عنوان الموضوع : امنية مستحيله قصة حقيقية
مقدم من طرف منتديات الشامل
انا كتبت رواية وطبعا مبتدئة بس اتمنى تنال اعجابكم وياليت
القى تفاعل معكم وابيكم تعينوني وتنقدون روايتي وتعطوني الاخطاء
وبحاول قد مااقدر اني اكتبها بمستوى يليق بتفكيركم
والشخصيات بتطلع بالتدرج مع احداث الرواية
الجزء الاول
فادية:وش اخبارك انتي وش اخبارك مع الاجازة
سحر :الحمدلله بس تعرفين سحر ماتحب الاجازة
فادية :لانك ماشاء الله عليك دافورة
سحر :لا مو قصدي بس تعرفين الاجازه ملل
فادية :ماامداك تطفشين تونا بااولها
سحر :ايه الله يعين وش اخبار خالتي ونهى
فادية: الحمدلله بخير تعالوا لنا اليوم في بيتنا
سحر : ماادري والله
فادية :مادام فيها مدري اكيد ماشتهيتي
سحر: تبين اضيع علي تمشية بالاسواق
فادية : ماتعرفين
وكملوا سوالفهم
طبعا فادية بطلة من بطلات هالرواية وعمرها22 تدرس جامعة
وهي اكبر البنات وابوها خالد بن عبدالعزيز الـ.......... تاجر
وامها زهرة بنت محمد الـ.................
واختها نهى وعمرها 18
وتركي وعمره 13 باولى متوسط
ناصر وعمره 5 سنوات
وطبعا اللي كانت تكلمها بنت خالتها سحر وهي الكبيرة وعمرها 21
وامها شيخة محمد الـ...........
وابوها فالح بن هادي الـ................
ــــــــــــــــــــــــــــــــــــــــــــــــــ ــــــــــــــــــــــــــــــــــ
أحلام:صدق انك تمللين الواحد
أسماء بضيق :يعني وش تبيني اسوي
أحلام: الحمدلله رب العالمين لو اني منك طلبت الطلاق ترى 14 سنة على انه يرجع مو شوي
أسماء بحزن ودمعة طاحت من عينها:من قالك اني انطر رجعته
أحلام باستهزاء:طيب اطلبي الطلاق ... لو تبين الطلاق ياعمري كان عرفتي تتصرفين... بس انتي تبينه
أسماء بانفعال وهي تمسح دمعتها: كيف اطلب الطلاق وهو شهر واحد مايجلس بالسعودية
إيمان تدخل عليهم وهي مكشرة: أحلام انتي عايشة من دون إحساس خلي أسماء بحالها
أسماء وخصلات من شعرها الأسود طاحت على وجهها الابيض الصافي الصافي مثل صفاء قلبها :لا عادي .. أحلام اختي وتخاف على مصلحتي
إيمان بعصبية :لو انها تخاف على مصلحتك كان ماقالت كلام يزعلك
أحلام:أنت مالك دخل بعدين ماكلمتك
أسماء :خلاص ماصار شي ... إيمان وين امي
إيمان : جالسة بغرفة الجلوس
أسماء :وتركتيها لحالها
إيمان : تنعس قلت وش اسوي عندها طلعت
أسماء : هاه ماشاء الله وش ناوية تدخلين عقب الثانوية...ونسبتك تساعدك تدخلين أي جامعة تبغين
إيمان : اممممممممممم ماادري
أحلام باستهزاء : اقول اجلسي مثلك مثلنا وبعدين اذا وافق بدر على انك تكملين
اسماء بابتسامة : اذا ماوافق انا بحاول اقنعه
إيمان تناظر أحلام بنظرة ساخرة : انتي مالك دخل فيني مو
أسماء بضيق : خلاص حرام عليكم ماتجلسون إلا تهاوشون
طلعت أحلام وصكت الباب بااقوى ماعندها
إيمان : وجع ان شاء الله
أسماء: يالله ياايمان جيبي القهوة وبنروح نجلس مع امي
إيمان :ان شاء الله
هذا بنات اخو خالد بن عبدالعزيز الـ......................
وابوهم متوفي صالح بن عبدالعزيز الـ..............
وزوجته هدى رشيد الـ................
البنت الكبيرة أسماء وعمرها 28
وأحلام وعمرها 25
بدر وعمره 24
وايمان 19
ونجود اخر العنقود وعمرها 16 اول ثانوي ــــــــــــــــــــــــــــــــــــــــــــــــــ ــــــــــــــــــــــــــــــــــــ
تركي يصارخ : يمه ... يمه وينك
فادية: ليش الصراخ
تركي: انتي وش دخلك ... وين امي
فادية :ليش الصراخ؟!
تركي: انتي وش دخلك؟ وين امي؟
فادية:احترمني انا اختك الكبيرة
تركي باستهزاء :يووووووووووه نسيت يااختي الكبيرة ... اقولك وين امي
فادية: اول قلي وش تبي بها
تركي:عزت يبي يكلمها من سماعة الانترفيون
فادية:المصري اللي يشتغل عند ابوي في المحل
تركي بطفش:ايه .. طيب بسرعة ناديها .. يمه
ام تركي: هاه وش تبي
تركي: عزت يبي يكلمك
ام تركي: اكيد ابوك موصيه على غرض
تركي: لا .. سالته يقول مو ابوي اللي موصيه
ام تركي: طيب (وراحت لسماعة ورفعتها)نعم
عزت: السلام عليك ياام تركي
ام تركي:وعليك السلام
عزت:اخبارك ايه ياام توركي واخبار الولاد
ام تركي :بخير .. وش بغيت؟
عزت: والله مش عارف ااولك ايه
ام تركي بخوف: ابو تركي تعبان؟
عزت :لئة .. بعيد الشر بس ابو تركي اخدوه عالقسم
ام تركي ارتاعت: اخذوه الشرطة وليه خذوه
عزت: مش عارف
ام تركي : طيب جزاك الله خير.. قول لبدر ان ام تركي تبيك (وسكرت السماعة)
فادية : وش فيك ؟ ومن اللي اخذوه الشرطة
ام تركي : ابوك
تركي بخوف : ليه
ام تركي تناظر فادية اللي اصفر وجهها:لا ان شاء الله مافي الا الخير.. اذا جاء بدر ياتركي قله يروح لاابوك في الشرطة يسال عنه
تركي : طيب
ــــــــــــــــــــــــــــــــــــــــــــــــــ ـــــــــــــــــــ
بدر يتصل على جوال تركي: السلام عليكم
تركي : وعليكم السلام
بدر: عطني امك
تركي: امي تقول اسال عن ابوي
بدر: ليه
تركي: عزت ماقالك
بدر: تركي لاترفع لي ضغطي بفهاوتك قلي وش السالفه
تركي: اول شي يابدر ياولد عمي احترمني وثاني شي ابوي ماخذينه الشرطة امي تبيك تسال عنه
بدر بتنهيدة : والله اسف ياتركي قبل شوي جاي من مصنع السجاد ورفعوا لي ضغطي بعدين عزت اللي مارضى يخبرني ليه ام تركي تبيني وانا من حرتي حطيتها براسك
تركي : ماعليه صار خير بس ياليت تخبرني وش السالفه
ــــــــــــــــــــــــــــــــــــــــــــــــــ ـــــــــــــــــــــــــــــ
ام بدر تاخذ فنجال القهوة:ليه يايمه
أسماء : ايه والله يايمه رفض
إيمان بقهر: هذا الولد معقد كل صديقاتي بيسافرون وش معنى احنا
أسماء : يقول عندي شغل ومااقدر على ان حبيبته أحلام مترجيته وذلت نفسها عنده
إيمان بغيض : اللي يشوفنا يقول هي لوحدها اخته واحنا لا
أسماء : يمه أكلتي حبوبك
إيمان : ايه انا اعطيتها اياها
أم بدر: مو من عوايدك يااسماء بالعادة انتي اللي تذكريني بحبوبي وتجلسين معي
أسماء تقاطع امها : والله كنت تعبانه
إيمان بضيق : ليه يمه ماعجبتك؟
ام بدر بابتسامة على غيرة إيمان:ماكنت اقصد شي بالعكس استانست بجلستك معي .. بس عرفت ان اللي منع أسماء شي مو سهل
أسماء بابتسامة : خلاص يمه ماراح اسويها ثانية
وهذي بوسة راس رضاوة وباست راس امها
ــــــــــــــــــــــــــــــــــــــــــــــــــ ــــــــــ
سحر : حرام عليك يافادية إن شاء الله مافيه شي
فادية تصيح: مااقدر هذا ابوي
سحر بابتسامة: يابنت الحلال يمكن الامر عادي عامل هربا ناو اشتباه بالاسم أنا عندي إحساس ان ابوك بيرجع اليوم او بكرة
فادية : ان شاء الله شي بسيط
سحر : ان شاء الله يالله عاد ابتسمي
فادية وهي تمسح دمعتها وتحاول تبتسم : طيب بااوصيك على شي لاني مابي اطلع وتشوف امي وجهي
سحر تقاطعها : ليه هالسالفة طويلة .. امري وش بغيتي
فادية : اسوارتي نسيتها امس على امممممم اتوقع الكنبة بالخيمة
سحر : بس ماطلبت
راحت سحر للخيمة وجلست تدور على الاسوارة ولقتها معلقة عالكنبة واخذتها وجت بتطلع قابلت شخص وام تركي وراه بعبايتها تبلمت شوي بعدين راحت تركض داخل البيت
بدر بلم في مكانه وام تركي ماعجبها الوضع
ام تركي بضيق : اسفه والله ماكنت ادري ان فيه احد
بدر بعفوية: ماشاء الله هاذي فادية
ام تركي بقهر على بنتها : لا.. ايه وش سويت وش قالوا لك
بدر بحزن : والله آسفه ياام تركي ماودي أخبرك بشي يكدر قلبك
ام تركي بخوف : وش فيه؟ خوفتني!!!
بدر بتردد: والله مسكوا عمي بتهمة ... لاحول ولا قوة الا بالله
ام تركي بتلف اعصاب: قول يابدر وترتني
بدر : والله مسكوا عمي بتهمة القتل
ام تركي متفاجئة: وش قلت ؟؟؟
بدر : إيه والله ياام تركي ... ورفضوا يدخلوني عليه اشوفه بس بيطلع لاني متاكد انه ظلم
ام تركي : من اللي متهمة ؟
بدر: ولد صاحب مصنع كان عمي معه دايم مشاكل معه
ويختلف وياه كثير
ام تركي: ايه .. ايه تذكرت مو هذا فهاد
بدر : ايه هو اللي انقتل
ام تركي : كيف بنوا كلامهم ؟ وعلى ايش ؟
بدر : لان عمي قبل ماينقتل فهاد اهداه سيارة وتصالحوا
ام تركي:طيب؟
بدر : عمي نسى دفتر شيكاته وبعض الاوراق بس مو مهمة في مصنعهم وبعدها بساعات لقوه مقتول بقارورة بيبسي
ام تركي صارت تنزل دموعها بحسرة على زوجها وصوتها راح :حسبي الله ونعم الوكيل
بدر : توكلي على الله ياام تركي واكيد بتظهربراءته طال الزمن او قصر
ام تركي :جزاك الله خير ياولدي تعبناك
بدر: ولو ياام تركي هذا عمي وحقه علي اني اسال عنه يالله استاذن
الله يرجعه بالسلامة
وهو طالع وقفت ام تركي
بدر : واذا احتجتوا أي شي بلغوني
ام تركي : ان شاء الله مع السلامة سلمني على امك واخواتك
<center> >>>>> ردود الأعضـــــــــــــــــــاء على الموضوع <<<<<
================================== </center>
بدر : ان شاء اللهــــــــــــــــــــــــــــــــــــــــــــــــــ ــــــــــــام تركي تمسح دموعها وتدخل داخل البيت لاقت سحر واقفةسحر بتوتر: والله ياخالتي ماكنت اقصدام تركي بابتسامة حزن : لا يابنتي ماصار شي بس لاتخبرين فادية باللي صار تدرين متكلمين عنها انها له من يومهم صغار وبتزعل لو درتسحر بضيق : بس انا ماكنت اقصدام تركي : خلاص انسي اللي صار ومثل ماقلت ماكنتي تقصدينسحر : ايه نسيت ياخالتي هاه وش صارام تركي :لا ان شاء الله خيرسحر : بس وجهك ياخالتي مايطمن عيونك حمرام تركي جلست على كنبة الصالة وصارت تصيحسحر : وش فيك ياخالتي عسى ماشرام تركي : متهمينه ظلم انا متاكدة لانه مستحيل يسويهاسحر : وشو اللي ظلمام تركي: بااقولك بس لاتقولين لفادية تعرفينها ماتتحملسحر : قولي ياخالتي شغلتي باليام تركي وصوتها صار مبحوح : ابو تركي متهمينه بالقتلسحر شهقت :وش قلتي؟ام تركي : ايه يا سحر بدر قال لي هالشي ...(سكتت شوي) روحي قولي لفادية ونهى انه متضارب مع واحد وسجنوهم اثنينهم .. عسى الله يظهر براءته قبل مايدرونسحر : الله يفرج عنهام تركي : الله يسمع منكــــــــــــــــــــــــــــــــــــــــــــــــــ ـــــــــــــــــــــبدر واقف ومتسند على سيارته يفكر(من تكون هالبنت ؟ اذا ماصارت فادية ...يلعن بليسها عذاب... شكل ام تركي زعلت عشان شفتها وبان على نبرة صوتها واحساسي انها مو فادية لانها لو فادية ماتضايقت...بس ماكنت اقصد وغصب عني يوم شفتها...بغت عيوني تطلع من مكانها وراحت وانا الاحقهاآآآآآآآآآآآآآآآآآآآآآآآآآآآه احد يشوف قمر ويغض النظر)قطع افكاره ناصرناصر يهز يد بدر : وث قاعد تثوي ... ليه قاعد عند الباببدر : حبيبي توني طالع من عندكمناصر : تيب ادخل مرة عثان تلعب معايبدر : لا حبيبي انا مشغول ان شاء الله بكرةناصر: تيب ودني عند بابابدر متفاجا: ويـــن؟ناصر : هناك عند بابا اللي ذيك المرة وديتني لهبدر : اها طيب بس بابا مشغول .. وين تركي؟ناصر : تلكي راح للبقاله وعيا يخليني اروح معاهبدر : خلاص ادخل ياناصر البيت وانا اقوله يجي ياخذك طيب ياباباناصر : تيب (وقف عند باب الشارع وصار ياشر لبدر بيده)وبدر ركب سيارته(كيف اعرف من هي البنت؟ ياغبيي ياليتني سالت ناصركان والله بيقولي كل وحده ووش لابسة بعد........... لا.لا.الحمدلله ماسالته كان بيروح يخبر امه باللي صار ... ويمكن تكون هاذي نهى )وصل للبيت من دون مايحس قي نفسه وهو عازم يعرف من تكون هالبنتــــــــــــــــــــــــــــــــــــــــــــــــــ ــــــــــــــــــــــيوم صعدت سحر الدرج تفاجات بفادية طايحة عند الدرج صارت سحر تركض لهاسحر تضربها على خدها : فادية .. فادية حبيبتي (وراحت تركض لدورة المياة وجابت شوية موية بيدها ومسحت فيها وجه فادية)سحر : فاديةفادية وهي تحاول تفتح عيونها : همممممسحر : خوفتيني عليكفادية تنزل دموعها : وينه ؟ وين ابوي؟سحر بارتباك : في السجنفادية : انا سمعت اللي قالته امي لكسحر وهي تحاول تساعدها تقوم : وش سمعتيفادية : ابوي في السجن (وشهقت) وربي ابوي مايسويهانهى شافتهم وجت تركض : وش فيك يافادية؟فادية وهي تحاول تتكلم زين: ابوي في السجن بتهمة القتلنهى شهقت : ايشسحر ماعرفت وش تسوي: اذكروا الله بيطلع قريب ان شاء اللهنهى وفادية : لااله الا اللهنهى ماتدري ليه حست قلبها عورها على ابوها وبنفس الوقت ماعرفت تعبر عن مشاعرها(وبعد لحظة صمت):مظلوم وبيطلع ان شاء اللهسحر اللي تفاجات بردة فعل نهى وماتوقعت فيها هالقوةفادية: ان شاء اللهــــــــــــــــــــــــــــــــــــــــــــــــــ ـــــــــــــــــــــــإيه والله يايمه الله يعينهمام بدر: ابتلاء من رب العالمين وش اخبار عمك؟بدر: والله بحاول ادخل عليه بس اليوم ماقدرت مدري وش المشكلة مانعين عنه الزيارةأسماء : يوووووووووه الله يصبرهمبدر : أسماء وين أحلام ؟إيمان مكشرة : وش تبي بها؟بدر : مالك دخل تبين تكونين حبيبة خليك بعيدة(وقام بيروح لغرفة أحلام)ام بدر : ياولدي كان سالتهم وش ناقصهمبدر : سالتهم مجرد سؤال بعدين ترى انا مو فاضي لهم عندي اشغال وعندهم سواق واذا عالفلوس برسل مع عزت لهم كل فترةام بدر : الله يهديك ترى بهاليومين مالهم غيركبدر : من قالك يمه انها يومين والله السالفة شكلها مطولة وبعدين عندهم تركي رجال اليوم بس قلت له يالفاهي بغى ياكلنيإيمان: ياحليله من كان صغير طبعه طبع الرياجيلبدر : يخوف هالولدوطلع بدر لغرفة أحلامــــــــــــــــــــــــــــــــــــــــــــــــــ ـــــــــــــــــــــأستاذن انا ياخالتي لاتخافين عليها هي بس تدلعفادية كانت منسدحة عالسرير ونهى وام تركي عندها وسحر كانت لابسة عبايتها بتطلعابتسمت فاديةنهى : اسم الله على اختي قولي ماشاء اللهسحر : ماشاء اللهأم تركي : اجلسي مع البنات وبتصل على امك استاذن منهاسحر : والله مااقدر ياخالتي مرة ثانية (وهي تلبس برقعها )مع السلامةالكل: مع السلامةويرن التلفوننهى :وعليكم السلامأحلام :وش اخبارك نهى ؟وش علومك؟نهى بتنهيدة : بخير انتي شلونك واخبار البنات؟أحلام: بخير .... والله ضاق صدري على عمي الله يطلعه بالسلامةنهى : آآآمينأحلام: فادية قريبةنهى : ايه ..لحظةنهى عطت فادية السماعهفادية وهي ماسكة السماعة تاشر لنهى من هينهى بصوت قصير : أحلامفادية كشرت : السلام عليكأحلام : وعليك السلام وش اخباركفادية : الحمدلله بخير وش اخبارك واخبار امك وخواتكأحلام: كلنا بخير وسلامةفادية: اخباركم مع العطلة؟أحلام: ماشيين.. فادية وش فيه صوتك؟فادية : تعرفين وجعني قلبي على ابويأحلام : لا ان شاء الله بيطلع بالسلامةادعي له انتيفادية وصوتها راح : الله يفرج عنهأحلام :وش اخبار خالتك وبنتهافادية : الحمدلله بخير سحر توها طالعة من عندناأحلام : مااطول عليك شكلك تعبانةفادية : لا عاديأحلام :ان شاء الله ادق عليك وقت ثانيفادية: طيب على راحتك مع السلامةأحلام سكرت السماعة والتفتت على بدر : تكسر الخاطربدر بعصبية : خلصيني من هي؟أحلام : قلت لك مواصفاتك للبنت مواصفات سحر وبعدين تو سحر طالعة منهم يعني هيبدر بابتسامة مشكورةأحلام : لا ماينفعني شكرك عطني اللي وعدتنيبدر سحب 200 اللي في جيب صدره واعطاه اياها ودور في جيوب ثوبه لقى 50 :هذا اللي معي واذا سحبت عطيتكأحلام :على انك واعدني ب500 بس يالله وكل مابغيت شي احنا حاضرين للغالينــــــــــــــــــــــــــــــــــــــــــــــــــ ـــــــــــــــــــــفيصل : سحر وش فيك؟سحر : مافيني شي بس متضايقة شوي من اللي حصل لخالتي (وقامت راحت لغرفتها)ام فيصل : الله يعينهم يابنتي بكرة ان شاء الله بنروح لهم نوسع صدورهمابوفيصل وهو يقلب بالقنوات: بكرة ماراح تروحونفهد : لا يبه تكفى ابي اروح لخالتيابو فيصل: مو تسالون ليه اللحين ماابيكم تروحونام فيصل : الله يجزاك خير ياابو فيصل ودنا نروح لااختيابوفيصل : الله على امكم اللحين بتصير تحن على راسيفيصل: والله بصراحة من ناحيتي مااحب اروح لجو كئيب وحتى لو روحتو انا زي العادة مارا ح اكون معكمفهد : بدال ماتقول لابوي لازم نروح نواسي خالتي تخليه عليناابوفيصل : انتو اللحين نسيتوني وش بقولكم ... بكرة بنسافر لابهافهد بوناسه : واخيرا بنطلع من الرياضفيصل يناظره بنص عين : مو قبل شوي بتروح لخالتي تواسيهاام فيصل : بس ياابو فيصل وش بتقول عني اختيابو فيصل : انا قلت بكرة وماراح اغير راييــــــــــــــــــــــــــــــــــــــــــــــــــ ــــــــــــــــــــــــ
__________________________________________________ __________
وبكذا انتهى الجزء الأول واتمنى منكم تعذروني لاني اول مرة اكتب وبتقبل أي انتقاد يكون بالرواية وابيكم تساعدوني اني اطلع الرواية بشكل يليق بمستواكمفي غرفة أسماء وإيمانإيمان تفكرأسماء تاشر لها بيدها : وش تفكرين فيه؟نجود : وش بتفكر فيه ياذكية معروفة البنت اذا سرحت ماتفكر الا بي واحدإيمان باستهزاء : بالله ؟أسماء: وش تفكرين فيه؟إيمان : افكر في .......أسماء تساعدينيأحلام : على ايش ياعمري .... باستهزاء ايه عرفت على مصاريف زواجكقاطعتها إيمان : انتي هيه يالمريضة نفسيا وبعدين انتي وياها هذا حدود تفكيركمأحلام انقهرت : وش قصدك؟نجود باستهزاء : قصدها انك صغيرة عقل وتفكيرك محدودإيمان : وين امي ؟أسماء : نامت والله ضيقت صدري تعبانهأحلام : وش الجديد ؟ دايم تعبانه ياظهريقاطعتها إيمان بعصبية : كيف يكون لك قلب تتكلمين عن امك كذاأحلام ببرود: خليت طيبة القلب لكأسماء بصراخ :خلاص صدعتوا راسي يالله احلام ونجود روحوا لغرفتكموانتي ياايمان ياتنامين ياتطلعين برى لاني بنااااااااااام تعبانهإيمان بترجي : ماراح ازعجك خليني جالسة وبعدين ابي اكلمكوطلعواــــــــــــــــــــــــــــــــــــــــــــــــــ ــ(معقولة هذا خطيب فادية ماتوقعته كذا بس ماشاء الله رزه آآآآآآه الله يرزقني بواحد مثله ... حسيته هيبه ... بطني يوم شفته طلعت وجعني)أم فيصل : سحر وش فيك ؟سحر : نعم يمهأم فيصل : انادي عليك من زمان ماتردين عليسحر : متى؟ام فيصل : امس .. يعني متى تتوقعين ؟بعدين قصري على صوت التلفزيونسحر صكت التلفزيون : معليش يمه ماحسيت في نفسي وش بغيتي ؟ام فيصل وهي تجلس على سرير سحر : اغراضك جهزيها بنسافرسحر نطت لامها : جد واللهام فيصل : الحمدلله والشكرسحر بابتسامة : حرام أفرحام فيصل :لا بس حسبتك بتقولين لاسحر : ليه اقول لا مليت من الرياااضام فيصل باستغراب : تقولين لا .. عشان خالتكسحر : خالتي ماعليهم ماراح يضيعونام فيصل : مو القصد يضيعون بس عشان ماتحز بنفوسهمسحر : اوووووووووووه يمه والله يمه ضاق صدري عشانهم بس وش بيدنا نسوي لهم ... لازم نضيق صدورنا عشان يحسون ان حاسين فيهم لاتقولين لابوي لاام فيصل : هو اصلا عطاني فرصة اقرراللحين تاكدت من اللي في باليسحر : وش اللي في بالك ؟ام فيصل : انتي منتي طبيعية اليوم اناديك ماتردين علي وفيصل حتى لاحظ عليك وهو اللي نبهني لسرحانك من رجعتي من عندهمسحر : لا .. يمه مو قصدي .. بس تعرفين اثرو بنفسيتيام فيصل وهي تقوم من عالسرير : خلاص يمه نامي عشان تقومين بكرة بدري ولاتجلسين عالنت
ــــــــــــــــــــــــــــــــــــــــــــــــــ ـــــــــــــــ
ملاحظة
علما باني لاابيح بنقلها الا بذكر اسمي
محبتكم هناء الروح
__________________________________________________ __________
رهيبة وانا مبسوطة اني اول من يرد على الرواية
مشكووووووووووووووورة
تقبلي مروري
__________________________________________________ __________
هناء الروح يعطيك الف عافيه على القصه الحلو
وبليز بسرعه نبي الجزء الثاني
__________________________________________________ __________
مشكوره ياختي على الروايه
الله يعطيك العافيه ياهناء الروح
والله القصه مررررره رووووعه
نتظر التكمله
