كلام من قلبي لقلبي . خاطرة جميلة
عنوان الموضوع : كلام من قلبي لقلبي . خاطرة جميلة
مقدم من طرف منتديات الشامل
بتاريخ 20/11/1429 ,18/11/2017 ,فارقت اغلى من لي بهالدنيا ,فارقت روحي اللي معه ماحسيت بقيمتها ,فارقت من ملى علي دنيتي ,فارقت اخوي وفارقت صديقي وفارقت حبـــيبي, ياليت يفهم اني مااقدر ارجع له واسامحه لانه جرحني جرح مايداويه طبيب, هويته ,عشقته,حبيته بكل مافيني,غاب عن شهرين وابتدا غيابه بتاريخ 26/8/2017 .هاليوم اللي من بعده بدا عذابي هاليوم الي بعده بدا جرحي العميق... بكيته ..فكرت فيه ..اتصلت عليه .. ارسلت مسجات .. سألت عنه ..ومالقيته.شهرين مرت علي دهر والله دهر , نطرته يدق نطرته يرد ويقول مشتاقلك وماقدرت اخليك,, خفت عليه ومافكرت انه كان مخليني..كنت اقول هالدنيا كلها تخليني الا فهد مايخليني ... كان عندي يسوى عيوني..طول هالشهرين عشت هم ماعمري عشت مثله ,دورته مالقيته , كنت ابي اقوله شصار فيني , كنت ابيه يسمعني, كنت مشتاقه لصوته لو مااسمع منه الا كلمة الو ,المهم اتطمن عليه انه بخير,خفت عليه خوف ماعمري خفته على احد قبله, احط راسي على المخده وعليها تسبقني دموعي ,فقدت الفرحه من بعده,رجيته يرجع, ومارجع ,صبح العيد اللي الكل كبير وصغير يلقى فرحته فيه ,انا كنت بينهم حزينه , ابيه اول من يعايدني ويحسسني بالعيد ,لانه هو عيدي وفرحتي,مارد ولا رجع , بدت الدراسه وبدى اول يوم لي بالجامعه وكنت اتمنى انه يكون اول من اسمع صوته باول يوم لي بالجامعه ويبارك لي بهاليوم .بس مارجع ,بكيته ,,وبكيته ,, ,بكيته صبحي وليلي ,بفرحتي وضيقتي, ومالقيته عندي يواسيني, كنت ابيه يفهمني ليش خلاني بليا سبب ,انتظره يرجع ومع انتظاري شوق ماله حد ومع انتظاري حزن ماله نهايه ,ومع انتظاري عتب ماله حل الا السكوت , جا اليوم اللي رجع فيه وكان بتاريخ 19/10/2017اليوم اللي من فرحتي فيه انه رجع صارت اطرافي ترجف,, ترجف برد ,,ترجف شوق,, ترجف حزن ,ماكنت ادري شقول ولا ادري من وين ابدأ كل اللي اعرفه اني شايله عليه بقلبي عتب وضيق,رجع لكن ماقدرت ارجع انا رجع وكان كله اسف انه تركني بليا سبب,رجع وماكان عنده كلمة يقدر يبرر فيها موقفه,رجع وكل الي قدر يقوله ماعندي شي اقوله وسامحيني,رجع بعد ماكسر فيني اشياء لايمكن تتصلح ,رجع وصار دوري اودعه لاني ماقدرت اكمل معه.راح اخليك يافهد وانا اعشقك..ابيك تعرف اني ماحبيت ولا راح احب غيرك .مجبوره اخليك لاني مقدر اكمل معك وجرحي منك للحين مابرى . اعذرني يابعد من قام وقعد .
,,,,,,,,,,,,,,
. لو يفارقني وجودك مايفارقني غلاك... يكفي اني حيل اعزك حتى لو ماني معاك
...........
غصتي العبره وانا في مكاني \\ يوم السفر جاني وعفشي طويته
والبعد عن للحباب دمر كياني \\ هذا البلا وانا ترا مابغيته
ان كنت بسلا عن حبيبي تراني \\ مافيه يومن قد سليت ونسيته
كلم وصوته فيه شين دهاني \\ يبكي من الفرقا وانا قد بكيته
وانا اضمنه لو غبت ابد مانساني \\ ويدفن علي راسي ابد مانسيته
<center> >>>>> ردود الأعضـــــــــــــــــــاء على الموضوع <<<<<
================================== </center>
<center></center>
__________________________________________________ __________
سلمت يمناك
وصح السانك
دمت بود
كل الاحترام والتقدير لك
__________________________________________________ __________
الله يعافيك و يسعد قلبك
أجمل البوح اصدقه
هنا الصدق والإحساس الراقي والعميق
رغم حرائق البعد والفراق
بإنتظار جديدك
كل الود و التقدير
__________________________________________________ __________
__________________________________________________ __________
