آه منك يانورة من الواقع

عنوان الموضوع : آه منك يانورة من الواقع
مقدم من طرف منتديات الشامل

هلا وغلا


هاذي السالفة يمكن طويلة شوي لكنها عجيبة ..ما أسميها سالفة إلا اسميها قصة... تقريباً مضى عليها سنة كاملة .. و مع ذلك أحب أذكرها بهذا الموضوع



كنت رايحه للبحر مع أهلي وكل عماتي و أزواجهم و عيالهم كانوا هناك , مسوين غدا بالبحر



وبعد الغدا راحوا الشباب يسبحون ..و حنا رحنا الحديقة نودي البزارين يلعبون .. وجلنا نتمشى



وقبل كذا امهاتنا ما سمحولنا نتحرك يقولوون ترى فيه شباب صيع(صايعين) لا تمشون بلا محرم , لكن احنا ما اهتمينا لهم عشانا كنا كثار " شلة بنات" و فيه كم عائلة جايه للبحر ..عشان اليوم يوم خميس..وكنا نسولف ونضحك ووناسة



إلا شفنا شايب يتمشى مع زوجته وبناته .. وكملنا طريقنا مع الهبال والمسخره.. إلا وشفنا الرجال(الشايب نفسه) لحاله ورانا ما شي بعد ماترك حرمته و بناته بالحديقة جاي يلاحقنا إلا ويقط علينا ذاك الرقم وينحاش .. قمنا نركض من الحركة إلي سواها ماتوقعنا



و ألفتت وراي شفت نواري طايحة جزمتها و منحنيا تلبسها .. قلت لها اسرعي بسرعة قبل ل ايرجع .. قالت زين كاني جايتكم



ورحنا لعند الرحيم<< أمهاتنا وقلنالهم على إلي صار وكنا مستغربين .. شايب ولحيته بيضه ويرمي علينا برقم.. الحمد لله والشكر و ياليته لحاله القهر أن زوجته وعياله معاه جايين



قامت تقول جدتي : خلوه مسكين يسترجع أيام شبابه , وقمنا نضحك



انتهت السالفة




وبعد شهور تقريباًَ .. اسمع امي تكلم جدتي بالتلفون وتقول لها :



تتوقعين أهلها بيخلونها تتزوج واحد من قد عمر ابوها ... أنا من سمعت هل كلام إلا و اروح جنب امي و أسالها على طول مين مين (حتى نسيت ليش أنا جاية لها)



أمي ما أعطتني وجه ومكمله كلامها .. أقول لها منووووو , تأشر لي بيدها بعدين



انتظرت لمن خلصت من المكالمة وسألتها وعرفت السالفة و انفك راسي



نورة خطبها واحد كبر أبوها ؟؟ نواري؟؟؟ تصيح تبيه وتقول ما تتزوجه الا هووو وشو السالفه وأنا جالسة أفكر و أقول حرام البنت توها حتى العشرين ما بعد تدخلها والبنت قمر مو شينه





وتلقينا الأخبار أن أهل نورة وافقوا و ما راح يسوون عرس .. مجرد جلسة بسيطة في بيت العروس .. وأم العروسة كانت زعلانه وما تبغي بنتها تتزوج ذا الرجال و قبل كذا دخلوها المستشفى << انهيار عصبي ..لأنها ما كانت راضية بس أبو نوير أقنعها أن هذا مستقبل البنت واهي راضيه فيه و الرجال خطبها على سنة الله ورسولة و مايعيبه كبر سنة مادام بنتنا تبيه ..اهو يبيها .. و الأم تقول لأبو نورة البنت ياهل ولا تعرف مصلحة نفسها





وانحلت الأزمة وجات الليلة إلي كنا منتظرينها



ووصلنا لبيت نوير ومسوين كوشة بسيطة ومزينين الصالة بس كانت الأجواء حزينة وخاصة أم العروسة.. ما ألومها والله





أهم شيء بالسالفة و عشان ما أطول عليكم في سرد التفاصيل .. جات العروسة وكانت أحلى من القمر ..زينتها وتسريحتها و كل شيء فيها طالع كوول ..



وكل حرمة تغمز للثانيه .زوهاذي تكلم إلي جنبها



يا حسره على البنيه قمر بغيتها لولدي بس شوفي الدنيا..وانا اطالع في وجوه الحاضرات شردة فعلهم .. وكانو بنات اعمامي يصفقون



وبعد نص ساعة تغطينا ودخل أبو العروسة وأخوانها وراه و زفوو المعرس



أنا يوم طالعت المعرس وقف قلبي .. مصدومة ما اقدر



اهووو إلا اهووو .. نفسه الرجال إلي قط علينا الرقم بالبحر .. شلوون يا رب مو قادرة فيني غصة آه يا ربي



انسحبت ودخلت غرفة من الغرف و أنا أفكر وشلون .. أنا متأكده انو هو نفسه الرجال الشايب مو واحد ثاني



وهاذي السالفة ذبحتني و كنت أنطر رجعت نورة من السفر عشان اسألها



و باختصار شديد وبعد ما تقربت من نورة< اصلي صديقتها و الروح بالروح بس هذا السر جننتني ولا رضت تقوله لي



بعدي بدت تتكلم وقالت لي بكل شيء



قامت تقول انها ذاك اليوم بالبحر شافت الشايب يطالعنا ويوم قط الرقم احنا هربنا واهي فسخت جزمتها بجنب الرقم عشان تسوي نفسها تلبسها واصلها خذت الرقم من الأرض



سألتها وليش خذتيه



قال حبيت اعرف ليش هذا الشايب يرقم ..وليش يسوي هل حركات إلي هي حركات مراهقين وشباب طايشين وهو شكلة محترم مو باين عليه هل حركات ..





وتابعت كلامها واهي تقول



بعدها فتحت الورقة وسجلت الرقم بجوالي و يوم وصلت البيت كلمته ودار بيني وبينه كلام طويل



قلت لها وشو هل كلام .. في البداية ما رضت تقول لكن قالت لي جزء منه



انها سألته ليش قط الرقم عليهم وانها قالت له ان مو قصدها شي الا انها تعرف ليش هو قط الرقم .. وقام يقول لها حبيت اتعرف وقصدي اني اسوي علاقة حب .. واهي قالت له عندك زوجه وانت بتصير عجوز وشو لك بهل حركات ما سمعت الحديث إلي يقول الزنا محرم على الجميع إلا انه في حق الاشيمط آكد .. والاشيمط هو من وخطه الشيب

ويعني تبي تزني وانت بهل عمر..عند زوجة .. ومالك بحركات الشباب اصلا الشباب ونعاتبهم وشلون إلي هم بمثل عمرك.. الا ويقول لها والتلفزيون ترك شيء والاغاني خلت احد بحاله ..المناظر إلي تنعرض بالتلفزيون تحرك صخر فكيف بقلوبنا إذا احنا الشياب وحسينا يوم شفناها بأن الشباب تجدد فكيف بحال الشاب

قامت هي تقوله الله قال بالقرآن وقل للمؤمنين يغضو من ابصارهم ويحفضو فروجهم قام يقول لها غضينا بصرنا بس في كل مكان نشوف حرمة متزينة وحتى بالاخبار

ومو طبيعي اجي لزوجتي واطلع لها مشاعري راح تستنكر هل شي وماراح تقبل فيه وانا طلبت الحلال مو الحرام

وجلست تهذر و قالت لي كيف صارت قصة الحب بينها وبينها وذكرت لي الاسباب إلي خلتها بالذات تتزوجه



السالفة مو مصدقتها لحد الحدين .. طويلة صح



منقوووووووووووووووووووله

<center> >>>>> ردود الأعضـــــــــــــــــــاء على الموضوع <<<<<
================================== </center>
قصة غريبة بس جد الله يعينا احنا الشباب وكشار الك يالطفشانة على القصة

__________________________________________________ __________
تسلمين يالغلا على هالقصة

الطويله نوعا ماا.. عساااااااج عالقوووووة

__________________________________________________ __________
الله يقويكم
أشكركم على المرور
لكم تحيااااااتي

__________________________________________________ __________


__________________________________________________ __________