أنا اليوم من بعدك بقايا جسد إنسان رواية جديدة
عنوان الموضوع : أنا اليوم من بعدك بقايا جسد إنسان رواية جديدة
مقدم من طرف منتديات الشامل
..بسمـ الله الرحمن الرحيمـ ..
الكاتبــه "...همس المواجع.."
اسمـ الروايـــه
..¤¤..أنا اليوم من بعدك
بقايا جسد إنسان..¤¤..
قصتي الأولى
الجزء الأول:
**************
في صبــــــاح يوم الســـــبت
قامت من النوم وراحت للحمام..
مسحت وجها الطفولي الجميل بالماي.. فرشت أسنانها..جهزت نفسها..
ونزلت لصاله.
فدوى (20)س: صباح الخير ياأحلي أم بالدنيا
منيره: صباح النور والسرور..
غريبه فداوي صاحيه من الصبح
فدوى: يووه..يمه نسيت أن اليوم أول يوم لي بالجامعه.
منيره: يوووه نسيت..طيب أخوك ليش للأن ما قام.
فدوى وهي تجري في الدرج:
أنا راح أقومه..
************************************************** *****
اعــرفكم على عائلة ""سعـــــــــــد""
سعد: رجل اعمال ناجح وكبير وعنده شركه.. احنين وطيوب..
منيره: .. طيبه وحبوبه
وأغلى ماعندها عيالها"فهد وفدوى"
فهد: عمره(20) سنه يدرس بالجامعه قسم أداره أعمال لأنه لما يتخرج راح يشتغل عند أبوه..حبوب ومرح وجميل بمعنى الكلمه وجذااااااااب بشكل مو طبيعي والبنات يطايرون عليه...يغلي أخته التوأم بشكل.....
فدوى: عمرها (20)س جذابه و نحيفه شوي بس مناسبها..عيونها سودا وسيعه وشعرها بني ..
******************************************
في بيت أبــــو مــــــاجــــد
مها(20)س: ريـــــــــم..ريموووووه
وجع قومي... ساعه صارت 8 وأنت ماقمتي.
ريم(21)س: مها اذلفي عن وجهي تراني مو رايقتلك.
مها: ليش ماودك تروحين الجامعه.
ريم بعصبيه: أيه ماودي.
مها: طيب أنا من يدلني في الجامعه ؟؟
ريم: فداوي داهيه وتعرف تتصرف.."تصرخ" يله روحي راسي يعورني من حنتك..يله.
مها وهي تروح لصاله: مالت عليك يااالدبـــــــه.
...مها نزلت لصاله ولقت أبوها لحاله وفطرت معاه...
******************************************
في غرفــــة فهــــــــــــد
فدوى تفتح الباب بقــــــــــوه:
فهـيييـيـــد قوووم قوووم
فهد (20)يغطي وجهه بالمخده: أصبحنا وأصبح الملك لله..وش هالازعاج من الصبح.
فدوى وهي تصرخ: فهيد قوم بتوديني الجامعه..قوم وأنته بعد وراك دوام.
فهد يشيل المخده: خلاص قمت..
فدوى: أنتظرك تحت
..بسرعه..
فهد: أمرك. أنا كم دبه عندي؟
فدوى: مالت عليك..
************************************************** **
فـــــــــي الجـــــامعــــــــة
مها: هند دقت علي وتقول تنتظرنا بالكافتيريا
فدوى: براءه عندها..؟؟
مها: أيه.. يله خلينا نروح لهم.
"فدوى ومها راحو عند البنات في الكافتيريا"
مها وفدوى: السلام عليكم..
براءه تقوم وتضم فدوى: حيا الله بنت خالتي..
مها وهند: احم احم نحن هنا.
براءه (20)س: ههههههههه أنتو على العين والراس هههه
مها: على بالي نسيتينا..
فدوى وهي تجلس: الله أكبر..كل هذا حقد.
************************************************** *****
<center> >>>>> ردود الأعضـــــــــــــــــــاء على الموضوع <<<<<
================================== </center>
بيت بو ماجد
ماجد(24)س يصرخ: ماري ماري
ماري: نعم بابا
ماجد: بابا فعينك..وين بوي ومها؟؟
ماري: بابا يروح شغل..مها يروح جامعه..
ماجد يكلم نفسه: غريبه ريم في غرفتها.. طيب مها مع مين راحت؟؟
ماري: مع بابا فهد وماما فدوى
ماجد: بسم الله...أنت لسه مارحتي..روحي سوي فطور
ماري: أوكيه
ماجد: أنا راح أشوف ريم وش عندها غايبه
"وراح لغرفة ريم ودق الباب"
ريم وهي تحط الميك أب: تفضل
ماجد فتح الباب: صباح الخير
ريم: ألا قول مساء الخير..
ماجد: ههه.. وين رايحه؟؟
ريم: نور داقتلي تبيني أروح لها البيت..
ماجد: نور حرمة محمد..؟؟ وش تبي فيك..
ريم تلتفت عليه: تباغني أنومها
ماجد: هههههههههههه
ريم:حبيبي نور صديقتي يعني عازمتني على الغداء...ويمكن العشاء بعد..
ماجد: طيب قلتي لبوي؟؟
ريم تلبس عبايتها: أيه..
أنا رايحه .. تبغى شي؟؟
ماجد: لا سلامتك
************************************************** *****
في بيت ســــعــــــد
منيره: يمه فهد ...
ليش مارحت لأختك ؟؟
فهد: يمه.. فدوى راح تروح بيت عمتي مشاعل مع هند..
منيره بعصبيه: لاإله إلا الله
هالبنت دايما تروح من دون ماتقول لحد..
فهد: هي قالتلي وقلتلها تروحي.. وبعدين هم مش لحالهم معاهم براءه ومهاو دانه وريم...
منيره بستغراب: يووووه وش عندهم مجتمعين ؟؟
فهد وهو يقوم: ولاشي ...تعرفين حركات بنات..
وبعدين يمكن ينامون عندها....
أنا رايح عند بشار..تبغي شي؟؟
منيره: لا سلامتك
*************
فـــي بيت بـــو مـــحــــمد
نور(22): بنات..ماعرفتوني على الصبايا الحلوين...
دانه(21): أنا أسمي دانه
براءه: وأنا براءه..
فدوى: أسم على غير مسمى..
قامت براءه وصارت تركض ورى فدوى: وراك وراك ياحماره..
فدوى وهي تشهق من الضحك: خلاص براءه والله آسفه..
براءه جلست مكانها: أسفك مقبول..بس لاتعيدينها مره
الكل: ...................
قطع الصمت صوت نور: فدوى صحيح أنه فهد توأمك..؟؟
هند بلقافه: إيه توأمها بس فهد أحلى صح ؟؟..
فدوى: طبعا حبيبتي الأحلى طبعا
تراه هو عريس الغفله..
هند أخذت المخده ألي جنبها ورمتها على فدوى..
فدوى: يئبرني الخجلان..
الكل: ههههههههههههه
مها: بنات جاي على بالي أرقص..
دانه: وأنا بعد
هند تقوم تشغل المسجل : طيب خلونا نشوف أبداعاتكم
"وكملو البنات سهرتهم رقص وسوالف ولعب وهواش"
************************************************** **
سيــــــــارة فهـــــــــد
بشار: فهيد..
فهد: سم
بشار19: أيش أخر أخبار النت..
فهد ألتفت على بشار: الله ياولد خالي... تعرفت على بنت مافي بنت بجمالها..
بشار بخبث: ماعندها أخت ؟؟
فهد: ليش..؟؟
بشار: ابغى أتعرف عليها
فهد: ههههههههههه
بشار: تتطنز حضرتك
فهد: أقول دق على عبدالله خله يجي في مطعم(.........)
والله العظيم ما بقى ألا البزارين يتعرفون على بنات النت..
******************************
********************
..الجزء الثاني..
......بعد مرور أسبوع.....
في بيت ســــعــــــد
(غرفة فهد)..
فهد: كيفك دارين ؟؟
دارين: الحمد الله وأنت؟؟
فهد: من سمعت صوتك وانا بخير..
دارين بحزن: أحمد
فهد: لبيه
دارين: أنا خلاص ماراح أدخل الماسن مره ثانيه
فهد بستغراب: ليش ؟؟
دارين وهي تبكي: أنا أنخطبت وعرسي الخميس الجايه..
أحمد ساعدني أنا ماابغى غيرك..اهى اهى
فهد: لاتبكي ياقلبي.. أنت تدرين لو حالي ميسوره كان خطبتك..
دارين:أنت قول أنك ما تبغاني قول..قول أنك تتسلى
فهد:............
دارين: ماودك ترد.. خلاص أنساني
باااي أحمد "وطلعت"
فهد : مالت عليك شايفه نفسها
"يقلدها" أنت قول أنك ما تبغاني قول
"بعصبيه"..بطقاق ألي يطقك..
فدوى: ميـــن ؟؟
فهد: بسم الله الرحمن الرحيم
الناس تستأذن قبل ماتدخل..
فدوى تضرب راسها بالخفيف: معليش رح أعديها هالمره..لأني أعرف أنها وحده منهم"وتأشر على الاب توب"
المهم أبغى أروح الفيصليه
فهد: ليش ؟؟أنت مو البارحه رحتي مع مها
فدوى:صح بس اليوم غير...
فهد كان يطالع الاب توب ويسمعها
فدوى تبلع ريقها: ...اليوم راح أروح بلبس رجاجيل
ألتفت عليها فهد: أيش ؟؟؟؟
فدوى: هدي هدي
ابغى أجرب التسوق وانا ولد.. يعني راح ألبس ثوبك وأحط لثامه بالشماغ ..يعني محد راح يعرفني..
فهد: أنت مجنـــونه؟
فدوى بترجي: بليييييييز فهود
بليز
فهد يفكر: اممممممم
مع أنها ماداخله مخي ...بس يله غاليه وطلب رخيص
فدوى تصرخ: فـــــــديــــــتك
ياناس أحبــــــــه.. أخوي وأحبه
فهد: أيه أعرف مو لله..
فدوى تاخذ ثوب وشماغ : يله أنا رايحه ألبس
****************
****************************
بيت أبــــو مــــــاجــــد
بوماجد: ياولدي أمك توفت وأمنيتها تشوف عيالك...
ماجد: يبه أنا ما أبغى أتزوج
بوماجد: ياماجد صار عمرك 24 وأنت ماتزوجت يصير ياولدي يصير
ريم تنزل من الدرج: أيش صاير ؟؟ أصواتكم واصله فوق
ماجد: أبوك يبغاني أتزوج
ريم: زين والله
ماجد يطالعها بصدمه: وأنتي بعد...'سكت شوي'
خلاص أستسلمت أخطبولي من بكره..
ريم: مبروك ياخوي كلللللوش
بوماجد: ريم وش رايك ببنت عبدالرحمن جارنا..
ريم: والله وأخترت زينة البنات يايبه..
ماجد: لحظه لحظه مين راح يتزوج أنا أو أنتو ؟؟
ريم طالعه بنص عين: ليش في وحده فبالك؟؟
ماجد مستحي من أبوه: أيه.. أبي دانه بنت سيف أخو خالتي منيره
ريم: دااانه...دانه بعد حلوه..
مبرووووك مره ثانيه ياخوي
ماجد: الله يبارك فيك
مها بلقافه: على أيش ؟؟
بوماجد: أخوك ماجد راح يتزوج
مها: كلللللللللللللللوش
مها تضم ماجد :مبروك يا أحلى أخ بالدنيا
*************************
اعــرفكم على عائلة "بـــو مـــــاجـــــد"
بو ماجد: يشتغل فمعرض أثاث...عصبي بس قلبه طيب
ماجد: الولد الكبير عمره (24) سنه يشتغل مع أبوه جميل وجذاب وثقل..
ريم: عمرها(21) سنه بالجامعه " خفيفة دم وحبوبه وعجااازه من ناحية الدوام في الجامعه ومن ناحية الجمال متوسطة الجمال..
مها:عمرها (20)سنه....حلوه جذابه ...وشعرها طويل واسود وعيونها واسعه وعسليه.. تشبه أمها كثير..
*******************************************
¤إذا أردت أن تفهم حقيقة المرأة فانظر إليها مغمض العينين.
*************************
في الســــــــــــــــــــــــــوق
وسط السوق وسط زحمة الناس في الكفيتيريا كان جالس بالكرسي المقابل لها يتأمل وجها الطفولي البريئ وسعادتها بلي هي تسويه...
فهد بستغراب: أبغى أفهم ليش كل هالفرح ؟؟
فدوى والأبتسامه شاقه الحلج :
أحساس غريب لما الناس تطالعني على أني رجال
فهد: الحمد لله والشكر على نعمة العقل...
....................."دقايق صمت"
فدوى وهي تقوم: يله قوم
فهد: هي هي وين رايحه؟؟
فدوى بترجي: فهيد الله يخليك قوم..
فهد: زين قولي وين راح تروحي ؟؟
فدوى بخبث: راح نغازل بنات
فهد بصدمه: أيش..؟؟
فدوى بأصرار:أنا ودي أ غ زل بنات
فهد: والله لو يدري أبوي كان يقطعنا قطع ويرمينا للكلاب..
فدوى: ماراح يدري... يله قوم
"تمشو شوي.. بعدها شافوا بنتين يمشون لحالهم"
فدوى: خلينا نروح وراهم
فهد: أمري لله
فدوى تكلم البنتين: ياحلو....
طالعني ياحلو
البنت: أنت ماتستحي على وجهك
فدوى تفخم صوتها: الله أنا خقيت على هالصوت
فهد مع نفسه"والله منتي بسهله يا فداوي"
البنت قامت تصارخ وتنادي السكورتي
فهد أخذ فدوى بسرعه وهرب__
فهد: شفتي كنا هالحين بالحبس من ورى أفكارك..
فدوى تشهق من الضحك:هههه
والله كان موقف ولا أروع هههههههههههه
فهد بعصبيه: يله قدامي البيت يله
فدوى: لسه ما تسليــــــــ
"قطع عليهم حوارهم صوت جاي من ورى فهد"
*************************************
بيــــــــت بــــــو مـــــاجـــــد
كان جالس لوحده فصاله..جالس يتذكر موقف صار له قبل سبع سنوات هالموقف مانساه ولا راح ينساه أبد..
هالموقف هو الوحيد الي شاف فيه دموع أبوه....
"(الموقف لما كان عمره 18س)
يوم وفاة أمه:
كانت نايمه في سريرها وكان وجها شاحب ومليان حبوب كان وجها يدل على أنها كانت تعاني وتتألم من مرضها..
كان ماجد جالس جنبها في السرير..و عيونه مليانه دموع
أم ماجد وهي تتنفس بصعوبه: ماجد.. أمسح دموعك يمه أنا ماأحب أشوفك زعلان
ماجد وهو يبكي: أمرك يمه بس لا تتعب نفسك بالحكي
أم ماجد: ماجد دير بالك على خواتك وأبوك...
ماجد: لا يمه لاتقولي هالحكي..
أن شاء الله تقومي بالسلامه
أم ماجد تقاطعه: لا ماجد أنـا راح أمــــ..."أشهقت"هاااا
ماجد مسك أيد أمه وصار يهزها بقوه وهو يبكي: يمه أشفيك يمه ردي علي يمه
أم ماجد:.................
"ماجد يشهق" لاااااااااا لا يمــــــه لا
دخلت ريم الغرفه لما سمعت صراخ ماجد...
ريم تطالع أمها الي فاتحه عيونها ولا تتحرك وبعدين تطالع ماجد الي عيونه مليانه دموع ويصرخ: لا تخلينا بروحنا يمه لا تخلينا
ريم منصدمه: لا لا تقولها ياماجد لا تقولها
"وهي تبكي" اااااااااه يايمه""
لما تذكر هالموقف نزلت دموعه وصارت مغرقته..
...قطع عليه تفكيره صوت أبوه الي دخل الصاله من دون مايحس عليه...
بوماجد: ماجد أشفيك يا ولدي؟
ماجد يمسح دموعه: هااا
أبد يبه مافيني شي..
بوماجد بحنيه: ماجد ياولدي أذا كنت ضغطت عليك بالزواج وأنت ما تبي ؟؟مو مشكله يبه لاتتزوج.. بس أنا كنتـــ
ماجد: لا يبه
أنا خلاص معزم على الزواج
بوماجد: طيب خلاص اليوم أكلم سيف بالموضوع ماشي؟؟
ماجد أكتفى بهز راسه بإجابيه
وطلع لغرفته
*************************************
بيت بـــو مـــحــــمد
هند نزلت الصاله شافت أمها تطالع التلفزيون فحبت تدردش معها لأنه صار لها يومين ماجلست معها
هند: مساء الخير
أم محمد: مساء النور والسرور
هند : يمه وش طالعين؟؟
أم محمد: ولا شي محدد
هند: طيب ليش ماطالعين مسلسلات تركيه
أم محمد: هذي الي تطالعها منيره
هند: أيه
أم محمد: الله أكبر عليك
هنيد تبيني أنا أطالع هذوله
هند ما قدرت تتكلم من الضحك: هههههه ليش يمه ؟؟ ههههه ماهو خالتي منيره تطالعهم هههههههههه
أم محمد تضرب هند على كتفها: خلاص سكتي لا تقومي يدتك علينا..
ما كملت أم محمد كلامها ألا التيلفون يرن
أم محمد ترد على التلفون: الووووووه
المتصل: الله على هالصوت
أم محمد: يا قليل الحيا أنت ما تستحي على وجهك
"المتصل ما مداه يرد لأنه أم محمد سكت التلفون بوجهه "
هند بستغراب: مين ؟؟
أم محمد بعصبيه: واحد قليل حيا
رن التيلفون مره ثانيه
أم محمد بعصبيه زايده: ياربيه وش هالناس ؟؟
ورفعت السماعه وصارت تنافخ وتصرخ بقوه وتسب وتلعن لحد ماسمعت..
المتصل بقوه عشان تسمعه: يمه هذا أنا خالـــــــــد
أم محمد بحنيه وشوق ولهفه له: خاااالـــــــــد ؟ يمه أشفيه صوتك؟
خالد : ما فيني شي يمه
بس ماخذ شوية برد
أم محمد دمعت عيونها: أخبارك يمه ؟؟ وحشتني ياحبيبي
خالد العبره خانقته: الحمد الله يمه.. وأنت كمان يمه وحشتنيني
هند بكت لما شافت أمها تبكي من شوقها لأخوها
هند تسحب السماعه: عطيني يمه
الوو خالد
خالد: أهلين هنوده.. أخبارك أخبار الجامعه معاك
هند ودموعها على خدودها: الحمد الله عال العال..
كيف الأجواء عندكم ؟؟
خالد: الجو بارد
ماهي عاصمة الضباب لازم تكون بارده..
أم محمد سحبت السماعه: يمه متى ترجع الرياض أن شاء الله ؟؟؟
خالد: والله الرياض وحشتني
بس يله ما بقى غير أسبوع وتجي أجازتنا
"وصار خالد يحكي لأمه أيش صار معه بعد ما سافر من عندهم قبل خمس شهور"
************
*****
يــمــه ..!!
ابشكيلك لاطااح دمعي ...وين اكـــــــــون ... ومَن اكــــــون
ابشكيلك عن اوضااعي ...وعـــن ســـر اوجــااعي ...ابشكيلك عن قلب ميت من الكتمان
ابشكيلك يا منبع كل الحنــــــان... واسامحي لي .. الاني قفلت على قلـــبي ..
واعذريني ..
الاني حرمـــــتـــك من دخووولــــه.. واليوم انا ندماااااااااان على طبعـــي ..
وابيـــــــك اليوم تساامحينــي بسهوووله.. وابرجع ابوس راسك واضم جسمك بذراعي
وابرجـــع لحظــنك طفل امس الخجوول ...وابــيـــك تنسيـــن كــل التعـــب والاوجااعي
ولحـــظــه كنت فــيــهــا كـــســووول..
*************************************
"عــــــائلة بــــو محـــــــمد"
أم محمد(مشاعل): أخت بوماجد وسعد وهي البنت الوحيده
أبومحمد: يشتغل مع سعد بالشركه
محمد:عمره(25)سنه يشتغل مع خاله سعد وأبوه ..وعيونه سود وطويل وشويه مليان بس حلو
نور: عمرها 22سنه زوجة محمد بنت طيوبه وحلوه عندها ولد واحد أسمه فيصل عمره 3سنوات
خالد: عمره(23)سنه يدرس طب في وحده من جامعات لندن .. جميل بمعنى الكلمه....وسيم لابعد درجه وجذاب وعيونه سود..طويل ونحيف شوي ..سكسوكته محليته واجد ..هو اجمل اخوانه... وغيرالرزه والذكاء ..
هند:عمرها(20)سنه البنت الوحيده بنوته دلوعه وفيها غرور شوي لون عيونها مايل شوي لرمادي...جميله وجذاابه ومملوحه
بشار: عمره (19)س...جميل وملامح خليجيه وخشمه طويل مثل سيف..
*************************************
نرجع عند فهــــــد وفــــــدوى
"قطع عليهم حوارهم صوت جاي من ورى فهد"
....: فهد
ألتفت فهد على الصوت :
تــــــركــــــي
تركي: هلا وغلا
وينك ؟من زمان ماشفناك
فهد وتوتر باين عليه: هاا
أبد بس مشاغل الحياه..
أخبارك ؟؟ أخبار الدراسه معاك؟؟
تركي: أخباري الحمد الله
بس الدراسه قلت لها باي
فهد: هو ليش ؟؟
تركي: والله الوالد تعب علينا. وأنا أشتغلت محله في الشركه وألحين الحمد لله الحال ميسوره والوالد بخير..
"ابتسم وقال:"
فهد ماعرفتنا على الأخ.. أشفيه ما يكلمني ولا يطالعني؟؟
فهد وتوتر زاد عنده: هااا هذا؟
هذا أحمد
لا تأخذ في خاطرك عليه تراه أصم..
فدوى طالعت فهد وفي نفسها
"الله أكبر يافهيد خليتي أصم مره وحده"
ألا يرن موبايل تركي.....
تركي: لحظه فهد
"ورد على موبايله"
تركي:أيه.. خلصتي ؟...طيب طيب لا تنافخي جاي جاي
ألتفت على فهد: أسف فهد هذي أختي خلصت وتبغاني أوصلها البيت
فهد"الحمــــــد للـــــــــه":
ولا يهمك بس لا تقطعنا
تركي: ماشي راح أزورك أن شاء الله باي
"ويأشر لفدوى" مع السلامه أحمد..
راح تركي وأختفى عن أنظارهم...
فهد بعصبيه: شفتي شفتي أفكارك وين ودتنا ؟؟
فدوى: وأنا وش عرفني أنه ممكن نقابل أصدقائك في السوق
فهد سحبها من ذراعها: يله قدامي وتوبه احققلك هالأفكار السخيفه..
*************************************
الجـــــــــــزء الثالـــــــــــث
بعد مرور 6 أيام على الأحداث الي صارت
سلمى(27) جالس على طرف سرير دانه: دانه وش رأيك بماجد أخو ريم ؟؟
دانه: والله رجال ما ينعاب.. ليش ؟؟
سلمى بخبث: وش رأيك فيه كزوج ؟؟
دانه بستغراب: أيش ؟؟؟؟
سلمى: بالمختصر المفيد ابوماجد خطبك لولده ماجد..
دانه:...............
سلمى: هاا وش رأيك ؟؟
دانه: امممممم
عطوني يومين أفكر فيهم..
سلمى: فكري على راحتك حبيبتي..ومثل ماقلتي ماجد رجال ماينعاب جمال ومال وأخلاق...
دانه بحيا: أن شاء الله ياقلبي
الله لا يحرمني منك أن شاء الله
سلمى ضمت دانه لحضنها: ولا منك ياعمري
*************************************
بـيـــــت سعـــــــــــد
فدوى: أسمع هند وش كاتبه لي
"بعض المواقف تجي وتروح ما تبقى
وبعض المواقف صداها بالعمر باقي
يا صاحبي لا معي تتعب ولا تشقى
ما يتبدل الوقت وأخلاقي هي أخلاقي
إن جيت أرحب وإن ما جيتني تبقى
أنت أكثر انسان عزيته من أعماقي"
فهد: هند تكتب خواطر...
فدوى: لا..بس تحب تجمعهم...
رن موبايل فهد
فهد رفع جواله: هذا محمد
"ورد عليه"
هــــــــــلا بوفيصل
محمد: أهلين
فهد: غريبه وش عندك داق عليه في هالوقت
محمد: خلود رجع اليوم
فهد قام من السرير: أيش؟ خالد رجع
محمد: أيه
فهد: ياالدب ما قال لي
محمد يبي ينرفزه: لازم يقولك كل شي ؟ أنت أخوه وأنا مادري
فهد: روح من وجهي يالخايس
محمد: هههههههه على العموم حبيت أقولك بكره راح نروح الشرقيه
فهد: وش المناسبه؟
محمد: خالد رجع من لندن ما يكفي ؟؟ وبعدين البنات راح يروحون معانا لا والأهل بعد
فهد بضيق: لا ليــــــــــش ؟
"فدوى كانت حاطه أذنها على السماعه"
فدوى ضربته على ظهره: ليش..احنا مو عاجبينك ؟؟
فهد: بصراحه لا
محمد: وش صار معك ؟
فهد: ولاشي .. أن شاء الله راح نكون معكم
محمد: كلم بيت عبدالعزيز وعبد الله
فهد: أمرك عمي.
****************************************
__________________________________________________ __________
.....الصبـــــــح.....
راح نمر عند كل بيت
بيت سعد
فدوى تدور على تنورتها البيج
وعبايتها وتحضر شنتطها وفي نفس الوقت تحط الميك أب على وجها..
فهد تجهز بس مفاتيح سيارته ضاعو منه وصار يلف البيت كله بالأخير لقاهم في طاولة المطبخ.وسعد ومنيره جاهزين من زمان
بيت بوماجد
ماجد بوماجد جاهزين وينتظرو البنات بالصاله
ريم لبست عبايتها وأخذت الهاند باج حقتها ونزلت الصاله.
مها لبست وحطت الميك أب يناسبها كثير وأخذت لها كم لبس ولبست عبايتها ونزلت الصاله.
بيت بو محمد
بو محمد وام محمد ومحمد ونور ورهف(أخت نور) وهند كانو جاهزين
بس خالد كان يعدل شماغه ويرتب نفسه على أقل من مهله والكل ينتظره
بيت سيف وبيت ابو عبد العزيز
الكل جهز وركبوا سيارة عبد العزيز واتجهو لهم.
****************************************
ترتيب السيارات
سيارة فهد: فدوى وأمها وأبوه(منيره)وبشار
سيارة ماجد: بوماجد و ريم ومها وساره بنت خالتهم
سيارة محمد:بومحمد وأم محمد ونور وفيصل وجدتهم
سيارة خالد: هند ورهف
سيارة عبدالعزيز: أمه وابوه وبراءه ودانه وعبدالله
****************************************
فـــــي محطــــة البنزيـــــن
سيارة فهد
فهد يتكلم في الموبايل: هههه هههههه طيب طيب ولا يهمك... تعال في السياره عندي.. أوكيه
"فهد ألتفت على أبوه": يبه عبدالله يبي يجي عندنا فسياره
سعد: طيب خليه يجي..
فهد: أنا أقول لو فداوي تروح عند هند في سيارة خلود أحسن
فدوى تنزل من السياره: أيه والله مليت من هذرتك أنت وبشار
"وراحت سيارة خالد..فتحت الباب"
فدوى: السلام عليكم
الكل: وعليكم السلام
فدوى: أخبارك خلـــود ؟
خالد: فدوى والله ماعرفتك
<<<<<< طبعا فدوى تتغطى عن خالد
فدوى: نحفت صح
خالد يبي ينرفزها: لا صرتي أسمن
فدوى: ياالدب الحين أنا سمينه
هند: هههه لاحبيبتي خلود كذاب
أصلا الرشاقه كلها فيك..صح رهف
رهف بغرور: بصراحه خالد يقول الصدق..
فدوى تبي تكسر راسها: خلي صراحتك لك
خالد ألتفت لهند: بدأ الهواش..
****************************************
ولما وصـــلـوا الشـرقيه ما لقوا شاليه خاص بهم, فحجزو
شاليه مشترك مع عائله ثانيه...حجزوا سويت حق الحريم(والبنات) وسويت حق الرجاجيل....
وبعد ماحجزوا...الكل راح للسويت حقه وناموا ألا أثنين مانامو لأنهم من زمان ماشافو
بعض فراحوا للبحر...
فهد: Imiss you so much
خالد: ....me to هههههههه
فهد: لا صدق في هالفتره الي سافرت فيها أشتقت لك كثير
خالد: ياقلبي فهييد
فهد بثقه: خلود تظن أني راح أتنرفز لاحبيبي عادي معي
خالد: هههههههههه
فهد وهو يقوم: قوم قوم خلنا نتمشى
خالد وهو يقوم: يله
****************************************
فـــــي صبـــــاح اليــــــــوم الثــــــــاني
الحريم صلوا ونزلوا تحت يفطرون و يسولفون...
مها قامت من النوم من بدري وصلت الفجر وقومت البنات وحده وحده
وبعدها كل البنات جهزوا نفسهم(في من تحمم وفي من حط الميك اب وفي من لبس.....) وجلسوا يسولفون وش راح يسون في اليوم...
هند: بنات أيش رأيكم نروح السوق..
ريم: لا لا نروح المساء أحسن
الكل يفكر: امممممم
لقيــــــــتهـــــــا
نور: وش هي؟؟
فدوى: بنات وش رأيكم نروح نتعرف على بنات جيرانا(تقصد العائله الي حاجزين معاهم)
مها تأيدها: جبتيها
ريم: أنهبلتــــــــوا ؟؟
مها: أيه
وش فيها نحنا راح نتعرف عليهم ماراح ناكلهم
نور: أنا رأيي من رأيكم..
رهف: يمكن يكونون ناس مو زينين
فدوى تبي تغيضها: لو مو زينين على قولتك كان ماخلونا نحجز معهم...
مها تساعدها: وبعدين الي مايبغى يروح معانا يجلس مع الحريم ويسكت..
رهف حركت فمها بستهزاء: الله أكبر عليكم كليتوني...
فدوى ومها طالعوا بعض: مــــــــالــــــــت
"كل البنات راحوا لعند بنات العائله الثانيه ألا هند كانت متضايقه فنزلت تتمشى عند البحر"
****************************************
..الجـــــزء الــــرابــــع..
مها دقت الباب..
طلعت لهم بنت عمرها تقريبا 23 او24سنه
الكل: السلام عليكم
البنت: وعليكم السلام تفضلو
نور: يزيد فضلك نحنا العائله الي ساكنه معاكم
البنت: هلا والله
حياكم دخلو
"دخلو البنات " أنا أسمي ميثاء وهذي أختي مهره
"قامت مهره وسلمت على البنات"
مهره: أشحالكم ؟؟
فدوى: الحمد الله بخير..
عاد نحنا قلنا أنتو جيرانا و لازم نتعرف عليكم..
ميثاء: حياكم الله في أي وقت...
ها بنات شو تشربون..؟
الكل: مو مشكله أي شي
"ميثاء راحت تجيب لهم شي يشربونه ومهره جلست تسولف معهم"
***************************************
هند كانت تمشي قرب البحر وهي تفكر
ولما كانت تمشي صعقت في واحد كان يركض ورى الكوره...
هند طاحت على ورى..وأنفتح حجابها وتناثر شعرها الاسود على كتوفها..
الولد طير عيونه فيها كانت روعه. جمالها فتان..
الولد 22: عسى ماتأذيتي ؟؟
"هند لسه ماقامت لأنها للأن مو مستوعبه الي صار..كانت فاتحه عيونها عل الأخر"
الولد: أنا آسف ماشفتك
"هند قامت وعدلت حجابها"
هند وهي تنظف عبايتها: ولايهمك ماصار شي
الولد: ترى والله ماشفتك..
هند: ماصار شي بس أنتبه مره ثانيه
الولد: أوكيه..أنا أسمي هيثم
هند حتى ماطالعته: تشرفنا
"هند طالعت عبايتها وصارت تنظفها ومو منتبه أنه لسه ماراح..الولد كان يطالعها من فوق لتحت ويطالع كل حركه تسويها"
الولد:أنتي مرتبطه ؟؟
هند طالعته بستغراب: أيش؟؟؟
الولد بكل ثقه: أنتي مرتبطه ؟
هند بعصبيه: وأنت وش دخلك؟ أصلا أنت ماتستحي تسألني هالسؤال ؟؟
الولد بستغراب: وأنا شو قلت ؟
..ماقلت شي غلط.. وإذا أزعجتج بسؤالي فأنا آسف
هند بعصبيه: أنا الي آسفه..أسمحلي لازم أروح..
"عطته ظهرها ومشت"
هيثم مع نفسه"والله أنها بنت مزيونه ومتربيه... أنا لازم أخطبها قبل ماطير مني"
.................
"وصلت هند الشاليه ودخلت السويت حقهم وأنسدحت على سريرها..."
هند مع نفسها"ثيابه..كلامه..نبرت صوته كلها دل على أنه إماراتي"
***************************************
عنــــــــد البنــــــــات
فدوى: من الإمارات
مهره: هيه
مها: طيب ليش جاين عندنا ؟؟
ميثاء: عندنا أجازه أسبوعين قلنا نروح السعوديه..
رهف: طيب ماعندكم
خوات ؟؟؟
مهره: لا...عندنا أخو واحد أسمه هيثم
ريم: اهااا
طيب ميثاء نحنا المساء راح نروح السوق وش رأيك تروحون معنا ؟
ميثاء: اممم.. أوكيه..
زين شو رأيكم ألحين نروح نتمشى عند البحر ؟؟
الكل: يله
فدوى: بنات..روحو أنتو أنا راح اروح أنادي هند
"راحو البنات للبحر وراحت فدوى تنادي هند..
هند كانت بعالم ثاني..كانت تفكر بلي صار...وكيف تجرئ الولد يكلمها بهذاك الجرئه"
فدوى: الي ماخذ عقلك يتهنى فيه
هند: هاا
"بعصبيه"فداوي عن المصاخه..أنا كنت أأأفكــــر في دراستي
فدوى بخبث: أيه تفكرين بدراستك ألحيين
هند تطالعها بنص عين: أيش قصدك ؟؟
فدوى بكل براءه: ماقصدت شي...
صحيح..هنوده نحنا نازلين نتمشى عند البحر إذا حبيتي تجي تعالي..
وإذا حبيتي تفكري بدراستك فكري على راحتك...ههه
"هند عطتها نظره بمعنى أسكتي أحسن لك"
***************************************
السـاعــــــه {9:30}م
فـــــــــي الســـــــــوق
"وصلو البنات السوق وتفرقوا كالتالي<فدوى ومها وساره,مهره ورهف,دانه وريم, براءه وميثاء وهند ,نور راحت مع زوجها محمد> "
***************************************
فــــــــي الشــــــاليـــــــه
منيره: وش قلتي ياوخيتي ؟؟
ام عبدالله: والله يامنيره..ماجد رجال ونعم فيه بس دانه بعدها
تفكر في الموضوع.
منيره: اهاا
طيب سيف وش رأيه ؟؟
أم عبدالله: والله سيف موافق ويقول ماراح نلقى رجال أحسن من ماجد
منيره ابتسمت: عسى الله يقدم لهم الي فيه الخير.. يـــــارب
***************************************
فـــــــــي الســـــــــوق
فدوى ومها وساره كانو في محل عطورات وكانو مجنني الرجال..
مها: ووووع وش هالريحه ؟؟
رجال: موش أنتي أولتيلي بدك عطر (......) ؟؟
مها: أيه قلت...
بس أنا ماقلت جبلي عطر مثل وجهك
فدوى: طيب ماعندك عطورات فرنسيه
رجال: عندي "وجاب لهم واحد"
ساره: لا لا لاتشميه فدوى راح تموتين
رجال بعصبيه: دنتو غننتوني..
فدوى ميته ضحك: ههه خلونا نروح قبل مايفجر فينا هههههه
رجال بعصبيه زايده: مع السلامه
************************************************** *******
عنـــــــد ريــــــم ودانـــــــــه
ريم تطالع التنوره الجينز: دندون..
دانه: أمري
ريم تطالعها: أبغى أسمع ردك عن موضوع مجود..
دانه: التنوره..حلوه وبنفس الوقت لأيقه عليك واجد
ريم: ألحين مين سألك عن التنوره؟
دانه تطالعها بكل براءه: من غيرك
ريم: دندووون.. قولي الصدق
دانه: قلتلك حلـــــــــوه
ريم بخبث: أفهم من كلامك أنه مجود حلـــــــــو
"دانه احمرت خدودها وصارت تشبك أصابعها وتطالع الأرض": من قال ؟؟
ريم: الله.. مو كنك من شوي قايله ماجد أحلى رجال بالكون
دانه عضت شفايفها وضربت ريم على كتفها:
ريــــــــــــــوووم
ريم: خلاص خلاص ماراح أقول شي.لا تموتين علي
"ومسكت التنوره" وألحين وش رأيك فيها ؟؟
************************************************** ********
الكــــــ فــــي ـــوفــــــي شــــــــوب
"هيثم بعد ماتعرف على فهد وخالد راح يتمشى مع عبدالله"
فهد: خلود وش رأيك فيه ؟
خالد: مين ؟ هيثم؟؟
فهد: أيه
خالد: عادي
فهد بستغراب: كيف يعني ؟
خالد: يعنــــي ياالغبــــي
مثله مثل أي واحد....
فهد: خلود عن الغلط
خالد يمسك خد فهد: ياعيني على أساس أنك مو غبي ها
فهد بعصبيه: خلنا مني ألحين..
بشار وينه ؟؟
خالد بسخريه: بشـــــــار هههه
بشار راح يغازل بنات على أساس أحد راح يعطيه وجه
ههههههه
فهد: ههههه حرام عليك هذا أخوك هههه
خالد: خله يولي..."وهو يقوم"
يله فهييد خلنا نتمشى شوي
فهد يقوم: يله
************************************************** **********************
"هند حطت على وجها لثامه وطلعت من المحل وتركت ميثاء وبراءه لحالهم.....
كانت تسير وسط السوق ...
في نفس الطريق الي كان هيثم وعبدالله فيه..هي ماانتبهت لهم بس هيثم عرفها وأول مالمحها أستأذن من عبدالله وراح ركض وراها..."
هيثم: لوسمحتي..لوسمحتي
"هند ماردت عليه لأنها كانت تظن أنه واحد من شباب الي يغازلون البنات"
هيثم مسك أيدها ولفها ناحيته
: ليش ماتردين علي ؟
"هند أنصدمت من الحركه الي سواها وسحبت أيدها من أيده بسرعه": هيـــــــــــثم
هيثم: عيون هيثم
هند بدلع طبيعي: ياربـــــــي
وش هالأنسان..
هيثم: يابنت الناس ذبحتيني.. يننتيني..ماخليتي فيني عقل
هند تطالعه بستغراب: هيثم الله يخليك روح..روح
والله أخواني لو شافوني معك راح يذبحوني
هيثم: أوكيه..بس أبطلب منج طلب صغيير
هند بعصبيه: لا يله روح
"هيثم يطالعها مو مصدق أنه هالطرده له" يله روح بسرعه
هيثم: بس أنا بغيت أخطبج من أهلج..
هند بعصبيه: لاا أنا مو موافقه..يله روح
هيثم : عشان عيونج الحلوه راح أروح بس فكري في كلامي زين وأنا متأكد أنك راح تغيرين رأيج"وراح"
...هند لفت تبي تروح بس حست بأحد مسكها ولفها ناحيته وعطاها كف على وجها...
************************************************** **************************
خـايف ان الزمـن يبـعدك عـني
تمضـي وتـزيد من نزف الجـروح
خايـف انا الـغير يسـرقك مـني
وعلـى صـدى صـوتك تتركـني انوح
بحـق الغـلا صارحـني وعلـمني
عطنـي من الامل قصر وجـرووح
دخـيل عيونك طمني وريحني
هو انا استـاهل قربـك ولا ارووح...
************************************************** *********
....الجــــــزء الخــــــامس...
...هند لفت تبي تروح بس حست بأحد مسكها ولفها ناحيته وعطاها كف على وجها...
هند حطت أيدها على خدها كان كف قوي..
كف أول مره تحس بحرارته..ألتفتت هند على الشخص..شافت أشرر يتطاير
من عيونه.
هند بصدمه: فهـــــــــد
فهد بعصبيه: أيه فهد.. فهد ياقليلة الحيا..فهد يامتربيه..فهد يالي تخافين من ربك..
وش موقفك مع هالحيوان ؟ لاوبعد تكلمه كأنه أخوها أو زوجها..
"ويسكر على أسنانه بقوه" أحكي برري وقفتك معه عسى قلبي يرتاح...
هند والدموع مغرقتها: خلصت يافهد..خلاص قلت الي فقلبك
"فهد كان يطالعها بحتقار"
كل الي قلته مافي منه..وهالحيوان على قولتك جاي يقولي راح يخطبني من أهلي.
بس أنا رفضت..تعرف ليش ؟
"وهي تشهق"ولأ أقولك مو لازم تعرف لأنه مو مهم عندك..المهم عندك أني أكون
غلطانه..
"فهد كان يطالعها بستغراب ومو فاهم شي من الي تقوله"
هند مسحت أدموعها وقالت بكل حزن: فهد أنا كنت..كنت
لااااا لااااا
"وراحت ركض ومو عارفه رجولها وين راح توديها...وراحت ركض ركض
لحد ما لقت فدوى قدامها"
فدوى بكل حنيه: هند وش فيك ؟؟
هند بعصبيه: أخوك..أخوك ياهـــــــانم..أخوك يتهمني أني ماعندي شرف..لا والي حارق قلبي أنه أكيد راح يقول
خرابيطه هذي لخالد
فدوى: فـــــــهد.. لافهد مايسويها..
طيب..طيب هنوده تعالي معاي وراح تحكي لي كل شي بتفصيل....
************************************************** **********
فــــــ عـــــــند ــهـــــــــــد
فهد كان مصدوم من الي سواه
مو مستوعب الي صار
"معقوله..معقوله أنا ضربت هند..معقوله أتهمتها بالباطل..
طيب ليش كانت تكلمه بهدوء وكأنها تعرفه من زمان..
لكن وش كان ودها تقول لي "يتذكرها"<فهد أنا كنت..كنت.>
أكيد أنها بريئه من أتهاماتي..هند بنت عمتي مربايه عدل..
"فكر شوي بالي صار"
لا يافهد مو أنت الي تجرح قلبك بأيدك..
لازم تلقى حل..لازم يافهد"
************************************************** *******
الكــــــ فــــي ـــوفــــــي شــــــــوب
"هند حكت كل الي صار حق فدوى.."
فدوى فكرت شوي وبعدين قالت: يحـــــــبك ياغبيه
هند بصدمه: ها.. فهد يحبني؟؟
فدوى: أيه أخوي وأعرفه..
فهيد يحبك من لما كنا صغار..كان يتمنى اليوم الي تجين فيه بيتنا حتى يشوفك فيه كان يستعرض عضلاته حتى تقولين عنه قوي..
"هند كانت تسمعها وفي نفس
الوقت تفكر في كلامها هل هو صح أو غلط"
فدوى: وأنتي بعد تحبينه..
هند بخوف: هــااا أنا ؟؟
فدوى: هنوده لاتكذبين على نفسك أنتي تحبينه
هند انفعلت: أيه كنت أحبه وأموت فيه بعد..
فدوى: وألحين ؟؟
لأنه دافع عن حبه لك قلتيـــ...
هند حطت أيدها على فمها: خلاص فدوى أنسي هالشي
وأنسي الي قلته لك.. أوكيه
فدوى: أيش يعني ؟؟
"هند قامت وخلت فدوى وراها"
فدوى بحزن: هذي راح تتركه صدق...
والله يموت من دونها..
************************************************** *******
__________________________________________________ __________
ســـــــــاعه م10:40 رجعو من السوق..الشباب راحو ينامو
والبنات بعضهم نامو وبعضهم
يشوفون الأغراض الي أشتروها...
وهند كانت منسدحه في سريرها لأنه ماجاها نوم وجلست تفكر في فهد وهيثم
"أنا أحب فهد بس فهد جرحني
ألا قتلني بكلامه...أما هيثم شاب حليو ورزه من غير العز الي هو فيه..لا وبعد جاني من
الباب مو مثل فهيد..
اووووف يـــــــــاربي وش أسوي..؟"
ألا تسمع صوت مسج.رفعت موبايلها وشافت المسج
" المرسل (فهودي..)
لا تخفي الود في قلبك وتتعبني ..
ولاتحرم العين شوفك وابتساماتك ..
زعلاان !
اراضيك اعذرني وعاتبني ..
قصرت !
اوفيك انا كلي لمرضاتك ..
طول غيابك وهجرانك يعذبني ..
ياشين دنيا احرمتني من ملاقاتك .."
هند لمت الموبايل لصدرها:على بالك راح تراضيني بهالكلمتين..
"عضت شفايفها" بس والله أحبك ومااقدر أشوفك مذلول بهاشكل
ولولا الكف الي عطيتني ياه كان رضيت..
"بتفكير" امممم ياربي وش راح أرسله ؟؟؟
خليني اكتبله هذي..
"وش ناوي ؟؟ وليه أنت علي
قاسي ؟؟
كفايه تشعل النيران بقلبي وتجرح أحساسي
حسبتك أعز إنسان هديتك أعذب الألحان
تزاعلنا وتراضينا
إلا هالمره تراك غلطان..
طعنت القلب وخليته يعاني نزف والم حرمان..
وذوقته العذاب ألوان
حسافه فوق كل هذا تجيني بصورة الــولـهان..
وبكل بساطه تقول أعذريني ترى "نــدمــــان""
...في مكان ثاني من الغرفه..
كانو مسوين من السريرين سرير واحد وطول الليل يأخذون سالفه ويحطون الثانيه
..
مها: أقول ليش ماشتريتي هذاك الفستان الأصفر ؟؟
فدوى: ماحبيته
مها: هو ليش ؟؟
فدوى: مادخل مزاجي
مها: أيه صح ماقلتلك
فدوى بلقافه: ألي هو ؟
مها بفرح: مجود راح يتزوج
فدوى: أحلفي..
مها: والله
فدوى: ههههه قديمه حبيبتي..
مها بصدمه: من قال لك ؟؟؟
فدوى : أمك قالت حق أمي..
وأمي قالت لي
"وقالت بسرعه" شوفي..شوفي رهيف...وجع ليل ونهار قدام
النت..
مها: وووع وش تبيبها..؟؟
فدوى: أكرهها
مها تتأكى على ذراعها: فدوى أنتي ليش ماتحبينها ؟؟؟
فدوى: أولا= لأنها مغروره
ثانيا= لأنها ناشبه في حلج خلود ليل ونهار.. وجع ماتستحي على وجها
مها تطالعها بخبث: هاااا قلتيلي خلــــــــود "وترفع حواجبها"
فدوى بسخريه: يــــــمه خوفتيني..
حبيبتي على بالك أنا ماعرف سوالفك مع عبدالله"وترفع حواجبها"
مها بخوف: هــــاه أنـــــا؟؟؟
فدوى: لا جارتك ههههههه
************************************************** **********
بمكان ثاني
كانت جالسه تحكي لأخوها
عن بنات العايله الثانيه وعن شفافيتهم وحبهم لبعضهم..
أما أخوها كان يسمع سوالفهم
وكل ماتحكي له عن وحده يقول مع نفسه{ أكيد هذي هي..}
مهره: ورهف كل شي قدامها تشتريه
هيثم: مهره..
مهره: لبيه
هيثم: من أحلى وحده فيهم ؟؟
مهره بعفويه: والله كلهم حلوين
..بس بصراحه بصراحه فدوى أحلى وحده..
هيثم"فدوى يمكن تكون هي"
: عيونها رماديه ؟
مهره: لااا يمكن سود..
هيثم قام يبي يطلع"ما خذيت
منها لاحق ولاباطل"
مهره: لحظه تذكرت..
"هيثم ألتفت عليها بسرعه"
هنـــــــد
هيثم فتح عيونه: هنـــــد ؟؟؟
مهره: هيه هند عيونها مايله للرمادي...
.هيثم أبتسم ابتسامه عريضه تدل على فرحه كبيره بداخله..
مهره ابتسمت: شـــــو شو عندك تبتسم ؟؟
هيثم رمالها بوسه كبيره وطلع...
مهره: الحمد لله وشكر
************************************************** **********
..اليـــــــوم الثـــــــالث..
¤..المســـــــ ساعــــــ 8 ـــــــــــــه ــــــــاء ..¤
"...جلست العائله جنب البحر..الرجاجيل في فرشه والحريم في فرشه ثانيه وعائلة بوميثاء معاهم...الرجاجيل كانو يسون لحم مشوي والحريم داقينها سوالف مع التحليه طبعا.."
فــــــــرشة الرجاجــيل..
محمد يشوي اللحم والباقي جالسين يسولفون..
بشار: هيثم خليك معاي تراني
نسيبك
عبدالله: لا هيثم خليك معاي أنا
..أنا أخوك وصديقك
هيثم بعصبيه: لا إله إلأ الله.. تراكم يننتوني.. أحسن شي أجلس مع خالد وفهد تراهم أعقل.. "وقام وراح معهم"
بشار يصرخ: هيثم تعال وأنا أخوك ترانا نمزح معاك تعال
يله
هيثم مسوي روحه زعلان: لا مابي
فهد يطالعه بإحتقار: روح تراهم أعتذرولك خلاص..
هيثم: شو هالنظرات فهد..؟؟
أنا زعلتك بشي ؟؟ ولاسويت شي غلط لاسمح الله ؟؟
"فهد كان يطالعه ويتأفف"
خالد بطيبه: لا ياالحبيب..أنت من أول ماشفناك ونحنا حابينك
..وبعدين فهد حباب ومايقصد شي.. أمسحها بوجهي هيثم
"وبصوت أقرب للهمس" فهد أشفيك وش صاير بينك
وبينه؟؟
فهد بهمس: اووووف ولاشي..
"رفع صوته"سامحني هيثم ماكنت أقصد..
هيثم مع نفسه" أشفيه أنقلب علي 180 درجه لايكون أنا غالط عليه من دون ماحس"
خالد: هيثم ليش واقف أجلس..
هيثم: هااا لا..ااا نزين وهذي جلسه..
فهد" مسويلي نفسه برئ اوووف والله ماطيقه"
وأبتسم مجامله لهم
************************************************** **********
عــــنـــد الحـــــــريـــــــم
فدوى تطالع رهف وهي ميت قهر: ياربي هالأنسانه ماتستحي ؟؟
مها: ليش وش سوت ؟؟؟
فدوى: شوفي كيف تطالع خالد وتبتسم له
مها تبي ترفع ضغطها: وأنت وش دخلك يمكن خلود واعدها بشي
فدوى عصبت: أقص رقبته
مها: هههههه تقصي رقبته مره
وحده..ههههه طيب يمكن هو يحبها
فدوى: حبه برص..
"وتأشر على نفسها وبعدين على رهف"
يصير يبدل غزلان بقرود
مها ماتت ضحك حتى ماقدرت تتنفس: ههههههههههههههههه
حلوه هههه والله لوتعرف ههه وش تقولين عنها هههههه كان تذبحك ههه
ميثاء: صبايا ضحكونا معاكم
فدوى: ولاشي بس كنت أقولها
نكته
ريم كانت كاشفتهم: نكته ولا تحشون في الناس ؟؟
مها: ههه لانحش في القرود ههههه..
************************************************** **********
خلونا نشوف ناس في عالم ثاني.. عالم خالي من
المشاكل...
عالم محمد ونور,,
محمد كان يراسل نور بالموبايل
محمد(وينك ؟؟)
نور(موجوده..)
محمد (نوور..
وش رأيك نجدد أيام زمان ونروح لنا شي دوله..؟؟ شهر عسل بعد العيال )
نور (والله فكره..بس وين راح نروح)
محمد (وش رأيك بباريس)
نور (لا أسبانيا أحلى..)
محمد (ولا يهمك حبيبتي أسبانيا..فرنسا..إيطاليا..المهم نكون مع بعض)
<<< يحليلهم عايشين حياتهم
************************************************** **********
فــــــرشة الحريــــــم
...هند كانت جالسه لحالها وتشوف نظرات فهد لهيثم وفي نفس الوقت تشوف علامات الأستفهام على وجه هيثم...
هند تمسك رأسها"ياربي"
: مها قومي نروح نتمشى شوي
مها: أسمحيلي حبيبتي ماقدر
هند: طيب فدوى
فدوى: لا ماأقدر عندي شغل..(الشغل هو مراقبة رهف وخالد)
هند: اوووووف يقال لهن صديقاتي
"وراحت تتمشى لحالها..
فهد أول ماشافها راحت بروحها راح وراها.."
خالد يصرخ: فهد وين رايح ؟؟ فهييد..
************************************************** *************
اكذب عليك ان قلت غيابك شي عادي..اضحك وانا من جور الايام مجروح.. جرح توسط في حنايا فؤادي..
ليت الجروح ضيوف يومين وتروح.. بعثر ورقنا هالزمان الرمادي..
واصعب شي على الانسان غيبه الروح..
************************************
مشت مسافه بعيده عنهم..كانت تطالع النجوم ومو حاسه في فهد الي ماشي ورها.. وفجاءه....
فهد بهدوء: هنــــــد
هند ألتفتت عليه: أنت..
ليش لأحقني ؟؟
وش تبغى بعد ؟؟
فهد: هند أنا ماقدرت أتفاهم معاك بالموبايل و...
هند تقاطعه: فهد خلاص ماعاد بينا كلام "كانت تبي تمشي بس فهد مد أيده ومسك أيدها بقوه"
فهد: هند سمعيني..
هند بعصبيه: قتلك مابغى أسمع شي
فهد يصرخ في وجها: هند قلت راح تسمعي يعني راح تسمعي..
هند فاتح عيونها أربع أربع مو
مصدقه "هذا أكيد مو فهد.."
فهد أخذ نفس: هنـد..
أنـــــــا أحبــــــــــــــك
ومستحيل أتخلى عنك.. هند أنتي كل شي بنسبه لي.. أنتي لو تطلبين روحي أعطيك أيها..هند أنتي ما تعرفين غلاك عندي..
هند: ..............
فهد ترك أيدها بشويش: وش فيك ساكته..؟؟ قولي شي
"نزلت دمعه على خدها..مسحتها وبعدين قالت بحزن والعبره خانقتها:
قلبي شايل عليك كثير يافهد..
فهد أنت جرحتني من جوا..
فهد: كنت مغمض وألحين فتحت.. وكل المعاذير أعتذرت
هند بشهقه: وش يفيدني أعتذارك ألحين..
فهد: هند أفهميني أنا أحبك
وما أقدر أعيش من دونك...
هند وهي تبكي: فهد أرجوك خلاص
فهد: خلاص بنسبه لك..بس أنا أتعذب ياهند.. أتعــــــذب
"هند جلست في الأرض وصارت تحط التراب على ركبها وتبكي وتصرخ":
أنا أحبك.. أحبك يافهد..
والله أحبــــــك
ارتحت
فهد جلس على ركبه: وأخيرا أعترفتي ياهند..أخيرا.. من زمان وأنا أنتظر هالكلمه منك.. من زمان ياهند..
"وعادت المياه لمجاريها.."
وبعد ماتصالحو رجعو عند أهلهم وكل واحد أبتسامته ماتوسع وجهه..
وكل شوي يطالعون بعض ويضحكو...
************************************************** **********
بعد هاليومين الحلوين قررو يرجعو الرياض لأنه عيالهم عندهم دراسه..
أما عن هيثم فهو خطب هند من أبوها وهي طبعا رفضت..
وفهد أعتذر من هيثم عن ليلة البارحه على أساس أنه كان معصب من شي خاص به...
والبنات ودعو ميثاء ومهره
على أمل يلتقو مره ثانيه..
..
********************************
....الجــــزء الســـــادس....
مــســــ السبــــــت ــــــاء
أم عبدالله كانت جالسه في صاله مع عبدالله يسولفون..
أم عبدالله: عبدالله كيف كان حكيه هذا الإماراتي؟ وش
أسمه ؟؟
عبدالله: هيثم يمه هيثم
أم عبدالله: أيه هو كيف كان حكيه ؟؟
عبدالله: والله يايمه كلامهم زين
واجد..لا وبعد ما يقولون أيه
يقولون هيه
أم عبدالله: أيه سمعتها هذي أم ميثاء لما أقولها أم ميثاء
تقولي هيه
وماعرفت معناها ألا من عند مشاعل
عبدالله: ههههههه
"نزلت عليهم دانه"
دانه بهدوء: مساء الخير
عبدالله: وش فيها البقره
هاديه اليوم ؟؟
دانه: عبود اص
أم عبدالله: تعالي ياحبيبتي..تعالي.. وش فيك ياقلبي ؟؟
دانه بحيا: امممم يمه حبيبتي أنا
أم عبدالله: أنتي أيش ؟؟
دانه: أنا موافقه على ماجد
ام عبدالله: هذي الساعه مباركه يابنيتي
كلللللوش
عبدالله: مبروك ياالبقره
"دانه عطته نظره"
عبدالله بادلها نفس النظره: أحترمي نفسك ولأ ماراح أوافق
أم عبدالله: مالك دخل في بنيتي.."وتطالع دانه" أنا راح اقول لأبوك أنك موافقه وأخليهم يحددون يوم العرس..
دانه مدت لسانها على عبدالله: اااااا
************************************************** **********
بيــــــــت بــــــــو
عبــــــــد العــــــــزيــــــــز
كانو جالسين في غرفتهم هي جالسه على طاولة التسريحه تحط ميك اب.. وهو
جالس على طرف السرير يطالعها..ويفكر كيف راح يفاتحها بالموضوع..
ليلى 22: عبدالعزيز
عبدالعزيز يطالع الأرض ويفكر: ...............
ليلى: عبدالعزيز
عبدالعزيز طالعها: نعم
ليلى: هههه وين وصلت ؟؟
عبدالعزيز: لا معاك
ليلى بدلع: عزوزي.. أبغى أروح السوق أشتري أغراض حق العرس...
عبدالعزيز بهدوء: ليلى أبغى أقولك شي
ليلى ألتفتت عليه: خير وش فيك..؟
عبدالعزيز: ليلــــــى... أحنا صار لنا أربع سنين متزوجين و....
ليلى دمعت عيونها: وللحين ماجبنا عيال صح ؟؟
عبدالعزيز: ليلى أنا والله أحبك
بس وش أسوي أهلي يبون يشوفون عيالي وأنا أبغى عيال يشيلون أسمي وأنا ماأعرف الله متى يأخذ أمانته..
ليلى: تبي تتزوج ؟؟ أتزوج
ماعندي مانع
عبدالعزيز: ليلى
ليلى تقاطعه: ولايمهك تزوج..
ولأ أقولك أنا راح أدورلك على
أحلى بنت في الرياض عشان تتزوجها
"عبدالعزيز يطالعها بستغراب"
ليلى: وش فيك تطالعني ؟؟
تظن أني أطنز عليك؟؟ لا حبيبي أنا أقول الصدق..
عبدالعزيز وهو خايف عليها: أنا أقول... نأجلها كم يوم أوكيه
ليلى: يكون أحسن حتى يكون عندي وقت وألقى البنت المناسبه..
"عبدالعزيز طالعها بستغراب وطلع من الغرفه وهو مو مصدق الي صار داخلها...
كلها ثواني وأنفجرت ليلى بكى وصارت تشهق من كثر البكى"
************************************************** **********
بـــــــيـــــــت ســـــــعـــــــد
فدوى لبست برمودا جينز وتيشيرت أبيض وحطت ميك أب وكانت مره كيوت لبست عبايتها...وراحت غرفة فهد..
فدوى تفتح الباب: فهييييييد
فهد بعصبيه: أنا كم مره قايلك
دقي الباب قبل ماتدخلين ؟؟
فدوى: إذا من بدايتها معصب راح أخلي السواق يوديني
فهد: وين رايحه ؟؟
فدوى: بيت عمتي
فهد: أوديك أنا مو أحسن ؟؟
فدوى تبي تنرفزه: لا لاحبيبي
لاتعب روحك..السواق بيوديني
فهد: لاحبيبتي لاتعب ولاشي..أنا أصلا لما أوديك أحس براحه نفسيه...
فدوى: كذاااااااااااب
فهد يتهرب: يله بسرعه هنوده تنتظرك
فدوى: السالفه فيها هنوده ها.
فهد: السالفه لو مافيها هنوده ما تسوى...
فدوى: ياعـــــيني عل حـــب..
فهد: يله قدامي بسرعه..
*********************
قـــــدام بيـــــت بومحمـــــد
فهد وقف سيارته ونزل مع فدوى..
فدوى: هي وين رايح ؟؟
فهد: أوصلك للباب حبيبتي
فدوى تطالعه بنص عين: اه نصـــــاب
فهد: طالع عليك
"وصلو للباب الداخلي ودقو الجرس...هند كانت تنتظر فدوى بصاله وأول ماسمعت الجرس راحت ركض للباب.."
(هند كانت لأبسه تنوره جينز فوق الركبه وقميص أخضر نص كم...وحاطه ميك اب يناسبها كثير يعني كانت جذابه بمعنى الكلمه)
هند تفتح الباب: هلااا ببنتــــ....
"وأول ماشافت فهد قدامها سكتت وفتحت عيونها وفمها على الأخر.." يمـــــــــــــه
..وركض لداخل البيت..
فهد ألتفتت على فدوى: قمر بسم الله عليها
فدوى وهي تضربه على كتفه:
أنت ماتستحي ؟؟ مايكفي خرعت البنت ؟؟ يله أنقلع من قدامي انقلع
فهد: هههههه رايح بس سلميلي
على القمر الي جوا
فدوى: تحبها ؟؟
فهد طالعها: مالك شغل في كلام الكبار... يله دخلي
************************************************** ********
فــــــي بيــــــت بومــــــاجد
(في غرفة مها)
مها كانت تسولف وتضحك مع عبدالله بالموبايل...
عبدالله: مها..
مها: عيون مها
عبدالله: أنتي تعرفي أن عرس دانه وماجد بعد أسبوعين
فأنا قلت بما أن في العرس الكل راح يكون مشغول..
مها: أييه
عبدالله: وش رأيك نشوف بعض ؟؟
مها بخوف: أنت جنيت ؟؟
عبدالله بزعل: إذا كنت أحبك وأبغى أشوفك أكون جنيت...
مها بدلع: ياحبي لك
"وفجأه أحد فتح باب غرفتها بقوه..وأول ماشافته مها طاح موبايله من أيدها.. وحطت أيدها على فمها وأشهقت "
هاااا
************************************************** ********
فـــــــ الشـــــــركه ـــــــي
فهد كان جالس ورى مكتب محمد ويكتب رساله لأحد الشركات الي يتعاملون معهم..
وخالد كان يتأمله ويفكر..
وفجأه قال بصوت مهزوز:
فهد أبيك تساعدني
فهد بخوف: وش فيك خلود ؟؟
خوفتني
خالد نزل رأسه: أنا..فهد أنا
فهد: خلود وشفيييك ؟؟
خالد طالعه بخوف.وبعدها أخذ نفس: ااووف...
فهيد أنا متزوج..
"فهد فتح فمه وعيونه من صدمه وبعدين قال بكل هدوء": لحظه لحظه...أنت تقول الصدق ولأ تمزح..
خالد بعصبيه: من متى نمزح فهالأمور يافهد ؟؟
فهد وهو مو مصدق الي يقوله: طيب..متى ؟ وكيف؟ وليش؟ وبنت مين..؟؟؟
خالد: من 8 شهور..
فهد: الله أكبر عليك..
ومن هي؟؟
خالد: وحده عندي بالجامعه..بريطانيه
"فهد حط أيده على راسه وغمض عيونه..وبعدين طالعه وفي عيونه نظرة عتاب":
الله ياخذك قول أمين... ياخي أنته ماتخاف أمك يصير لها شي لما تسمع هالخبر ؟؟
خالد بعصبيه: فهيد أنا ماقلت لك عشان تعاتبني قلت لك عشان طلعني من هالمشكله..
فهد بهدوء: طيب طلقها
خالد بلع ريقه: مايصير..
البنت حامل
فهد فتح عيونه عل الأخر: رحتي فيها ياعمتي مشاعل
خالد وهو يقوم: اااووه وأنا أقول محد راح يفهمني غير فهيد.. وأنت طلعت غبي وماتفهم شي
فهد: وأنا وش تبيني أسويلك يعني؟
"خالد جلس بالكرسي وجلس يفكر وش راح يسوي بهالمصيبه الي وقع نفسه فيها"
************************************************** ********
فــــي بيــــت بومــــحمد
(غرفة هند)
هند وفدوى جالسين في سرير
هند يطالعون مجلات أزياء..
فدوى: وش رأيك في هذا ؟؟
هند: لا لا ماراح يناسبك أبد.. أنتي يبغالك فستان وردي عشان يبين جمالك..
فدوى بغرور: أيه..هذا هو الحكي الي ينقال..
هند تطالعها: يووه عشان كلمتين أنتفختي علينا.. أجل لو قلنا أكثر راح تفجرينا..؟؟
فدوى ترفع راسها فوق: حبيبتي.. أنا فدوى بنت سعد
ال(........) من حقي أفتخر بجمالي
هند وهي تنزل لها راسها تحت: عشنا وشفنا..بنات أخر زمن..
ألا يسمعو أم محمد تناديهم تحت: هند فدوى.. نزلو يمه أبيكم
"البنات نزلو لها تحت"
هند: ها يمه وش بغيتي ؟؟
أم محمد: هذا التلفزيون مايشتغل مادري وش فيه..
فدوى: عمتي عطيني الرموت
"وصارت فدوى تقلب في هالتلفزيون شرق وغرب وهند تساعدها..
وفجأه دخل عليهم خالد.. فدوى كانت حاطه الشيله على كتفها .."
فدوى وهي تحط الشيله على راسها: بسم الله الرحمن الرحيم
خالد أنبهر بجمالها..بس ماحب يبين لهم هالشي: ليش شايفه جني ؟؟
فدوى: لا شايفه حمار..
خالد: حمار في عينك ياالبقره
فدوى بعصبيه: أنا البقره.. هين ياخلود أوريك منهو البقره
"فدوى أخذت كوب المويه الي قدامها وصبته في وجه"
هند ميته ضحك: هههههه مافي أحد يقدر عليك غير فدوى ههههه
..خالد يطالع فدوى بعصبيه..
فدوى بستهزاء: يمه خوفني ..عمتي خبيني وراك
خالد بعصبيه: طيب.. أوريك ياالبقره.. أن مارديتها ماكون خالد
"خالد مع نفسه وهو يطلع الدرج: بس والله تجنن أنا
..وين عنها من زمان ؟؟"
************************************************** ********
(أنتظر تعليقاتكم ع القصه.. وإذا شفت الردود الزينه اكمل القصه هلله هلله بالردود)
__________________________________________________ __________
يسلموووووو علي الرواية الحلو ة
__________________________________________________ __________
يسلموؤوؤ حياتوؤ ع الروايه
نااااااااااااايس
يسلموا يالغلا
روايه حلوه
ماننحرمش من جديدكـ
