الحجاب اللبس واشياء اخرى حوار حر

عنوان الموضوع : الحجاب اللبس واشياء اخرى حوار حر
مقدم من طرف منتديات الشامل

بسم الله الرحمن الرحيم

السلام عليكم ورحمه الله وبركاته

موضوع حبيت نتناقش فيه واتمنى حتى لو كان مكرر ما ينحذف لانوبجد مهم وهادف يمكن من زمان اتكلمو فيه فانا من كثر ما اشوف بالمجتمع اللي حولي وحولِك وحولَك حبيت نتناقش بهالنقاط منها نفيد ومنها نستفيد ونشوف كل واحد ووجهت نظره بالموضوع هذا لانو معروف كل واحد وله وجهه نظر خاصه فيه

بالبدايه راح نتناقش بكذا نقطه واتمنى أي واحد يرد يقول لناعن وجهة نظره بكل النقاط وهل هو مع او ضدويتكلم شوي مما عنده ما تدري يمكن احد يستفيد بشويه كلام من عندك يعني ما كنت تتوقع انو راح احد يستفيد من كلمتين قلتهم الا انه يجيك اجر من دون علمك وربي مابي احد يستهين بالموضوع هذا لانو بجد مهم واللحين الواحد يدور ع الحسنه من كثر الفتن >>الله يجيرنا منها

وما يرد لي بمثلا يعطيك العافيه الموضوع يستحق النقاش وكذا لاانا مابي كذا ابي نتناقش كلنا نسعى للخير وكلنا نساهم فيه لانو الدال ع الخيركفاعله واتمنى كل من يرد يكون عارف وش نتكلم عنه لانو بصررراحه في ناس ترد بدون ماتقرأ الموضوع فاللي بيرد بدون ما يقراه خليه لوقت فراغك وتعال اقرااه احسن

موضوعي وما فيه عننا احنا النساء بشكل عام والبنات او الفتيات بشكل خاص >>>>قصدي اللي مو متزوجات والا توهم عرايس

راح اتكلم بطريقتي واتمنى محد يزعل وكلامي عام للكل يعني ماراح اكتب كل شوي انو الموضوع بشكل عام عشان كذا محد يزعل لان هذا الواقع وهذا اللي احنا عايشين فيه وشايفينه وانا ما اتكلمت الا لانو هذا اللي اشوفه ومو معناته انوانا صح او انو انا عدل وما اسوي مثل هالموضوع اللي راح اتكلم عنه بالعكس كلنا خطأون وخير الخطأون التوابون وانا اتكلم عن نفسي قبل ما اتكلم عن الكل

ابدا موضوعي بالملابس اللحين يا كافي البلا تجيك واقسسسم بالله تستحي تناظر فيها الغرب دخلو علينا ملابس عااااريه ومفصخه واحنا نجري وراهم هذا هم اللي يبونه يبون المسلمين يلبسون لبسهم ويتفاخرون فيه اسألكم بالله منظر بنت بعزشبابها لابسه لنص الفخذ وعريان من فوق عاااادي ؟؟؟؟!!!!!!

ولا فرحانه فيه وتضحك وش تضحكين عليه ع شكلك اللي ما ينظر فيك

لا. لاجيت سألتها تقول عادي وهذي الموضه اللحين>>الله لا يبارك بالموضه اللي فصختنا وبعدتنا عن دينا وحياااائنا طبعاً اقلب اللي يلبسونه راضين فيه وتقولك ياروحي انتي كل واحد ونفسه لبسي لي والا لك؟ مين بيتحاسب اناوالا انتي؟ ورب البيت انتي وعشان انتي اللي راح تتحاسبي انا اكلمك اللحين

وحده لابسه نفس هاللبس وسالتنا وهي تضحك وش رايكم بلبسي قلتلها حلو ما شاء الله بس لو لبستي اغمق وساتر احسن من هالشفاف اللي عليك قالت وربي يفجعون بس يناظرون فيني قلت بقلبي قصب والله يناظرون جايه بهاللبس وما تبين احد يناظرك استغفر الله بس

<<طبعا اقلب هالملابس تنلبس بالعروس والزوجات والحفلات وبالاعيااد وقسم بالله انا استحي اناظرها اللحين قبل لا تجين العرس او الحفله اوبالعيد ناظري شكلك بالمرايه عاجبك المنظر كل الدنيا برا عادي عندك تسلمين ع خوالك وعمانك بالمنظر هذا طيب لا لبستي هالبس روحي لجدتك وسلمي عليها والله لا تتكلم عليك الف كلمه وتغسل لك قدحينك ع قولتهم>>>قدحينك بمعنى قدورك او صحونك هع

وما تخلي عليك شيء ولو كانت من النوع اللي ما يتكلم والله لاتنزلين من عينها وش ذا اللحين انتي مسلمه مؤمنه عارفين يقولكم تبي تعرف مقياس الايمان عندك شوف حياءك عندك حيا يكون ايمانك تمام ما عندك حيا معناتو ايمانك ناقصوبادر بالتوبه قبل لا يفوت الفوت وما عاد ينفع الصوت وربي محد نافعك لا المصمم اللي صمم لك وتتباهين فيه وش تتباهين فيه ؟؟؟تتباهين برجولك اللي طالعه كلها ماباقي شيء والا بنص ظهرك اللي برا ؟؟؟!!!!

لا حو ل ولا قوه الا بالله

تجيك الام لابسه تمام والبنت اللهم يا كافي

بنات انتو شمعه الدنيا والبنت جمالها باخلاقها وبحياها موبمظهرها صح المظهر لكم عليه ولزوم تتزبط بس مو تتفصخ شوفو معي وش قال الرسول صلىالله عليه وسلم فيما معنى الحديث يوم تكلم عن الكاسيات والعاريات وينهم ؟؟؟شوفوهم عندنا بالزوجات وبالحفلات

بزمنا اللحين وربي شيء يخوف

اتمنى اتمنى اتمنى أي وحده تلبس كذا تتركه مو عشاني ولا عشان ا لناس تشوفك وتقول هذي محترمه لا عشان نفسك عشان دينك عشان ما تفتنين الناس بمحاسنك بالعكس لازم تخبينها وتغاربن عليها وما تخلين احد يشوفها ابد وين حياء الصحابيات عن حياء بنات هالزمن

يقول عالم من علماء الغرب نحترم دينهم ونكررهه عاداتهم

ولكن هم يكرهون دينناويعشقون عاداتنا

من الطبيعي ان يكون هناك اسلام بلا مسلمين

شفتو كيف >>>>هذا النقطه الاولى من موضوعي

<*>على فكره عشان محد يقول اني اتكلم عن البنات وامدح نفسي. انا مثلكم اللبس قصير واحب اشتري الاشياء الغريبه او المميزه والطالعه بس مناسب مو شطحه لفوووق وربي لو بقيت اخذ واحدعاجبني غير اخذ اكبر من مقااااسي بس عشان يجي ساتر

النقطه الثانيه وهي العبايات ادري انو مكرر ونزلت قبل عنه وانحذف ونزلت مره ثانيه عن نفس الموضوع وانحذف انا ما اعاتبكم عشانكم تحذفونه وولاحطيته بنص موضوعي عشان ما ينحذف بالعكس يمكن لما يكون مكرر مكرر من زمان ومحد شافه انا عشان كذا ارجع اعيد وازيد فيه

امااااانه عليكم واسالكم بالله هذي عبايات تنلبس تقول فستان موعبايه وعبايات اللحين تحتاج عبايه فوقها تسترها وقسم شيء يخلع يعني تجيك ضيقه من عند الصدر وعريضه من تحت وش بقى ولا تجيك من ورى من بدايه الظهر لين تحت اشكال واللوان >>>>مو معناته اني ملبس عبايه ع الكتف انا البس مثلكم بسساتره والحمد لله عريضه والزينه اللي فيها باللون الاسود وربي

اتذكر مره رحت لمحل وطلبت منه عبايات كتف عارفين العيد جاي ولزوم الواحد يشتري قلت اديني عبايات الكتف وينها >>>لاني ابي اختار طبعا

فقال :هنا شوفيها

لما شفتها انصدمت ورب البيت تقولون فساتين

قلت بدون شعور:حشى فستان مو عبايه وليه وين انا البس كذا اقول مافي من عبي البشت؟

تدرون وش قالي وربي قهرني :مافي الا هذي وبعدين هذي الطالعه

قلت بقلبي مالت عليك وعلى الطالعه مالتك من زينها عاد

اللحين وين تلاقون زي الصحابيات كانو ما يطلعون الا عين وحده ومو كل وقت الا لحااااااااجه >>>شوفو الفرق

اللحين تجيك متلثمه واللثمه لتحت الخشم تكفين وش خليتي ولاتفتح الطرحه وتلفها من جديد ياربي سترك وحاطه لك انوووواع واشكال من العدسات ولا الشعراللي من فوق تطلعه وش تبين تطلعينه تبين الشباب يشوفون لونه مثلا؟؟؟!!! ترا ماهمنافعينك يوم القيامه !! والا.الارواج وربي مره برمضان نفس الشكل قلت اللهم يا كافي استترو لو برمضان وش ذا الناس

شغله ثانيه النقاب اللي اللحين طالع من بين الحواجب نازل طيب
بتتلبسينه اوك ما فيه شيء هو عادي زي أي نقاب ثاني بس ودي افهم وش سر رسمه العين اللي من فوووق؟؟؟فهموني تكفون ؟

المناكير اشكال والوان مير بعضها تقول يا ليل يا عين واش سيااع واش اكسسوارات واش مكياج اللهم استرنا فوق الارض وتحت الارض ويوم العرض

<<<وربي مره روحت مول انفجعت مو معقول واصلا استغربت اتخيلو وش شفت كنت واقفه مع امي واختي واحنا بنصلي مع مجموعه حريم المهم كنا ثنتين يصلون والباقيات واقفات لانو هما هذولا ما معاهم الا سجاده وحده وفاتحينها على ثنتين انا انتظرهم يخلصون لفيت لوراء ورب البيت ما حلفتوني الا اشوف هذيك البنت رافعه العبايه ولابسه بنطلون لتحت الركبه والرجول تلق بياض ما شاء الله وقسم بالله اناافتتنت وبس اطالعها كيف الشباب اللي عيونهم زايغه وما يصدقون يلمحون حرمه الله يصلح الحال

بنات في حديث يقول الرسولالله صلى الله عليه وسلم((يا معشر النساء تصدقن فأنكن اكثر حطب جهنم )) عارفه انوالحديث عن الصدقه بس انا جبت الشااااهد ع الموضوع (((فأنكن اكثر حطب جهنم )))اتخيلواحنا حطب جهنم ما اعتقد عاقله بتقول عادي ادخل النار

وش احسن من الجنه؟ ووش احسن من اننا نطالع لوجه الله عز وجل ووش احسن من ان الله يظلنا بظله يوم لا ظل الا ظله وش فيها الدنيا غير الهم والنكد وربي ما فيها شيء وتراها سهله بس لو احنانعرف وش نبي ولو عرفنا وش المفيد لنا وربي نفوز بالجنه

يقول الشيطان لعنه الله عليه :استغرب من بني البشر يحبون الله ويعصونه

ويكرهونني ويتبعوني

>>>>>شفتو كيف فرحتو الشيطان

انا لو اشوف اجنبيه ما استغرب عادي لانها جايه من مكان كذا لبسهم وكذا عاداتهم ويمكن لسى ما عرفت شيء عن ديننا وربي شفت اجنبياااات كافرات لابسات استر من مسلمات وعارفين وش الحجاب ووش شروطه بس وين اللي يتعض>>>>النقطه الثانيه من موضوعي

اروح لاخر نقطه ودي اناقشكم فيها اتوقع لو بزر تسأله كم عيدعندنا؟؟؟يقولك عيدين عيد الحج وعيد الفطر بس الكل كمان يعرف انو احنا المسلمين السنه ما عندنا الا ثلاث اعيااااد عيد الحج وعيد الفطر ويوم الجمعه >>قالوها لي تو يعني لو فيها غلط فمن نفسي والشيطان

المفروووض كل واحد يطهر قلبه قبل جسده من الرذائل كلنا بشر وكلنا نخطئ وكلنا نغلط وكلنا نتبع الهوى وكلنا مرات ننسى التوبه وما نتوب الا بعدما حسينا بالذنب عادي هذي فطره ربي فطرنا عليها بس الجديد واللي ادخله الغرب عليناواحنا ما صدقنا خبر وما صدقنا على الله وهبينا فيها وهي:عيد الحب وعيد الام وعيدالميلاد

حضرت جمعة بنات وبصراحه في وحده انا ما ابلعها يعني واقفه بحنجرتي وما احب اتكلم معاها ابد لان احسسس انها ما تبيني فعشان كذا انا اخذها من قصيرها وما اكلمها الا اذا كلمتني رديت عليها وسكت عنها

المهم تعرفون الهرج يجر بعضه ع قولتهم وصرنا من سالفه لسالفه لين ما وصلنا لعيد الميلاد وهي تقول شوفو وش قالت:والله احنا الاسبوع اللي فات مدري اللي قبله رحنا لوحده واخذنا اغراض الحفله معنا وفاجأناها واحنا نسوي لهاحفله عيد ميلاد ببيتهم انا ناظرت بتعجب والكل استغرب

وحده قالت :والله فله في احد يحسسك انو يحبك ويسوي لك حفله>>>وين يحبك مع نفسك اقول حفله عيد ميلاد انتي ووجهك

واخذنا فتره وتعرفون الواتس ما خلا شيء يوم ندري بذاك اليوموالا تحط الصور وش تتوقعون اتخيلووو اهلهاااا مسوين لها حفله عيد ميلاد ولا بعدهابكم يوم تجيكم الثانيه ونفس الشيء امها رااااضيه اتخيلو وين احنا صرنا ما عاد في دين؟ جا العيد وتعرفون الناس تتزاور جلسنا بمجلس والا وحده تقول اختي بقت تروح حفله عيد ميلاد صديقتها بس مافي احد يوديها وما راحت ومتحسفه مره قلت لها:عادي تروح ؟؟!

قالت :وش فيها حبيبتي اللحين الكل يسوي حفلات عيد ميلاد يعني جات علينا احنا ما نحضر قلت بقلبي :استغفر الله

ووحده ثانيه بنفس المجلس تقول:والله اللحين ينادون البنت اللي عيد ميلادها ويفاجونها فيه

قالت وحده:حبيباااتي انتي ويااها مافي شيء اسمه عيد ميلاد بلافاجأوها بلا هم يحزنون معروفه اعياد المسلمين

وعيد الحب حدث ولا حرج بالمدارس بالاسواق بالبيوت كل ابوووهم احمر باحمر ياويلنا وربي شيء يفجع خوفيي جينا سخط وعذاب ع اللي نسويه ومحنا دارين فيه انو ممكن نتحاااسب اشد الحساب عليه واحنا مستهينين فيه

عيد الام امك يا اخي اهديها باي وقت بالعيد وبمناسبه رجوعك من سفر باااي وقت حتى من دون سبب بس سبحان الله ما يطري عليك الا بيوم عيد الام ياسبحان الخالق وش الطاري بذا اليوم تهديها يعني شوفو اني احب امي كلنا نحب امهاتناوكلنا نهديهم بس حاولو ما يكون يهاليوم تكفووووون

وش بقــــــى يا زمن ما صار

اذا كل الحرام سوووه

ابي افهم لوين بتوووصلووووون يعني؟؟؟!!!!

ووش اخر موضتكم ياللي تجرون وراهابدون وعي منكم

ادري طولت بس حبيت اتكلم شوي واناااقشكم بالنقاط هذي

اتمنى التفاااعل معي وما حد يرد ب:موضوع يستحق النقاش ويعطيك العافيه مااحسه قراه احس انه يبي يزيد مشاركاته وبس تكفون احتسبوووه اجر

استودعكم الله الذي لا تضيع ودائعه واتمنى محد يزعل مني واللي بيزعل يكلمني ع الخاص ويقولي زعلتيني المساااحه للجميع اتشرف بردودكم وتفاعلكم معي لكم ودي وتحياتي واكييييد اتاااابع ردووودكم اول باولولي رد على كل
https://chamil.xplainer.net/images/s.../2017/t132.gif

<center> >>>>> ردود الأعضـــــــــــــــــــاء على الموضوع <<<<<
================================== </center>
............................

__________________________________________________ __________
حقيقه طرح مؤلم لواقع مرير

ياعزيزتي
المشكله كلها تضمن تنازل الوالدين لبناتهم وبالتالي البنت بتنجرف مع التيار المشؤم~
العالم اخذ قانون
ياتعقيد /يا فصخ الحياء من اوله لتاليه؛

من الطبيعي ان البنت أمرها لوالديها
ومع الاسف كل ام واب يقولو مثلها مثل بنات جيلها
وان فك الحبل منذ البدايه بتسرب منه مثل الماء إذا تسربت بين يدك

تلك الفتيات نشأتهم أهلتهم ان يكونو كذلك لانهم مر أأيا أمام والديهم
أصبحنا
ننظر بزاوية تشديد وتعقيد
خير ال أمور الوسط ~

تعلمين
هناك من الوالدين تصل بهم مرحله لايستطعون ردة بناتهم عن مثل الامور المذكوره بطرحك
فقط لسبب تهاونهم وتنازلهم منذ البدايه ~
والحال يدمي الجبين

ولكن صدقيني كل نشاه سلميه تدرك جيدا ان مثل هالامور تغلق عليها أبواب عده
وتبدأبالتدرج
من العباه الى الملابس الى سهرات خارج المنزل الى ان تبات خارج المنزل الى والى والى~

والام والاب قانونهم العصر غير العصر والوقت غير الوقت ..
والنهايه
ان لم يرحم ربي تصل بها الحال الى ضياع من كافة الاتجاهات

يافاضله
بأحد المدارس كانت تقولي بنت ان استعمل الشيشه والسجاير تحت مسمى حالي مثل حال امي
وماذا تريدين
من منزل كل شخص يفعل مايريد
من الطبيعي الشيطان له مفعوله
والام بعالمها والاب بععالمه

نحن جميعا ولا حظو وانا منهم احتاج للنصيحه في كل وقت وحين فما بالك للفتيات والدتها تاركتها على هوى نفسها والمحزن وان بعدنا كل البعد عن النشاه،وقلنا مانبي نظلم ممكن
البنت انجرفت منهم وين تفكيرها يوم تظهر امام الملا ب هالملابس يعني معقوله مقتنعه
تماما ان ماتعمله صحييح لو كانت بنتي اجلسها في البيت ولا اخرجها ع هواها دامها معي بالبيت تحترم اراي وتقتنع فيها بعد لان هذا هو الصحيح
وحقيقه اؤمن كثير بالوسطيه اللي ماتحسس البنت انها محرومه بعض الشي من رغبتها في الملابس ولا،تفصخ الحياء مرا،وحده،

يابنوتات
كلنا نتفق ان الصح صح
والخطا خطا
وعمر الصح ماكان خطا والعكس

لكن شر الغزو،والتقليد الاعمى ترك كل صواب وانحدر على كثير من البيوت
الاحتواء ثم الاحتواء
الابناء تكوينهم بالفطره ~

نحن بعصر أصحاب السوءكثير وتلك النشأه

ان وضعتي حد السيف ع رقبته بتم ب نشاته الصالحه لانه مقتنع بطريق سار به منذ طفولته~
وبيحافظ عليه مثل الكنز
وبالفعل الاخلاق وقبلها التربيه السليمه كنز ثميين بيحافظ عليه الى اخر يوم بعمره~
لكن
إن وجد القصور النفس اماره بالسوء
ونفس الهوى تهوي بصاحبها للهاويه

التدارك والفعل العقلاني لللعبايا والملابس هي النجاة من كل شي

والله يستر علينا وعلى بنات المسلمين
ويصلح الحال لأفضله
حقيقة زمن
تدفن فيه ال أخلاق والعادات والتقاليد لنثبت للعالم انا مواكبين للتطور على حساب ديننا وأنفسنا

جل تقديري لك يانقيه
وعلى تنويه جزاك الله الف خير وجعله الله بموازيين حسناتك
وماقلتي غير الدفاع عن الحق
وبارك الله فيك ووفقك

__________________________________________________ __________
انا ارى العكس تماما .. اشوف النساء ملتزمه شكلا ... وقليلا جدا منهن تكون متبرجه

التهويل الذي نراه من جانب كتاب المنتديات لانجد له صدى في الواقع ... الا اذا كنتي تتحدثين عن نساء بين الجدران في بيوتهن .. في الشارع نادرا مانشاهد بنت او امرأة بالوصف المذكور في الموضوع والنادر لاحكم له ولايمكن تعميمه بهذه الصوره

تحياتي

__________________________________________________ __________

المشاركة الأصلية كتبت بواسطة سامي74 https://chamil.xplainer.net/new_te3p...s/viewpost.gif انا ارى العكس تماما .. اشوف النساء ملتزمه شكلا ... وقليلا جدا منهن تكون متبرجه التهويل الذي نراه من جانب كتاب المنتديات لانجد له صدى في الواقع ... الا اذا كنتي تتحدثين عن نساء بين الجدران في بيوتهن .. في الشارع نادرا مانشاهد بنت او امرأة بالوصف المذكور في الموضوع والنادر لاحكم له ولايمكن تعميمه بهذه الصوره تحياتي

هي فعلا تتكلم عن اللتي بين الجدران ولا تراهم انت في الشارع.
وهي لم تعمم اصلا..وهي تتكلم عن مجتمعنا المختلف عن مجتمعك اخ سامي فلم الانبراش.
ولا ننسي قضية التحرشات والتي سببها التعرى..دول عربيه تشتكي ازمة التحرشات ونأتي نقول لم نرى ولم نسمع وفي النهايه لا نتكلم.


__________________________________________________ __________
الي فهمته , بختصار شديد انو ملابس &quot; مش ولا بد &quot; + حجاب &quot; الله بـ الخير &quot;
أولاً
الي تجي عرس ولابسه لبس وحده لابسه ملابس غرفة نوم
أغسلي أيدينك و رجلينك مو بـ ماء الا بـ كلوركس
لأن لا هي ولا أمها فيها خير
مو معناة ان الحضور حريم تقلبها &quot; بحري &quot; !!!
سلاماآآآآآآت !!!!
واصلن لو امها فيها خير ما رضت انو لحم بنتها يصير &quot; لحم رخيص &quot;
للفرجة سواء وهي طالعه من البيت للـ صالون ومن الصالون ع العرس
و يــ يلله &quot; الي ما يشتري يتفرج &quot;
العتب والله على الأم و الأب و الأخوان
هاذي مناسبة زواج مي &quot; ليلة دخله &quot; حتا ليلة الدخله لو ما بـ البنت [ حيا ]
لـ يصير عقل زوجها بكفه !!
فما بالك بـ العينات الي تقولين - الله يدفع البلا - !!!
اما الحجاب
ما يختلف فيه اثنين [ الأصل ] فيه [ الأحتشام ]
والي تعدت اصله مالها في تاليه شي .

المشاركة الأصلية كتبت بواسطة robin hood https://chamil.xplainer.net/new_te3p...s/viewpost.gif الي فهمته , بختصار شديد انو ملابس " مش ولا بد " + حجاب " الله بـ الخير " أولاً الي تجي عرس ولابسه لبس وحده لابسه ملابس غرفة نوم أغسلي أيدينك و رجلينك مو بـ ماء الا بـ كلوركس لأن لا هي ولا أمها فيها خير مو معناة ان الحضور حريم تقلبها " بحري " !!! سلاماآآآآآآت !!!! واصلن لو امها فيها خير ما رضت انو لحم بنتها يصير " لحم رخيص " للفرجة سواء وهي طالعه من البيت للـ صالون ومن الصالون ع العرس و يــ يلله " الي ما يشتري يتفرج " العتب والله على الأم و الأب و الأخوان هاذي مناسبة زواج مي " ليلة دخله " حتا ليلة الدخله لو ما بـ البنت [ حيا ] لـ يصير عقل زوجها بكفه !! فما بالك بـ العينات الي تقولين - الله يدفع البلا - !!! اما الحجاب ما يختلف فيه اثنين [ الأصل ] فيه [ الأحتشام ] والي تعدت اصله مالها في تاليه شي .

اووك تمام اللي تبونه ابغير الخط لعيونكم
وجهة نظر سليمه اووك مععك بس الكل قاعد يلقى اللوم ع الاهل مو شرط الاهل قلت سابقا انو ممكن تكون باكبر وقاحه وتمشي كلامها فوق اهلها الهدف اني كتبت الموضوع عشان اللي زيهم تفهم انو ذا مو اووك مو ماش مع دينك لانو بجد زاد عن حده وزي م يقولون لا زاد عن حده قلب ضده بكره يسسبب لها اشياء هي ف غناء عنها
تسلم منووور اخوي