قلي بس احبك ..!! قال مابي كلام جميل

عنوان الموضوع : قلي بس احبك ..!! قال مابي كلام جميل
مقدم من طرف منتديات الشامل

هذي قصده قريتها وعجبتني حبيت انقلها لكم


قلت
( قل لي بس أحبك ...!! )
قال
( مابي ...! )
قلت
( ليش ...؟! )
قال
( كيفي ...! )
وأشر بكفه لرمشه
قلت
( وش ذا...؟! )
قال
( سيفي ...! )
قلت
( مايحتاج سيف ...!
ميتٍ من يوم شفتك ... يافديتك رد سيفك ...!
ناشفٍ دمي على حافت لهاتك ...!! )
قال
( أعرفك شاعر... ومجنون... وبياع الكلام ...!
وانا مايمشي على قلبي قصيدك لوأموت ...! )
قلت
( بسم الله عليك ...! لو تموت انا اموت
بس تدري ...؟! )
قال
( ايش ...؟! )
قلت
( أنا مجنون توت ...! )
قال
( كيـــف ...؟! )
قلت
( دمك ...! )
قال
( دمي ...؟! والله لو تشرب تموت ...! )
قلت
( بس أشرب ....
وأشرب ...
وأشرب ...!!
وعقبها تدري من اللي يابعد عمري يموت ...! )
قال
( أووووووووووووووف ...
واثق بنفسك كثييييير ...!!
ياخطير ...!!
إنت منهو ...؟!
إنت حيا الله شاعر ...
أو شويعر ...!!
إنت بياع القصائد
تشتري قلوب البنات
وآخرتها بكلمتين ... كلها كذب وشتات ...!!
من يقول إني كذا...؟!
لا...حبيبي ...
أنا ماني أي بنت ...!!
وانا خدي ... بألف خد
وإسئل خدود البنات
وأنا قدي ... بألف قد ...
وإسئل قدود البنات
وانا يوم أغمز بعيني للزهر يذبل حياء
وأنا يوم أضحك بسني تحترق عينك ضياء ...!!
كل شعرك ماوصف مبروم خصري ...
وأنت تدري ...!!
أنت من جدك تكلم ...؟! )
قلت
( ايش ...؟! )
قال
( تشتري قلبي بقصيدة ...؟!
تشتري أحلى البنات بــ بيت وجد ...!!
تحسب إن سعر البنيّة كم بيت من الغزل ...؟!
تكتب إنك حيل تسهر وأنت نايم ... آ ... يادمك ...!!
تكتب إن دمعت عيونك فوق خدك وأنت تضحك ...؟! ... آ ... يا بارد ...!
تكتب إنك ماتبي غيري أحد
وأنت عندك ألف وجه ...!! ... ضف وجهك ...!
والله لو تكتب إلى يوم القيامة ... ما أصدق ...
الشعر اصلاً كلام ...
والفعل غير الكلام ...!! )
قلت
( كااااافي ...! )
قال
( توك ...
ما وصلك إلا عوافي ...
انا في صدري كثير بس مابي أجرحك ...! )
قلت
( وآخرها فديتك ...؟! )
قال
( خليني بحالي )
قالت
( مقدر ...؟! )
قال
( من جدك تكلم ...؟! )
قلت
( من جدي ياعمي ... وتاج راسي ...! )
قال
( يعني ...؟! )
قلت
( قل لي بس أحبك )
قال
( مابي ...! )
وإبتسم
والغنج فيه إرتسم ...
وامتلى دم
قال
( تدري ...؟! )
قلت
( سم ..؟! )
قال
( احبك موووووووت
موووووووووت
موووووووت
بس تكتب بي قصيدة ...! )
قلت
( الشعر كله كذب )
قال
( لكنه عذب )
قلت
( مو قلتي كلام ... وحكي فاضي ...! )
قال
( ماعليك من البنات
لاتصدق حكيهم ...
لو عكست اللي يقولونه لقيت إنه صحيح )
قلت
( والله )
قال
( يووووووووووووه
مرة تحرجني فديتك ...
بس احبك )
قلت
( كاااااافي )
قال
( مابـــــــــــــــــــــــــي ...!

تحياتي واسفين اذا طولنا عليكم

<center> >>>>> ردود الأعضـــــــــــــــــــاء على الموضوع <<<<<
================================== </center>
الغالى \\ ابو سللووم

احححححح وربى حطيت انت والشاعر يدينكم على الجرح الغاير الثاير والغابر الله الله وش سويتوافينى

صــــــــــح لســــــان شاعرها وسلمت انت على نقل مثل هذه القصيده بس ياليتك موضح اسم الشاعر

حتى الناس يعرفون ...

تقبل تحيتى وتقديرى واحترامى

اخوووووك \\ نايـــــــــف الغالـــــــــــــى

__________________________________________________ __________
كلمات روعه مشــــــــــــكورين على النـــــــــــــقل الرائع

__________________________________________________ __________


__________________________________________________ __________


__________________________________________________ __________