ما كنت ادري اني بكون اسيرة هواه .. بعد ما انا من الهوى عانيت \روايتي الأولى رواية جديدة

عنوان الموضوع : ما كنت ادري اني بكون اسيرة هواه .. بعد ما انا من الهوى عانيت \روايتي الأولى رواية جديدة
مقدم من طرف منتديات الشامل

مرحبآآ ..

في وقت فراغ فكرت براويه من نسج خيالي وحبيتها وعشت آحداثها وقررت تكون آول روايه آكتبها وآنشرها ويقراها غيري .. وآن شاءالله تعجبكم


الروايه تحكي عن بيت كبير وواسع بداخله آم وبناتها الـ 5 اللي لكل وحده منهم حياة تعيشها بعيد عن الثانيه .. كل وحده تعيش همومها لوحدها .. كل وحده اتصالها بعالمها الخارجي آقوى بكثير من اتصالها باللي جوا بيتها

ابو البنات الـ 5 مات من 4 سنوات بحادث سياره لكن ما مات بسرعه لا مات بعد معاناة 3 شهور كان فيها بين الحياة والموت لكن الأمل برجوعه للحياة وعافيته عند الام وبناتها كان قوي لكن الموت مكتوب ومقدر له و هالـ 3 شهور كان لها تأثير كبير ع الام والبنات


الام الحنوونه اللي اصعب ما عليها تمنع بناتها من حاجه يحبونها صارت تستخدم الحرمان كوسيله للعقاب


البنات اللي كانوا قراب لبعض أكثر من أي شي صار لكل وحده عالمها الخاص


لكن الشي الوحيد اللي أستمر وما انمحى من البيت هو الابتسامه


رح آحكي لكم عن الام والبنات الـ 5 وشخصياتهم :


ام ساره " خلود " : الأم الطيبه والمحبه لبناتها لكن خطأ صغير يخليها تحرمهم من الجوال .. اللاب توب .. الطلعه واحيانا الغرفه الخاصه


ساره : 23 سنه بنت عقلها وقلبها كبار وحكييمه والبنات يحبون يشكون لهاا لكن يكرهون لما تتكلم وكأنها حرمة البيت على قولتهم !!


هيفاء : 20 سنه طييييييبه والبنات مررا يحبونها لكنها عصبيه وعنيده واللي براسها بتسويه بتسويه


العنود : 18 سنه تدرس بثالث ثانوي علمي طيووبه وتحب الضحك حصل لها موقف

قبل وفاة ابوها ما انمحى من ذاكرتها ولا قلبها ورح تعرفون الموقف بالقصه وطبعاً صار الجرح جرحين


الهنوف : الأخت التوأم للعنود وتدرس معاها بالعلمي اكثر وحده بعيده عن اخواتها حتى عن أختها التوأم العنود وتكره حياتها لأبعد الحدود وهالشي واضح عليها اللي يجلس معاها يتنرفز بسرعه ويكره نفسسه يعني فيها شوي من امها


الجوري : 15 سنه بثالث متوسط مرررررا خفيفة دم واللي يجلس معااها ما يمل وهي تقريبا أقرب وحده للعنود لان شخصياتهم شووي متشابهه هي الوحيده اللي الأمل لسى موجود بداخلها بعد وفاة ابوها مع انها كانت على قولتهم دلوعة ابووها لكن تعلمت حب الحياة والنظر الى الجانب المشرق منه

وباقي الشخصيات رح تتعرفون عليها بالقصه ان شاءالله


نبدا :


الساعه 6 ونص الصباح


العنود تناظر الساعه بعدين تناظر الجوري : اختك هذي مالها نيه تنزل >> تقصد الهنوف


الجوري : والله سؤال يطرح نفسه


العنود : خلاص انا بروح أشوف ايش السالفه


راحت العنود لغرفة الهنوف وضربت عليها الباب : هنووف يلااا تأخرناا ورانا اختبار الحصه الاولى


ما لقت رد ..


العنود تنرفزت وفتحت الباب وشهقت : هييييييي .. آنتي يالشينه سنه نستناك تحت ولسا نايمه !!


الهنوف تتقلب : اممممممم


العنود تسحبها : يلااا قوومي تأخرنا يالدوبا بسرررررعه بيفوتنا الاختبااار


الهنوف : ما رح اداوم اليوم


العنود تنرفزت بقووه : شسووي فيها هذي .. يا بنت عندنا امتحان فيزيااااء تبغين أسطرك كف الحين يلا البسي


الهنوف قامت والكشه طايره : يووووه .. يا بنت الحلال ماني مذاكره


العنود : نعمممممممم ؟؟ انتي تدرين بس كم مرا محذرتك الابلا .. تستهبليييييييييييين


الهنوف : أقول حياتي .. آنقلعي وسكري الباب وراك ورجعت نامت وغطت نفسها


العنود : يووووه وربي ما ادري شسوي فيك .. عارفه لو درت ماما الحين ايش ممكن تسوي ؟؟


الهنوف : قولي لها تعبانه


العنود : يااااااااااااااسخفك يا شييخه والله ما علي منك بركب السياره واروح للمدرسه وانتي روحي بستين داهيه انا ايش دخلني

طلعت من الغرفه لقت ساره مقابلتها

ساره : شفيك شكلك معصبه ؟؟


العنود : بس معصبه !! بالله اختك هذي

>> تأشر على غرفتها .. في احد بالحياة ممكن يكلمها ولا يعصب !!


ساره : ليش ايش سوت ؟؟


العنود : عندنا اليوم امتحان فيزياء وهالغبيه تقول ما ذاكرت وما رح تداوم


ساره : يووه .. الله يهديها


العنود : يلا انا بروح الحين قبل لا اتأخر مو ناقصه يكفي هالزفته أخرتني


ساره : اوكي حبيبتي .. أنتبهي على نفسك ونبغا نشوف نتايج حلوه


العنود ابتسمت : اوكي وانتي كمان .. يلا باااي

ركبوا للسياره وهيفاء جتهم رررركض والعبايه مفتوحه وحالتهااحاله : خيير بتمشوون وتخلووني !!



العنود : اليوم محاضرتك الساعه 9 !!


هيفاء : ياسلاام ع الفاهمه .. المشكله كل سبت تصير نفس السالفه لا انا محاضرتي اليوم 7 والحين الساعه7 الا ثلث ما بقى شي تأخرت !!


العنود : اهااا


بمدرسة العنود وبعد ما خلص اختبار الفيزياء جت الابلا تشوف كيف نفسيات البنات بعد الاختبار :

الابلا : هاا كيف كان الاختبار ؟


جواهر اهبل بنات الفصل : اووووه اقوى وسيلة تعذيب بالتاريخ كلللللللله والله لو هتلر عذب اليهود فيه كان عذبهم اكثر وبدون ما يكلف على نفسه

البنات ضحكوا على تعليقها


الابلا : ههههه والله الاختبار كان سهل بس يبغاله واحد مذاكر صح ؟؟


جواهر : لاا حرام مذاكره بس المسائل ما ذاكرتها

الابلا والبنات : وش بقيتي ههههه


وشوي انتبهت الابله انو الهنوف كالعاده مو موجوده : العنود وين الهنوف غايبه اليوم بعد ؟؟


العنود منحرجه من اختها : ايه .. تعبانه شوي


الابلا : وهي بكل اختبار فيزياء تعبانه لهالدرجه عندها عقده منه


البنات ضحكوا باصوات خافته

العنود حددددددها منحرجه : حظها نحس مع الفيزياء


الابلا : تعالي شوي برا الفصل بحاكيك


وطلعت وطلعت وراها العنود


الابلا : ماشاءالله عليك يالعنود انتي اشطر بنت عندي بالفصل والمفروض اختك التوأم تكون مثلك !! .. لكن انا اشوف انها عكسك تماماً


العنود وجهها تلون : استاذه قلت لك البنت تعبانه


الابلا : موو عن اليوم بس يالعنود كل اختبار ما تكون موجوده وحصصي تكون منحاشه فيها واذا كنت موجوده ماتدري الدرس وش يتكلم عنه يعني حتى مافي مشاركه ولا عمري شفت دفاترها بالله من وين اجيب لها درجات انا ؟؟ لو استمرت على هالحاله اكيد رح ترسب !!


العنود : لا ان شاءالله بتحرص اكثر بالايام الجايه


الابلا : صدقيني ما رح تتغير خلاص السنه ما بقى عليها شي وتخلص من وين بالله بتفهم الدروس وهي معقدده يعني بصراحه اختك راسبه راسبه عندي انا آسفه !!


العنود ما تحملت ونزلت دموعها


الابلا : الغلط مو منك عشان تبكين اكيد انتي واهلك ما قصرتوا بتحريصها بس هي الله يهديها مهمله


العنود : ان .. شاء .. الله مــ .. مــ..كن آروح للــ .. حـــمام ؟؟


الابلا : تفضلي

وراحت العنود وبككككككككككككككككككككككككككت من قلللبها على اختها لكن مو لانها بترسب لا لأنها فشلتها قدام الابلا اللي هي اشطر البنات عندها وقدام ناس كثير وكانت تقول بين شهقاتها : كااافي يالهنووف كااافي ياليتنا ما طلعنا من بطن واحد او ع الاقل ما صرتي توأمي يالييييييييييييييته


رجعت العنود للبيت ونفسيتها زفت


كان الغدا جاهز وام ساره جالسه تستنى البنات وبعد ما دخلوا قالت لهم يغيرون ويجون ياكلون


العنود : مابي اتغدا


ام ساره : مو على كيفك


العنود : مالي نفس طيب


ام ساره : شووفي .. يا تتغدين ولا والله العظيم لأسحب منك ...


قاطعتها العنود : طيب طيب خلاص


وراحت لغرفتها وهي بالدرج شافت الهنوف تنزل

العنود : الله يفشلك


الهنوف تناظرها من فوق لتحت : خير ؟؟


العنود : وين خير معه .. وددعي النجاح اووكي


وكملت طريقها


الهنوف بلعت ريقها من كلام اختها


ورجعت العنود ع الغدا


وتاكل وهي واضح عليها انها تاكل من غير نفس


ام ساره : كيف الاختبار يالعنود ؟


العنود من غير نفس : زين


ام ساره : وانتي يالهنوف ؟ >> صحت بوقت متأخر ولما شافت الهنوف قالت لها انها مستأذنه بدري عشانها حست بدوخه


الهنوف : ز..ين وابتسمت


ام ساره : وانتي هيفاء كيف الجامعه ؟

هيفاء : الحمدلله


ام ساره : وانتي يالجوري كيف المدرسه ؟؟


الجوري : زي الفل

(( ساره عندها اوف ))

العنود : ماما ابغا اقول لك شي ضروري


ام ساره : قولي


العنود : لا مو الحين .. ابغا اقول لك بعد الغداء


ام ساره : قولي الحين



العنود : لا بقول لك بعد .....


قاطعتها ام ساره بعصبيه : اقول لك قولي الحين


العنود غمضت عيونها من الخوف وطلعت دموعها : الهنوف .. راسبه بالفيزياء


ام ساره : وشوووووووووووو ؟؟


الهنوف تنحت


العنود : الهنوف خلاص مافي امل تنجح بكل المواد


الهنوف رمت الملعقه اللي بيدها وقامت


ام ساره : تعالي يالهنوف


الهنوف : ماني جايه


ومشت من غير اهتمام


ام ساره : اقول لك امشي تعالي


الهنوف : ............


ام ساره : اذا لقيتي لاب توبك وجوالك دوريني



الهنوف وقفت شوي وكأنها تبغا تقول شي بعدين رجعت كملت طريقها



ام ساره : اعووذ بالله منكم ومن العيشه معكم .. وقامت تلحق الهنوف


البنات باستثناء العنود كملوا الاكل بهدوء ومن غير نفس والعنود كاتمه صوت بكاها


وشوي تكلمت ساره : الله يهديك يالعنود لو اجلتي هالكلام لبعدين وبينك وبين ماما بس مو احسن ؟؟


العنود زل لسانها : انتي مالك دخل


ساره ضاق صدرها : اوكي


هيفاء : العنود خير ان شاءالله شجايك


العنود : واللي عنده توأم مصيبه مثل الهنوف ما تبغون يجيه شي >> وبدت تبكي بصوت عالي .. انا خلاص تعبت تعبت من هالحاله هي تغيب وولا على بالها وانا اللي آكل تهزيئ بسببها كل يوم مع اني اشطر بنت بالفصل وربي وربي طفشششششششت ومليييييييييييييت ماعاد ادري وش اسوي


البنات قرروا انهم يسكتون باسثتناء هيفاء


هيفاء : اذا هزؤوك قولي كلموا امي لا تكلموني انا .. اعتبروها مو اختي احنا اخوات بالبيت وبس .. وصدقيني بيقتنعون



ساره : لا يا هيفاء الا كذا .. ما يصير تنكر انها اختها.. التفتت ع العنود .. بالعكس افتخري فيها حتى لو كان مستواها الدراسي سيئ .. وبالنسبه للتهزيئ عشان تفتكين منه صيروا تدرسون سوا وكذا



العنود : وهي تعطي فرصه للواحد انه يحاكيها اصلا .. يااااااااااربي ليش ما صرتي انتي يا ساره ولا انتي يا هيفاء ولا انتي يالجوري توأمها ليش اناااااا لييش القدر اختارني انا اكووون توأمهااا لييييييييييييييش


ساره : استغفرالله


العنود قامت وركضت لغرفتها ودقت على اقرب صديقه لها (( مها ))


مها بصوت مرح : اهلييييين


العنود : مهاااااااااااا طفشششششت وربي ماعاد اقدر استحمل اكثررر من كذا خلااااااااااااااااص


مها ارتاعت : نوودي شفيييك


العنود : تعبت من الهنوف وررربي تعبت .. اكررهها وانا خلقه كارهتها من قبل وكملت علي اليووووم .. كل يوم متفشله ومتهزءه بسبتها


مها : يا حياتي شفيك مافي شي يستاهل كل هذا .. عشان ابلة الفيزياء يعني ؟؟ .. والتبنين بوجهها هي والهنوف ما عليك منهم واسمعي من اذن وطلعي من الاذن الثانيه .. يعني ورربي مافي شي يستاهل يا عمري


العنود : مو بس كذا اشيااء متجمعه حتى كل يووم متهزءه من ابله وانا من اشطر البنات .. موو شي يستااهل هذا ؟


مها : شوفي يا قلبي انا ما الومك على هالتعصيب .. بس لما تهدين فكري فيها ورح تلقين انو الموضوع ما يستاهل .. وانتي مو متضايقه عشان موضوع الهنوف وبس .. انتي حتى متضايقه عشان فيصل


العنود : وش دخل فيصل الحين


مها : اليوم كمل 4 سنوات من تركك

العنود تشاااهق من الصياااح .. الحين عرفت سبب هالتعصيب .. لأنو قلبها كان حاس بس ذاكرتها ناسيه


مها : ورربي قطعتي قلبي .. انا بجيك بعد شوي اوكي ؟


العنود : اوكي


...............


مها : بابا بابا


ابو خالد : سمي

مها : سم الله عدوك .. ممكن اروح عند العنود

ابو خالد : وش المناسبه ؟؟

مها : بنراجع دروس اليوم سوا

ابو خالد :طيب بس ما تجي 10 الا وانتي راجعه للبيت

مها ابتسمت : تامر امر .. عن اذنك بروح اتجهز


نتعرف على عائلة مها لأنو لها دور كبير بالقصه ..

ابوخالد : '' عبدالله '' أب حنون وصارم بنفس الوقت .. رسمي في تعامله في بيته وبرا بيته .. كان صديق لـ عبدالعزيز ابو ساره ..


ام خالد : '' نوره '' انسانه جداً طيبه .. بـ عكس زوجها ما تعرف الرسميه وتحب تسولف وتضحك مع عيالها

خالد : 22 سنه يدرس هندسة كمبيوتر مررح ومو مثل اللي في عمره نادر ما ينشاف بالبيت .. بالعكس منظم لـ وقته ونص يومه مع اهله والنص الثاني بدراسته واصدقائه ..


مها : اقرب صديقه لـ العنود .. بنفس عمرها .. معروفه بـ أخلاصها وطيبتها .. وطالعه على امها بسرعه تنسجم مع اللي حولها ..

طبعاً خالد ومها كثييييير قراب لـ بعض بما انهم الاخوان الوحيدين لـ بعض ..

................

دخلت مها لـ بيت العنود ودخلوا غرفتها وحاولت مها انها تواسيها لكن العنود كانت مخنووووقه لـ أبعد الحدود ..

مها : طيب عنوودتي شرايك نطلع لـ أي مكان نوسع صدورنا احسن من جو البيت صح ؟؟


العنود : مااني رايحه عند ماما استأذن منها

مها : طيب انا بستأذن منها

العنود : براااحتك >> كانت معصبه ومتضايقه كثييير


استأذنت مها من ام ساره وبالمووت وافقت ..

رجعت مها لـ العنود والابتسامه ماليه وجهها : وافقت خالتي ..

العنود : طيب

مها دقت ع السواق : يلا تعال لـ بيت العنود

السواق : لا انا الهين في ودي مدام نوره

مها : يوووه .. طيب بتطول ؟؟

السواق : ايوا هيا في روه سوق وفي كلام بأدين روه بيت ماما منيره >> جدة مها


مها : اووف اووكي اووكي خلاص وسكرت الخط ودقت على اخوها خالد


مها : اهليين خلوودي حبيبي

خالد : اخلصي وش تبين ؟؟

مها : هههههههههه ماعاد صارت تمشي عليك ..

خالد : من زمان يا حلوه

مها : هههههه تدري اني اموت فييك

خالد : اخلللصي بس

مها : ههههههه طيب اعصاااابك .. ابغا تجي لبيت العنود صقيقتي نبغا نطلع سوا ..

خالد : وراجو وش شغلته ؟؟

مها : مشغول مع ماما

خالد : يالييييل .. وين بيت العنود هذا ؟؟

مها : ما ادري اسأل راجو يوصف لك

خالد : هههههههههه اما اقول لـ راجو يوصف لي .. تبيني اشطح للخرج .. خلاص بسأل ابوي وجايكم ..

مها : هههههههه مرره شووكرن .. يلا نستناك باااي

خالد : باااي

وجاهم خالد وركبوا البنات للسياره وطبعاً مها ركبت مع العنود ورا ..

العنود : السلام عليكم

خالد : وعليكم السلام هلا والله

العنود : آسفين اذا تعبناك معنا .. بس مها هي اللي اصرت والله

خالد : ايه ادري فيها ام راس يابس .. بس مو مشكله انتوا اخواتي وتستاهلون كل خير ..

العنود توها بتشكره وقاطعتها مها : انا ام راس يااابس يا ابو راس كبيير

خالد : لا ابد راسك اسفنجه بسم الله عليك

العنود بهدوء : ههههههه

مها فرحت لضحكة العنود : ايوا واخيراً سمعنا هالضحكه الحلووه ما بغييتي ..

العنود : واللي عنده صقيقه مثلك يقدر ما يضحك ؟؟

مها بحيا : الله يسسسسسلمك يا بختي فييك والله من صقيقه

خالد ضحك عليهم وعلى هبالهم وبدت العنود تنبسط وتضحك لين وصلوا لـ المطعم

خالد : يلا انتبهوا لـ أنفسكم

العنود بدت تطيح الميانه : ما رح تنزل معنا ؟؟

خالد انحرج وما يدري وش يرد

مها : اممم صدق ليش ما تنزل معنا بننبسط اكثر والله

خالد : لا خذوا راحتكم انتوا

مها : يلا بس انزل مسوي تستحي يعني .. عنود زي اختك

العنود : ايه والله انزل خـ نكمل ضحك

بالأخير خالد نزل معهم ..

كلوا وسولفوا وضحكوا وانبسطوا كثير ..

مها جتها مكالمه واستأذنتهم >> لا تخافون مكالمه بريئه جداً ههههه

وكملوا العنود وخالد سوالف ..

خالد : تدرين من هالجلسه حسيت انو افكارنا متشابهه

العنود : ايه والله حتى انا لاحظت

خالد : ان شاءالله بنكررها ..

العنود ابتسمت : ان شاءالله

>>

اكيد جا ببالكم انو العنود فاتشه .. لا العنود ماكانت فاتشه لكن طاقتها سوالف ههههه ..


ولما خلصوا وصلوا العنود لـ بيتهم وشكرتهم على الطلعه الحلوه ..

دخلت لـ غرفتها وهي نااسيه كل هموومها كانت مبسووطه كثيير .. وكانت تحاول انها ما تتذكر اي شي يكدرها ..

ومها قالت لـ خالد عن اتفاقها مع ابوها وانها قايلة له انها رايحه تراجع مع العنود >> طبعاً عشان يصير المحامي لها هههههه


دخلوا البيت .. وابوها كان مجهز نفسه انه يستقبلها .. بس خالد فهمه وشرح له الموضوع واقتنع ..

دخل لـ غرفته .. راح فكره لـ الطلعه .. وللعنود .. عجبه مرحها واسلوبها .. وطبعاً هو يفكر فيها على انه اخته لا اكثر ولا اقل ..

اما مها كانت تفكر بالعنود وبـ خالد .. حستهم كثير انسجموا مع بعض .. ومناسبين لـ بعض .. قالت بنفسها (( ما ادري يالعنود .. لكن احس انو خالد هو اللي رح يرجعك لـ سعادتك .. لازم اقول له .. والحين .. لازم !!))

راحت لـ غرفة خالد وطقت الباب وأذن لها بالدخول ..

مها : خالد .. بكلمك بـ موضوع مهم

خالد : ارحمييني بناااام

مها : والله موضوع مهم ..

خالد : اوكي قولي ..

مها محتاره : اممم .. العنود !!

خالد : شفيها ؟؟

مها : وش احساسك لما قلت اسمها ؟؟

خالد : احساس اي مواطن

مها : ههههههههه مو وقتك ترا

خالد : مدرري عنك

مها : لا جد وش حسيت ؟؟

خالد : وشو ما حسيت بشي !!

مها : ما حسيت انك انجذبت لها ؟؟

خالد : الا عجبني اسلووبها وخفت دمها

مها عطته نظرة تحطيم ً: انت كيف يفهموونك ؟؟

خالد : انتي اللي وش تقولين

مها : اففففففففف .. يعني ما حسيت انك معجب بها ؟؟

خالد استغرب من تفكيرها : لا طبعاً ما حسيت الا انها زيها زيك اخت عزيزه وغاليه .. انتي عارفتني زين

مها : طيب .. انا بقول لك شي عنها ..

خالد : قولي

مها : تراها كانت تحب .. وحبيبها تركها فجأه من 4 سنوات .. والصدمه اثرت فيها كثير .. وو

قاطعها خالد : ترا والله ما ابي قصة حياتها

مها : خلني اكمل .. ترا اليوم العنود كانت متضايقه عشان مر 4 سنوات من تركها .. !!

خالد : الله يعينها .. يلا طسي بنام

مها : بس صدقني لو انت تبغاها لك رح تنسيها هالماضي الشين

خالد : مها بلا هالحركات .. قلت لك انا ما اعتبرتها الا اختي .. ليش تفكيرك راح كذا على طوول !!

مها : اووف طيب براااحتك .. تصبح على خييير .. وطلعت من الغرفه


طبعاً من اسلوب خالد واضح انه مو مهتم بالموضوع .. هو كان مهتم لكن ما يدري .. !!

....................

اما العنود .. كانت تفكر بـ خالد .. خايفه يكون فهمها غلط لما طيحت الميانه معه .. ويحسبها انه بنظرها شي ثاني مو بمكانة اخوها .. خافت كثير .. وقررت انها تتصل على مها


مها :اهلن نودي

العنود : مها .. قولي لـ اخوك اني اشكره على الطلعه الحلوه .. واني اعتبرته اخوي اللي ربي ما عطانياه ..

مها فهمتها وابتسمت ابتسامه صفرا : لا تخافين .. تراه عارف تفكيرك اتجاهه كويس

العنود : كويس الحمدلله .. والله خفت يفهمني غلط

مها : لا .. لا تخافين >> كان ودها تقول انه حبك لكن اخوها وضح لها العكس ..

العنود : امم طيب يلا نامي كويس .. ترا بكرا ورانا مدرسه

مها : انا عن نفسي بغيب .. طول هالشهر واحنا كرف .. ابغا ارتااااح

العنود : ايه والله بكرا مافي شي مهم .. واليوم سهرنا كثير .. تصدقين حتى انا بغيب ..

مها : ايه احسن شي .. والصباح نطقها سوالف

العنود : هههههه اوكي .. يلا يا قمر تصبحين على خير

مها : تصبحين على خير حبيبة البي .. باااي

العنود : بااااي

.........................................

الساعه 8 ونص الصباح.. موعد محاضرة خالد بعد نص ساعه ..

دق المنبه ..

خالد ما صدق .. شاف الساعه عشان يتأكد .. الساعه 8:30

(( معقوول ما نمت ولا حتى دقيقه وحده .. معقوله دق المنبه وانا ما ذقت النوم .. شفيني وش صاير لي !! ))

تحمم ولبس ..

وهو بينزل سمع صوت مها .. استغرب

طق عليها الباب ..

مها : لحظه نوودي .. ادخل

خالد : شعندك غايبه اليوم ..

مها : ما عندي شي مهم بالمدرسه .. وسهرانه امس ومكروفه بعد اختبار الفيزياء ..

خالد : طيب وش مصحيك بدري ؟؟

مها : تعودت ..

خالد : طيب يلا انا رايح للجامعه

مها : طيب ليش وجهك كذا ؟؟ ما نمت ؟؟

خالد : لا والله ما نمت .. مدري وش فيني .. والله استغربت لما دق المنبه ..

مها تتلكع وغطت مايك الجوال بيدها : انا اعرف وش فيك

خالد : وش فيني يا دكتوره مها ؟؟

مها : عشان .. اللي قلت لك امس

خالد : رجعنا !!

مها : اييه .. هذا السبب لا تحاول تلعب علي .. او بالأصح لا تلعب على نفسك !!

خالد عصب ورفع صوته : انتي شفيييك ما تفهميييين .. العنود زي اختي .. بالانجليزي العنود از لايك ماي سستر .. اذا فهمك بـ لغه ثانيه فـ للأسف بضطر اني اسكر الباب في وجهك واروح للجامعه

مها خافت تسمعها العنود : طيب خلاص اعصاابك بسم الله ..


خالد : ما ادري عنك .. اجل جايه تقولين لي قصة حياة البنت .. انا وش دخلني بالله .. !! بالغصب يعني بتحطيني احبها .. !!

مها : طيب ..

خالد طلع من الغرفه معصب ..


مها : سوري تأخرت عليك .. نوودي ؟؟ .. نووودي ؟؟ .. الوووو ؟؟

احتارت مها .. ما تدري سمعتها .. او سكرت من الملل لأنها طولت عليها ..

انتهى البارت الأول ..

بصراحه انا ما كملتها .. فـ محتاجه ارائكم بكل صراحه.. عشان اقدر اكملها .. واختار التكمله المناسبه ..


<center> >>>>> ردود الأعضـــــــــــــــــــاء على الموضوع <<<<<
================================== </center>
الله يعطيتس العافيه كمليها روعه...

بنتظارك.*

__________________________________________________ __________
ربي يعطيك العافيه على ماقدمتيه لنا من ابداعات ...

اشكرك على طرحك الراقي والمميز ..

بانتظار ماتقدميه لنا من ابداعات ...

تقبلي مروري ...

كذآ من ربي حبيتكـ~

__________________________________________________ __________
بصـرآحه إبــدع ولآإ إروع


ونقــــــــــل .. ولآإ إجمــل ..

يعطيك ربي مليــون عآفيــه ..



لك آطيب تحيـــــــــــه ؛؛

__________________________________________________ __________
كمليها قلبووو

__________________________________________________ __________
مشكورين على المرور وعلى التشجيع .. يعطيكم الف عافيه .. :)

تسلم الأنامل وما عدمناك