حبيبي ولا اهلىى (روااية سارتلنااا مرة حلوةةةةةة مرة مرة مة ) - رواية جميلة
عنوان الموضوع : حبيبي ولا اهلىى (روااية سارتلنااا مرة حلوةةةةةة مرة مرة مة ) - رواية جميلة
مقدم من طرف منتديات الشامل
رواية حبيبي ولا اهلي
هادا الشي حصلنا من جد وحكاية واقعيه و احنا التلاته عشناها ايام حلوة ووحشة و من جد حتنبسطو لما تقرؤها و دي الروايه باللهجة الجداوية او الحجازية يعني بالعاامييي
و نتمنى انكم تقرؤوهاا و نحتاج رايكم لاننا من جد ضايعين
اول حاجة نبغا نعرفكم بنفسنا احنا >
رودين عمرها 15 سنة تالته متوسط بنت حلوة مرا ولزوزة وحبوبه عايشة في المدينه (اهل باباتها في المدينة) و اهل مامتها من جدة دي البنت ما تقدر تعيش من دون اغاني و دا الشي مشترك بيننا احنا التلاته عندها 3 اخوان رايد عمره 10 و رايان 12 سنه و رامي اللزوز 4 سنين يعنني رودين اكبر وحدة
ليان عمرها 18 سنة سنة تالتة ثانوي (سارتلها مشكله في امريكا و اخرتها سنة )بنت فرفوشه ( دا الشي مشترك بيننا احنا التلاته برضو) و طعمه وبيضة و شقرة عايشة في المدينة مع اهل بابتها الي هما برضو اهل بابة رودين عندها 3 اخوان برضو لؤي عمرو 21 قصي 19 وعايش في امريكا معن عمره 13 سنه
غيداء عمرها 18 سنه اصغر من ليان بي 19 يوم اولى جامعه بنت مرة طيبة متفهمه و تساعد الناس عايشة في جدة وتاخد كل حاجا ببساطة وضحك عندها اخوين و اخت شيماء عمرها 21 يوسف عمره 19 سنه في امريكا ويزن عمره 17 سنه
كلنا بنات عم مع بعض دايما في الحلو والمر
الجزء الاول
كناا بنات بريئين نلعب و نضحك ببراءة ما عمرنا فكرنا في انو نحب او نسوي شي من ورا اهلنا اصلا الشي ما كان في بالنا كل الي كان في بالنا متى نشتري حلويات عشان ندسها عن الاولاد و ناكلها في اليل كانت حياتناا مره حلوة و مافييها مشاكل
نبدا بي ليان لانها هيا اول وحده انجرت في دوامة الحب ... كانت ليان عايشه في امريكا واول ماجات كانت طماعه و ورودين و غيداء كانو يكرهوها عشان العابها من امريكا و ما تخليهم يلعبو معاها و ما عندهم زيها و من امريكا لجدة و هيا كان عمرها 13 سنة كانت اولى متوسط كانت مرة بريئة الين ما جا عيد الحج .. كان في ولد عمها ( عمر) عايش في الرياض مرة كول هوا و كان ينزل كل اجازة عشان يجلس مع يوسف و قصي دول التلاته كمان قد بعض ومرا مع بعض المهم جا عيد الحج ... وجا بيتهم وبعد يومين سافرو المدينه بالسيارة
وفي السيارة
عمر: انا مره احب اختك و ابغ اقلها بس مني عارف كيف
قصي : اختى مهى لعبه مو عشان انت ما عندك اخت تلعب ببنات الناس
عمر: ومين قلك اني انا حلعب بيها انا من جد احبها قصي دار وجهو وهوا مقهور منو و من جرأاتو
بعد ساعتين من الطريق
عمر : ليان انا ابغ اقلك شي بس خايف تفهميني خطا
ليان : انا عارفة ايش تبا تقول بس لا تحلم اني اقولها اول
عمر سكت ورجع على محلو و هوا متوتر و كملوالطريق عادي و ليان بدات تفكر في كلامو وبس و وصلو المدينه بالسلامه
كان في المدينه كل العيلة من ضمنهم رودين و غيداء: هاي حمدالله عالسلامه
عمر: الله يسلمكم
و بعدين راحت غيداء تشرب مويا و عمر جا وراها
عمر:غيداء ابا اقلك حاجا
غيداء: ايش هيا ؟
عمر: بس ما تقولي لي رودين (رودين كانت صغيرة محد يستامنها على اسرارو غير غيداء)
غيداء : طيب محا اقول ( بس انو ما كانت تقدر تخبي عن رودين حاجا )
عمر: انا احب ليان
غيداء : ما فهمت
عمر: ايش ما فهمتى
عمر و غيداء كانو زي الاخوان لانو عمر عاش معاهم في بريطانيا بس حصل بينهم موقف بس موقف اهبل حتى غيداء ما حطت في بالها عمر مرا كان جالس لوحدو و جات غيداء لعمر
غيداء: عمر اشبك؟
عمر: بي افكر يا غيداء
غيداء : في ايش يا عمر
عمر: في احد في دا البيت
غيداء: بتفكر في يوسف
عمر : لا
غيداء : في يزن
عمر : في بنت اقلك
غيداء : في شيماء
عمر :لالالالا
غيداء خرجت و راحت و سار موضوعهم الاتنين التفكير و من دا الكلام بس و بعدين لما سافر من بيتهم انتهى الموضوع
دا كلو اتزكرتو غيداء لما عمر قالها انو يحب ليان .. ومهي عارفة ايش تقول لليان الي هيا تسير زي اختهاا و هوا اخوها
و بعدين راح عمر و غيداء جالسة في المطبخ بعدين خرجت راحت السيب لقت ليان : غيداء ابا اقلك حاجا
ليان: امانه ما تقولي لي احد
غيداء :طيب
ليان ببراءة : عمر يحبني
غيداء : ايش سار حكيني
ليان: انا خايفه
سيدو دق الباب : يا كلاب اجلسو مع الناس
سيدو حاجا لزيزة و مانقدر نستغنا عنها في حياتنا تهزيئوو عاملنا جو اتعودنا عليه قلبو ماقي اطيب منو بس هوا هوايتو التهزيئ
رودين : تعالي باتي عندي
غيداء : بابا ما راح يرضى
رودين : يووو الا ماما تكلمو
غيداء : طيب قولي لي ليان
رودين : طيييبببببب
غيداءورودين: ليان تعالي نامي عند رودين
ليان : طيب قولو لي بابا
رودين : طيب
رودين راحت لعمو محمد(ابو ليان ) وقالتلو وقال طيب
رودين يالله يا غيداء روحي قولي لي ابوكي
غيداء : لا والله انتو تقولولو انا ما راح يرضا
رودين : ليان انتي روحي قوليلو
ليان : لا ما ابااحيقولي مجاغا
رودين و ليان و غيداء : ههههههههههه
عمو عبدالله (ابو غيداء) اكبر واحد من اولاد سيدو شخصيتو جدية و منظمة و مايحب السهر و البيات برا البيت بس برضو هوا طيب و حنون
غيداء: خلاص انتو الاتنين روحو
رودين : مجاغا هادا
رودين و ليان : طيب يالله
ليان و رودين : عمو عبداللله
عبدالله : خييييييرررر ايش وراكم
رودين و ليان : نبا غيداء تبات فيبيت عمو ايهاب (ابو رودين)
عبداللله : انا المجاغا هاد ي ما احبها
رودين و لياان : هههههه عمووووو لوسمحت يعني تبات لحالها
عبدالله : انتو باتو معاهااا
رودين و ليان : بكرا احنا
(بعد زن طويييييييييييييييل )
عبدالله : طيب بس لا تسهروو و تنامو على طول
رودين باستو وليان حضنتو و قالولو شكرا
المهم راحو بيت رودين
وطبعا سهرو كالعاده رودين و غيداء بيتكملوا و ليان في وادي تااني
رودين: غيداء اشبها ليان
غيداء : مافيها شي
رودين : الا فيها لييش جالسة لحالها
غيداء: رودين ابا انام بكرا سيدو حيصحينا بدري نروح البلاد (المزرعة حقت سيدو )
تاني يوم
كانو في البلاد وكانت ليان بس تطنش وجود عمر كانت خايفه من مواجهتو وتدعي انو ما يطلع الي يبا يقولو هوا نفسو الي في بالها ... كانت جالسه في المراجيح الي برى وكانت في مرجيحتين على المرجيحا الاولى ليان والمرجيحا التانيه وحده تقربلها و لما المرجيحا قامت البنت من المرجيحا سارت ليان لحالها وخافت تجلس لحالها و يجي عمر و يقلها الكلام الي كان ابا يقلها هوا قامت و فجأه جا عمر ...
عمر : ليان انا ما اقدر استحمل اكتر من كدا
ليان مره كانت خايفة و عشان كدا ما ردت
عمر : انا احبك و محا اخبي عنك دا الشي اكتر من كدا طيب ؟؟
ليان : (بصوت يادوب يتسمع ) انا ؟؟ تحبني انا ؟؟
عمر : ايوا انت ... يلا ادخلي البيت ما ابا احد من اولاد العيله يشوفك
ليان في نفسها مررررررررررره كانت فرحانه
فسمعت كلامو و دخلت و طارت عند غيداء
ليان : غيداء بسرعه مره سار شي مره قوي
وحكتها الي سااااار
غيداء :كدابه وااااا
وبكدا علاقة عمر وليان بدأت تتطور
(عيد الحب) تاني يوم كان
عمر جاب لليان كيس مليان ورود حمره و ارسلها مع واحد من اطفال العيله ومن دي الحركه فهمت ليان انو من جد كان كلامو امس صح و بدأت تفكر في كحبيب مو كولد عم
بعد كم ساعه مامت ليان قالت لغيداء تنادي ليان
غيداء :ليان بلا هبل اشبك انت حتخلي مامتك تشك فيكي
ليان: ليش ايش سار سألت عني ؟
غيداء :ايوا يلا قومي الغدا
ليان : طييييييييييييييييب
و هما رايحين الصاله
ليان: بعد الغدا نبى نروح نتمشى ابا احكيكي ايش سار
غيداء: مو بعد الغدا على طول عشان لحد يحس انو في شي
على الغدا....
مامت ليان: فينك انتي ليش جالسه لحالك برى
ليان ارتبكت و مهي عارفه ايش تقول بس غيداء اسعفت الموقف :يا خاله منتي عارفه ليان تحب تلعب برى في المراجيح ...
مامت ليان: لا تخرجي لحالك مره تانيه
ليان : طييييييييييييب
بعد الغدا خرجو ليان و غيداء يتمشو برى في البلاد و ليان بتحكي غيداء ايش سار امس لما عمر اعطى ليان كيس الورد
و ما كان من غيداء غير انها سارت تضحك على حركاتهم .. و في الاخير ابتسمت و قالت :ليان ابا اسألك سؤال بس تجاوبيني بصراحه ؟؟
ليان : طيب
غيداء: مبسوطه؟؟
ليان مهي عارفه ايش تقول بس لانو لسا في البدايه بس ابتسمت و هزت راسها انو ايوا
وسارو يتمشو و ليان سرحانه مهي داريه هيا الي بتعملو صح ولا خطأ
وعدا اليوم عادي زي كل يوم
و كان باقي بس يومين وليان تسافر مع عيلتها فمره حبت انها تعطي لعمر هديه تدل على انها بدأت تحبو وكانت لابسه سلسله فيها حرف (l)
عمر في دا الوقت كان واقف برى وما كان داري انو ليان حتجيلو
ليان : عمر اشبك واقف هنا لحالك
عمر :ولا حاجه بس كنت باستنى اسامه (ولد من العيله و صاحب عمر)
ليان :اهاااااا طيب انت داري انو بكره حنسافر ؟؟؟
عمر:ايوا داري والله مره زعلان
ليان: ممممم طيب بس كنت ابا اديك شي قبل ما اسافر
عمر: ايش هوا
ليان :ابا اديك شي بس تحافظ علييه
عمر كان ساكت و بيستنى ليان تديلو الشي
ليان راحت و كانت السلسله في يدها و قافله عليها يدها :طب هات يدك
عمر مد يدو
ليان حطت السلسله في يدو :دي هديه بس عشان لا تنساني
عمر مو عارف ايش يقول بس الي قدر يعملو انو مسكها و حطها على قلبو
ليان فهمت و جريت لجوا
وكل يوم حبهم كان يزيد...
نجي لغيداء ... غيداء كانت في 3 متوسط عندها صاحبة مرة تتاثر منها لانها كدا مره لزيزة
في يوم غيداء و مريم كانو اون لاين
غيدااء: مرييييييييييم
مريم بعد 5 دقايق: اهليييين
غيداء: مريم مشغولة
مريم : يا هبله انا عالشات
غيداء تنحت انو كان الشي عندها دا مره ما يسيييير كانت بريئة
مريم : غيداء خدي دا بس قوليلو احبك و بعدين امسحي
غيداء: طيب
احمد : هلا
غيداء : اهلين
احمد : مين
غيداء : انا هايا
جلسو يتكلمو على انها هايا بس هوا كان يعني بتكلمو ببراءة بس بتسوي زي مريم ما قالت
في الصيف ... غيداء مع عيلتها سافرو كارديف زي كل صيف
في يوم غيداء فتحت الماسنجر لقت ادد من ايميل و النيك نيم طيطوو
طيطو : اهلا
غيداء : ميين
طيطو : ما قالت لك مريم انا قريبها
غيداء ما قالتلها مريم عن شي بس حسبت انو زي احمد الموضوع
غيداء: اهلييييييييييييييييييين
طيطو: انتي غيداء
غيداء انفجعت بس انو عشان قريب صحبتها الي تحبها مشت الحال
طيطوو : برب
وطوووووووووووول
غبداء بعتت ايميل : ( معلييش يا طيطوو ما قدرت استنااك سامحنى يا قلبي كان نفسي اتكلم معاك)
************************************************** *****
<center> >>>>> ردود الأعضـــــــــــــــــــاء على الموضوع <<<<<
================================== </center>
بس النت اتخرب و كانو قريب راجعين جدة
رجعت جدة لقت ايميل من طيطو : غيداء انتي ايميلك سوالي مشكله و اباكي في موضوع ضرورويي و خدي رقمي كلميني )
غيداء اتصلت و كانت اول مرا تكلم ولد عالجوال في حياتهاااا
غيداء : الو
طيطو : اهلا مين
غيداء:: انا غيداء"
طيطو بصوت عالي اهلييييييييييين
غيداء : ممم كيفك
طيطو :تقدري تكلميني بعد شوية
غيداء: لا خلاص انا فهمت الموضوع غلط و خلاص انسا الي سار بلييز
طيطو : لا يا بنتي عادي بس انووحدة هبله سوتلي مشكلة بس انو عادي
غيداء طيب خلاص عادي
طيطوو : كيفك
غيداء:حمدالله
طيطو اليوم في الجامعه مدري ايش جالس يحكيها عن شي المفروض تضحك انو موقف يضحك
غيداء ما كانت مستوعبه الي يصير طيطو كان يبا صاحبه بس غيداء ما كانت تعرف انو في شي اسمو كدا كانت تعرف انو الولد يكلم بنت عشان حب مو عشان كلام جامعه و حكاوي كدا
وليد(الي هوا طيطو) قلها انو حبها بعد كم يوم و كدا بدات حكاية وليد و غيداء
في يوم الربوع ...
عمو محمد و عبدالله قررو يروحو المدينة
لما وصلو ...
غيداء : رودين و ليان ابا اقلكم شي
رحنا الصاله و قفلنا الباب
غيداء: انا احب واحد و اكلمو
رودين (مفجوعه) وااااا تكلمي عالجوال وااااا
ليان ساكته
غيداء دق جوالها
وليد : كيفك حبيبي
غيداء : حمدالله وحشتني
ليان و رودين لصقو فيها عشان يسمعو و رودين كانت متنحه ومهى مستوعبة و بس تسال اسئلة كيف تكلمي؟؟ امك ما تعرف؟ اسئلة بريئة اما ليان كانت مصدومه من شيين على الي سوتو و على انو غيداء قالت لي رودين لانها صغيرة
بعدين راحت رودين تنام قامت غيداء قالت
ليان:كيف تقولي لرودين دي صغيره و ممكن في اي وقت تفضحك لو زعلت منك
غيداء: حرام انا طول عمري اثق فيها ولو قلتيلها مارح تفضح طول عمرنا احنا التلاته مع بعض
ليان: بس عمر قلي ما اقلها
غيداء : انا قلتلك ممكن تزن عليكي و محا تاخدي راحتك بعدين
ليان : ما ادري
لياان : دوديي بلييز اديني جوالك مراا وحشني عمرر
غيداء: طيب بس لا تطولي عشان ابا اكلم طيطووو و ما عندي رصيد
لياان :طيبب يالله ادينيي
غيدااء:لياان قوليلو انت بيض
لياان :يعني ايش
غيدااء:بس قوليلووو وخلالاص
لياان : الو
عمر: اهلييين
لياان : كيفك
عمر:وحشتييييييييينييييييييي
لياان انكسفت لانو رودين و غيداء جالسين على راسها
سكتت شويا
عمر :الوو نينا سمعتني
ليان :انت بيض
غيدااء سارت تضحك وراحت الحمام و عمر انفجع
عمر : طيب ازا انا بيض يالله معالسلامه
ليان سارت تبكي
لياان : غيداااء ياااااااااااا كلبة عمر زعل مني
غيدااء: لالالا قوليلو انا الي قلتلك انا اكلمو والله كنت بمزح
ليان: يالله دحين تكلمي
غيداء:هاتي افف
غيداء:الو عمر كيفك
عمر: حمدالله كيفك
غيداء : حمدالله
عمر: شوفي لياان مرة اتغيرت تخيلي اقلها وحشتيني تقلي انت بيض
غيداء : هههههههههههههههههههههههههه
عمر الصراحه انا الي قلتلها تقول هيا مهي فاهمه اصلا يعني ايش
عمر : طيب مهى فاهمه ليش تقول وانتي ليش تسوي كدا
غيدااء : ياالله مزحه يا عمر و انت تحبها وحتسامحها خلاص بلاش غلاسه ما راح امزح معاك تاني شوفها خليتها تبكي
عمر: امااااااااااانه بتبكي
غيداء : والله
عمر: هاتييهااا
غيدااء: لياااااااااااااااااااااااااااااااااااااان تعالي كلمي
لياان:ما ابا
غيدااء: بلا هبل امسكي
ليان: الو
عمر : نينااااااااا
لياان : لا يا شيخ
عمر: واالله كنت مضايق و مو قصديي والله بس انا كنت محتاج كلام حلو مو بيض
ليان:ههههه
عمر: ينااااسووووووو
ليان : والله ما كنت اعرف
عمر : خلاص حبيبي عادي و انا اسف اني بكيتك بس الله يخلييييكي تاني مرا لا تبكيي و لا تقولي كلام غيداء هادي فاهمه
لياان : طيب
عمر : انتي قلبي وروحي و حيااتيي ياا رب يخليكي لياا
لياان : امييييين
عمر (بيسطنع البكى):نينااا انا ما سار عندي اصحاب ما عندي غيرك دحين و انت ما تكلميني غير لما تكون معاكي غيداء
ليان: طب ايش اعمل من فين اكلمك
عمر : جيبي جوال سيدو
ليان: ما اقدر اخاف
عمر : قولي لغيداء
ليان: لا انت قلها
عمر : طيب اديني هياا
ليان: طيب يلا قلبي انا دحين لازم اخرج
عمر: طيب يلا باي
غيداء: الو
عمر : اهليين بي اختي
غيداء: عمر بسرعه اختو وجه جوالي حا انفصل
عمر : طيب انا جبتلك حل
غيداء: ايش
عمر : جوال سيدو
غيداء : ههههههههههههههه ايييييييش
عمر : غيدااء عاديي دايما ناخدوو روحي جيبيي و خلي لياان تكلمني منو
غيدااء : عمرر
عمر : غيدااء لو سمحتي والله مرا بتوحشني انا من متى بي اكلمها يالله روحي
غيداء: طيب خلاص
عمر : شكراااااااااااااااااااااااااااااا
غيداء: يالله مصلحة بااي جوالي حينفصل هوا دا الي استفتو منك
عمر : انا اشحنلك هوا
غيداء:امشي يا بكااش
عمر : هههههههههه
غيداء : يالله بايي
عمر : لا تنسي بااي
__________________________________________________ __________
و في داكا الوقت رودين كانت مره مهي شاكه انو عمر يحب ليان لانو كان عمر يسألها عن خالتها الي هيا في نفس سن ليان و غيداء و عشاان كدا ما خطر في بالها دا الشي
رودين كان تفكيرها لزيز و كانت الدنيا لسا في عيونها حلوة لانها كانت صغيرة كانتت سادس بس كانت تتحمس مع حكاوي غيداء وتحب تسمع يوم الخميس
غيداء وليان و رودين نامو في بيت سيدو
غيداء الساعة 1 في الليل : ابا اكلمواااااااااااااا وحشني
رودين : طيب كلمي
غيداء : اخاف ماما تشوف الرقم رودين انا اول مرة اعمل كدا
ليان : جيبي جوال سيدو
غيداء : هههههه ليان كييف اجيبوو
رودين : انا حجيبو بسرعه
غيداء: ما اعرف
ليان : يالله انا اوقفلك
رودين راحت غرفة سيدو بشويش سحبت الجوال
غيداء: مراا شكرا رودي
رودين : يالله جيبي رقمو
غيداء: حافظاا
ليان و رودين : ماشاءلله
طيطو : الوو
غيداء:الو
طيطوو : هلا والله
غيداء : كيفك طيطو
طيطو : ليش ما تدلعيني
غيداؤ: طيب اهو طيطو بي ادلعك طيطو دا دلع
طيطو: لا طيطو بيض مو كدا قصدي تقوليلي حبيبيي حياتي
غيداء: بيييض ؟؟ يعني ايش
طيطو : هههههههههههه
غيداء: طيطو من جد يعني ايش
طيطو : بيش يعني قرف بس لا تقوليها كتير
غيداء : ليش
طيطو : كدا اباكي تفضلي بريئة و كلامك سكر
غيداء : ممم
طيطو : ياللله دلعييييينيييي
غيداء: لا اخاف احد يسمعنا
طيطو: بس مرا وحدة
غيداء: احبك
طيطو: ايش ما سمعت
غيداء: طيطو بلا غلاسه
طيطو : والله ما سمعت عيدي ما تحتسب
غيداء: احبك
طيطو : ما سمعت يااا نااااااااااااااااااااااااااس
غيداء: خلاص طيطو لو سمحت
طيطو: جوال مين دا
غيداء:سيدو بس طبعا ما تدق عليه
طيطو : والله انتو مرا عفاريت هههههههه
ليان كانت بتضحك بصوت عالي
طيطو: مين البقره الي بتضحك
غيداء: لياان يقلك مين البقرة الي بتضحك
لياان : وجععععععععععععععععععععععععععععععععععععع هوا البقر
طيطو : قوليلهاانا لساني زي شفاط المكنسة
غيداء: ما استوعبت بس قالت لليان
ليان: قوليلو لساني اطول من شفاط المكنسه
وبدأو المضارباااااااااااااااااااااااااااات
قفلو من طيطو
غيداء: مرا يا نااس
رودين : ايوا مرةة ياا نااس مرة لزيز
ليااان : والله مره حمااار ولسانوطويل
رودين وغيداء: هههههههههههههه
غيداء: رودين بسرعه رجعي الجوال
رودين : ما ابا انا جبتو
غيداء: طيب هاتي وجع انا اردو
مسحت الارقام و قفلت الجوال ورجعتو
سوو الحركه دي كمان يوم الجمعه
يوم الجمعه كلهم رجعو بيتهم
يوم السبت في المدينه
سيدو و رودين و عمو ايهاب كانو جالسين
سيدو: يا ايهاب ما ادري اشبو الجوال بس اطفي من حالو
ايهاب : كدا من حالو
سيدو : ايوة ابالك تشتريلي واحد جديد
رودين : ههههههههههههههههههههه
سيدو : بتضحكي يا بنت الكلب
رودين: ايوة سيدو جوالك مرة يضحك
سيدو: خلاص يا ايهاب اشتري واحد بس شكلو حلو مو زي دا
ايهاب : انشالله بكره يكون عندك
غيداء كان كل يوم حبها لي وليد يزيد
بس كان حب بريء ما عندها غش او كزب او خداع وليد كان اول واحد يشغل حياتها بزات انو كل صحباتها في دا الطريق و كانت تحس بوحدة
يوم الاحد في اليل دق جوال غيداء
مريم: الو غيداء
غيداء:اهلا ميمو
مريم: كيفك يا بت من زماان عنك
غيدااء: كويسة اناا حمدالله
مريم:غيدااء ابااكي ضروريييي ابا اجيكي البييت
غيداء: تعاالي ان كمان ابا اتكلم معاكي
خلاص تعاليلي الربووع
مريم: طيب انا اكلمك تااني يالله انتبهي على نفسك
قفلت منهاا و على طول دق جوالهاا
طيطو : الوو
غيداء: اهلييين
طيطوو : وحشتينيي
غيدااء : انت كماان
طيطو : ايش سويتي اليوم
غيدااء : جلست مع بابا و ماما
طيطو: يا قلبوو عالكتكوته الي تجلس مع باباا
غيداء : انت كيف يومك
طيطو : ماشي حالو
غيداء:طيطو كم عمرك ؟
طيطو: 21
غيدااء:وااااااااااااااااااااا
طيطو : انتي كم
غيدااء: 15
طيطو : هههههههههههههههههههههه مرة صغيرة
غيداء: شكرا
طيطو : لالا انتنتي دلوعتي انا
غيداء ساكته
وليد: غيدااء
غيداء : ها قلبي
وليد: نفسي اشوفك
غيدااء : نعمممممممم
وليد: اباا اشوفك ايش داا في حبيب ما يشوف حبيبتو لينا شهر وانا ما شفتك
غيداء: وليد انا مستحيل اعمل حاجا زي كدا ! انا عاملة لي نفسي حد و مستحيل اسمح لي احد يتعدا
وليد : انا مو اياحد انا حبيبك و من حقي
غيداء: وليد انسى الموضووع حتى لو كنت اموت فيك مستحيل اعمل كدا
وليد بزعل: طيب
غيدااء: يالله باي
وليد:باي
__________________________________________________ __________
في بيت عمو عبدالله في يوم التلوت كان في بنات خال غيداء
غيداء كانت مرةة مضايقه و نفسها تفضفض و اختارت اسراء مرة صحبة شيماء
حكتها على كل شي ..
اسراء : يكلمك قدام اصحابو
غيداءبفرح : اييييييييوة
اسرااء : مممم (كانت عارفة من خبرتها انو بيضحك عليها )
جا وقت العشا و كان لازم يروحو
تاني يوم برضو جو
غيداء كانت كالعادة تكلم وليد في الصالون على اساس انها بتزاكر هناك كان مكان بعيد و محد يسمعها
بس فجاة انفجعت و انصدمت لقت اسراء و شيماء
اسراء بكل ثقة .. عادي انا قلت لشيماء
غيدااء اتمنت الارض تشيلها و تبلعها من الموقف البايخ ومهى عارفه ايش تسوي في اسراء الي امنتها على سرها ووعدتهاا و خانت دا كلو
شيماء : اديني رقمو
غيداء: ما اعرفو
شيماء:اديني الجوال انا اعرف اطلعو
غيداء: ادتهم الجوال و راحت في الغرفة
اسرااء : يالله كلميي
شيماء : ايش اقول
اسرااء: قولي انك اختهاا و انهاا بريئة و مو من حقو يلعب بيها و انك تبي تنهي الموضوع بالهداوة مع انويمديكي تسوي اكتر
شيمااء : طيب
اتصلت عليه
شيماء: السلام عليكم
طيطو : وعليكم السلام
شيماء:وليد ؟
طيططو : ايوة مين
شيماء : اانا اخت غيداء
طيطو : اهلا
شيماء: ممكن تقولي ايش تبغ من غيداء
طيطو : اختك تحبني
شيماء انفجعت من وقاحتوو
شيماء: طيب خلاص لا تدق عليها و ما ابا اعملك مشاكل و باي و قفلت في وجهو
شيماء نادت غيداء و قالتلهاا
غيدااء مشت الموضوع معاهاا بس من جواهاا مهي مصدقه
خرجت من الغرفة و على طول كلمت طيطو
غيداء: الو طيطو
وليد : اهلا قلبي
غيداء: مرا اسف علي سار
وليد: ايو ايشبها اختك هادي
غيداء: ما اعرف هيا كداا مما تحبني اكلم احد
وليد : طيب انتبهيي
غيداء وعيونهاكلها دموع : طيب
وليد: احبك
غيداء : انا كمان
وليد : انتي كمان ايش
غيداء : وليد خلاص
وليد : واللله احبك انتي حياتي لا تصدقي كلام احد و لا تزعلي انا حوقف معاكي
غيداء : شكرا وليد ايش بتسوي
وليد : ببلعب بلووت مع اصحابي تقدري تكلميني بعد شوية
غيداء: طيب باي
وليد: لا تتاخري
غيداء: اوكي باي
وليد : احبك باي و قفلو مع بعض
غيداء جلست تبكي طول الوقت و ما كلمتو
مرة كانت مقهورةمنو و حست انو بس بيصرفهاا و ما بسال عنها
جلست يومين على دا الحال زعلانه و دموعها على خدهاا
بعد يومين دق جوالهاا
وليد : الو
غيداء: الو
ولييد : دوودااااااااااااتي فييينك
غيداء وهيا بتبكي : انا الي فيني
وليد : حبيبي واللهي جوالي مفصول و كنت مشغول و عندي اختباراات
غيداء:دقيقتين ما راح تاخد منك شي
وليد : طيب اسف ما راح اعيدهاا اصلا ما اقدر اتجرا اعيبدها كم غدو عنديي انتي حياتي
غيداء : كيف حالك وحشتني
وليدد: كويس انتيي وحشتييييييينيي اكتر
غيدااء: ويدو لازم اقفل دحين بعدين اكلمك
ولييد: طيب حياتي غسلي وجهك و ما ابا اشوف الدموع دي طول ما انا عايش
غيداء: شكرا يالله انتبه على نفسك
طيب ... كدا انتهى دا الجزء بس يا ترى ايش حيسير في ليان وعمر و ليان جاها الحب الحقيقي ولا لا ؟ طيب و غيداء ممكن يتحول وليد من مزحة لحب ؟ و رودين حتفضل بريئة ولا حتتغير
__________________________________________________ __________
الله يعطيك الف عافيه على الموضوع الرائع
__________________________________________________ __________
mra shokraaan :_)
kont ra7 a67a6am law ma7ad 3abrni fe awal rewaya :) thx (al 5ayal)
