تركي: بسام اترك ثقالة الدم عنك
بسام: ولا شئ تقول وين البيبسي
تركي: بس
بسام: يعني شتبيها تقول
تركي : ولا شئ قم
بسام: وين
تركي: اشتر لها البيبسي
بسام: والله انا مني مكلف انت اشتره هذا ثمن الشوفه
تركي: مادمه لعهود تبشر
بسام: والله شكلك ماشفت خير لهدرجه طيرت عقلك البنت
تركي: اه اه اه
بسام:قوم قوم لا يكثر
الساعة 8الصباح جلست من النوم وتجهزت وراحت المستشفى مع امي وابوي على التسع وصلوا وتركي كان موجود لما وصلوا دخلوا بنفس الغرفة مايفصل مابينا الا الستارة تركي خذومنه الدم للتحليل اما انا طلعت عيون الممرضة الين ماقدرت تسحب مني وتركي كان فاقع ضحك علي وانا اصارخ على الممرضة
عهود وانا بالسيارة :امي بروح اليوم بيت جدتي
ام عبدالله:اكيد كلنا بنروح
عهود:لا انا بنام مع نجود بينزلون اليوم
ام عبدالله:لاجلس ببيتك
عهود:ياسلام بدينا من الحين بروح يمة خليني اوسع صدري لحقه على الهم
ابوعبدالله:خلاص خليها على راحتها
ام عبدالله:برد قلبك
عهود:اكيد
على المغرب عهود جهزت قشي وراحت بيت جدتي مريم ام امها علاقتها مع اهل امها مرة قوية ودائما يزورنهم كل اربعاء وجمعة وطبعا لما وصلت التباريكات اشتغلت والتنغز بالكلام اشتغل عفاف بنت خالتها:ها عهود وهذي الي مستحيل اتزوج اشوفك طايرة مامدى خطبوك الا الاسبوع الجاي الملكة
عهود:والله انا ماوفقت الا عشان امي وخالي
سارة اخت عفاف:وليه شدخل خالي بالموضوع
عهود:يو ماقالك المعرس يصير صديقه الروح بالروح وانت تعرفين اني اموت على طبع خالي فقلت انه اكيد مثلة واستخرت وارتحت له ووافقت
شجون:عهودة ماعليك من ام التحقيقات المهم كيف العريس حلو ولا
عهود:عادي مادققت فيه
شجون:مت الملكة والخطوبة
عهود:بعد ماتطلع التحليل ونشوف
شجون:على خير انشاءالله
عهود:اقول فروحة ماجا خالي سالم
فروحة:لا لسه لية
عهود:ابد بس متفقين نغزو بيت التيتة
فروحة :الله وناسة بجي معكم
عهود:اوكي بس لازم تجيبين لاوزم السهرة
فروحة :ولايهمك من غير قول
عفاف:صدق انك فاضية اجل في وحدة اسبوع الجاي خطبتها وتجلس تخطط في هالخرابيط
عهود:اول حاجة لسة ماصار شئ وبعدين يمكن التحاليل ماتنطبق ومانصلح لبعض
عفاف:ولو المفروض تجلسين تخططين شنو بتسوين لوصار نصيب
عهود:لما تطلع التحاليل يصير الف خير
فروحة:عهود خالي بسام يبيك
عهود:يوه شيبي اكيد بيفتح لي تحقيق عن صديقه العذاب
سارة :عشنا وشفنا وحدة تتكلم عن زوج المستقبل كذا
عهود:انت قلتيها زوجي يعني اتكلم عنه مثل ماابي
وقامت عهود لخالها بسام"بسام عمره 33 وسيم مرة والخال المفضل للبنات وخصوصا لعهود"
بسام:هلا والله بالعروس
عهود:لاحول مابعد يصير شئ لسة التحاليل ماطلعت وصرت عروس يمكن مناسب بعض ليه الاستعجال
بسام :لا تناسبون بعض توه مكلمني ويقول طلعهم تدرين مستشفى خصوصي وكل حاجة بالفلوس تمشي يعني صرت عروس
عهود وانا لوية بوزي:طيب شسوي له
بسام:ياربي عالثقل ماقدر اقول تره صاجني يقول يبي الخطوبة والملكة اسبوع الجاي لان عنده انتداب شهر في دبي ويبغى يخلص اموره
عهود:وانا شعلي كل شئ بيد امي وابوي من متى وانا لي راي
بسام: عهودة لايكون مغصوبة
عهود:ها لا خالي انت تدري ان امي لايمكن تسويها
بسام:أي على بالي المهم شرايك بالشاب الوسيم
عهود:وعع الوسامة بجها وهو بجها
بسام: هههههههههههههههههههههماسمعك ياشيخة كان تجيه صدمة
عهود:هذي الحقيقة
بسام:طيب ماعلينا الصراحة تركي رجال والنعم فيه وكنت اتمنى يكون من نصيب وحدة منكم وخصوصا انت لاني اعرفك ماحدبيتحمل عنادك الا هو لانه صبور ونادر مايعصب مهما صار
عهود:بس ياخالي انت عارف رايي بالزواج انا رافضته ومش مقتنعه فبه
بسام: عهود حبيبتي هذي سنة الحياة وحلم كل بنت
عهود:بس انا لا
بسام :طيب انت عندك اعتراض على تركي
عهود:لا انت عارف اعتراضي ليه
بسام :وانا اعيد واكرر هذا موسبب لانك لسه ماجربتي والحباة تجارب صح ولا لا
عهود:بس وقاطعها :لاتاخذين تجارب غيرك وتحطينها معيار صحيح ان ازوجهم متحكمين فيهم بس هذا طبيعي وانت جربي ماراح تخسرين لان واثق ان تركي هو الي بيسعدك ولا يغرك فرق العمر الي بينكم
عهود:واذا طلع معقد
بسام: انت شايفتني معقد ولا تصرفاتي معكم تدل على ان عمري من عمره
عهود:لا
بسام : وتركي مثلي بس الفرق بينا اني عصبي وهو بارد بس وقت الجد مثل ميقولون اتقى شر الحليم اذا غضب
عهود:..................
بسام خلاص ياقلبي انت اتكلي على الله وبس والله يكتب لك الخير والصالح وقام عنها وراح
"افففففففففف يعني غصب طيب بيزوجوني هالشايب طيب والله لاوريه الويل واخليه يندم على اليوم الي فكر فيه يتقدم لي "
بعد التحاليل ماطلعت تحدد موعد الملكة الاربعاء وبعدها باسوعين الخطوبة لان تركي عنده دورة عمل في دبي لمدة شهر
يوم الخطوبة كان في استراحة متخصصة للمناسبا هذي وكان الدي جي شغال والرقص والوناسة الا عندي
بالغرفة المخصصة لي وكانت معي نجود: ياقلبي عليك اكيد تركي بيسيح ويتخبل علينا لما يشوفك قمر والله قمر
عهود:نجيد والي يرحم والدايك فكيني من سيرته
نجود سكتت لانها عارفتها عدل وعارفه رايها في الزواج اما عهود كنت ملكة بفستاني الاحمر كان علاق وعند الصدر مالفوف وحولينه كريستال ومطرز بالخرز وكانت فخامتة من الكريستال الي بارز شكله اما التنورة كان موديلها قصير من قدام يغطي الركبة ومن ورى ذيل طويل ومتموج وكان الحنة الي حاطته في رجولي مخلي شكلي خطير وكانت مسكتي على شكل قلوب نازلة على بعض ويتخللها ورود حمرا ونازلة منها سلاسل كريستالية وكانت هدية نجود لي اما شعري خلته مفتوح بس كان مموج وحاطة كريستال على الجنب ومكياجه كان خليجي بارز عيوني كانت خيال
اندق اباب نجود:مين
فروحة: فتحي انا فرح ودخلت لهم
فروحة: ماشاءالله قمر ياقلبي قمر الف مبروك
عهود : الله يبارك فيك وعقبالك
فروحة: امييييييين
عهود:هههههههه خبلة
نجود:لو عارف ان هالمهبولة بتخليك تضحكين كان من زمان جايبتها
__________________________________________________ __________
وبعدها جا موعد الزفة وجاوا خوات المعرس عندي وسلمو علي وباركو لي وبعدها دخل تركي كان شكله
جنان "ماشاءالله كل هالجمال لي انا " انهبل على البنت سلم عليها وتم متنح عندها وماسك ايدها
رغد بنت اخته :خالي خلاص ارحم البنت
تركي انتبه لنفسه:اقول انت شعندك رازة نفسك هنا
رغد:ولل احشمنا عاد جنب مرتك على الاقل
تركي: هههههههههه
رغد راحت لعنده وسلمت عليه وباركت له
تركي: الله يبارك فيك وعقبالك
رغد: اممممين
تركي:هههههههه اهجدي يابنت
وبعدها لف على عهود:مبروك
عهودوانا منزلة راسي من اول مادخل: الله يبارك فيك
جا وقت الزفة وحطوا الزفة الترحيبية لخوالي ودخلوا عليها بعدها زفتي الي كانت مكونة من موسيقى كلاسيكية في البداية ودخلو عليها بنت وولد بعربية فيها مجسم مغلف من الجوانب وكان فيه الدبل والشبكة وبعدها دخلوا بنتين بسلال الورد ووقفوا عند بداية الجسر
ولما بدت غنية راشد الماجد شيخة ال زينات دخلنا انا و تركي عليها وبدو البنتين يرمون الورد عليينا
وصلنا
لعند الكوشة المكونة من صوفا طويلة باللون الاحمر وعلى يمينها ويسارها عمود طويل ملفوف
حوليه ورود
بنفس لون فستاني وسلموا على خوالي وجلسوا وبعدها طلب نواف ولد خلي واخوي بالرضاعة
هو وراكان
وماجد من منسقة الدي جي اغنية مرتاح لعبدالمجيد واشتغل الرقص
لبسنا بعض الدبل ولابسني طقم الالماس وبعدها قصينا الكيك واكلني واكلته وانهت الخطوبة على خير
اليوم الثاني العصر كنت نايمة وجات امي تجلسني :عهود يلا اصحى
عهود:يمه خليني انام صلاة وصليت
ام عبدالله:قومي حبيبتي جهزي نفسك زوجك جاي بالطريق
فزيت من مكاني : خير تو شيفته امس شيبغى ذا
عهود:وليه استحي ماقلت شئ غلط
ام عبدالله:المفروض تفرحين انه جاي يشوفك مو تقولين شيبي ....خلصي قومي
عهود: مش قايمة ماابي اشوفه اليوم لاحقه على الغثا تو مكملنا24ساعة من شافني
ام عبدالله:لاطولينها وهي قصيرة وقومي الرجال وراه سفرة وجاي يسلم عليك
عهود: وصل سلامه مو لازم يجي
ام عبدالله تهز راسها: الله يصبره عليك بس ...يلا بس نص ساعة وهو هنا وابوك موجود ماله
داعي توصل السالفة له
انا بغيض:اف الله ياخذني ويفكني
ام عبدالله: استغفري ربك وقومي ياقلبي ياعهود قومي وتعوذي من ابليس وقومي
وطلعن ام عبدالله من غرفة عهود وبعدها قامت عهود تتجهز لانها خافت من ابوها يسوي لها شئ لو عرف
بكلامها
وتجهزت ولبست تنورة جينز طويلة مع بلوزة داخلية وفوقها بدي علاق بالرقبة ورفعت شعري وحطيت كحل وغلوس وردي ونزلت لان تركي وصل بس ماكان ودي اجلس معه لحالي وجاتني فكرة ادخل اخوي
معي كفاية ان منحرجة ا جلس معه وغير كذا مابيه "اف عمير الحين وشو الي يقنعه يدخل
شلون ياعهود شلون ...اي لقيتها"
عمر :عمور حبيبي
عمر :خير شعندك
عهود:ماودك بخمسين ريال
عمر"عمره 11سنة وغرامه العاب البلاي ستيشن وجيم بوي":وينها
عهود:اعطيك ايها بس يشرط
عمر:وشو
عهود:تدخل معاي عند تركي وتجلس جنبي ولاتتحرك من مكانك شقلت
عمر:من غير ماقول يلا سرينا
عهود: تعال قبل اذا دخلت المجلس اجلس بالكنب الي عند التلفزيون
عمر: ليه
عهود: انت ماعليم بس اجلس في المكان ذا طيب
عمر :طيب
عهود:يلا
ورحنا للمجلس ودخل عمر بالبداية وسلم على تركي وبعدها بدقايق دخلت :السلام ليكم
عمر وتركي:وعليكم السلام
وراحت جلست جنب اخوي عمر
وجلسنا ساكتين فترة بعدها تكلم تركي
تركي :كيفك عهود
بصوت واطي ومنحرجة:الحمدالله
تركي: وانا بعد الحمدالله
رفعت عيوني له باستغراب:.........
تركي حب يكسر الاحراج: شفتك ماسألت عني قلت اجوب يمكن منحرجة تسأليني
"ياثقل دمك يااخي ":.......
تركي"شكلها منحرجة ..ياويلي من هالبنت بتخبلني بحياها ..بس اخوها المتنح وشكله مو ناوي يطلع
شلون اصرفه الحين":عهود
"اف شيبي بعد:نعم
تركي: مو كانك مش مرتاحة وانت جالسة بعيد قربي
عهود: لا مرتاحة
تركي:مم اكيد منحرجة تقومين احسن شئ اجي انا عندك
باندفاع:لالالا ان قربت بطلع
تركي ضحك بنفسه وظن انه حيا منها:طيب لا تقومين مش جاي
عمربصوت واطي: متى بيروح
عهود: وش مدريني عنه
عمر: طيب شفيه يقزك قز ماعمره شاف بنت
انحرجت: وش مدريني
عمر: شكله ماشاف بنات الاخ ولا انت من زينك عشان يقزك كذا
نقزته بكوعي:كل تبن
عمر نقزمن مكانه:ايييييييي
تركي مستغرب:شفيك؟
عمر يمسح جنبه : لا مافي شئ
سحبته وجلسته: اقعد ووجع
عمر:ترا والله اقوم
عهود: خلاص حقك علي
عمر : ايه تعدلي "وعلا صوته"حريم مايجون الا بالعين الحمرا
تركي كان منتبه لهم من البدايه ويضحك عليهم بس من سمع عمرضحك بصوت عالي:ههههههههههههههه
عهود وعمر يطالعون بعض مستغربين:شفيه انهبل ذا
بعدها سكتوا
تركي: اقول عهود
عهود:نعم
تركي: ماودك تضيفيني
عهود"افففف":الا ..عمر
عمر: هلا
عهود: قوم ضيفه
عمر:طيب
وقام عمر وضيف تركي وطول الوقت سوالف مع تركي وانا جالسه العب بجوالي
تركي :عهود..عهود
عهود: نعم
قام تركي لها:تفضلي ومد ايده لعهود بكيس
عهود:ايش ذا
جلس جنب اخوها عمر وصار عمر بالوسط :اذا فتحتيه بتعرفين
ماعجبني قربه واشرت لاخوي انه يقوم ويغير مكانه معاي وقام عمر وهالمرة اجلسنا
بكنبه تكفي للشخصين وعند الباب وبينها وبين الكنب الثاني طاوله
تركي:ليه قمتي
عهود:...............
تركي مستغرب من تصرفها بس قال انه خجلانه منه:طيب مااخذتي الكيس
عهود: عمر جيبه
تركي: لا انت تعالي خذيه
رفعت حاجبي"كثر منها ياشيخ":لا مشكور ماابغى اجل
تركي وهو مبتسم :تعالي خذيه ماراح اكلك
عهود: عطه عمر طيب
تركي طقه عرق النذالة: وليه ماتجين انتي
عهود: .................
تركي حب ينرفزها: يعني انت خايفه مني
عهود :لا مو خايفه من قال
تركي: تصرفك يقول خايفه
بتحدي: لا مو خايفه
تركي: اثيتي لي انك مو خايفه وتعالي خذي الكيس
انحرجت وقمت خذت الكيس منه:شكرا
تركي مبسوط : العفو بس انشاءالله تعجبك
رحت رجعت مكاني
تركي "يالله مع اخوها متنح ولا راضي يطلع شلون اصرفه الواحد ماياخذ راحته ولا هي بعد
ماتعطي الواحد فرصة":عمر
عمر :سم
تركي: سم الله عدوك بس بغيت مويه
عمر :انشاءالله
تركي فرح بيخلى له الجو مع عهود بس قهره عمر لما داق علىامه وقال لها تخلي الشغالة تجيب الماي
وجابت الشغالة الماي وخذه عمر منها :تفضل
تركي :زاد فضلك
وتم ساكت"شكل السالفة طويلة والحبيب مو ناوي يروح "وطالع ساعته وشاف انه تاخر على المطار"
اقوم احسن لي " :يلا انا ماشي دبي اليوم وان شاءالله الفجر بكلمك اوكي
اكتفيت بهز راسي"أي كثر منها انت بس شف من بيرد عليك "
تركي : توصين على شئ
قرب تركي مني بيسلم علي ولما انتبهت له قمت بسرعه واطلعت من المجلس
قبل لا يقرب مني و لانها قريبه من الباب
وانا طالعة : لا ..مع السلامة وراحت
تركي مبتسم على باله انه حيا منه : الله يسلمك
وطلع من بيتهم وعالطول للمطار
__________________________________________________ __________
وبعد صلاة العشا تجمعوا خالتي وخوالي واهل ابوي عندنا
ام خالد"جدة عهود وهي ام ابوها وكانت تكرها هي وابوها"والله وكبرت ياعهيد وصرت مرة
فاطمة "عمة عهود":أي صادقة ياامي ولا هذي الي ماتبغى تتزوج بعد
ام خالد:ماصدقت اسمعت طاري الرجل ماتبغى تتزوج
عهود كنت مكتفية اعطيهم نظرات استحقر لاني عارفة ان تكلمت بتغلب السالفة على
امي وجدتي بتوصل الكلام لابوي الي يدور الزلة عليها وعلى امها
ام خالد:شفيك تطالعيني كذا لايكون كلامي مش عاجبك
عهود:لاسلامتك وقامت وراحت للغرفة الثانية"انا الغبية الي اجلس عندها يعني ماعرفها مع كلامها الي يغث "
نجود:عهود علامك
عهود:في غيرها ام ابوي وهذا جاية تبارك قولي جاية تغث
نجود:ياعمري لاتغثين عمرك كفاية الي جاك منهم
عهود:اه اه اه يانجود قاهريني
نجود:سلامتك من الاه انت عارفة انهم مقتهرين منك لانك رديت ولد عمك زياد
عهود:انا مستغربة انهم مافركشو الزواجة ذي
نجود:تلقينهم حاولوا وماقدروا
عهود:لولا الله ثم خوالي كان انا من زمان زوجته
نجود:حمدي ربك انك على ذمة رجال والنعم منه غير ولد عمك الصايع
عهود:الي مريحني انه صديق خالي هذا اكثر شئ مريحني
نجود: ومازلت مصرة على الي في بالك
عهود:اكيد انا مااقدر اتخيل نفسي تحت رحمة رجال شوفي حال امي وكيف انهنت من ابوي واهله ومازالت
نجود:طيب يمكن تركي غير
عهود:مستحيل كل الرجال كذا
نجود:طيب ابوي غير وعمامي بعد وهذا دليل ان مو كل الرجال سوا
عهود:هذا لوكانوا كلهم متربين على ايدين جدي "وتقصد فيه ابو امها"
نجود: يابنت الحلال لاتصيرين سوداويه
عهود:وشلون ماصير وانا اسمع واشوف الي يسونه بحريمهم شوفي خالاتي كيف رجالهم يتحكمون بالصغيرة والكبيرة بحايتهم وكانهم غنم صحيح انهم مايعملونهم مثل ماابوي يعامل امي بس هم انهم يستعرضون مرجلتهم عليهم وحتى خوالي مع حريمهم وابوك بعد تقدرين تقولين لي متى عطاكم الافراج من تحكمه ؟مش توه مفرج عنكم وهذا غير صديقاتي الي رجالهم مورينهم الويل هم وامهاتهم ياشيخة خلي الي بالقلب بالقلب ومهما حاولت ماتقدرين تغيرين قناعتي بهالشئ
نجود سكتت لانها عارفه عهود وراسها اليابس
وبعد العشا مشوا كلهم ماعدا نجود وفروحة بعد ماطلبت امي من اهلهم يخلونهم ينامون عندنا
وبعد صلاة الفجر والبنات باسطين بالفشار والشيبس والبيبسي وطبعا فلم السهرة الي سرقوه من غرفة اخوها
عهود وهي مندمجة بالفيلم الاتسمع رنة جوال :نجيد ردي على جوالك
نجود:لا هذا مو جوالي
عهود ونجود بنفس الوقت:فريح مطلعه لك جوال وماتقولين
فروحة:بسم علي كلتوني لا ماطلعت والله
عهود:اجل من جواله
فروحة:يمكن حد ناسيه
عهود:يمكن
فروحة:طيب وينه
وقاموا يدورن على الصوت وين مصدره وشافوا الصوت طالع من اليس الاحمر
فروحة:الجوال بالكيس
وانا تطلع الي بالكيس الاهو جوال كان هداية من تركي وكان نوعه نوكيا الملاح لونه
ابيض ومعلق فيه سلسال فيه حرفين كريستال taورجع دق مره ثانية حبيبي يتصل بك
عهود:لاوالله واثق الاخ مسمي نفسه هالاسم يخسي الاهو
نجود:طيب ردي
عهود:هئ هئ يحلم اكلمه ومن سمح له يجيب لي جوال انا عندي ومش محتاجة لحسناته
فروحة: ياخبلة ذا شئ طبيعي كل المتزوجين يطلعون لزوجاتهم جوالات غير الي عندهم لانها تصير باسميهم
عهود:وليه ان شاءالله
فرزحة:مادري هالبنت يطقها عقر بقر احيانا صح "وهي توجه كلامها لنجود"
نجود:هههههههههههه ايوه صح
فروحة:لان ياحبيبتي انت بكبرك تصيرين باسمه يعني الحين هو المسؤل عنك
عهود:ماحد طلب منه
نجود:حمدي ربك غيرك مايطلعون لهم الا اا رحوا عندهم ولا بعد احيانا يطلعون اخس جوال
حطيت الجوال عالصامت لانه ماوقف رن:اقول خلوه يولي في حد يدق هالوقت يلا بس نرجع لفلمناوكملت الفيلم ولا على بالي
اما تركي ظن انها نايمة وارسل لها مسج
افتحت المسج"اكيد نمت عشان كذا مارديت بس حبيت اقولك تصبحين على خير "
مالت عليك بس واثق الاخ اني مارديت عليه لاني نايمة
نجود:صحيح لاقالوا اصحاب العقول في نعمة
عهود:شب بس زين وقفلت الجوال
اليوم الثاني اخذ ابوي الجوال الي مطلعه لي وعطه اخوي لانه عرف ان تركي طلع لي رقم ثاني ماكان عاجبني
بس ماتقدر تقول لابوها شئ
واظطريت استخدم الرقم الي طلعه تركي له وتميت لمدةاسبوع مارد على اتصالات تركي ولا على رسايله
احد ماتشغاب علي ودق على صديقه وخالي بسام :هلا بسا اخبارك
بسام :تمام توك ماتذكرت ان لك صاحب أي من لقى احبابه نسى احبابه
تركي وهو قلقان على عهود خايف صاير لها شئ ومن غير مقدمات:بسام عهود بها شئ
بسام باستغراب: لا ليه
تركي :صار لي اسبوع ادق عليها وماترد اهلها فيهم شئ
بسام: لا كلهم بخير
تركي :اجل ليه ماترد على اتصالاتي لايكون يابسام غاصبيتها على
بسام:شهالكلام ياتركي انت عارف احنا مانسويها
تركي:اجل ليه ماترد ولا تقول تستحي هالشئ يتخطى الحيا
بسام: والله ماادري شقول لك ياتركي
تركي : قول يابسام خوفتني تكلم
بسام:الصراحة من غير مقدمات عهود متعقدة من الرجال
تركي: شلون
بسام: لاتخاف مو حاله نفسيه مثل اروى الي بمسلسل الحريم
تركي: بسام والي يرحم والديك مو وقت تنكيتك
بسام: شوف انا بقول لك السالفة وبعدها قرر اذا تبي تكمل معها ولا لا
تركي : طيب قول خلصني
بسام :وقاله عن ابوها وكيف يعامل امها ويعاملها و هي انطبع في عقلها شينة ومهما سوى من خير ماتقدر غير انه تكره وغير الي تسمعه من الحريم وصديقاتها عن ازوجاهم
بسام :وهذي السالفة ومافيها
تركي :طيب هي المفروض ماتخذ علاقة ابوها او غيرها مقياس
بسام :صحيح بس هي من كثر ماتسمع من صديقاتها وخواتي عن تصرفات رجالهم معهم صارت تكره الزواج
وتعتقد ان الزواج يربط حريتها وان اساسه اهانة للمراة وعارف ياتركي بتقول ليه ماقلت لك من البداية عن
عهود بس يمكن تقول انانية مني بس عهود كانت صج بتكره الزواج وحياتها بعد لان ولد عمها تقدم لها وكان
يبيها ومتمسك فيها وكان صايع حتى كلمة صايع اشويه عليه ومن بعد تدخلات منا انا واخواني رده ابوها ولا
كان ناوي يزوجها له
ولما قلت انك تبغى تخطبهاوكانك انت المنقذ لها لاني عارف طبعك صبور وحنون وانت الوحيد الي بتقدر تغيررايها بالزواج والرجال هو صحيح عليك نذالة بس يهون وصدقني عهود تستهل مو لانها بنت اختي
لانها بعد ماتتعرف عليها بتحبها لطيبتها وصدقها
تركي"وتعتقد اني للحين ماحبيتها" ساكت ولا قال كلمة
بسام:اسمع ياتركي انتوا مازلتوا عل البر وتقدر تنفصل عنها بس ابغيك تفكر قبل ويعدينقرر لاني ماقدر
اغصبك على شئ وصدقني ماراح يغير شئ بينا بتظل صاحبي واخوي
تركي : اوكي انا بفكر بالموضوع وبعدها برد عليك يالله مع السلامة
بسام: فمان الله
وسكر تركي وجلس يفكر يكمل مع عهود ولا لا وقطع تفكيره مسج وكان من عهود "السلام عليكم اخ تركي لوسمحت انا الصراحة ماتخيل نفسي زوجة لك اولغيرك عشان كذا مادام احنا على البر نفترق احسن لنا واعرف اني مش رافضتك لشخصك لان مواصفاتك تحلم فيها أي بنت بس انا لا لاني مافكر بالزواج ابد ولما وافقت قلت فرصة عشان لما تطلقني ماراح حد يتقدم لي احد والي عارفته من خالي انك متفهم فارجومنك تطلقني مثل مادخلنا بالمعروف نطلع بالمعروف وشكرا"
تركي "استجنت ذي لا اكيد جنت ولا في بنت مامر على ملكتها اسبوع وتطلب الطلاق "رسل لها"يازوجتي العزيزة انا مش اخ لك ولاعمري بكون لك غير زوج وبعدها ممكن اكون لك الدنيا كلها اوكي وبعدين عيب عليك طول الوقت الي مر وانا ادق عليك وما تردين وبعدها ترسلين الرسالة هاذي وانا ماتزوجت عشان اطلق فاهمة"
عهود بعد ماقرت الرسالة جنت "لا والله الظاهر ذا ميجي بالاسلوب الحضاري وارسلت له"اسمعني زين طلاق وبطلق فاهم وماانخلق رجال يمشيني بمزاجه وانا ماابيك "
وصل تركي المسج: لا صدق البنت استخفت ودق عليها مرة مرتين ثلاث واترد
رسل لها "عهود ردي خلينا نتفاهم "
ردت عليه "مافي شئ نتفاهم عليه ياخي ماابيك طلقني ماتفهم"
رد رسل لها "طيب ردي "
رسلت له"نجوم السما اقرب لك"
تركي:"لا تخليني اوصل السالفة لابوك"
وبعدها دق وبعد الرنة الرابعة رفعتها
تركي:واخير تكرمتي ورديتي يامدام
عهود:خير هذا انا رديت شتبي
تركي :الناس اول حاجة يسلمون يسالون عن الاحوال
عهود:وانا مارديت عليك عشان اسلم عليك انارديت لشئ واحد وهو الطلاق
تركي :انت صاحيه
عهود: واصحى منك بعد ماابيك طلقني تفهم
تركي باستهزاء: لا ماافهم
عهود:والله مشكلة الغباء
تركي :احترمي نفسك ولا تغلطين سامعة
عهود: لا ماسمع ويلا لاتكثر كلام انا قلت لك مارديت عليك الا عشان تطلقني
تركي : واذا ماطلقت
عهود:بطلق ورجلك فوق رقبتك سامع لاني مستحيل اكون زوجة لك
تركي بتحدي:سمعيني زين طلاق حلمي سامعه واسلوبك عدليه معاي ولا سنعته لك
عهود:تخسى الا انت
تركي فور وحس انه اذا طول معها بيتهور:الحين انا بسكر لاني مالي خلق لبزارتك
ولما ارجع لسانك ها اسنعه لك
وسكر على طول من غير مايسمع ردها
عهود"الحيوان يسكر السماعة بوجهي ودقت عليه بس هالمره هو الي حاقرها ومارد عليها
وبعدها دق على ابوها وطلب منه تعجيل العرس وانه يبيه بعد شهرين ووافق الابو وبعدها كلم اخوه وطلب منه يحجز له قاعة بهالموعد ووصله مسج منها "ياثور طلاق بطلق سامع "
تركي كان وده تكون جنبه عشان يعطيها ذاك الكف الي يسنعها بس من حظها انه مش قريب منها ورسل لبسام ان بيكمل مع عهود وبعدها رسل لعهود"جهزي نفسك بعد شهرين بالتمام بتكونين عندي واربيك من اول وجديد هههههههههه باي " وعالطول قفل جواله لان ماله خلق لسخفاتها
ولما وصلها المسج:مش على كيفك يالحقير ودقت عليه ولقته مقفل وجلست تشتم فيه لحد ماغلبها النوم ونامت
وبعدها خلص تركي دورته ورجع وبدى يجهز لزواجه من عهود اما عهود ولا تحركت من مكانها وامها حاولت معاها تروح السوق تجهز نفسها بس هي عندت ومارضت فما لقت
امها غير نجود تعونها لانها عارفه بنتها عنيدة وماتتراجع عن كلمتها وغير كذا نجود
ذوقها من ذوق عهود
يوم الخميس بعد صلاة العشا جى تركي لعهود وكانت ناوية ماتطلع له بس ابوها موجود معه
لبست لها بنطلون جينز ابيض مع بلوزة نص كم بيضاء وفوقها بدي طويل على شكل فستان
ماس عند الخصر بعدها يوسع وكان لونه وردي اما شعره فرفعته وحطت غلوس مع كحل
وراحت المجلس كان ابوها وتركي موجودين راحت لعند تركي ومدت ايدها :السلام
تركي :وعليكم السلام
عهود: الحمدالله على السلامة
تركي: الله يسلمك
سحبهاتركي بنذالة منه وجلسها جنبهلانه عارف ماتقدر تقول شئ او تبعد عنه بسبب ابوها كانت تخاف
منه بشكل مو طبيعي وتكره كره العمى
جلس تركي يسوالف ع ابوها وطو ل الوقت ماسك ايد عهود وهي تحاول تفكها بس ماقدرت
بعدها بفترة طلع ابوها واول ماطلع فزت من مكانها وجلست على ابعد كنبه
تركي عطها نظرة :ماظنتي مجروب
عهودعطته طاف:...............
تركي حب ينرفزها :ماراح تضيفينا
عهود"شكله ذا راعي طويلة ":اففف
تركي: لاتأففين
عهود:كيفي
تركي :وهاللسان طلع بعد ماطلع ابوك وانا توقعت انك عقلت
عهود:الحمدالله عاقله قبل لاشوفك
تركي :واضح
راحت وجابت القهوة والشاي ومعه حلا وحطتهم على الطاولة وجابت لها عصير لانها
ماتشرب شاي اوقهوة وخذت لها من الحلا وجلست
تركي جلس يطالعها باستنكار:الي اعرفه ان من الذوق انك تضيفين الضيوف
قبل لا تضيفين نفسك صح
عهود: صح بس هذا لو كانوا الضيوف مرحب فيهم
تركي :اقول عن قلة الذوق وصبي لي قهوة
عهود"لاوالله جلس يتأمر حضرته:على ماظن عندك يدين تخدم فيه نفسك
تركي "صدق بزر هالبنت بترفع لي ظغطي":والله لما تكون مرتي عندي
ليه اتعب نفسي
عهود:وليه متزوجني خدامة انت ووجهك
تركي تنرفز :لسانك قصريه والمرة لاخدمت زوجها مو معناتها تصير خدامة
عهود:هذا لما تصير المرة تحب زوجها لكن انا ماحبك ولاعمري بحبك مو لانك انت
لاني ماعترف بشئ اسمه حب ولان بين المرة والرجال وخاصة السعوديين مايكون بينهم
حب اكثر مايكون حب للسلطة من الرجال
تركي"الله يعيني على مابلاني":غلطانة
عهود: لامو غلطانة ولاتتعب نفسك وتحاول تقنعني بشئ عمر ماراح اقتنع فيه
وبعدها ناظرت ساعتها وقامت
تركي :على وين
عهود"افففف ياثقل دمك":برجع
وطلعت وتم تركي ينتظرها ربع ساعة وماجات وبعدها ربع ساعة ثانية
"وين راحت "دق على جوالها ولقاه مقفل الا يدخل عليه اخوها عبدالله
عبدالله:هلا بالنسيب تو ماانور البيت
تركي وهو يسلم عليه:بوجودك
عبدالله:الحمدالله على السلامة
تركي :الله يسلمك
وجلس يسولف معه
__________________________________________________ __________
مشاء الله تبارك الله
رائعه جدا
__________________________________________________ __________
بصراحة قصة جنااااااااااااااااان حبيتها على عشان
اسم حبيبي لا امزح اللة يعطيكي العافية انتهت القصة
ولا باقي
مشكورين وهذا البارت لعيونكم
وهذ البارت الرابع واتمنى يعجبكم
[الجزء الرابع]
عبدالله: الا وين عهود عنك
تركي : والله مادري قالت بتروح وترجع من نص ساعة وماشفتها
عبدالله: عن اذنك اروح اشوفها لك
تركي : اذنك معاك
وراح عبدالله يدور اخته وشاف البنت باسطه بالصالة والبيبسي بيد وكيس الشيبس
بيد وتتفرج على مسلسلها نور
عبدالله متكتف: الحين رجلك بالمجلس وانت تتفرجين على هالخرابيط
عهود ناظرته وعطته طاف وكملت:..........
عبدالله :عهود عيب عليك قومي لزوجك والمسلسل لاحقة عليه
عهود: وهو لاحقه عليه
عبدالله :استحي ويلا قومي
عهود:ماراح اقوم وماحد قاله يجي عند موعد مسلسلي
عبدالله: لا حلفي انت بس شرايك نعطيه جدول عن مواعيد برامجك
عشان مايقطع عليك ويجي
عهود: فكرة حلوة
عبدالله :انثبري بس ويلا قومي
عهود بعناد: ماني قيمه
عبدالله وهو يهز راسه: الله يعينك على ماابتلك ربي ياتركي
عهود لوت برطمها:اخلص بس خلني اكمل مسلسلي
عبدالله وهو رافع ايدينه:يالله لا تبليني بواحدة مثلها
عهود وهي تطالعه بنص عين: والله اذا كان الي بالي صحيح فهي
مثلي باظبط
عبدالله بارتباك: قومي لا يكثر بس
عهود: قلت لا يعني لا
راح عبدالله لتركي وقاله السالفة كلها تركي استئذان من عبدالله انه يدخل
لها وبما انه مافي حد يتغطى عنه دخله
ولما دخل شاف البنت مندمحة ولا على بالها
تركي وهو يخفي غيظه : الحين انتي يقليلة الادب زوجك صار لك شه ماشفتيه
ويوم اجي لك تجطليني عشان مسلسل
عهود شرقت بالبيبسي ماتوقعت انه يجيها
عهود: والله مسلسلي وماافوته والمفروض تدق قبل لاتجي
تركي : والله انادقيت واخذت الان من راعي البيت
عهود: خلاص اجلس مع راعي البيت
وفجأة دخل ابوها بصوته العالي:عهيد ووجع ان شاءالله هاده رجلك وجالسة تتفرجي
على خرابيطك
عهود قلب وجهها الوان من الخوف :يبه..انا انا
تركي تدخل بعد ماشاف وجهها صار اصفر من الخوف وخاف يجيها شئ:لا ياعمي
انا الي قلت لها نجي هنا لما قالت لي عن المسلسل قلت ابغى اشوفه يمكن يعجبني
ابو عبدالله: لا تعطيها وجه ياتركي ترا بكره تمصخها اسالني الحريم ما ينعطون
وجه
عهود انقهرت من ابوها وكان ودها تروح لغرفتها بس خافت منه
ابوعبدالله صرخ:عهيد
عهودلصقت في تركي وتمسكت بايده من الخوف: نعم
ابو عبدالله: يلا ذلفي وسوي عشا لرجلك
عهود توها بتتكلم قاطعها تركي:لا ياعمي ما يحتاج توني موصي المطعم على العشاء
وبيوصلونه هنا
ابو عبدالله : ليه تخسر نفسك والخير هنا كثير
تركي : لا خساير ولا شئ وخيرك واصل
ابو عبدالله :على هواكم
تركي : عهود قومي وصليني لدورة المياه
قامت عهود معه ووصلته بعدها طلع تلفونه ودق على المطعم ووصف لهم البيت وبعدها
رجعوا للصالة وهو ماسك ايده وجلس وجلسه جنبه
وصل العشا وتعشو بعده استئذن تركي وهو طالع وقفه صوت ابوها:وانت ياغبية
ماتعرفين السنع قومي فزي ووجع وصلي رجلك
عهود خلاص ماقدرت تمسك دمعتها الي خانتها ونزلت غصب عنها:ان شاءالله
راحت لتركي وكان واقف عند الباب وبيطلع: يالله مع السلامة توصين على شئ
عهود اكتفت بهز راسها بمعنى لا لانها لو تكلمت بتصيح
تركي حس فيه وحبها على راسها وطلع
عهود تفجئت من حركته وعلى طول راحت لحجرتها عشان ماتشوف ابوها
وهو في السيارة وصله مسج من عهود "الله يخليك لا عاد تجي عندنا واعتبره طلب مو امر
واحنا خلاص مابغى شئ على زواجنا "
تركي تفهم موقفها ورسل لها "انت تامرين مو تطلبين "
عهود استغربت منه توقعته بيعاند وبيرفض طلبها وحمدت الله انه وافق على طلبها
بعد يومين دق تركي على خالها بسام
بسام: هلا بالنسيب
تركي : هلا بك شعلومك
بسام: تمام وانت
تركي : الحمدلله بسام انت مشغول
بسام :لا في شئ
تركي :لا مافي شئ بس بغيت تقولي عن ابو عهود
بسام :ليه
تركي :قال لبسام الي صار لما كان عند عهود
بسام : وهالرجال مايجوز عن طبعه دايم كاسر خاطر هالبنت
تركي : يعني هذا شئ عادي عنده
بسام : ماشفت شئ اذا عصب ماحديقدر يسكته
تركي بحمية : وان شاءالله يمد يده عليها
بسام : احيانا
تركي"وقص في ايديه ":وامها
بسام: كان اذبحه
تركي :ليه هو كذا
بسام: طول ماامه السوسه واخوانه وراه بيتم كذا
تركي : يعني اهله الي يشيشونه
بسام عليك نور
تركي: متنلام البنت اذا تعقدت
يسام: هذا الي تشوفه
تركي: طيب ليه عطيتوه اختك
بسام : لانه ولد عمتنا
تركي : اها
بسام : توقعنا بيعزها لانه من دمه ولحمه بس حتى صلة الرحم ماشفعت
لها
تركي : ومازال حاله كذا
بسام: لا الحين احسن من قبل لان اختى بالبداية ماكانت تقول لنا على الي
يصير معها لكن بعد ماتجرء ومد ايده عليها تكلمت وقالت لنا عن كل فعياله
فيها وعيالها قاموا عليه اخواني وابوي ووصلت السالفة للطلاق بس بعدين
توسطت له عمتي وهو حلف انه مايعيدها وبعدها خفف من حدته معاهم بس
بس بعد ايش عقب ماكره البنت في الرجال تصدق جاتها فترة كانت ماتطيقنا
ولاتحب تجلس معانا ولما جلسنا معاها وشوي شوي لما وثقت فينا بس ما
تنلام البنت هي شافت الويل على يدينه هو واخوانه بعد
وغير كذا هو قطعهم عنا من وهم صغار وماشفناهم الا من خمس سنين
عشان كذا اقولك ياتركي راح تتعب كثير على ما تثق فيك وبطلع
عيونك ولاتنسى بعد لسانها الي ينقط عسل
تركي:ههههههههه عارف لاني جربت منه شوي
بسام:بللل بنت اختى ماعندها وقت هههههههه
تركي : أي اضحك ان شاءالله مرتك مثل حلات مرتي
بسام: اذا مثل حلاها أي لكن مثل لسانها الله لا يقولها ياشيخ لاني بذبحها
لاني افور بسرعة ولا اقدر امسك نفسي مثلك يالحبيب
تركي : الله يعين ياشيخ يلا ماطول عليك سلام
بسام :انت ووجهك داق على عشان حبيبة القلب وانا الي على بالي داق علي
تسأل عني
تركي : احمد ربك ذاكرك الين الحين بنت اختك تخلي في احد عقل ويلا لا
يكثر سلام
بسام:هههههههه سلام
مابقى الا ثلاث اسابيع على العرس راحت عهود مع امها الخبر عند خالها
ترتب اغرضها بشقتها الي بالدمام ورفضت تروح مع امها ومرت خالها
بس عشان ماتشوفه وطلبت من عمر يصور لها الشقة
اما تركي كان مبسوط على باله انه بيشوفها لكن ظنه خاب لما ماجات
معاهم
اما عمر كان فرحان لقى شئ يتكسب فيه من عهود وما ارسل لها
الصور الابعد ماخذ منها المقسوم وعهود وهي تتفرج كانت مدهوشة
انها ماتوقعت ان عنده ذوق كانت شقتها بعمارة ابوه وهو الي اشرف
على ترتيبها وكان كل شئ على ذوقه
الشقة مكونه من غرفتين نوم الغرفة الرئيسية كانت مصبوغة بالون
العنابي المعتق والجدران يتخللها رسومات زخرفيه اما اثاث الغرفة لونه بني غامق
كان شكل الغرفة جنان اما الغرفة الثانية خلها غرفة تبديل الملابس او
اذا جاهم ضيوف يجلسون فيها اما الصالة ماكانت وسيعة مرة كانت مناسبة لهم
ومزودة بتلفزيون مسرحي
وحمامين ومجلس وكان كل ترتيبة واثاثه رهيب
بغى اسبوعين على الزواج وتركي ماشاف عهود ولا كلمها بس يرسل لها مساجات
وعهود ماترد علبه بس هو مايأس لانه عارف انه صعب يكسب يكسب ثقتها
وراح يبين لها ان مو كل الرجال مثل ابوها وهو مستحيل يتخلى عنها تعلق فيها
من اول ماشاف دمعتها عرف ان ورى هالقناع الي حاطته بطوالة لسانها
وصدها له وعلى كبر سنها الا انها طفلة انحرمت من الحنان والي خله يتاكد من احساسه
يوم تمسكت فيه بكل قوتها وصمم انه يزيل قناع القسوة الي لابسته
