كيف خلتني وراحت وارتضت تحيا بدوني
عنوان الموضوع : كيف خلتني وراحت وارتضت تحيا بدوني
مقدم من طرف منتديات الشامل
علموني خبروني وين ابلقاها عيوني=قفّت وخلت فؤادي منكوي بالفين علّه
كيف خلتني وراحت وارتضت تحيا بدوني=كيف هانت في عيونه دمعة(ن) في عين خلّه
يازمان الضيم لا تبعد بها وارحم جنوني= لا تحرم القلب وصله (ولا تزيد الطين بلّه)
ياإلهي ياإلهي انت في الضيقات عوني=طالبك ترأف بحالي وقلبي الحاير تدلّه
همها كل يوم يكبر شايله حمله متوني=من بعاده نفس( نايف )زادها عافته كلّه
يامقادير على غير الوعد حلّت بكوني=وطرحتني للعنى قلب الشقي يمّك تتلّه
ساهر ليلي وشبه في سواد الليل لوني=لا ضوت قمره ولا به كود دمع العين اهلّه
ويل حالي ياعساهم ما سلو عني ونسوني=ياعساهم يذكرو منهو طريح(ن) في محلّه
ياعديل الروح لجلك كل اوجاعي تهوني=لك مكان(ن) في فؤادي غيركم محد(ن) يحلّه
يارسول الشوق قله فيه ناس(ن) حمّلوني= حبهم واشواق قلب(ن)ووصفه دقَه وجلّه
بقلمي
من بادي الوقت
(نايف النايف)
<center> >>>>> ردود الأعضـــــــــــــــــــاء على الموضوع <<<<<
================================== </center>
اخي العزيز
من بادي الوقت
صح لسانكـ وبيض الله وجهكـ
جزل كما عهدتك
لاهنت
دمت بخير
__________________________________________________ __________
<center></center>
__________________________________________________ __________
صح لسانك اخوي نايف
لاهنت على روعة مانثره قلمك بين ايدينا
تقبل تحاياي
__________________________________________________ __________
صح لسانك واعتلا شانك
قصيدة جزلة وجميلة كعادتك
بإنتظارك دوما
كل الود والتقدير
__________________________________________________ __________
رائع جدا
صح لسانك
