القسم الثاني - قلبي مملكة غير امورتي مااحد يملكه - وسام تقدير - رواية جميلة

عنوان الموضوع : القسم الثاني - قلبي مملكة غير امورتي مااحد يملكه - وسام تقدير - رواية جميلة
مقدم من طرف منتديات الشامل

https://upload.te3p.com/uploader/455775/01291210123.gif
بسم الله الرحمن الرحيم
السلام عليكم ورحمة الله وبركاته..
مساء الجوري والكادي...

اشكر جميع القراء لرواية قلبي مملكة غير امورتي مااحد يملكه..
هنا سأسطر لكم باقي اجزاء روايتي قلبي مملكة غير امورتي مااحد يملكه وباقي اجزاء القسم الثاني من الروايـــة..
واقتربنا كثييير من النـــــهايـــــه..
تسع بارتات باقيه لنهاية احداث الرواية..
تسع بارتات اودع فيها قراءي الاعزاء..
اشكر جميع القراء في البارتات السابقه..
اشكر جميع من تحمس مع الاحداث..
اشكركم من اعماق قلبي قراءي الاعزاء...
بالبداية اتمنى الردود ماتخرج عن احداث الروايه وماتخالف ضوابط الاستخدام..وماتتحول الرواية للدردشه..
ثانيا لاتنسوني من تقييمكم وردودكم..

اعتذر على تنزيل البارت وتقديمة لليوم بس الجمعة مااقدر انزله والخميس البنات عندهم اختبار وهذا اليوم المناسب

البارت اهداء لجميع القراء خاصه
قراءه ممتعه ومسلية اتمناها لكم..

**البارت الواحد والتسعون والفصل الثاني والعشرون**

بعد مرور اسبوع ع الاحداث السابقه"

الساعه 7 م"
عبدالله خرج من المستشفى..وبأحدى غرف الدور الارضي لانه مايقدر ينزل ويصعد تتعبه العمليه...
خالد وهو يساعد ابوه ينسدح ع السرير:ارتاح يبه تعبت بالسياره
عبدالله بتعب:اليوم مره زحمه
خالد:اصلآ ابي يوم واحد بس تخف الزحمه بالرياض مستحيل
ليان:عبدالله
عبدالله:هلآ بليون امري
ليان ابتسمت وباست رأسه:كيفك اليوم
عبدالله:الحمدالله بخير
خالد:ههههه تصدق يبه عمتي ليان عكس عماتي كلهن
عبدالله:فديتها اكيد هذي اختي بنت امي وابوي

:احـــــلـــــف ياخال انهـــــا بنت امك وابوك

خالد:اوووه عاد جاء الحشري ايوه بدون مايحلف عندك اعتراض
مراد ببرود:انت مااحد سألك وتقدم وباس راس خاله عبدالله:الحمدالله على سلامتك
عبدالله:الله يسلمك
مراد جلس:اممم الا وين اميرتك ياخال
عبدالله ابتسم:ههههه موجوده
مراد:ماشفتها
ليان بإستغراب:بغيت شي منها
مراد:هههههه لا بس ماشفتها عند خالي اول مره

خالد طلع من الغرفه..وانتبه لأمه جايه ومعها عصير..
خالد ابتسم:ياهلآ بالاميره
اميره ابتسمت:هلآ فيك
خالد:يابخت ابوي اللي عنده وحده مثلك
اميره:ههههههه ترى فيه بالمطبخ عصير انا مسويته رووح اشرب
خالد:حلـــــو والله اني مشتهي العصير من يديك ...وراح للمطبخ..


اميره دخلت:السلام عليكم
مراد:هههه والله اني كنت حاس
ليان:ههههه مراد
عبدالله:والله ياليان ولدك عكسكم
مراد بفخر:فديتني احسن اني ماني مثل احد انا غير عن الكل
اميره:ياللا عبدالله قوم اشرب
عبدالله جلس وبهمس:الله لايحرمني منك كلفتي نفسك
اميره ابتسمت:لا كلافه ولا شي
عبدالله اخذ العصير:تسلم يديك


...@..@...@...@...@...@...@...@...@...@.. اسيل وغلآ وجوري وتولين..مجتمعات ببيت باسل..وبالحديقه جالسات وكل وحده على كرسي ومعهن علبة شيبس وبيبسي..
اسيل تأكل:اممم غلآ
غلآ شربت بيبسي:نعم
اسيل:من زمان ماطلعنا السوق
غلآ:اممم حاليا زحمه بس بالطريق تنغثيني خصوصا هالايام مشان معرض الكتاب
تولين:اممم شكلي بروح له
اسيل:انا مااحب الكتب
تولين:والله تثقفك وممتعه القراءه خصوصا وقت الفراغ
جوري:ههههه واسول طول وقتها فراغ
غلآ:ماادري كيف تركتي الدراسه بجد ماعندك سالفه
اسيل:اوووه برتاح يأختي كل صبح قومه ع الاقل الحين انام لين اشبع نوم
غلآ:هي غلطتهم ان الدراسه الصبح
اسيل:على ماقال البعض: يآمحلى النومه على فرآش ممدود
في ليلـہ مايقآل بگره درآسـہ‎
يصبح عليگ الصبح مآجاگ منگود
ولا جاگ من ثقل الليآلي تعآسـہ
أنآ أشهد ان اللي قآيم الصبح مقرود
نعسآن ومتغلق وموجعـہ رآسـہ‎
يا محلى نهـآر نقضيـہ وحنا رقـود
بعطلـہ ماتگدرنـآ هموم درآسـہ
البنات صفقن:حلــــــــــــــــــوه يسلم لسان من قالها
اسيل:مرسلها الوليد البارح
غلآ:ههههههه شكل الرجال وده يسولف بس فيه نوم وشايل هم الدراسه
اسيل:ههههه فديته اليوم ماداوم يقول عجزت اصحصح وافتح عيوني
غلآ:هههههههههههه شكله ثقيل نومه
تولين:ههههه يمكن
اسيل بدلع:اقول لاتقومن تكلمن عن حبيبي
جوري بإستهزاء:حبيبي يقالي خالتي اميره وابوي
اسيل:ههههههههههههه ليش الكل اذا بيضرب مثل للحب بأمي وابوي هههههههه
غلآ:هههههه والله ابوك الرجل السعودي اللي طلعنا عليه عااااشق ومغرم لحد الجنون بااميرته
تولين:هههههههههه والله دايم خالد يقول تكفييين ياتولين حبيني ودلعيني مثل امي لأبوي
:هههههههههههههههههههههههههههههههههههههه
غلآ:ههههههه لا تأثروا الشباب ياخوفي يجي امير بكره بحركه منا والا منا
اسيل:هههههههههههههههههه عاد امير مطفوق ودايم مستعجل
جوري:ههههههههه بعد حركته قبل يومين اشهد انه اكبر ملقوف
اسيل:ههههههههههههههههههههههههههههه بجد فاتك ياغلآ يموت ضحك
غلآ تحمست:ليه شسالفه
جوري:هههههههه نايم بالصاله وجاءه مراد يصحيه مشان ينام داخل ووقف مفزوع:ليش وش صاير لاتقول ان غلآ فيها شي والا وانتبه لمراد وكشر وكمل نومه
البنات:ههههههههههههههههههههههههههههههههه
تولين:ههههههه عاد مراد ماسكها عليه
غلآ:ههههههه اكيد فديته حالم فيني
اسيل بإستهزاء:لا تكفين ياعبله
غلآ:وععع قلت الامثال مالقيتي غير عبله من اسمها احسها جوكره
:ههههههههههههههههههههههههههههههههههههه
اسيل:هههههه اصلآ شكلها خيال مو حقيقه
تولين:ههههه يمكن
غلآ وقفت:تعالن بخليكن تشوفن شي
اسيل وقفت:شي ايش هو
جوري:ههههه اكيد الورد اللي نسقتي
غلآ ابتسمت:هههه ايوه والله ماتوقعت شكل بيطلع كذا
تولين:كيف الالوان اللي اخترتي
غلآ:اصفر واحمر ووردي وابيض بعد يقول جهاد هذي الالوان اللي لقيت بالسوق
اسيل:عاد بنشوف تنسيقك الا وين مكانه
غلآ:قريب من فلتنا جنب الباب الخلفي بشوي اسيل:لييش هناك مااحد يشوفه
غلآ:ههههه ماابي احد يشوفه وبغرور:اصلآ صنعته خصيصا لأمير
:هههههههههههههههههههههههههههههههههههههه
اسيل:اووما صنعته مره وحده
جوري:هههههه لا بجد اللي يشوفك يقول مادرست جغرافيا ابد
غلآ:بسم الله علي درستها اول ثانوي بس والمتوسط و وكلها رسم خرايط اللي اذكر
اسيل:ههههههههههههههههه الله يخلي لي امي بالمتوسط كل الخرايط هي ترسمها
غلآ:هههههههههه لا انا لو قلت ارسمي ترسم جمجمه والا الجهاز الهضمي هههههههههههه
:هههههههههههههههههههههههههههههههههههههه
وصلن عند الورد اللي منسقته وزارعته غلآ...
جوري بإعجاب:يالله جنااان
تولين بإعجاب:وربي جنان تسلم اناملك
اسيل:والله ياغلآ وطلعتي ذوووق وسحبتها مع كتفها:تعالي هنا بصورك عند الورد وارسلها لأمير
غلآ:لا الورد كل يوم بقطع منه واهدي له
:هههههههههههههههههههههههههههههههههههههه
اسيل:ايش استفدتي من زراعته طيب
تولين:هههه ينمو ويكبر وتقطع منه
غلآ:هههههه صح كلام تولين
جوري:عاد شفنا الورد بنجلس تعبت
تولين:اصلآ مامشينا كثير مشان تتعبي
غلآ:هههههههه صدق
اسيل:اللي يشوفها يقول من الوزن الثقيل هههههه
جوري:ههههه يمكن انتفخ فجأه
غلآ:ههه يمكن وتصيري بعد بلونه فجأه كل شي جايز


@//@//@//@//@//@//@//@//@//
في بيت خالد...وبمجلس الرجال..الوليد..جهاد..امير..سامر..
سامر:امير اخوك وينه
امير:جاي بالطريق
الوليد:ساعه وانا انتظره يقول لاتقدم الكنافه لين اجي
سامر بشهيه:لاتقول مثل الكنافه الذي اكلنا ذاك المره
الوليد:ايوه من يدين امي
سامر:تسلم يديها طعمها جنان
جهاد:شهيتوني وهذا شكله مو جاي
امير:هههههههههه انتظروا

:السلام عليكم

:وعليكم السلام
الوليد:مابغيت تجي
خالد جلس:لا بس اخذت اغراض ووصلتها للبيت وجيت
الوليد وقف:بجيب القهوه والكنافه
جهاد:ولاتنسى الماء بعد
الوليد:خويلد تعال معي
خالد وقف وراح مع الوليد يجيبون القهوه ومستلزماتها.....


//@//@//@//@//@//@//@//@//@
الساعه 2 ص.....
اسيل,,تولين,,جوري,,رغد,,مراد بغرفة جوري,,
مراد جالس ع السرير والبنات ع الارضيه..
تولين:يااخي قطعت ارقابنا واحنا رافعات روسنا نناظر انزل تحت عندنا
اسيل:هههههه عاد مندمجات مع السالفه واخرتها عن كيف يطلع البر ويقنص الطيور
جوري:هههههه بس عجبتني الفكره ليش مانطلع البر
مراد تحمس:ايوه تكفن بنات بكره بنطلع الثمامه ابي اطعس وبشوف مثل الطرفيه عندنا بالقصيم او احسن
رغد بنفس حماس مراد:بشرط انا اركب دباب
مراد طير عيونه:نعـــــم تركبين دباب هذا اللي ناقص
اسيل:وليش طيب عادي ياسلام انتم تأخذون راحتكم واحنا كل شي عيب ومايصلح
مراد بإستهزاء:احنا اولاد وانتم بنات فيه فرق كبير
تولين:لا مافيه فرق من قال
مراد:عندك انتي وشلتك
:هههههههههههههههههههههههههههههههههههههه
رغد:ههه اصلآ مراد يعجبني
تولين وجوري واسيل ناظرن لبعض وضحكن:هههههههههههههههههههههههههههههه
مراد استحى:هههه وانتي بعد احسن البنات عندي
اسيل تصفق:احلى احلى من الحين
مراد:اووووه ياتفكيرك انتي لاتفكرين اني مثلك لا اصلآ رغد تعجبني حركاتها مو دلوعه مثلكن
:هههههههههههههههههههههههههههههههههههه
تولين بتحرج مراد:علينا ومن اللي يقول لأبوي انا مااتزوج الا من بنات اعمامي
رغد بدفاع:طيب عادي انا اييد وبقوه بعد الولد اللي يأخذ من بنات اعمامه
مراد:هههههههه ووقف:بروح انام
تولين:ههههههههه يصرفها
اسيل:هههههه ايه استحى الرجال
مراد هز اكتافه:لا استحيت ولا شي فيني نوم
:الحين احاول بنفسي انام وانتن جالسات وفالتها سوالف وضحك

مراد:خير انت وش جايبك عند البنات

امير رجع شوي:اوووه والله نسيت جوري وتولين
اسيل:هههههههه قول لعمتي ليان ترضعك
مراد رمى على اسيل جزمته:وجع هذا اللي ناقص عاد
امير:ههههه اوووه خشن بشويش على اختي
اسيل:والله يامراد ماتكمل معروفك لازم يطلع عرق النذاله
امير:هههههههه قهر ليت كل البنات خواتي مشان اخذ راحتي
مراد مسك امير مع يده:اقول تعال بس
امير:بجي الحين بس انت رووح
مراد:لا بعدين ماتشوف البنات منحشرات بغرفة تبديل الملابس
امير:تصبحون على خير
اسيل:تلاقي الخير
مراد وامير طلعوا...
امير:اخخخ بس ماابي اداوم طقيت ماابي
مراد بقهر:شوف والله قهر كل عمرنا دراسه
امير:ههههههه وبهمس:قصر صوتك مشان غرفة عمي عبدالله قريبه من غرفتي..ونزلوا من الدرج
مراد بصوت منخفض:انت وين بتنام
امير:وين بغرفتي
مراد:طيب بنام عندك
امير:حياك..ودخلوا الغرفه..


@@/@@/@@/@@/@@/@@/@@/
اليوم الثاني الساعه 11 ص....
عبدالله بالصاله وعنده خالد(ابو الوليد)
خالد:واليوم كيفك
عبدالله:لا الحمدالله اليوم بخير امس اللي ألمتني مره العمليه
خالد:الله يعين اهم شي ادويتك خذها اول بأول
عبدالله:ماقصرت اميره ع الموعد تعطيني العلاج
خالد:هههههه تصدق ماتوقعت اميره حنونه كذا ههههه عكس قبل
عبدالله ابتسم:فديتها حتى مع جوري ورغد طيبه
خالد:جزاها الله خير والا امهن مامنها فايده
عبدالله:تصدق مااحد يدري عنها مختفيه
خالد:الله يستر منها انا مو مطمن لين يقبضون عليها
عبدالله:حقوده بشكل مايتصور
خالد:بجد والا ليش مانقلعت مع عوض وفكتنا


اميره:لا لا صاير بالدنيا شي صاحيه بدري
اسيل بروقان:هههههه شبعت نوم الا وين عمتي ليان
اميره:تجي الحين
اسيل:يمه جهزتي الفطور
اميره:من زمان مفطرين انا وعبدالله وليان
اسيل:اووه قهر كنت بفطر معكم
اميره:هههههه خيرها بغيرها
اسيل وقفت:فيه احد عند ابوي
اميره:عمك خالد
اسيل:اها بروح اسلم ....وراحت ودخلت على ابوها وعمها خالد...

اسيل:السلام عليكم
خالد ابتسم:هلآ وعليكم السلام حيا الله بنتي
اسيل باست رأسه:صباح الورد
خالد:صباح الجوري
اسيل باست رأس ابوها:صباحك ورد
عبدالله:صباحك عسل
اسيل جلست:بسجلها بالتاريخ عمي خالد وابوي بالبيت بالوقت هذا
خالد:ههههههههه لا اليوم مارحت الشركه بكره ان شاء الله اليوم بجلس عند ابوك
اسيل:ههههههههههههه
عبدالله:هههههه لا انا بطلع مااحب اجلس كثييير
اسيل غمزت:علينا يبه اصلآ اكثر واحد بالرجال وبيتوتي انت
عبدالله:ههههههههه مشان امك بس
خالد:ههههه احلى احلى انت شكلك بتخرف وانت تهوجس بالحب
عبدالله:يازين الحب لاصار كله لأميره
اسيل:احم احم والله ياابوي مافيه مثلك
عبدالله بفخر:ادري بسم الله علي
خالد:ههههههه ايه بسم الله عليك
اسيل بدلع:اقول يبه شرأيك نسافر مشان نفسيتك تحسن
عبدالله:بسم الله علي نفسيتي ع العال
اسيل:ههههه لا اقصد مشان تشفى العمليه بسرعه بنروح ابها
خالد:هههههه لا شفى من الحين ابها ومن المسافه هذي لا ومسوي عمليه ومو وحده ثنتين بصدره وكتفه
عبدالله:هههههههههههههههههههههههههه
اسيل:طيب نروح طيران
خالد:ههه لا انا عمك دام لاتدرسين ولا شي تزوجوا الاسبوع الجاي وتدلعي ع الوليد على كيفك
اسيل استحت:هههه لا والله جد بنطلع
عبدالله:مالنا الا اسبوعين راجعين من الشرقيه
خالد:بعدين بقى شهرين ونص ع الاجازه
اسيل بوزت:شهرين ونص لاتموت ياحمار لين يجيك الربيع
خالد+عبدالله:هههههههههههههههههههههههههه


,,,,,//,,,,//,,,,,//,,,,//,,,,//,,,,//,,,,//,,,,//,,,,
بكلية الهندسه...الساعه 11:40 ص..
خالد بطفش:اوووه والله مالي خلق احضر بعدين جوعان
الوليد يتثاوب:شسوي فيك عاد انيا اللي متحمس احضر
خالد:امير وينه ساعه مشان يجيب لي كوفي
الوليد وقف ومد يديه:طيب قوم يوصلها لنا بالقاعه
خالد بكسل:مالي خلق احظر
الوليد بقهر:عاد انا اللي لي خلق بس بقى لي ثلاث ساعات بس واوصل حرمان
خالد تنهد:انا بعد وامي بتزعل اذا ماحظرت
الوليد انتبه لأمير جاي ويديه فاضيه:ماجاب لك كوفي
خالد:غبي
امير وصل:السلام عليكم وناظر لخالد:شريت لك بس اخذه ماجد يقول سلمني على اخوك وقله مشكور ع الضيافه
الوليد:ههههههههههههههههههههههههههه
خالد كشر:والله ابيه يصحصحني وليش ماجبت ثاني
امير جلس ع الطاوله:زحمه
خالد وقف:الوليد بتروح معي المحاظره
الوليد:ايوه
امير:انا خلصت بروح البيت
خالد:لا خيانه تروح وانا اجلس
امير:ههههههه احسن وطلع لسانه
الوليد:ههههه وربي انك بزر
خالد:هههه بجد عيب تخيل شافك احد وانت مطلع لسانك
امير:مع السلامه ولوح بيده:اتمنى لكم درسا ممتعا هههههه ...وراح لسيارته...
خالد والوليد توجهوا لقاعة المحاظرة...
الوليد:وربي عناء
خالد:هذي الحياه بنكافح فيها خخخخ
الوليد:هههه عاد ليت تنفع
خالد ضربه مع كتفه:ياحيوان عاد انت اللي بتنفع
الوليد:اوووه وصلنا القاعة سد فمك
خالد:سد فمك انت لاتكلم ومااتكلم
الوليد:ههههههههههههههههههههههههههههههههه


@//@//@//@//@//@//@//@//@//
الساعه 12:40 م...
ليان واميره بالمجلس...واسيل عندهن ومنسدحه..
ليان:الا غريبه مراد الى الان نايم
اميره:ايو الله غريبه
اسيل:ههههه البارح عندنا للساعه 2
ليان:هههه غريبه بالعاده مايتعدى 1 و12 ونص
اميره:هههههههههههه

:دوووم هالضحكه الله لايحرمني من سماع صوتها

اسيل جلست:جاي بدري
امير دخل:السلام عليكم وباس رأس امه ورأس عمته ليان وجلس:من قاله بدري بتكرفين بالمحاظرات بعد
اسيل:هههه غريبه
اميره:لا اليوم الاربعاء يطلع بدري
امير:مستغربه لانها ماعمرها شافتنا الا غريبه قايمه بدري
اسيل:شبعت نوم
امير وقف:استأذن بروح انام
اميره:صليت
امير:ايوه بالمسجد
اميره:طيب بحط لك غداء
امير:لا مو مشتهي
ليان:طيب كل شي ع الاقل
امير وهو بيطلع:اكلت بالكليه
اسيل:اميـــــر ترى غلآ بتجينا العصر
امير وقف ولف:احـــــلفـــــي
اسيل:ههههههه والله
امير ناظر بساعته:اممم ساعتين وربع تكفيني بنام
اميره:نوم العوافي
امير طلع وراح ينام...واسيل راحت لغرفتها وعند الدرج تواجهت مع مراد اللي بالقوه يفتح عيونه من النوم..
اسيل بضحكه:مساء الخير
مراد بدون نفس وهو يمسح عيونه:مساء الخير
اسيل:هههههههههههههههههه شفت شكلك
مراد يحك رأسه:اقول انطمي ماني رايق لك
اسيل كملت طريقها:هههههه كأنك واحد لي سنه مانام
مراد نزل تحت وراح للمجلس اللي فيه امه وعمته...


@/@/@/@/@/@/@/@/@/@/@/@/
يوم الخميس...بعد صلآة العشاء..سامر ..الوليد..جهاد..امير..خالد..عند اخوان سامر وعيال اعمامه..
سامر:هههههههههههههههه لا مو كذا
بندر بنص عين:هههه اسكت بس
سامر:هههههه يعنني دكتور
:ههههههههههههههههههههههههههههههههههههههه
خالد:ههههههههههههه وناظر لجهاد:جهاد يعجبه بندر
جهاد ابتسم:هههه طيب عادي ليش ماتحبون الطب
سامر تنهد:وش لنا بالغثاء ووجع الرأس
خالد:اي والله يكفي متحمل الهندسه

الوليد يسولف مع معتز اخو سامر اللي اصغر منه:صدق
معتز:ايوه
الوليد:ماقال لنا شي قبل
معتز:اممم يمكن مايبي يقول
الوليد:يمكن
معتز:الا انت مالك اخوان
الوليد بحزن:لا انا وحيد اهلي اثنين توفوا بحادث قبل ثلاث سنوات
معتز:الله يرحمهم
الوليد:الله يرحمهم

بندر:ههههه سويمر الى الان على حركاتك
امير:ههههه والله تو طلعت شخصيته الحقيقه
كمل خالد:هههههه ماتوقعته كذا فرفوش
سامر يسوي مستحي:احم احم هههههههه
بندر دف سامر برجله:مو لايق ابد
سامر:ههههههههههههههههههههههههههههههه
امير:ههههه عاد لاضحك مايسكت
بندر:قصدك لاقهقه لان هذي مي ضحكه قهقه
خالد:ههههه عاد اوما قهقه
الوليد:هههههههه القهقه كذا كا كا هههه كاكاكا
سامر:يرحم امك لاتكمل
:هههههههههههههههههههههههههههههههههههههه
معتز:هههه سامر
سامر:لبيه
معتز:لبيت حاج بسألك
سامر وقف:هههه طيب قوم مو هنا
معتز وقف:ياللا..وطلعوا من الغرفه..ومشوا بإتجاه مدخل النساء..
معتز:اممم زواجك متى
سامر:بالاجـــــاز.........وماكمل كلمته وبصدمه وهو يناظر للي قدامه:معتـــــز
معتز وقف وبنفس صدمته:حـــــنين

حنين ونظراتها لسامر نظرات حب وشوق وحزن ودموعها تنزل:س سامر
معتز مستغرب لها ماتتكلم مع اي احد الا نادرا اصلآ استغرب من خروجها من البيت وتقدم:حنين فيك شي
حنين بدموع:لا..وراحت ركض للبيت وهي تبكي..
سامر بتنهيده:هذي حنين متغيره
معتز:تكسر الخاطر هالبنت
سامر:حسبي الله على من كان السبب بعذرها اللي صابها مو قليل
معتز:اممم ليش ماتخطبها
سامر بإنفعال:اخـــــطبها وانا عندي زوجه مستحيل
معتز:سامر حنين تحبك واضح عليها اصلآ من يوم اخذك بندر ومن بعدها وهي تحسنت عن قبل
سامر:والله عاد انا مستحيل اتزوج غير جوري
معتز:براحتك بس تأخذ اجر هالمسكينه
سامر بضيق:معتز خلاص
معتز:بتروح للبنات
سامر:لا الحين بنرجع للشباب
معتز:ياللا..وراحوا للشباب

حنين بالغرفه وتبكي بكاء يقطع القلب ودموعها مغرقه وجهها..وبعد عشر دقايق من صياحها..
فتح بندر الباب ودخل وبخوف:حنو ايش فيك
حنين بصياح وهي تحط رأسها على صدر بندر:تعبانه يااخوي
بندر ضمها:سلامتك من التعب
حنين مسحت دموعها:ليش جيت
بندر:ههههه ماارتاح لين اشوفك واليوم كله نايمه
حنين:الله لايحرمني منك
بندر وقف:ياللا قومي غسلي وتعالي عند البنات
حنين بحزن:لا بصلي ركعتين واقرأ قران ارتاح
بندر:طيب واذا خلصتي تعالي
حنين:ان شاء الله
بندر طلع وهو حزين على اخته ومتأكد ان كل صياحها مشان سامر تنهد"الله يوفقها ويعينها" وراح للشباب....
انتـــــــــــــــــــــــــــــــــــهــــــــــى
توقعاتكم للبارت القادم يوم الخميس بإذن الله

تحياتي:Amoonah

<center> >>>>> ردود الأعضـــــــــــــــــــاء على الموضوع <<<<<
================================== </center>
امون وي والله اشتقتلك مره حلوالبارت ..............بس معقوله سامر بيتزوج هالحنين وي والله حرام جوري
تدري والله كمان حرام حنين حزنتني وهي له سطرين بالروايه بس............راح نتظرك لليوم الخميس مع انو بعيد هالخميس...............ومرادو اتوقع بيبده قلبو يدق مو مصدقه القرد ده بيحب^_^اشتقت للجميع والله..........

__________________________________________________ __________
https://imagecache.te3p.com/imgcache...2bfc2d68cd.gif

__________________________________________________ __________
امون اي خميس قصدك اللي بكره صح

__________________________________________________ __________
تسلمي على الروايه الاكثر من رائعه
متحمسه للنهايه مرررررره

__________________________________________________ __________
يعطيك الف عافيه
يسلمووووووووووووووووووووووو

تسلمين اموووووووووووووووووووووووون وربى اشتقتلك اشتقتلك اشتقلتك مووووووووووووووووووووووووووووت وانتى بعد خيتو حكايه ليكى وحشه مووووووووووووووت