عنوان الموضوع : الشوق : (مسابقة أفضل قصيده شعريه)
مقدم من طرف منتديات الشامل
******
******
******
ربما نجد الكثير من الشعراء في الساحة .. وهذا أمر طبيعي جدا .. لكن عندما نجد شاعر متفرد ومبدع بكل معاني هذه الكلمة .. فهنا الأمر غير طبيعي !
شاعرنا محمد بن ساقان .. أحد الشعراء الذين برزوا أسلوب خاص ومميز في وقت بدأ الجميع يشبه الجميع ..
في فضاء أنهآر .. كان لابد من الإحتفاء .. ببعض النصوص التي أثبتت أن الذائقة ما زالت بخير .. وأن الشعر أيضا بخير .. ما دام بن ساقان وأمثال بن ساقان على قيد الشعر ... :
عندما يكتب في الرثاء لقامة كبيرة مثل قامة سمو الشيخ جابر الأحمد الصباح رحمه الله يقول :
صباح ال ايش واللي بك يبكي ميت..
صباح طعونك اللي جرحها غابر..
تنفست الحزن في بزغتك ثم جيت ..
وجع اقسى من الخنجر على الدابر.
صباح الخير:لا والله ورب البيت ...
صباح اعظم من الضيقه على الصابر.
اخذت من الوطن جابر ولا خليت..
سوى حزن القبور ... وأنّه القابر..
وعندما يكون لوحده .. يعزف على وتر الجمال هكذا :
ادوّر لك من
البارح واناديلك
حبيبي . ولا سمعت الاّ صدى غيابك
وجيت اسأل
وميض عيون قنديلك
غيابك ليه.!؟ يعني هانوا احبابك .!؟
وكم هو جميل عندما يتحدث بروح الشاعر المبدع .. :
كم لي وانا أستر دمعة الجوع لا (أعتاز
قوته) وأنا اللي ما ستر جوعي همول..
مشلول من فقري والاحلام عكاز
وياكم على الدنيا من الفقر مشلول..
والمسأله: ماهي فقر لا .. ولا أعجاز
ولاهي ب لا معقول من شي معقول..
المسأله:( مريول الاوجاع لا باز
من وين اجيب ل قد الاوجاع مريول)..!
وهنا ... نقرأه بشكل آخر يتكون بصورة إبداعية كبيرة :
كم زرعت بوجهك اغصان الزبيب
وكم يبس حلقي على ينبوع ماي..
قوم غمض عينك الخجلا وغيب
ودي اعرّي ضلوعي من عناي..
ملت اعماقي تفل الغدر طيب
ومل يشموم المحاني من وفاي..
لا تثاوب وانت يالجرح العطيب
منعس بصدري على وسادة شقاي..
وأحيانا تراه عندما يكتب ,, يعاتب ,, يبرهن أنه الأنقى :
لا تبرّوز اعذارك على وجهك أن جيت
دام الخطايا ترسم اكثر ملامحك
لو هي على قلبي مسامح لو أخطيت
المشكله عيّت جروحي تسامحك
وعندنا تقرأه وهو يلوم ,, أو يرتكب الشعر في لحظات التوهج :
لا والله إلاّّ منك يا ضيق الأحوال ..
لا هزت إيدين العطش منكب السَرح..
زرعت جرد احلامي ب طين الآمال..
إلين ما أورق في عناقيدي الترح..
يا كثر الله خير وقتي ليا مال ..
كانه يعلّم ضيقتي وش هو الفَرح..
يعني: ليا من ضقت واعسرني الحال.
تاسعني جروحي ولو ضاقت البرح ..
وعندما نقرأ بن ساقان الرومانسي .. يقول :
قبل العتاب..،يفل باب الزرايا..
بهديك ورده عطرها.. عصفت الهوج..
دخيل غدرك..!لاجرحت النوايا..
ترخي رماح الكحل.. لا قندّل الروج..
ملجم:، على بيض النوايا,, مطايا..
وغدرك: على حدب المعاليق.. مسروج
وعوج الضلوع تأن.. شبنا وصايا..
وجرد الحناجر.. يمك تنوح.: (غنوج)!
هذا هو شاعرنا محمد بن ساقان القحطاني .. في بعض من جمالياته وإبداعاته .. التي لا يستطيع قارئ متذوق للشعر أن ينكرها ..
وإليكم القصيده
الشــــــــــــــوق
لو كان في وجه الهوى ذرة اخلاق
مامت بيدينه من الشوق مخنوق..!؟
ولو ما اتوق ل قلبك الحين واشتاق
من عاد له في ذمتك بس ب اتوق ..!؟
فتحت قلبي بس من شان لا ضاق
قلبك يفل القلب معلوق معلوق ..!؟
وفهقت موقي لك على شرف الاحداق
وكل ما غفى موقي الاقيه مفهوق ..!؟
وشلعت صدري لين ما اتناثر اوراق
وصاح ب خفوقي عرق ياصاحبي فُوق.!؟
بلاش ب حضور الغلا نطري فراق
خلنا نسولف بس عن لهفةالشوق..!؟
ولاّ الجروح اكثار لو شفت الاعماق
ياما اورقت فيني عناقيد وعذوق..!؟
وياما خنقني الجرح في حلق الاشواق
بس الجروح تهون ل عيونك الروق ..!؟
شفني على رمح السهر جيتك اعناق
جيتك ب كفي دم واقدامي عروق...!؟
عطشان وصلك لكن شلون بارتاق
لاصار وصلك عوق ومفارقك عوق ..!؟
ماني ب احبك لكن ورب الآفآق
يا أني بدونك كن ماني ب مخلوق ..!؟
ف ان كنت ولهان لعيوني ومشتاق
انا وربي ما ذبحني سوى الشوق ..!؟
******
******
<center> >>>>> ردود الأعضـــــــــــــــــــاء على الموضوع <<<<<
================================== </center>
معلم الابداع
ابيات رااااائعه
واختيارك لها اروع
دائما مبدع بالاختيار
لك ذائقه شعريه متميزه
موفق بالمسابقه باذن الله
لك باقات وردي
أمــيــرة الـحــــور
__________________________________________________ __________
معلم الآبدآع
قصيده رآئعة واختيآر موفق
اتمني لك التوفيق بالمسآبقه اخي https://chamil.xplainer.net/images/s.../2009/t092.gif
الي الآمآم دآئمآ
ودي واحترامي؛؛
ع يون ع سليه
__________________________________________________ __________
انا وربي ما ذبحني سوى الشوق
الله عليك يابن ساقان
يعطيك العافية اخوي معلم الابداع
على القصيدة الرائعة
واختيارك لهذا الشاعر بالذات لاني من المتابعين له
والمحبين لشعره
اتمنى التوفيق لك ولبقية المشاركين في المسابقة
ودي لك
__________________________________________________ __________
قصيدة اكثر من رائعه
جاد بها ذوقك الراقي
وبتوفيق لك
مودتي لك
__________________________________________________ __________
قصيده راااائعهـ
سلمت ذائقتك ع الانتقاء الذووق
لاعدمناك
تقبل مروري
شوق المشتاق
https://forum.te3p.com/images/misc/progress.gif
